·!¦[· من غلاك ·]¦!· وكثـُر مـٍاحبـًكـ حتٌى درُب الطـٍويُه حبــٍـيتهٌ.. - الصفحة 28

‏جرؤح آنسآنـِہَ · 08-22-2009, 01:41 AM

السموحه والله منكم ..
تأخرت وايد .. ووزين انكم صبرتوا عليه ..
كانت عندي ظروف .. وماعليكم الحين ببدأ بالبارت واذا خلصته بنزله .. واذا لا باجر ..

كل عام وانتوا بخير .. ومبروك عليكم الشهر ..

والسموحه .. __DEFINE_LIKE_SHARE__

‏جرؤح آنسآنـِہَ · 08-22-2009, 03:37 AM

في بيت بو ذياب ..
وصل ذياب واخته عويش البيت ..

عويش : بلاك ذياب شوفيك .. انا ماحبيت احرجك عند البنات قول شوفيك ..؟
ذياب : .........
عويش : قول انا اختك لو ماقلت لي بتقول لمنو .؟
ذياب : ااااااااااه شو اقولج يا عواش شو .؟
عويش : بسم الله عليك شوفيك
ذياب : عواش انا احب
عويش : ههههههه اتحب ..
ذياب : هي احب وان ضحكتي مابرمس بروحه اللي فيني مكفيني
عويش : اوك ارمس اسمعك ..

ذياب : انا حبيت وحده .. وسويت شي غلظ .. مافكرت انها تزعل جي .. اصلا ماخطرت لي هالفكره .. بس ماكان قصدي اني ازعلها وله اضايج ابها بس اهيه مادري بلاها
عويش : شو سويت ( معصبه)
ذياب : مو اللي في بالج ياعواش
عويش: ارتاحت : عيل

ذياب : انا طرشت لها هديه لين بيتهم
عويش : هههه احلف انته من صجك
ذياب : هيه ليش .؟
عويش : والله انك قوي بس ماحيدك مالت هالسوالف
ذياب : أي قوي اخر شي طاحت علي .. أي سوالف .؟
عويش : الحب والبنات
ذياب : انا ماكنت افكر احب ولا شي .. بس اهيه دخلت قلبي
.. وحبيتها .. صدقيني ياعواش موقصدي
عويش : انا اعرفها وله
ذياب : ........
عويش : اعرفها وله قوول
ذياب : هي اتعرفينها
عويش : منووو

ذياب : ميره
عويش : ميره ماغيرها بس هاي صغيره
ذياب : شو اسوي قلبي حبها والله يا عويش
عويش: واهيه شو سوت لك شو كانت رده فعلها
ذياب : اااااااه ااااااااااه
عويش: كنت متوقعه ردت فعلها جي عيل في واحد يطرش لوحده هديه لين بيتهم انته مينون شي لو حد من اخوانها وله ابوها شافها شو بيستوي
ذياب : أ أ أ أ
عويش : ( قاطعته ) : شنو انته ترضى عليه جي
ذياب : عويش لا اتقولين جي انا مب قصدي اني اسوي لها شي والله ياعويش بس بغيت اعترف لها
عويش: وجي يعترفون وانا اقول ليش قلت بروح وليش سرعت يوم سمعت اسمها
ذياب : انا احبها يا عويش احها دخيلج فهميني
عويش: اللي سويته مو صح هذه الغلظ بعينه
ذياب : شو اسوي كيف اعتذر كيف ارمسها
عويش : وبعد تبى اترمسها
ذياب : والله يوم رمستني مشيت عنها وماتكلمت ولا كلمه
عويش: لازم لانك ماتعرف شو اتقول لها عيل هاه سوات ريال يسوي جي
ذياب : عويش بس عاد
عويش : برايك انا بروح اغير ملابسي واسبح
ذياب : عويش بتخليني بروحي بهمي
عويش: شو اسوي لك
ذياب : انا رمستج عشان اتساعديني
عويش: بشو اساعدك انته اللي سويته غلظ ومب راضي تعترف بهالشي بس انا احبها واحبها
ذياب : خلاص اسف والله بس ساعديني انتي اختي ومالي غيرج
عويش: خلاص خلاص غمضتني بجوف حل
ذياب: يعني مثل شو؟
عويش : بس بروح اسبح وعقب بقولك تراني مخرسه ثلج
ذياب :جلبي ويهج تراج صدعتيني من زود ما تتسبحين عاده
عويش: لا تغلظ وله مابسوي شي
ذياب : احسن ويا راسج
عويش : ماعليه برايك
ذياب : عويش اسف اسف والله

وراح ذياب حجرته يفكر برمسه اخته ورده فعل ميره كان لابد انه اتواجهه بس اهوه ما كان على باله هالشي .. عويش اتسبحت وتمت اتفكر بحل وعقب قالت لقيتهاااا

عويش : السلام عليكم والرحمه
ميره: وعليكم السلام والرحمه
عويش : هلا فديتج .. اشحالج .؟
ميره: اهلين الغاليه .. انا بخير من صوبج؟
عويش : دوم لاه .. تمام والله
ميره: وياج .. دوم فديتج
عويش:طلبتج ميروه
ميره: امري عنوني لج
عويش : فديت عنونج

وبهاللحظة دخل ذياب على اخته وتم قاعد على شبريتها كان يبي يسألها فكرت وله بس اشرت له انه يسكت لانه ترمس حبيبه قلبه ..

عويش : تعالي بيتنا

هني ذياب فز من مكانه .. واخيرا بجوفج ..

ميره : والله صعبه فديتج
عويش: دبوه دبري عاده انا بروحي بالبيت
ميره: اوج الغاليه .. بجوف امي وبرد لج خبر
عويش: اوك غلاتي .. اترياج
ميره: يالله مع السلامه
عويش: مع السلامه

ذياب : منو هاي اللي بتي بيتنا بظلمه الصراحه ( يستهبل )
عويش: خلها مفاجأه
ذياب: قولي عاد
عويش: لا مابي .. المهم انا فكرت
ذياب: وشو قررتي
عويش: بعديني بتعرف اظهر خلني اللبس واترتب شوي
ذياب : مابي قولي اول اووف
عويش: اظهر يالله
ذياب ( بووز ) :انزين اووف

وراح ذياب وقرر انه يسبح واخيرا ( اقول ريحه منو هاي ) هع .. وطبعا واهوه بالحمام قاعد يفكر ..
وفجأه سمع صوت امه تناديه .. سبح عالسريع وظهر ( صج اولاد ) هع

كلهم راحوا صوب اهلهم .. ماعرفوا كيف يتصرفون وله شو يسون .. احتاروا .. كيف كيف ... شو الحل .. وبالاخير قرروا .. واللي صير يصير ..

عبود : سمعوا .. انا وجواهر بندخل .. وانتوا تمو عند خالي لا اتحسسونه انه في حد داخل اوج .. قولوله أي شي بس لا اتخلونه يدخل اوج

البنات : انزين

ورسمك عبود ايد جواهر .. وراحوا ..
ودخلوا البيت وكلهم كانوا متيمعين ... يتريون شو مستوي شو صاير

عبود وجواهر : السلام عليكم والرحمه جميعا
الكل : وعليكم السلام والرحمه
العيايز : وين الباقين صار لهم شي فيهم شي قولوا

عبود وجواهر يطالعون بعض :لا بس نحن يايين انرمسك في شي
وابيكم تسمعون وانتوا هاديين وما بي صراخ وله غيره ومحد يقاطعني انا وجواهر

الكل : استغرب اوك بس تكلم تراه خوفتنا
عبدالله : من كمن سنه صار شي في عايلتنا واظلم واحد منها .. وانطرد واذل وغيره ..
بو عبدالله : خلاص لا اتكمل مانبي نرد الماضي
عبدالله : ابويه لو سمحت انا شو قلت لا اتقاطعني
بوعبدالله : خلاص كمل
عبدالله: والكل يعرف منو هالشخص .. اللي انطرد مع انه اتعرفون انه ما سوى شي ولا غلظ وماكان له ذنب ..
ام عبدالله : منو هذه ياولدي
عبدالله وجواهر : بخاطرهم : لهدرجه محد مذكرنه
عبدالله : لهدرجه نسيتوه نسيتو اللي من لحمكم ودمكم نسيتوا اخوكم اللي اهوه خالي الوحيد منو غيره عندنا من وبسانكم اذا راح
جواهر : بس انحرمنا منه طول هالسنين بس عشان غلظ اهوه ما سواها
عبدالله : نحن شو ذنبنا ننحر منه شو قولولي
جواهر : هي ليش اتسون جي انتوا تعرفونه زين وانه ما يسوي جي واهوه مو قصده ينزل راسك بس رفقاء السوء اهم اللي وصلوه لهالحاله

عبدالله : انتوا اتعرفون رفقاء السوء شو يسون وخالي كان لاهي عن هالسوالف وكلن يبي يجرب شي عمره ماجافه ربعه قصوا عليه بكلمتين وصدقهم بس موذنبه
جواهر : اهوه ما كان يقصد ينزل راسكم ولا غيره بالعكس اهوه كان دايم رافع راسك

الكل كان يصيح وفي حاله لا تنوصف والكل كان مصدم من جواهر وعبدالله كيف يابتهم الجرأه وشلي ذكرهم بخالهم .. شو بعد هالسنين .. واخونا ونسيناه حتى ما تذكرناه ولا سالنا عنه ولا ندري به تتوقعون لو شفناه بنعرف

عبدالله ( ولأول مره يصيح )
جواهر : بلا اراديه مسكت اديه وردصت عليه : خلك قوي ولد خالتي
عبدالله : اطالع جواهر وحاول يخفي دموعه
جواهر : لا يا عبدالله شو قلنا خلك قومي وماعليك ان شاء الله بتنحل وله
الكل : خلاص بس شو اللي ذكركم فيه .؟

جواهر : نحن رحنا المول نتمشى ودخلنا الثلج وجفنا خالي خالي يا امايه ماصدقنا يوم شفنا كل حد دموعه على خده كل هالسنين مانجوفه واخر شي نجوفه بس انصدمنا منه كان خايف يواجهكم كان عكسكم يفكر فيكم ويحاتيكم ويفكر كيف يرضيكم بس انتوا محد سأل عنه زين انه مادخل وسمع كلامك اللي يجرح ويقتل الواحد زين يا امايه وخالاتي
عبدالله : بس نحن ملينا من هالوضح متى بنرتاح وبنعيش حياتنا متى ..
جواهر : متى بيكون عندنا حد يسلينا ويكون سندنا
عبدالله ومحمد : دوم يالشغل بس نحن
جواهر : نحن يا اهلي نحن شو لازم انسوي حد لهالمشكله
عبدالله : لازم اتواجهوا واتعرفون الحقيقه ما يصير جي
جواهر : انتوا للي نقول عنكم قدوتنا

بو محمد : خلاص كفايه .. وينه نبي نجوفه
الكل : هيه خلوه أي ويثبت برائته نحن انعرف كله من ربعه الفسد بس شو نسوي خالكم كان بينزل راس عايلتنا بيوطي روسكم وروس ابوهاتكم شو تبونا انسوي ..
عبدالله : اسمعوا سوا شي بس لا تطردونه
جواهر : خلاص مايفيد الكلام اهوه برع عن الباقيين
عبدالله : بنيييبه بس بدون ضرب وله طرد لو سمحتوا

جواهر ظهرت وراحت يابت خالها والكل راح وياها ودخل ..واول مادخل كلهم ماعرفوه ماعرفوه ياربي كيف كبر صار ريال بلحيه كيف كيف شو حاله

ام عبدالله : رررررراشد وراحت حظنته وتمت اتصيح ما توقعت انه اخوها جي يكبر وبعيد عنهم
ام محمد : راحت وطاحت بحظنه : سامحني يالغالي
ام جواهر : اخويه .. انا اسفه سمحلي على كل شي سويته فيك
بس اللي سويته مو شوي ..
راشد : والله اعرف اعرف حبايبي اعرف اني غلظت بس موذنبي مو ذنبي

طااااااااااااااااااااااااخ

شو تتوقعون .{.

امم عرفتوا مشكله راشد هع .؟
شو بيصير من بينهم .؟
هل بيفهمون اخوهم .. وبيسامحونه .؟
شو بيصير بذياب .. بيعتذر لميره وله .؟

والسموحه على القصور ..
__DEFINE_LIKE_SHARE__

محد عجبني · 08-22-2009, 03:54 AM

يجننننننننننننننننننننننن
البارت
بس قصييييييييييير __DEFINE_LIKE_SHARE__

da1a3 · 08-22-2009, 04:25 AM

شو تتوقعون .{.

امم عرفتوا مشكله راشد هع .؟

امممممم لا خخخخخخ
شو بيصير من بينهم .؟

يمكن يسامحونه
هل بيفهمون اخوهم .. وبيسامحونه .؟

هي بيفهمونه .... طبعاً
شو بيصير بذياب .. بيعتذر لميره وله .؟

هيه بيعتذكر لها

مشكوووووووره عالتكمله

نتريا البارت اختي

ومبرووووك عليج الشهر __DEFINE_LIKE_SHARE__

‏جرؤح آنسآنـِہَ · 08-22-2009, 08:53 PM

المشاركة الأصلية كتبت بواسطة محد عجبني

يجننننننننننننننننننننننن
البارت
بس قصييييييييييير

تسلمين عنوني على مرورج ..
افا وين قصير ..
خلاص ماعليه المره اليايه بيكون طويل لأجل عيونج ..
منوره .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لماذا يرسب الطلاب في الامتحانات؟	محروم.كوم	منتدى أخبار المواقع والمنتديات العربية والأجنبية	0	02-18-2010 03:30 PM
لمآذآ يرسب الطآلب ..؟؟!!!	نبض روحي	الطلاب والتعليم والجامعات	19	09-12-2009 06:04 AM
لماذا يرسب الطلاب في الامتحانات ؟	محروم.كوم	منتدى أخبار المواقع والمنتديات العربية والأجنبية	0	06-07-2009 03:23 PM