قصة خيالية رواية كنت أناظر صورت وأتأملك - الصفحة 27

t7lm tlageny · 05-14-2014, 10:56 PM

مرحبا
شحالج ربج الا بخير
تسلم انامل الكاتبه ع هالبارت الجمييل

ونرقب البارتت __DEFINE_LIKE_SHARE__

راقيه باسلوبي · 05-15-2014, 04:21 PM

والله طولتي وايددددددددددددددددددددددددددددددددد __DEFINE_LIKE_SHARE__

sweet-RAK · 05-15-2014, 06:23 PM

المشاركة الأصلية كتبت بواسطة راقيه باسلوبي

والله طولتي وايددددددددددددددددددددددددددددددددد

الكاتبة مضغوطة ما محصله وقت تكتب البارت و اول ما تحصل وقت بتكتبه و تنزله حبيبتي اسفه ع التأخير __DEFINE_LIKE_SHARE__

Shai5abm · 05-17-2014, 07:46 PM

شسالفه ما يصير افتح الصفحة اللي عقبها __DEFINE_LIKE_SHARE__

sweet-RAK · 05-24-2014, 06:43 PM

البارت 20
يزوي: حتى أنا أطلع ؟!!
شيخة : إذا بترقدين عندي تمي و إذا بتروحين طلعي وياهم علشان يوصلونج
يزوي: ما يبت ملابسي , بسير أيبهم و بي
شيخة : دام جيه خلاص ما يحتاي ترقدين ردي
ذياب : لا شو أتمين بروحج يمكن تحتاجين شيء
شيخة : سمعتوني شو قلت , ما برد أعيد كلامي يالله مع السلامة
كلهم طلعوا من الغرفة , وهم يالسين يمشون فالممر
عبود: أنتي غبيه ولا شو
يزوي: ليش بعد ؟
عبود: ليش تتفلسفين و أتقولين ما عندي ملابس , جان رقدتي يوم شو بيستويلج

يزوي: و أنا شعرفني جيه بتقول , وبعدين نعم أتم ب هال ملابس
سيف : ليش شو فيها ملابسج
يزوي: فيها وصاختكم
كلهم ضحكوا عليها يوم اتذكروا شكلها كيف كان يوم خطفوها
يزوي : أييييييييييييييه لا تضحكوووون
مايد (عصب): أيييه أنتي لا تصارخين لا أصفعج تراج مب فالبيت
يزوي: خييبه بلاك ويا راسك
سيف (يالس يضحك): هههههه شوفي شكلج كيف و إنتي زايغه من مايد هههههههه
يزوي: سير لا ويا راسك , يالله يبو السيارة أنا تعبانه
عبود : أمشي أمشي لين المواقف بلا دلع
يزوي: أووووف
و ساروا يركبون السيارة , و وصلوا البيت و كلهم في سابع نومه
-----------------------------
صوب المستشفى
شيخة : أفففف شو هالملل , أنا ليش خليت يزوي تروح , أوووووف ما فيني رقاد , شسوي الحين
يلست تفكر و تفكر و قالت : بسير أتمشى فالمستشفى و اكتشفها وأشوف المرضى الي فيها و برابع النيرسات ههههه حلوه الفكره أرابعهم
شلت فونها وطلعت
في مكان ثاني فالمستشفى
-----: كم مرة أقولك لا تضارب و يا الناس
------: أنا ما سويت شيء هو الي بداء
------: لا تخرط يالحيوان
------: والله إني ما سويت شيء هو الي بداء يتفلسف و عق عليه رمسه و أنا ما استحملته
----: رشووود لا تحلف جذب
رشووود : كيفك عاد لا تصدق
-------------------
أم شيخة : فدييت بنتي الحين أكيد محتاجه شيء
بو شيخة : يا حرمة بلاج أنتي ترا البنت بخير و أي شيء تباه بتقول حق الممرضات
أم شيخة : خايفه عليها يا خالد ,هاي بنتي الوحيده مالي غنى عنها
بوشيخة : لاتخافين إنشاءالله بتكون بخير
------------------
منصور : علياء خلاص عاد افهميني
عليا: شو افهم أنت الثاني
منصور : أباج تفهمين أن نحن الي يالسين نسويه غلط و أنا ما أقدر استمر فيه
عليا(تصيح): الحين ياي تقول هالكلام بعد شو هااا
منصور : قبل كنت طايش و متهور أما الحين عقلت
عليا: حرام عليك حرام , و الله إني أحبك ليش ما تفهم
منصور : بتقدرين تنسين , دخيلج أفهميني هالشيء أحسن لي و لج يكمن خيره من عند الله
عليا(تنهدت): خلاص براحتك , ما أقدر أغصبك على شيء أنت ما تباه و الحمدالله الشيء يا منك مب مني
منصور : ليش ؟!!!!
عليا : قريب بتعرف مع السلامه
------------------------
عند شيخة فالمستشفى
طبعاً شيخة كانت تتمشى و كأنها في مول مب مستشفى , كانت تدخل قسم قسم و تشوفه , وتسولف ويا الموجودين من الممرضات , كانت متوجهه إلى قسم الطوارى لأن شافت شوي زحمة ف حبت تشوف المكان ولا مره وحده طلع جدامها شخص

شيخة : بسم الله الرحمن الرحيم
الدكتور(ابتسم): شو شايفه جني
شيخة : هههه لا دكتور بس خرعتني
الدكتور : أنتي شو تسوين أهني مب المفروض تكونين فالغرفة
شيخة (ببرائة): إنزين دكتور يعني ملل اهناك و ضيجه قلت خلني أحوس فالمستشفى و أتعرف على الممرضات
ضحك الدكتور من خاطره مما لفت نظر شخصين و قال : والله إنتي عياره
شيخة (بدلع): أفا بس أنا عيارة , أنا نيتي صافيه بس بغيت أرابعهن
الدكتور (ابتسم): هههه بس يا بنتي مب زين تهملين صحتج , لا تنسين أبوج بيذبحني لو صارلج شيء
شيخة (ابتسمت): أفا و أنا وين سرت لا تخاف أنا بدافع عنك
الدكتور : انزين يالله ردي غرفتج تراج اشغلتيني عن مرضاي
شيخة (بترجي):دخيلك مابا أرد بكون وياك بشوف المرضى و أنا ساكته
الدكتور : لا لا ما يصير
شيخة : الله يخليك , مب دوم أنت تقولي إني شرات بنتك يالله عاد
الدكتور : إنزين بس ما طولين
شيخة : أوكيه بس ربع ساعة
الدكتور : إنزين يالله تعالي
راحت وراه و هي مبتسمه , و الشخصين الي كانوا يشوفون الدكتور و شيخة الصدفه خلتهم يدخلون عندهم , الدكتور كان يالس و شيء مسافه بسيطه تفصله بين شيخة الي كانت تقرا الملفات بهدوء
الدكتور : تفضلوا شباب
الشباب: مشكور
الدكتور : العفو , ها خير شو مستوي فيك يا راشد
راشد : والله ماشي بس شويه جروح وها
-----: دكتور لا تصدقه ها جذاب شوف كيف متكسر
راشد : كم مره أقولك أنا مب جذاب و بعدين أسكت لا فضحتنا جدام النيرس
ضحكت شيخة مما خله الدكتور يضحك وياها
----: الله يغربلك فضحتنا جدامهم
رشود: و أنا شو قلت تراها النيرس بس شكلها مب هنديه و لبسها غير هالي مستغرب منه
شيخة (تضحك): أفا الحين أنا تقولي نيرس
رشود (قفط): السموحه والله
شيخة : ههههه مسموح بس شكلك تحب تنكت وايد
رشود : أعجبج
الدكتور : شكلكم مطولين , شيخة يالله روحي غرفتج
-----(في خاطره): اسمها شيخة يا ويل حالي
شيخة : عمي دخيلك والله بسكت بس ما أرد الغرفه ضيج اهناك و بعدين أنا ما يخصني هو الي رمس و أنا أريد أشوف شغلك كيف علشان اتعلم حق المستقبل
رشود : هيه دكتور خلها مسكينه ما سوت شيء و بعدين أنا اصلاً صرت أحسن يوم شفت ويها الجميل
------: والله بتتصفع استو ريال أحسن
الدكتور : هههههه خلاص هدوا ماله داعي العصبيه يا أخ
----: حمدان
الدكتور : و بعدين يا حمدان ترا أخوك يسولف
حمدان : هذا وايد متفيج , متكسر ويستهبل بعد
شيخة : إنزين عادي ما فيها شيء إذا الواحد كان يستهبل و هو بهاي الحاله على الأقل يخفف عن عمره و ينسى
رشود : أشكر فنج يا شيخة
الدكتور : خلاص بس خلوني أكمل شغلي
شيخة و رشود : إنشاءالله
و شاف الدكتور حالة رشود و سواله أشعه و الحمدالله ما فيه شيء كبير بس مجرد جروح بسيطه و بتروح مع الأيام
الدكتور: شوف يا راشد أنا أعتبرك شرات ولدي, لازم تحاسب و ما تتهور و تسمع كلام أخوك , هالمره عدت و ما صار شيء بس ما تعرف شو بيستوي فالمره اليايه , فحاسب و لا تتهور
راشد : إنشاءالله
شيخة (بعفويه): ما نبا نشوفك أهني مره ثانية
راشد : ليش أنتي أدوامين أهني؟!!!
توقعاتكم :-

(( اسفين على التأخر و السموحة منكم حبايبي)) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى الفلبين باجازة العيد (90 صورة من مناظر الطبيعة )	محروم.كوم	منتدى أخبار المواقع والمنتديات العربية والأجنبية	0	08-24-2013 10:40 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
سورة المائدة كاملة - مشاري العفاسي - مناظر طبيعية Hd !!!	محروم.كوم	منتدى أخبار المواقع والمنتديات العربية والأجنبية	0	04-13-2012 08:21 AM
صورة جلبت لكم تقرير ((وادي الباطن وفياضه وشلالاته وقت المطر مناظر لاتفوتكم ))	محروم.كوم	منتدى أخبار المواقع والمنتديات العربية والأجنبية	0	02-23-2010 09:30 PM
(صدق أو لا تصدق)مناظر خلابة فالإمارات (مناظر عيونكم ماشافتها)..حياكم	شآعرة يآلبيه	سفر وسياحة	14	09-13-2009 02:59 AM