| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
04-25-2014, 12:48 AM
| ||
| ||
 الجزء السابع
__DEFINE_LIKE_SHARE__
نوره وهي يالسه ويا ساره وراشد ومنال : اقوول راشد راشد وهو نعسان : قوووليي نوره : انا وشما نبا انسير مكااان راشد وباستغراب : والمطلوب نوره : بعد شووه المطلوب اتودينا ! راشد : سوري حبيييبتي بس اليوم موااعد ربعي نوره وفخاطرها وانت متى ماكنت موااعد ربعك : خلاص اوكي ( اووف مالي وييه ارمس ابويه عقب السالفه ) سارت فوق واتصلت على شما شما : اهلااااااااان نوره بملل : اهليييين شماا : بلاااج بسم الله نوره وبقهر : اتخيلي رشوود السخييف اونه موااعد ربعه الحين نحن مش قايليين بناخذ حق جوجو شي عسب باجر انسير عندهم شماا : اووونه نوره وبغيض : شو الي اونه !! شما : خلاص خلاص بشوف ريييووم لانه اكيد هيه بعد تبا اتسير نوره : خلاص اوكي شوفيها وردي علي شما : إن شاءالله نوره : باي وسكرت خمس دقايق ورن فون شما وكانت الريم شمااا : هاا خلصصتييي االريم : هيييه شما : انزييين اسمعي الريم : اسسمع شما : ما بتاخذين شي حق جوجو الريم : منو جوجو شما : انتي تستهبلين جوج بنت خالي الريم وهي تذكر : هييييييييه صححح نسيييت الساالفه مووول امبلاا ابا اخذلها بس ليش ؟ شما : شو الي ليش بتسيرين ويا منو!! الريم : هيه صح نسيت سالفة نوييير .. انتي كيف بتسيرين ؟ شما : مااادري .. وفهالحظه كان زايد توه صاعد فوق شافته الريم الريم: زااااااايييد زاايد : هلاااا الريم : زاايد ابا اسير ااخذ هديه بتوديني العصر زايد : وين بتسيرين الريم : ما ادري بعدين بشوف زايد : خلاص تمااام الريم : انزين ترا بنات عميه بيسيرون وياي بنمرهم اوكي زايد ابتسم : اوكييي وسار الريم : شفتي كيف احل مشاكلكم شما : هههههههههههه هيييه قو انتي الريم : شفتيي حبيييبييي زيوود والله اتعرفين شميييم ما جددد قلتله ابا شي وقالي لا حبيبي لو ما كان اخوي جان اتزوجته شما : هههههههههههه هييييه فديييته واايد حبيبي خلاص انا بتزوجه الريم : مش مشكله بس ترا اونه يحب منول شما بمزح : بس لا شو يبا فيها خله يحبني انا الريم : هههههههههههههههههههههههه انتي بزوجج سيف لا اتصيحين شما حست قلبها بيظهر من مكانه ما عرفت شو اترد تدري الريم تمزح بس ارتبكت وذكرت سيف واخر موقف .. الريييم : اااييي وييينج شما : وياج ويااج !! الريم استغربت : انزين الحين شو نواري بتي ويانا صح شما : هيه اكيييد اتريي بكلمها على البيبي الريم : خلاص انا بسكر بسير ارقد عشان اصحصح عقب شما : هههههههههههههههههههه انزين انزييين لحظه اتحسين لو قلت حق هيا بتي ويانا الريم وبحيره : ما ادري هيه قالت انها ما بتسير عند الجوهره شما : ادري بس بنقووللها على اسااس انه انسير ويا بعض ! يعني نظهر الريم : ما ادري شوفيها انتي شما : انتي كل شي ما تدرين عفانا الله صدق ما منج فايده الريم : افاااا اناااا ما مني فااايده الله يالدنيا يا شمااا خلااااص استوى مامني فايده شما : هيه بعد شو الريم : ما عليه ما عليه شما : ههههههههههههههه امزح امزح انتي الفايده كلها خلاص سيري ارقدي الريم : لو ما فيه رقاد جان راويتج شغلج شما : هههههههههههههههههه يوم فيج رقاد اشحقه قمتي الريم : تراااا ماماه الله يهديييها ما اتخلي حد يرقد ابسرعه الحين يالسه وياهم سواالف تحت خليني استغل الوقت وارقد شما : ههههههههههههههههه سيري انزين سيري الريم : يلا احبج باي شما : ههههههههههههههههههههه وانا بعد باي باي .. وسكرت وكانت بترمس نوره على البيبي وعقب قالت بتتصل احسن نوره : هلا شما : اهلين نوره : ها شو صار شما : الريم قالت حق زاايد ايودينا ! نوره : اويه وكيف منول شما : بس لا تراا نحن وايد مسويين حق اختج سالفه هيه وافلامها الهنديه الي اتسويها نوره انقهرت : انزين انزين خلاص شو يفكنا من لسانج شما : والله بعد شو الريال ايحبها وهيه اتسوي جو وحركات نوره : لا والله يعني الحين انتي لو كنتي فمكانها والي اتحبينه ايرمس مليون غيرج عادي عندج شما ما تدري حست بالقهر وهي تذكر سيف : اول شي ما ندري هيه لو اتحبه وبعدين بس فكيينا .. انزين اسمعي اتحسين انرمس هيا يعنني تي تظهر ويانا نوره : هيييه حبيييبتي رمسييها احس بتستااانس شما : يلا اوكي سكري نوره : ههههههههه عفانا الله يلا مع السلامه شما : بيباي واتصلت لهيا هيا : الووه شما : صباااااااحج شماااا هيا استانست : ههههههههههه صباااحي احلى شما شما : اوه اخجلتيني شكرا هيا : ههههههههههه عفوااا شما : ههههههههههه .. وسكتت ثواني : حبيبتي هيا شو قررتي عن باجر بتسيرين ويانا ولا هيا : لا حبيبتي ما بقدر قلتلكم ليش شما : انزين على راحتج يا قلبي عاد انا بغيت اقولج انه نحن بنظهر اليوم ناخذ لجوج شي تعاالي ويانا هيا بتفكيير: ماادري شما : خلي عنج يلااا عاااد هيا : ااممم خلاص اوكي بس منو بيودينا شما : زااايد هيا ابتسمت : خلاص اوكي شما : خلاص انا قبل لا اتلبس بقولج عسب تتتلبسين هيا : اوكي .. شما : يلا حبيبتي انا بخليج الحين هيا : اوكي .. Take care شما : you too .. يلا see you هيا : see you .. شما : bye هيا : بباي .. على الساعه 3 ونص نوره رمست امها وابوها خلاص ما مانعوا .. نوره وهي اترمس ساره ومنال يالسه وياهم : سوييير بتين ويانا ساره : منو بيوديكم ! نوره : زايد !! ساره : لا اكييد راشد ما بيرضى ! انا بقولج شو ابا بتاخذينلي صح نوره : اكييد حبيبتي ! وانتي منالي!! ( كانت تتريا ردت فعل منال بس كانت واايد عاديه ) منال : كلكم بتسيرون ! نوره : هيه حتى هيا منال: خلاص اوكي بي ليش ما اي ؟؟؟ ( نوره ما قدرت تفهم على منال وهي شو تقصد كانت تلمح لشي او هذي نغزه ) منال : انا بروح اتلبس وسارت .. يلست عند التسريحه وهي ميته قهر كانت كابته على نفسها عن لا تنفجر !! مسكت البودره وقامت اتحط على ويها( ليش ليش يتدخلون !! ما يخصهم فيني انا اعرف شو اسوي انا مش ياهل ولاني غبيه هذي حياتي مالهم شغل ) وقامت اتحط بقهر وبعدين مسكت الآي لاينر وعقب البلاشر و الروج ) بعدين سارت تتلبس لانها كانت حاطه فبالها شو بتلبس من خلصت سمعت الاذان صلت ونزلت تحت ) عند الريم كانت متلبسه وخلاص بس تتريا زايد الي كان بتسبح .. من ظهر حصل الريم فويها بعباتها ويالسه على السرير ! زايد وهو يبتسم : هاا خلصتي الريم وبعبط : لا بس جيه لابسه عباتي قلت اليوم بلبس العباه اول عقب بتلبس .. زايد وهو منصدم : هههههههههههههههههههههه بسم الله بلاج الريم : والله شو هالسؤال يعني لابسه عباتي اكيد مخلصه .. زايد : ههههههههههههههههه انزين انزين .. سار صوب الكبت لانه كان لابس جلابيه .. ظهر له بنطلون جينز .. وبولو شيرت عنابي وهو لانه ابيض حلو عليه هاللون .. : قومي انزين ببدل الريم : خمس دقايق وبدش كيفك . زايد : ههههههههههه انزين انزين ظهرت وتقريبا خمس دقايق ودشت كان يلبس الشوز .. الريم : يلا .. زايد : هههههههههههه ريييموووه بلاج بسم الله ما بيطير المول .. وسار عند التسريحه حط دهن عود وعقب اتعطر .. ولبس ساعته وقام يمشط شعره وهو يشوف الريم من المنظره كيف واقفه وراه معصبه ابتسم على شكلها .. الريم وبعصبيه : هييييه مستااانس بعد عنبووو سااااعه .. الي يشوف الحين بقول هو البنت وانا الريال زايد وهو يشل السويج والبوك والنظاره .. ويمشي وهي تمشي وراه .. زايد : انزين ما قلتي منو بيسير وياج الريم : كلنااا !! زايد : ريموه ارمسي عدل شو كلكم .. وكانو ينزلون من الدري .. الريم : انا وشما ونوره ومنال وهيا !! زايد يوم سمع اسم منال استانس وهو سيارته مش سياره كبيره : ماشاءالله وكلهم ويين بييلسون ! الريم : عادي عادي بييلسون .. عند هيا عقب ما قالت لامها كانت متلبسه وبس كانت اتحط الروج .. دشت المها : وين بتسرين ! هيا اتوترت ما تدري ما كانت تبا اتقول لاختها : بظهر ويا بنات خالي المها مدت الكلمه : اهـــــــاااا .. بنات خالي شو مستوي فالدنيا ؟ هيا : ولا شي عادي ! المها كانت متملله : ويا نوره بتسيرون هيا وبخوف من ردة فعل المها : زاايد المها وهي معصبه : وانتي اكييد مستانسه طبعاً هيا : ما يخصه !!! المها (ويوم استوعبت انه زايد ) وبسرعه وبدون جديه : اوكي انا بي هيا ما عرفت شو اتقول : كيفج ! المها وبقهر : كيفي ولا ما تبيني اي وياكم !! هيا : انا ما قلت شي !! المها اوكي وسارت غرفتها هي ما كانت تبا اتييي بس انقهرت من هيا .. فتحت الكبت اتلبست بسرعه وواتجحلت وحطت بلاشر وروج بنك فاااتح كان علييها حلو .. عند بيت شما لانه اقرب بيت لبيت سعيد .. زايد : يلا رمسيها الرييم : خلاص رمستها .. واشوي وظهرت شما ركبت السياره .. شما : السلام عليكم زايد : وعليكم السلام ورحمة الله شما : شحالك زايد .. زايد : تماام والله شحالج انتي شما : انا بخير .. وهي اترمس الريم : انتي يا سخيفه اشحقه ما اتردين السلام الريم : ههههههههههه توني مرمستنج لازم ارد السلام شما : هيه غصبن عنج .. ويودت البيبي ومره وحده شهقت .. شما : اتخيلي هيا اتقول انه مهوي بتي ( هيا قالت لشما عسب ما يتفاجئون ) الريم : اونههه شما : والله الريم : اخييييج علييينا .. زااايد استغرب منهم بس سكت .. شما وهي اترمس الريم على ال BBM : ريومم زييووود طررر اساليه قوليله كاشخ لشما الريم ضحكت بصوت عالي صد عليها زايد .. زايد وباستغراب : بلاااج !!! الريم : هههههههههههههههههههههههههههه ماااشي .. شفتي شمو يوم اقولللج هو غير الحين لو سيف جان قالي وهي اتغلظ صوتها : هبله شو ؟؟ شما وزايد : هههههههههههههههههههههههههههههههه بعد فتره قصيره .. زايد : يلا .. كان يرمس الريم عسب اتكلم نوره لانهم وصلوا الريم : خلاص رمستهم زايد باستغراب : مسرع الريم : ههههههههههه ترا ارمسهم قبل لا نوصل بخمس دقايق عسب ادريبهم بيتأخرن ! زايد : زين زين .. اشوي وركبت نوره وبعدها منال .. وسلمو ويا بعض .. زايد والريم وشما : وعليكم الاسلام .. ومره وحد استوى هدوء الريم : نوووورييي ماااا قلتلج نوره : شووو الريم : مهوووو بتيييي نوره : جذااابه الريم : شو جذاابه بعد توه هيا قالت لشما انا لو تميت فبيتنا احسن زايد استغرب واشوي عصب مع انه ناادر يعصب بس انقهر هو علاقته واايد زينه ويا المها وما يرضى عليها : انتي بلاج على البنت عييب هذي بنت عمتج واكبر عنج !! ليش ما تبينها تي وياكم الريم صخت وكلهم بعد استغربوا والريم معنها ما اتحب تسكت لازم اترد بس ما عرفت شو اتقول وعقب قالت : انت ما اتعرفها جنيه هااي زايد عصب يعز المها وما يرضا اي حد يرمس عنها : خلاص ريم عيب ارمسي عنها بالخير ولا اسكتي شما وهي اترمس نوره ومنال بصوت واطي : شكلها ساحرتنه نوره : اتصدقين يمكن !! منال مع انها ما اتسوي سالفه حق المها حتى يوم هم يرمسون عنها ما ترمس بس انقهرت !! ليش يدافع عنها .. تموا كلهم صاخين لين ماوصلوا عند هيا .. رمستها الريم .. ظهرت اول هيا ركبت السياره وسلمت الكل : وعليكم السلام واشوي ويت المها يوم فتحت الباب كانوا هم 4 وره صح يعني زحمه بس لازم وحده اترد ووحده تتجدم عسب يصير مكان كانو كلهم متساندات المها كانت اتطالعهم باستغراب !! ولا وحده منهم راضيه تتحرك اشوي ! زايد : يلا يا بنات سوولها مكان شما قالت بسرعه : انا ظهري يعورني ما اقدر اتجدم منال وبغيض : وانا بعد ! هيا : انا عادي بتجدم واتجدمت صار مكان بس ضيج المها للحظات حست باحراج هيه تدري هم ما يبونها وياهم بس (شو هالحركه السخيفه ) ركبت ويلست ما رامت تتجدم لانه هيا يالسه حذالها ومتجدمه سكرت الباب والمكان ضيج وطرف الباب معورنها بس ما رامت ترمس وهيه ميته قهر .. زايد رمس : شحالج مهاوي المها وهي مبتسمه : اناا الحمدلله بخير انت شحالك وشو الدوام زايد : بخير حوبي .. كلهم ماتوا قهر والصدمة ( حبي ) والاكثر ليش انه يرمسها ومسولها سالفه !! والريم صاخه اتحس لو رمست ببتضاارب وياهم المها وجنها ذكرت شي : زايد ما قلتلي خذت الاي فون ولا ! زايد : ما ادري اقولج يوم شفته ما عيبني استخدامه ! المها : الحين انت من متى فخاطري وخاطري الحينه ما عيبك استخدامه .. ( كان حديثهم فوسط ذهول الجميع حتى هيا انصدمت .. يعني العلاقه بينهم واايد اوكي لا وفوق هذا كله يرمسون بعض واتعرف شو فخاطره .. اما منال فكانت اتفكر اتصفع المها وتذبح زايد ) زايد : ما ادري ما جربته ! المها : بالعكس زيود استخدامه حلو والله جربه انا بعطيك فوني شوفه خله عندك لو ما عيبك خلاص لا تاخذ زايد : لا والله عادي المها : شو الي عادي .. لا اتسويلي حركات خذه لين عقب وانا مش مشكله عندي البيبي زايد : خلاص مشكوره .. المها : العفو .. المها خلاص حست انها مب رايمه تيلس اكثر وبصوت واطي : هيونه حبيبي اشوي بس وسعي هيا ابروحها كانت منقهره من المها : وين اسير ماشي مكان زايد وهو ايرمس الريم : شو الحين بتسيرين MCC خلاص ! الريم وبقهر اتحس لو رمست عادي اتصيح : هيييه ! اما ورى فكان الوضع غير كل وحده مقهوره اكثر من الثانيه زايد كان ساكت يدري فالريم معصبه وحتى يحسهم ورى معصبات بس كان مستغرب هو يعرف المها عدل متأكد يعرفها اكثر عنهم كلهم بس ليش ما يبونها وياهم .. كان الكل ساكت ويوم وصلوا .. صف زايد استغربت الريم كانت تتحرا انه هو بينزلهم وبيسسير ما تدري انه بينزل وياهم ! نزلوا كلهم والمها حست براحه نفسيه وجسديه وكل شي .. من دشوا من الباب الريم : تعالي شمو انا وانتي بنسيير ويا بعض وروحت وهي مسويه طاف لزايد الي انقهر انهم بيتمشوون رواحهم .. نوره : يلا منول تعالي .. هيونه بتتيين هيا : يلا .. حست المها باحراج فضييع من حركتهم يعني كلهم ما يبونها هيه اشحقه تي وياهم وتتفلسف هيه تدري انهم ما يبونها زايد كان مستغرب : يلا مهاوي نمشي المها ابتسمت : يلا زايد : ممكن الحلوه اتدخل شعرها المها : هههههههههه انزين انزين اصلا انت تدري اني ما اظهر شعري الشيله ردتت زايد : هههههههه ادريبج يلا انزين المها وهي تتمشى وياه : شو استوى ويا منال زايد : خلي عنج منال انتي قوليلي شو السالفه المها : اي سالفه زايد وهو يدري انه المها فاهمه عليه : مهاوي ؟ المها : اووف ما ادري زايد : شو الي ما تدرين المها حست انها بتصيح : والله ما ادري هم جيه ما يحبوني ! زايد حس بنبرة صوتها اتغيرت فسكت : خلاص انزين لا يحبونج ما تبينهم يحبونج اهم شي انا احبج المها : هههههههههههههه هذاا اهم شي اصلا .. انزين قولي شو صار زايد : ولا شي من عقب ما الريم كلمتني ما صار اي شي المها : انزين احم اسمع زايد : قولي اسمع المها : صح انا علاقتي مش اوكي ويا منال بس بحاول اكلمها عشانك اوكي زايد ابتسم : صدق مهاوي المها استانست لانه استانس : وانا متى جذبت عليج زايد : حد يلومني في حبج انتي المها : هههههههههه ومنو الي يلووومك زايد كان يدري انه الريم معصبه منه والكل بس هو اصلا يوم قال جيه كان يمزح : العذاال واايد ياقلبي المها : هههههههههههه الي يقول الحين اني مرتك مش اختك زايد : هههههههههههههههههه وربيي احلى اخت والله انه غلاتج من غلات ريم المها : ادري وتدري بغلاتك عندي واني اشوفك اخوي وربيعي واقرب شخص لي .. وانه محد يسواك زايد صد عليها زايد وهو مبتسم : بس انزين بصدق عمري عقب المها : ههههههههههههه صدق صدق ما عليه زايد : ههههههههههههههههههههه ( طبعاً زايد والمها علاقتهم وااايد قويه ومن هم صغار كبروا وكبر هالشي وياهم وهم من زمان يكلمون بعض من المها ظهرتلها الفون وهيه فالاعداديه وكان هدية ميلادها ومن زايد صح كان عمرها هاك الوقت 14 بس كبرت واتعودت عليه هو ايشوفها اخته وهم وايد قراب من بعض .. اما منصور فالمها علاقتها وياه عاديه سلام وبس لان من هم صغار علاقتهم عاديه وللحين ومثل الشي سيف ) فنفس هالوقت والي صار عند .. الريم وبقهر : شموووه بموووت بذبحهم بذبحهم مستحيييل الشي ابدا ما اتوقعت انه هو جيه وياها وانا اقول بلاه حماس وشاد حيله ما يرضى عيل زيووود الي ما يعصب علي عشانها يعصب لا لا اقووولج الشي مستحيل لو منصور والله ما بنقهر جيه اما زااايد ما لقت الااا زيوووووووود شما : انزين بقولج شي انا احس انه يعني هو معتبرنه اخته وصح ما اداني مهووو بس ما بظلمها احسها هيه بعد يعني ما ادري كييف الريم : لا لا ما يخصه اصلا صح هو شكله جذاب لا يحب منول ولا شي شكله يحب مهوي شما : لا لا ما اعتقد يحبها شرا الي فبالج الريم : اااااااااااه اسكتي اسكتي لا اذبحج وانتحر من عقبج غيري الطاري .. اما عند نوره والي وياها فابد ما يابوا الطاري وعلى اي اساس هم بيتكلمون وخاصة انها هيا وياهم .. زايد : مهاااوي انتي ما تبين تتشرين المها : اقوولك شي بس ما اتعصب علي زايد : قولي وانا اقدر اعصب عليج المها : ترا اصلا انا بس جيه يايه وما عندي شي بس لاني ادري انهم ما يبوني فييت زايد وبصدمه وما عصب ابدا بس بالعكس غمضته هو يدري المها كيف حساااسه وطيبه وانه تصرفاتهم تزعلها واايد بس هيه ما تتكلم : والله المها : يعني اسمع هو مش جيه جيه اول شي انا صدق كنت ملانه بس لانه حسيت انه هيا ما كانت تباني اي لان يعني بتسير ويا بنات خالي وهيه تدري انهم ما يبوني فانقهرت ويوم قالتلي انك انت بتوديهم فقلت اي بتونس وياك بدال يلست البيت زايد : هههههههههه حبيبتي والله المها : هيه وبعدين اشحقه ما قلتلي انك بتوديهم زايد : والله كنت حاط فبالي اني بقولج بس دشيت اسبح ومن ظهرت ريموه تمت واقفه على راسي ونسييت وعقب ما هيا قالت لشما انج بتين ذكرت وقلت خلاص اكيد دريتي اما المها فانقهرت يعني هيا قالتلهم عسب ما تتلوم !!! زايد حس انها انقهرت بس ما يدري ليش : مهاوي اشفيج والله سوري نسيت المها : لا مش جيه عادي بس هيا قهرتني زايد استوعب ليش : عادي مهاوي هيه اكيد ما تقصد الشي المها وبحزن : ادري .. تعال انزين بنيلس انا تعبت ودشوا جوكلت بار .. لانه كان قريب منهم .. يلسوا وطلبو ا وبعدين المها : زيودي بقولك شي زايد : قولي اشياء .. المها : نحن يوم كنا صغار كانوا كلهم يعايرونه بابويه يعني بنات خالي احمد وحتى شما والريم كانوا يقولون لنا انه ابويه ما يحبنا وخلانا عشانه ما يبانا .. كبرنا تميت حاقده عليهم وما احبهم ودوم اقهرهم عسب هالشي بس عقب قمت اقول انه هم كانوا صغار واكيد ما يقصدون وانه كل شي اتغير فقمت احاول اتقرب منهم ارمسهم عادي بس كانو ما يبوني من ايلس وياهم يتهامسون ويفرون رمسه وينغزوني وينتقدوني فقمت ابتعد واقول انهم الحين ما عادوا صغار وهم يفهمون .. كنت اقول لهيا هم جيه وجيه وجيه لا اتسيرين صوبهم لا اتكلمينهم هم ما يحبونا بس اليوم اكتشفت شي انه هيا نست هذا كله وهم ما يكرهونا هم بس يكرهوني انا وما يبوني انا يمكن لان انا الي كنت ارد عليهم واقهرهم وهيا كانت تسكت وتسكت !! بس انا حاولت اتغير لكن هم ما يبون شي يتغير .. زايد كان مصدوم ما اتوقع هذا كله فقلب المها اصلا ما اتوقع اتقوله هالشي الحين هو يدري انه المها رقيقه وحساسه وانصدم من الي صار من اشوي وتصرفات البنات بس ما اتوقع هذا كله وخاصة ان المها ابد ما يابت له طاري علاقتها وياهم زايد وبحيرة : مهاوي انتي ليش ما قلتيلي عن اي شي اول !! المها : زاايد انا ما فكرت فعمري اقولك وانا ما قلتلك الحين الا لني ما ابا اطيح من عينك او تشل فخاطرك علي لو اشوي او تزعل .. انا قلتلك عشان ابري نفسي عشان ما اكون انا الغلطانه .. واذا عن اول فانت تدري اني ما اخبي عنك شي بس ما رمت اقولك كيف ارمس واختك وانا ادري انك اتحبها وما ترضى عليها هي وياهم وهي اكثر وحده علاقتي وياها مش اوكي ومنال انت اتحبها كيف تباني ارمس عنها وانا ما قلتلك الحين عسب اتشوفني انا الزينه وهم الشينات او اقهرك او شي انا قلت على شان ما تزعل مني والله بس على شان جيه .. زايد : والله يا مهاوي والله العظيم انه لو شو ما اتسويين ما ازعل منج لاني ادري انه ما من قلبج اثنين ولاني ادري انج اتحبيني وحتى بعد لو انتي كنتي الغلطانه ما ازعل ولو غلطتي مره ومرتين وعشر بعد ما ازعل واباج اتعرفين انج كبيره فعيني وقدرج عالي وعلى فكره انتي لو قلتيلي هالشي من اول كنت مستحيل ازعل ومثل ما الريم اختي واحبها انتي اختي واحبج وهيه مش احسن عنج بشي .. وانا ما بقول الا الصدق يا مهاوي الريم طيبه واحبها بس انتي اطيب وقلبج اطهر ولو الف الدنيا كلها ما القى شراتج .. المها واتحس بتصيح من كلامه : زايد خلاص لا اتقول جيه والله احس بصيح وعقب بسويلك مناحه ولا بسكت تدري فيني زايد ويبا ايغير الجو : هههههههههههههههههههه خلاص خلاص سكتنا هني يابوا الاوردر .. المها يودت الشوكه : زايد ترا صح منال كانت وياهم بس احس هيه غير عنهم وهيه صح ما اتحبني بس على الاقل لما ايلس ما تدخل فيني ما تغايض بي ولاشي .. وانا عند رمستي ومثل ما وعدتك بكلمها ان شاءالله .. مش عن شي بس لاني اباك اتكون مستانس زايد وبحب : مهاوي ارفعي راسج المها رفعت راسها ويت عينها فعين زايد : والله يا مهاوي انا صح ما اعرف منال عدل بس طول عمري اتمنى انه يكون فيها شي شراتج تشبهج فشي وااحد بس لو فالي اتحبينه او حتى تكره الي تكرهينه .. والله ثم والله يا مهاوي لو يخيروني ويقولولي تاخذ منال وتعيش وياها طول العمر بس اقطع علاقتي فيج بقول المها .. مش لاني ما احبها بس لانج غير عن كل هالناس ولاني ادري لو الف الدنيا ما القى حد يشبهج ... المها وخلاص اتحس عينها تحرقها ومش رايمه تمسك عمرها : لا اتقول جيه حبيبي وان شاء الله منال اتكون تشبهني فكل الي تتمناه وان شاءالله ابدا ما تتخير بيني وبينها .. زايد : آآآميييييييييين يارب المها : انزين الحين ممكن اصصيح اشوي زايد بصدمه وهو من اول ما رمست ويحس من صوتها انها بتصصيح وبعتب : مهااااوي !!! المها : ههههههههه والله زيووودي فيااا صييحه عيني تحرقني ابا اصييح لاني مستانسه من رمستك ولاني احمد ربي لانك موجود فحياتي .. ( دمعت عينها ) زااايد وبعتب : مهااااوييي عاااد تبين اتزعليني منج المها مسحت دمعتها بسرعه : ههههههه انزين خلاص خلاص اسفه .. زايد : سامحتج خلاص . المها : زايد دخيلك لا اتقول للريم شي ولا تيب لها طاري انزين زايد : إن شاءالله ... انزييين احبببج المها : هههههههههه وانا اموت فيك فديت اخوي الجميييل اصلا انت اكيييد كاشخلي اليوم صححح زاايد : هههههههههههه كل شي لعيونج افدا هالعيون انااا المها : هههههههههه انزين استحي خلاص زايد : هههههههههههههههه .. ويلسوا ياكلون بهدوء خلصوا .. وحاسبوا زايد : ها مهاوي وين انسير الحين المها : ما ادري نتمشى زايد : يلا .. عند الريم وشما كانوا في Women secret وشافوا هناك نوره ومنال وهيا وعقب ساروا يتمشون ويا بعض .. ومر الوقت وصارت الساعه 8 المها : زاايد خلاص انا هلكت ظهريييه اتكسر امس طول اليوم في دبي مول وانا امشي والف واليوم هني !! زايد : شو اسوي حوبي وين تبينا انسير ... وبعدين صح امس كل ما رمستج قلتي بعدكم شو اتسوين المها : ترا ماما الله يهديها .. بنت ربيعتها مربيه عاد تشتري اغرض حق البنت وحق الام وحق البيبي وانا وحليلي هلكت زايد : هييييه انزين طوفي بنسير السياره وانا بدق على ريموه بسهم المها : لا لا عقب بعد بيقولون مني انا زايد : شو منج انتي .. خلاص بسهم من 5 هم هني يلا طوفي بنسير .. زايد اتصل على الريم الريم: ها زايد زايد : يلا ريومه بسكم عاد انا فالسياره اترياكم الريم : اووف انزين بس باخذ عطر وبي اوكي زايد : يلا انزين بسرعه وساروا السيارة يوم وصلو المها فتحت الباب ورا زايد : مهاوي تعالي جداام المها : لا زايد ما فيني زايد : اقولج تعالي جدام ادري فيهم توهم ما سوولج مكان تعالي جدام الحين المها : زاايد والله ما فيني وبعدين اختك بتزعل زايد : شو قلنا نحن . الريم مش احسن عنج يلا تعالي . ركبت المها جدام . وكل اشوي وهي اتقوله بترد ورا لين ما وصلوا .. الريم وشما يو من جدام السياره .. وقبل لا يوصلون كان ايبين انه في حد يالس جداام الريم شهقت : شمووووووووووه ؟؟؟؟؟ الحقي يالسه جداام شما انتبهت اصلا من قبل الريم لانها اتشوف عدل بس الريم ما شافت الا لما وصلوا بس ما رمست وتدري انه الريم مقهوره : خليها اتولي احسن اصلا توها يالسه ورا ويانا وانا لايعه جبدي منها الريم سكتت فتحت الباب بقو وبقهر ويلست وجيه لين ما يلسوا كلهم زايد شاف من المنظره اول شي كانت نوره يالسه عند الباب ومتسانده وعقبها هيا ومتجدمه وعقب منال متسانده والريم متجدمه وشما متسانده ويبين انه كل وحده مرتاحه فيلستها وراضيه انقهر والمها صدت ورا بنظره سريعه وردت وهي بعد مقهوره وفخاطرها ( احسن يوم سمعت رمست زايد ويلست جدام ) وورا البنات كانوا يسولفون وعادي مب شرا يوم كانت المها يالسه وياهم .. ومره وحده كلهم صخوا على حس المها المها وهي متملله : زيودي بشوف الصور الي ففونك اوكي زايد : اوكي ( كان حاط فونه على الجارج ) المها وانتبهت على الهدوء الي صار بس سوت طاف وهي اتشل الفون : غيرت الباسوورد ولا نفسه زايد : هههههههه لا نفسه المها : هههههه اوكي الريم وبصدمه وهي اتشوف شما وبمعنى اتعرف الباس !!! وكلهم فبالهم نفس الشي .. الريم وهيه اترمس شما : شموو الله يخلييج تمي عندي اليوم .. والله من زمان ما ييتي عندي حتى والله اليوم ماما اتقولي انج من زمان ما ييتي شما وهي تتذكر ليش ما تبا اتسيير وهي تتعلث : ترا كيف عن باجر !! الريم : عادي انزين الصبح بنسسير بيتكم شما : خلاص عيل تعالي انتي عندي الريم بقهر : شماااا شما : والله يمكن اميه ما اتخليني الريم : خلاص انتي كلميها لو قالت لا انا بنزل عندج شما اتصلت على امها ويوم قالت الو استوت السياره هدوء : هلا امي وينج فالبيت خديجه : هيه فالبيت وينج انتي متى بتين شما : الحين نحن فالدرب .. انزين اميه ريومه تباني انزل عندها وتقول الصبح بتي وياي بيتنا ... خديجه : خلاص على هواج .. اتحملي بعمرج شما : إن شاء الله .. وسكرت الريم : ها شو ! شما ابتسمت : قالت اوكي وردوا يسولفون عادي .. اول شي نزلوا نوره ومنال .. سلمت نوره على البنات وما سلمت على المها منال : مع السلامه مهوي المها ابتسمت على الاقل حد عبرها : مع السلامه وحرك زايد وهو مبتسم صدت عليه المها يوم شافته مبتسم ضحكت : هههههههههههههه زايد : هههههههههه شو فيج المها : ههههههههه ولا شي ولاشي .. سكتت اشوي وعقب جنها ذكرت شي .. هييييه زااايدد البارحه خذتلك شي يوم بتنزلنا بييبلك اياه اوكي زايد وهو مبتسم : اشحقه امكلفه على عمرج عااد المها : لا كلافه ولاشي .. وورا الريم اتشوف شما وشما اتشوفها وحتى هيا انقهرت وفخاطرها ( انا اختها ما عبرتني ) يوم وصلوا هيا سلمت عليهم ونزلت .. المها ظهرت الاي فون من الشنطه وعطته زايد : يلا زيودي دقيقه اوكي زايد خذ الفون : مشكوره حبيبتي .. المها : العفو دقيقه بس لا اتروح .. زايد : إن شاء الله المها ابسرعه دخلت على طول غرفتها وعقب ظهرت وهيه شاله جيس .. يوم وصلت السياره سارت من صوب باب زايد هو نزللها الجامه وخذا الكيس : مشكوره حياتي والله اشحقه كلفتي على عمرج المها وبابتسامه : ما كلفت على عمري ولاشي واسمحلي ادري مش قدرك .. زايد : حبيبتي والله .. مشكوره ما اتقصرين .. يلا ياقلبي دشي داخل المها وبعدها مبتسمه : إن شاء الله .. اتحمل بعمرك ولا تسرع ومن اترد اتعشى اوكي زايد وهو مبتسم : من عيوني المها وهي اتسويله باي : يلا الله يحفظك زايد : ويحفظج المها دشت داخل وبعدها زايد قال : ريوممه ما بتييين جداام ؟! الريم وببرود : لا ! زايد انقهر : شما ؟ بتين الريم شافت شما بنظره معناتها يا ويلج بس شما ما عرفت شو اتقول وهيه صح كانت مقهوره منه بس كانت حاسه انه زايد يحب المها شرا اخته وصح المها عليها حركات وجيه بس بعد كانت اتحس انها اتحبه مثل اخوها وهذا بس كان مجرد احساس .. زايد وبقهر: يعني انا دريول عندكم شما وبصوت واطي : ريموه سيري ولا بسير الريم : ما ابا شما : فتحت الباب وسارت جدام .. زايد : حيا الله شما بنت سعيد شما ضحكت : هههههه الله يحييك زايد : شو الحين بتسيرون البيت ولا تبون مكان الريم وهيه مقهوره : لا البيت ! زايد : كيفج انتي .. ها شماا تبين البيت شما : ههههههههه عادي عندي وين بنروح ! زايد : تبون اتسيرون تتعشون شما : انا مش مشكله عندي شوف اختك الريم وبقهر : ما ابا اسير ودني البيت ! زايد : خلاص كيفها ريموه بنوديها البيت وبنسير ( هو قال جيه يستهبل يدري شما مستحيل اتسير وياه روحها بس عسب الريم اتقول بتسير ) الريم : نعم نعم !! خلاص بسير .. شما وزايد : ههههههههههههههههههه الريم : شمو اضحكي عادي وزيود لو سمحت اسكت زايد حس انها ياهل ويدريبها غيرانه من المها : انزين انزين ... فنفس هالوقت الي صار : المها كانت مستانسه وتدعي من قلبها الله يحفظ زايد عقت عباتها والشيله ويلست وهي ميوده الميك اب ريموفر والقطن .. دشت هيا على المها الغرفه وهيه معصبه بس المها ما انتبهت انها معصبه :هيونه حبيبتي ذكرتني البارحه خذتلج شي هيا وبعصبيه وهيه اتسكر الباب : ما ابا شي منج المها صدت بصدمه : !!!!  |
|
04-25-2014, 12:49 AM
| رقم المشاركة : [ 2 ] |
| عضو جديد | الجزء الثامن
__DEFINE_LIKE_SHARE__
هيا وبعصبيه وهيه اتسكر الباب : ما ابا شي منج المها صدت بصدمه : !!!! هيا وبعدها معصبه : لا تيلسسين تتطالعيني جيه انا فعمري ما شفت انسانه شراتج حقوده وما اتفكر الا فعمرها وبس المها وبصدمه : انااا !! هيا وبنفس العصبيه : هيه انتي عيل انااا ... اول شي بنات خالي كنتي اتقولين لي لا اتكلمينهم ولا تسيرين صوبهم وكنت اسمع رمستج بس الحين اكتشفت انهم احسن عنج بمليون مره وانه انتي بس على شان ما اتحبينهم اتسوين جيه .. امااا زااايد !!! فلا الصرااحه انتي وايد ظهرتي تبين مصلحتي دوم اتقولين لي هيا لا اتفكرين في زايد هيا لا تتعلقين فيه زايد ما يحبج زايد ايشوفج كاخت على شان انتي تتهنييين !!! صدق انج وحده ما تهتم الا لعمرها .. وسكتت المها وبقهر : خلصتي ؟ خلاص قلتي كل شي ولا تم شي في خاطرج هيا ساكته .. المها : مشكوره يا اختي .. اذا انتي اتشوفيني جيه عيل ما الوم غيرج .. لعملمج يا هيا انا ابدا مش مجبوره ابررلج اي شي سمعتيني اي شي بس مع هذا كله انا برمس ....البنات فهذا شي راجعلج وانا يمكن ففتره كنت غلطانه بس انا الحين الصح وهم الغلط .. اما زايد فانا اعرف زايد اكثر عن الكل اتعرفين شو يعني اكثر عن الكل وانا متأكده حتى اكثر عن اخته وامه بعد وزايد ما يخبي عني شي وانا ما اقولج جيه عسب اقهرج بس لاني اعرف زايد منو يحب وانه مستحيل يفكر فيج .. بس مشكوره يا اختي ايي منج زود .. هيا وبصدمه : منو يحب ؟؟!! المها وباستهزاء : وانا على بالي بتقولين اسفه يا المها ! وقالت بغيض وعصبيه : ايحب منااال سمعتي يحب منو منااال ! هيا حست جنه حد رش عليها ماي مصدومه كيف ظلمت اختها اصلا كيف قالتلها هالكلام !! هيا بصدمه : مهاوي اسفه ! المها : بعد شو يا هيا والله لو ماكنتي اختي وماكنت احبج جان عرفت ارد عليج .. الحين ممكن اتخليني بروحي هيا عطتها ظهرها وطلعت بخيبه .. اما المها فمن سمعت الباب اتسكر فرت عمرها على السرير وظهرت شهقه كبيره منها وبدت اتصيح بغيض وقهر تعبت من كل شي حتى اختها جرحتها .. ( احبببببببك زااااااااااااايد احبببببببك ما اتحمل حبك لهااا حبنييي انااا اناااا ابااااك انا ماا بزعلك اناا احبك اكثر عنهم كلهم ليششش مناال مش اناااا ) وضحت مشاعر المها اتجاه زايد الي اتحاول تخفيها عن الكل وحتى لعمرها اتوجه هالكلام زايد اخوي وبس وهالكلمه اتقطع قلبها !! اما هيا فمن ظهرت وسكرت الباب وقفت وهيه مصدومه ما اتوقعت ابدا انه زايد ايحب منال!! وما كنت تدري بالعلاقه الي بين اختها وزايد وانصدمت اكثر وهي تسمع صوت الصياح .. ركضت غرفتها ما تبا تسمع اكثر هيه تدري انها السبب ما تبا تسمع .. قامت تصييح كييف جرحت اختهاا هي تدري انها متسرعه وما تحاسب بس ندمانه صاحت المها ظهرت كل الي فخاطرها .. قامت غسلت ويها وظهرت من غرفتها شلت الاغراض الي خذتها لهيا .. تدري انه هيا حاسه بتأنيب الضمير الحين مهما اتسوي هذي اختها وهي ياما كسرت خاطرها وضيقت على عمرها عشان هيا واذا على هالمره ما بتفرق .. دشت الغرفه شافتها يالسه على السرير وهي سرحانه ومن شافت المها على طول وقفت وراحت عندها هيا : مهاوي والله آسفه آسفه انا المها : هيا انا اختج وما بزعل منج بس انا اباج دايما اتفكرين بالي بتقولينه والكلام يعور يا هيا صدقيني الكلام يعور اكثر حتى من الضرب انا ما اقولج جيه عسب احسسج بتانيب الضمير او بالغلط انا اقولج جيه عسب ما تغلطين مره ثانيه .. هيا : إن شاء الله المها ناولتها الكيس: ان شاء الله يعجبونج هيا وهيه مبتسمه : مشكوره حبيبتي اكيد بعيبوني دامج ماخذتنهم .. وحضنتها المها : هههههههه .. انزين هيا ممكن خدمه هيا : اكييد امري المها : ابا رقم منال هيا استغربت بس ما حبت تسال : اوكي بطرش لج اياه على البيبي المها : اوكي ويت بتظهر هيا : على وين تعالي يلسي وياي هيا ( الله لا يحرمني منهااا ياارب ما اتكون زعلاانه منيي انا ما اقصد ) المها ابتسمت : ما عليه عندي شغله بخلصها وعقب بسبح واذا ما نعست بييج .. وظهرت وهيه اتحس بالضيق .. دشت غرفتها يودت الفون شافت هيا مطرشتله الرقم اول شي سوته : طرشت مسج حق منال اما منال فكانت ويا نوره وساره ايرتبون الأغراض شافت المسج استغربت : انا الحين بييكم اوكي نوره : اوكي سارت منال غرفتها وهيه تقرا المسج مره ثانيه واليي كان : مرحبا منال انا المها بغيت اكلمج فموضوع اذا ممكن .. من وصلت غرفتها رن الفون ردت بقهر وحيره : الو المها : السلام عليكم منال : وعليكم السلام المها : انا اسفه يمكن دقيت فجاه بس انا بغيتج بسالفه اتخصج منال وبعدم مبالاة : خير إن شاءالله ؟ المها : خير بإذن الله انا ادري منال انا وانتي ما بينا مواضيع ولا كلام وادري انج مستغربه من اتصالي انا ما بطول عليج ولاني بلف ولا بدور .. انا اتصلت فيج على شان زايد .. انا اول شي مش مجبورة اشرحلج علاقتي فزايد وبصفتي شو دقيت لج بس انا بقولج انه زايد مثل اخوي علا شان لا اتشكين فشي .. وانا الي بغيت اقولج اياه انه زايد وايد يحبج ووايد متحسف وما يبا يضيعج منه .. هو حلفلي انه من عقب هاك اليوم .. يوم العزيمه ما رمس بنات وهو كان ضايج فانا اقترحت اني اكلمج .. انا اباج اتفكرين فكلامي عدل ترا زايد وايد طيب ووايد يحبج وشارنج .. فكري انتي انا جيه اكون سويت الي علي وكلمتج .. منال بصدمه : مشكوره المها : عفوا انا ما سويت شي وهذا كله عشان زايد وبس ( قالت جيه عسب اتبين لها انه هيه مش مهتمه فيها بس عسب زايد ) منال انقهرت بس مشت وياها : خلاص مشكوره .. المها : مع السلامه منال : باي .. المها فرت الفون بقهر على الشبريه وهيه متحسفه انها كلمتها وهي اتكلم عمرها ( ما تستاهلك يا زايد والله ما تستاهلك ) دشت تسبح وعقب خلصت صلت وقرت سورة البقره وانسدحت بضيق وهي اتردد : لا حول ولا قوة الا بالله طرشت مسج لزايد .. ورقدت من دون لا اتحس بعمرها .. اما الي صار عند منال عند فمنال ردت عند قوم نوره وهيه مقهوره من المها ( ايسوي الي يسويه مالج شغل انتي هو لي وانا اقرر .. اول مره أأيدهم لانهم يكرهونج ) اما عند زايد والي صار فكل هذا الوقت وصلوا pizzaro شما والريم خذو باستا اما زايد فخذا بيتزا .. كان سرحان يفكر فالمها غامضتنه يذكر رمستها اليوم ( اشكثر انتي شاله في خاطرج وساكته على شان لا اتزعليني انا يا ربي يا المها والله محد يسواج .. لو يلستي وياي ما احس بالضيج ولا افكر فشي يالله يا مهاوي شو هالقلب الي عندج .. ) شما اترمس ريم : شوفي اخوج وين وصل الريم : اكييد يفكر فالسوسه شما : حراام عليج الريم وهي ترمس بصوت عالي : زاايد .. زيوود .. ايييي زااااااااايد زايد فز : اشحقه اتصرخين الريم : الحمدلله والشكر .. هني يابوا الاكل بدوا ياكلون بهدوء وبعد ما خلصوا زايد : The bill please يابتله الحرمه البيل وبعد ما حاسب ويتريا الخرده .. ياه مسج وشاف المسج : خلاص زيودي حبيبي انا كلمتها .. بس على شانك .. احبك ويلا انا برقد الحين اتعشى واتحمل بعمرك .. ابتسم على المسج الريم وهيه اترمس شما : اتخبل شما : ههههههههه اطالعهم زايد باستغراب .. وبعدها يابت الباجي ومشوا .. عند هيا كانت اتفكر فكلام المها هيه كيف ما سمعت كلامها اول !! ليش ما كانت اتصدقها ( ياربي انا خلاص لازم اشل هالزايد من راسي ) شما والريم من ردوا البيت على طول ساروا فوق بدولوا وعقب يلسوا فالصاله شما : زايد شو ظهر ؟ الريم : هيه اعتقد هو اصلا ما دش ويانا .. شما : يعني محد فالبيت ( كانت تحاول تسمع اي شي عن سيف ) الريم : حبيبتي منصور احلمي اتشوفينه لانه ما ييلس ايي البيت يرقد وياكل بس اما سيف فما ادري عنه وما حسوا الا بصوت خطوات على الدري صدت شما بسرعه .. شافت سعيد وخلود شكلهم توهم يايين من برع نشت سلمت على سعيد : هلا والله عمي حبيبي شحالك سعيد وهو يضحك عيها : ههههههههه بخير يا امي انتي شحالج شما : وانا اشوف هالويه الحلو ما تباني اكون بخير سعيد : ههههههه الريم : ايييي شموووو خلي بابا فحاله مالج شغل فيه سعيد كان وايد يحب شما وتغمضه لانها يتيمه ودايما يحب يحسسها انه هو ابوها سعيد : كلكم بناتي انتو الهنتين شما : ههههههه فديت عمي انا وعقب سلمت على خلود شما : ها خالوتي الجميله من زمان ما شفناج قاطعتنه لا تينا البيت ولا شي خلود : هههههههههه حبيبتي انتي .. انا الي لازم اييج البيت ولا انتي شما : ههههههههههههههههه اكييد ولهتييي علي خلود : هيه والله عاد اليوم اقول للريم انج مختفيه شما : اتعرفين بعد خالو شخصيه مهمه وعندي اشغال مش شرا بنتكم هالفاضيه خلود : هيه والله صدقتي عاد ريموه لا عندها شغل ولا شي شما : ههههههههههههههههه الريم : ماماه اشوفج سحبتي علي خلود : ههههههههههه لا والله لا سحبت عليج ولاشي كلكم بناتي .. ها اتعشيتوا ولا الريم : هيه زيود اليوم ما ادري شو نازل عليه مروق ودانا نتعشى خلود : يلا عاد وحليله زايد ما يقصر الريم : صح صح ما يقصر سعيد : يلا عاد لا تسهرن حطوا روسكن وارقدن شما : إن شاء الله .. سار سعيد ووخلود الغرفه وتموا بروحهم شما ردت تيلس : هههههههههه انتي بلاج على الريال وحيليله الريم : والله قاهرني اصلا هو مروق عسب هالشيفه مهووو شما : حرام عليج عاد مهوي حلوه الريم وبقهر : حبيبتي بس شكل .. اتعرفين احس اكرهها جيه ها تقهرني لو اتموت ما بزععللل شما وبعتب : حراام عليج ريموه استغفر الله مش لهالدرجه بعدين حرام مش زين اتقولين جيه الريم وحست بتأنيب الضمير على الي قالته : استغفر الله بس والله تقهرني .. اتحيدين يت فتره كانت تتلزق فيني هالمصلحجيه تبانا انسويلها سالفه شما : رييموه استغفر الله بس اسكتي ما يخصنه فيها الريم : استغفر الله .. وهم يالسات سمعوا حس حد شكله يرمس بالفون وياي من تحت شما عدلت شيلتها بسرعه .. يوم وصل فوق كان خلاص مسكر .. شافهم ابتسم بخبث من زمان ما شافها وبعده الوعد قدام للحين ما برد حرته فيها سار ويلس فالصاله شما من شافته وشافت نظراته ارتبكت حاولت انها ما اتشووفه .. سيف : اووه شماا هني الريم : لا هناك واهاهاهاهاهاهااا سيف : هبله شو ؟؟ الريم وهيه اتقلده : هبله شو ؟ شما هني ضحكت وهي تذكر الريم اليوم يوم اتقلده قالت نفس الجمله : ههههههههههههههههههههههههه ويوم شافت نظرات سيف زاغت وصخت اما سيف فكان يتحراها تضحك عليه فانقهر سيف وبعصبيه : ريموه فكيني سيري ييبيلي ماي وهاتي فوني ( يقصد فونه الثاني ) وبوكي وسويج السياره خليتهم تحت .. قاللها تيبهم عسب تنزل تحت واطول .. الريم طبعا يوم معصب ما اتروم اتقوله لا : اووف انزين وقامت نزلت تحت .. قام من مكانه وسار يلس مكان الريم الي كان حذال شما شما خافت الا ماتت من الزيغه وما عرفت شو اتقول وسيف كان يشوفها بنظره اتزيغ جنه يقولها انتي قد كلامج ؟ سيف : انتي ما تستحين !؟ شما شافته بصدمه !!! سيف : قلت للريم قومي جان سرتي وياهها ولا يوم ييت صوبج جان غيرتي مكانج .. وهو يغمزلها ولا عايبتنج اليلسه وياي ! اما شما فخلاص تدري لو رمست بتقول رمسه ما بتعيبه كيف يقول عنها جيه كيف يستحقرها لهالدرجه .. !! على باله هيه متعمده وهيه تبا تيلس وياه (شما: انا ما كان فنيتي شي انا كنت بتريا الريم عادي !! ولو سرت وياها ادري بيقول خايفه منه !! وهو يا صوبي انا ما سرت ليش جيه يقول عني ) كان يشوفها بنظره خلتها تنقهر اكثر وقالت بصوت واطي وبغيض وباستفزاز : والله مش انا الي بغيت الريم اتسير عشان اتم روحي وياك اوكي .. ولا انا الي ييت ولصقت فيك واذا انت اتشوف انه انا عايبتني اليلسه وانا لاصقه فيك فكلن يرى الناس بعين طبعه ؟ سيف خلاص وصلت عنده اخر شي شافها ببقهر ومسك ايدها بالقو : صدق انج ما تستحين والله يا شما كلمه وحده كلمه بس لا تندمين والله لاخليج تترجيني .. شما شافته برعب كان يرمس جنه خلاص فاي لحظه بيفقد صبره واييدها قامت اتعورها وهي تسحب اييدها بس مش قادره : فجني !! سيف رص على ايدها اكثر حست خلاص بيغمى عليها من الويع : سيف وخر هدني اقولك ولا والله لا اصرخ الحين واخلي عمي وخالو ايون !! سيف : هههههههههههه ويوم بيون ويشوفنج لاصقه فيني واشوي وتيلسين فحضني ما بيقولون من سيف ! ولو قالو عادي انا ريال فشو بنضر شما عينها دمعت من الويع صدت بسرعه راسها عنه ( كييف يقوول عنيي جذا كييف ) بس سيف انتبه عليها حس بشعور غريب هدها بسرعه وقام من مكانه وسار بينزل وهو نازل شاف الريم على الدري خذا منها الاغراض والماي ونزل بسرعه حتى ما شرب الماي يلس الكوب على الطاوله وظهر برع .. وهو واقف حس بقلبه انقبض ما يدري ما اتوقع اتصيح هو يدري انها اتكابر وبس واتسوي عمرها مش مهتمه وقد رمستها وهيه اصلا اتسوي هذا كله بس على شان سالفة الي كان يكلمها .. يدري انه الرمسه الي قالها لها اتعور بس هو ما يحب حد يتحداه او يكسر بكلامه او يعانده ( شو سويتي فيني يا شما ) الريم شافت شما : بلاج بسم الله اما شما فكانت مقهوره واتحس بتنفجر وفخاطرها كله من الريم هي الي خلتها تي : ماشي ماشي .. شغلي التلفزيون الريم : الحمدلله والشكر محد صاحي في هالدنيا غيرج يا الريم شما وبدون خاطر :ههههههههههههههه .. عند سيف ماكان يبا يرد يدخل ويشوف شما يحس بشعور غريب يوم يشوفها قاهرتنه بس غامضتنه ما يبا يعاملها جيه يبا يكلمه واترد عليه عدل وتضحك واتسولف .. فشو غير انتي يا شما شو هالشعور الغريب الي احس فيه معقوله احبج .. ؟؟ ضحك على عمره .. شو احبها انا وين والحب وين ؟ لا ليش ما احب انا يمكن احبها صدق .. كان يرمس عمره رد يدش الصاله .. الريم : شمو سيري هاتيلي الجراجه من غرفتي شما شهقت : نعم نعم صدق انج ما تستحين مسودة الويه الريم : ههههههههههههههههههههههه وقامت من مكانها ومن دشت غرفتها سيف وصل فوق شاف شما بروحها يلس بس بعيد عنها شما من شافته قامت بسرعه من مكانها سيف وانقهر لانها قامت : شو وين وين يلسي ما باكلج انا ؟؟ شما وهي تبا اتظهر حرتها واتحسسه لو اشوي باللوم : هيه علشان ايلس واتقول عني قليلة ادب وابا الصق فيك !! سيف انصدم : اقولج يلسي مكانج ريم كانت ظاهره من غرفتها وبتي الصاله وهي تمشي فالكوريدور الي بين غرفتها وغرفة زايد والي يودي للصاله وماكنت تبين وانصدمت وهيه تسمع شما شما : لا والله انا مينونه ايلس وياك .. عشان اتسمعني رمسه وتقهرني سيف : الحين انا اقهرج شما وبقهر : هيه تقهرني سيف : يلسي انزين بسرعه برمسج شما : ما ابي ايلس وياك سيف : اقولج يلسي قبل لا تي ريموه شما يلست بقهر : نعم شو ؟؟ سيف وهو مروق وفباله شي : الحين ابا افهم انتي ليش معصبه ومقهوره مش انتي تبيني جيه اكلمج شما : لا والله الحين يعني يا اترمسني جيه يا اترمسني شرا اول ما في حل ؟ سيف وبخبث وهو مبتسم : كيف يعني شرا اول ؟ شما هني انحرجت وويها احمر من الخاطر ووقفت بتسير سيف اتخبل على شكلها : لحظه لحظه على وين اتريي ما خلصت شما وهي واقفه : خلصني شو تبا انت الحين سيف واتنرفز : شفتي انتي كيف ترمسين كيف والله تبيني ارمسج وانتي جيه اتردين شما وهيه مقهوره : هيه على شان لو رمستك عادي انت وايد اتصدق عمرك واترمسني جني وحده من ربيعاتك ( كانت ترمس بقهر وهيه صوتها فيه نبره حلوه وسيف متخبل ) سيف : الحين انتي مسويه كل هالسالفه وهالحشره ومعصبه لان ريموه خبرتج اني اكلم بنات شما وهيه معصبه : ما يخصه انا مالي شغل فيك ولا في ربيعاتك اوكي ! سيف وبخبث : انتي اتسوي هذا كله بس لانج غيرانه صح شما عصبت : نعم نعم والله ليش اغاااار سيف وهو يغمزلها : انتي تدرين ليش شما عصبت وانحرجت وويها احمر اكثر وسيف مستانس على شكلها صدت هو اتحراها بتيلس بس انصدم انها شلت المخده وفرتها عليه : اووف منك تقهر تقهر شايف عمرك ومصدق عمرك على شوو ؟؟؟؟؟؟؟ اما سيف فانصدم ما اتوقع ومره وحده : ههههههههههههههههههههههههههههههههههههههههه شما انحرجت اكثر وصدت ومشت ويوم يت بتسير صوب غرفة الريم انصدمت بشيئئيين اول شي بشوفة الريم جدامها وثاني شي يوم سمعت ... ((((( سيف : شمييييميييي احبببببج ))))) صدت عليه وهيه اتشوفه باستغراب وهو مبتسم صدت على الريم وهيه اتشوفها واقفه مبلمه سارت الغرفه وبسرعه فرت عمرها على السرير واتغطت وما حست الا بحد ينط فوق الشبريه ويسحب اللحااف : ياااااااااااااااااااا حمااااااره ياااا هبله يا غبيه يا سخيييفه يا شو اقووولج انتيييييييييييييييييييييي شما كانت اتحس بالاحرااج وقلبها يدق بسرعه وكل شي ومش عارفه شو اتقول او شو اتسوي او اي شي : ريموه ممكن تسكتين عني الريم وبصدمه : اتخسسسيييين الا انتيييي اسكت عنج يا شو اقولج الحيين طايحتلي حب ويا منووو وياا سيييفوووو عدويييييي اللدووووووود لا وفوق هذا انا اخر من يعلم شما : هههههههههههههههههههههههههههههههه ريمااااااا اسكتييي عنييي لو سمحتيييي الريم : والله لو ما قلتيييلي شو السالفه بزعل وما برمسج شما يلست على الشبريه وخبرتها كل شي .. من يوم العزيمه لين توه .. الريم وبخبث : ياااا حمااااره انتيييي هذا كله وانا ما ادري بشي .. ولا ترمسين ولا شي وانا اقول البنت شو ياها ؟؟ لا تبا تي ولا شي واخر شي متظاربه ويا الحبيييب شما وباحراااج : ريييمووه ما يخصه الريم وبخبث : شمووه اتحبييينه شما وويها محمر : ما ادري ما ادري احس قلبي يدق بسرعه الريم : سيري ولي شوفي ويهج كيف غادي هذا كله وما تدرين قومي بس عن اتموتين علينا شما : جبببب يا سخيييفه انتيي الريم : انااا الحين سخيفه ؟؟؟ شما وهي اتحط راسها على المخده واتغطي عمرها : ريوومه خلييني ارقد الريم : ارقدي ارقدي واحلمي بسييف وانسدحت حذالها وهيه تدعي ان الله يتمم على خير والله يجمعهم .. اما سيف فكان مستانس ما يدري كيف اتغاضى عن كل شي عنادها ورمستها بس اهم شي انه هو مستانس الحين مر هاليوم على خير وبالباجر الصبح .. شما قامت من وقت وبنشاط فضيع .. وعت ريم وعقب دشت الحمام اتغسلت وظهرت بحماس وقفت عن المنظره رفعت شعرها كله على فوق وربطته ولفت الشيله وظهرت ما لقت حد نزلت تحت شافت خلود وزايد ومنصور شما : صباح الخير خلود : صباح النور تعالي امي شما كانت تتطالع زايد ومنصور باستغراب اول مره اتحس انهم ووايد يتشاابهوون بس زايد شعره اطول وعلى ابيض اشوي وحياته اشوي غير .. زايد : هلا شمه صباح الخير شما : وانت استاذ منصوور ليش ما اترد منصور : هههههههههه انتي شو تبين فيني شما وهي تيلس حذال خلود : خالو هذيل عيالج ما تتلخبطين من بينهم منصور وزايد : هههههههههههههههههههههههههههههههه خلود : ههههههههههه اشحقه اتلخبط من بينهم شما : انا لو عندي توم جان حطيت علامات على راسهمم منصور : ههههههههههههههههههههههههههههه زايد :هههههههههههههههههههه !! بسم الله عاد مش لهلدرجه نتشابه .. هني الريم نزلت : بلاكم تضحكون من الصبح منصور : اعوووذ بالله الناس اتقول صباح الخير !! الريم : ااوه منصور هني منصور شافها بنظره شما : ههههههههه ريموه كنت اقول انه اخوانج وايد يتشابهون الريم يلست حذالها : انا طول عمري ادري انج غبيه بس اول مره اكتشف انه الغباء عندج بزياده يعني كيف ما تبينهم يتشابهون شما : يا حماره انا غبيه الريم : ههههههههههه لا لا صدق صدق يتشابهون عادي انزين هههههههه اتخيلي يوم يعرسون مثلا حرمة منصور تتلخبط تتحرا زايد ريلها هههههههههههههههههههههههههههههههههههه شما : هههههههههههههههههههههههههههههههههههههه حتى زايد : ههههههههههههههههههههههههههههههه اما منصور فعصب : ليش يعني حرمتي مش حرمة زايد الريم : ما ادريي هههههههههههههههههههههههههههههه خلود : بس بس يا بنت عيب شو هالرمسه منصور ضحك على شكل الريم الريم : ماما الحين شو الي عيب عادي انزين شما : ههههههههههههههههههههههههههههههه هني سيف توه نازل من فوق يت عينه فعين شما وهي تضحك شما ماتت من الاحرااج ونزلت راسها عن حد ينتبه سيف ابتسم نزل ويلس حذال زايد الريم يوم شافت سيف ذكرت البارحه ما رامت اتيود عمرها : هههههههههههههههههههههههههههههههههههههههههههههههههه هههههههههههههههههههههههههههههههههه وشما تقرصها علي ايدها وهي تضحك ومحد فاهم شو السالفه وسيف يتطالع شما كيف منزله راسها ومبتسم الريم وهي تسكت : بس بس يا حماره قطعتي ايييد خلاص سكتنا شما اتفشلت من الخاطر خلود قامت : الله يهدييكم انا بقوم بحط الريوق على الطاوله شما : بي وياج خالو وسحبت الريم وياها وسارت زايد : عنبووو خلاص كلت البنيه بعيونك منصور : هيه والله حللتتتهااا اظني لو انقوله ارسمها ما عنده مشكله سيف ويشوفهم باستغراب واونه معصب : بلاكم انتو ؟؟ منصور: لا السموحه ما فينا شي .. زايد : هههههههههههههه شما فالمطبخ : ريموه كلمي زايد ينزلنا البيت الر يم : انزين انزين عن اتموتين علينا بس عقب ما حطوا الريوق .. شما اتحس هب قادره تاكل اتحس انه سيف يتطالعها ووكلهم كانوا ملاحظين الا خلود الريم : انا شكلي يبالي اييب ستااره احطها حاجز منصور : هههههههههههههههههههههههههههه سيف اتطالع الريم بنظره الريم : بسم الله سيف انت ليش جيه عفانا الله وحش !! والله اتزيغني تراك زايد : هههههههههههه انتي اتزيغين الريم : هيه والله احسه احيانا بيذبحني خلود : بس يا اميه عيب هذا اخوج الريم : انزين انزين .. زيود عقب ما نخلص نزلنا بيت خالو خديجه اوكي سيف وباستغراب : ليش ! الريم : ههههههه احم ترا شو اليوم بنسير بارتي جوجو فشمو لازم اترد بيتهم على شان اغراضها هناك وانا بسير وياها وعقب بنسير مره وحده زايد : منو بيوديكم الريم : ما ادري اكييد راشد ! زايد : يلا انزين خلصوا وبنسير شما وبصوت واطي : يلا ريمو الريم بصوت عالي : بلاج انتي شو يلا ما اتشوفيني اككل خلود : حبيبتي شما اشحقه مستعيله ما كلتي شي يلسي الريم : ليش هيه قادره تاكل اصلا .. وشافت سيف سيف ضحك : هههههههههههههههههههه شما حست رقبتها عورتها من كثر ما هي منزلتنها اتريت الريم وعقب ساروا فوق فالغرفه شما وهي تلبس عباتها والريم اتحط اغراضها .. الريم : اووف شو هالفلم الهندي شمو .. شما : ههههههههههههه اسكتي والله بصفعج ترا الريم : اتحرا بتقولين بخبر سيف عليج شما : هاهاهاها يا ظريفه يا انتي .. خلصوا نزلوا شافو زايد يترياهم فالصاله .. ساروا ونزلهم .. ________________________________ نوره : راشد اليوم بتودينا بيت خالي اوكي ! راشد : متى نوره : ما ادري نحن بنظهر من وقت عسب انمر المحمصه راشد : إن شاءالله .. العصر فالسياره .. نوره : اووف رشو د طول اشوي على المكيف حر ميك ابي كله بيسييح راشد : انزين انزين !!! عند شما والريم الريم وهي اشوي واتصيح : شموو مب رايمه البس العدسه اوووف ما ادري بلاني شما : ههههههههههههه خلاص سيري بنظارتج !! الريم : والله سخيفه مستويه شما : ههههههههههههههههه تعالي تعالي حطت على صبعها ماي العدسه ومسكت العدسه ولبستها الريم : يلا بسرعه تعالي حطيلي الميك اب شما : حطيتي فاونديشن خلاص صح الريم : هيه هيه يلا شما اول شي جحلتها من فوق وبعدين حطتلها آي شدو والمسكره وحطتلها بلاشر على البني شما: يلا خلصت حطي الروج الريم وهي ترمش بعينها : جميله صح شما : هههههههههه اتجنننييين يا جميلتي انتي .. واشوي ومر راشد يوم ركبوا السياره وسلموا .. راشد : عنبوكن هالكثر متعطرات انتو ما بتنزلون المحمصه الريم : نحن ما يخصنه شما : مش عطرنا هذا نوره : لا سبحان الله نحن من متى فالسياره يوم ييتو انتو ظهرت ريحة عطرنا الريم : انا هني يالسه ورا ساره اشم عطرها اكييد هييه شما : صح صح وانا بعد اشم ريحة عطرها هااك ساره : بلا خرط انا ما اتعطرت !! الريم : شمووو يمكننن عيل هاايييج شما وهي تشهق : أم الدويييس !!!!!!! منال : الحمدلله والشكر راشد : ههههههههههههههههههههه خلاص انزين انتو قولو لنوره شو تبون وما تنزلون شما : حشى سجن مب سياره الريم : اقولج ترا .. راشد : صخوا انزين .. شما : عفانا الله حتى الواحد ما يقدر يرمس الريم : حشى ما يسوى علينا لو سايرين ويا سيف احسن هههههههههههههههههههههههههههههههههههههههههه شما شافتها بنظره الريم : انزين اسفه نوره : شو السالفه شما : ولاشي ولاشي هاي ماعندها سالفه .. خلصوا من المحمصه وعند بيت عبدالعزيز .. نزلوا وكانت ميره واقفه عند الباب لان باب الحوي كان مسكر .. دخلت اول وحده نوره سلمت عليها ميره وحضتنها وعقب منال ساره الريم شما .. سلمت عليهم كلهم بنفس الطريقه .. ميره : حياكم حبيباتي اتفضلوا ومشو وياها لين الميلس .. ويلسوا ميره : خذوا راحتكم عقو العبي ووقفت عسب اتشل عبيهم .. شلت العبي وردت .. ميره : امم انزين وبعد شحالكم نوره : الحمدلله انتي شحالج ميره : انا تماام .. اشحقه جيه ساكتاات !! نوره : هههههههه يمكن يستحون ميره : يحليلي تستحون مني انا !! الحين المفروض انا استحي شما : هههههههههه لا مش جيه اشحقه نستحي منج منال: عيل وينها جوجو ! ميره : الحين بتنزل انا قلتلها مسويه عزيمه واشوي ويت الخدامه يايبه العصير .. وبعدها بدقايق دشت جوجو .. كانت تمشي ورافعه راسها وسلمت على نوره اول شي وبدلع : شحالج نوره نوره : الحمدلله بخير انتي شحالج جوجو : تمام وسلمت عليهم كلهم ويوم يت عند ساره سلمت عليها ببرود وبس قالت بدلع : اهلن ! حتى ساره حست بالاحراج وماردت عليها بس ابتسمت وحتى ميره انحرجت من اختها وشما لاحظة نظرات جوجو لساره والحين صدق حست انه ساره معاها حق يوم قالت ما ترتاحلها لان نظراتها ما تريح .. ميره : كانت طويله وبيضه شعرها فوق جتفها بشوي ومصبوغ بني .. اما ملامحها فخشمها صغير وعيونها عاديه وشفايفها عاديه وفيها غمازة وحده .. ملامحها ناعمه.. عمرها 17 وهي فثالث ثانوي .. اما شخصيتها فهي طيبه بس احيانا تحكم على الناس من تصرفاتهم ما اتحب الدلع ولا المياعه الجوهره : كانت اقصر عن ميره واشوي مليانه بس اتبين كيوت يعني مش متينه .. شعرها اطول عن شعر ميره وبعد مصبوغ بني اغمج .. بيضه مثل اختها وخشمها لايق عليها عيونها وسيعه ولونهم فاتح .... عمرها 23 ومخلصه من الجامعه دلوعه وتصرفاتها غريبه واحيان متناقضه . وعقب يلست حذال نوره : وينكم عنا من زمان عنكم نوره : حبيبتي والله .. ميره : هيه والله عاد وحشتني سوالفكم ويمعتنا شما : يا عمري يا ميره ونحن بعد ولهنا عليكم .. الريم وهيه يالسه حذال ساره كانت حاسه انه ساره منحرجه : شوفي هاي الجوهره بلاها جيه تتدلع ساره ابتسمت : ما لنا شغل فيها الريم وفخاطرها ( يحليلج يا ساره ) .. .. ويلسوا كان الوضع عادي ميره اتسولف والجوهره اتشاركها فاشياء بسيطه وكل شوي واتشوف ساره بنظرات خلت ساره تنحرج واتحس انها صدق غريبه من بينهم .. على الساعه 8 نوره وهي اترمس ميره بصوت جوج ما تسمعه : مياري راشد يقول نص ساعه وبي ميره : لا شو توه الناس !!!! نوره : اكيد هو مشغول .! ميره : خلاص عيل بخليهم يحطون العشا !! نوره : لا لا هاتي الكيكه يمكن ما يمدينا عقب ميره : خلاص اوكي .. وقالت بصوت عادي : بنات عن اذنكم انا بقوللهم يحطون العشا .. كلهم يلسو ا عادي ومره وحده ميره دشت والكيك فايدها وعليها الشمع نوره ركضت عند الليت وسكرته .. وجوجو مصدومه .. حطت الكيكه على الطاوله وكلهم غنولها Happy birthday نفخت جوجو على الشمع وفتحوا اليتات .. جوجو وبصدمه وكان يبين عليها مستانسه : حبااااايبييي واااايد شكراااااا وااايد وااااييييد ابداااا ما اتوقعت ميره حضنتها .. وعقب نوره : حبيييبتييي كل عاام وانتييي بالف خيير جوجو : يا عمري انتييي والله جد واايد شكرا .. عقب شما حضنتها وهي مستانسه : كل عام وانتي بالف خير جوجو : وانتي بخير حبيبتي .. وبعدها منال بنفس الطريقة وبعدين يت الريم وكانت بتسلم عليها عادي بس جوجو حضنتها بالقو .. الريم : كل سنه وانتي طيبه .. جوجو : وانتي طيبه .. اما ساره فسلمت عليها يعني وايهتها بس ساره : كل عام وانتي بخير... جوجو بس ابتسمت بالغصب : وانتي بخير ميره واايد انحرجت من اختهااا !! الريم وهي اترمس شماا بصوت وااطي : شفتيي الوغده شقا تقهر !! شما : هيه والله حراام ساره غمضتني الريم : اووف حشا هذي تقهر اكثر من مهووو شما : صدقتييي !! وبعدين حطوا العشا .. واتعشوا وبعدها مر راشد .. سلموا عليهم وظهروا .. فالسياره ساره كانت ساكته ابد ما رمست .. راشد ما استغرب لانه حتى فالييه كانت ساكته ! اما نوره والريم وشما ومنال كانو يتناقشون بصوت وااطي وراشد كان مشغل الاف ام فماكان ينسمع !!! شما : نورو اتحيدين هاك اليوم يوم ساره رمست عن جوجو يوم قلتي ما يخصه !! نوره : هيه احس صدق الحين جوج تقهر !! الريم : تقهر وبس الا تذبح انا بغيت اقوملها اصفعها اسدحها على الارض ادوس فبطنها منال : هيه والله انا ما احب ارمس عن الناس بس هاذي الجوهره صدق قهرتني احس حليلها ساره !! شما : هاي اتسوي جيه ليش ما ادري نوره وهي اتوطي صوتها اكثر : اتعرفون شو احس ! شما : شو ؟؟ نوره : ترا اول يعني يوم كنا فالثانويه انا دوم كنت اقول حق جوجو بخطبج حق راشد وكنا نضحك يعني كنت امزح وياها شكلها عسب جيه يمكن حطت الشي فبالها .. شما : بسم الله على راشد !! راشد مره وحده سكر الاف ام : انتو شو عندكم من ساعه !!! الريم : ههههههههههههههههههه انحش فيك وفساره راشد : مالت عليج بس وررد يشغل الاف ام وكل وحده سكتت وهيه اتفكر .. اما ساره فبس كانت تلوم عمرها لانها سارت وياهم !! عند ميره والجوهره فنفس هالوقت الي صار : ميره : جوجو انتي تستهبلين ليش جيه سويتي !!!! الجوهره و بدلع وعدم مبالاة : ليش شو سويت انا ؟ ميره وبلوم : لا الصراحه ما سويتي شي . فشلتيني من بينهم شو حركات اليهال هاذي حليلها البنيه شو مسوتلج جوجو وبعصبيه : شو الي فشلتج!! ميره : لييش جييه عااملتي البنت !! جوجو وهي حاسة بتأنيب الضمير بس اتحاول ما اتبين : شوو سويييت !! ميره وبصدمه : لااا أببددد ماا سوييتيي شي جوجو وهي حااسه باللوم : شوو سويييت انااا ؟؟!!! ميره : اوووف مررضضض .. وطلعت معصبه الجوهره ( انااا شسويييت ؟؟؟ حرااام انا صدق عاملتها معاملة مب زيينه ؟؟ لييش سوييت جييه لا يكون انا غرت ؟؟ حراام هالبنت طيببه .. اووف صدق ماا استااهل شي ) |
|
| |
| |
|
04-25-2014, 12:52 AM
| رقم المشاركة : [ 3 ] |
| عضو جديد | تابع الجزء الثامن
__DEFINE_LIKE_SHARE__
عند هيا والمها يالسات ايشوفون التلفزيون .. مهره وبعصبيه : شفتوووو انا قلتلكم هذا ما بيي ما بيي يشوفكم ما اتصدقون !! المها وبضيج : خلاص انزين ماماه بس مهره : هيه ما ترضون على ابوكم لازم .. جيه انتو شفتوا منه خير عسب اتحبونه .. المها قامت على طول غرفتها واتحس بضيج الدنيا كلها مسكت الفون واتصلت .. : هلا مهاوي المها واتحس بغبنه : هلا زايد زايد وانتبه على صوتها وبخوف : مهاوي حبيبي اشفييج المها هني ما رامت تمسك عمرها اكثر وهيه اتصيح : زااايد زايد ما اتحمل يوم سمعها اتصيح : عيوون زااايد .. بسم الله عليج اشفيج يا عمري .. منو مزعلنج ليش اتصيحين المها وهي اتحاول اتهدي عمرها : ا..بووويه .. قاا..ل قا..ل بييي وما مر .. وكملت صياحها وبكل أللمم : ه..و ما يحبنااا اصلا مااا يبيينا زايد قلبه عوره كسرت خاطره : افدااااااااج اناااا مهااااوي عشاااني لا اتصييحين جان لي خاطر عندج لا اتصييحين المها وهي تكتم صوتها .. واتحاول ما اتصيح زايد : منوو مااا يحبج انتييي .. يمكن ابووج عنده ظرووف ولا شي ؟؟ المها وبصوت مبحوح : يعني كل مره كل مره ظروووف هو بس ما يريدنا زاايد : يا روحي انتييي .. اصلا هو يحمد ربه عنده بنت مثلج ما علييج منه المها : بس نحن محتاجينه ليش ما يبينا ليش !! انا فعمري ما سمعت عن ابو ما يحب بناته زاايد : حبيبي انتي هو اكييد يحبكم بس انتي ما تدرين .. بعدين انا دومي شو اقولللج .. المها سكتت زايد : ها شو اقولج قوليلي المها : انك ابوي واخوي واربيعي وكل شي زايد ابتسم : والله والله مهاوي مستعد اكون لج كل شي فهالدنيا .. انا ابوج واخوج وكل اهلج بس انتي لا اتضايجين بعمرج دخييييلج المها وهي اتحاول تنسى : إن شاء الله .. آسفه زيودي ضايجتك زايد : شو هالرمسه مهاااوي .. افداا حسج انا بالعكس انا استانس يوم اتكلمني وتشكيلي احس انه لي مكان فقلبج المها بحزن : ترا الحين انا الي بزعل انت تدري بمكانك فقلبي وانا مالي غيرك .. زايد : لا لا كله ولا زعلج .. المها ابتسمت : انزين وينك انت الحين زايد : ماشي فالميلس ويا الشباب المها : هيه يعني ظهرت عنهم عشان اترمسني زايد : يعني تبيني ارمسج وانا يالس وياهم المها : ههههههههههه هيه عادي زايد : ههههههههههههههههه المها : هههههههههههه .. يللاا انزين رد عندهم وكلمني قبل لا ترقد زايد : من عيوني .. المها : وانت راد لا تسرع زايد : إن شاء الله .. يلا عاد انتي استانسي ولا اتضايجين بروحج .. المها : إن شاء الله .. يلا الله يحفظك زايد : فمان الله .. حضنت الفون بالقو ( احبك يا جنوني احبك ) عند ساره دشت غرفتها وخذت ملابسها .. دخلت بتسبح واول ما شافت انها بروحها .. صاحت بقهر اتظهر كل الي داخلها ... والي كتمته .. عند ميره فغرفتها مقهوره .. اشوي واندق الباب .. ميره : دش دخل عبدالله الغرفه وبابتسامه : شو فيها الحلوه زعلانه ميره وبقهر : مش زعلانه ولا بطيخ عبدالله : اووب اووب بطيييخ !! هذا كله ومش زعلانه سكر الباب وسار يلس حذالها .. : شو فيج ميره : ما فيني شي عبدالله : علي انا ! ميره وبقهر افجرت : هاااذي جوجو تقهر تقهر بذبحهااا اما اتحملهااا خلاااص !!!!!!! عبدالله وباستغراب : اووف هذا كله ليش !! ميره : اتخيل عبدالله اليوم شو سوت انا متعنيه وقايله بسويلها بارتي ....... ( وكملت كل السالفه ) انا ابا افهم هيه اتسوي جيه ليش .. ليش جذي تقهر تقهر لو شفتها كيف كلمت البنت.. انا ويهي عورني .. جدام البنات اوووف هذي ظاهره جيه على منو عبدالله بصدمه هو يدري انه الجوهره تتصرف احياناً تصرفات متناقضة بس ما اتوقعت اتسوي جيه : الحين انتي مضايجه عمرج على شان جيه ميره : هذا كله وما تباني انقهر واتضايج .. عبدالله : هيه لا اباج تنقهرين ولا تتضايجن .. لان ما في شي يسوى والجوهره انا برمسها ميره وبسرعه : لا لا دخيييلك عبدالله لا اتكلمها ما فيني على صدعة الراس خلها خلها الله يهديييها .. عبدالله : خلاص براايج بس مش اظهر انا من هني وانتي اتردين تنقهرين قومي انزلي ويلس ويا امي وما عليج منها ميره ابتسمت : إن شاء الله عبدالله : يلا تعالي عندي .. ميره اتقربت منه وحضنته بالقو عبدالله : يلا حبيبتي قومي وايلسي ويا امي وما عليج من الجوهره ميره: إن شاء الله .. عبدالله ابتسملها وظهر وهيه سوت مثل ما قاللها ونزلت عند امها .. اما انسان ثاني .. فكان فغرفته منسدح ويتذكر كل شي وراجع بالذكرى لسبع سنين ورا : سلطاااني تبا حلاوه سلطان : لا حبيبي ما ابا : افاا ليش حلاوه من عندي ما تبا سلطان وبهيام: انا ما ابا حلاوه اباج انتي وبحيا واضح من صوتها : $: $: سلطاااااااااني سلطان وبحب : ههههههههههههههههههه يا روح سلطانج انتي : خلاص ترا عقب استحي كيفك انت سلطان: هههههههههههههههههههه افداا الي يستحون انا .. احبج : اموووت في حبك يا بعدهم كلهم انت .. سلطاااني لا اتخليني لو شو ماصار سلطان ويصدق: لو شو ما يصير ما اخليج انا الي ما اقدر اعيش بدون وجودج : احبك يا اجمل عطايا ربي .. سلطاني: ارووووح فيييها اناااا .. وبحيا : ههههههههه حبيبي انت .. بس انتظرني ثواني امي تناديني.. من ارجع من عندها بدقلك .. سلطان : اترياج .. غمض عينه بقهر : ليش سوييتيي جيييه لييش !!! نهاية الجزء الثامن، أترك لكم حرية التوقع ورسم بقية الأحداث، وأشكر كل من يتابعني .. |
|
| |
| |
|
04-25-2014, 05:58 PM
| رقم المشاركة : [ 4 ] |
| عضو جديد  | ححلو البارتت حبيته الصراحهه ،
تسسلمم ايدجج ع البارتت !! ف انتظارجج __DEFINE_LIKE_SHARE__ |
|
| |
| |
|
04-25-2014, 08:42 PM
| رقم المشاركة : [ 5 ] | |||||||||||||||||||||
| عضو جديد |
| |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الأولى مدري ليه انت بذات حبيتك ؟! | روح مغليكـ | استراحة قصص وابداعات الاعضاء | 8 | 01-18-2013 04:22 PM |
| قصة خيالية : ⌡ جلسـآت نفسيه ..~ روايتي الأولى | al-3nedh | قصص و روايات | 1 | 07-08-2012 09:21 PM |
| مشاركـ : روايتي الأولى:قلبي أنا ما أستغنى عنك | أسيرة الحنان | استراحة قصص وابداعات الاعضاء | 8 | 04-12-2012 11:48 AM |
| قصة خيالية : روايتي الأولى:تحياتي لمن دمر حياتي .. | حكاية عشق مجنونه | قصص و روايات | 16 | 12-28-2011 09:41 PM |
الساعة الآن 03:38 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227