قصة خيالية رواية : مثل النجمة و القمر كبر حبنا و اشتهر - الصفحة 12

راقيه باسلوبي · 06-26-2014, 05:33 PM

كملييييييييييي البارت وايددد حلوو

بالتوفيق ... __DEFINE_LIKE_SHARE__

3la Hoonk · 06-26-2014, 05:54 PM

الباررتتت طططرر ياخخخ وتسلممين ع البارتت

ف انتظار البارتت الياي __DEFINE_LIKE_SHARE__

ولا غيره سكن قلبي · 06-28-2014, 05:38 PM

المشاركة الأصلية كتبت بواسطة راقيه باسلوبي

كملييييييييييي البارت وايددد حلوو

بالتوفيق ...

من عيوني ... الحين بحط البارت
اميييين __DEFINE_LIKE_SHARE__

ولا غيره سكن قلبي · 06-28-2014, 05:40 PM

المشاركة الأصلية كتبت بواسطة 3la hoonk

الباررتتت طططرر ياخخخ وتسلممين ع البارتت

ف انتظار البارتت الياي

ثااانكس حبيبتي ..
شوي و انزل البارت .. __DEFINE_LIKE_SHARE__

ولا غيره سكن قلبي · 06-28-2014, 06:30 PM

البارت 16

( في المستشفى )

فاطمه : ( تصيح ب عذاب ) كلللل منننننك انت السببببب انتتتته

شيخه : ( صرختتت و هي تصيح) خلااااص عاااااد هوووو ما يخصه والله مااا يخصه

صقرررر هو السببب صقررر

الكل : صقررر ؟؟

حمد : ( رفع راسه و اطالعها بصدمه ) كيف تعرفين ؟؟؟

شيخه : ( حطت أيدها على ويهها و تصيح اكثر من قبل )

حمد : ( سار صوبها ) شواخ كيف تعرفين ان هو السببب ؟؟

احمد : يعني هو السبب ؟؟

حمد : شواخ قوللي كيف تعرفين ؟؟

شيخه : حرمت صقر كانت ربيعتي وايد وايد يوم توفت انا سرت العزاء و شهود سارت

وياي بس هي ما كانت تدري ان هاي حرمت صقر لان انا قلت لها انها ربيعتي فجأه

دخل علينا صقر و شافني انا و شهود عاااد هو عصبب يوم شاف شهود وياي

ف طردها برع ( تصيح ) انا ما تحملت أشوف شهود تنطرد ف سرت له و و عصبت

عليه و اصلا هو قبل ما تتوفى زوجته كان يلعوز شهوود و زوجته كانت تدري باللي

يستوي و هي ماتت بسبته هو لان هو تم يضربها و يضربها و الحين خذاا رقمي ما

ادري من عند منو و اليوم طرش لي الرساله اللي طرشها حق شهوود

ندى و سعيد : ( توا يوا )

ندى : ( يوم شافت الكل جي يصيحون تصنمت مكانها )

شيخه : ( سارت و حظنت ندى)

ندى : ( تبتعد عنها ) شهود بلاها ؟؟

شيخه : ما ادري ما ادري

الدكتور : ( طلع ) لا حول و لا قوه الا بالله

حمد و هيا و فاطمه و شيخه و ندى و سيف و حمدان : ( ساروا عند الدكتور )

حمد : دكتور قول بلاها ؟؟

الدكتور : صراحه البنت دخلت في غيبوبه بس منو فيكم حمد ؟؟

حمد : انا ليش ؟

الدكتور : البنت بس تقول حمد

حمد : انزين اقدر ادخل عليها

الدكتور : هيه بس بدون ازعاج

حمد : ( لبس هذا اللبس مالهم عقب دخل )

فاطمه : ( تحظن هيا و تصيح )

ندى : ( تصيح ) شهود ليش جي استوى فيها ليش ؟؟

شيخه : ( تقولها السالفه )

ندى : (انصدمت و يلست تصيح ب عذاب )

شيخه : ( حظنتها )

سعيد : ( منصدم )

( في العنايه )

حمد : ( دخل و قلبه عوره يوم شافني محطيلي واايد اجهزه ، يا صوبي و مسك ايدي و

حط راسه على السرير ) شهووود قومي بللليزز الله يخللليج قومممي لا تخافين محد

بيقرب صوب أهلج ولا حد بيأذيهم ( ما تحمل و طلع و هو منزل راسه )

سيف : ( يسير صوبه و يحظنه )

حمد : ( يبتعد عن سيف ) نحنا لازم نتقم من ها اللي اسمه صقرر لازم نتقم

شيخه : ( سارت صوبه ) انته بعدك ما عرفته ؟!

حمد : صح اني ما اعرفه بس براويه ان شهود عندها ناس يدافعون عنها

فاطمه : ( سارت صوبه ) حمد انته بعدك ما تعرفه !!

سيف : ( صد لها ) فطوم انتي بعد تعرفينه ؟؟

فاطمه : هيه شهود كانت دايم تسولف عنه و كانت تقول لنا ان هو سوا جي حق فلان

حتى مره شهود اونه كانت زعلانه منه و ما ترد عليه وجي تعرفون شو سوا سار و دخل

بيتهم و سار غرفتها نحنا كنا ويا شهود في جناحها هي كانت يالسه ف الصاله و نحنا في

الغرفه بس ( صدت حق حمدان ) حمدان دق باب الحجره و خرب الليي صقر كان ناوي

يسويه ( ترمس حمدان ) انته يا حمدان نقذت شهود

حمدان : ( ياشر على عمره ) انا ؟؟

فاطمه : هيه ، يا شباب لا تسون شي بلليز نحنا اللي بنتقم

هيا : هيه نحنا اللي بنتقم انتو بعدكم ما عرفتوه نحنا نعرفه زين و نعرف نقطت ضعفه ( ابتسمت و اطالعت البنات )

شيخه : ( ابتسمت ) هيه نحنا بننتقم و بيشوف نحنا منو !!

( فجأه سمعوا صوووت صرخخه يايه من الغرفه )

الكل : ( دخلوا )

انهرت ) ) انا : ( اصارخ ) لييييييييييييييييييييش جييييييي تسووووي لييييييييش ؟؟ انا والله ما اذيتتتتتتتها والله

حمد : ( اي صوبي و يحظني ) خلاص شهود !! خلاص

الكل : ( منصدمين اول مره يشوفوني جي ضعيفه )

حمده : ( يت صوبي ) حمد ممكن تبتعد شوي !؟

حمد : ( ابتعد عني )

حمده : ( يلست على السرير و مسكت ايدي) شهود حبيبتي انا اليوم بسير عند صقر و بعترفله

انا : صدق ؟؟

حمده : هيه صدق

انا : ( احظنها ) بس بيأذيج

حمده : ( تبتعد عني ) لا تخافين ما بيقدر

انا : ( تنهدت )

ندى : ( يت صوبي و حظنتني ) شهود خوففتيني عليج والله

انا : ( ابتعدت عنها و ابتسمت ) لا تخافين انا ما فيني شي ( اشوف خدها و أهمس )

ندوي شو هذا ؟؟

ندى : ( توترت ) ها هذا لا و لاشي ( تفكر ) هيه طحت

انا : ( اطالعها و رافعها حواجبي ) ندوي جذبي على غيري انزين ( ارمسهم ) وين

سعيد ؟

الكل : ( يأشرون عليه )

انا : سعيد تعال !!

سعيد : ( اي صوبي ) هلا بغيتي شي ؟؟

انا : ( أهمس ) شو ها اللي في ويهها ؟؟

سعيد : ( توتر ) هاا ما ادري هيه صح طاحت

انا : اجذبوا على غيري انزين يلا قولوا لي ؟؟

سعيد : ( قال لي السالفه ) و طلع الريال هو سيف ( نزل راسه )

انا : ( تنهدت ) سمعوا كلكم انا لازم أقولكم ها الشي و قبل ما ما تسون اي شي تذكروا

كلامي زين( قلتلهم عن صقر من يكون و اخته و كل شي )

الكل : ( منصدمين )

حمده : ادري كل شي استوى بسبتي بس انا بسير بعترف له

احمد : لا لا حمده بيأذيج !!

حمده : انتو بلاكم ليش جي كل تقولون بيأذيج !؟؟

انا : لاااان ( اطالع احمد و أرد اطالعها ) لان كان بيأذيني ( و قلتلها السالفه يوم العزبه )

حمده : شوو ؟؟ ها كله سوااااه ؟؟

انا : ( نزلت راسي ) هيه

سلطان : عشان جي سافرتي صح ؟؟

انا : صح و عشان شي ثاني بس خلاص اصلا نسيته

سالم : والله حالتج صعبه ( يمثل ان زعلان )

انا : ( ضحكت عليه )

ناصر : شهوود ؟؟

انا : هلا ؟؟ اوووه انته اهنه !!

ناصر : ( يا صوبي و ابتسم ) صح اني على قولتكم صغير لكن بخليه يندم على كل

دمعه نزلت منج

يوسف : ( يا صوبه ) هيه بيشوف بنراويه منو عيال ال....

انا : مب انتو اللي بتراونه انا اللي براويه ( يلست افكر بخطة انتقم فيها من صقر فجأه

يتني فكره حلوه ، أبتسمت )

هيا : ( تطالعني ) بسم الله بلاج جي تبتسمين بروحج ؟؟

انا : يتني فكره !!

هيا : فكرة شو ؟

انا : انتقم فيها من صقر !!

الكل: ( تحمسوا ) شو هي ؟؟

انا : ( ابتسمت ) عقب بتعرفون !!

ندى : شهوود عاااد قولللي تحمسناا

انا : عقققب ( اكمل ) انززين متى بطلع من اهنه ؟؟

حمد : عقب ثلاث ايام

انا : يعني بتم محبوسه اهنه 3 أيام

سعيد : ( يستهبل ) ههههه احسسسن ( يطلع لسانه ) وييييو نحنا بنطلع و بنسير انتي

بتمين اهنه

انا : ( ببراءة ) عادي سيروا حمد بيتم وياي احسن منكم ( ابتسمت )

حمد : ( يطالعني و يبتسم )

الكل : ( يصفقون ) أوب أوب

انا : ( اطالعهم ببراءة ) ما قلت شي انا

زايد : ( يستهبل ) انتو بعدكم ما عرستوا وجي تقولون عيل لو عرستوا شو بتسون ؟؟

( غمزلي )

انا : ( شفت علبه كلينكس جان افرها عليه ) يالحيوواااان

الكل : ( يضحكون )

( فجأه سمعنا صوت دق الباب حمد سار و فتح الباب و شاف )

الريال : هاذي غرفه شهد ال..... ؟؟؟

انا : ( ف خاطري : هذا الصوت اعرفه زيييين تذكرت ان ها الصوت صوت ..... )

شباب واحد منكم يقول حمد يدخل الريال

زايد : انا بسير بقوله !!

الريال : ( دخل و نزل راسه ) السلام عليكم !!

هيا و فاطمه و ندى و شيخه : ( وقفوا و حطوا أيدهم على حلجهم ) عبدالعزيز !!!!

( اكيد تعرفونه حبيب نوره )

انا : ( دموعي طاحت ما قدرت أتحمل بس مسحتهم بسرعه )

عبدالعزيز : ( رفع راسه ) الحمدالله على السلامه شهود

انا : ( ب صوت مخنوقق ) الله يسلمك ( أغير السالفه ) انته قبل قلت تبا تشوف البنات

( أشار على هيا ) هاذي هيو ( و أشار على ندى ) هاذي اختيه ندوي ( أشار على فاطمه

و شيخه) و هاذي فطوم و هاذي شواخ

عبدالعزيز : ( ابتسم ابتسامه خفيفه ) شحالكم بنات ؟

البنات : ( كلهم نزلوا رأسهم ) بخير الحمدالله

عبدالعزيز : دووم ، و انتي شهود شحالج و شحال نوره ؟؟ ( نزل راسه ) اكيد ردديتوا

ربع مثل اول و اكثر !! ا

انا : ( ب هدوء ) نوره انتحرت

عبدالعزيز : ( انصدم ) شوووو ؟؟ انتحرررررت ؟؟؟

انا : ( نزلت دموعي ) هيهه انتحرت بس الله ستر و ما ماتت تشللت ( حطيت أيدي على ويهي )

عبدالعزيز : شهود انا والله اعتبرتج اختي والله ما اعتبرتج شي ثاني

انا : ( بطلت ايدي من على ويهي ) انا بعد اعتبرتك اخوي والله

عبدالعزيز : ( يا صوبي ) شهود صقر بيدمر حياتي كلها ينتقم عشان اخته

انا : انا بعد بيدمر حياتي مب انا حتى عايلتي ( وقلتله عن رساله صقر و شو سوا حق

اختي و يوم سرنا عزبتهم )

عبدالعزيز : كل ها سواه ؟؟ ( منصدم )

انا : هاذي البدايه بس بعدكم ما شفتوا شي !

عبدالعزيز : ( ابتسم ) شكلج تعرفينه زين

انا : هه اعرفه اكثر عن نفسي بعد !

عبدالعزيز : شهود نحنا لازم نحل هاذي المشكله و بسرعه

هيا : هيه لازم نحلها بس ..

انا : ( اقاطعها ) ما عندنا مكان سري ( ابتسمت ) امبلا عندنا يوم بطلع بقولكم وين !!

( ابتسمت ابتسامه اعرض و رفعت راسي ) لان ها المكان مراقب !!

الكل : ( رفعوا رأسهم و شافوا كيمرا و جان يشهقون )

انا : صح اني كنت ف غيبوبه بس اسمع و خطتك عرفتها ( ابتسمت باستهزاء ) ما

عاش اللي يذلني ما عاش انته اخر واحد أفكر فيك في ها الدنيا و مب غصب احبك و

أختك انا ما يخصني فيها كم بفهم انا

( في احد المصانع المهجوره )

( كان يالس على مكتبه و جدامه الالبتوب و يسمع و انصدم يوم رفعت راسها و كشفت

خطته ، ابتسم باستهزاء و خذا فونه و اتصل عليها ) آلو

انا : آلو هههه شرايك كشفت خطتك و لا ؟؟

صقر : بتندمين على دمعه نزلت من عين اختي و انتي السبب

انا : و انته بتندم على كل دمعه نزلت مني و من ( شددت على الكلمه ) عايلتي بتشوف

شي ما شفته بحياتك مب انا اللي ينلعب عليها و لا انا اللي ينقص عليها انا بأخذ حقي و

حق مرتك اللي ماتت و السبب هو انت بتشوف يا صقر

صقر : ( منصدم ، ف خاطره : هاذي شهود لا مستحيل انا اعرفها زين قلبها مستحيل

يقسى لو شو ما استوى ) اول مره تكونين قاسيه جي

انا : ( ابتسمت بالستهزاء ) انته السبب انته ( و سكرت و نزلت دموعي )

فاطمه : شهود اول مره اشوفج جي قاسيه

انا : ( ابتسمت و مسحت دموعي ) مب مني من الناس ( أغير السالفه ) انزين ليش

واقفين يلسوا !!

سلطان : شهود ويت ويت مساعه ليش صرختي ؟

انا : لان صقر دخل الغرفه و يلس يقولي انتي السبب انتي اللي خليتي اختي تنتحر و من

ها الكلام ( ابتسمت )

حمد : صقققر يااا الغرفففه عننندج ؟؟؟ ( منصدم )

انا : هيه ( نزلت راسي ف خاطري : الحين بيقول كم كلمه تعور قلبي ! )

حمد : ( معصب ) و ليش ما قلتيلنا ؟ و ....؟

انا : ( اقاطعه ) انزين انا كنت في غيبوبه كيف بقولكم و اصلا السالفه انتهت و هو ما قرب مني

هيا : نحنا شكلنا مغلطين ! انتي أبدا مب شهود !!

ندى : هيه انتي مب اختي شهود اللي اعرفها

انا : ( تنهدت و صديت صوب الجامه ف خاطري : انا سويت جي عشان احميكم كلكم ما أباكم تتعذبون و السبب انا )

حمده : ( كانت يالسه عدالي مسكت ايدي و همست ) و نحنا بنسوي كل شي عشان

نحميج من صقر شهود انتي وايد ساعدتينا و الحين يا دورنا عشان نساعدج شهود انتي

اختنا كلنا و نحنا نخاف عليج وايد

انا : ( صديت لها و حظنتها ) انا خايفه يإذيكم

حمده : ( ابتعدت عني ) لا تخافين ما بيأذينا ( تغير السالفه ) مللل صحح ؟؟

انا : هيه صح ! ابااا اسير البحرر

البنات : هيه نبا نسير

زايد : ( يبتسم ابتسامه عريضه ) خلاص عيل بنوديكم البحر

! انا : خيانه تسيرون بدوني

! زايد : ( يطلع لسانه ) ويووو

حمد : ( اي صوبي و يحظني ) اصلا عادي انا بكون وياها

! انا : ( ابتسمت و طلعت لساني ) ويييو

حمدان : ( يقهرني ) على الاقل نحنا بنلعب و بنركض و بنغازل حمود بيفوتك

! انا : ( رفعت حاجب واحد ) شكلك ناوي على عمرك !!

حمدان : ليش ؟؟

انا : لا أبد ماشي سلامتك ( ابتسمت و اطالعت هيا اللي كانت تطالع حمدان )

حمدان : ( صد حق هيا ) كنت استهبل والله كنت استهبل

هيا : ( اونها كانت تتغلى ف طلعت برع )

حمدان : ( طلع وراها ) هيووو ؟؟

هيا : ( وقفت بس ما صدت )

حمدان : ( سار عندها و مسكها من ايدها و لفها اتجاه و كانوا مجابلين بعض ) هيووو

والله كنت استهبل ما اقصد

هيا : ( ساكته و منزله راسها )

حمدان : هيوو حبيبتي ترا انا احبج و ما اشوف غيرج

هيا : ( رفعت راسها وابتسمت )

حمدان: يعني خلاص سامحتيني

هيا: ( هزت راسها ب هيه)

حمدان: (يصارخ ) ياناس احبها والله

هيا : ( استحت و دخلت داخل مره ثانيه )

حمدان : ( ضحك و دخل وراها )

انا : منو ها المينون اللي كان يصارخ ؟

هيا : ( ضحكت )

حمدان : ( همس ) فديت الضحكه

انا : خلاص فهمت ( ابتسمت ، اكمل ) هيه صح شباب نسيت اعرفكم هذا ( أأشر على

عبدالعزيز ) هذا ( ما عرفت شو اقول )

عبدالعزيز : انا حبيب نوره ! ( ابتسم )

الكل : انته حبيبها ؟!

عبدالعزيز : هيه ( ابتسم )

( عبدالعزيز : طويل و اسمر و طيب واايد و حبوب و حلوو بعدد بس حمد أحلى ههه

عمره 25 سنه شعره لنص رقبته و لونه بني غامج و عيونه ناعسه و لونهم بني غامج )

زايد : ( ابتسم عشان يقهرني ) يلا شباب بنات خل نسير البحر

انا : ( انقهرت ) يعني لازم تسيرون الحين ؟؟

زايد : هيه لازم ( ابتسم )

انا : ( مسكت أيد حمد لان كان عدالي ) اصلا عادي حمد بيكون وياي ( ابتسمت )

منصور : هيه عاد ها الحب مالج ما نقدر نقولج شي

حمد : احمم ( ابتسم )

الكل : ( ضحكوا )

انا : هيه صح انا بسأل شخص سؤال جي في بالي من متى و ابا هذا الشخص يجاوبني

ب صراحه

! خليفه : الله يعينا على أسألتج

سلطان : ان شاء الله مب انا

شيخه : ( منقهره ) يعني بتخلي الناس كلهم و بتسألك انته

الكل : ( ضحكوا على شيخه المقهوره )

سلطان : ( ابتسم )

انا : ( أهمس ) مشكله اللي يغارون

شيخه : ( كانت قريبه مني و سمعتني ) شهوود يا الحيوانه انا ما أغار

انا : ( ابتسمت ) هيه مبين مبين

سلطان : ( ابتسم ف خاطره : يعني هي تحبني مثل ما انا احبها لا ما اتوقع انزين يمكن

ليش لا )
تتوقعون :-

شيخه تحب سلطان ؟

شو فكرة شهد ؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اغنية دبنا لغيابك دبنا بصوتي .. احمد الداية	محروم.كوم	منتدى أخبار المواقع والمنتديات العربية والأجنبية	0	08-09-2012 03:40 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
ياويش ورع اشتهر للملايين(جديد)	محروم.كوم	منتدى أخبار المواقع والمنتديات العربية والأجنبية	0	10-26-2011 12:50 AM
سلاله االــــــبـــا تـــــل... الذي اشتهر في السناوات الاخيره	محروم.كوم	منتدى أخبار المواقع والمنتديات العربية والأجنبية	0	03-20-2010 12:40 AM
الشهرهـ اتغير العالم فــي وجهـ العموم لكن ماغيرت الفتكـ يوم اشتهر ... v.t.c	..{mr.shrjawy }..	سيارات و دراجات	10	06-22-2009 02:18 PM