قصة خيالية رواية كنت أناظر صورت وأتأملك - الصفحة 26

راقيه باسلوبي · 05-03-2014, 07:47 AM

وينججججججججججج __DEFINE_LIKE_SHARE__

sweet-RAK · 05-03-2014, 09:02 PM

البارت التاسع عشر
كيف لي أن أعيش و أنا قد تحطمت !, كيف لي أن أسامح و أنا قد نزفت كثيراً !, كيف لي أن أنسى و جروحي لم تبرى بعد !, اخبروني كيف؟
يزوي : ليكون يتها الحاله
1 (خايف ) :أي حاله بعد
يزوي : ترررررااااااااااااااااااااااااااااااااااااااها مريضه
2: شو تقولين أنتي؟؟؟؟؟؟؟؟؟؟؟؟؟
يزوي: فتحوا عيوني علشان أشوفها
1: فتحواعينها بسرعه
فتحوا عينها و أول ما شافتهم انصدمت
يزوي: أنتووووووووووووووووووووووووووووووووووووووووووووو!! !!
1: يزوي بلاج نحن كنا نبا نستهبل وياكم
يزوي : جبببببببببببب مابا أسمع صوتك صدق أنكم جلاب الحين ما يهمني غير شيخة (وسارت ركض عندها ) شيخة حبيبتي قومي , دخيلج لا تخوفيني عليج ,أنا يزوي أختج و ربيعتج و بنت عمج , أنتوووووووو بعدكم واقفين سيرووووووووووا هاتولها ماي بسرعة
(ركض 3 بسرعة ويابلها ماي وكان مبين إنه خايف عليها)
3 : يزوي شو استوالها , أنطقي رمسي قولي شو فيها
يزوي: جببببببببب عبوووووووود جب مابا أسمع حس ولا واحد فيكم بس الي اباها أنكم اتودونا المستشفى بسرعة
عبود : يالله شباب بسرعة سيروا فتحوا السيارة و حد يشلها
2: أنا بشلها (وسار لعندها وشلها وطول ما هو شالنها كان يتأملها)
يزوي: ذيااااااااااااااااااااااااااااااااااااااااااب بسرعة
ذياب : تبيني أركض و أنا ماسكنها يعني
يزوي: اسكت اسكت مالي خلق حق ولا واحد فيكم
---------------------------------
وصلوا المستشفى و دخلوها بسرعة , ويلسوا يتريونها و التوتر كان سيد الموقف
1: ليش ما خبرتونا أنه فيها شيء
يزوي: لأن هالشيء ما يخصكم
1: لا يخصنا ,هي بنت خالنا
يزوي:هه(ضحكت بستهزاء ) صدق ,أويه توني أدري أتصدق
1: يزووووي
يزوي: لا تيب أسمي على لسانك يا مايد (قالت اسمه بنبرة استهزاء)
مايد : خلاص سكتي
يزوي : فوق عينه قوات شينه
4: خلاص سكتوا أنتوا الأثنين
يزوي: سيف لا تسوي عمرك الشخص البريء الي مهتم و خايف على بنت خاله
سيف : أنتي بلاج تبين تضاربين ويا الكل
يزوي : من القهر الي فيني , لأنكم ما تستحون على ويوهكم
5 : نحن ما كنا نقصد بس كنا نبا انغير مود شيخة
يزوي: حتى ولو يا منصور , هذا مب عذر , أنا ما يهمني شيء غير إني أشوفها بخير
منصور : إنزين هي شو فيها ؟
الكل صد صوبه و ردوا شافوا يزوي: من سبتج نسينا نسألج شو فيها
يزوي : صدق ! مساكين
عبود : يزوي نحن مب فاضين لج خبرينا بسرعة
يزوي : اتحسسوني أنكم مب مسوين شيء
ذياب : دخيلج خبرينا
يزوي : شو تبوني أقولكم إن شيخة فيها ضيج تنفس وما تستحمل أتم في أي مكان ولا أقولكم إنها ما تستحمل أنها اتصارخ وايد , ها كله يأثر عليها و على الجهاز التنفسي و ما تقدر تستحمل , خليتوها أتصارخ وايد و الحين شوفوا شو استوالها
مايد : إنزين منو يدري بهاي السالفة
يزوي: أنا و هي و عمي خالد و حرمته
مايد :بس!!
يزوي: هيه
سيف : ليش محد يدري غيركم ؟
يزوي: هاي رغبتها , ما تبا أتشوف الشفقه في عيونكم , هي جدام الكل قويه بس محد يدري شو داخلها
عبود : ياربي نحن شو سوينا (نزا رأسه) ليش ما خبرتني ؟, ليش ما صارحتني ؟, هي كانت تعتبرني أخوها , ليش ما قالت ليششششششششششششششششششششششششششششششش؟
منصور : عبود لا تسوي جيه في عمرك إنشاءالله بتكون بخير

عبود رفع راسه و شافهم , و الكل أنصدم منه , كان يصيح , عيونه حمر و خشمه و ويهه , كان يبين أنه صدق ندمان و متألم ,قال : إذا صار في شيخة شيء ما بسامح عمري و ما بسامحكم أنتوا و بذات أنت يا مايد , أنت اللي خططت حق هالشيء و شوف شو استوى آخر شي
يزوي شافت أخوها بحنيه وقالت : خلاص عبود لا تصيح إنشاءالله ما بيصير لها شيء أنت بس أدعيلها ,(شافت مايد )أنت دوم أتكون سبب المصايب
مايد : سكتي عني مب فاضيلج أهم شيء عندي إني أشوف شيخة بخير
ذياب : انا بسير أشوف ليش تأخروا
و في هاي اللحظة طلع الدكتور
سيف : ها دكتور طمنا
الدكتور : و الله هي الحين بخير بس المفروض أنكم كنتوا تهتمون فيها أكثر و خصوصاً هاي الفترة , و بين في الفحوصات أنها ما قامت تنتظم في أدويتها و ما خذتهم هالأيام , أنتبهوا عليها , ترا هالمره عدت على خير , بس في المرات اليايه ما بتعرفون شو ممكن يصير

الشباب كانوا مصدومين , لأن ما كانوا يدرون أنها تاخذ أدوية و إن حالتها اتسوء يوم بعد يوم
يزوي: ولا يهمك دكتور بنهتم فيها أكثر و مشكور
الدكتور : ولو هذا واجبنا (وسارعنهم)
مايد : يالله خلونا ندخل عندها
سيف : يالله
يزوي: ايه أنتو على وين إنشاءالله محد بيدخل
مايد : ليش إنشاءالله ؟!!!
يزوي: بعد تسأل , والله مسرع ما نسيتوا الي سويتوا
ذياب (وصل حده):أيه إنتي لا تيلسين تتفلسفين وايد ترانا قلنالج إن نحن ندمانين , ذبحتينا تراج
عبود : يزوي دخيلج عاد لا تزيدينها علينا والله نحن ندمانين وايد
يزوي(تنهدت): صبروا إنزين بدخل بشوفها وبي
الشباب : أوكيه
-----------------------------
دخلت اليازية و شافتها قايمه
يزوي: صح النوم
شيخة : صح بدنج
يزوي: ها شحال صحتج الحين؟
شيخة : الحمدالله بس أنا شو يابني أهني !!!!
يزوي: ما تذكرين شو صار
شيخة : آخر شيء اذكره إني ما قدرت اتنفس و بعدها مادري
يزوي : الله يسلمج (و خبرتها كل اللي صار و منو الي سوا فيهم جيه)و الحين يبون يشوفونج؟
شيخة : عرفوا إني مريضة ؟
يزوي (تنهدت):هيه
شيخة : قوليلهم مابا أشوفهم الحين و مالي بارض شيء
يزوي: إنشاءالله
خبرتهم يزوي إن شيخة ما تبي تشوفهم , فالبداية عصبوا بس بعدين اتقبلوا الشيء , و طبعاً الكل عرف إن شيخة في المستشفى ف الكل قرر يرد , و أمها و أبوها قالوا بيسيرون المستشفى أما بقية أعمامها و عماتها بيودون الأغراض و بيزورونها.
-------------------
أم شيخة (تصيح ): بنتي بتروح مني يا خالد
بوشيخة : بسم الله عليها لا تفاولين يا حرمة
أم شيخة : أنتو اكيد خاشين عني شي
بوشيخة : استغفرالله العظيم , يوم بنوصل بتشوفين أنها بخير
----------------------------
أم سيف : يالله خلونا نروح عندهم
أم عمر : يالله سرينا
كل الحريم ققروا يسيرون مع بعض و الرياييل مع بعض
-----------------------
مايد : الحين إذا خالي سأل شو نقوله
سيف : ياربي نحن شو سوينا
عبود : نحن لازم نسأل شيخة و نشوف هي شو بتقولهم علشان نحن أنقول نفس الكلام
ذياب: صح كلام عبود , خلوا واحد منا يدخل
منصور : ما أعتقد تبا أتشوف حد فينا
سيف : عيل ماشي غير أن يزوي تسألها , عبود كلمها و قولها تسأل شيخة
عبود : أوكي (و يروح يدق باب الغرفة و تطلع يزوي)
يزوي : هلا عبود
عبود : سألي شيخة إذا سألونا شو استوا شو انقول
يزوي : أنزين أصبر (و تروح تسألها و ترد) , قالت أنتوا يوم شليتونا شو قلتوا لهم ؟
عبود : بنروح نتمشى وجيه
يزوي: عيل قولولهم إن مره وحده حست بضيج و طاحت عليكم
عبود (تنهد): أوكي (خبر الشباب عن الي قالته شيخة )
-----------------------------------
وصلت أم شيخة و أبوها المستشفى و نزلوا بسرعة و سألوا اي طابق و رقم الغرفة و اتوجهوا بسرعه لعند بنتهم
أم شيخة : خبرووني شو صار ف بنتي
مايد : هدي خالوا ترا ما فيها إلا العافية
أم شيخة : كيف تبوني أهدي و بنتي مرقده اهني
بوشيخة : خبرونا شو صار
سيف خبرهم بالي صار (الشيء الي اتفقوا عليه مب الصدق)
ام شيخة : أنا داخله عند بنتي (وتدخل)
بوشيخة : أكيد عرفتوا شو فيها
الكل : هيه
بوشيخة (تنهد): صدق الله يعينكم الحين
ذياب : ليش خالي ؟
بوشيخة : دام أنكم عرفتوا شو فيها الحين نادر ما بتشوفون شيخة
سيف : كيف يعني؟؟؟؟؟؟
بوشيخة : هي ما كانت تبا حد يعرف علشان تقدر تيلس وياكم و تسولف عادي , علشان ما تحس أنكم شفقانين عليها بس الحين كل شيء بيستوي العكس , الله كريم
الكل كان موجود عند شيخة بس ما كانوا عندها فالغرفة , كانوا الحريم داخل بس ,أما الشباب و الشياب برع
أم شيخة : أنتي يبالج ضرب كم مره أقولج خذي الأدوية هاا , ولا تسيرين أي مكان بس ما تسمعين الرمسه
شيخة(بتعب): ههههه خلاص أمي مافيني شيء أنتي أتبالغين تراج
أم منصور: ياختي تراج كلتي البنت بقشورها , وحليله ما يسوى عليها
ام شيخة : من خوفي عليها 
شيخة : فديتج يالغالية , الله لا يحرمني منج
أم شيخة : ولا منج
الكل : آمين
سمعوا صوت حد يدق الباب ويقول : هود هود
الحريم : هدا هدا
خالد : يالله كلكم برع , الحين دورنا نيلس ويا شيخة
يزوي: عمي نحن مب في الألعاب أونه دوري
خالد : مسودة الويه جب لا أكفخج
يزوي: هههههههههههههه وي عصب العم
أم يزوي: سكتي يا قليلة الأدب , أمسحها بويهي يا بوشيخة
بوشيخة : عادي يا حرمه هاي شرات بنتي أدريبها سوالف
يزوي: شو يمسح ما يمسح أنتي دريشه علشان أتخلين الناس يمسحون ف ويهج ههههههههه
الكل ضحك على كلامها
أم يزوي: هرمه وحده
خالد : يالله عاد طلعوا الحين دور الشياب يسلمون و بعدها كل واحد بيتوكل على بيته
طلعوا الحريم و دخلوا الشياب و الشباب و تحمدولها بالسلامة و ظهروا كلهم ما عدا الشباب و يزوي , و طبعاً منصور ظهر وياهم
مايد : الحين تمينا بروحنا
يزوي : إنزين شو يعني
سيف(ضحك): استيعابج بطيء
يزوي(بغباء): ليش شو السالفة
شيخة : بلاج ما تفهمين بسرعة , معناة كلامهم إنهم يبون يلعوزونا
عبود : الله الله على الذكاء يا بنت العم
يزوي : هيييه الحين فهمت
ذياب (بستهزاء) : مبروووك ما بغيتي
يزوي : جب جب إنزين , أصلن ما تقدرون تلعوزونا
مايد : هههههههههههه مسكينه والله
شيخة (بجد): أنا مب فاضيه حق سخافاتكم تبون تستهبلون طلعوا برع أريد أريح و أتمنى تصكون الليت و أنتوا طالعين (و صدت الصوب الثاني)
الشباب اتنهدوا و عرفوا أنها زعلانه منهم لين الحين و ما تبا تكلمهم و سالفه مرضها الي الكل عرفه سبب من الأسباب الي يخليها تبتعد.

كلام الكاتبة
((حبايبي يمكن أسبوع الياي ما أقدر أنزل بارت لأني راح أكون مضغوطه ف أتمنى تقدرون ظروفي)) __DEFINE_LIKE_SHARE__

راقيه باسلوبي · 05-04-2014, 04:39 PM

مشكورهههههه على البارت بس اتمنى انه يكونننننن اطوللللللللللللللللللللللللللللل

وشو نسوي بنتريا

بالتوفيق __DEFINE_LIKE_SHARE__

راقيه باسلوبي · 05-12-2014, 08:23 PM

وينجججججججججججججججججججج طولتي وايدددددددد __DEFINE_LIKE_SHARE__

sweet-RAK · 05-12-2014, 08:28 PM

المشاركة الأصلية كتبت بواسطة راقيه باسلوبي

وينجججججججججججججججججججج طولتي وايدددددددد

انشاء الله الكاتبة رح تنزله قريب اول ما تنزله انا بنزلة هنا اوكي حبيبتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى الفلبين باجازة العيد (90 صورة من مناظر الطبيعة )	محروم.كوم	منتدى أخبار المواقع والمنتديات العربية والأجنبية	0	08-24-2013 10:40 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
سورة المائدة كاملة - مشاري العفاسي - مناظر طبيعية Hd !!!	محروم.كوم	منتدى أخبار المواقع والمنتديات العربية والأجنبية	0	04-13-2012 08:21 AM
صورة جلبت لكم تقرير ((وادي الباطن وفياضه وشلالاته وقت المطر مناظر لاتفوتكم ))	محروم.كوم	منتدى أخبار المواقع والمنتديات العربية والأجنبية	0	02-23-2010 09:30 PM
(صدق أو لا تصدق)مناظر خلابة فالإمارات (مناظر عيونكم ماشافتها)..حياكم	شآعرة يآلبيه	سفر وسياحة	14	09-13-2009 02:59 AM