[align=center]راشد : والله اعرف اعرف حبايبي اعرف اني غلظت بس موذنبي مو ذنبي

البارت 7

راشد : كله من ربعي كله منهم قصوا عليه وانا بعدني ياهل مادري بالدينا كلكم ظلمتوني وانا ماعرف وين اروح شديت حيلي وساعدت عمري واشتغلت ومن يوم السالفه اللي صارت وانا ماعرف شي اسمه ربع .. كنت ادروكم وافكر كيف افواجهكم .. بس انتوا اللي خليتوني ابعد عنكم كل هالسنين لو ما الصدفة اللي صارت في المول جان ماعرفتكم

أم عبدالله : بس ياراشد الماضي راح الحين وانته الحين بينا ونحن خلاص مسامحينك وله شو شوركم يالاهل
الاهل: شورنا من شورج مانبى ننبش الماضي ولا انظهره الحين اللي فات مات والله يعوضنا بالايام الحلوه ..
البنات والاولاد : يس .. فديتكم .. وفديت خالي ..

قصه راشد ياجماعه .. كلها كانت بسبب ربعه الفسد .. رفقاء السود ..
اللي ما نخلص منهم ومن بلاويهم .. راشد يوم كان عمره 19 او 20 كان عنده ربع
.. واهم 4 تقريبا .. وكان وايد وياهم .. وكان مايعرف شي .. صح انه ريال ..
بس الدنيا ماعلمته امورها ولا حياتها .. راشد كان .. يتعاطى مخدرات ..

في ذيج الليالي ..
أحمد : رشود رشود
راشد : هلا احمد
أحمد : رشود بلاك ؟
راشد : راسي يعورني ياخوي
أحمد ( ياته الفرصه انه يدخل حد لشلته )
راشد : شوفيك جي تطالعني
أحمد : بعطيك شي يخليك تنسى عوار الراس وتستانس وتنسى الدنيا
راشد : اه اه عطني والله الالم يزيد
أحمد : هاك هالحبه .. وماعليك .. وروح ارتاح عقب وقولي رايك
راشد : ( بخوف) : هاي حبه شو ..
أحمد : انته جربها ولا تخاف ..

راشد مع الايام تم ياخذها لين ما اكتشفوا اهله .. كثرت سهراته وطلباته البيزات .. وعدم اهتمامه بأي شي غيرها ..
راشد انخدع من ربعه اللي هم كانوا اعز ربع له .. لكن ماقول غير الله يهديهم

أم محمد : صج كبرت وصرت ريال يا راشد .. والله ماكنت ابيك تكبر الا بين عيونا بس اللي صار .. اه من اللي صار ..
محمد : خلاص امايه فديتج طاح الحطب .. وا اذكرون خالي بهالشي .. خلنا نفتح صفحه يديده .. ونستانس .. مدام العايله ملتمه هني ..
جواهر : صدقه محمد خلنا نفتح صفحة يديده ..
العيايز والشياب : ياعيال بعد ماخلصتوا المدرسه .. وطاف عليها وقت وايد .. نحن كنا مسووين مفاجأه .. انا انسفركم .. شورياكم..؟
البنات : ياااي وناسه ( وراكضوا يحبون راس اهلهم )
راشد ( اه ) : عيل اانا بترخص
شواخ : لا وين تو الناس .. تم عشاني .. وعلى فكره بتسافر ويانا يعني ماشي .. وخلاص بتبات عندنا ..
راشد : هاه لا ماقدر ..
شواخ : شنو ماتقدر ..
راشد : ياجماعة انا ماقدر اسافر وياكم شغلي مايساعد
شواخ : اه دخيلك خالي خذ اجازه ( وتمت اتصيح )
راشد : راح وحظنها / خلاص فديتج .. بحااول

ومر هاليوم على خير .. وانحلت مشكله راشد والاهل سامحوه على اللي سواه .. وفتحوا صفحة يديده ..

في اليوم اللي بعده في بيت بو محمد ..

شيوم : ملاك اقولج بسرعه
ملاك : شيوم ماقدر قاعده ادور لج
شيوم : ابي أي واحد أي واحد بس اهم شي .. عقب مايسوي مشاكل
ملاك : هع ياحبيبتي هذه على حسبج انتي
شيوم : اوك بس حاولي في هاليومين


ملاك طيحت اربيعتها الروح بالروح في دوامه سوده ..
في عالم الكل يعرف .. انه عالم مشاكل ومصخره وعوار راس ..
لكن شو نقول اذا اهيه عبالها انها بتقهر عبدالله بهالشي ..
بس ماتعرف شو نهاية هالشي اللي بتسويه

في بيت ام جواهر :

ام جواهر : انتي بأي حق تمسكين ايد عبدالله
جواهر : امايه عادي هذه ولد خالتي
ام جواهر : لا هب عادي هذه منقود عندنا .. هاه مهما كان ولد خالتج واللي وسويتيه عيب ..

يا خليفه اخو جواهر ..

خليفة : شو صاير امي من صباح الله خير .. بلاكم .؟
ام جواهر : تعال جوف اختك ضيعت مذهبها .. البارحه يوم مشكله خالك مسكت ايد عبدالله ..
خليفه : خالي .. منو هذه بعد ؟
ام جواهر : هاي سالفه طويله بفهمها لك عقب .. الحين شوفها
خليفه : امايه انا مب فاهم شي منو هذه خالي ومن وين ظهر .. وليش ماقلتولنا عنه
ام جواهر ( تلومت ) : تعال بقولك .. وانتي حسابج عقب

خليفه قبل كان ياهل .. يعني عمره 10 سنين .. ماكان يعرف عن خاله ... حتى اخوانه اليهال .. ماكانوا يعرفون شي عنه .. والحين خليفه كبر ولازم يعرف هالشي ..

جواهر : هع بلاها العيوز شابه نار

خلني اروح ادق لشواخ .. وراحت جواهر ادق لشواخ ورد عليها .. احم .. احم ..

جواهر : هلاو الله بالاحباب .. وينهم
......: أحم
جواهر : هلا فديتج شوفيج ما تتكلمين .. قصوا لسانج هع
......: أحمين
جواهر : بلاج أي انتي ..
عبدالله : هههههه هلا حبيبتي
جواهر : عبود ..
طوط طوط طوط
عبدالله : خيبه بالويه .. ماعليه يالدبه براويج ..
شيخوه شيخوه ..
شواخ : هاه هاه ..
عبدالله : تعالي دقي لبنت خالتج ..
شواخ : ( مستغربه ) : منو جواهر .؟
عبدالله : هي تعالي ..
شواخ : ليش شوفيها ..
عبدالله : دقت انا رديت عليها وسكرت بويهي ..
شواخ : هههههههههههههه وانته ليش معصب شو متوقع منها
عبدالله : فر عليها المخدة وظهر ..

في بيت بومحمد ..

ميره : صبحج الله بالخير امايه
ام ميره : الله يصبحج بالنور فديتج
ميره : كيف اصبحتي
ام ميره : بخير وعافيه وانتي .؟
ميره : والله بخير مدامني شايفه احلى ويه
ام ميره : استويتي شيوم الثانيه شو بغيتي ؟
ميره : خيبه امايه مابغيت الا سلامتج
ام ميره : صج زين والله
ميره : امايه الصراحه بغيت اروح بيت ارفيجتي
ام ميره : منو هاي بعد .؟
ميره : هاي اربيعتي عواش .. اخت ذياب
ام ميره : هيه زين فديتج وسلمي على امهم
ميره : انزين منو بيوديني ..؟
ام ميره : شوفي محمد ..
ميره : زين اماايه

وراحت ميره عن امها وركضت صوب غرفتها .. ومسكت التلفون واتصلت على عويش ..

هـَـڷآ بــِگ أڷـِـِف تــَـږحيبـَــﮧ . . هـَـڷآ بــ مـطـِـِـِۈڷ آڷـڠيبـَـﮧ
منْ آڷفـږحـَـﮧ أنآ مدږيـﮱ . . فـِۈآديـﮱ إيڜ أڛـِۈيـﮱ بـﮧ ؟

هع هاي رنه عويش ..

وتم فون عويش يرن لاكن ماشالته ..
وفجأه ذياب مر من غرفه عواش وسمع تلفونها يرن ..
وراح تسلل لحجرتها مثل الحرامي .. وشال فونها .. وجاف مكتوب اسم حبيبته ..
ذياب : ارد وله ارد وله ..

والفون بعده يرن
ذياب : ارد يالله خلني ارد لاه .. لا لا بخرب كل شي
قعد الفون بكل هدوء وظهر ..
عويش : شو اتسوي بغرفتي ..؟
ذياب : هاه فونج كان يرن ..

عويش : ربعت عرفت انها ميره ..
وخافت لأخوها رد عليها وخرب كل شي .. لكن عقب تطمنت ..
يوم جافت انها مكالمات لم يتم الرد عليها ..
عواش ظهرت عند اخوها ذياب ..
عشان اهيه ماقالت له شو بتسوي ..

عواش : ذياب .. اليوم في حد بينا تزهب ..
ذياب : منو .؟
عواش : انته تعرف .. مايحتاي تسأل حتى صوت صلبك واصل هني ..
ذياب : ااااااااااااااااه
عواش : سلامتك .. بس يالله بيض الويه ..
ذيااب : اوج ..

وراحت عواش تتصل بميره ..
وميره قالت لها انه اهلها وافقوا وعالعصر بتكون في بيتهم ..
عواش تلبست وتزهبت .. وتمت تتريا ميره ..
وميره وصلت .. تجدمت ودقت الجرس
محد كان تحت غيره .. قام وفتح لها الباب ..

ميره :هلا فديتج .. اااااانت .. ( بخاطرها ليش ياعويش مو انتي )

..
وبس ..
هل راشد بيسافر ويا عايلته ؟
هل شيوم خلاص بتسوي اللي قالته لها ملاك .؟
الرحله بتكون حلوه وله شي بخرب عليهم .؟
ذياب بيقدر يصالح ميره .؟
جواهر وام جواهر شوبيصير من بينهم .؟

اتريا توقعاتكم ..
والسموحه[/align]