إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


قصص و روايات تهتم بالقصص المنقوله وقصص الاعضاء الطويلة والقصيرة

إضافة رد
 
LinkBack أدوات الموضوع انواع عرض الموضوع
  #1  
قديم 11-02-2012, 06:19 PM
عضو جديد
بيانات صَمْتَ ـآلْمَشٌآعِرُ
 رقم العضوية : 143162
 تاريخ التسجيل : Nov 2012
الجنس : Female
علم الدوله :
 المشاركات : 4
عدد الـنقاط :100
 تقييم المستوى : 0

..ابْتِسآمةةالملآكْ..
كثيرا منا من يشعر بالوحدة في بعض الأحيان رغم وجود الكثير والكثير من الناس حولنا قد تأتينا لحظات نحتاج فيها الى يد تعيننا يد مختلفه شخص مختلف قلب مختلف وضعت فيه جميع الصفات التي نريدها

حقا كم هو مؤلم ان تأتيك لحظات تكون فيها بحاجة الى هذا الشخص وﻻ تجده فتتألم وتكره نفسك الف مره

حقا كم هو مؤلم ان تبقي همك محبوسا في قلبك وتنتظر من يخرجه ويساعدك على حمله ويخفف عنك

حقا كم هو مؤلم ان تبكي وﻻ يدري أحد عنك في حين انك تحتاج بشده الى من يشعر بك


حقا كم هو مؤلم ان تشعر بالوحدة وحولك الكثير من الاصدقاء



تأتينا لحظات نشعر فيها بالضياع ﻻ ندري اين نحن وماذا نفعل لماذا كيف من اين كثير من الاسئله تحتاج لمن يجيب عليها وليس لدينا خيار سوى الانتظار الى ان تجف الدموع وتختفي المشاعر والاحاسيس نفقدها كلها الى الابد


ما أصعب ان تعـــيش داخــل نفـــسك وحيـد
بلا صديــــق
بلا رفيـــــق
بلا حبيـــب
تشعر ان الفرح بعـيد
تعانى من جــــرح لا يطــيب
جـــرح عمـيق جـــرح عنـيد
جـــرح لا يـــداويــه طبيـــب..

************

ما أصعب ان تــرى النـــور ظـــلام
ما أصعب ان تـــرى السعادة اوهـام
وانت وحيـــــــــــــــــــــــــــد حـيران
وحيــــــــــد..!
وحيــــــــــد..!
وحيــــــــــد..!

سنعيش هذه اللحظات

لحظآت

سعادة.. آلم .. حيرة .. غيرة .. شوق .. حب .. خوف .. ندم .. عزم .. حماس ..رعب .. غياب ..جرأه

في هذه الروايــه

رواية ابتسامة ملاك ..
------------------------------------------------------------

؟؟؟؟؟ والدموع محاصرتنها:ملاك يمه انا امج امج وهذا ابوج

هزت جتوف البنت وهيه ترمسها وتحاتيها

؟؟؟؟؟:ملاك ملاك ملاك يمه ردي علي ملاك ملاك
------------------------------------------------------------
دبي , ها هي ترد لها بعد مدة غياب تسأل نفسها في احد فقدها وله عليها حزن لغيابها وما صحت من تخيلاتها الا من صوت اخوها صقر

صقر:ملاك ملاك ملاك شفيج ملاك ردي

تدارت ملاك ان المشهد كان من تخيلاتها او بالاحرى ذكرياتها المفقوده

ملاك وهي تستوعب اللي حواليها:ها ..؟!

صقر:هاو شفيج ماتردين خرعتيني من الصبح اناديج وانتي سرحانه مادري ب شو تفكرين

ملاك وهيه توها استوعبت الموقف:ها شو ممم ..! اوهـ هلا صقر

صقر:هلا هلاا والله الحمدالله عالسلامه خيتو مابغيتي تردين

ملاك:اهلين الله يسلمك خيو جان زين اذا طولت بس قلت امركم بقعد كمن يوم وارد

صقر:افاا بس كمن يوم قدرتي تقعدين ف امريكا ثلاثة اشهر وهني مب قادره تقعدين الا كمن يوم

ملاك:اقول انت عاد تباها من الله اني ارد امريكا وما اقعد عسب تفتك مني لو كان بايدك جان رديتني اليوم قبل باجر

صقر:افاا عاد انا صقر تقوليلي هالكلام

ملاك:ﻻ عيل منو غيرك ع بالك اني بصدقك بهالسهوله كم عطوك عسب اتي و تستقبلني و تاخذني ها ارمس قول

صقر:ﻻ حبيبتي ماعطوني شيء انا ياي بارادتي انتي شفيج ماتصدقين

ملاك:هه والله ..! احلف انت بس كلش صدقتك مادري منو توا متصله و ترجتني وقالتي ردي ويا اخوج ترا اقنعناه بالغصب وبطلعة الروح

صقر:الظاهر ان اميهه الا تقول كل شيء مصره تفضحني

ملاك صرخت :هيه هيه رد على اميهه وﻻ جنك مسوي شيء تتحرا اني ماعرفك حركاتك هاي ماتمشي علي فاهم ..!

صقر:صخي فضحتينا ﻻ بارك الله فيج خلاص حقج علي بعوضج بعدين بس انتي سكتي وقصري حسج

ملاك:حاضر طال عمرك ..! بس هاللي فالح فيه حقج علي بعوضج و بعوضج

صقر: اف منج مادري سفرة امريكا شو سوت فيج

ملاك:ﻻﻻﻻ ﻻ سفرة امريكا وﻻ خرابيط سوت فيه شيء كل هذا شخصيتي الحين حركاتي عصبيتي كلها بسبتكم انتوا ﻻ تلوم غيرك على فعله انتوا سويتوها

صقر سكت ومارد عليها وملاك بغت تغير الموضوع عشان يهدى الوضع

ملاك:تصدق يتراوالي اني جفت اميهه وابوي يستقبلوني بدالك

صقر :لهالدرجه مب تارس عينج صج انج ناكرة جميل

ملاك:اقول امش امش محد يعطيك ويه انا الغلطانه اللي رضيت ارمسك طوف ياخي طوف وفكنا ردني البيت يلا عاد..!

صقر:خيبه تخيبج بالذمه انتي اخت ..؟!

ملاك:عدال يالأخ المثاالي ياعمي انت بتردني البيت الحين وﻻ والله ﻻ اجلب عليك فوق تحت

صقر:جب جب مب ناقص يلا امشيي

ملاك بصوت خفيف :اف حشره عنبو

مشوا كمن خطوه وما امداهم يكملون الا وصقر يجوف ربيعه جاسم

جاسم مانتبه ع ملاك بس ع صقر:يا هلاا ومرحبا ب صقر وينك ياخي من زمان ماجفناك الا قاطع بالمره الا اقول قلبك هذا كيف طاوعك انك تنساني وﻻ حتى اتصلتلي عنبوك مافكرت فيه مول ماقلت بسأل بتصل بسوي شيء حتى اتصل فيك ماترد الظاهر انك متعمد تسوي فيه جي

صقر:يا هلا فيك جسوم عاد انت ماخليتلي فرصه اتكلم وﻻ ادافع عن نفسي علطول من جفتني استلمتني

جاسم:هه حسيت والله دام ان جي يعني عندك عذر يلا سمعنا

صقر: اكيد الغايب عذره معاه ,, الله يسلمك اخوي الصغير فهود خذ مبايلي بدون مادري ولعب فيه لعب ويوم خلص عقاه فالماي ويوم حاولت ابطله ماطاع وانا ياخوي مب حافظ رقمك والله الود ودي اني ارمسك لو بايدي جان اتصلت علطول بس شو اسوي خلاص شرايك بتعويض اعزمك ع الغدا ونسولف قد مانبا ها شو قلت

جاسم:الدعوه ماتنرد اكيد ليش ﻻ بس مايحتاي تكلف ع عمرك

صقر:ﻻ كلافه وﻻ شيء بالعكس بتسعدني انت روح الحين وانا دقايق واييك

جاسم:اوكي يلا اترياك

وراح عنه

ملاك:اقول اوﻻ منو هذا ثانيا شو هالخرط اذا طاح فالماي جان غيرت مبايلك وانت للحين مب مغيرنه وثالثا اذا انت الحين عازمنه عالغدا وانا ان شاءالله منو بيردني ..!

صقر:اوه فكيني الحين ردي بتكسي بعد كيف بتردين يلا عاد ﻻ تأخريني عن الريال اكثر من جي يلا باي

ولحق جاسم

ملاك:هه هيه نعم هذا اللي موصينه علي هذا اللي معتمدين عليه مالت عليه وعلى ويهه مامنه فايده انا ابا اعرف ليش ياي من البدايه لو عرفت جان مارديت من الاصل اوف

وتذكرت ملاك المشهد اللي شافته

ملاك:ياترى متى بنسى هالذكرى لين متى بتم تلاحقني ..! عاجلا او اجلا بيعرفون الحقيقه

،،، لفت راسها يمين ويسار على امل ان تصحى من تفكيرها ،،،

ملاك:انا شو اقول مب وقته تحملت 18 سنه واقدر اكمل لحين ما ايي يومي ،، تنهدت ملاك: قلت لنفسي اني بنساها وان ماقدرت بتناساها على اي حال ﻻزم انسى بس للأسف صـعـــــبه صعـــــــبه..!!
--------------------------------------------------------------------------------------------------------
في بيت بو صقر بعد ماوصلت ملاك ..

ام صقر بدون نفس:هلا هلا والله توى مانور البيت

ملاك بعصبيه:يمه بلا تحسيس بعدين ليش موصين هالصقر ايي ياخذني ؟؟

ام صقر:ليش هو وينه ؟؟

ملاك:ذلف مع ربيعه جاسم

ام صقر:صج انه مايستحي هذي اخرتها

ملاك:اولها ولا اخرتها مابيتغير انا تعبانه وابي اريح شوي

ام صقر:انزين سمعي ابوج يباج ف موضوع شوي سيريله

ملاك:حشى توني واصله مامداه يباني ف موضوع

ام صقر:انتي سيري مب ناقصتلج انا

وراحت عنها

ملاك:ههه انا لو اين وايودوني مستشفى الميانين ماسمي هاييل اهلي

وراحت عند ابوها

بو صقر:هلا هلا ببنتي ملاك شحالج يبه

ملاك:خير يبه شو الطاري بغيتني ب شيء ؟

بو صقر:انزين ردي اول عنبو

ملاك:الزبده يبه ؟؟

بو صقر:انتي مب ناويه تغيرين اسلوبج ؟

ملاك:مب مغيرتنه عايبني اذا عندك موضوع تبا ترمسني فيه قولي اياه الحين

بو صقر:انتي ليش جي ترمسيني ولا جني ابوج

ملاك:يبه الحين انت صارلك تقريبا سنه ومب مرمسني ولا حتى معطني ويه اخرتها شو تباني اسوي اضحك ولا استانس مثلا

بو صقر حب يدخل فالموضوع بسرعه:جوفي عاد بدش فالموضوع في واحد معاي بالشركه وجافج وشو اقول انعجب فيج مع اني مادري شو اللي عيبه بالضبط وفتح معاي الموضوع وكان يتريا ردتج من السفر عشان يتقدملج

ملاك:انزين وبعدين ؟؟

بو صقر:شو انزين بعدين بعد هاي يبالها انزين ؟؟

ملاك:انا الصراحه مادري ليش قايلي ع اساس انك بتاخذ رايي مثلا ؟؟

بو صقر:حبيت اخليج فالصوره

وطلع مبايله من جيبه واتصل بالريال ورمسه

بو صقر:هلا ب خالد حبيت اقولك ان البنت ردت من السفر وهيه موافقه والباقي عليك بجوفك باجر ان شاءالله مع البنت يلا فمان الله وسكر عنه

بو صقر:باجر تجهزين من الصبح اوديج الشركه وياي

ملاك طالعت ابوها وراحت عنه وجافت امها نازله من الدري

ام صقر:ها شو الموضوع اللي بغاج فيه ابوج

ملاك بدون اهتمام: مادري والله شكلي بعرس للأسف

ام صقر:الحين هذا الموضوع اللي اذاني فيه متى بترد ومتى بترد من السفر اخرتها زواج بس زين عيل مبروك

ملاك:من زين الموضوع الحين تباركيلي فيه اييه يلا انا برتاح شوي توني يايه وملوعينلي بجبدي ب هالموضوع..

وراححت غرفتها وفرت عمرها عالسرير وراحت ف سابع نومه

اعرفكم على هذي العايله الغريبه ..

}بو صقر{ سعود :انسان طماع عنده 3 عيال جاسم , ملاك , فهد . يسوي اي شيء عشان يحبب الناس فيه كل همه ان مايخسر فلوسه مايهمه احد حتى عياله بخيل لأبعد درجه مقصر وايد على حرمته وعياله ومتكبر انسان ماعنده هدف فالحياه عمره 60 سنه ..

}ام صقر{ منيره :انسانه ماتهتم الا بعمارها مب غير عن ريلها ماتهتم بعيالها وايد الصراحه ماعرف كيف اوصفها عمرها 46 سنه..

}جاسم{:راعي مشاكل بس يخاف من ابوه كان محترم وطيب بس تغير واايد عمره 20 سنه ..

}ملاك{ : غامضه مول مايهمها شيء بارده مثل الثلج بس طيبه وحنونه بس ماتحب تبين للناس تعرف الناس عدل من اول نظره عاقله وخياليه شوي ,, تحب اخوها الصغير فهد وايد ووايد تخاف عليه ذكيه وايد وتقدر تودي اي حد ف داهيه تسويها هالبنت واللي ف راسها تسويه عمرها 18 سنه ..

}فهد{:آخر العنقود ابكم يعني مايتكلم براءة الدنيا فيه عمره 6 سنوات ..

------------------------------------------------------------------------------------------

الصبح ف بيت بو صقر ملاك كانت تتجهز عشان تسير مع ابوها وتشوف الريال

بو صقر يدق باب غرفة ملاك : ملاك يلا اخرتينا انتي بعد بترياج فالسياره نزلي بسرعه

ملاك:اوهوو انزين يايه ليش مستعيل

وخلصت ونزلت تحت وركبت السياره

وفي السياره فيه حاجز صمت بين ملاك وابوها وابوها حب يكسر هالححاجز

بو صقر:سمعي عاد ملاك لا جفتي الريال ادلعي شوي عشان ينعجب فيج اكثر وياخذج ونفتك انزين ؟؟

ملاك جافت ابوها بنظره :عاد الحين انا ويه دلع الله يستر بس
-----------------------------------------------------------------------------------------

في الشركه..

بو صقر يلس على مكتبه وملاك يلست على الكرسي

بو صقر يصرخ:يا محمد محمممد

محمد:نعم استاذ بغيت شيء

بو صقر:هيه نادلي خالد ابيه اييني ضروري الحين

محمد:على امرك ..

ملاك:هاااا اسمه خاالد ؟؟ بنجوف آخرتها وياه

-----------------------------------------------------------

عند محمد ..

محمد:خالد استاذ سعود(بو صقر)يناديك

خالد وقف بسرعه:اقولك حمود شكلي اوكي ولا ؟؟

محمد:اووب علينا هالححركات بس صدق اختيارك حلو البنت ماشاءالله عليها خطيره

خالد:اعجبك انا اييه مب تحط عينك عليها هاي حقي

محمد:ههههه من الحين عاد يلا بنجوف

خالد:يلا انا بسير ادعيلي

محمد:هههه الله وياك

----------------------------------------------------------

عند بو صقر ..

خالد:ها استاذ ناديتني

بو صقر:هيه تفضل

ويلس خالد عالكرسي اللي مجابل ملاك

ملاك حطت ريل ع ريل وجافته بنظره : ياهلا والله بالمعجب مابغينا نجوفك

خالد في نفسه (وابويه طلعت ملسونه هالبنت)

ملاك:انا بس ابا عرف شو اللي عجبك فيني ابا افهم يعني من بد كل بنات الديره مالقيت الا انا

خالد:ومابحصل احسن منج ياقمرر انتي

ملاك:بدينا ب هالحركات مال أول ترا

خالد حب يغير الموضوع :انا ابا اخذج ع سنة الله ورسوله

ملاك:ايوا انزين يلا خذني هاك الوالد هني ويسمع وموافق ع كل شيء وانا عادي عندي بس بجوف
لين متى بتتحمل

خالد باستغراب :بس هذا زواج بس جي عادي وانتي للحين ماعرفتيني

ملاك:يعني شو تباني ارفضك يعني ؟؟ ياخخي ماعرفنالك ترا توك تبا تاخذني اسمع عاد تباني ماتباني تفاهم مع استاذك ها يلا انا بسسير بباي ..

وطلعت من المكتب..

خالد ومب مصدق اللي يجوفه:الصراحه يا استاذ مادري كيف اوصف بنتك ماني ملاقي الكلمه المناسبه

بو صقر :يعني هونت ولا

خالد:لالا انا مصر اني اخذها واستاذ ابيك تحدد كل شيء واهلي موافقين وماعندهم مانع

بو صقر: هالنسره مابتلقى اححسن منك يلا انا برمس امها وبتفاهم وياها على كل شيء تقدر تروح
الحين
----------------------------------------------------------------------------------------

في مكان بعييد لابطال روايتنا الجدد ..

ام ميره ترمس فالتيلفون :اونه حلفي انزيين هيه موافقه ,, غريبه ,, لا والله ماتوقعتها توافق ,, هيه
جي السالفه عيل ,, اوكي يلا ارمسج بعدين فمان الله ..

ميره: اميه اللي يسمعج يقول وحده فالثانويه قاعده تحش وتتسمع اخبار مني مناك

ام ميره:صخي انتي بعد ولا ترا مابقولج السالفه !

ميره:لا اميه فديتج كنت استهبل والله يلا قولي منو كنتي ترمسين وليش

ام ميره:كنت ارمس عمتج منيره(ام صقر) تقول ان في واحد تقدم لبنت عمتج ملاك وموافقه عليه

ميره:هااااااا ؟؟ ملاكوو توافق والله ماتوقعتها منها ومنو اللي تقدملها

ام ميره:واحد من معارف ابوها

ميره:خلني ارمسها واطلع السالفه منها

وركضت لغرفتها

ام ميره تصرخ : انزييين لاتنسين تقولينلي شقالت

ميره:اوككي

بو ميره:يهال انتوا يهال استغفرالله بس

---------------------------------------------------------------------------------------------

عائلة بو ميرة ..

}بو ميرة{ احمد:تاجر كبير ومعروف طيب وكريم وكل صفاته عكس صفات ريل اخته منيره عمره 55
سنه..

}ام ميره {ساره:طيبه وحنونه بس تصرفاتها مثل 17 , 16 سنه متهوره تحب سوالف بنات هالزمن
تحب بنتها وايد وتهتم ببيتها عمرها 41 سنه..

}ميره{:البنت الوحيده لامها ولابوها دفشه واجتماعيه طيوبه على نياتها عمرها 19 سنه ..

-----------------------------------------------------------------------

ميره مسكت مبايلها ودورت ع رقم بنت عمتها ملاك ودقت عليها ..

ملاك:سسلام عليكم خخخيير ؟؟

ميره:ملاككككو صج اللي سمعته ولا خرط يلا جاوبيني بسسرعه ..!!

ملاك:بسم الله ميروه شفيج ردي عالسلام عالأقل

ميره:عدال عاد انتي اللي تردين يلا جاوبييي

ملاك:هيه صحح اللي سمعتيه

ميره:اووه ملاكو ماهقينج تحبين هالسوالف ماصدقت يوم قالوا انج وافقتي وبعدين ماتعرفينه عدل مب
خايفه انج تندمين ؟؟

ملاك:والله اولا انا مالي راي واصلا مايهمني انا انسانه مليت من حياتي ابا مشاكل ححماس شيء مب
ف هالجو الميت الكئيب

ميره:عيدي عيدي اللي قلتيه

قلت والله اولا انا مالي راي واصلا مايهمني انا انسانه مليت من حياتي ابا مشاكل ححماس شيء مب ف هالجو الميت الكئيب

ميره:اوككي زيين سمعي

وسمعتها التسجيل

ملاك:الحين خليتيني اعيد بس عسب تسجلين

ميره:هيه حبيبتي عسب يوم ادور الدنيا وصج تستوي مشاكل اسمعج كلامج عشان ماتين اتصيحين
علي ههههههه

ملاك:ههه وبعدين وياج ويا سوالفج هاي ماتيوزين تراج من هالسوالف يلا وراي خمده

ميره:انزين دقي علي بعدين وقوليلي شو اليديد لا تنسين

ملاك:اللي يسمعج يقول ياهل يبه بتصكين ال20 عقلي شوي انا اصغر منج بس اعقل منج

ميره:ايييهيي يابتلنا هالسيره ياخي بعدني صغييره خليني استمتع بحياتي ششوي يلا انخمدي يلا ببباي ..

ملاك:باي

وسكروا وميره راحت تقول حق امها اللي سمعته بالتفصيل اما ملاك كالعاده غطت ف سابع نومه

------------------------------------------------------------------------------------

ونرد عند أول بطله ..

ملاك وهيه تجهز عشان تطلع .. لبست عباتها وقفلت الباب وراها وهيه نازله من الدري جافت امها ..

ام صقر:ها طالعه ..؟

ملاك:هيه باخذلي مشوار وكمن شغله وبرد

ام صقر:انزين خذي وياج فهد

ملاك:فهههد فهوووووووودي تعال حبيبي

وركض فهد عند ملاك

ملاك:يلا حبيبي بنطلع انزين

فهد هز راسه بمعنى اوكي

ملاك:يلا اميه مع الســلامه

ام صقر بدون نفس:بااي

--------------------------------------------------------------------------------

وركبت ملاك السياره وركب فهد ورا وحركت السياره وطلعت من البيت

وبعد نص ساعه مرت وخذت بيتزا تقريبا عشر صناديق ووقفوا عند مكان ..

ملاك:يلا فهودي ننزل

كان المكان مب غريب ع فهد مكان فيه يهال واايد من كل الاعمار يحوم المكان صريخ وازعاج
وضحك مكان تعود يسيرله مع اخته كل اسبوع اللي هو > دار الايتام <
كل اليهال اتجمعوا يوم جافوا ملاك

ملاك:ها حبايبي شححالكم عسساكم بخير اليوم يبتلكم بيتزا نفس ماوصيتوني ..

اليهال:هيييييييييه شكككرااااان

ملاك:هههه بالعافيه حبايبي

مديرة الدار (مريم) :نوورتي ملاك والله وتعودوا اليهال عليج ماشاءالله مب مقصره وياهم ابدا

ملاك: ولو مريوم هذا واجبي هاييل حبايب قلبي ماستغنى عنهم عيل وينهم الثلاثي المرح

مريم:هههه كاهم هناك سالم غاليه حمد تعالوا

اول ماسمعوا الصوت ركضوا صوب ملاك

ملاك:عيل جي ها ماتون تسلمون ها اوكي دواكم بعدين

سالم:لا والله والله كنا يايين الحين

غاليه: صح كلام سلوم

حمد:علينا هالحركات ها

سالم , غاليه , حمد عمارهم 10 سنوات ..

ملاك:اجوف طلعلكم لسسان ها الله يعين مريوم عليكم

حمد:لا احنا شطار اصلا

سالم راح صوب فهد: فهوود شحالك

فهد:هز راسه بمعنى بخير واكتفى بابتسامه

غاليه:تعال نلعب مع بعض مثل ماتعودنا

ومسكت ايد فهد ويرته صوب الالعاب مع سالم وحمد

ملاك: اسميهم دفاشه هههه فديتهم

مريم:هههه يلا نسير عند مكتبي من زمان ماسولفت وياج

ملاك يلا اوكي سيري انتي وانا بلحقج

وسارت مريم صوب المكتب في الطابق الثاني

ملاك:الله روعه هالمكان يحسسوني ان كل شيء بيكون بخير يلا اخاف اتأخر ع مريوم

ومشت عند الدري وكانت بنت صغيره نازله منه وتخرطفت وكانت بطيح لكن ملاك مسكتها

ملاك:اووووباااا زخيتج

وشلتها

ملاك: ها سرسر وينج عني كنت احاتيج لاني ماجفتج

ساره بنت فالدار عمرها 4 سنوات

ساره والدموع ف عينها لانها كانت شوي بطيح

ملاك:افا سارووه تصيحين وانا هني يلا حبيبي ماتصيحين انزين وفرتها فالهوا ومسكتها هههه

ساره ضحكت

ملاك:هيه جي اباج

؟؟؟؟؟:يالحلو عطنا ويه

صدت ملاك ع صاحب الصوت وجافته

؟؟؟؟؟:ابا اكلمج شوي

ملاك:لا اسمحلي انا مب فاضيه

مسكها من ايدها

؟؟؟؟؟:لا عاد رمسناج بالطيب ومب عاطتنها ويه الا سمعت انج بتتزوجين ؟؟ منو تعيس الحظ ؟؟

ملاك بتهديد:خوز ايدك قبل لا اكسرها لك

؟؟؟؟؟:كم مره قلتلج انج تحبيني انا ومابتحبين غيري ومابتقدرين تحبين حد غيري انا فاهمه ولا لا ؟

ملاك فجت ايده عنه :اقول جنك مصختها ترا مب فاضتلك انا والحين يلا اذلف عن ويهي يلااااا هاللي
ناقص بعد اني احب هالاشكال ..

؟؟؟؟؟:والله لا اراويج وبتندمين بعد

ملاك:ههههههههههههههه اسميك ضحكتني انت تراويني انا ولا بندم بعد اقول ثمن كلامك احسلك مب
انا اللي بندم ..

دوواك يالعاشق عندي انا ..

ومشت عنه ..

انتهى البارت ..

توقعاتكم ..
__DEFINE_LIKE_SHARE__

التعديل الأخير تم بواسطة صَمْتَ ـآلْمَشٌآعِرُ ; 11-02-2012 الساعة 06:45 PM. سبب آخر: تغيير العنوان ..
رد مع اقتباس
قديم 11-02-2012, 06:20 PM   رقم المشاركة : [ 2 ]
عضو جديد

بيانات صَمْتَ ـآلْمَشٌآعِرُ
تـاريخ التسجيـل : Nov 2012
رقــم العضويـــة : 143162
الـــــدولـــــــــــة :
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : صَمْتَ ـآلْمَشٌآعِرُ غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي ﻗد ﻣ̝إآﻗدڕ ﺻبرت وﻗد ﻣإﻓﻳﻧي اﻧﭠھيت‏ | بقلمي

البارت الثاني

؟؟؟؟؟:يالحلو عطنا ويه

صدت ملاك ع صاحب الصوت وجافته

؟؟؟؟؟:ابا اكلمج شوي

ملاك:لا اسمحلي انا مب فاضيه

مسكها من ايدها

؟؟؟؟؟:لا عاد رمسناج بالطيب ومب عاطتنها ويه الا سمعت انج بتتزوجين ؟؟ منو تعيس الحظ ؟؟

ملاك بتهديد:خوز ايدك قبل لا اكسرها لك

؟؟؟؟؟:كم مره قلتلج انج تحبيني انا ومابتحبين غيري ومابتقدرين تحبين حد غيري انا فاهمه ولا لا ؟

ملاك فجت ايده عنه :اقول جنك مصختها ترا مب فاضتلك انا والحين يلا اذلف عن ويهي يلااااا هاللي
ناقص بعد اني احب هالاشكال ..

؟؟؟؟؟:والله لا اراويج وبتندمين بعد

ملاك:ههههههههههههههه اسميك ضحكتني انت تراويني انا ولا بندم بعد اقول ثمن كلامك احسلك مب انا اللي بندم ..

دوواك يالعاشق عندي انا ..

ومشت عنه ..

----------------------------------------------------------------------------------

ملاك نزلت ساره على الارض ومسحت على راسها بحنان: مره ثانيه ماتصيحين انزين حبيبي ترا دموعج غاليه علي ..!!

وقفت مريم بذهول:هذا منو ؟؟

صدت ملاك على مريم

ملاك بدون اهتمام:واحد ماعنده سالفه ..

مريم غمزت لها :ها ليكون حبيبج القبلي ..!

ملاك باستغراب: اي حبيب قبلي انتي الثانيه تعرفين اني ماداني هالسوالف .&&

جافت ملاك الساعه وهيه 12 وربع ..

ملاك:وييه وايد تأخرت عن ابوي وسالفته ..* اووه نسسيت (( وطلعت من جيبها ظرف))

مريم باستغراب :شو هذا

تذكرت ملاك المشهد بينها وبين ابوها ..

بو صقر طلع من جيبه ظرف ..

ملاك:شو ها بعد

بو صقر:هذا مبلغ عطاني اياه خالد عسب تدبرين عمرج حق الملجه الاسبوع الياي ..

ملاك رفعت حوايبها: الاسبوع الياي خييبه تخيبه ل هالدرجه مستعيل ..

بو صقر:هذا الحب ومايفعل وغمزلها ..

ملاك:اي حب واي خرابيط ..؟

بو صقر بجديه:المهم الملجه الاسبوع الياي لاتنسين وتفضحينا وهيه بتكون بين الاهل بس يعني بينا
بس اذا حابه تكون حفله وخرابيط رمسي ريلج ..

ملاك:مسسرع ماستوا ريلي هاا لا دخيلك حفله مابا مب ناقصه عوار راس يلا انا طالعه ..

-----------------------------------------------------------------------------------------

وردت لأرض الواقع من مناداة مريم ..

مريم:ملااك هيه ملاك وين سسرحتي ..؟

ملاك حست بعمرها: لا ماسرحت هذا ظرف فيه مبلغ عطتني اياه صاحبة الدار يوم مريت عليها وقالت
عطيها للمديره عشان تلبي فيه احتياجات اليهال ..

ملاحظه:الدار مو حكومي بس صاحبته قررت تخليه دار للايتام لحبها لليهال ..

مريم:هيييه اوكي الصراحه هيه مول مب مقصره ويانا بس انا عمري ماجفتها حتى يوم تعينت مديره
لهالدار بس يوني ناس من طرفها يبلغوني ..!

ملاك:اهاا انزين يلا انا تأخرت وايد هاج وناديلي فهود ..

وعطتها الظرف ..

مريم:بس وييت ملاك صاحبة الدار كيف شكلها ..

ملاك توهقت: امممم شكلهاا الله يسلمج هيه ضعيفه بس شوي متينه وشعرها اسود بس صابغتنه اشقر
ووو ..

مريم قاطتعتها:اقول امشي امشي شو هالوصف بعد .. يلا امشي لا تتأخخرين ..

ملاك:اوككي ..

-------------------------------------------------------------------------

وفي مكان بعييد ثاني ..

خلود:يبه انا رايحه بيت رفيجتي تامرني ع شيء ..

بو راشد:وين رايحه يابنت الناس قعدي ف بيتكم ..


خلود:اي بنت ناس يبه انا بنتك ..

بو راشد:منو بنتي انا ماتزوجت بعدني ف عز شبابي ..

خلود:يبه الله يهداك اي عز شباب وانت بتصك السبعين ..

بو راشد:الظاهر انج خرفتي ..

خلود:الحين انا اللي خرفت ..

بو راشد:خلينا من هالرمسه اللي مامنها فايده وسوي لو مره خير بحياتج وودي الياهل بيته ..

خلود:اي ياهل ..

بو راشد:سعد بعد منو غيره ودي الولد عند اهله من الصبح قاعد يصيح هني اذاني ..

خلود:اي أهل يبه انت من صجك ..

بو راشد:أي أهل بعد أهله اللي هم جيرانا ام وابو الولد..

خلود:ﻻ والله الحين ولدك انت استوى ولد الجيران..

بو راشد:ان ماوديتيه انا اسير بروحي وانادي اهله ايون ياخذونه ..

وطلع من البيت وخلود لحقته ..

بو راشد:وين البيت بيتهم وينه مادري انا وين رحت شكلي مضيع ..

خلود:يبه اهدى انت وخلنا نرجع البيت ..

بو راشد:ماني راجع الا لما اهله ايون ياخذونه ..

خلود:يبه الله يخليك رد البيت حرام عليك الرايح والراد يجوفنا ويضحك علينا خلنا نرد قبل ماصج نضيع ..

بو راشد:انتي شفيج ماتفهمين الولد امانه عندنا وﻻزم نرده ..

خلود: اي امانه انت بعد يبه الله يخليك ردنا البيت هذا ولدك ولدك انت ..

بو راشد:اوه انتي مامنج فايده ولدي ولدي اقولج انا ماتزوجت تقولين ولدي ..

خلود:ياربي شو هالمصيبه من صباح الله خير ..

بو راشد:هيه والله مصيبه أخر زمن اتيني وحده ياهل اتقول انها بنتي وعندي ولد بعد الشرطه بتتفاهم وياج ..

ومشت خلود ابوها عبر الشارع وكان شوي وبتدعمها سياره ..

خلود بخوف:بسم الله شوي وبموت ..

نزلت وحده من السياره ..

؟؟؟؟؟:اختي فيج شيء ..؟؟

خلود: لا مشكوره مافيني شيء ..

؟؟؟؟؟:الحمدالله ,, بس انتوا الله يهداكم مارين جي الشارع ..

خلود تذكرت ابوها :ابوي ابوي وين ..؟؟

؟؟؟؟؟:تقصدين هاك الريال واشرت على شيبه ..

خلود:هيه هذا هو عالعموم مشكوره يلا استأذن ..

وراحت عنها بدون ماتسمع رد الحرمه ..

وركبت السياره ..

؟؟؟؟:الله يهداهم بس زين اني مادعمتها ولا جان طرنا في داهيه ..

هز راسه بمعنى نعم ..

؟؟؟؟:يلا عيل فهود وين ناوي تسسير ؟

اككيد عرفتووها 

---------------------------------------------------
نرد لخلود ..

خلود:ﻻ حول وﻻ قوة الا بالله اللهم طولج ياروح اللهم طولج ياروح ..

ودخل بو راشد الشرطه مع خلود ..

الضابط:حياك طال عمرك بغيت شيء عمي ..

بو راشد:شفيك انت الثاني انا ماني عم لاحد شو صار بهالدنيا اول شيء بنت عقب ولد والحين عم وبعدين وياكم مصختوها عالعموم شوفلك صرفه مع هالبنت انا ماني قادر استحملها دعمتها سياره بس صدمه بسيطه وفقدت ذاكرتها وتتحرا اني ابوها ياريت تستدعي الاسعاف باقرب وقت ..

خلود:ﻻ والله ياسلام الحين انا اللي فاقده الذكره ..

الضابط:حاضر عمي على امرك ..

خلود:احلف انت بس ليكون بس صدقته اقولك ابوي فيه الزهايمر ونسى انه متزوج وعنده عيال ..

بو راشد:ﻻ تصدقها ياهل وبتقص عليك..

الضابط:على اي حال ﻻزم استدعي الاسعاف حالا لأن الاعراض بتظهر بعد مدة بسيطه من الحادث واحتمال يكون الحين..

خلود:الظاهر ان مامنهم فايده أمري لله وتاليتها بعرف شو بسوي ..

وراحت المستشفى ..

الطبيب:مافيج الا العافيه بس مجرد كسر بسيط ..

خلود:نعم اي كسر انت بعٓد توك تقول مافيني الا العافيه انا قلت من ندخل مستشفى يخرفون امراض من عندهم يا أخ ابوي فيه زهايمر ونسى اني بنته وألف قصه من عنده عسب يفتك مني وها اللي وصلني هني ..

الطبيب:انا مقدر حالتج الكسر بسيط ومايسبب اعراض بس الحين موضوع فقدان ذاكرتج ادري ان هالشيء صعب بالنسبه لج بس ﻻزم تتقبلين الأمر الواقع واذا حسيتي ب شيء وﻻ تذكرتي شيء عطيني خبر وهاي مجرد اعراض جانبيه بسبب الصدمه اخليج الحين عن اذنج ..

خلود:انا قلت ان مامنهم فايده خلني اتصل بامي احسن لي ..

واتصلت بامها ..

ام راشد:هلاا خلود ..

خلود:يمه وبعدين وياكم كل مره مكان مره بالشرطه مره بالمستشفى الين متى يعني ..

ام راشد:يابنتي هذا ابوج وانتي ادرى بحالته وﻻزم تراعينه مب كل شوي داقه علي وتيلسين تتحرطمين ..

خلود:اراعي شو بالضبط يمه الحين يرضيج اني اتم على هالحاله بالله عليج هاي عيشه يمه اهتمي شوي بعيالج راعيهم حسي فيهم خلي عندج ذرة احساس مب ﻻهيه بالدنيا وبعدين لين متى بتمين في لندن صار لج شهر وانتي مسافره متى بتردين صج لاعت جبدي من هالحاله ..

ام راشد:اوه خلودوه مب فاضتلج انا رمسي حد ثاني يلا مع السلامه ..

خلود :يمم وتبند الخط ف ويهها ..

خلود بعصبيه:لا حول صج صج لايعه جبدي من حالتي اوف لين متى يعني ..
----------------------------------------------------------------------
في بيت بو صقر ..

ام صقر:ها جاهزه للملجه ..

ملاك:يب جااهزه ..

ام صقر:غريبه متحمسه ..؟

ملاك:وشو اللي يحمس في الموضوع بالضبط ..

ام صقر:ترا هذا زواج ولازم تفرحين وتختارين الريل المنااسب ..

ملاك:هالكلام مابا اسمعه منج ..

ام صقر:وليش ان شاء الله ..

ملاك بنظره لامها:عدال يمه وهذا ريلج اللي هو ابوي مناسبلج ..؟؟ مثلا مثلا يعني ..

ام صقر: اووه صج تعورين الراس يلا ذلفي عن ويهي ..

ملاك:ههه ان شاء الله على امرج يمه ..

وراحت عنها

ام صقر:انا حاسه ان عرسها هذا مابيمر ع خير الله يستر من الياي ..

-------------------------------------------------------------------

نرد لدار الايتام بالضبط عند مريم صاحبة الدار .. دش واحد الدار عند مكتب المديره مريم..

؟؟؟؟؟:لو سمحتي انا ياي آخذ بنتي ..

مريم بذهول : بنتك ..؟؟

؟؟؟؟؟:هيه نعم بنتي وعندي اوراق تثبت صحة كلامي ..

ومد ايده وعطاها الاوراق ..

مريم جافت الاسم وانصدمت ..

مريم بلعت ريجها : سساره العامري.. ؟؟

؟؟؟؟:هيه هذا بنتي وكانت عندي ظروف واضطريت اني احطها ب دار الايتام ..! والحين ممكن آخذ
بنتي ..

مريم قالت بالغصب:هيه اكيد هذا حقك الحين اييبلك البنت ..

ورراححت ويابت سساره ..

؟؟؟؟؟:هلا بحبيبتي بنتي الغاليه ..

سساره باستغراب:مممنو هذا ..

مريم والدموع ف عينها:حبيبتي هذا بيوديج الدكان وبياخذلج حلويات واللي تبينه ..

ساره بابتسامه:صصدق ..؟؟

اضطرت مريم ان تجذب عشان ساره تقتنع وتسير وياه ..

؟؟؟؟:هيه صدق يلا تععالي بابا ..

وراحت ساره وياه ..

مريم عطت ظهرها للريال عسب مايجوف دموعها :بس ممكن عالأقل تردها هني كل اسبوع لأنها
تعودت على هالمكان ..

؟؟؟؟:اكيد هاي بنتي وما برفضلها طلب يلا مع السلامه ..

ومشا عنها

مريم ثواني واستوعب ان جافت هالريال قبل وصدت علطول اجوف ملامحه ..

مريم باستغراب:ياربييه انا وين جفته قبل ..

وتذكرت ملاك..

مريم بصدمه:هذا مب اللي كان عند ملاك ..؟؟؟؟؟

والبنت ؟؟؟؟

ليكون بننن... ماقدرت تقول الكلمه

لا ملاك ماتسويها مب معقوله ..

آآآآآآخ رآآسي الحين شو السسالفه ..!!

الريال ابتسم ابتسامة خبيثه تدل على النصر:انا اراويج ياملاك وبعلمج منو اللي بيندم فينا ..

انتهى البارت ..

توقعاتكم ..

منو الريال اللي مر ع مريم ؟؟


ساره هل يعقل ان تكون بنت الريال وملاك ؟؟

تتوقعون في اشياء استوت بينهم فالماضي ؟؟

الريالل شو ناوي يسوي بساره ؟؟

وشو قصده ان ملاك بتندم ؟؟

خلود بيكون لها دور كبير فالروايه ؟؟

خالد وملاك بيتزوجون ولا لا ؟؟
__DEFINE_LIKE_SHARE__

من مواضيعي
0 رواية ابتسامة ملاك | بقلمي

  رد مع اقتباس
قديم 11-02-2012, 06:22 PM   رقم المشاركة : [ 3 ]
عضو جديد

بيانات صَمْتَ ـآلْمَشٌآعِرُ
تـاريخ التسجيـل : Nov 2012
رقــم العضويـــة : 143162
الـــــدولـــــــــــة :
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : صَمْتَ ـآلْمَشٌآعِرُ غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

البارت الثالث

مريم باستغراب:ياربييه انا وين جفته قبل ..

وتذكرت ملاك..

مريم بصدمه:هذا مب اللي كان عند ملاك ..؟؟؟؟؟

والبنت ؟؟؟؟

ليكون بننن... ماقدرت تقول الكلمه

لا ملاك ماتسويها مب معقوله ..

آآآآآآخ رآآسي الحين شو السسالفه ..!!

الريال ابتسم ابتسامة خبيثه تدل على النصر:انا اراويج ياملاك وبعلمج منو اللي بيندم فينا ..

-----------------------------------

مريم علطول راحت تدور شنطتها وحطت ايدها داخل الشنطه وتلمس الاشياء اللي بداخلها ..

مريم:مبايلي مبايلي وينه ها بعد يوم اباه يختفي

ولمست شيء حست ان مستطيل هههه

مريم: لقيته

ودورت ع الارقام بسرعة البرق

مريم:ملاك ملاك ملاك ملاك

ولقت الرقم وعلطول اتصلت عليه

مريم بترجي:ردي ردي الله يخليج

--------------------------------------
ف بيت بو صقر تحديدا ف غرفة ملاك مبايلها قاعد يررن ..

ملاك بقهر:اييهييه منو متصل الحين استغفرالله مايخلون الواحد يرقد بسلام ..

ومدت ايدها يمين ويسار ادور مبايلها عالسرير ومسكته وفتحت عينها بصعوبه عسب اجوف منو المتصل..

ملاك باستغراب: هذي مريم شو تبا الحين اووه مب متفيجتلها الحين ..

وفررت المبايل ..

عند مريم ..

مريم:استغفرالله وقتها ماترد الحين برد اتصل مره ثانيه ..

وردت تتصل كم مره ..

تنهدت ملاك:هاي شكلها مابتوقف خلني اجوف شعندها ..

وردت على مريم ..

ملاك متنرفزه: ها مريووم شعندج مأذتني خخير ان شاءالله ..؟

مريم:انتي راقده وماتدرين شو يستوي من وراج سمعي السالفه ..

ملاك تنهدت: اخخ ويا سوالفج هاي اللي ماتخخلص يلا اجوف غردي..

مريم (تقوللها السالفه بالتفصيل الممل)

مريم:وهاللي استوا..

ملاك بتفكير:همممم شكله ناوي يلعب بذيله .. بس فاجئني طلع جريء ههههه ( وجلبت مصري ) وضحكني كمان ..

مريم : طاعو هذي انتوا أنا ياسه اقولج السالفه وانتي تضحكين قلت بتصيح بتسوي شيء اخرتها تضحكين ..؟؟

ملاك بثقه: انتي تعرفين منو ياسه ترمسين ..؟؟ أنا ماصيح حبي ومشككوره لأنج خبرتيني بالسالفه..

مريم:ياربيه أنا مابيذبحني غير برودج ها انتي شو ماتحسين مافي احساس ..؟؟ اقولج بيسببلج مشاكل وبتطلعلج بدال المصيبه ألف .. أكيد بيتبلى عليج ..

ملاك بابتسامه: خ يتبلى .. اتحداه أنا بس .. واقولج من الحين .. أنا بنفسي بتأكد اني اعزمه عالملجه .. يلا مع السلامه خربتي علي رقادي ..


مريم : بس ..

مريم مامداها تكمل الا وبندت ملاك ف ويهها ..

مريم : الشرهه علي أنا اللي موصله الاخبار ..

ف هاللحظه تذكرت مريم ساره وقالت ف نفسها شذنبها هالبنت ..؟؟

مريم باحتيار:بس الصرراحه عقل ملاكو ماينقرى ماينعرف ب شو تفكر الله يعين بس .. هييه نسيت اقوللها اني حطيت مبايلي الجديم ف شنطة ساره .. بدزلها مسج ..

وكتبت كل شيء فالمسج وطرشته ..

عند ملاك مبايلها يهتز كانت حاطتنه عالهزاز..

ملاك:اخخخ استغفرالله هاي مريوم شو يسكتها إذا جافت شيء ..

ومسكت مبايلها وبطلت المسج .. لقت الرقم بعد معاه .. رقم مبايل مريم الجديم..

ملاك بتفكير:مممم جنه منج فايده شوي زين عالأقل وفرتي علي اني ادوره ..

نقلت ملاك الرقم واتصلت عليه..
------------------------------------
ف مكان مجهول ..

المبايل يررن ..

طلع المبايل من جيبه ..

؟؟؟؟؟:غريبه مب مبايلي اللي يرن ..

ومشى باتجاه صوت الرنه ..

؟؟؟؟؟:من شنطة ساره .. غريبه ..

وفتح زرار الشنطه ودخل يده ومسك المبايل وطلعه من الشنطه وابتسم يوم جاف الاسم .. ورد عليه ..

؟؟؟؟؟:هلا بالقاطع مابغيت تسأل عنا ..

ملاك ببراءه : رااكاان أنـــــا أنـــــا اســـــــفه ..

راكان فز قلبه يوم سمع هالكلمه ..

ملاك بضحكه خفيفه وردت بدفاشتها : ههههه عبالك اني بقول هالكلام ..

راكان تنرفز منها : بيي يوم وبتقولينلي اياه من قلبج بعد ..

ملاك:هاليوم مب موجود الا بأحلامكـ .. اسمع ياراكان كلامن يوصلك ويتعداك .. ان دخلت ساره بأي مشكله ماتلوم الا نفسك فاهم ..?؟ واذا ناوي تلعبها صج أنا يايه اقولك اني عازمتنك عالملجه .. واعتقد تعرف المكان عدل .. وبنجوف اخرتها وياكـ ..

وبندت ف ويهه الخط ..

------------------------------------

و في يوم الملجه .. وصلوا كل المعازيم .. ماعدا اهم واحد .. اكيد عرفتوه ..

وشكل القاعه خخيال .. الطاولات مفروشه بحرير بنفسجي ناععم ,.. وعلى كل طاوله اسم عايله من الاقارب .. والستاير مب اقل منها روعه وعليها كريستالات محلتنها .. والارضيه مفروش عليه بحرير احممر .. ومنثوره عليه ورود ف كل مكان ..
ججنه ححلم ..

عند الححريم .. ام صقر + ام ميره ..

ام ميره : ها يا ام صقر ماقلتيلنا كيف الولد عرف بنتج ..؟؟

ام صقر ماعيبها الموضوع وردت عليها بدون نفس : والله يقول ان جافها وانعجب باخلاقها وتقدملها وبس ..

ام ميره بذهول : بس هذا .. كيف جي أنا عبالي خذاها عن حب ..

ام صقر: انتي عاد الله يهداج الحين بنتي ويه حب ..؟؟ ب هالدفاشه وهالاسلوب مادري والله ..

ام ميره: بس هيه ماشاءالله عليها حلوه وقمر ..

ام صقر:جي منو قالج ان الجمال كل شيء لو ودرت هالأسلوب وتعلمتلها شوي من الاتكيت والررقه بس هاللي ناقصها ..

ميره قاطعتهم: عموه الحين ملاكو ويه رقه ..؟؟

ملاك تنهدت : اقول بسكم حش و? جني بينكم .. أنا مادري شو اللي عيب هالخالد فيني .. قال اخلاق قال .. مادري متى جافني وجاف اخلاقي الحلوه .. وانا كل ماجوفه ماخلي شيء و?ا بعد مصرر ان ياخذني ..

ميره :الله متى ايي واحد يحبني كثره ..

ام ميره: ماعليج انتي بس انتي اشري وانا امطلج اياه جان تبين ..

ام صقر وملاك ف نفس الوقت : يهال ماتيوزون من هالسوالف ..

ميره : اوه أول مره تتفقون ع نفس الشيء ..

ملاك:ميرروه صخي بس ..

وقاطع سوالفهم .. بو صقر ووراه خالد .. معصبين لأبعد درجه ..

بو صقر بدون اي كلمه مسك ايد ملاك ويرها لعند الباب والححريم كلهم منصدمين ولحقوهم ..

ووصلوا عند الباب وهد ايدها وملاك شوي وكانت بطيح لأن مافيها توازن ..

ملاك عدلت وقفتها ..

ملاك ومبين عليها انها تعرف ليش ابوها سوا جي بس حبت تسألهم ..

ملاك وفيها ضحكه:خخير يبه ..؟؟

بو صقر بعصصببيه: اي خير واللي يجوفج ويهج يجوف الخير ..

ملاك باستعباط: ليش ان شاءالله ع ماعتقد ان ويهي حلو ..

بو صقر شوي ووده يعطيها كف يبرد حرته فيها ..

بو صقر : سودتي ويوهنا الله يسود ويهج ..

ملاك ببرود: انزين يا والدي العزيز الزبده ..؟؟

بو صقر انقهر من برودها .. والكل يطالع بتعجب واستغراب ف نفس الوقت .. يبون يعرفون شو السالفه ..

خالد قاطعهم : الزبده تبين الزبده ها أنا بقولج شو هيه ..

واشر على الباب وفتحه .. ويوم كان يفتحه كان يبين ان فيه حد ورا الباب ..

ملاك كانت تعرف من البدايه منو هو .. بس صبرت الين ماينفتح الباب كله ويبين ملامحه ..

خالد اشر على الريال بعصبيه : هذا هو هذي هيه السالفه والفضيحه اللي بتفضحين عمرج فيها ليلة الملجه ..

ملاك نزلت راسها عاليمين اونها تبا تجوف الريال عدل ويوم جافته لوحت بايدها ..

ملاك ببراءه :هلا راكان ..

خالد ماقدر يمسك عمره وعلطول رفع ايده وكان يبا يكفخها بس ملاك مسكت ايده ..

ملاك بضحكه: دقيقه يالبطل ? تتحمس للحين مايا دورك .. خ نسمع السالفه من الريال أول شيء .. تفضل يا أخ قولي اللي عندك ..

راكان: أنا ياي احذرك من هذي اللي ماتتسمى لأنها ماتستاهل تتزوجك اصلا .. كنت مع علاقه وياها وخانتني .. وهالبنت ..

سحب ساره ويرها لجدام عشان الكل يجوفها ..

راكان يكمل كلامه: وهالبنت بنتنا .. للأسف بنتي وبنت هذي ..

واشر ع ملاك من فوق لتحت ..

ام صقر انصدمت صدمه كبيره يوم جافت البنت اللي هيه ساره..

بو صقر ماقدر يتحمل يسمع اي كلمه ثانيه منه خلاص اللي سمعه كافي .. علطول راح لعند ملاك ورفع ايده وصفعها باقوى ماعنده .. الصفعه طيحت ملاك من مكانها ..

ملاك ضحكت باقوى ماعندها :هههههههههههههههههههههههههههه

بو صقر منصدم:? اكيد ينت هالبنت .. انصفعت وانهانت وكل شيء ويالسه تضحكلي .. و? جنها مسويه شيء ..

ملاك توجه كلامها لابوها واشرت عليه: تدري ليش اضحك ..؟ أنا بقولك ليش اضحك ..!! اضحك لأني اصلا مب مسويه شيء من جي اضحك سبب بسيط صح و? انت عبالك اني بصيح وبضيع وقتي بس عشان افهمكم .. لانكم بالنهايه مابتصدقون .. وانت .. اشرت على خالد .. ياريلي الحبيب طلعت اختياري الصح وصج طلعتلي مشاكل .. مشكور يا حبيب القلب ..

ميره ترمس ف قلبها :شو قصدها هاك اليوم واليوم بالمشاكل والله ماحد يقدر يفهمج ياملاك ..

راكان بتردد:جذابه جذابه أنا هني يايلكم ومعاي بنتنا بس عشان تعرفونها ع حقيقتها ..

ملاك طالعت راكان بنظره ثقه : والدليل يا العاشق انت ..؟؟

راكان: دليل ..؟ مايحتاي دليل .. اصلا انتي ?زم تندفنين حيه بعد كل اللي سويتيه ..

ملاك بدموع متصنعه:وانا شو سويت ماسويت غير اني وافقت على خالد .. شذنبي قولي ..

ونزلت كمن دمعه .. ومسحتها

ملاك:ههههههههههههههه ياخخي احبني اموووت فييني و تعيبني تمثيليتي ..

خالد بصدمه كبيره:انتي شو من البشر ماتحسين .. كل ها وياسه تستهبلين وتضحكين ..

ملاك تنهدت:يعني ?زم تخرب علي متعتي .. همممم دام ان جي ماعندي خخيار ثاني ..

ملاك صرخت:يمممممه يممممه للحين ماستوعبتي .. مب ناويه تقولين يعني .. و? تبين وقت زياده عشان تحطين النقاط على الحروف ..

محد منصدم بالدنيا كلها كثر ما ام صقر منصدمه .. بنتها تعرف .. تعرف كل شيء .. بس تمثل .. كل هالسنين ياسه تمثل عليهم .. واخرتها عارفه كل شيء ..

ومشت لعند بو صقر بصدمتها وهمستله باذنه .. ويوم بو صقر سمع كلمات ام صقر ماصدق .. حتى ماقدر يصدق ..

----------------------------------------------------------------------------------------
وفي مكان ثاني بعيد عن المشاكل ..شكلكلم مليتوا من كثر البعاد يلا هاييل اخر ابطال روايتنا ع ماعتقد هع..

حنان:يمه يبه انتوا ليش جي تسوون فيني تحطموني و? جني بنتكم..

بو مايد:ليش احنا شو سوينا فيج..

ام مايد:بسم الله ع بنتي شفيج يمه..

وراحت عند حنان وحطت ايدها ع يبهتها ..

ام مايد:? مافيج حراره عيل شفيج ؟؟..

حنان خوزت ايد امها:يمه تتمصخرين علي ؟ الحين أنا مادري ليش يبتيني انتي جفتي خواتي يننوني عنبو شو ها ..

بو مايد:ليش شسوولج خواتج..

حنان:وبعد تسأل شو سوو أنا اقولك لطوف معوره راسي باحكامها كل مارمسها تردلي بحكم ونوروه وهيه شعرها ها بعد اعطيها حرف تعطيني شعر شو ها وحده حكيمه والثانيه شاعره أنا شو موقفي يعني أنا الوحيده الصاحيه بينهم زين ان ساروه ماطلعت شراتهم مع انها فنانه والمصيبه انهم اكبر مني ..

ام مايد:الحين احنا قلنا فيج شيء استوابج شيء اخر شيء بس ها صج ماعندج سالفه انزين هوايتهم هاي شفيج عليهم خليهم ف حالهم..

حنان رفعت حوايبها :اي هوايه اي هوايه اوكي هوايه بس مب كل مايبنا طاري شيء ردو ب شعر او بحكم ترا مليت ?عت جبدي هوايه ماقلنا شيء بس مب ع كل شيء ترا اقولكم أنا إذا مب عندي اخوان صاحين جان انتحرت فاهمين..

ومامرت ثواني الا ونوره نازله من الدري ..

نوره:والله ما أنتحر من قله * الناس كانوا عليه خايفين

الحياة كأنها كانت له وحده * والعجب بعضهم لأخلاقه مادحين

((حنان اشرت بايدها الثنتين بمعنى بدينا وجفتوا شو قصدي )) ..


يقول يا عالم والله أنا في ورطه * والرد يكون إنه معاه متورطين

ما ضحى بحياته عشان وحده * بل ضحى بها عشان الكل يضلم عايشين

كتب كلام عجيب في ورقه * قبل ما يموت عشان نكون شاهدين

طلبه كان يطلب من الناس الرحمه * ويسمعوا صوته ويوصل حتى للمسكين

جات على غفله وصارخ في وجه أمه * وقرر في لحظه يختفي عن الحاضرين

صارع بنفسه وقرر يرجع لربه * غير إنه شرب حبوب وحب يكون من الميتين

عصب على الناس وحتى وهو يموت شاف نفسه * تقولوا مجنون بل والله من سرايه المجانين

انسان عجيب ويقول قريب من ربه * حتى وهو يموت ما سلم من لسانه الموجودين

قبل ما يموت ارسل رساله لاخوه وأبوه وأمه * وكتب فيها بانتقل لرب العالمين

ملاحظه: الشعر للشاعر الرحال (سعيدمرزوق)



حنان:بس بس والله اقسم بالله فهمنا ..

ومامرت دقايق الا والحكيمه لطيفه تنزل..

حنان تصفق:حيا الله بالحكيمه يلا بدعينا و? ادريبج مابتصخين..

وجافت امها وابوها ..

حنان:يمه يبه حبايبي محاضرة عن الانتحار ارجوا الاستماع والاستفاده ..


لطيفه:حكمة الانتحار
الانتحار كبيرة من كبائر الذنوب ، وفاعلها متوعد بالخلود في نار جهنم أبداً ، ويعذبه الله تعالى بالوسيلة التي انتحر بها ، فعن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها [أي يطعن] في بطنه في نار جهنم خالداً مخلداً فيها أبداً ) رواه البخاري (5442) ومسلم (109) .
وعن ثابت بن الضحاك رضي الله عنه أن رسول الله صلى الله عليه وسلم قال : ( مَن قتل نفسه بشيء في الدنيا عذب به يوم القيامة ) رواه البخاري ( 5700 ) ومسلم ( 110 ) .
فعلى المؤمن أن يتصبر ويستعين بالله تعالى ، ويعلم أن كل شدة تصيبه في الدنيا ـ مهما كانت شديدة ـ فإن عذاب الآخرة أشد منها ، ولا يصح عند أحد من العقلاء ، أن يستجير الإنسان من الرمضاء بالنار ، فكيف يفر من ضيق وشدة مؤقتة ـ لابد لها من نهاية ـ إلى عذاب دائم لا نهاية له .
وليتأمل المسلم أنه ليس هو الوحيد في الدنيا الذي يصيبه البلاء والشدة ، فقد أصاب البلاء سادات البشر وهم الأنبياء والرسل والصالحون ، وأصاب أيضاً شر البشر وهم الكافرون والملحدون .
فالبلاء سنة كونية ، لا يكاد يسلم منها أحد .
فإذا أحسن المؤمن التعامل معها ، فصبر ، وجعل ذلك سبباً لرجوعه إلى الله واجتهاده في العبادات والأعمال الصالحة ، كان البلاء خيراً له ، وكان مكفراً لذنوبه ، حتى لعله يلقى الله تعالى وليس عليه خطيئة .
فقد قال صلى الله عليه وسلم : ( مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا إِلَّا كَفَّرَ اللَّهُ بِهَا مِنْ خَطَايَاهُ ) رواه البخاري (5642) ومسلم (2573) .
وروى الترمذي (2399) عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَا يَزَالُ الْبَلَاءُ بِالْمُؤْمِنِ وَالْمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ ) صححه الألباني في سلسلة الأحاديث الصحيحة (2280) .

حنان بدموع متصنعه:بصيح بصيح ? بعد كل ها شكلي صدق بنتحر جفتو جفتوا شو قصدي فهمتوا و? افهمكم ..

ام مايد :والله أنا مادري ليش محتره..

بو مايد:هيه والله الصراحه مادري ليش ماطلعتي مثلهم..

حنان:? والله تبوني بعد اطلع مثلهم هاللي ناقص بعد أنا افر عمري فالشارع و? استوي جي..

مايد وهو نازل من الدري..

حنان:انتوا شو موضوعكم واحد ورا الثاني نازل من الدري ياخي طلعولي من الدريشه تحت الطاوله سوو جو حماس شيء بس شو هالروتين..

مايد يصفق:? الصراحه جني اجوف فلم كوميدي جدامي حنون والله اتضحكين هههههه ..

حنان:ه ه ه ه ه تباني اضحك و? اضحكك ؟؟ ? تيلس تستخف بدمك..

مامداها تكمل الا صوت صرخه من وراها ..

؟؟؟؟؟:ببببببببببببببببببببببووووووووه..

حنان وشوي بتموت من الزياغ:بسم الله الرحمن الرحيم..

ناصر وهو يضحك:ماقلتي تبين حماس شيء ها أنا سويتلج خدمه ..

حنان:عمى بعينك نصور طيحت قلبي زين مامت من الزياغ ياهل انت ياهل ..

وانتفخت حنان وراحت غرفتها بسرعة الصاروخ..

ام مايد:ماعرفنالها هالبنت ..

ناصر: هههه خليها يمه هاي مول مابتتغير بتم حنانو اللي الكل يعرف حركاتها ..

-----------------------------------------
اعرفكم ع عايلة بو مايد

بو مايد:ريال محترم يحب عياله وحرمته لأبعد حد بس هو ? غني و? فقير يعني عادي عنده 4 بنات اللي هم لطيفه ، نوره ، حنان ، ساره و3 اولاد اللي هم مايد ، حارب ، ناصر عمره 58 سنه..

ام مايد:حرمه ماشاءالله عليها عن 10 رياييل شايله البيت كله عمرها 48 سنه ..

مايد:اكبر واحد من العيال ريال والنعم فيه اخلاق وكل شيء يهتم باخوانه طيب عمره 23 سنه ..

حارب:ريال ضايع ف حياته مايهمه شيء يتحرا انه دايما هو الصح عصبي عمره 21 سنه ..

ناصر:اصغر واحد من الاولاد يحب الضحك والوناسه بعكس اخوانه الجادين عمره 17 سنه ..

لطيفه + نوره:توأم يتشابهون ف كل شيء الا ان هواية نوره كتابة الشعر انسانه شاعريه تحب توصف كل شيء بشعر حتى ان وصل لمرحلة انها تتكلم وترد بكل شيء بالشعر اما لطيفه اناسه حكيمه معرفتها واسسعه تعلممت اشياء وايد ومثقفه ومثل نوره بس بدال الشعر احكام .. عمرهم 20 سنه


حنان:انسانه وايد تتحرطم بتموت ان ماتحرطمت تحب الاستهبال وهالسوالف عمرها 18 سنه ..

ساره: فنانه, اخر العنقود خججوله لابعد دررجه حتى انها تستحي من اهلها اقرب الناس لها مب اجتماعيه ماتتكلم وايد عمرها 16 سنه ..
------------------------------------------------------------------------------------
نرد لبيت المشاكل .. بيت بو صقر ..

بو صقر بعد الصدمه اللي يتله:الكلام اللي تقولينه صدق ولا جذب ..

وهز جتوف ام صقر ..

بو صقر بعصبيه :ردي علي صدق ولا جذب ..

ام صقر هزت رآسها بمعنى هيه .. كل اللي سمعته صدق ..

والتفت بوصقر لملاك اللي مبتسمه ابتسامة عريضه..

بو صقر:ملاك اناا ..

ملاك:ماله داعي تقول شيء ..

وجافت الساعه ..

ملاك:اوووه تأخررت واايد .. انزين المهم دام انكم واخيرا فهمتوا اللغز ( قصدها السالفه ) ..
فهموهم لأني مضطره اطلع .. واتفاهم مع الكل بعدين ..

وركضت لغرفتها .. وكانت متأخره لدرجة ان بس خذت عباته ولبست على لبسها اللي كانت لابستنه ..

ويوم نزلت الجو للحين ماتغير الكل مستغرب ومنصدم ومب فاهم .. ماهمها الموضوع ويوم كانت
بتطلع من الباب راكان كان للحين واقف واضطرت ان تطلع منه ..
وعند الباب .. خطت كمن خطوه وكانت عاطه ظهرها للكل ..

همست بصوت خفيف محد قادر يسمعه غير راكان ..

ملاك بهمس:تعجبني ..

راكان يغمزلها ورد عليها بنفس النبره:آفا عليج ..

وطلعت بسسرعه.. ومحد انتبه لهم ..

وراحات صوب سيارتها .. وركبت السياره ..

ملاك:اووووووووه وااااايد تأخرت عن اللازم ..

حركت السسياره ومسكت ورقه بايدها .. كان مكتوب فيها عنوان لبيت .. وهيه راحتله ..

------------------------------------------------------------------------

في آخر مككان بعييد .. لآخر بطل ف روايتنا ..

مككان شبه مهجور هو مب مهجور بس اللي يجوفه يقول ان محد سساكن فيه ..

عباره عن قصصر عوود .. ف حياتكم مابجوفون مثله .. جنه ف فلم رعب .. والاشجار اللي مغطيه جدران القصصر .. وجلاب الححراسه اللي موزعه ف كل مكان .. والطيور اللي على سقف القصر .. والارضيه اللي ديزاينها على شككل دم منثوور على الأرض .. والجامات(النوافذ) اللي كانت كأنها مكسسوره بس مب مكسسوره هي مصممه على هذا الشكل .. واخيرا الباب .. كان باب غريب .. غرييب جدا .. كان مصمم على شكل حروف .. والحروف متممه لكلمه .. حرف الd .. وحرف الe .. وحرف الa .. وحرف الt .. وآخر حرف وهو حرف الh .. متممه لكلمة death أي الموت .. واللي يجوف هذا القصصر كأن صاحبها يقول اذا خايف لا تدخل ولا بتندم على اللحظه اللي فكرت فيها انك تدخل هالقصر .. مجررد النظر للقصر ايدخل الرعب ف قلب الانسان ..
------------------------------------------------------------------------

عند ملاك.. رن مبايلها وجافت الرقم .. وقالت ف قلبها الله يعين ..

ملاك:امممم اححححم ..

وردت على المتصل ..

المتصل:السلام عليكم ورحمة الله وبركاته .. أما بعد .. فقد اجريت هذا الاتصال .. لكي اعرف عن
ساعة وصولك .. وسبب تأخرك يا آنستي .. فقد نفذ صبر سيدي من الانتظار ..

ملاك وودها تضحك بس مسكت عمرها:وعليكم السلام ورحمة الله وبركاته .. أما بالنسبه لتأخري فأنا
اقدم اعتذاري لك ولسيدك المحترم .. وانا آتيه حالا .. فقط مسافة الطريق واكون عندكم .. واعتذر مرة اخرى لتأخري .. وارجوا ان توصل اعتذاري للسيد ..

المتصل:حسسنا .. ولكن ارجوا ان لا تتأخري .. سأغلق الهاتف الآن لكي لا الهيك عن القياده .. فانا
لن اسامح نفسي ان اصابك اي مكروه .. إلى اللقاء يا آنستي ..

ملاك:إلى اللقاء ..

وبندت الخط ..

تنهدت ملاك:آآخ شكلها مابتعدى على خير ان اتأخرت اكثر من جي ..

ووصلت ملاك للمكان المطلوب .. ووقفت سيارتها برع .. ونزلت من السياره .. وتأملت المكان ..

ملاك:وابوووويه المكان مايبشر بالخخير ..

جافت المكان من كل صووب..

وقالت : شوو ها شوو هاا دم وحركات وجامه مكسوره وحيوانات مب نافص الا يسوونها غابه .. ولا
اهم الشيء الباب نعم يعني .. شكله يبا يمووت سيدهم هذا ..

ويولها مجموعه من الخدم بزي انيق .. كان عباره عن جاكيت اسود .. وبنطلون اسود .. والقميص الدااخلي ابيض نفس فالافلام هههه ..

الخادم:مرحبا سيدتي وها قد التقينا اخيرا ..

خادم 2:سيدتي دعيني احمل عنك حقيبتك فليس من اللباقه ان ادع آنسة مثلك ان تحمل شيئا وانا
موجود ..

ملاك ف قلبها :خف علينا بسس ..

وكان واحد من الخدم شايل معاه تقريبا مثل الكرسي المتحرك بسس شكله ملكي غيرر عن باقي الكراسي المتحركه ..

الخادم:آنستي اجلسي فنحن لن نسامح انفسنا ان لم نعامل ضيفتنا باحسن معامله ..

ملاك:لا مابا مشككور ..

واحد من الخدم كان وراها وحط ايده ع جتفها ويحاول يخليها تقعد بالغصب ..

ملاك تنرفزت:ياخخي قلتلك مابا لا ارييد لا ارييد ابتعد عني ماهذه الشو يسمونه اقصد ماهذه الضيافه
هل دائما تعاملون ضيوفكم هكذا .. آسفه ولكن هذه ليست معامله لبقه .. ارجوا ان تبتعدوا عني استطيع ان اخدم نفسي بنفسي ..

الخادم:انا آسف جدا نحن لم نقصد ان نسيئ معاملتك ولكن هذه اوامر مباشره من السيد ..

ملاك بنفسها : تراك اذيتنا سسيد سيد وبنجوف منو سيدك هذا شكلي لازمم ايلس بالغصب .. ملاك
ماكانت تبا تيلس بس غصبت عمرها ..

ودزوها الخدم لداخل البيت ..

السستايل الداخلي للبيت كان روعه كان مثل متاهه لكل ممر آخر الممر باب عووود واايد .. وكل مكان
مزخرف بزخارف غير عن المكان الثاني ..

نزلت ملاك من الككرسي ..

ودلها كبير الخدم الى غرفة محدده .. اللي هيه غرفة السيد المجهول ..

ودق الخادم الباب ..

الخادم:سسيدي لقد وصلت الضيفه التي كنت تنتظرها ..

وصوت طلع من داخل الغرفه ..

ادخلهاا .. وخذ راحة انت وباقي الخدم ف لدي موضوع خاص بيني وبين ضيفتنا ..

الخادم:حااضر يا سيدي ..

ووجه كلامه لملاك ..

الخادم:ادخلي يا آنستي ف سيدي بانتضارك ..

دخخلت ملاك الغرفه .. وجافت ريال يالس عالمكتب وحاط ايده ع خده .. كان شااب وسسيم جداا وملاك
مانكررت هالشيء .. بس ماعرفت كيف تبدأ المحادثه وياه ..

ملاك:مممم لقد اتيت اليوم تلبية لدعوتك وطلبك ..


الشاب وقف ومشى كمن خطوه الين ماوصل عند ملاك ..

ملاك لأول مره حست بالخوف .. ماتدري ليش هالاحساس ياها مع انها تكون قويه مع باقي الرياييل
وترد عليهم بدال الرد عشر .. بس ف هاللحظه ماتدري ليش ضعفت جدامه ..

الشاب:لقد اعجبني جسسمك اريد ان احصصل على هذا الجسسم ..

ملاك ردت لها قوتها يوم سمعت جملته تنرفززت وايد ..

ملاك بعصبيه:خخير ان شاءالله وين عايش انت اريد ان احصصل على هذا الجسم اونه تعرف شو
بتحصل انت .. ورفعت ايدها وعطته كف .. بتحصل على هذا الكف فهمت ..؟؟

الشاب انصدم من ردة فعلها ولا فيه بنت ب هالقوه .. تصفع واحد توها جايفتنه ..

الشاب : هه ههههه ههههههههههههههههههههههههههه

ملاك:شو اللي يضحك انت بعد ..

الشاب:لا بسس انا سمعت هالجمله من فلم وقلت اقولها الحين واجوف ردة فعلج ..

ملاك:جايفنا بفلم انت بعد .. ؟؟ هاللي ناقص بعد ..

الشاب:الصرراحه انتي أول بنت تصفعني ..

ملاك:الشررف لي ..

الشاب:انا اسسمي عمر وانتي .. ؟؟

ملاك:خخير يايين نتعرف احنا ع بعض .. ؟؟ عالعموم انا اسمي ملاك ..

عمر بجديه:ملاك انا ابييج وابا اتزوجج ..

ملاك:نعم ..؟؟ لا بس ممكن تعيد اللي قلته شكلي خخرفت شوي وبديت اسمع خرابيط مني مناك .. نعم
كل مره حد اييني وابا اتزوجج علطول ياخي ماعرف الا اسمك خل فيها كرامه شوي عالأقل..

عمر:من ردة فعلج جني في حد سبقني صح .. ؟؟

ملاك:مممم مب سالفة ان سبقك بس بعد البلاوي اللي استوت شكله بيهون ..

عمر تغيرت نبره كلامه وصوته وكل شيء مره وحده ..

عمر:دام ان جي عيل انتي لي انا وبسس ..

فجأه رد احساس الخوف لملاك .. حست ان شيء تغير .. ماقدرت تنكر هالشيء .. ماعرفت شو تسوي
ف هاللحظه .. خسسرت قوتها .. ردت لملاك القبليه .. ملاك اللي كانت خجوله لأبعد حد .. اللي كانت حساسه .. دمعتها دايما ع خدها .. صريحه .. بريئه .. وتدش القلب بسرعه .. ف اللحظات اللي كانت فيه ملاك متصنمه ب مكانها .. يلس عمر على مكتبه .. ورد لذكرياته .. قبل 12 سنه ..
كان ف هاك الوقت طفل وحيد .. الكل كان يخاف يتقرب منه .. ويخاف منه ويخاف ع عمره .. محد حاول يتقربله ..

وطلع برع يتمشى ف حديقة المدرسه .. ويو مجموعة من الاطفال وتهجموا عليه .. وضربوه وكسروه وفلعوه .. كان يتمنى ان احد يساعده .. احد يمد ايد العون له .. احد يطلعه من وحدته .. كان طايح عالأرض واليهال للحين طايحين فيه ضرب .. مامرت دقايق الا واليهال يطيحون واحد ورا الثاني .. الين ماوصل نور الشمس له بعد ماغطوه اليهال باجسامهم وكان ظلام وايد .. وفتح عينه وجاف نور الشمس .. ومعاها ايد .. فتح عينه عدل وجاف طفله ماده ايدها له ..

وقالتله بصوتها الدفش : يلا تعبتني امسك ايدي وقوم اوقف ..

الكلمات هاي كانت كلمات بسيطه .. بس بالنسبه له كانت احلى الكلمات اللي سمعها بحياته .. خصوصا بعد ما ماتوا كل اهله ..

:يلاا بسسرعه ..

عمر:انتي اللي خوزتيهم عني ..؟؟ بس ليش .. ؟

:كيف عيل تباني اخليهم يضربونك واسكت .. حتى مع الاشاعات اللي طلعوها مايهمني .. مابخلي حد
يحتاج ايد العون واهده .. يلا اوقف ..

مسك ايدها الصغيره وساعدته بكل بقوتها الين ماوقف على ريله ..

قالتها بابتسامه بريئه:انت ولد لو يوك مره ثانيه لا تترد انك تكفخهم لأنهم ماعندهم الحق انهم يعتدون عليك ..
وإذا بغيت حد يساعدك ترا أنا هني عندك بأي وقت .. بس ازقر اسمي واطيرلك ..

عمر بابتسامه: انتي شو اسسمج ..؟؟

:اسسمي اسمي ****

ورد لأرض الواقع وحط ايده على خده .. ورسم ابتسامه عريضه على ويهه وناظر بملاك اللي واقفه
للحين ماردت لطبيعتها .. والدموع ف عينه ..

:اخخيرا اخخيرا لقيتج .. يا حب الطفوله ..

انتهى ..

توقعاتكم ..
__DEFINE_LIKE_SHARE__

من مواضيعي
0 رواية ابتسامة ملاك | بقلمي

  رد مع اقتباس
قديم 11-02-2012, 06:23 PM   رقم المشاركة : [ 4 ]
عضو جديد

بيانات صَمْتَ ـآلْمَشٌآعِرُ
تـاريخ التسجيـل : Nov 2012
رقــم العضويـــة : 143162
الـــــدولـــــــــــة :
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : صَمْتَ ـآلْمَشٌآعِرُ غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

وبسس .. ان شاءالله تعبيكم والقى منكم التفااعل عشاان اكملها .. __DEFINE_LIKE_SHARE__

من مواضيعي
0 رواية ابتسامة ملاك | بقلمي

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ابتسامة رغم ألم ابتسامة رغم ألم تراحيب وتهاني 8 02-06-2013 03:20 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية محروم.كوم منتدى أخبار المواقع والمنتديات العربية والأجنبية 0 04-21-2012 05:50 PM
رواية احبك خنجر بصدري اذا شلته يأذيني [ بقلمي ] دلع الخيال استراحة قصص وابداعات الاعضاء 7 04-02-2012 04:41 AM
رواية احبك خنجر بصدري اذا شلته يأذيني [ بقلمي ] دلع الخيال استراحة قصص وابداعات الاعضاء 0 01-14-2012 08:16 PM
أصعب ابتسامة محروم.كوم منتدى أخبار المواقع والمنتديات العربية والأجنبية 0 07-19-2009 01:50 PM


الساعة الآن 12:17 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML