| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
| | LinkBack | أدوات الموضوع | انواع عرض الموضوع |
07-11-2014, 08:07 PM
| رقم المشاركة : [ 11 ] |
| عضو جديد |  البارت 11
__DEFINE_LIKE_SHARE__
. . . مريم : فيصل انا ملانهه فيصل : شو اسوي ؟ مريم : أبا اطلع فيصل : وين تبين تروحين ؟ مريم : أبا اروح أي مكان المهم اطلع فيصل : يلا قومي تلبسي مريم قامت وطلعت عبايتها نزلتها تحت عشان الخدامة تكويها وردت فوق تكشخ ، قعد فيصل على الكرسي وهو يطالعها مريم : اول مرة تجوفني ؟ فيصل : والله انتو البنات متفيقات احنا بس كندورة ومرات نتغتر ولا كاب مريم : انتو احسن مننا بوايد يعني بالمناسبات احنا نتوهق فيصل : هههههههه كنتي تخبليين فيني وايد دقت الخدامة الباب وعطتها عبايتها ولبستها وطلعوا يتمشون وفيصل في نص السوالف يغازلها وهي تنزل راسها من المستحى .. . . . ترنن ترنن ترنن ترنن .. شههقت : بنات زايد يتصصل نورة : يعني شو تبينا احنا نرد : لا بس هو قالي لا تروحين وانا ما قلت له سميه : احسن أدبجج تستاهلين سليمه : الله يرحم أيام لما كنتتي تطلعين ولا حد يدري عنج : مثل ما قلتي الله يرحمها نورة قعدت تضحك واللي تعدلها قاعدة تهزبها : انزين ردي عليه قمت عنهم لانني بعدهم ما بدوا فيني ، ودخلت قسم الحنا ومحد كان فييه غير الهنديات منسدحات ، طبعا زايد سكر ورد اتصل مره ثانيه وانا رديت : ألووو ؟ زايد بعصبييه : انتي وين ؟ : موجوده زايد : ادري يعني بتكوني مختفيه ، بسرعه ووين ؟ : في الصالون زايد يصارخ : يعني انا قلت لج ما تروحين وانتي عاندتي زين ماعليهه انا دقايق وجدام الصالون ان ما طلعتي بدخل لكم داخل سمعتتي : انتو شو فيك ؟ كله تصارخ وتعصب فلفل انته شو ؟ مالت عليييك انزين ادخخل الصالون عشان يبهدلونك جدام الشرطة وتصير ودورعلى سمعتك ععقب ويلا فمان الله ، وسكرت فويهه ورحت عند البنات وانا معصبه .. نورة : اووهه بلاج معصبه ؟ : حيوان يقهر ححقير ما ادري كيف ابوي مرابع ابووه شكله طالع على ابوه كله يصارخ ويعصب فلفل اعوذ بالله مالت علييه واللي يطلع له اونه انا قلت لج لا تروحين يعني مره كنه لما يطلع يتصل فيني وياخذ رايي مالت سميه ضحكككت : هههههههههههههههه بططني يههبله انتي حرمه والحين هو صار ولي امرج : مالت عليهه من وولي انا اصلنن كيف وقعت البارحه شمه : هدي بابا خلاص انتي وقعتتي : والله لو يرد الزمن كان شقيت الورقة بننص شمه : قووويه الصراحه ماعليه الحين صار ريلج وما بيرد الزمن : انا الغلطانه اللي اهتميت و قلت يمكن يعصب بس مالتت نورة : خلاص بابا هدي انتي شوي رنن فوني ورديت من دون ما اجوف الرقم : نعم ؟ خيرر ؟ حميد : بلاجج معصبه ؟ قمت من عندهم ورحت بعيد شوي : شو تببا ؟ حميد : ماشي حبيت اتطمن وانا الحين ف لندن : ليش ؟ حميد : امي من لندن ولازم أكون عندها : اهها حميد : زين ليش كنتي معصبه ؟ ردت عصبيتي : شو تبا ومالك ححقق تتصل وتراه ما بيفيد شي ولا بيرد الزمنن يلا فمان االله حميد بضيج : فمان كريم رديت عندهم وانا معصبه ومحد رمسني لانهم يدرون بنفجر عليههم ، تعودت انه محد يهزبني وزايد صار وايد يصارخ بس ما عليه انا بأدبه الححيوان ، تذكرت حميد وحسيت انه ما يخصه بالسالفه ليش صارخت عليه ، بس صح لأننا اللي نسويه اكبر غلط بعد واني انا بعد على ذمه ريال ، طرشت له مسج انني آسفه وصح الكلام اللي قلته وما يصير ارمسك والله يوفقك رد " ان شاء الله وربي يحفظج ') " حذفت الرسايل وحذفت رقمه ، قعدت اجوفهم نورة خلصت قعدت مكانها وقلت لها تسوي شي خفيف ، اتصل زايد سكرت ف ويهه وبندت فوني وفريته في الشنطة ، خلصت سرعه لانني طلبت شي خفيف ، ياتنا وحده وقالت : منو فيكم موزة ؟ : اننا قالت : في حد يترياج برع : منو ؟ قالت : ما ادري نورة : ولد بنت ؟ قالت : لا ولد : ردي قوليلهم هي مشغوله قالت : اوكك ، وراحت نورة : العناد ما بينفع : يستاهل شمه : بيرمس ابوج وعقب ما بتروحين : لا بروح غصبنن عنهم رنن فون شمه وكانت امايه عطتني الفون قلت : هلا امييه ؟ ام خليفة : ليش ما تردين على ريلج ؟ : ما برد عليه ام خليفة : ما يصير الله يهديج اتصل البيت وانا رديت وقالي انج ما تردين عليه : يستاهل ام خليفة : امايه حبيبتي قومي طلعي لريلج والله لو ابوج درا تدرين شو بيسوي : بس خلااص من دخل حياتي كلكم تغيرتوا صرتوا تغصبوني على كل شي وحتى من دون ما تعرفون السالفه تبوني اطلع له ام خليفة : طلعي امايه ههذا ريلج لو صارت مشاكل وزعلتوا من بعض بيبقى هذا ريلج : ان شاء الله ام خليفة : الله يرضى عليج ويسعدج : يلا مع السلامه ام خليفة : مع السلامة ، سكرت وانا قعدت اطالع البنات بهدوء قعدت اصييح : كل شي يصير عكس ما انا أبا ، يعني والله انا نسيت اخخبره والله يعني انا تعودت انني اطلع ويوم ارد اقولهم محد يقولي شي ، تعدوت انه محد يصارخ علي ويهزبنني ، والله اككرهه ولآخر يوم في حياتي بتمم اكرهه ، لبست عبايتيي وطلعت من عندهم ، صارخخت نورة : موواز لفيت صوبها : هها ؟ نورة تقربت وباستي وقالت : لاتزيدينها كوني هاديه ولا تردين علييه : ان شاء الله ، وقفتني الحرمه : الحساب لو سمحتي ؟ ف خاطري : امبييه شو اسوي لانني ناسيه بوكي فقلت لسلامة تمر علي وتعطيني ، رحت صوب البنات وقلت : بنات ادفعوا لانني ناسيه بوكي وسلامة قالت بتمر وبردها لكم عقب نورة غمزت لهم : احنا ما يبنا وايد يعني كل وحده على حسابها كيف ندفع : اففففف الحين كيف ؟ شمه ابتسمت : روحي عند ريلج هو لازم يدفع : انتي هبله انا مضاربه وياه وبطلع له بس عشان امايهه كيف تبيني أقوله عطني فلوس ؟ نورة : كيفج والله انقهرت كل البنات طنشوني ، رحت عندها وقلت لها : انا ما عندي فلوس الحين بتصل فأختي بتمر وبتعطيج قالت : بسرعه الحين تتصلين اتصلتت لسلامه وانقهرت من الحرمه اللي ترمس انه ما عندي رصيد :اففففففف بروح اييب فون ريلي برع وبرد لج قالت : في انتظارج طلعت برع دقيت الجامه فتحها وقال : الباب هناكك : زايد ؟ زايد : خخير ؟ : اففففف وايد تقهر ما نقدر نطلب منك شي رديت دخلت داخل وانا منقهره منه ، رحت صوب البنات وقلت لهم : عطونني فونكم بتصل في سلامة عطتني سميه واتصلت فيها وصدمتني قالت : مواز الحين ما بقدر امر عليج انا ف صالون يعني من اخلص برمسج انا مشغوله يلا باي , وسكرت صررخت : تقهروون كلكم سميه ابتسمت: قلنا لج رمسي ريلج : لو الموت ما رمسته شمه : خخيبه خيبه انزين عيل شوبتسوين ما بتخليج تتصلين نورة راحت ومحد انتبه عليها وزقرت الحرمه وقالت لها : روحي السيارة وقولي للولد اللي فيها انه حرمتك ما عندها وما دفعت ومب راضيه تقولك وتعالي حرمه ابتسمت : افكارك في داهيه نورة : يلاا روحي سرعه ، وردت قعدت عندنا ، قلت : انززين بنات انتو ببتتريون لانه سلامه بتمر عليكم وحده تدفع ياخخ حسوا فيني نورة : لا مانقدر يمكن نروح : افففففففف طلعت برع ودقيت الجامه على زايد وقلت : عطني فونك زايد : شو تبين فيه ؟ : شوي بس زايد : اذا ما قلتي ما بعطيج : زين كيفك عيل انا ما بروح زايد مسك ايدي : تعالي ركبي السيارة اباج ف رمسه خفت من الحرمه اتتي وترمس : لا مابا اروح أبا اقعد عند البنات زايد ابتسم : تخافين منني ؟ : انا ما قلت جي بس يعني بروح عندهم زايد : لا تخافين ما بحرك السيارة يلا رككبي رحت صوب الباب الثاني وركب ، زايد طالعني : ليش ميبسه راسج وتعاندين : لا ترمس ف السالفه زايد : انا ما اقصد ههذي : ععيل ؟ زايد : يعني ليش ما تيني وتقولين انج تبين فلوس : منو قال لك اكيد هذيل البنات ؟ زايد : مب البنات الحرمه يات ترمسني غطيت على ويهي : مابا شي منك بقعد اتريا سلامة زايد : ل متى بفهمج انا ريلج وانا مسؤول عنج : قلت مابا شيي زايد : يعني بتطلبين من اختج احسن من ريلج : انا ما قلت بطلب من حد هي بتمر تعطيني بوككي وبس زايد دق هرن يات الحرمه وانا اطالعها بإحتقار ، عطاها الفلوس وراحت .. زايد يمسح على عيوني : لا تطالعين حد جي : زايد زايد : خخير ؟ : لا ترمسني جي مالتت زايد : شو تبين ؟ : خلاص مابا شي زايد : قوولي : أبا اتمم عند البنات زايد : أبا ارمسج انا لاححقه تقعدين وياهم : في رمسه بععد زايد : هي فييه فتحت الباب : بنزل شوي وبرد زايد أشر ف ايده : خمس دقايق بس : ان شاء الله ، دخلت الصالون وقعدت اسبب الحرمه وقالت ليي : احترمي نفسج وبعدين انا ما يخصني بنت قالت لي : أي وحده فيهم أشرت على نورة ، وانا رحت صوبها : انتي يحيوانه ليش سويتي ججي ؟ والله لو بيدي عطيتج طراق نورة وقفت وما توقعت انني بعصب : شو فيج ؟ : ادريبكم كنتوا حيوانات وانتوو مب راضين تعطوني تبوني اروح مع زايد نورة : مواز احنا ما كننا..... قاطعتها : خلاص ججب ما توقعتكم جي وقربت منيي الحرمه وقعدت تهزبني وقالت : هذا مب صالون ابوج عشان تاخذين راحتج فيهه واحترمي نفسج : لما بيكون عندج انتي وياهم ذرة احترام عقب تعالو رمسوا ، الحريم اللي ف الصالون كلهم يطالعون .. الحرمه : جب انتتي : انتي آخر انسانه تسكتيني انتي اللي جب ودخلي لسانج في حلقج الحرمه : امج ما عرفت تربيج ونعمه التربيه الصراحه دام ماشي احترام تقربت صوبها وبعصبيه صفعتها ككف واحمر وييها : هنني وحدج عاد تتدخلين في تربيه اههلي انا بعلمج التربية على أصولها الحرمه : حيوانه وككلبه وححقيره و*** و ***** الفلبينيه ركضت برع وجافت سيارة زايد راحت عنده وزقرته وقالت : بابا تعال داكل في مشكل زايد نزل وددق الباب وقال للفلبينيه تزقرها ، دخلت داخل وزقرتني وتفلت على الأرض وانا اطالعهم بإحتقار ، طلعت وطلعت وياي الحرمه وانا على طول رحت وركبت السيارة واجوفها من الجامه ترمس زايد ، تأسف منها زايد وركب السيارة قال : ليش صفعتيها ؟ قعدت اصيحح واشاههق حسيت عمري خلاص لهنني وانفججرت ما قدرت اتحمل اكثر ، يا بيحظني انا ابتعدت عنه : لا تققرب مابا ححد ما احبكم اكرهكم كلكم جفت سيارة محمد ريل سلامه نزلت وركبت ورا وتكورت وقعت اشاهق ، سلامة انصدمت وما قدرت تسوي شي ، زايد نزل ومحمد نزل له الجامه وقعد يرمسه عقب قالت سلامه : شو فيها ؟ زايد : قال لهم كل السالفه الضرابه وليش من دون ما يطري سالفه انه كان معصب عشان انني رحت سلامة تطالعني وردت تطالع زايد : ف حياتها ما صاحت جي ، آخر مرة صاحت فيها وانهارت لما كانت عند يدي ف العنايه زايد : أبا ارمسها صارخت : وانا مابا ولا أبا ارممسك محمد : خلاص انت الحين روح بنردها لما تهدى : ما بهدى قولوله لا يرد يتصل ولا أبا اجوفه زايد راح وركب سيارته ، راح صوب البحر ونفس المكان اللي انا كنت قاعدة فيه اتصل ف حمدان وياه وقاله كلل السالفه ، انصدم وايد حمدان وعقب قعد يهديه .. . . . شمه : احنا كننا نباها بروحها تروح وتقوله نورة : انا ما كنت ادري انها بتعصب سميه : خلاص سكروا السالفه اتصلت سليمه للدريول وياهم ودفعوا الحساب راحوا بيتنا لأننا اغراضهم كلها هناك دخلوا وبدلوا ، راحوا يكشخون شوي وانا دخلت ، قربت منني نورة قلت لها : خلاص انا مب زعلانه شمه تعالي مكيجيني لانه اخترب بس صبري اول شي بلبس الفستان ، فتحت شعري لانه كل شي اخترب واستشورته ومكيجتني شمه وكان حلو شكلي ووقفت جدامهم : ححلو ولا ؟ نورة : والله ججميله بس مب جنه فتحه الظهر وايد : ما علييه ححريم هناك سلامة دخلت وقالت ابوي يباني تحت ، لبست عبايتي وحطيت الشيله على جتفي ونزلت ، جفت ابوي وخليفة ف الصاله تقربت وحبيت راسه وقعدت عدال خليفة : آمر ابوي بو خليفة : ليش ما تردين على ريلج ؟ : كنت قاعده مع البنات والفون في الشنطة ويمكن بعد بند بو خليفة : سيري يترياج في الميلس استغربت من هدوء ابوي دوم يكون معصب قلت : ان شاء الله ، وقفت ومسكت ايد خليفة وقام وياي طلعنا برع عدلت شيلتي وخليتها فوق راسي بإهمال يعني قصتتي طالعه ، همست لخليفة : لا تروح وانا مابا ادخل خليفة تقرب وباسني على راسي : يلا حبيبي برمسج عقب والحين دخلي عند ريلج وانا لازم اروح عشان اخلص سرعه وارد ، ادري انج ععنيده وهو بسرعه يعصب بس هذا اليوم كوني ههاديه ععشاني ، ابتسم وانا حظنتهه وابتعد وباسني على خدي وراح ركب السيارة وراح المطار .. . . . بو ميرة : رمستي بنتج ولا ؟ ام ميرة : لا بعدي بوميرة : شو تترين ؟ ام ميرة قامت : الحين رايحه ارمسها دخلت غرفت ميرة وكانت قاعده جدام الاب وتكمل شغلها ، تقربت منها ام ميرة وقالت : خلي عنج هذا وقعدي أبا ارمسج ميرة قعدت وتطالع أمها : والله تعبانه الشغل ما قدرت اخلصه في الدوام قلت بكمله هنني ام ميرة : في ناس رمسوني ويبوج لولدهم ميرة انصدمت : شووو ؟ ام ميرة : انا مابا الحين ردج صلي استخارة وامانه تردين علي بصدق ميرة تطالعها بصدمه : انزين منو ؟ ام ميرة : انتي ما بتعرفيهم ميرة : انزين قولي منو ؟ ام ميرة : ربيع ابوج بوزايد ولد اخوه علي ميرة انصدمت وما قدرت ترمس نزلت راسها .. ام ميرة ابتسمت : نتريا ردج ، وقامت وطلعت عنها . . . شوق : جمانه بس حبيبي وليد : ماما وين اموه ؟ شوق : عماتك كلهم هني وليد : لا اموه كالو الكل ضحك : ههههههههههههههههههههههههههه صالح : شو اموه كالو وليد : ماما بييه شوق : ععيب مانع : شو بييه بعد ؟ ارمس عدل شوق ابتسمت : يقصد غغبيه مانع : والله اليهال بروحهم لغغه ووليد : أبا اموه دلال : انا هنني عماتك في العرس ام دلال نزلت وهي كاشخه جافت دلال : بنتي ما بتروحي ؟ ليش مب لابسه دلال : لا امايه مابا اروح بقعد هنني وسلموه وفطوم الحين بيووني صالح : كم مره قايل لجج لا ترمسيهم ؟ دلال : انا كبيرة واعرف وين مصلحتي عددل سلطان : زين خليهم يودوج بداهيه بنجوف دلال راحت فوق وام صالح طلعت وبوصالح وداها العرس شوق راحت غرفتها هي وصالح عشان تبدل عن جمانه ووليد يصيح يبا اموه وسلطان ومانع يتمصخرون عليه .. . . . فتحت الباب وقفت صوب الباب قلت : ننعم ؟ زايد وقف : تعالي قعدي انزين : تبا شي ؟ لانني مب فاضيه الحين بروح مع البنات زايد : هي أباج انتي : الحين البنات بيروحون ومنو بيوديني عقب زايد : انا بوديج : مابا أبا اروح وياهم زايد: كيفي انا قلت انا اللي بوديج واذا ما تبين عادي قعدي سولفي وياي : اسولف مع الخدامات ولا انت زايد : تعالي قعدي : مابا زايد : ليش العناد ؟ : ما عاندت انا زايد : مبين وكل ما قلت شي تبين العكس : خلاص انزين شو تبا الحين ؟ زايد تقرب : الحين هذا فستان ؟ : هيهه زايد : ليش ظهرج كله طالع ؟ : هو جي زايد : ماشي سيري بدلي دقت نورة الباب ودخلت راسها : يلا مويز نترياج احنا برع زايد : روحوا انتو انا بييبها نورة : زين لا تتأخرون زايد : ان شاء الله . . . ميرة ف خاطرها :الحين شو ارد عليهم ؟ اكيد امايه اليوم بتسألنني ، هففففف هذا ليش خطبنني وانا احب ولد عمه ، برد عليهم انني موافقه وزايد خلاص تزوج شو يبا فيني ومستحيل ياخذنني دخلوا عليها لميس وشيماء وقعدوا فوق السرير لانها كانت ممنسدحه .. لميس : طلبتج لا تردينا ميرة : شو تبون ؟ لميس : نبا نططلع أي مكان والله ملل شيماء : وابوي بيوافق لو انتي رحتي ويانا لميس : يالله روحي قولي لابوي ميرة : يالله عيل تلبسوا انا بروح أقول له لميس وشيماء طاروا لغرفتهم عشان يتلبسون وميرة نزلت تحت عند ابوها تقوله وهو قعد يرمسها ويمدح علي وهي ما حبت تكسر خاطر ابوها وافقت وهو وايد استانس قعد يدعي لها من قلبه ووخلاهم يروحون بس ما يتأخرون وميرة راحت فوق تكشخ عشان يروحون سرعه .. . . . مهره : اخوي حميد : نعم اختي ؟ مهره : أبا اطلع حميد : والله انا تعبان راد من السفر رقدت ساعه بس مهره : يعني تقعد في البيت ؟ حميد : عيل شو تبيني اروح مع عيال خالاتج المرقص ام حميد دمعت على حال ولدها وقالت : ياليتني لم اعرس ولم انجبكم مهره : امايه شو هذي الرمسه ام حميد : حتى وان لم تخبروني مايضايقكم لكنني اشعر به حميد: امايه احنا ناكل ونشرب والحمدلله عايشين ام حميد : انت اكثر واحد تتألم حميد : امايه انا مافيني شي ام حميد : وانتي يا مهره أيضا متضايقه من حالنا هذا لايوجد لديك أصدقاء ولا اهل مهره : امايه انتي تدرين انني ما احب ارابع أجانب وبنات خالو وانتي تدرين فيهم همهم كشختهم والحواطه وانتي تدرين بكل شي واصلن انتي ربيعتي واختي وامي وكل شي ام حميد تصيح : ماذا فعلت في حياتي حميد قعد يمسح دموع امه : خلاص حبيبتي لا تصيحين كلنا بخير والحمدلله ام حميد : الحمدلله على كل حال . . . اتصلت ف شموه قبل لا ادخل عشان تييني ، دخلت وجفتها صوب الباب وشكلها معصبه رحت صوبها ومسكت ايدها ومشينا انا وياها سلمت على ام روضه وأهلها وسلمت على وايد حريم ، رحت انا وشمه فوق عند روضه بس دقينا الباب طلعت اختها قاللت : اخوها داخل تريوا شوي رحنا الغرفه الثانيه وقعدت انا وشمه وحظنتني نزلت دموعها وانا ابتعدت ومسحت دموعها : ليش الصياح ؟ منو مضايج بج ؟ شمه : ام ثانني : منو ههذي ؟ شمه : لازم فككل عرس تكون موجوده : خليها وايد عندها ربع وشو تبين فيها ؟ شمه : كنت قاعده ف طاولة البنات زققرتني ورحت عندها وقعدت ترمس عنني جدام الحريم وتقول اونه ههي لولدي مالت عليها وعلى ولدها : ويتتت انتي شدراج بولدها ؟ شمه : خليني اخلص السالفه عقب بقولج : زين كملي شمه : وانا من المستحى منزله راسي ، مسكت اييدي وودتني وياها صوب الباب القاعه وهي طلعت وانا ما رضيت قالت لي : اتصلي ف ولدي ثاني جوفيه ليش تأخر شمه : خالو عطيني رقم بنتج ام ثاني تدور جذبه : بنتي ما عندها تلفون اتصلي انتي ، وعطتني الرقم وانا اتصلت عطيتها الفون وهي ردت تخيلي راحت بعيد عنني ما ادري شو قالت عقب ردت عطتني الفون وراحت داخل ، رحت انا صوب البنات شوي ودخلت بنتها وقعدت تسولف وياي وعرفت انه ام ثاني جذابه وان منيرة عندها فون وعطتني رقمها : والله انها طلعت مب هينه بعد شمه : *قالت لي سالفه ام ثاني في الملجه* : الصراحه وايد تقهر خخليها برايها دخلت نورة : شو تسوون ؟ : ماشي والله قاعدين نتريا اخو رويض يطلع نورة : زين تعالي يا حرمه ززايد الحريم يبوج تحت : هههفففف شو أبا فيهم خلهم يولون شمه : عيب عليج روحي عقب شة بيقولون : برايهم ما يهمني نورة : يالله متى اعرس وينادوني حرمت فلانن بس وينك يا فلانن : يالملقووفه على العرس برح اخبر عليج امج وبعدين والله عوار راس الزواج نورة : بس والله شعور جميل قمت عنهم وطلعت برع الغرفه جفت اخت روضه وسألتها اذا بعده موجود قالت روح ، زقرت البنات ودخلنا عندها وقعدنا نسولف وياها وهي خايففه ونوير تزييدها وتتمصخر وياها لما دخلت يوه وقعت تهزب نوير وعقب طلعنا كلنا ونزلنا تحت مع يدوه .. . . . ام علي : ردوا علينا وهم موافقين علي ببرود : زين والله ام علي : يعني انت ما تبا تعرس ؟ لا تظلم البنت علي : انا ما قلت شي ام علي : زين عيل وين اخوانك ؟ علي حب راسها : اللي تبينه بيصير ام علي : فديتك والله علي : الله يسلمج خواني طالعين كلهم زيود مر عليهم وطلعوا واحمد عند مقابلة ام علي : الله يوفقه يارب . . . ح 1 : انتي حرمه زايد ؟ : هي ح 2 : هي ما شاء الله عليج عرفت تختار ام زايد : تسلمين خالو ح 1 : عندج خوات ؟ اشرت على سلامة : هي هذي ومعرسه وعندها بنوته ح 2 : منو امج انتي ؟ : امايه مايتت عند ابويه ح 2 : انتو بس بنتين ؟ : لا عندنا اخو واحد ويدرس برع ح 1 : هي ما شاء الله وانتي تدرسين ؟ : انا بعدي ثنويه عامه ح 1 : عرستي سرعه قبل لا تخلصين ؟ : العرس ان شاء الله بعد ما اخلص ح 1 : وكم باقيلج ؟ : هذا آخر أسبوع عقب إجازة للامتحانات عقب بنتمحن وخلاص ح 2 : هي الله يوفقج : خالو انتي ما عندج بنات ؟ ح 1 : عندي اربع بنات وثلاث أولاد : هي ما شاء الله ح 1 : الأولاد عرسوا بس اصغر واحد عندي والبنات ولا وحده عرست : ان شاء الله بييهم النصيب ح 1 : وين الله يخليج قاعدين في البيت لا معرس ولا شغل ؟ : ليش خالو ما يكملون دراستهم ح 1 : ابوهم كان يقولهم المعرس بيصرف عليهم : وين خالو بعد حلو البنت وهي تشتغل وراتبها يككون لها ح 2 : انا عندي بنتين وولدين : هي ما شاء الله موجودين هني ؟ ح 2 : لا الأولاد في العين شغلهم هناك والبنات في البيت : زين والله ح 1 أشرت على طاولة البنات : هذيل يقربون لج ؟ : هي يصيرون بنات عمي ح 2 : زين ح 1 : كلهم يدرسون : لا نصهم يدرسون ف الجامعه ونصهم بعدهم ف المدرسه ح 2 : انتي بنت منو ؟ : انا بنت سعيد ..... ح 1 : هي ما شاء الله : يالله عيل خالو بروح اقعد عند البنات ح 1 : زين برايج رحت وقعدت عندهم : هفففف ما يسكتون تحقيق نورة : شو فيج ؟ : اقولج رحت اقعد ععندهم وما يستكون نورة : انتي ادرى انه العيايز ما يسكتون سيلانيات : والله لو تسمعج يدوه بتجوفيين نورة قامت ومسكت ايدي ورحت وياها دخلت الحمام وحسيت انه فيها شي لانها قعدت تصيح , حظنتها وقعدت اهديها , دخلت دلال وقربت صوبنا وسلمت عليها ببرود وقعدت تعدل شكلها , مسحت دموع نوير وطلعت وياها , مسكت فوني جفت خمس مكالمات من زايد ووحدة من رقم خارج الدولة , طنشتهم ورحت قعدت عند البنات , جفت نورة تجوف فونها يرن تبند بعصبيه , ادريبها عقب بتخبرني , دخلت روضه وكانت ججميلة ومرت ساعه ودخل ريلها واخوانها وابوها وابوه تذكرت يوم ملجتي وكيف سلمى خربت كل شي , رحنا نسلم عليها ونسلم على ريلها من بعيد وونزلنا ندور على يدوه ما حصلناها توهقنا الحين منو بيروحنا , جفنا منيرة وقربت صوبنا وقالت : تعالوا بنوصلكم : لا ما عليه انتي روحي ولد عمي الحين بيينا منيرة : لا تتعبون ولد عمكم وبيوتكم جريبه مننا شمه : اخوي الحين ببينا منيرة : يالله عاد تعالوا البنات كلهم راحوا وياها وانا ارمس شمه عشان تهدى وتروح ويانا ما رضت قلت خلاص ريلي الحين بيينا وروحوا كلهم , وام ثاني ما رضت تروح تبانا نروح وياها , رحت عندها وقلت انه ريلي الحين بيينا , تمت ربع ساعه عقب يا زايد وركبنا ورحنا , رمستني نورة فالبيبي وتقول : اقولج عصبت على منيرة عشان ليش مايييتوا ابتسمت كتبت لها : هههههه والله انها فاضيه تعالوا كلكم بيتنا نورة : يالله ععيل لا تتأخرون لفيت راسي واطالعت زايد يسوق بعصبيه , صح ما قلت لكم شو صار في الميلس .. . . ونتريا ردودكم |
|
| |
 |
| مواقع النشر (المفضلة) |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| طلت محياك اشراقة يومي | محروم.كوم | منتدى أخبار المواقع والمنتديات العربية والأجنبية | 0 | 04-11-2013 11:00 AM |
| يآ أعضآء لآهنتو واحد منكم يشغل النور | محروم.كوم | منتدى أخبار المواقع والمنتديات العربية والأجنبية | 0 | 01-07-2012 03:40 AM |
| الي يعرف واحد مسروق له ددسن وخاصه بالدمام يدخل | محروم.كوم | منتدى أخبار المواقع والمنتديات العربية والأجنبية | 0 | 12-15-2011 03:00 AM |
| ماابي هالناس [ بعدك ] لانهم مايشبهونك ~ fendi | Дјறàl Диsǎήһ | الأناقة والجمال والموضه والطفل | 32 | 07-03-2010 03:49 PM |
| نظام “جوجل كروم” يرى النور قريباً من خلال الصين | محروم.كوم | منتدى أخبار المواقع والمنتديات العربية والأجنبية | 0 | 10-04-2009 07:10 PM |
الساعة الآن 11:37 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227