·!¦[· من غلاك ·]¦!· وكثـُر مـٍاحبـًكـ حتٌى درُب الطـٍويُه حبــٍـيتهٌ.. - الصفحة 20

‏جرؤح آنسآنـِہَ · 08-02-2009, 07:43 PM

لو سمحتوا ..

انا اكتب القصه عشان توقعاتكم .. وقلت الكم انه عندي ظروف .. وما يحتاي تكتوب وين البارت وين البارت ..

مابي قصتي بردود سطحيه .. اللي تكتب هالرمسه .. مايحتاي اترد على قصتي ..

والسموحه .. منكم .. البارت .. دقيقه وبنزله .. __DEFINE_LIKE_SHARE__

‏جرؤح آنسآنـِہَ · 08-02-2009, 08:23 PM

باليوم اللي قام فيه عبدالله الكل استانس.. ربعه يو وتحمدوا له بالسلامه وطبعا والهدايا وغيره .. صارت حجرته .. محل ورود .. وباليوم اللي عقبه .. ياي ذياب لعبدالله .. وياب ربعه وياه .. وابوه .. وكانوا اهل عبدالله عنده..

ذياب .: لو سمحتي بغينا نسأل عن عبدالله سعيد .. ممكن اتخبرينا أي غرفه ..

الدكتوره : هي .. اخويه في غرفه 509

ذياب : مشكوره ..

وتم ذياب يسولف ويا ربعه وابوه .. واهوه مستانس .. وطبعا .. خذتهم السوالف لين ما وصلوا .. لغرفه عبدالله .. وطبعا شواخ .. وميروه .. وجواهر .. وشيوم .. قاعدات .. برع .. وذياب .. قاعد يدور أي وحده اللي كلمته .. يمكن يميزها من صوته .. راح ابو ذياب ..

ابو ذياب : ريال عود .. وعمره تقريبا نفس عمر ابو عبدالله .. ويملك شركات وغيرها .. وطبعا ذياب ولده ماسك الشركات واملاك ابوه : السلام عليكم بناتي ..

الكل : وعليكم السلام والرحمه ..

ابو ذياب : لو سمحتي بغينا نتخبر هاي غرفه عبدالله صح .. ؟

ميره : هي نعم .. امرني ابويه ..

ابو ذياب : الغاليه حد وياه من هله .. يعني حريمات .. لانه نحن والشباب شرات ما اتجوفين نبي نطمن عليه ..

ميره : تفضل ابويه محد وياه

ذياب رز بويه لانه حس انه نفس الصوت اللي سمعه ... وهذي اهيه البنت .. : دام فضلج اختيه ..

الكل : انصدموا من جرأته ..

ذياب : عمره .. 22 .. ابيضاني .. خشمه .. عادي .. شعره .. مدرج .. مركب تقويم ( أحمر ) هع يجذب البنيات .. هع لا لا .. امم .. مايحب سوالف البنات والحريم .. كله من الشغل للبيت ومن البيت لربعه هع

ودخل ذياب واللي وياه لعند عبدالله .. وطبعا تعرفوا على بعض .. وظهر عبدالله اربيع ذياب من ايام الدراسه .. وتموا يسولفون .. لين ما ملوا هع من ويه عبدالله .. وعقبها ظهروا .. ودخلوا البنات عند عبود ..

شيوم( تبي تقهر جواهر ) : حبيبي شي ياك ..

جواهر ( بخاطرها ) هاي وين تبا

شواخ : بلاها اختج ميروه خرفت .. شو حبيبي بعد

ميروه : شيوم شو هالرمسه .. ما اتجوفينه تعبان .. وبعدين ليش اتقولين له حبيبي ,, مو عيب عليج

شيوم : وانتي شو لج خص .. كيفي

ميروه : الله يهديج بس

جواهر : عبدالله حمدالله على السلامه .. وما اتجوف شر الغالي

عبدالله : اللـ...ه يسـ..لمج الغاليه

جواهر : تبي شي .. شي ناقصك ..

عبدالله .. كح كح ..

جواهر : ربعت اتييب له ماي .. صحه صحه

عبدالله : علــ..ى قلــ...بج

جواهر تمت تطالع عبدالله واهوه يطالعه وشيوم منقهره منهم .. ليش عبدالله ما رد عليها ورد على جواهر .. وليش جي يطالعون بعض .. رزت بويهاا

شيوم : اقولج ميروه وشواخ .. شكله وجودنا غلظ خل العشاق يستانسون

شواخ : بس عاده انتي بلاج .. لازم مشاكل .. شو فيج ..

شيوم : عيل ما اتجوفيهم .. كيف ..

شواخ : وانتي شعليج .. شو حارنج

شيوم : جب جب انتي

شواخ : ( عصبت ) وقامت صفعت شيوم كف

الكل : شهق .. من الصفعه .. كلميني عدل .. انا مب اصغر عيالج

شيوم ( معصبه) انتي تصفعيني بعمره امي وابوي ما مدوا ايدهم علي .. وتطالع شواخ من فوق لتحت .. واتأشر لها بأصابعها .. انتي .. تضربيني ..

عبدالله : لو سمحتي اختي اشرف منج .. ظهري برع .. مابي اجوفج ظهري

جواهر: خلاص عبدالله .. خلك منها

ميره ( خاطرها اتصيح ليش شيوم جي تحرجها )

شواخ : حضنت ميروه ..

جواهر : لو سمحتي ظهر ي برع ..

شيوم : ماباجي الا انتي تطرديني ..

شواخ قامت ودزتها بقول وظهرتها ..

جواهر : بس استهدوا نحن بمستشفى .. عيب عليكم ..

ميروه : انا اسفه .. اختي جي .. ما تقصد .. ماعليكم منها انا بخبر امي عليها

الكل : ماعليه فديتج .. عادي متعودين على سوالفها

عبدالله : اوووف خاطري افهم اهيه ليش جي..

ميروه : اهيه اتحبك ..

عبدالله : مصدوم .. اتحبني . وجي اتسوي ..

ميروه : لاا اتلومها الحب عامينها .. وماتعرف كيف تتصرف .. واهيه تغار من جواهر .. مب كافي .. انه نقلوا لك دوم من جواهر ..

جواهر ( مستحيه ): خلاص ما صار اللي كل خير

عبدالله : فديتج والله يابنت خالتي .. ما اتقصرين .. هع نخدمج بالافراح ( وغمز لها )

جواهر :جروحه انتي ليش .. جي .. عيب خلينا براحتنا .. زين جي فشلتينا

جروحه : نيهاااهااهاا

ووصلوا اهل عبدالله .. والحمدالله حال عبدالله قام بتحسن .. وبعد ايام قرروا انهم يظهرونه من المستشفى .. وطبعا لازم عزيمه .. وفي يوم العزيمه عبدالله .. عازم كل حد .. حتى ذياب ..

جواهر : شواخ شواخ وينج ..

شواخ : هاه بلاج ..

جواهر : اقولج كشخيني

شواخ : ههههه انتي جوجو اللي تطلبين هالطلب .. وين القمر .. اكيد نازل هع

جواهر : عن المصاخه ويالله كشخيني يايه من وقت عشان جي ..

شواخ : مالت وانا اقول ليش ناطه بيتنا هالحزه مو عسب سواد عيونها .. عشان بس تتعدل

جواهر : خلاص ذليتينا بروح بيتنا

شواخ : هه تعالي تعالي يا جولييت هه

جواهر : شواخ بس عاد ذليتنا شكله ما بيتم حد ما بعرف بالسالفه

عبدالله ( فجأه دخل ) : أي سالفه

جواهر : هاه .. هيه ماشي

شواخ : هه بلاج شفرتي .. يا طويل العمر ..

جواهر : بس شواخ سكتي بتفضحينا

شواخ : خل حبيبتك اتقولك وشردت تحت .. وعبدالله وجواهر وراها بترابعن ..

ام عبدالله : بلاكم بلاكم جأنكم يهال .. الله يهديكم

شواخ : امايه عندي لج خبر فرش

ام عبدالله : مافي عصير فرش العرب يايين

الكل : هههههههههههه

شواخ : امايه .. قصدي خبر حلو

ام عبدالله : يالله قولي .. فشلتينا .. هاي جروحه وكل دقيقه هني ماتمل

شواخ : امايه احسن احسن ماعليج منها

جروحه : نيهاااهااا

ام عبدالله : وابوي شو هالضحكه وابوي بلاج استخفيتي

شواخ : امايه هاي جروحه الدبه

جواهر وعبدالله : يطالعون بعض ويضحكون

شواخ : بووووووو

خربت عليهم .. والله هاي شواخ .. غير شكل .. جواهر ( بخاطرها ) حلام عليج يالدبه اتعرفين اني اخاف من هالسوالف ياربي منج .. عبدالله( بخاطره ) ماعليه يا شواخ .. براويج ما اتخلين الواحد يتهنى

ام عبدالله : وبلاكم انتي جي واقفين

جواهر : هاه

ام عبدالله : شو هاه

عبدالله : امايه ماشي .. بس اطالع بنت خالتي عيب وله حرام

جواهر ( استحت )

وشواخ : عاش روميو .. العيوز كشفتهم

ام عبدالله : عيج حيلج .. انا شباب بنت 20 سنه

شواخ ( ماتت من الضحك ) :امايه دخيلج بس بس بيومن الضيوف ونحن بعدنا ما سوينا شي

عبدالله : بسج قومي عدلي حرمتي .. اجوف يالله ..

شواخ : طاع هذه بس انتي .. امايه جوفيه ..

جواهر وعبدالله طاحوا ضحك : هههههههههههههههههه

شواخ : شوفيكم .؟

اثنينهم : انتي اتكلمين منو امايه محد ههههههه

شواخ : اماااااااااااااااايه حرام عليج ..

وعقبها الكل راح .. يتعدل .. ويرتب البيت .. وعقب وصلوا قوم بومحمد .. شيوم ميكب فول .. وهذيج التنوره حأنها فستان .. جأنها بعرس ..وميره متعدله بس خفيف .. لا بسه تنوره بيج .. ويا قميصها الكت .. ولا بسه نعال بيج .. وفاتحه شعرها .. سلموا على ام عبدالله وعقب راحوا عند البنات

شواخ :هلا والله بميروتي

ميره : اهلين فديتج ..

...........:ميروه ميروه .. لحظة

ميره : امايه عندج .. جن شو ..؟

شواخ : ههه .. الله ينطبج يا جواهر .. بلاج .. حد يتكلم واهوه بالحمام

جواهر : جب جب .. الله يخليج .. مادرري منو هيج المره راقد بالحمام هه

شواخ : بس فضحتينا .. ميره هني

ميره : ههه والله انتوا كشخه

شوا خ : شو هالزين والله .. عيل وين اختج

شيوم دخلت ورافعه خشمها عالفاضي

شواخ ( بخاطرها ) انتي يايه عرس

شيوم : السلام

شواخ : وعليكم السلام والرحمه .. حتى السلام ما اترومين اتكملينه

شيوم : وايد عليج ..

شواخ : انتي شو سالفتج .. شو هالاسلوب اللي لج

ميروه : بسي استهدوا عرب تحت .. بس شيماء

شيوم : سكتي انتي لا تتدخلين

ميروه : شو ما ادخل .. وانتي كل مره مسويه شي وله قايله شي

شيوم : وانتي شعليج ..؟

ميروه : لازم اوقفج عند حدج .. مايصير جي .. اكبر عني ووله واصغر .. مايهم .. تراه لسانج .. بدا يفضحنا .. ودوم تحرجيهم برمستج .. وتجرحيهم .. حتى المستشفى ماسلم من هالمشاكل .. بس مليت .. وبدت ميره اتصيح

شيوم : اول مره اتجوف اختها بهالحاله .. انا اسفه .. ميره خلاص

ميره : قومي عني انتي ما اختي .. لو اختي جان .. حشمتيني مو كل مره اتسكتيني ..

شيوم : خلاص اسفه ..

جواهر تسمع الرمسه واهيه بالحمام .. خاطرها ترمس .. بس ماتبي مشاكل ..ميره غمضتها .. وشواخ .. خاطرها تذبح شيوم .. شايفه نفسها عالفاضي .. ورافعه خشمعها ماعرف ليش .. انزين عشو اللي عندنا عندج .. واللي عندج عندنا .. على شو هالتكبر .. زين ميروه احسن عنها واعقل عنها .

ظهرت جواهر من الحمام .. سلمت على شيوم بس شيوم سوت لها طاف وظهرت

جواهر : انا بتخبركم : هاي ليش غير ..

شواخ : خلج منها .. وقوموا انساعد امي ..

جواهر وميره : يالله قوموا

وراحوا البنات يساعدون امهم .. وطبعها .. الكل .. كان مستانس الا شيوم اتفكر برمست اختها وتتذكر شو اتسوي بجواهر وشواخ وكيف اتعاملهم .. وعقب قالت انا غبيه انا المفروض اكسب شواخ عشان عبود ليش مافكرت فكرت فيها من قبل ..

عبدالله : شواخ شواخ وينج ..؟

شواخ : انا هنيه شو تبي .. لاتدخل بنات عمي وخالتي هني

عبدالله : طرشيلي احد عشان يستقبل اخت ذياب ..

شواخ : ان شاء الله اخويه

عبدالله ( غريبه اختي مستويه مطيعه )

ميره:اول ما سمعت الاسم فرحت ذياب ماغيره .. والله انه طيب وريال والنعم فيه .. انتي ابي بلاج بعدج ياهل على هالسوالف .. انزين جروحه سكتي خلاص مايسوى علينا الواحد يقول بخاطره : اووف

شواخ وجواهر : بلاج ..

ميره : هاي جروحه ماتخلي الواحد يفكر اللي ورزت بويهاا

شواخ وجواهر : يطالعون بعض .. وفجأه ضحكوا حتى انتي .. هه الا اهيه امي ماخلتها بحالها دوم ومفشلتنها .. ماتبيها اترز فيسها لج

ميره : الله يعين خالتي

شواخ : اووووووووووه نسيت اخت ذياب .. ياربي .. وانا بعدي ماخلصت السلطة حد يروح يستقبلها ..

جواهر : ميره حبيبتي روحي لها

ميره : ان شاء الله ..

جواهر : ميره غمضتني الصراحه ليش جي شيوم اتعاملها دوم اتسكتها .. والله قاهرتني هاي شيوم .. خاطري اصفعها

شواخ : ماعليج منها هي جي نفسها خايسه .. وقلبها اسود بس يفكر بعمره

جواهر: الله يهديها بس

وراحت ميره تستقبل اخت ذياب .. وطبعا اللي موصلها ذياب .. وراحت اخته لعند ميره وسلموا على بعض .. وتم ذياب يطالعها وما خوز اعيونه عنها اه يا انج دوختيني .. ماكنت احسب اني بيوم بحب .. اكيد اهيه هاي اكيد انا متأكد منها وراح ذياب لعند الشباب ودخلت اخته وامه داخل عن البنات ..

ذياب وابوه : السلام عليكم والرحمه

الكل : وعليكم السلام

ذياب وابوه: اشحالكم عساكم بخير وسهاله ..

الكل : والله بخير مانشكي .. من جداك .؟

ذياب وابوه : مدام انتوا ماتشكون نحن شراتكم هه

ابو عبدالله : والله انته يا ذياب سوالف .. حتى الشيبه وراك هه ..

ابو ذياب: الله يسامحك انا شيبه ..

ابو عبدالله : افا عليك خلاص ولا تزعل .. مو شيبه شباب شباب ..

وتموا الشباب يسولفون .. وبعدها تغدوا .. والحمدالله قوم عبدالله ماقصروا ويا ضيوفهم ومع الايام .. ذياب تم يفكر بميره .. وطبعا زادت علاقته بعبدالله والكل كان لاهي بالدراسه والامتحانات والكل شد حيله وما قصر ..
وقبل ما تخلص الامتحانات بيوم اجتمعوا الاهل وقرروا انهم يسون مفجأه حق بناتهم وعيالهم.. وتموا يتشاورون .. لين ما قرروا

في بيت بوجواهر ..

جواهر : اماايه امااايه خلصت يا اماايه ياني مستانسه

ام جواهر : مبروك حبيبتي .. ان شاء الله ترفعين راسنا

جواهر : ان شاء الله الغاليه .. الا وين ابويه واخواني

ام جواهر : خوانج برع .. والباجين في غرفتهم .. وباباتج ظهر ..

جواهر : خلاص امايه بروح ابدل وبي عندج من زمان ماسولفنا ويا بعض

ام جواهر : اتسوين خير عيزت وانا والبشكاره اقولها شي اتسوي شي ثاني

جواهر : هه ماعليج الغاليه دقايق وبي اساعدج

ام جواهر : فديتج والله

وراحت جواهر .. تبدل ثيابها وعقب يات اتساعد امها في امور الغدا ..

ابو جواهر: ياام جواهر تعالي الغاليه خذي الاغراض من ايدي

ام جواهر: جواهر روحي لأبوج

ابو جواهر: وينكم يا اهل البيت ..

ويات جواهر تربع من المطبخ ..

جواهر : هلا ابويه وباسته عراسه

ابو جواهر : هلا بنتي .. باستج العافيه .. الا وين امج اكيد بيت خالتج وله عن اليرران

جواهر : هه لا ابويه بالمطبخ ..

ابو جواهر : الا اخبار دراستج .. خلصتي وله بعد

جواهر : خلصت ابويه .. يالله هبابنا عاد اتطلعونا ملينا من قعده البيت

ابو جواهر : ماعليج باليمعه بنروح بيت عمج بو عبدالله.. وعندنا لكم مفاجأه ان شاء الله تعيبكم وانتوا بعد ارفعوا رؤسنا وهالله هالله بالدرجات والنسب الغاويه

جواهر : ماعليك يابوي سوينا اللي علينا ..

وفي بيت بو محمد ..

ميره كانت قاعده بالصاله ويا حرمت اخوها محمد .. تلاعب ولد اخوها سعيد .. ويات عندها شيوم .. طبعا بتستغربون .. من شيوم .. كله كانت بغرفتها شو اللي ظهرها اليوم ..

ميره ( نفسها استغربت من ختها ) : يالدبه مو جأنها شيوم نازله.؟

ام سعيد ( حرمت محمد ) : هي والله غريبه

ميره : ماغريب الا الشيطان بس سكتي .. لا تدلع لج السانها

ام سعيد : سكتت مسكينه كله ولا اللسان شيوم

ميره : هلا والله بأختي

شيوم : هلا ميروه .. هلا حرمت اخويه الغالي

ام سعيد : اهلين شيوم

شيوم: اخباركم .؟

ام سعيد وميره : الحمدالله ..

شيوم : قعدت تطالع التلفزيون ..

وشوي في حد دق عليهم الباب .. والكل استغرب يعني الظهر راحه وغدا وجي

شيوم : انا بفتح

وراحت شيوم ولبست شيلتها وفتحت الباب .. طبعا انصدمت ما جافت حد .. بس جافت هديه عند الباب .. مكتوب الى ميره..خذتها وسكرت الباب..ورجعت الصاله عن اهلها

ميره : منو عند الباب ..

شيوم : هاه

ميره : بلاج منو عند الباب ..

شيوم : ميروه هاي هديه بأسمج ..

ميروه : بأسمي .. من منو .؟

شيوم : مو مكتوب ..

ميروه .. هاتيها ..

شيوم : هاج ..

ام سعيد : يالله الهديه توصلج عن الباب .. اكيد هاي من حد من خالاتج ..

شيوم : وانا

ميروه : صبروا خلني افتحها ..

ميره تمت تتطالعها لانه شكلها حلو

كان عباره عن صندوق قلب لونه احمر .. وكانت القطعه المخمل تلامح .. وكان مخطط بخطوط سوده .. وكان بالنص عليه عصفورين حاضنين بعض ..

ميروه : اتعرفون شكله حلو من برع

شيوم وام سعيد : افتحيه خل انجوفه من منو

ميروه : اوج ..

فتحته وانصدمت بالاغراض اللي فيه كان فيه قلب كبير مكتوب عليه اسم ميره .. وكان مرصع بالفص الابيض اللامع .. وكان فيه عطور ودخون وغيره
ميروه انصددمت اكثر لانه ماتعرف من منو .. وما كان مكتوب ابها شي ..

شيوم : حلو القلب .. وحلو طريقه اسمج

ميره : انتي مـتأكده ماجفتي حد عن الباب

شيوم : والله محد

ميروه : اوج ماعلينا .. مشكورين هه

شيوم : ميروه انا اسفه على اسلوبي وياج .. واسفه اذا ضايقتج بيوم ..

ميروه : لا عادي يا اختي العزيزه .. الا تعالي متى بتخلصين امتحانات

شيوم : بايج يومين .. وانتي صح مبروك ..

ميره : الله يبارك فيج ..

ام سعيد : مادريتوا .. بيت قوم عبدالله .. عازمنا يوم اليمعه اونه عندهم مفاجأه حقنا ..

شيوم ( استانست واخيرا بتجوفه) : صج

ميروه :ياي بجوف جوجو وشواخ

شيوم: امحق جوجو هاي بالله عليج جوجو عاد

ميروه : انتي شوفيج عليها

ام سعيد: (جواهر طيبه )

شيوم : ااوووف كلكم جي ..

وراحت شيوم حجرتها وخلت الكل محتار .. ومو عارف ليش كارهه جواهر ..

ميره تمت اتفكر .. وعقب راحت غرفتها .. وعقت الاغراض كلها على الشبريه
ولقت حرف مكتوب عليه (ذ) ..
قالت معقوله انزين ليش .. ليش ..
بلاج انتي مينونه يمكن بالغلظ .. لازم اتجوفينه واتكلمينه .. مو حلو يطرش لج هدايا واهوه غريب ..

ميروه : انتي ..

............:هي انا ياميره .. منو هذه ذياب

ميروه : انتي فاهمه غلظ

................: فهميني انزين ..

ميروه : هذه اربيع عبدالله .. اللي كلمني اوقال انهم سوا حادث ..

................: حتى ولو لازم اتوقفيه عند حده

ميروه : خلاص اوج بس ساعديني ..

.,,,.............: ان شاء الله

وعقب ميره رجعت تحت .. وقعدت اهيه ومرت اخوها يسولفون .. لين ما يا محمد .. وراح اهوه ويا حرمته وولده الغرفه .. تمت ميره اتفكر .. بكل شي .. قالته لها .............. وتمت محتاره واتقول ليش سوى جي معقوله يحبني حتى ولو مو جي

شيوم : بلاج ميروه ..

ميره : هاه ماشي .. شرايج اندق حق قوم .. يدي .. نظهر معاهم ..

شيوم : اوج يالله .. وجوفي شواخ ..

ميره : اوج وبجوف جواهر

شيوم : لا جواهر لا

ميروه : خلاص عادي .. بجوفهم وبخبرج .. الا تعالي امي ما بتخليج تظهرين ..

شيوم : ليييييييييييييش

ميروه : ماخلصتي امتحاناتج

شيوم : اوف انزين روحوا وخذيلي نفسج

ميروه : اوج ..

شيوم : خلي خالتي خدوي .. تختار لي ذوقها طرر

ميروه : اوج روحي ادرسي وشدي حيلج

وراحت شيوم .. اذا تدرس وعقلها طبعا عند عبدالله ( حبيب قلبها ) .. لازم اتسوي شي عشان اتخليه يكره جواهر بس شو شو ..
وراحت شيوم ادق حق اربيعتها (ملاك) اهيه اربيعتها الروح بالروح

ملاك : ماشاء الله عليها جمال .. ويا شواخ .. في كل شي .. احيانا تنصح شيوم ..واحيانا شيوم اتسكتها.. واحيانا تبي تفتك من شيوم .. وعليها حركات .. بتعرفون ليش عقب ..

شيوم : هلا والله باللي مايدقون ولا يسألون

ملاك : اهلين وسهلين بالحبايب

شيوم : اخبارهم؟

ملاك: والله اوك وانتي ..

شيوم : ملاكي ساعديني مالي حد غيرج .. ملاك انا احبه ومح حاس بس .. احبه .. واهوه يحب غيري يا ملاك .. قوليلي شو اسوي قوليلي

ملاك: خلاص استهدي .. انا قايله لج مامنه فايده بس عندي خطه واتمنى انج اتسمعيها عدل واتفكرين ابها تقدرين اتخلينه يحبج

شيوم: بليز قولي كيف ..

ملاك : انتي اتعرفين ..

شيوم : اوف ردينا ملاك قلت لج مابي ماب يانزل راس اهلي

ملاك: بلاج انتي جي بتخلينه يغار

شيوم : لا لا هاه مو شي سهل .. لا حتى ولو مابي

ملاك : اوف برايج انتي راسج يابس

شيوم : انتي اتعرفين اني مابي حد غيره .. وحتى لو رحت بهالدرب بضيع وبضيع حياتي .. وبنزل راس اهلي

ملاك : عيل شو بتسوي انا ساعدتج وانتي كيفج لاه

شيوم : خلاص انا بدق لج عقب اوج

ملاك : يالله باي

شيوم : بايات

وتمت شيوم اتفكر بكلام ملاك .. شيوم اتعرف انه هالشي غلظ .. واهيه ماتبي اتسويه لانه اصلا هالشي غلظ .. وهاه درب مو صح .. بس شو انسوي .. فجأه .. لا مهما كان محد يهمني غيره .. خلني اوافق شوفيها يعني .. اهلي ماعليهم شر انا ما بسوي شي .. غير اني بكلم .. لا لا شيوم لا تسوين جي .. مو زين .. عبداالله بيكرهج زود
(خلوه البنت اتفكر .. عيب عليج .. جروحه .. ) اوف منج .. مو قصه هاي ذليتينا ..

في بيت بو عبدالله ..

شواخ : امايه .. انا ابي اظهر مليت

ام عبدالله : اوك بس وين بتروحون ..

شواخ : امايه ميره دقت لي وقالت لنا بنظهر وبناخذ جواهر ويانا

عبدالله : على وين ان شاء الله مافي بنات يظهرون بروحهم

شواخ : اوف نحن خلصنا مدرسه امايه شوفي ولدج

عبدالله : انزين على وين يعني .. يمكن انا اوديكم ..

شواخ : جافتها فرصه لانه من كمن يوم جواهر اتحن عليها عشان اتقول لعبدالله يظهرهم ( اوج خلنا انروح ترى جوجو وميره بيروحون ويانا )

عبدالله :€خلاص انتوا بس اتجهزوا .. عندكم 5 دقايق

شواخ : اوج وركضت لغرفتها ..

شواخ .. لبست تنوره .. بيضه وقمص اسود .. وخذت اكسسوار بنفس اللون.. وكان شكله حلو .. ولبست نعال سوده مخططه بأبيض .. ولبست عباءة فيها خرز اسود .. وكان شكلها حلو .. وحطت شوي كحل وكلوز

عبدالله: على وين الشيخه

شواخ : احم احم غصبن عليك شيخه ..

عبدالله : مالت بس ياللي طوفي..

شواخ: انزين على لاقل جامل اووف منك ما عندك اتكيت

عبدالله : سكتي سكتي سا ام الاتكيت انتي طوفي جدامي اجوف

شواخ: انزين اووف

عبدالله : اقولج جواهر متعدله .. اذا هيه قوليلها تتغشى

شواخ : وانته شكو ..

عبدالله : بتقولين لها وله اقول لها بروحي

شواخ: لا لا دخيلك .. بقول لها

وركب عبدالله وشواخ السياره .. وطبعا بالرنج الاسود .. وتوجهوا .. لبيت بو جواهر وام جواهر عشان اشلون جواهر وياهم .. وتلاقى عبود بخليفه وسلم عليه وتم يسولف وياه شوي .. وعقب خذوا جواهر .. وتوجهوا لبيت ميره .. وراحوا مول الامارات .. ميره ماكانت متغشية اهيه وشواخ .. وجواهر فهمت من نظرات عبدالله انها تتغشى

شواخ : مو هذه اللي وصلنا المستشفى هييج المره

ميره : وينه

جواهر : هيه اهوه هذه نفسه الريال

عبدالله: هلا والله ذياب

ميره (انته هني انا لازم ارمسك ما يصير اوف بس كيف مافي غير الثلج اجوفه هناك )

ذياب : هلا عبود شو اتسوي هني

عبدالله : والله ياي امشي الاهل

ذياب : زين والله .. ما قلتوا لي وله كنت بييب اختي ..

عبدالله : روح هاتها وتعال بترياك ..

ذياب : اوج عند اذنكم شباب ..

وراح ذياب اييب اخته من البيت ما تأخر لانه بيتهم قريب من المول..وتوجه صوب عبدالله ..

اخت ذياب ( سلامه ) : شكلها عجيب .. وطيوبه وحبوبه .. انسانه تسحتي وايد .. صح اني ذكرتها قبل بس ما ذكرت مواصفاتها .. حرمه يعتمد عليها واهيه في سن ميره ..

ذياب : الوو انته وين ياريال انا وصلت

عبود : انا صوب الثلج يالله تعال عشان اختك تدخل وياهم

ذياب : ليش انته موداخل

عبود : لا شو اكيد بدخل .. مو مخلي البنات بروحهم

ذياب : اوج اجلب ويهك

عبود : ههه اوج .. وانته بعد اجلب ويهك

ويات سلامه عند خوات عبود .. وتمت اتسولف وياهم .. وارتاحت لهم ..واستوت اربيعت ميره ..

سلامه : السلام عليكم والرحمه

الكل : وعليكم السلام

سلامه : سمحولي انا ماعرفكم لاه ممكن نتعرف

الكل : هه فالج طيب اكيد ممكن الشيخه هذه رقمي .. ودقي أي وقت فديتج .. ههه..شو ممكن اتعرف سلامو انتي منا وفينا لاه

جوفي .. انا شواخي .. وهاي ميروه .. وهاي ابو تقويم جوجو ..

سلامه : عاشت الاسامي .. بنوتات

الكل : ههه لا الله يخليج احسن نباتات ههه

سلامه:هه والله انكم سوالف

شواخ : اقولكم يالله طوفوا الشباب راحو ونحن قاعدين نتعرف هه

الكل : يالله .. رحنا

ميره طول الوقت سوالف ويا سلامه .. وشواخ وجواهر بعد يتكلمون .. ويبون يعرفون شو المفجأه اللي محطينها حقهم .. ودخلوا الثلوج وتموا يلعبون وفجأه ..

ميروه : طااااااااااااخ .. أي يعور ..

اتريا توقعاتكم ..

شو تتوقعون شيوم اتسوي ..؟
شو قالت ملاك حق شيوم ؟
ومنو اللي كلمت ميره ..؟
تتوقعون هالاجازه بتكون حلوه وله .؟
شو تتوقعون يصير بالمول ..؟
ميروه ليش قالت أي .؟
وشو اهيه المفاجأه .؟

والسموحه على التأخير ..
__DEFINE_LIKE_SHARE__

@غرشوبة قطر@ · 08-03-2009, 02:59 AM

شو تتوقعون شيوم اتسوي ..؟

بتكلم مادري منو هع هع وطبعا

شو قالت ملاك حق شيوم ؟

قالت لها تكلم واحد عشان اونه يغار منه عبود << غبييه والله بس احسسنن خلها

ومنو اللي كلمت ميره ..؟

ذياابه ههيهيهيهي

تتوقعون هالاجازه بتكون حلوه وله .؟

طبعا حلوووه دام جروحه قاعده فاافكارهم هيهيهيهي

شو تتوقعون يصير بالمول ..؟

بتصصير وايد احادث

ميروه ليش قالت أي .؟

اكيد ادعمت ذيابوه هيههييي

وشو اهيه المفاجأه .؟

يمكن يسفرونهم او سويين فلة خخخخخ << هاي عندج مو كل الناس مثلج هيهيهيهي

آممم ياالله الباررت واييييييد حلو
لا طولين علينا فدييتج نتظرج
__DEFINE_LIKE_SHARE__

da1a3 · 08-03-2009, 04:52 AM

شو تتوقعون شيوم اتسوي ..؟
اممممم يمكن تتقرب لشواخ او تكلم ولد عسب تخلي عبود يغار منها
شو قالت ملاك حق شيوم ؟
اممممممم ما ادري والله <<<<<هههههههههه
ومنو اللي كلمت ميره ..؟
امممممممم يمكن اخت ذياب<<<<<توقع بس
تتوقعون هالاجازه بتكون حلوه وله .؟
اكييييييييييد حلوه بس يمكن شوي شيوووم بتخرب شوي الاجازه
شو تتوقعون يصير بالمول ..؟
اممممممم يمكن ميره تاخذ رقم ذياب

ميروه ليش قالت أي .؟

اممممم اتوقع ذياب فر عليها ثلج

وشو اهيه المفاجأه .؟

امممممممم يمكن يسوون لهم حفله او يودونهم مكان حلوووو

لاتتأخرين علينا بالبارت؟؟؟؟

قوليلنا متى بتنزلينها

ومشكوووره عالبارت __DEFINE_LIKE_SHARE__

‏جرؤح آنسآنـِہَ · 08-03-2009, 06:10 AM

المشاركة الأصلية كتبت بواسطة @غرشوبة قطر@

شو تتوقعون شيوم اتسوي ..؟

بتكلم مادري منو هع هع وطبعا

شو قالت ملاك حق شيوم ؟

قالت لها تكلم واحد عشان اونه يغار منه عبود << غبييه والله بس احسسنن خلها

ومنو اللي كلمت ميره ..؟

ذياابه ههيهيهيهي

تتوقعون هالاجازه بتكون حلوه وله .؟

طبعا حلوووه دام جروحه قاعده فاافكارهم هيهيهيهي

شو تتوقعون يصير بالمول ..؟

بتصصير وايد احادث

ميروه ليش قالت أي .؟

اكيد ادعمت ذيابوه هيههييي

وشو اهيه المفاجأه .؟

يمكن يسفرونهم او سويين فلة خخخخخ << هاي عندج مو كل الناس مثلج هيهيهيهي

آممم ياالله الباررت واييييييد حلو
لا طولين علينا فدييتج نتظرج

تسلمين الغاليه على توقعاتج ..
عيونج الاحلى ..
من عنوني ماطلبتي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لماذا يرسب الطلاب في الامتحانات؟	محروم.كوم	منتدى أخبار المواقع والمنتديات العربية والأجنبية	0	02-18-2010 03:30 PM
لمآذآ يرسب الطآلب ..؟؟!!!	نبض روحي	الطلاب والتعليم والجامعات	19	09-12-2009 06:04 AM
لماذا يرسب الطلاب في الامتحانات ؟	محروم.كوم	منتدى أخبار المواقع والمنتديات العربية والأجنبية	0	06-07-2009 03:23 PM