انروح لبيت بو محمد عند غرفه شيوم ..

شيوم ( بخاطرها ) : يالله خلني اسويه ..

شيوم : لا لا شو

شيوم : خل اسويه لاه شو يعني بيصير

وطبعا شيوم قررت خلاص اتسوي هالشي بعد محاولاتها مع نفسها
وطبعا ملاك تمت تقنعها لين ما حطت شيوم الفكره في بالها واخيرا رفعت شيوم الفون واتصلت حق ملاك

شيوم : مرحبا
ملاك : مرحبتين
شيوم : ملاكي انا خلاص وافقت
ملاك : ياااي من صدقج واخيرا حد بيكون وياي
شيوم : فديتج اناوالله .. بيكون وياج شوفيها
ملاك : بس اهلج
شيوم : اهلي ماعليهم شر
ملاك : اوك شرايج نتلاقى في ستاربكس
شيوم : اوك .. مع السلامه
ملاك ( مستانسه ) : مع السلامه

وتمت ملاك فرحانه .. واتقول في خاطرها : واخيرا يبت راسج يا شيوم .. ماعليه .. انا براويج ..

والحين ننتقل للأحداث اللي صارت بالمول ..

ميره : أي يعووور
ذياب : هههههههه انا اسف الشيخه
ميره : لا ماعليه اخويه
ذياب : بردانه صح
ميره : وايد
ذياب : خلاص انا بروح صوب عبود .. عن يقول في شي بعد
ميره : لحظة ( هل راح اتقوله ) لا فشيله بس ميره كانت اكثر جرأه
انته بأي حق اطرشيلي هديه ولباب بيتنا انته ماتستحي
ذياب : قفط من خاطره .. وراح بدون لا يقول أي كلمه
ميره : انصدمت منه انا ارمسه كيف ما يدافع عن عمره
ذيااب : راح صوب عويش وبين عليه انه تعبان ..
عويش : بلاك اخويه ..
ذياب : انا بردان خلينا نرجع ..
عويش : ان شاء الله هالك جاكيتي ..
ذياب : لا بتبردين مايحتاي ..
عويش : دقيقه بقول حق البنات بروح ..

وراحت عويش عن ذياب .. وخلته بروحه باللي قالته له ميره ..

عويش : بنات .. انا مروحه اخويه تعبان شوي
البنات : لا توه الناس
عويش : سمحولي والله .. ماقدر اودر اخويه بهالحاله
البنات: خلاص فديتج ..

وطبعا ميره ما كنت وياهم .. كانت بروحها تتمشى .. واتفكر هل كان الكلام اللي قالته حق ذياب صح .. او انها جرحته برمستها وله شو
اووف انا ليش افكر به .. خلني اروح عند البنات احسن..
راحت بس انصدمت انه عويش مو موجوده .. اتصلت لها ..

ميره ( بصوت حزين ) : الوو
عويش : الو هلا ميره ..
ذياب : او ما سمع اسمها زاد سرعته
عويش : ذياب شوي شوي
ميره :شوفيج .. انتي وين مالقيتج
عويش :ماشي بس ذياب مادري به من سمع اسمج زاد سرعته ..و سمحيلي انا روحت ذيياب شوي تعبان ..
ميره : خلاص فديتج مسموحه .. وقولي حق اخوج المينون لا يسرع نحن نبيغج ..
عويش : ههه اخويه مب مينون ..
ميره : ماعليج انتي قوليله جي
عويش : ذياب ميره اتقولك لا تسرع يالمينون ههه اونه اهم يبوني
ذياب : ان شاء الله من عيوني وفي خاطره ( ااه لو اتقول انها تبيغيني )
عويش : سمعتيه لاه
ميره : هيه .. خلاص عيل بخليج عقب بدق لج
عويش : اوك فديتج ..
ميره : باي
عويش : باي

عند جواهر وعبدالله ..

عبدالله كان اسعد انسان لانه ويا جواهر وبهالمكان الحلوو

جواهر : عبود خلاص خرستني ثلج
عبود : بردانه ادفيج
جواهر : عبود بس بلا قلت ادب انته ما تستحي

عبود قرب منها وجواهر شردت ..

عبود : تعالي تعالي خلاص
جواهر : تمت تضحك عليه
عبود : خلاص انا افس
جواهر : ههههههه افس اونه
عبود : شوفيج ادلع يووووه
جواهر : ههه ادلع ادلع افا عليك
............: هييي انتوا
جواهر : اماااااااه وين هاي

طبعا ........ : كانت بنفس المغاره اللي فيها عبود وجواهر .. وصرخت بصوت عالي .. وطبعا جواهر انسانه وايد اتخاف


عبود : هههههه شوفيج اتخافين ..
جواهر : امممم
عبود : انا عندج .. مسك ايدها وراحوا يشوفون مصدر الصوت ..
جواهر وعبود : انتي ..
جروحه : هههههه ماتوقعتوني صح
جواهر : انتي شو سالفتج خلي الواحد يتهني
جروحه : اغار انيهااااهااا

عبود : تعالي نغير المكان وانتي انثبري هني .. وله اقولج خل انروح عند البنات ..وراح عبدالله وجواهر عند البنات ..

شواخ : واخيرا رجعتوا ..
ميره : خليهم يستانسوا
عبدالله :و اخيرا حد حس فيها .. فديتج والله

جواهر انقهرت .. وعبود حس فيها ورص على ايدها

عبدالله : الا وين ذياب ..

ميره سمعت اسمعه وماعرفت شو اتقول

شواخ : روح ويا اخته اونه تعبان
جواهر : افا شويااه
شواخ : ماعليج يمكن من البرد
عبود : بس خلوني ادق له اجوفه

واتصل عبدالله في ذياب .. وتم يطمن عليه .. لانه متلوم منه .. وماقعد وياه ..كل وقته كان ويا جواهر ..

عبود : وابوي عليج ياجوجو .. خليتيني انسى الريال وكل وقتي كان وياج
جواهر : استحت وسكتت
شواخ وميره : ههههههههه
عبود: بس لاه .. خل نظهر تعبت
شواخ : هي والله يالله
جواهر : انا بتم مابي اظهر
عبدالله : وانتي ميره ..
ميره : انا بتم عند جواهر ..
عبدالله : اوك .. بس تحملوا .. نحن بهالكافي نرقبكم ..
ميره وجواهر : خلاص ماعليك ..

وتموا ميره وجواهر يلعبون بالثلج ويفرون بعضهم .. وفجأه جواهر بالغلظ بدال ما اتفر ميره .. فرت واحد ..

وفجأه الولد لف بكل هبيته .. انصدم من القنبله اللي ياته في ظهره ..

وعقب يوم شاف البنتين انصدم ..

جواهر وميره : بعد نفس الشي ..
راشد : بنات اختي .. فديتكم كبرانين
جواهر وميره : ركضوا صوبه وحظنوه

وطبعا عبود انتبه لهم وعصب وراح لهم .. وميره لحقته ..
واول مايا يبي يصرخ البنات بعدوا عنه .. وانصدم اهوه بعد ..

عبود : خاااالي ..
راشد : هيه خالك .. وراح وسلم على ولد اخته
شواخ : تمت واقفه مكانها خالها هذه الوحيد اللي يحس فيها .. واللي تشكي له .. مايغركم انها فرفوشه بس في داخلي هموم فد الدنيا ..

راشد : تعالي فديتج ..
شواخ : ركضت واهيه مستانسه .. وحظنته وتمت اتصيح ..
راشد : بس خلاص حياتي .. شوفيج
شواخ : انته وين رحت وليش خليتنا ..
راشد : اسف فديتج بس ظروف .. وانتي ادرى فيها..
شواخ : خلاص اوعدنا انك ما اتروح عنا مره ثانيه
كلهم : هي اوعدنا
راشد : خلاص فديتكم ووعد .. بس بعد انتوا اوعدوني
كلهم : شو ..؟
راشد : انكم ماجفتوني ولا ابي حد يعرف
كلهم : ليش .. كلهم مشتاقين لك
راشد : صج ..
كلهم : هيه .. يالله عيل خل انروح بيتنا وناخذ خالي ويانا

راشد : ياربي كيف بواجه اخواني .. من الله هم يوم عرفوا بهالشي .. وخلوني وطردوني .. بس انا شو ذنبي .. والله انه مالي ذنب ..

عبود : يالله خالي ..

واتصل عبود حق كل اهله وقال لهم يجتعوا في بيت ابوه .. وطبها الاهل ماقصروا .. وراحوا .. وطبعا سوى هالشي .. كلهم يعروفن الا خاله .. لانه أخر عنهم شوي ..

جواهر راحت صوب عبود ..

جواهر : انا خايفه .. شوي تتوقع اهلي يسون .. بعد هالسنين اخوهم يرجع ..
عبود : ماعليه نحن بنحلها وله نحن موقدها
جواهر : تطمنت من رد عبدالله .. وراحت عند البنات ..
ميره : شواخ حبيبتي بس
شواخ : هاي دموع الفرح
ميره : خلاص امسحيها وماعليج .. كل شي بيكون اوك
جواهر : بس عاد دلوعت خالي رشود
راشد سمعها : نعم منو رشود ..
جواهر : انته ههه
راشد : لا والله .. انا خالج يالفقمه
جواهر : ههههه فقمه حرمتك
راشد : لا تسبين حرمتي تراني بخبرها عليج
شواخ : هه ومنو قال انك بتعرس
راشد : توج اتصيحين والحين تضحكين
شواخ : هههه شو اسوي مستانسه من جوفتك وغزت له
راشد : عيب اتغازلين خالج
شواخ : وشوفيها ..
ميره : هههههههههههه ..
شواخ : قفطت بس مابينت لانها كانت مستانسه من رجعت خالها
جواهر : الله يستر .. وكلهم وصلوا صوب السياره ..

طبعا راشد : هذه .. اخو حرمت بوعبدالله وبو محمد وبو خليفه ..و اهوه اخوهم الوحيد ..
طبعا راشد : عمره 20 يوم استوت الغلظه وظلموه .. ومحد سأل عنه من اخر مره .. يوم ظهر من بيتهم ومارجع .. محد اهتم به .. بس راسد عكسهم .. كان يفكر فيهم .. ويفكر كيف يواجههم لو لقوه .. والحين صار عمره 24 .. هي كبر راشد 4 سنوات بعيد عن هله .. بعيد عن خواته .. بس شو يسوي ..


شواخ : يالله بسرعه خااالي ..

كلهم ركبوا ويا عبود .. الا شواخ ركبت ويا خالها ..

راشد : كان سرحان وما انتبه حق كلام شواخ ..
شواخ : خااالي شوفيك.؟
راشد : مافيني شي ..
شواخ : قول انته ماتعودت تخبي عني شي وله ..
راشد : خايف يا شواخ خايف من ردت فعل خواتي ..
شواخ : ماعرف تشو اتقول .. لانها بروحها ماتعرف شو بيكون رده فعلهم يوم بيجوفون اخوهم اللي ماجافوه من 4 سنوات .. بس حمدت ربها انه مايصير شي
راشد : خلاص ادريبج انج ماتعرفين شو اتردين .. لانج انتي بعد خايفه
شواخ : بلا هالرمسها لحين وقولي .. انته ليش ماكنت تتصل فينا
راشد : كيف اتصل وانا ماعندي رقمكم
شواخ : بعد ..
راشد : هي بعد شو .. انا من يوم .. وسكت
تم يتذكر كيف عاملوه .. وكيف طردوه .. وكيف وكيف.. مع انه راشد ماله ذنب ..
شواخ : خالي خلاص لا اتفكر وصلنا ..

وتموا بتفقون شو بيسون وكيف بقولون لأهلهم وكيف بيفتحون وبيحلون الموضوع وطبعا كلهم كانوا خايفين من رده اهلهم .. بس مع هذه ماحبوا العائلة تكون جي .. مفترقه ..