·!¦[· من غلاك ·]¦!· وكثـُر مـٍاحبـًكـ حتٌى درُب الطـٍويُه حبــٍـيتهٌ.. - الصفحة 9

ذبحــ الحب ــني · 07-04-2009, 09:32 PM

الغاليه وينج اليوم السبت وبعدج لين الحين ما نزلتي البارت __DEFINE_LIKE_SHARE__

‏جرؤح آنسآنـِہَ · 07-04-2009, 10:53 PM

الحين دقايق بس بحطه ..

برب .. __DEFINE_LIKE_SHARE__

‏جرؤح آنسآنـِہَ · 07-04-2009, 11:14 PM

[align=center]
في بيت بو خليفة ..

جواهر قامت ودخلت الحمام ( اكرمكم الله ) تسبحت وتكشخت .. ورد طرأ على بالها عبدالله .. ياربي بلانيه .. انا شو ابي فيه انا لازم اعتذر له .. عشان ما أي على بالي .. يمكن انا مزعلتنه من جي أي في بالي وايد .. ياربي يا عبدالله .. ياليتني ما زعلتك ..
اوه تذكرت شواخ .. وابوي جان انساها هاي الديايه .. ترقد .. وابد ماتقوم .. خلني ادق لها

جواهر : مرحبا الساع عنوني

شواخ : نعم

جواهر : هه الناس يسلمون

شواخ : وعليكم .. شو تبين من الصبح

جواهرانتي قلتيها من الصبح .. شو عندنا ؟

شواخ : اوه اجلبي ويهج .. نسيت اني في المدرسة هع

جواهر : هههه الله يهديج

شواخ : شو شايفتني مينونه ويج

جواهر : عاشت بنت الفجيره هه

شواخ : فديت بنات الفجيره انا .. ليش مب عايبينج

جواهر : هه كيف مب عايبني وانا منهم

شواخ : وانا اقول .. الشيخة ليش اتقول جي ..

جواهر : هه بلاج انتي جأنج اول مره اتعرفين اني من الفجيره

شواخ : اتصدقين بديت اشك انج من الفجيره

جواهر : ههه ويا ويهج قومي بسج ارقاد .. بنتأخر

شواخ : هه غيري السالفه .. شعليج انتي بس

جواهر : بس عاده ذبحتينا قومي .. ريحت حلجج واصله عندي

شواخ : مالت عليج احلى عن ريحه حلجج

جواهر : يالله بخليج قومي لا تردين ترقدين

شواخ : اوج .. باي

جواهر : طاع الدفشه اشكريني لاني قومتج

شواخ : نعم .. يالله باي

جواهر : وفقتج ما تستاهلين حد يقومج .. قومي وقومي الدريول وياج

شواخ : هع .. اوج .. بباي

جواهر : بباي رجل البحار

شواخ : هه انتي ما تبين اتسكرين شو ..

جواهر : شو اسوي مادري بلايه اليوم

شواخ : استويتي شراتي هع وين امي عنج

جواهر : خيبه وايد اتأخرنا قومي يالله مع السلامه

شواخ : بباي

وبندت جواهر عن شواخ .. ونزلت تحت في الصاله .. ولقت امها وابوها ..

جواهر : صباح الخير يا احلى ام وابو بالدنيا

ام خليفه وابو خليفه : صباح النور يا احلى بنت بالدنيا

جواهر : امايه ابويه عيب تسرقون الرمسه هع

ام خليفه : وابوي بلاج بنتي اليوم ؟

جواهر : هاه مااشي ماشي

ام خليفه : اتحسب بعد ..

جواهر : تطمني امايه ماشي .. ويه ماي داد ليش ساكت

ام خليفه : شو ماي داد بعد

ابو خليفه : الله يهداج .. ماتعرفين عنجليزي نفس ما انا اعرف

جواهر : هههههه ابويه .. اسمه انجليزي

ابو خليفه : اشفيج يا جواهر .. فشلتيني عن امج

جواهر : هع ابويه عادي عادي

ابو خليفه : الله يهداج امج ما تعرف عنجليزي لا تتحرطمين عندها

ام خليفه : اشو ماعرف انا اعرف غنجليزي نفس ماتعرف انت

ابو خليفه وجواهر : هههههههه

جواهر : امايه انجليزي .. شو غنجليزي بعد عاشت ابويه عنجليزي .. وانتي غنجليزي

ام خليفه : شو اسوي يابنتي ابوج قال يعرف عنجليزي قلت شراته

جواهر : يالله عيل امايه تبين شي انا رايحة

ام خليفة : يابنتي ما كليتي شي تمي شوي

جواهر : لا امايه تاخرت على شواخ

ام خليفة : اوك فديتج ربي يحفظج

جواهر : ابويه .. تبي شي ..

ابو خليفه : لا فديتج .. شدي حيلج

جواهر : ان شاء الله ..

حبت رأس امها وابوها .. وتمت تتريا شواخ لين ماييت .. جواهر .. طول الوقت ساكت واتفكر بولد عمها .. شواخ استغربت ..

شواخ : جواهر بلاج .؟

جواهر : هاه ماشي ..

شواخ : جواهر مب عليه انا .. انا شواخ ..

جواهر : اتعرفين .. اني من متى افكر في عبدالله .. اكيد زعل مني .. بس انا ما قلت شي ..

شواخ : ماعليج اخويه مايزعل .. يسولف وياج ..

جواهر : امم شرايج .. وسكتت

شواخ : بشو .؟

جواهر : بي بيتكم وبراضي عبدالله .. عادي وله

شواخ : افا عليج البيت بيتج .. بس لاتمين جي ما تعودت عليج تسكتين

وشوي وصلوا جواهر وشواخ .. المدرسه .. وجافوا بنت عمهم ميره .. من متى ماجافوها .. قعدوا يسولفون وياها .. ويسألونها عن الدراسه .. وجواهر للحين ساكته شواخ .. دزت جواهر

شواخ : بلاج مب اخويه يسوي بج جي

جواهر : اتعرفين اني ماحب ازعل حد
انا بروح مابي اتم .. عقلي مابيستوعب شي

شواخ : لا شو تستهبلين .. اذا روحتي شو بتقول امج

جواهر : هي صج .. خلاص بحضر كمن كلاس وبروح

شواخ : هي جي اوكي ..

جواهر : خلاص تم .. بس انخلص جي في الفثحة بنروح .. الا بتخبرج عبود ما بيكون بالبيت صح

شواخ : هي صح

جواهر : خلاص انا بسوي الاكل .. دقي لامج وقوليلها

شواخ : هه انتي من صجج امي ما بترضى ..

جواهر : بليز اقنعيها .. ابي اراضي عبود ماعرف كيف ..

شواخ : هه الله يخليج مب جي .. انا برتب لنا ظهره اليوم .. عبود ما يخلينا نظهر ويا الدريول وايد .. اكيد اهوه بيودانا
جواهر : اوج انتي دبري وقوليلي ..

يالله وشوي يضرب الجرس .. يالله نروح يات ابله مريم .. اوج يالله .. وراحوا شواخ .. وجواهر .. الكلاس .. ودرسوا كمن حصه .. وعقب راحوا للمديره .. يبون يروحون .. والمديره عادي رخصتهم .. دقوا حق البيت .. وياهم الدريول ورحوا .. قبل لا يروحون راحوا الشيشه .. وخذولهم كمن غرض .. واكل .. وروحوا ..وشوي وصلوا البيت .. وجافوا سلطان بروحه .. تموا يسولفون وياها .. وعقب راحوا يرتاحون شوي ..
فجأه على الغدى ياي عبدالله .. وجواهر .. استحت منه لانها مزعلتنه .. فقامت وما كلت شي .. وعبود لحقها بدون محد يحس ..

عبدالله : جواهر جواهر .. لحظة

جواهر : ياربي شو يبا ( فخاطرها )

عبدالله : جواهر ليش قمتي .؟

جواهر : لا ماشي .. بس شبعت

عبدالله : بس صحنج فاضي ماكليتي شي ..

جواهر : دمعت ..

عبدالله : رفع راسها .. بلاج بنت العم ..

جواهر : انا اسفه .. ماحب حد يزعل مني .. مب قصدي اني ازعلك ..

عبدالله : ليش انتي شو سويتي .. انا مب زعلان منج ..

جواهر : يوم قلت لك شيبه ..

عبدالله : ههه كنت اتمصخر وياج الله يهداج .. مازعلت .. بس تبين الصج .. انتي نبهتيني لشي .. اني انا شيبت .. وللحين ماعرست ولا شي ..

جواهر : اويج .. خلاص انا بدور لك ..

عبدالله : لا انا لقيت .. بس بعدها ياهل ..

جواهر : اها .. ممكن اعرف منو .؟

عبدالله : اهات .. عقب بقولج .. بس يتم سر بيني وبينج ..

وشوي طبت عليهم شواخ الدفشه .. بوووو
وجواهر طاحت في حظن عبدالله .. لانه شواخ ظهرت لهم فجأه
عبدالله : مستحي .. وجواهر حست بعمرها .. رواحت عقبها فوق .. وتمت اتصيح من الحركه .. وزعلت من شواخ ..

عبدالله : حرام عليج شو سويتي ..

شواخ : هه مب قصدي .. من قدك طاحت بحضنك ..

عبدالله : قومي عني لاه .. روحي شوفيها .. هاي ضيفه عندنا

شواخ : انزين بلاك مهتم ابها جي ..

عبدالله : ها لا ماشي ..روحي شوفيها .. وانتي ساكته

شواخ : اوف انزين ..

وراحت شواخ اتجوف جواهر .. وجواهر .. مسكينه كانت راقده .. وشاخ اتلومت في البنت .. اترعف انه جواهر .. وايد اتخاف .. وماتحب هالحركات .. وخاصه انها طاحت في حظن عبدالله واهيه من قبل متلومه فيه .. شواخ راحت لعبدالله .. وكلمته واقنعته انه يظهرهم .. وعقب الكل راح يرقد .. وعالعصر .؟

عالعصر في بيت بو محمد ..

ام محمد : يامحمد ياولدي ما يصير جي .. اقعد ارتاح .. مب كله شغل .. اقعد ويا حرمتك وولدك ..

محمد: امايه شو تبيني اسوي .. وشركة ابويه ..

ام محمد : ماعليك .. انا بكلم ابوك .. يديرها .. نره انته ومره اهوه

محمد : لا امايه ابويه تعب .. من الشركه .. مافيني يصيبه شي ..

ام محمد : ماعليه الا كل شر ..

محمد : امايه .. وين خواتي ..؟

ام محمد : وحده بغرفتها .. والثانيه اكيد قاعده تدرس ..

محمد : زين الله يوفقهم .. وحرمتي وين ..؟

ام محمد : وين يعني .. اكيد بالمطبخ اتسويلك غدا

محمد : اوج امايه تامريني بشي .. بروح عند حرمتي ..

ام محمد : لا ابويه .. بس دير بالك عليها وعلى ولدك ..

محمد : من عيوني يالغاليه .. باس امه وارح ..

والا شوي كان محمد داخل المطبخ شرات الحرامي .. طاااااااخ .. طاح القلاص اللي بأيد حرمته ( ام سعيد ) ..

بوسعيد : حبيتي .. صار لج شي .؟

ام سعيد : لا فديتك .. بس خوفتني. ..

بو سعيد : حظنها ..

وعقب يات ام محمد تركض .. خايفه انه شي صاير .. جافت ولدها محمد ( بو سعيد ) حاظن حرمته .. وجافت القلاص طايح .. وشكرت ربها انه ماصار لهم شي .. وراحت ام محمد تكلم ابو محمد عن الشركه ..

ام محمد : عايبنك حال ولدك محمد ..؟

ابو محمد : لا .. بس شو بيدي اسوي ..

ام محمد : ان اعندي حل .. انته مره ادير الشركه ومره اهوه .. ولده ماصار يشوفه .. وحرمته ماصار يقعد وياها ..

ابو محمد : خلاص الغاليه .. تامريني امر .. بس خليني .. شوي افكر .. يمكن ادير الشركه .. وعقب عمرن طويل صار لي شي .. بخلي محمد يمسكها

ام محمد : فديت بو عيالي انا .. الله يخليك لي ..

ابو محمد : جرووحوه انتي شو اتسوي هني عيب عليج .. هع

جروحه : حبيت اخذ جوله .. اجوف العيايز شو يسون ..

ابو محمد : عيب عليج يا بنتي

واخيرا .. قامت .. ميره .. وقاعده بالصاله بروحها .. تطالع تلفزيون .. ولا اييها مسج .. من شواخ .. انه تظهر وياهم .. شواخ .. فرحت انه حد يذكرها .. راحت وخبرت امها .. وطبعا شواخ .. اتعرف انه شيوم .. اتحب عبدالله .. بس ماقلت لها .. ودقت حق شواخ ..

ميره : السلام عليكم ..

شواخ : وعليكم ..

ميره :اشحالج .؟

شواخ : تمام من صوبج .؟

ميره : انتوا وين ..

شواخ : قريب بيتكم ..

ميره : اوج اترياج .. منو وياكم ..

شواخ : انا وجواهر وعبدالله وبث

ميره : اوج .. سلمي عليهم .. بباي

شواخ : باي ..

في السياره .. عبدالله مشغل اغنيه ..

حبڪ سڪِن ڪِل النۈآحيـﮱ

.............................. ۈأصبح غذىـﮱ دميـﮱ ۈالعـِرۈق
إטּ زآرنيـﮱ طيفڪ ولآحيـﮱ
.............................. القلـِب يتشـِآفـِق بـِـِـﮧ شفـَـَـَۈق
لۈ هـِۈ مـِآ يبليـﮱ يـِرآحيـﮱ
.............................. يـِآ غ ــِير منـِـِـِـﮧ بــِآلـِـِيـﮱ رۈۈۈح

وشواخ : شكت بالسالفه .. يالعاشق حق منو هاي ..

عبدالله .. كان سرحان يطالع جواهر .. ومسوي طاف لشواخ << يحليلها هالبنت

شواخ : الوووو ..

جواهر : ههه .. عبدالله .. اختك اترمسك ..

عبدالله : هاه هي .. شو تبين ..

شواخ : ماشي .. بس امم .. حق منو هالاغنيه ..

عبدالله : مب منتبه وقاعده يطالع شواخ ..

شواخ وجواهر : عبووووووووووووووووود

وإلا شوي ..

طاااااااااااااااااااااااااااااااااااااااااااااااخ ..

ميره : اوه .. وايد تأخروا مرت ساعه .. ليكون صار لهم شي .. ميره تمت تتريا

واخر شي ..

ميره : لااااااااااااااااااااااااااااااااااااااااااا

والسموحه على التأخير ..
ابي توقعاتكم ..[/align] __DEFINE_LIKE_SHARE__

رهيفة القلوب · 07-05-2009, 12:12 AM

[~ تسلمــــين ـآلــغــلـآ ع ـآلــبـآرت ـآلــروعــهـ و نـرقـــب ـآلــبـآرت ـآلــيـآي ع ـآحـــر مــن ـآلجــــمـر ~] __DEFINE_LIKE_SHARE__

‏جرؤح آنسآنـِہَ · 07-05-2009, 12:55 AM

ربي يسلمج عنوني ..

تسلمين ع المرور .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لماذا يرسب الطلاب في الامتحانات؟	محروم.كوم	منتدى أخبار المواقع والمنتديات العربية والأجنبية	0	02-18-2010 03:30 PM
لمآذآ يرسب الطآلب ..؟؟!!!	نبض روحي	الطلاب والتعليم والجامعات	19	09-12-2009 06:04 AM
لماذا يرسب الطلاب في الامتحانات ؟	محروم.كوم	منتدى أخبار المواقع والمنتديات العربية والأجنبية	0	06-07-2009 03:23 PM