قصة خيالية رواية : مثل النجمة و القمر كبر حبنا و اشتهر - الصفحة 6

ولا غيره سكن قلبي · 06-11-2014, 08:08 PM

المشاركة الأصلية كتبت بواسطة بنت ناس و قلبها الماس

الروايهههه وايد حلوه

استمريييي ........

عيونج الاحلى حبيبتي .. __DEFINE_LIKE_SHARE__

ولا غيره سكن قلبي · 06-14-2014, 06:00 PM

البارت 11

( برع )

( شوي و وصلنا عند خط النهاية و فزت انا )

انا : ( نزلت من على الخيل ) شرايك ؟

سيف : ( يطالعني و ابتسم ) بعده ما خلص السباق ! ( سار بسرعه ب خيله )

انا : ( شهقت و ركبت الخيل بسرعه و ركضت ويا خيلي ب أقصى سرعه و وصلت عند سيف و غلبته و فرت عليه ) انا زعلانه منك ! ( صديت عنه الصوب الثاني )

سيف : افاا خلاص اخر مره ( شوي و سمعنا تصفيق و تصفير و حالتهم حاله )

انا : ( صديت جان اشوف الشواب و الشباب و الحريم كلهم واقفين و يصفقون لي نزلت من على الخيل و سرت صوبهم ) ها شرايكم ؟

احمد : لا والله انتي ها المره جي ( يسوي بصبعه اوكي )

شوق : هيه ما شاء الله حتى يوم قص عليج ما شاء الله غلبتيه

الكل : هيه ما شاء الله

انا : احمم ههه ( اكمل ) صح منو قالكم ؟

الكل : ( ياشر على حمد )

انا : ( اطالعته و صديت عشان اشوف سيف جان أشوفه محد ) اوويه ( ركضت صوب الاسطبل جان أشوفه واقف عند خيله و يكلمه )

سيف : اخخخ يا خيلي انته الوحيد اللي تعرف اني حبيتها اول ما شفتها انا والله ما حبيتها عشان أنسى ماريا بس هي ما صدقتني ( تنهد )

انا : ( ف خاطري : الحين عرفت يعني هو يحب فطوم بس فطوم تتحسبب ان هو يحبها عشان ينسى ماريا الحين فهمت ، سرت صوبه و حظنته من وراء ) لا تخاف يا اخوي اكيد الحين بتي عندك و بتقولك ( اقلد صوتها ) امم سيف انا اسفه على اللي قلته امس بس كنت معصبه شوي ( ضحكت ) استانس لان الأخت عاشقه بس ما تدري

سيف : ( صد لي و أبتسم ) يعني تحبني ؟

انا : يب يب ( قطع علينا صوت )

فاطمه : اممم سيف انا اسفه على اللي قلته أمس انا كنت شوي معصبه من ربيعتي

سيف : ( طالعني و ابتسم و طرش بوسه ف الهواء و صد يطالع فاطمه ) لا عادي حبيبتي

انا : ( ابتسمت لهم و طلعت عنهم سرت عند هيا ) هلا والله !؟

هيا : جان ما يتي بعد انتي ليش طول الوقت ويا حمد ؟؟

انا : ( ابتسمت ابتسامه خفيفه ) اصلا انا ما كنت وياه كنت ويا سواف و فطوم ( نزلت راسي ) امم صح ترا محمد بي العزبه

هيا : ( استأنست ) اوونه

انا : والله ! بسير عند حمدان وبي

هيا : زين

انا : ( سرت عند حمدان و حظنته ) حمدان صباح الخير

حمدان : صباح النور و السرور

انا : ( أبتعدت عنه ) ان شاء الله رقدت زين ؟

حمدان : هيه الحمدالله

انا : الحمدالله ( أهمس و اقول بصوت يضحك ) سوف أخبرك سراً خطيراً جداً جداً جدا

حمدان : ( كاتم ضحكته ) ما هو السر ؟ اخبرني لقد تحمست

! انا : ( ضحكككت ) خربت ام اللغة ( همست له ) هناك رجلا من عشيرتنا أحب فتاة من عشيره سالم

حمدان : ( شهق و همس ) يعني سيفوه يحب فطوم !؟؟

انا : نعم ، لا تخبر احداً

حمدان : شباب تعالوا الصاله الثانيه عندنا اجتماع مهم بس الشباب

احمد : ليش ؟

حمدان : عندي لكم خبر ب مليون ! بس سالم و سيف ما بيدخلون

سالم : ليش ما بدخل ؟ انا بنت ؟

حمدان : لا ، عقب انا بقولك ( يرمس الباقين ) يلا شباب هجوم الى الداخل

الشباب : يلا هجوم ( و دخلوا )

انا : ( سرت برع امشي و انا امشي شفت سياره فراري حمراء داخله البيت نزل ريال لابس قميص ابيض ويا بنطلون جينز بني كاان الريال كاااشخ ، ف خاطري : هذا محمد لا ما اتوقع خل اتصله ، اتصلت له ) آلو ( رن فون الريال و يوم رن حطيت ايدي على حلجي ) اوويه هذا محمد تغير! ( ف خاطري : خل اسير أخوفه سكرت ف ويهه و سرت من ورآه و نقزته ) بووو

محمد : ( صد لي ) بسم الله خوفتيني

انا : عادي عادي ارحب فيك ( أكمل ) اشووفك كااشخ ( غمزتله ) شكلك ناوي تخبل بنات العايله

محمد : ( ضحك ) حتى انتي اشوفج كاشخه هيه عشان حبيب القلب ( غمزلي و كمل ) اصلا انا توا كنت ياي من المول

انا : ( استحيت بس سويت عمري عادي ) ليكون كنت تغازل !؟

محمد : لا كنت يالس ويا ربيعي

انا : ( غمزتله ) ربيعك و لا ربيعتك!؟ ( ابتسمت )

محمد : لا ربيعي والله انا اصلا ما ارمس بنات ( ابتسم و اطالعني ببراءة )

انا : ياخي ام البراءة يلا تعال خل نسير داخل ( يوم صديت شفنا حمد واقف و متكتف و رافع واحد من حواجبه ، سويتله طاف و مشيت عنه يوم دخلنا داخل )

حمدان : ( شهق )

ابو حمدان ؛ بلاك ؟ بسم الله ! شو شايف جني

حمدان : ها ؟ لاماشي

محمد : السلام عليكم

! الكل : وعليكم السلام

احمد : ( يا صوبه و تخاشموا ) هلا والله ؟ ( يرمسنا ) مع احترامي للجميع ( يرد يرمس محمد ) توا ما نورت العزبة

انا : ( اطالع احمد و أهمس ) لا والله يعني يوم يت ريموه ما نورت العزبه ( ابتسمت )

احمد : ( ضحك ) ياخي انتي فاضحتنا كلنا

محمد : (يهمس لي ) شهود منو هاذي القمر اللي يالسه عدال شوق ؟؟

انا : حشى مب عين كيف شفت ( أهمس ) هاذي اسوم اخت الكريهه

محمد : قولي والله ان هاي اختها اسماء ؟؟!!

انا : والله ! هيه هاي الحب مالك من يوم انته صغير شو نسويلك عاد ( ترا محمد يوم كان صغير كان يحب اسماء وايد و كان دايما يدافع عنها و يوم كبر أهله قالوا له اذا ما سرت كملت دراستك و يبت شهاده مثل الناس ما بتتزوج اللي تباها ف عشان جي سار و كمل دراسته و الحين رجع )

ام احمد : ( أتي صوبنا ) الحمدالله على السلامه يا ولدي ( خالوه ام احمد تعتبر محمد مثل ولدها )

محمد : الله يسلمج خالوه

انا : محمد انا بسيير بيلس هناك ( أشر له على اسماء ) اذا بغيتي شي تعال لا تستحي ( غمزتله )

محمد : ( ابتسم ) انزين

انا : ( سرت و يلست عدال اسماء )

اسماء : بلاج اتأشرين علي ؟

انا : ماشي كنت اقول حق محمد اني بيلس عدالج ( ابتسمت )

اسماء : ( ما ركزت على الأسم ) اها ( ركزت أني قلت محمد ) محمد ؟

انا : يب يب

اسماء : اووويه كبر و حلو ( ابتسمت )

انا : ( صديت حق محمد جان أشوفه يطالعني و أشرلي بايده ان شو السالفه أشرت له ان اسماء تقول شكلك طرر يوم أشرت له جي حطا أيده على قلبه جان ابتسم له ، طبعا حمد ما فاته الموقف و يوم شاف حركه محمد الاخيرة عصب )

هيا : ( يت صوبي ) شهود قومي حمد يباج ؟

انا : ( اطالعها) خير شو يبا ؟

هيا : ما ادري بس شكله معصب

انا : ( ف خاطري : ها بلاه و ليش معصب خل اسير له أحسن ) انزين هو وين ؟

هيا : سيري على الند بس لا توقفين سيري يمين عقب بتحصلينه جدام

انا : انزين ( سرت و طول الوقت أفكر ليش معصب و شوي و وصلت على الند مشيت جدام جان أشوفه ) خير؟

حمد : ( صد لي و هو معصب و عطاني كف و من قوته طحت على الارض ) انتي ما تستحين على ويهج يالسه تغازلينه و جدامي بعد ويوم شفتيني سويتي لي طاف تتحسبين بسكت عنج( رفعني وعطاني كف ثاني )

انا : ( ف خاطري : ههه يضربني وهو أصلا ما يدري شو السالفه عادي أصلا ، حاولت دموعي ما تنزل بس نزلت غصب و يوم نزلت دموعي بسرعه نزلت راسي ) انا ما كنت اغازله ( وقلتله السالفه كلها) وانا يوم سويت لك طاف عشان انا كنت منقهره منك يوم كنت ويا هاذي اللي ما تتسمى هايت وياها و انا مخلني بروحي ( اقلده ) تغازلينه و جدامي بعد ( ارد لصوتي الطبيعي ) عيل يوم كنت ماسك ايد حمده و يالس تضحك وياها و تاكلك و حالتكم حاله ما سويت نص اللي انته سويته ( مسحت دموعي و سرت عنه )

حمد : ( كان منصدم و سرحان ف خاطره : انا شسويت ؟ انا شكيت فيها و ضربتها و سرت ويا حمده اللي اكرها وحليلها زين منها تحملت صدقها انا على ابسط شي عصبت عليها انا لازم اعتذر لها )

(في الصاله عند الشباب )

احمد : ها حمود ماحبيت وحده مني مناك ( يغمز له )

محمد : ( يطالع اسماء اللي كانت ترمس شوق ) لاوالله ماحبيت ( صد يطالع سيف ) الا اقول سيف شهود وينها أباها ف سالفه

سيف : ( ابتسم ) انا بروحي أدورها ما ادري وين سارت

خليفه : خلوها اكيد الحين هي ويا حبيب القلب

محمد : ابا اشوف ريلها ماشفته

حمد : ( دخل وسار يلس عند احمد وتنهد )

سالم : ( يضحك ويأشر على حمد ) هذه هو

محمد : ( ابتسم ) اوونه

حمد : ( يرمس سالم ) بلاك اتأشر علي ؟

سالم : لا ماشي سلامتك

احمد : ( يهمس ) اييه السبال وين شهود ؟؟

حمد : ( يصد حق احمد و يهمس ) ليش هي ما دخلت ؟؟

احمد : لا ما دخلت ! ليش هي ما كانت وياك ؟

حمد : امبلا كانت وياي بس ( نزل راسه )

احمد : ( يهمس ) بس اتضاربتوا ؟ ( عصب ) انته لين متى بتم جي كله تضارب وياها حرام عليك جي تسويلها ( يكمل ) قوم قوم نسير ندورها

حمد : ( تنهد و قام اول مكان ساروه هو الند جان يشوفوني ويا شخص وكان ماسكني من خصري همس حق احمد ) منو هذا ؟ ( يطالعه )

احمد : بلاك انته ؟ شاك فيها ! والله ما بلوم البنت لو كرهتك ( يكمل ) هذا حمدان يا الاهبل

حمد : شدراك ؟

احمد : ( يسحبه جدام و يهمس ) اشش اسكت شوي

حمد : ( هز راسه ب انزين)

انا : ( اضحك ) احسن تقفطت

حمدان : هيه والله تستاهل بس كيف تعرفين صقر ؟

انا : ( ابتسمت ) ماضي و راح

حمدان : شهود عاد قولي ؟! كيف عرفتيه وجي يعني ؟!

انا : انزين ( سرحت أتذكر كل اللي استوى )

صقر : شهود شوفي هاذي الحرمه غرشوبه

انا : ( اطالعه ) لا والله ؟؟

صقر : تغارين ؟؟ ( ابتسم )

انا : هيه ( امثل اني زعلانه )

صقر : ( ابتسم ابتسامه عريضه )فديت الزعلانين

انا : صقر متى نتزوج ؟؟! ( نزلت راسي )

صقر : ما ادري

انا : ( طرت على بالي ذكرى ثانيه )

صقر : شهود أبا اقولج شي ؟!

انا : قولل ؟؟ ( ابتسمت ف خاطري : اكييد بيقولي انه خطبني )

صقر : شهود ترا انا تزوجت امييه زوجتني بنت عمتي غصب و انا ما احبها بس لا تخافين بتزوجج يعني بتزوجج

انا : ( غمضت عيني عشان انسى هاذي الذكرى فتحت عيوني ، حاولت ابتسم و قلت بصوت كله حزن ) ماشي بس كان حب مراهقه لا اكثر

احمد : ( ما انصدم لانه يعرف السالفه ، تجدم و وقف مجابلنا لان نحنا قبل كنا عاطينهم ظهرنا ) حب مراهقه ؟؟ تذكرين يوم قالج ان تزوج شسويتي ؟!!

انا : هيه حب مراهقه انا يوم حبيته كنت صدق ياهل و ما اعرف مصلحتي وين البنات كانوا يقولون لي لا تصدقينه هذا جذاب بس انا كنت مثل العمياء

احمد : انا يا بنت عمتي حاولت المح لج بس انتي كنتي غرقانه بحبه ( يكمل ) ترا يوم قال ان امه زوجته غصب كان يقص عليج هو أصلا متزوج من سنتين و عنده ولد و بنت

انا : ( منصدمه ) شوو ؟؟

احمد : والله و بقولج شي بعد ترا هو ما كان يحبج صدق ! كان بس يبا ينتقم !

انا : ينتقم ؟ بس حق منو ؟

احمد : هيه ، ينتقم عشان اخته

انا : لا تقول ان اخته هي نوره ؟؟

احمد : هيه نوره ! بس عقب اللي سويتيه نورة انتحرت بس ماتت تشللت بس ( نزل راسه )

انا : ( حطيت ايدي على حلجي ) انتحرت ؟ تشللت ؟ ( نزلت دموعي ) انا والله ما سويت ها الشي

صقر : ( يا من وراي ، معصب ) عيل منو سوا ها الشي ؟ الجنيه ؟

انا : ( وقفت و صديت صوبه ) انا والله ما سويت ها الشي في وحدة اسمها حمدة هي خذت صورة من صوري و صورة من صور عبدالعزيز و ركبت على الصورة بس والله انا عمري ما فكرت فيه والله

صق : ( صدق ) و هاي حمده شو تبا منج ؟

انا : حمده كانت تغار مني لان أي شي اباه كنت احصل عليه و كانت غيرانه عشان انا عندي ربع وايد بس هي ما عندها و أي شي انا أكون احبه ادمره ( نزلت رأسي ) صقر الله يخليك أبا اسير حق نورة

صقر : ما اقدر أخاف يستويلها شي

انا : لا تخاف ما بيستويلها شي

صقر : ( ابتسم ) انزين

انا : ( انتبهت حق حمد جان اشوفه منصدمه سرت صوبه و همست ) هاذي بس البدايه بعدك ما عرفت عني شي ( ابتسمت و ركضت غرفتنا بسرعه بطلت وقايتي و لبست وقايه سوداء و لبست عبايه مسكره و لبست كعب و نزلت تحت بسرعه طلعت من الباب الوراني و سرت صوبهم ) ولد خالي تعال وياي

احمد : انزين

صقر : يلا خلونا نسير

انا و احمد : يلا

صقر : ( مشى جدامنا و نحنا وراه ما ركبنا السياره لان عزبتنا ملازقه عزبتهم )

انا : ( ف خاطري : و أخيرا يا نوره بقولج الحقيقه )

احمد : ( ف خاطره : والله اني خايف يستوي للبنت شي )

صقر : ( ف خاطره : أخاف يستوي لاختي شي لا هي قالت ما بتسوي شي )

( على الند )

حمد : ( منصدم ، فخاطره : شتقصد ان بعدني ما عرفت عنها شي افف والله ها البنت غامضه )

حمدان : ( فخاطره : انا كيف ماعرفت ها الشي ، صد جان يشوف حمد سار صوبه و ابتسم ) خل نسير تحت عشان نغير جو شوي

حمد : ( يحاول يبتسم ) اوكي يلا ( و نزلوا تحت و يوم نزلوا شافوا هيا ) بلاج هيو ؟؟

هيا : وين شهود ؟؟

حمدان : سارت عزبه قوم نوره

هيا : شو ؟؟ عزبه قوم نوره ؟؟ ( استوعبت و ركضت يابت عباتها و سارت عزبه قوم نوره )

حمدان و حمد : ( اطالعوا بعض عقب استوعبوا السالفه و ركضوا وراها )

هيا : ( دخلت الفله جان تشوف احمد طايح على الأرض و غارق بدمائه حطت ايدها على حلجها ) سواها سواها ال....

حمدان : ( سار صوبها و همس ) شو سوا ؟؟

هيا : ( تصيح ) حمدان الله يخليك دور وياي شهود قبل لا يسويلها شي

حمدان : ( سيده فهم و انصدم ) اوكي يلا ( اتفرقوا حمد بروحه و حمدان و هيا ويا بعض )

( عند حمد )

حمد : ( كان يمشي جان يسمع صوت صرخه بسرعه سار عند الغرفه و يلس يسمع )

انا : قووم عنني ياخي افهم اكرهك اكرهك

صقر : ( يطالعني بخبث ) وليش أقوم عن ها الجسم الحلو ؟

حمد : ( عصب بسرعه اتصل حق حمدان و قاله على المكان و بسرعه وصلوا )

هيا : ( بهمس ) اشش اسكتوا شوي ( نزلت تحت كان فيه جدام الباب زوليه صغيره رفعتها جان تحصل مفتاح شلته و فتحت الباب بشويش )

حمد : ( اول واحد دخل ، سار عند صقر و بعده عني و تم يضربه )

انا : ( سرت عند حمدان و حظنته و يلست اصيح فحظنه )

حمدان : ( يبتعد عني ) سوا لج شي ؟

انا : ( اصيح )

حمد : ( يا صوبي عقب ما خلص من ضرب صقر ) شهوود قولي سوا لج شي ؟

انا : ( حظنته ) لا ما سوا لي شي

الكل : ( ارتاحوا ) الحمدالله

انا : ( ابتعدت عن حمد و سرت بسرعه لبست عباتي و قايتي لان صقر بطلهم عني )

خل اوصف لكم صقر : عمره 26 سنه متزوج من سنتين و عنده بنت و ولد لكن حرمته توفت و هي اتيب بنته شعره قصير و لونه اسود عيونه كبار و لونهم بني غامج

نوره : كانت ربيعتي الروح بالروح بس في يوم من الأيام وصلتها صوره كنا فيها انا و عبدالعزيز ( حبيبها ) ويا بعض و ف وضعيه استغفرالله طبعا مثل ما عرفتوا انا و عبدالعزيز ما يخصنا ، و انا عمري ما فكرت ف عبدالعزيز ، كل ها كان بسبب حمده لان هي اللي لعبت بالصوره ، شعرها لين جتفها و لونه بني فاتح و لون عيونها بني و قزومه

انا : ( عقب ما لبست عباتي و وقايتي بسرعه طلعت و سرت عند احمد اللي كان طايح على الأرض و يلست اصيح ) ليتني سمعت كلامك و ما دخلت

حمد و حمدان و هيا : ( يوا لان اهم أصلا نسوا احمد )

انا : حمد حمدان شبوه حرام عليكم بيموت و السبه انا ( اصيح )

حمد و حمدان : ( شلوا احمد و ودوه السياره و انطلقنا باتجاه المستشفى بأقصى سرعه ، شوي و وصلنا بسرعه نزلوه و ودوه على الطوارئ )

انا : ( سرحانه افكر باللي صار )

انا و احمد : ( نمشي ، شوي و وصلنا عند الباب )

صقر : ( بسرعه دخل )

احمد : ( يهمس ) شهود لا تتدخلين

انا : ( اهمس ) لا لازم ادخل عشان اقولها الصدق

احمد : ( يهمس ) أخاف يسوي لج شي

انا : لا تخاف ما بيسوي لي شي ( غمزتله ) ما شاء الله انته وياي

احمد : ( ابتسم )

انا : يلا ندخل ( و دخلنا احمد دخل قبل و اول ما دخل ضربوه ريايل ما اعرفهم )

صقر : ( يا صوبي و سحبني الغرفه و قفل الباب ) هلا هلا

انا : ( خايفه ) شو تبا مني ؟

صقر : ( بخبث ) شو أبا منج ؟ ماشي !

انا : وين نوره ؟؟

صقر : اصللا منو قال اني بوديج حق نوره انا يايبنج اهني عشان انتقم تحسبيني ب كم دمعه بصدقج لا ( و ابتسم بخبث )

انا : ( سكرت عيني بقوه اطرد ها الشي اللي استوى )

حمد : ( يا صوبي و مسك ايدي ) لا تخافين ما بيستوي له شي

انا : ( فتحت عيني و صديت حق حمد و صحت ) كيف ما بيستوي له شي هم ضربوه وايد و طلع له دم وايد

حمد : ( يحظني ) خلاص حبيبتي لا تصيحين

الدكتور : ( طلع ) لا حول و لا قوه الا بالله

انا : ( ابتعدت عن حمد و سرت عند الدكتور ) دكتور قول هو بخير ؟؟

الدكتور : انتي حرمته ؟

انا : لا دكتور انا اخته دكتور يللا قول بلاه احمد ؟

الدكتور: احمد خسر دم وايد عشان جي دخل في غيبوبه ، كل اللي نقدره سويناه و الحين ها الامر بيد الله سبحانه

هيا : ( من سمعت جي انهارت ، اخوها الوحيد اكيد بتخاف عليه )

الدكتور : ( سار )

هيا : ( يت صوبي ) كله منج انتي السبب ( تصيح ) انتي السبب كل ما يطيح حد في المستشفى تكونين انتي السبب ياخي ابتعدي عنا لا اتين صوبنا انتي السبب ف كل ها اللي استوى ( تصيح اكثر عن قبل )

انا : (انصدمت ف خاطري : صدقها كل ما يطيح حد في المستشفى او تستوي مشكله أكون انا السبب ، مشيت بعيد عنهم و انا افكر كيف ابتعد عن العايله فجاه طرت على بالي فكره اتصلت على السايق ) الو راج

راج : الو ها ماما شو يبغي ؟؟

انا : تعال مستشفى ال..... بسرعه

راج : ان شاء الله ماما ( يهز راسه و سكر ، شوي و وصل )

انا : ( سرت صوب السياره و ركبت ) راج سير العزبه بسرعه

راج : ان شاء الله ماما ( ساق بسرعه ، شوي و وصلنا العزبه نزلت بسرعه و سرت الصاله شفت الكل قاعد ، اول ما دخلت الكل صد يطالعني ) السلام عليكم .. وين ابوي ؟؟

الكل : وعليكم السلام

خليفه : ( يأشر على ابوي ) هاذوا

انا : ( سرت عند ابويه و بست راسه ) ابويه ؟؟

ابويه : ( يطالعني ) هلا اميه ؟؟

انا : ( اطالع الأرض ) اناا ( بصوت متقطع ) تعباانه .. اب..ااا اسافرر عشان ارتاح شوي

الكل : ( انصدم ماعدا واحد لان كان يعرف السالفه )

ابويه : ( بحنيه ) سيري اميه بس بتين في العيد ؟؟

انا : لا ابويه

ابويه : متى تبين تسيرين ؟

انا : عقب ساعتين

ابويه : بتسيرين في الطياره الخاصه و بيكون وياج المرافقتين ( ملاحظه : ابوي يكمل اكبر الشركات في العالم تقدرون تقولون ان نحنا اغنياء بس انا ما احب أقول للناس)

انا : اوكي ( صديت اطالعت الاهل ، تلاقت عيني بعين زايد ما ادري ليش حسيت ان يعرف السالفه ف خاطري : لا ما أتوقع ان يعرف السالفه ، طنشت السالفه ابتسمت لهم و صعدت الغرفه و حطيت اغراضي كلها في الشنطه شوي و خلصت اتصلت حق راج ) الو

راج : الو

انا : راج جهز السياره انا الحين بسير البيت

راج : ان شاء الله ( وسكر )

انا : ( اتصلت حق بيث الشغاله الفلبينيه ) الو

بيث : ( بالانقليزي ) هلو ماما ؟

انا : ( بالانقليزي ) تعالي شلي شنطتي و وديها السياره بنسير البيت

بيث : ( بالانقليزي ) اوكي ماما ( سكرت )

انا : ( سرت طلعت ورقه و يلست اكتب عليها و يوم خلصت حطيت الورقة على التلفزيون و طلعت نزلت تحت و اول ما نزلت حظني سيف )

سيف : شهود لا تسيرين

انا : ( ابتعدت عنه و ابتسمت ) انا السبب ف كل ها المشاكل ف احسن لي ابتعد عنكم ( سرت عند فاطمه و حظنتها ) بشتاقلجج وايد و ماوصيج لا تزعلين اخوي

فاطمه : ( ابتعدت عني ) ان شاء الله ( دمعت )

انا : ( سرت عند الشباب ) و انتو بعد انتبهوا على عماركم ( اغمزلهم ) و عن المغازل ( سرت عند الحريم و سلمت عليهم و سرت عند الشواب و سلمت عليهم ، طلعت و ركبت السياره و سرنا البيت صعدت غرفتي سرت بسرعه تسبحت (اكرمكم الله ) توضيت و لبست لي فستان بنفسجي قصير فيه ورود بنفسجية و فوشيه لبست فوقه جاكيت اسود و لبست سكني اسود سرت صليت و قريت قرآن و دعيت الله عقب سرت اجهز الشنطة حطيت كل شي احتاجه عقب سرت حطيت جحال و قلوس وردي طلعت لي عباه مطرزه باللون البنفسجي على الأطراف و مسكره لبستها و لبست وقايتي و نعالي ( اكرمكم الله ) السطاحي البنفسجي اتصلت حق راج قلتله خل يجهز السياره و اتصلت حق بيث ترا بيت بعد بتي وياي من الحارستين و حارس واحد ، نزلت تحت و ركب السياره و توجهنا الى المطار خلصنا الاجراءت الللازمه ، يلست على احدى كراسي الانتظار طلعت فوني و كتبت رساله حق حمد و طرشتها ... )

المضيفه : النداء الأخير للطائره رقم ...

انا : ( ركبنا الطياره و طرنا لمكاان بعييد )

تووقعوون !؟

شو بيستوي يوم هيا و حمد بيعرفون ان شهد سافرت ؟

و زايد يعرف السالفه و لا ! __DEFINE_LIKE_SHARE__

راقيه باسلوبي · 06-16-2014, 11:11 AM

البارت وايدددد حلو نتريا الي بعدههه

بالتوفيق ... __DEFINE_LIKE_SHARE__

بنت ناس و قلبها الماس · 06-16-2014, 05:36 PM

البارتتتتت طر نتريا الي بعدههه

لا تطولين علينا ......
بالتوفيق ..... __DEFINE_LIKE_SHARE__

ولا غيره سكن قلبي · 06-16-2014, 06:42 PM

المشاركة الأصلية كتبت بواسطة راقيه باسلوبي

البارت وايدددد حلو نتريا الي بعدههه

بالتوفيق ...

عيونج الاحلى ..
اول ما اخلص البارت ال 12 بحطه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اغنية دبنا لغيابك دبنا بصوتي .. احمد الداية	محروم.كوم	منتدى أخبار المواقع والمنتديات العربية والأجنبية	0	08-09-2012 03:40 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
ياويش ورع اشتهر للملايين(جديد)	محروم.كوم	منتدى أخبار المواقع والمنتديات العربية والأجنبية	0	10-26-2011 12:50 AM
سلاله االــــــبـــا تـــــل... الذي اشتهر في السناوات الاخيره	محروم.كوم	منتدى أخبار المواقع والمنتديات العربية والأجنبية	0	03-20-2010 12:40 AM
الشهرهـ اتغير العالم فــي وجهـ العموم لكن ماغيرت الفتكـ يوم اشتهر ... v.t.c	..{mr.shrjawy }..	سيارات و دراجات	10	06-22-2009 02:18 PM