قصة خيالية رواية : مثل النجمة و القمر كبر حبنا و اشتهر - الصفحة 18

ولا غيره سكن قلبي · 07-07-2014, 04:33 PM

المشاركة الأصلية كتبت بواسطة marymoowh

صقر شو مشكلته ياخي لو يبعد عنهم بتكون حياتهم احسن
وانتظر الخطه كيف بتكون؟
ولا اطولين علينا حماااااس . .

ههه ليش كلكم كارهين صقر حرام عليكم !!

شوي و انزل البارت __DEFINE_LIKE_SHARE__

ولا غيره سكن قلبي · 07-07-2014, 04:34 PM

المشاركة الأصلية كتبت بواسطة راقيه باسلوبي

كملييييييييي وينج

شوي و انزل البارررت __DEFINE_LIKE_SHARE__

ولا غيره سكن قلبي · 07-07-2014, 04:35 PM

المشاركة الأصلية كتبت بواسطة 3la hoonk

يلااا ويينججج فيني حححماسس ابا اعرف شو بيسونن

شوي و انزل البارت .... __DEFINE_LIKE_SHARE__

ولا غيره سكن قلبي · 07-07-2014, 04:37 PM

البارت 19

( في بيت بوناصر )

عبدالعزيز : ( دخل ) لا عهد هذا الشي خطير انتي ماتعرفينه زين

عهد : لا اعرفه واكثر منكم بعد ! ( ونزلت راسها )

عبدالعزيز و حمد : ( سارو صوبها )

عبدالعزيز :عهد انتي شو تقولين ؟

سعيد : ( مستغرب ومنصدم ) كيف تعرفون بعض ؟ وكيف تعرفين صقر ؟

عهد : قبل كم يوم كنا سايرين عند مجود اختيه من امريكا انا شفت صقر وهو شافني و بهذا الوقت ماكنت ادري انه متزوج بعدين مااادري من وين ياب رقمي وتم يتصل ويزعجني وعقب ماادري من وين ياب صورتي ويلس يركب على الصوره ويلس يهددني ان اذا ماسويت جي بيطرش الصور حق سعيد وحمد وابوي ف يوم سمعت جي خفت وايد ( نزلت دموعها ) ف بعدين عبدالعزيز عرف ب السالفه وساعديني ( نزلت راسها ) لكن عبدالعزيز ماعرف اني بهاذي الفتره اللي كنت اكلم فيها صقر عرفته ززززين

حمد و سعيد : (حظنوا اختهم )

سعيد : والله بيشوف

حمد : هيه بنراويه نحنا منو ! شو ونقدر نسوي !

عهد : ( ابتعدت عنهم و مسحت دموعها ) هيييه بيشوف

هيا : انزين انا عندي خطة !!

الكل : شو هي ؟؟

هيا : الخطه هي .......

حمدان : حلوه ها الفكره !

سيف : هيه

حمد : بس لازم انفذها اليوم

عهد : هييه قبل ما يأذيهم

حمد : سواف و هيو تعالوا وياي

هيا : انزين ( سارت لبست عباتها بسرعه و ردت لهم ) يلا ( و ركبوا السياره و ساروا الشرطه )

حمد : ( سوا بلاغ تهمه خطف بس هم بعدهم مب متأكدين ف قالوا اول لازم ندورهم )

الشرطه : ( دوروهم بكل مكان بس ماحصلوهم )

هيا : ( ترمس الشرطي ) انا عندي خطه !

الشرطي ( فيصل ) : ( اطالعها باهتمام ) شو هي ؟؟

هيا : خل نتصل حق شهد او فاطمة و يمكن حد من الخاطفين يرد علينا و .....

الشرطي ( فيصل ) : ( يقاطعها ) خلاص عرفت الخطة ( ابتسم ) نحنا دايما نسويها

حمد : يلا انا بتصل حق شهد ( اتصل جان حد يرد عليه )

الشخص : الو

حمد : ( ساكت )

هيا : ( خذت الفون عنه بسرعه و قالت بدلع ) الو ( طبعا هي سوت جي عشان الشخص مايسكر )

الشخص : هلا هلا ؟؟

هيا : هلا حبيبي ! ( بعدت شوي التلفون سوت عمرها بتزوع )

الشرطي ( فيصل ) : ( يهمس ) كمللي !!

هيا :( بدلع ) حياااتي اشتقتلك ( حمدان لو عرف بيذبحها خخخ )

الشخص : و انا بعد ي قلبي

هيا : حبيبي شو اسمك ؟؟

الشحص : اسمي صقر !!

هيا : ( بدلع )وااااو حلوو اسم صقر

الشرطي ( فيصل ) : ( يهمس ) خلاص سكري عرفنا المكان

هيا : ( تهمس ) حبيبي بسكر اخوي يا باااااي ( و سكرت بسرعه ) يييييع يييييع

الشرطي ( فيصل ) : يلا خلنا نسير قبل مايغيرون مكانهم

الكل : يلا ( و ساروا )

( اتجهوا للمكان كان المكان مهجور و يخوف )

الشرطي ( فيصل ) : ( عطا هيا جهاز هو مثل زر اذا ضغطوا عليه الشرطه يدخلون < صراحه ماعرف اذا هذا الجهاز موجود الحين ولا ) هيا خلي ها الجهاز عندج في الوقت المناسب اضغطي عليييه

هيا : ( كانت خايفه واايد ) اوكيه

سيف : هيو لا تخافين مابيستويلج شي دام نحنا موجودين

( حمد و هيا و سيف دخلوا )

حمد و سيف : ( انخشوا عند الباب عشان صقر مايضرب هيا و لايشرد فاهمين علي انتو ؟ )

هيا : ( دخلت و اطالعت صقر بنظرات و تكتفت )

صقر : هييااااا ؟؟؟؟؟

هيا : هيه هياا ( ابتسمت باستهزاء )

صقر : ( رفع المسدس و كان بيضرب هيا بس )

هيا : ( نزلت تحت و ف نفس الوقت ضغطت الزر و دخلوا الشرطة و حاوطوا صقر )

الشرطي ( فيصل ) : نزل سلاحك

صقر : ( وجه السلاح صوبه و انتحر )

هيا : ( يت صوبي و بطلت الحبل اللي في ايدي و ريلي و حظنتني ) شهود حبيبتي خفت عليج وايد

سيف : ( سار صوب فاطمه اللي كان مغمى عليها و يلس يضربها بالخفيف ع ويهها ) فطووم ؟ فطوم حبيبتي قومي ؟

فاطمه : ( م قامت )

انا : ( بتعب ) هيو اذا صار لي شي لا قدر الله ابيج تقولين حق حمد يتنازل عن القضيه اللي سواها حق صقر ( ما سمعت ردها سيده قمت كنت بسير حق فاطمة بس اغمى علي )

حمد : ( يا صوبي ) شهود ؟ قوومي ؟ حبيبتي يلا قومي ؟

انا : ( لا رد )

حمد : ( شلني و وداني السياره و طيران على المستشفى )

سيف : ( شل فاطمه و ركب السياره )

هيا : ( ركبت ويا سيف و هي تصيح )

الكل : ( عرفوا بالسالفه ما عدا الشواب و يوا المستشفى )

( في المستشفى )

حمدان : ( سار صوب حمد ) شهود شو فيها ؟

حمد : ( دمع ) ما ادري

( عقب 5 ساعات )

الدكتور : ( طلع ) لا حول و لا قوه الا بالله

الكل : ( ساروا صوب الدكتور )

ندى : ( تصيح ) دكتور شو بلاها اختيه ؟

شيخه :( تصيح ) فطوم شو فيها و شهود شو فيها ؟

هيا : ( تصيح ) دكتور شفيك ساكت تكلم ؟

الدكتور : شهد الحمدالله بخير بس نفسيتها موول مب زينه لازم ترتاح و تبعدونها عن المشاكل و اذا لا قدر الله صارت لها مشاكل يمكن ها الشي يدخلها بغيبوبه طويله و ها مب زينه حقها لان هي بعدها صغيره و فاطمة الظاهر تعرضت لضرب و ها الشي دخلها بغيوبه بس مؤقته يعني ممكن بأي لحظه تقوم

حمد : ( ارتاح شوي ) انزين دكتور اقدر ادخل على شهد

الدكتور : هيه تقدر بس بدون ازعاج ( يكمل ) يلا استاذن

حمدان : اذنك معاك

حمد : ( ما صدق و بسرعه دخل )

انا : ( كنت طايحه بس صاده الصوب الثاني و دموعي على خدي )

حمد : ( يا صوبي بسرعه و مسك ايدي )

انا : ( نقزت و صديت برعب )

حمد : ( انصدم من حركتي ) شهود بلاج ؟

انا : ( قمت و حظنته ) خايفه من كل شي

حمد : ( ابتعد عني و مسكني من جتفي و اطالعني عين ب عين ) صقر سوا لج شي ؟

انا : ( من ذكر اسمه تميت اصيح اكثر )

حمد : ( يهزني من جتفي ) شهود قولي سوالج شي ؟

انا : ( هزيت راسي ب لا ، حظنته ) حبيبي خايفه والله !

حمد : ( حظني اقوى ) لا تخافين حياتي دامني وياج مستحيل حد يسويلج شي

انا : ( تميت اصيح لين نمت بحظنه )

حمد : ( اطالعني بحزن و طلع )

هيا : ( سارت صوبه ) شو فيها ؟ هي بخير ؟

حمد : ( اطالعها بحزن ) بخير ! بس نفسيتها مول مب زينه !

سيف : ( كان يالس و محطي ايده على ويهه )

حمد : ( سار صوبه و حظنه ) ما عليه سيفوه بتقوم بالسلامه

سيف : ( ابتعد عنه و اطالعه ب عصبيه ) انته ما سمعت الدكتور شو قال ؟ قال انها دخلت في غيبوبه !

حمد : ادري يعني ب أي وقت ممكن تقوم

سيف : ( اطالعه ب حزن ) و يمكن ما تقوم للابد

سالم : ( عصب و سار صوب سيف و مسكه من ثيابه ) اختيه ما فيها شي بس تتدلع

سيف : ( رفع راسه و صفعه كف ) خلاص سلوم اصح فطوم بين الحياه و الموت

حمد : ( بعد سالم عن سيف، و سحب سيف برع المستشفى و وداه صوب السياره )

سيف : انته ليش يايبني اهنه ؟

حمد : بوديك مكان يمكن يريحك شوي

سيف : ( تنهد و ركب السياره )

حمد : ( ركب السياره و سار صوب البحر ، شوي و وصلوا ) يلا انزل !

سيف : ( نزل و سار يلس على الرمل )

حمد : ( بند السياره و عقبها سار يلس عدال سيف ) سيفوه ؟ ( بدون ما يطالعه )

سيف : ( ما صد ) هلا ؟

حمد : ( تنهد ) يوم بيقومون شهود و فطوم لازم نسفرهم او نطلعهم عشان ينسون كل اللي استوى

سيف : ( تنهد ) خير ان شاء الله ( و تموا يالسين 3 ساعات و هم ما حسوا بالوقت لين ما رن فون سيف ) الو

احمد : الو سيفوه بسرعه قول حمود أي شهود قامت و حالتها اسوء عن قبل

سيف : انزين انزين يلا يايين( و سكر )

حمد : ( حس ان شهد فيها شي ) شسالفه ؟

سيف : ( قام ) قوم بسرعه شهود قامت و حالتها اسوء عن قبل

حمد : شو ؟ ( بسرعه قام و ركض صوب السياره شغلها ) يلا سيفوه تعال بسرعه

سيف : ( ركض بسرعه و ركب السياره )

حمد : ( ساق بسرعه جنونيه ، شوي و وصلوا المستشفى ، نزل بسرعه و نسى السياره مشتغله )

سيف : لا حول و لا قوه الا بالله ( نزل من السياره و سار مكان حمد ، بند السياره و قفلها و نزل و بسرعه دخل داخل و سار صوب حمدان اللي كان حاظن هيا ) حمدان ؟

حمدان : ( ابتعد عن هيا بس تمت تصيح على صدره ) هلا ؟

سيف : ( عور قلبه الموقف ) بلاها شهود ؟

حمدان : ( يقولهالسالفه )

(ندرلقبل ما ايون سيف و حمد )

انا : ( قمت ) شسالفه ؟ انا وين ؟ و أصلا انا ليش اهني ؟

حمده : ( قالتلي )

انا : وين فطوم ؟

أسماء : فطوم دخلت في غيبوبه ( و نزلت راسها )

انا : شو تقولين ؟ ( و تميت اصيح )

( نرد عند حمدان )

حمدان : ( نزل راسه ) و تمت تصيح و نحنا تمينا نهديها بس ماشي فايده ( رفع راسه مره ثانية ) سيرلها يمكن تهدأ

سيف : لا حول و لا قوه الا بالله ( يكمل ) انزين الحين بسيرلها ( و دخل و سيده يا صوبي و مسك ايدي ) شهود حبيبتي اهدي اذا ما هديتي ما بوديج عند فطوم !

انا : ( مسحت دموعي بسرعه و مسكت ايده بقوه ) خلاص هديت الله يخليك ودني عندها

حمد : انته تخبلت شو تسير عندها ؟ لو شافتها بتتعب زياده !

سيف : هيه انا تخبلت ( مسكني من ايدي زين )

انا : ( اول ما وقفت حسيت بدوخه ف تمسكت بقميص حمد لان كان مجابلني و غمضت عيوني )

حمد : ( سحبني صوبه و مسكني من خصري عدل عشان ما أطيح ) شهود بلاج ؟

انا : ( فتحت عيوني ) مافيني شي بس دوخه خفيفه

حمد : انزين انا بدخل وياج عشان ما اطيحين

سيف : ما يستوي لازم شخص واحد بس

انا : ( اطالع حمد )

حمد : ( يطالعني ) اول ما تحسين بدوخه بسرعه طلعي

انا : ( ابتعدت عنه عشان ما يلاحظ دموعي اللي طاحت بدون سابق إنذار مسحت دموعي و قلت بصوت مخنوق ) انزين يلا خل نسير

حمد : ( لاحظ بس ما قال شي ) يلا ( و طلعنا )

الكل : ( يطالعونا بصدمه )

حمدان. : ( يا صوبنا ) وين سايرين ؟

سيف : يعني انته ما تعرف أختك أصرت الا تسير عند فطوم !

زايد : ( يا صوبنا ) شهود مب زين انتي لازم ترتاحين

انا : ( اطالعته بس ما رديت عليه )

حمدان : ( مسك ايدي ) الله يهداج اختي شقدرج تسيرين عندها ؟ انتي لو بس تشوفين الأجهزة بيغمي عليج

انا : ( مسكت ايده بقوه ) لا تخاف أختك قويه ان شاء الله ( بصوت مخنوق ) ما بيستوي لي شي !

حمدان : ( حظني و همس ) شهود بلاج ؟

انا : ( حظنته أقوى ) مافيني شي ! ( نزلت دمعه بس مسحتها بسرعه )

حمدان : ( همس ) حمد سوا لج شي ؟

انا : لا ( همست ) بس اكتشفت شي عنه و صدمني ( ابتعدت عنه و نزلت راسي )

زايد : ( كان عدال حمدان ف سمع اللي قلته ف خاطره : ليكون تعرف ان ..... ؟ لا مستحيل ! )

حمدان : ( رفع رأسي بصبعه ) شو هذا الشي ؟

انا : ( صديت اطالعت حمد بعدين سيف عقب رديت اطالعت حمدان و همست ) عقب بقولك الحين ما اقدر (ارمس حمد ) يلا خل نسير

حمد : ( مسكني عدل من خصري ، شوي و وصلنا عند الباب ) شهود انتي متأكده انج تقدرين تتدخلين ؟

انا : هيه اقدر ( ابتسمت ) بس لو تبا تدخل بدالي قول ؟

حمد : ( استغرب ) لا ما ابا ادخل

انا : ( ف خاطري : ادري ان في خاطرك تتدخل ) متأكد ؟

حمد : ( استغرب اكثر ، ف خاطره : شهود بلاها جي انقلبت مره وحده ؟ ليكون عرفت بالسر باللي كنت خاشه ؟!) هيه متأكد

انا : ( ف خاطري : يمكن نساها ؟ ما ادري والله ! انا لازم أتأكد من مشاعرهم هم الاثنين اخخخ لو بس سيف درى بيتينن ، لبست هذا اللبس مالهم و دخلت )

فاطمه : ( كانوا محطين لها وايد اجهزه )

انا : ( شهقت و حطيت ايدي على حلجي و نزلت دموعي ، سرت صوبها و مسكت ايدها ) فطووم ؟ حياااتي قومممي فطوم قوممي انا اعرف انج تحبين حمد والله ادري و ادري بعد ان هو يحبج

فاطمه : ( ضغطت على ايدي )

انا : ( نزلتي دموعي اكثر ) شفتي كيف ؟ يوم قلت اسمه ضغطتي على ايدي انا ادري انج تحبينه ( شهقت ) بخليه يطلقني بس انتي قومي ( ما قدرت أتم زياده ف طلعت ، اول ما طلعت صحت زياده و حطيت ايدي على ويهي )

حمد : ( يا و حظني ) قتلج ما بتقدرين !

زايد : ( ف خاطره : فديتها والله يا ليت اقدر اسير و احظنها و أهديها ، طاع الغبي حمد بدل لا يهديها افففف و انا اصلا شو يخصني فيهم بس شو أسوي قلبي حبها آه )

انا : ( أغمي علي )

حمدان : ( يا صوبنا و بعد حمد عني ) شهوود قوومي ( يضربني على ويهي بالخفيف ) شهوود

ندى : ( يت صوبهم و هي تصيح ) شهود قومي عااااد ( ترمس حمدان ) حمدان سير ازقر حد الله يخليك

حمدان : ( بحزن ) انزين ( وسار بسرعه ورد ويا الدكتور حمدان شلني وحطني على السرير ها مالهم و الدكاتره ودوني الغرفه و حطولي مغذي ،، يا عندي و مسك ايدي ) بلاج حبيبتي ؟ شو استوى لج ؟؟ ليتني اقدر اشل كل ها العذاب عنج ( وطلع و سيده حظن هيا ) ليتني اقدر اشل كل ها العذاب عنها

هيا : لاتخاف حبيبي مابيصيرلها شي !

حمدان : ( ابتعدعنها و ابتسم ) شو قلتي ؟؟

هيا : ( ابتسمت بحيا ) ماقلت شي !

حمدان : الجين بسكت عنج بس براويج بعدين ( و غمزلها )

( اليوم الثاني )

انا : ( فتحت عيوني جان اشوفه محطي راسه على السرير و ماسك ايدي وراقد ، لا اراديا نزلت دموعي )

حمدان : ( دخل و هو مبتسم )

حمد : ( قام لانه حس بدخول حمدان )

حمدان : ( يا صوبي بسرعه و مسك ايدي ) شهوود ؟؟ بلاج حبيبتي ليش كل تصيحين ؟؟

انا : ( بعدت ايدي عنه و مسحت دموعي ) مافيني شي لاتخاف ( قمت يلست ) بلاك اول مادخلت مبتسم ؟؟

حمدان : البشاااره فطووم فاامت

انا : ( فرحت ) قول والله ؟؟

حمدان : ( عقد حياته ) شوو تتحريني اجذب عليج ؟

انا : ( حظنته ) ادري انك ما اجذب بس والله فررحت

حمدان : ( استانس ) عساج دوم فرحانه يا اختيه

انا : حمداان تدر ي ( ابتعدت عنه ) اناا واااااااايد اححححبك

حمدان : ( ابتسم ) لو ادري اان قومت فطوم بتخليج جي تحبيني جان من زمان قومتها

انا و حمد : ( ضحكنا )

__DEFINE_LIKE_SHARE__

ولا غيره سكن قلبي · 07-07-2014, 04:41 PM

تكمله البارت 19

حمدان : انزين يالله تعالو فطوم تبا تشوف شهود !!

حمد : انته سير وانا بيب شهود

حمدان : اوكي ( طلع )

انا : ( صديت له وابتسمت ) فرحت يوم سمعت انها قامت صح ؟ كنت خايف عليها وايد صح ؟ ( نزلت دموعي ) ادري انك تحبها والله ادري انها تحبك اذا انتو تحبون بعض ليش تزوجتني عشان تقهرها ؟ عشان تغار ؟ ( صديت صوب الثاني )

حمد : ( انصدم خلاني اصد صوبه ) حبيبتي انا فرحت وخفت عليها عشان هي وحده من اهلي مب عشان شي ثاني و حبي ل فطوم وحبها لي كان ماضي وحب طفولي وطيش اصلا نحنا الاثنين حبينا بعض من كلام الاهل لان يوم كنا صغار انا و فطوم كنا كله ويا بعض ونا كنت كل ادافع عنها يوم يضربونها فعشان جي الاهل تموا يقولون انا نحنا نحب بعض ف من كلامهم زرعوا فينا الحب بس يوم كبرنا اكتشفنا ان نحنا ماننفع حق بعض و عشان جي تركنا بعض ( ابتسم ) نحنااصلا ناسين السالفه ! ( مسح دموعي ) ما ابا اشوف دموعج ابدا

انا : ( حظنته ) حمد اوعدني ماتتخلى عني ابدا ؟ و واوعدني اتم تحبني للابد ؟

حمد : اوعدج والله اوعدج ( ابتعد عني و ابتسم ) يلا خل نسير اكيد الحين فطوم تحاتيج !

انا : يلا ( مسحت دموعي وابتسمت )

حمد : ( نزلي من على السرير و مسكني من ايده و خصري ) تبيني اشلج ؟ ( ابتسم )

انا : ياويلك والله ( ابتعدت عنه )

حمد : ( قربني صوبه ) تعالي استهبل والله !

انا : ( ابتسمت له وتقربت وحطيت راسي على صدره )

حمد : ( استانس على حركتي )

انا طلعنا من الغرفه وسرنا عند فطوم ، ودخلنا )

فاطمه : ( اول مادخلنا ابتسمت )

انا : ( سرت صوبها بسرعه وحظنتها )

فاطمه نزلت دموعها ) شهود سوالج ؟

انا: ( نزلت دموعي ) لا ماسوا لي شي !

هيا وندى : ( يوا صوبنا وانخشوا في حظنا )

انا : شواخ شرايج اتين بعد ؟

الكل ضحكوا )

شيخه يت بعد عندنا )

انا : ( ابعدهم عني ) خلاص قومو خنقتوني

حمد : ايييه قوموا عن حرمتي خنقتوها

الكل : ( ضحكوا )

البنات : ( ابتعدوا عني و كل وحده سارت عند ريلها )

حمد : شهوود انتي بعد تعالي عندي

انا : ( ابتسمت له و سرت عنده )

حمد : ( حط راسه على جتفي و مسك ايدي ) شهود قوليلي شو استوى يوم صقر خطفكم ؟؟

انا : قبل ما اقولكم اذا صقر ما استوى له شي اباك تتنازل عن القضيه

الكل : شووو ؟؟

انا : انا قلت كلمه وحده و ما بغيرها

حمد : انزين .. يلا قولي

انا : ( اقولهم السالفه )

( نرد لقبل )

انا : ( فتحت عيوني و شفت احقهر انسنان بالعالم ) انا شو اسوي هني ؟؟

صقر : ( ضحك بخبث و تقرب مني ) انفذ انتقامي يا حلوه

انا : ( كنت بصفعه بس كان رابط ايدي و ريلي ، صديت جان اشوف وحده طايحه على الارض شهقت ) فطوووم ؟؟؟؟

صقر : شرايج بالمفاجاه الحلوة ؟؟

انا : اذا تبا تنتقم انتقم مني انا بس اهلي مايخصهم و مليون مره قلتلك انا ماسويت جي

صقر : ( عصب تقرب مني و صفعني كف ) انتي السبب انتي اللي خليتي نوره تنتحر

انا : هي اللي شكت فينا لو خلتنا نفهمها السالفه جان ما استوي جي و هي الحين بخير بس هي شكت فينا

صقر : ( ثأثر بس ماحب يبين ) انزين شو اللي يثبتلي انج ماتحبين عبدالعزيز ؟ و هو مايحبج ؟؟

انا : ( ابتسمت باستهزاء ) انا تزوجت ولد خالي و عبدالعزيز شكله ناوي يتزوج عن قريب

صقر : و منو هاي ان شاء الله للي بيتزوجها ؟

انا : ما ادري

صقر : ( صفعني كف ثاني ) كيف ماتدرين ؟ انتي قلتي بيتزوج

انا :لان بعدني مب متأكده اذا ها البنت تحبه مثل ماهو يحبها و لا ؟ فهمت ؟

صقر : يعني تعرفينها ؟؟

انا : ( اجذب عليه ) لا ما اعرفها عبدالعزييز قالي ان هو يحب وحده و ناوي يتزوجها بس هو ما يدري اذا هي تحبه مثل ماهو يحبها ف عشان جي هو قال بيسألها بالاول ! و يوم سألته منو هاي ؟ قال عقب بقولج !

صقر : ( صفعني كف ثالث ) شهوود تجذبين علي ؟؟ ماعليه انا براويج !! ( و سار عند فاطمة و تم يضربها و يرفسهابعدني يا عندي و تم يضربني ، شوي و وقف و ابتسم ) كوني جاهزه بنسهر سوا ( وطلع )

( نرد عندنا )

فاطمة : اووونه كل ها استوى ؟؟\

انا : ييب يببب يلا انتي كملي الحين

فاطمة : انززين

( نرد لقبل )

فاطمة : ( قامت )

انا : فطووم ؟؟؟ ( سرت صوبها )

فاطمة : شهود نحنا لييش اهنه ؟؟؟ و ليييش خدج جي احمر ؟

انا : صقر خطفنا فطوم تخيلي شو قال ؟؟

فاطمه : شو قالل ؟؟

انا : قال اليوم الساعه 7 اجهز نفسي لان بنسهر سوا

فاطمة : شوو ؟؟؟

انا : والله جي قااال !!! ( نزلت دموعي )

فاطمة : انا عندي فككره ( يت تساسرني )

انا : اوكي بس اخاف ما تنجح

فاطمة : لا ان شاء الله بتنجح ( و تمينا نسولف لين الساعه 7 )

صقر : ( دخل ) يلا يا حلوة خل نسير نسهر

فاطمة : ( بدلع ) لا هاذي خلها تعال انا و انته بنسهر

انا : ( بدلع ) لا والله هو قال بيسهر وياي انتي مايخصج

فاطمة : ( بدلع ) كيففي انا اباه يسهر وياي

انا : ( بدلع ) صقوور شوفها !!

صقر : ( ع باله صدق ) ايييه انتي مايخصج انا قلت بسهر ويا شهود مب انتي

فاطمة : عااد من زيين ويههك تقول جنك ظب بسم الله

صقر : ( عصب و سار يضربها لين ما اغمي عليها )

انا : ليش جي سويت فيها ؟؟؟

صقر : ( معصب ) حد قال لها تسبني

انا : تستاهل يا ويه الظب حد قالك تخلي وحده شرات فطوم

صقر : ( عصب اكثر ويا يضربني ) يااا حيوااانه ( و يلس يسب و يضربني )

( نرد ل عندنا )

فاطمة : هذا اللي شفته و سمعته عقب اغمى علي ( ترمسني ) انزين شو استوى عقب ؟

انا : عقب قوم هيو دخلوا

فاطمة : اووونه !!!

انا : والله ! هيوو قوليلها شو استوى ؟!

هيا : ( قالتلها )

فاطمة : ( تنهدت ) ما بنسى ها اليوم ابدا

انا : ( تنهدت ) هييه حتى اناا

حمد : شهود فطوم ؟ شو كانت فكرتكم ؟؟

انا : ( ابتسمت ) الله يسلمك انا في جيبي دوم يكون فييه كلينكس مخدر ف فطوم قالت اول شي خل نعصب فييه لان اذا عصب ممكن ينسى ها السالفه و اذا مانسى بيخلني اسير و اذا خلاني اسير وياه بخليه يبطل الحبل اللي في ايدي و ريلي عقب بقوله ان بسير ببدل طبعا اكيد اجذب عليه و بسير من وراه و بحط الكلينكس و خلاص

حمد : اهاااا

انا : ( تذكرت شي ) هيه صح صقر شو استوى له ؟؟

زايد : سمعت ان توفى لان كنت مار صوب غرفته و انا مار طلع الدكتزر و قال للبنت اللي كانت يالسه على كرسي متحرك ان اخوها ماات

البنات : نوووره ؟؟؟؟

انا : ( قمت و طلعت سرت سألت عن غرفه صقر قالولي المكان و سرت بسرعه جاان اشوف ) نووورة ؟؟؟؟

نورة : ( صدت لي ) شهوود ؟؟ ( انصدمت )

انا : ( سرت صوبها و مسكت ايدها ) نوره انا والله ما خنتج ( و قلتلها كل اللي اسنوى )

نوره : ( منصدمه ) كل ها سواه صقوور ؟؟ و حمدوه ؟؟؟

انا : ( اصيح ) هييه بس على فكره ترا حممده تغييرت !!! ( مسحت دموعي ) تعالي خل نسير عندهم

نوره : ( نزلت دموعها ) شهوود والله اسفه ماكنت ادري والله

انا : ( مسحت دموعها و ابتسمت ) اللي فات ماات

نوره : انزين ششواخر التطورات ؟؟

انا : ( قلتها )

نوره : الف مبروك حبيبتي

انا : الله يبارك فيج و في حياتج و عقبالج

نورة : لاا وين انا بعدني ما افكر في الزواج

انا : انزين يلا خل نسير عندهم

نورة : يلاا

تتوقعون :-

1- شو بيسون البنات يوم بيشوفون نوره ؟؟

2- شهد بتسامح صقر على كل اللي سواه فيها

3- صقر سوا ها كله عشان نورة و لا عشان شي ثاني ؟
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اغنية دبنا لغيابك دبنا بصوتي .. احمد الداية	محروم.كوم	منتدى أخبار المواقع والمنتديات العربية والأجنبية	0	08-09-2012 03:40 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
ياويش ورع اشتهر للملايين(جديد)	محروم.كوم	منتدى أخبار المواقع والمنتديات العربية والأجنبية	0	10-26-2011 12:50 AM
سلاله االــــــبـــا تـــــل... الذي اشتهر في السناوات الاخيره	محروم.كوم	منتدى أخبار المواقع والمنتديات العربية والأجنبية	0	03-20-2010 12:40 AM
الشهرهـ اتغير العالم فــي وجهـ العموم لكن ماغيرت الفتكـ يوم اشتهر ... v.t.c	..{mr.shrjawy }..	سيارات و دراجات	10	06-22-2009 02:18 PM