<~ الجزء الأول في الصفحة السابقة
(( 25البارت الأخير – الجزء الثاني ))

صاحب القلب الأبيض يبقى كما هو لو تغير الحياة في طريقة ..
أحيانا لا بد من التسامح لتستمر الحياة قد نغلط كثيرا ونختار الطريق
الخاطئ لكن لا بد من أن يتغير المسار لنجد الطريق الصحيح بين
من نحب ومن يحبنا .. سنتغير لنعيش كما يجب علنا ان نعيش ...

(( في البيت ))

طالعتها وقلت : ميثة خبريني شو صار وياج وينه سيف مايرد علي ؟
ميثه : ما ادري لا تسالني عنه ..
رديت : صار بينكم شي ؟؟
ميثه : سعوود سيف مايبيني بس يستغلني هو واهله ..
كملت كلامي : ميثة ربيعي ووانا اعرفه بس ليش مايرد علي ؟؟
ميثه : قلتلك ما ادري ..
فكرت : ميثة مب معقولة صار معاه شي ؟؟
ميثة : الله يعلم ..

سألتها : وإخته ؟؟
ميثه : في تايلند ..
قلت : مع منوه ؟؟؟
ميثه : مدري .. أنا خليتها في الفندق بروحها ورجعت بس ماحصلتها لما قررت ارد ..
إنصدمت : كيف يعني الحينة هيه هناك بروووحهااا !!!!!!!!!!! مييثه قولي الصج ..
ميثه ومتوتره : هيه بروحها ..

رديت : لآ حول وليش خليتها جان يبتيهاا معاج شو خسرانه ..
ميثه وتنرفزت : أنااا مااالييييي خصص فييهم كيييفهم يسوون الي يبوونه سعوود لاتسأل وااايد !!
أنصدمت منها : خلاص برايه ..

>

<

>

<

(( في اليوم الثاني ))
قمت من إرقادي وأنا في غرفتي إلي حسيت عمري في حلم من زمان عنهاا وحتى إلي صار أمس كأنه حلم ..
تحركت خذيت شور وصليت فرضي وبعدها تعدل وظهرت الصالة ..

قلناا عساس نروح نخطب لناصر عالمغرب ،
رحت تريقت وبعدها يلست مع اميه وابوي ..
وشفت فوني فالقروب ..

أمون : ههههههههههههه ولكم شيماء ظلم القروب ..
شيماء : لييش تغاار هاليااهل ..
شوق : شيمااؤووه لو سمحتي انتي توج في القروب أي كلمه بحذفج ..

شيماء : ليش بعدكم تكرهوني " فيس حزين "
شوق : مب علينا هالحركات ..
عنود : ههههههههههههههههههههههههه
أمون : ههههههههههههههه "فيس يضحك"
مهووه : ههههههههه حراااااام علييكم ..
شيماء : خييبه يضحكون علي ميثووه وينجج ردي ..
كتبت : ههههههه بلاكم عالبنت ..
شوق : هذيي بذبحهاا بعد الي سوته بس لانج سامحتيها انا ساكته ..
شيماء : كل هذا وبعد ساكته ههههه
مهووه : هيه حليلج ماتعرفين شوق عدل ..
شوق : "فيس شرير" هههههه هيه ماتعرفني ..
كتبت : بس خلاص لاتتضاربون ..
فطوم : بنات باركولي ترقيت في المستشفى ..
شوق : كلولوولوولوولووششششش ..
أمون : مبروووكييييششششن..
كتبت : تستاهلين كل خييير فطووم ..
عنود : مبرووك حبيبتي عقباالي اناا ..
مهووه : مبروووك اخت ريلي ..
شووق : طعععععع هذي اخت ريلي وانا شو اكوون !!
فطوم : هههه ربي يبارك فيكم وعقبالكم ..
كتبت : برب ..

بعد مرور الوقت ييه الوقت الي نروح نخطب لمنصور ..
رحت مع اميه وسعود ومنصور ،
كلمت خوله قبل لانروح ..
وصلنا البيت واستقبلوناا ويلس سعود ومنصور يكلمون اخوهاا وامهاا ..
وهم كانو مستانسين على منصور .. وعقب شافوا بعض خولة كانت مستحية ..
انا دخلت مع منصور ويلست معاهم حسيت عمري غلط بس يالله المهم شافو بعض ..
وفي نفس الوقت واقفو على منصور وخوله مدحته وانا بعد مدحت منصور زياده ..

ورديتنا البيت كان منصور مستانس اخيرا بيتزوج ..
صراحة كلنا فرحنا علشانه .. وانا بعد فرحت علشان خوله تستاهل كل خير فديتهاا ،
رديتنا البيت وبعدها يلست فالصالة مع اميه الي تمت تسالني كالعادة وين ريلج وشو صار ..
عقب حست اني مالي خاطر ارمس فسكتت عني ..

>

<

>

<

>

<

( بيت بو عبدلله ) ..

ساره : اميييييييييييييه صصصج هذااا نااصرووه يفكر في بنت عمي ..
ناصر ويلمح لها سكتي ..
أم عبدلله : صج هالكلام ناصر ؟؟
ناصر : أميييييه ماعليج منهاا ..

ساره : جذاااااااااب تدريين يوم كناا "ناصر حط ايده على حلجها عسب لاتكمل "
ناصر : سارووه كل شي بوقته حلووو ..

بو زيود دخل الصاله : أوووووووووووه نصووور يبي يخطببببب ويتزوجج
ناصر : لا حوول ..
بو زيود "عبدلله " : أميييه شفتي طلع ولدج يخطط من وراناا ..
ناصر : بو زيوود اسكت ..
أم عبدلله : بالبركة ليش لا خله يتزوج ..
ناصر : مووتووا قهررر ..

ساره وتضحك : ههههههههههههههه
بو زيود : تزوج يمكن تعقل ..
ناصر : شوو تقصصصد !!
ساره : والله بيتخبل زياده ههههههههههههههههه
ناصر : ليش ؟؟
ساره : أحذرك من الحين ترى شوق محد يروم يجذب عليها .. هيه المحقق كونان ..

ناصر : ههههههههه لا صج ..
ساره : هيه صج هههههههه..
بو زيود : الله يعينك عيل هههههههه ..
ناصر : عادي انا راضي ..

ساره : سمعتيييييي امييه يعني حااط في باله ..
ناصر وبعنااد : هييه حاط في بالي اخطبهاا في شي سارووه ..
ساره وتضحك : ههههههههه لا بالعكس مستانسه ..

أم عبدلله : يصير خير اميه ..
>

<

>

<

>

<

((في اليوم الثاني ))

شيماء : صباح الخير ..
رديت : صباح الورد " وابتسمت "
شيماء : حياج تريقي معاي " يلست آكل معاها "

قلت : وين اميه ؟؟
شيماء : مع عمي ..
كملت كلامي : وسعود ؟
شيماء : راح الدوام ..

بعد ماتريقت رحت غسلت ايدي ورحيت لشيماء ..
شيماء : نوره ردت امس معاج ؟؟
قلت : لآ ؟
شيماء : هيه كلمتني وقالت بانها امس رجعت ..
استغربت بس مابينت شي : اها ..
شيماء : مابتمرين عندهاا ؟؟ تسال عنج ..
رديت : بمر البيت بعد شوي ..
شيماء : عيل انا بروح اكوي ثياب سعود وارتب الحجره ..
قلت : اوك ..
عقب قمت انا بعد رحت حجرتي ولبس العباية والشيلة ويلست افكر اروح اتاكد نوره ردت ولا ؟؟
يسلت محتاارهه واخيرا قررت اروح ظهرت من البيت وركبت سيارتي ورحت بيت سيف ،
دخلت كان الباب مفتوح يعني في حد هنيه !!!
دخلت الصالة كاااان البييييت هدووء الليتات
مبنده بس المكيفات مشتغله ،

رحت ادور ماحصلت حد ..
فجأه حسيت حد واقف وراي ومسكني من ايدي ..
أنا خفت : منووو !!!!!! "من الخوف ركض بظهر من البيت كأني شايفة شبح "
سمعت صوت سيف : مييثه !!!!!
التفت وانصدممممممت يوم شفته واقف !!!!!!!!!!!!!!!!!!!!!!!!!!!!!
رديت ومتوتره : منو انت " مب معقولة سيف "
تقرب مني لين ماشفته عدل : سيف !!

سيف ويطالعني : شو يابج ؟؟
كان قريب مني وايد لاول مره : سيف انت تروم توقف ؟؟؟!
سيف : مثل ماتشوفين ..
رديت وانا متوتره : م ن منن متى ؟؟
سيف : شو مب مستانسه ؟ ريلج صار يوقف شرات الباقيين محد بيروم يتطنز علي جدامج ..
قلت : من متى ؟؟
سيف ويبتسم : من بعد أو سفرة لي ..
قلت : يعني بعد ماريت البيت وقلت انك كنت رايح عسب تغير جو ..
سيف : تعبت وايد ميثه طول السفرة وانا اعاني بروحي واتعالج ،
أنا : بس ..

سيف ويقاطعني : أتكلم أنا !! خليني اطلع الي في قلبي .. تدرين اني كنت شرات العاجز جدامهم كم استحملت كلامهم
وقلت سيف هذا حلم مثل السراب مايتحقق بتم عاجز وبروحك.... وكل الي حولك يمثلون عليك مجرد ناس تستغل انسان
عاجز "ابتسم" لما شافوني جيه تخلو عني حسسوني بان الي صار معاي عقاب طلقت حرمتي وقلت ما بنفع اكون اب وانا في هالحال .. .. حرمت عمري من ولدي وماشفته يكبر جدام عيوني تظنين هالشي سهل ؟
رديت : ليش ماقلت انك تعالجت ..
سيف ويمسكني من ايدي : خبريني لو قلت لج شو بيتغير ؟
انا : مدري سيف انا خلاص تعبت منكم ..
سيف : شفتي كيف انج مب مرتاحة معاي لو قلت لج مابيتغير شي ..
رديت : انت الي شفتك في البيت .. وانت الي شفتك في المطار مع نوره ليش خليتني ورحت ..
سيف : لأني عجزت أصارحج لأنج تبين هالشي ..

قلت : أنا سامحت الكل بس مدري اذا بقدر اسامحك على كل الي صار ..
سيف ويبتعد عني : لاتقولين شي زياده من البداية انتي جيه وبتمين مثل ما انتي ..
رديت : وانت مثل ماكنت ..
سيف ويطالعني : خبريني شو تبين الحين ؟؟ اذا عني مابي شي منج تقدرين تردين من مكان مايتي ..
ما انصدمت : مثل ماتوقعت .. عموما الحمدلله عالسلامة واذا تعتقد اني مب مستانسة انك تعالجت فانت غلطان ..

وظهرت من البيت كنت أحس في داخلي بحزن حسيت ان هذي اخر مره بكون هنيه ..
ركبت السياره ورديت البيت وأنا بالي مب معاي ..
شيماء : رجعتي بسرعه ؟؟
قلت : ماشي ..
شيماء واطالعني مستغربه : شو صاير لي شجيه احسج مضايجه ؟؟
رديت : أنا لاا ههه مب مضايجة ولا شي برقد ششوي وعقب بنروح بيت عموه عازمينا عالغداا ..

"رحت غرفتي وسكرت الباب "
ماقدرت امسك عمري ليش جيه صار ..
رقدت ودموعي معاي .. ونشيت عالاذان صليت وعقب تجهزت ..
ظهرت وخذيت شيماء معاي لبيت عمي بو حمد ..

وصلت ونزلت انا وشيماء بس انصدمت يوم شفت سعود نزل من السياره ومسكني من ايدي بقوو ..
وقال : شيماء روحي داخل انا باخذ ميثه معاي ..
شيماء ومستغربه : أوك " عقب دخلت البيت "

طالعت سعود : شو فييك !!
سعود : تعاالي .. "وسحبني لين السياره "
ركبت وسكر الباب وركب الصوب الثاني وشغل السياره مدري وين رايح ..
أنا : سعوود شو صااار وين رايح ..
سعود ويطالعني : ويين يعني باخذج لريلج ابي افهم شو صاير بينكم ..
أنا وانصدمت : شوووو !!!!!!!!!!!!

سعود : ليش منصدمه ..
انا : وقققققققف وقققققققف ..
سعود ويطالعني : واذا ماوقفت ؟؟
رديت : ببطل البااب ..
سعود : مقفول ..
قلت : عيل بكسرررره .. "ويلست اصيح " وققققف ..
سعود وبركن السياره : ليش تصيحين ؟؟

رديت : مابي ارووح ..
سعود : لآتصييروون شرات اليهال شو الي صاار خبريني ؟؟؟
قلت : وإذا مااقلت لككك ..
سعود : بتصل لسيييف نتفاااهممم ..
رديت : لآلآلآلآ خلاص سعودد بقولك سيف رجع يمشي ..

سعود : أدري رجع يمشي ..
انصدمت : من متىىىىىىىىى تدري سعود ليش انت دووم جيد ماتخبرني شي !!
سعود ويطالعني : لأنج ماتبين تسمعين ..
رديت : منوو قاال !!!!
سعود : توج تقولي مابي اروح لسيف ..
قلت : سعوود انت ماتدري شي ..
سعود : انتي الي ماتدرين .. سيف راح تعالج وكان يعاني علشاانج ماقدر يستحمل والناس تعايرج فيه لو تدرين شو صار معاه جان ماكنتي تعاملينه جيه .. وبعديين قلت لج سيف ربيعي واعرفه اكثر عنج .. فلا تصيرين قاسية جيه وتتخلين عنه على اخر لحظه ميثوه ادري انج م بجيه ..

رديت بعصبيه : لااا اناا تغيررت انا مابي اغلط الغلطةة مرتيين خلاص كافي مره وحده ..
سعود : انتي خبله ولا شو ... شو الي مابي اغلظ الغلطه مرتين ..
رديت : هيييه ماابي خلاص سعود لاتحاول تتدخل بيناا ..
سعود شغل السياره وحرك رجعني بيت عمي وعقب قال : أنا مابدخل بينكم إنتو كيفكم يالله نزلي ..
نزلت من السياره وهو راح ..

دخلت بيت عمي وسلمت عليهم ..
شيماء واطالعني : شو كان يبي سعود ؟؟
رديت : ولا شي ..
شيماء : كل مره اسألج تقولين ولا شي ..
رديت : لان مافي شي يستاهل اتكلم عنه ،
(( عقب يلست مع البنات ))

شوق : شو فيج ميثه ..؟؟
رديت : ماشي بس سيف مايبيني اعيش معاهم ..
شوق ومستغربه : وليييششش ؟؟
قلت : لانه يعتقد اني امثل عليه اهتمامي ..
شوق : شو هالتفكييييررر ..
رديت : سيف تعالج وصار يروم يمشي ..

شوق ومنصدمه : تعااااااااااااااللللللج !!!!!
عنود : منوو ؟؟
أمون : شوو تقولون !!
أنا : هيه تعالج ويروم يمشي ..
شيماء : من متى ميثه !!
أنا : من يوم رد من السفرة الي عساس رايح يغير جو ..

أمون : ويييييه مبرووك وأخييييييييييييييرررررا يرووم يمشي ونااسه ميثوه ..
عنود : وليش مضاايقة بداال ماتستانسييين !!!
رديت : يمكن يطلقني ..
الكل :شوووووووووووووووووووووووو !!!!!!!!!!!!
رديت : مثل ماسمعتوا بس بيني وبينكم ..
أمون : ليششششش لا مييييثثثثه لاتسكتييين ..
عنود : بالعكس احسن لهاا ..
شوق : أنا عني رايي من راي عنود أحسن لج .. تبتعدين عن المشاكل الي تصير ،

فطوم : بنااات يالله مب ناوياات نروح نتشرى للملجةةة !!!!!!!
شوق : اووووووف ليشم ستعيل الملجة بعد يومين ..
فطوم : زين نروح الحين دام فاضيين .. كلنا مع بعض ،

امون : هييه يالله ميثووه قومي معاانا نتزهب لملجة منصور وخوله ..
ماحبيت ارفض ورحت معاهن ،

رحنا نتشرى واتأخرناا وايد لين ماخلصنا انا تعبت ،
وعقب ماخلصناا رجعنا البيت .. صليت وتعشيت ورقدت من التعب !!

>

<

>

<

>

<

>

(( بعد يوميين الحفلة كانت في بيت مرت عمهم ام سلطان ))
الكل تجهز حفلة عائلية صغيره .. تعبر عن فرحتهم ..

لبست شي بسيط وعدلت عمري وظهرت انا وامية وشيماء ,.. وسعود مع ابوي وحمود ..
تيمعنا كلنا الحريم مع بعض والرياييل مع بعض ، كان الكل تقريبا موجود ..
سولفت مع خوله : يالله وبتصيررر عرووس ..

خوله : ههههه لاتقولين جيه احس شي غريب ..
قلت : عادي وانا شراتج كنت جيه ،
شوق : هههههههههه ابي اجررب سااروووه نااصرر مابيخطبني شوووو ؟؟
كلنا ضحكنا : هههههههههههههههههههههههه
ساره : شووقووه استحي شوي ترا بخليه يغيرر رايه ..
شوق : خلااااص بسسكت ..

أمون : صوروووني تعبت وانا اعدل عمري ..
شوق : هااتي بصورج ،
ويلسوو يتصورون والعالم حشرره ..
رحت عند فطوم : عقبالج فطووم..
فطوم : هههه الله كريم ..

رديت : انتي متزوجه الشغل مالج ادري تحبين تشتغلين ..
فطوم : هيه الحمدلله مرتاحه ..
قلت : الله كريم ، عادي اسالج شي ,,
فطوم ومستغربه : سالي ؟؟
رديت : كنتي تشوفين سيف في المستشفى ..
فطوم : هيه كنت مشرفة على علاجه ..

قلت : كان يتالم وايد ..
فطوم : وايد كان يعاني للحظه ..
أذكر ..

\

/

\

/

|

قلت : سيف سييف !!!!

سيف : خبريني شو إلي بيتغير ؟؟
إبتسمت : وايد أشياء تتغير ..

سيف : والوقت نقدر نغيره نقدر نرجع فالزمن ونغير إلي صار ..
رديت : سيف إلي صار قضاء وقدر ..

سيف : أنا مب صغير عسب تقولين لي هالكلآم أنا يمكن أكثر وآحد يفهم هالشي بس الصدمه تخلينا ندور أي
شي ونحاول نقنع أعمارنا أن إلي صار يمكن يتغير ..لو كنتي مكاني شو بيكون موقفج ..

رديت : بصبر وبحمد ربي لأني قدرت أطلع من الحادث حتى ولو بإصابه مثل هذي ..
سيف : صبرناا ومثل ماتشوفين بعدني فالمستشفى ماتغير شي كل يوم إبر والعملية صعبه يا أمشي يا خلآص مافي أمل ..
\

/

\

كان دوم يحس بانه مافي أمل ..
رديت : كان حلمه انه يرجع يمشي مره ثانيه ..
فطوم : هيه والحمدلله قدر يمشي ماشي مستحيل ..

أمون : عن شووو تتكلمووون يالله ترى بيحطون العشااا..
فطوم وأنا : أوك ..
مر الوقت كنا مستانسين والحمدلله لكن حسيت في داخلي شي حزيين خرب فرحتي ..
رديتنا بيوتناا ورجعت البيت رحت حجرتي وفكرت اتصل بسيف يلست أطالع الفون وأنا محتاره أكلمه ولآ ؟؟
سمعت صوت الباب ..

قلت : تفضل "كان سعود"
يلس حذالي : كلمتي سيف ؟؟
رديت : لآ ماكلمته ..
سعود : متى ناوية تكلمينه باجر بيروح راس الخيمة ..
رديت بصدمة : وليش !!
سعود : حصل شغل هناك وخلاص بينقلون لراك ..
أنا وبحزن : الله يوفقه ..
سعود : يعني عادي عندج يروح واتمين انتي هنيه ..
رديت : مرتاحة هنيه معاكم ..
سعود : وسيف تتوقعين بيكون مرتاح بروحه هناك ؟؟
قلت : مدري .. كيفه ،
سعود ويوقف : عموما أنا قلت لج هو باجر بعد المغرب بينقل اذا تفكرين تكلمينه بشي كلميه قبل لايروح ..
رديت : مابي اكلمه بشي ..
سعود : هههه زين على راحتج وتصبحين ع خير ..
رديت : وانت من هله ..
>

<

>

<

(( في اليوم الثاني )) – العصر ،
كنت يالسه مع حمودي أضارب معاه عسب يذاكرر ..
أناا : ذااكررر بعطيك الي تبااه ..
حمودي : إنزييييييين إنزيييييين ..
رديت : يالله عااد لاترفع ضغطي من متى وانت تقول انززين يالله روح حجرتك وادرس ..
حمودي : انزيين " وراح حجرته "
شيماء : ههههه بلاكم .. "وشالة كيك "

أنا : طفرني مايدرس تسلم يديدج ..
شيماء : تعالي جربي .. يمكن هالمره ضبطت معاي ويطلع طعمها حلو ..
رحت يلست معاها ويلسنا ناكل ..
أنا : والله طعمها حلوو تسلم ايدج ..
شيماء : بالعافيه ، " دخل سعود توه راد من الدوام "
سعود : شوو هذاااااااا كيييك وحركاات وانا ؟؟

شيماء : حياك اكل وياناا " وقصت له "
سعود : يمممم يمممممم تسلم ايدج شيماء ، تعلمي ميثوه كيف تسوين الكيك ..
أنا : جب أعررف اسوي ،
سعود ويضحك : هههههههه على طول الرد جاهز مارحتي ؟
رديت : وين أروح ؟
سعود : وين بعد ريلج ؟ ماتبين تشوفينه شوه .؟

مارديت ..
سعود ويشوف الساعة " أصلا لاتعبين عمرج أظن راح "
أنا وقفت منصدمه : ليش كم الساعه ..
شيماء مب فاهمة شي ..
سعود : هههههه توها تفكر في ريلهاا استريحي ..

أنا قمت من مكاني رحلت البس بسرعه وظهرت من البيت ،
ماحسيت عمري الا وصلت بيت سيف نزلت ودخلت البيييت وانا اتنفس بصعوبه ..
أول مادخلت شفت سيف يالس ويطالع فلم ومبند الليتات ومشتري جبسات ومندمج ..!!!!!!!!!!!!!
ألتفت : زين لحقتي للحين توه بدأ الفلم تعالي حياج ..
أنا مستغربه مب عساس بيروح راس الخيمة وبينقل !!
سيف ويطالعني : ميثه تعالي اكلمج ؟؟
رحت ويلست عداله : شو سيف مابتروح؟؟
سيف : شششش نطالع الفلم عقب نتلكم " وشل كيس الجبس " تبيين ؟؟؟
انا هزيت راسي بمعنى لا ..

سيف : اكلي انزين ..
شليت عنه ويلست اكل طالعنا الفلم وهو مندمج معاهم لين ماخلص ،
سيف : نهاية حلوه صح ؟
رديت : هيه ..
سيف : هيه صح شو كنتي تبين ؟؟
قلت وانا متوتره : انت مابتروح راس الخيمة !؟؟
سيف مستغرب : راس الخيمة منو قالج !!!
رديت منصدمه : سعودد !! قالي
سيف ويضحك : هههههه بس انا قلت لسعود يخبرج اني اريد اشوف فلم وياج قبل المغرب اشتقتلج ..
انا ومنصدمه : احللللللللللللففففف جذذذذذذب علي !!!

سيف : هههههه ماكنت ادري جيه بيقول لج ..
رديت : والله مااابرررررحمه جذااااااااب واححددد
سيف : خليناا من سعود مستانس لانج رجعتي مييثه هذا بيتج هني مكانج مب هناك ..
قلت : سيف آسفه ادري غلط بحقك واايد ماكنت اعرفك صح ..
سيف وبنفس اسلوبه : انزين ؟
رديت : لاتكلمني جييه ..
سيف : إنزيين ؟
قلت : آسفه والله ..

سيف : إنزيين ؟؟
رديت : وعد مني ما اتخلى عنك ..
سيف ويبتسم : انزيين ؟؟
قلت : لآتلكمني جيه ماحبك يوم تكون بارد وجيه ..
سيف ويضحك : ههه انزيين ؟؟

رديت : أوووووووف لاتنرفزنييييي والله برووح ..
سيف : الله وياج ..
انقهرت : ليش جيه اسلوبك ..
سيف : شو قلت ؟؟
رديت : لا حول الله يسامحك ..
سيف ويضحك : ههههه استحمليني مثل ما انا وانا بستحملج مثل ما انتي ..

رديت : الله يعييييني عيل ..
سيف : هههههههه على فكره نوره خلاص راحت تعيش مع اميه ..
قلت : ليش؟؟
سيف : على راحتهاا ولييش بعدد نتم نحن بروحناا ..
قلت : الله يوفقهاا ..
سيف : تعبناا وايد في حياتناا والحينة كل شي في مكاانه الصح واذا عني لاتحاتين بعدني اشتغل بس ماحبيت اقولج هالشي كنت اريد اشوفج بتستحمليني ولا .. ويوم رديت من تايلند كانو طالبيني مني اييه ضروري الشغل كان خاطري اتم معاج اكثر ونستانس كاني ارد لذيك الايام الي اول مره شفتج فيها .. وبعدين انا ماغلط يوم وافق اخطبج من بعد ماخبرتني نوره ..

قلت : عيل ظلمتك اسفة ..
رد علي : هههههه يالله لي متى بتمين تعتذرين خلاص انسي كل شي بنبدأ حياتنا من أول يديد ..وعد مني لج أتغير علشانج ..
ابتسمت : وانا وعد اني ما اتخلى عنك مره ثانية ..
سيف : ماسمعت عيدي ..
قلت : وععد ما اتخلى عنك ..

فجأه سمعنا صوت حد يصفق : اووووب اوووووووووب يعني نجحت خطتي ماتوقعت كم انت عبقري ياسعود ..
أنا وسيف : انتتتتتتتتتتتتتتت !
سعود : هيه هذا انا سعود بشحمي ولحمي خربت عليكم الحوار الرومنسي ؟؟
وقفت ابيي اكككفخه بس هو وقف ورا سيف : سيييييف ميثووه بتضربني ..

سيف : هههه كفوو عليهاا " ومسكه من اييده " عيلل تجذببب علييهااا ..
أنا واضحك : هههههههههه اضربه سيف علشاني ..
سعود : لاااااا تراني ربيعك قبل ماتكون حرمتك ..
سيف : هههههههههههههه علشان العشره الي بيناا وبعدين ليش تقاطع بين ريال وحرمته هاا ..
سعود ويضحك : ههههههه السموحه يالطيب ،

من هاليوم وكل شي تغير .. صارت حياتي غير عشت مع الانسان الي يستاهل اعيش معاه وصار عندنا عيال
وصرت أم وشفت كل الي حولي مستانسين وفرحانين صحيح كان البداية حلم سراب في رحلة عناء عشتها لفترة
طويلة لكن من بعد الشقى مانلقى غير الي يسعدناا الحياة لونين لون ضدناا ولون معاناا .. وربنا معانا رغم كل شي
يمكن يصير شي مانبيه لكن هذا القضاء وذاك القدر . . . !!
وأخيرا قد تكون لكتاباتي تأثير فيكم وربمآا تكون مجر قصة تقرأونهآا ولكن أحب أن أقول لكم ..
يَكتب الكثيرون ولكن لكل منآا هدف في كتاباته .. ربمآ فكرتي فيها لم تصل لكم ..
ولكن أتمنى أن تكون قد أظهرت لكم جآانباا من الواقع الذي نعيشه تحيآاتي : أسرار قلب ..
تم بحمدلله ..
النـــــــــــــــــــهـــــــــــــاية =)