روآية يــا مآخذن قلبيٰ آرفق بدقآتھہ (♡⌣♡)! للكآتبه : دآهيھہ،، - الصفحة 7

Bora · 04-06-2013, 01:47 PM

بعدها الكاتبه مانزلته،، __DEFINE_LIKE_SHARE__

ليمونه 44 · 04-06-2013, 05:16 PM

اوك مشكوره __DEFINE_LIKE_SHARE__

Bora · 04-06-2013, 06:05 PM

آلعَفوؤ..😁 __DEFINE_LIKE_SHARE__

F_thyab · 04-08-2013, 12:41 AM

روايهه حلوهه ، نتريا التكمله __DEFINE_LIKE_SHARE__

Bora · 04-08-2013, 02:09 PM

البارت الحادي عشر ..
.
.
.
.
راشد بخوف : سيف .. سسيييف ..
اتصل على الإسعاف و يوو شلوه ..
راشد : شو أسوي الحين ؟؟؟ هيه صح !!! عنود ..
اتصل لي راشد ..
انا ابتسمت : هلاآ سواف ..
راشد : عنود ..
انا بإستغراب : رششود ؟؟ وين سيف ؟؟
رشود : انتي وين ؟
انا : في السياره وياا بنات عمي ..
راشد : تعالي مستشفى توام الحين ..
انا نزلت دموعي : سيف فيه شي ؟؟
راشد : تعالي و بتعرفين ..
انا : انزين انزين يايه ..
راشد : منو في بيت عميه ؟؟
انا : فاطمه و آمم محد .. بس فاطمه .. عمتيه سارت عند ربيعتها في المقام ..
راشد : انزين خطفوا عليها هاي فاطمه و ييبواها وياكم ..
انا : انزين ..
مهاري : شفيج اييه ؟
مهوي : ليث اتثيحين ماماه ؟
انا امسح دموعي : سيف في المستشفى ..
ريماني : وصلنا البيت ..
أنا : علايه سيري زقري اختج .. بسرعه محد في البيت غيرها ..
علايه : انزين ..
زقرتها .. شوي ويت .. هي و أختها .. سرنا المستشفى سألنا عنه في الرسبشن .. قالوا انه في غرفه رقم 126 سرناا أهناك .. كان يالس يسولفٓ ويا رشود ..
ريماني : ها النسيب شبلاك ؟
سيف يبتسم : مافيني شي ..
مهوي تربع صوبه : باباه ..
انا تقربت منه و يلست عدال رشود : الحمدلله على السلامه ..
سيف رفع حاجبه : منو انتي ؟؟
نوري تضحك : هههههه سيف عن السخافه ..
سيف : لا واللہَ صدق .. منو هاي ؟
مهاري تطالعه : انا شو اسمي ؟؟
سيف : مهرة ..
نوري : و انا ؟؟
سيف : العيوز نوره ..
ريماني : انا منو ؟
سيف : السيلانيه ريم ..
ريماني : السيلانيه حرمتك ..
سيف : هههههه حرام لاا تسبينها من الحين .. يوم بعرس سبيهاا ..
راشد : سيف انته معرس ..
سيف : متى عرست ؟
راشد : من شهر و كم أسبوع .. "يأشر علي".. هاي حرمتك ..
أنا نزلت راسي ..
سيف : لااا مستحيل .. اناا ماا عرست ..
فاطمه ابتسمت بخبث : و متى بتعرس ؟
سيف : يوم بيدق في راسي ..
علايه : سيف .. انته معرس .. يوم سويت الحادث يمكن فقدت الذاكره ..
سيف : ماا ذكر اني عرست .. كنت مسافر لندن ادرس و رديت اهني .. ها اللي اذكره ..
راشد : و شو الحل ؟؟ شو نقول حق قوم عمتيه اللي هي أمك ؟
سيف : ماعرف ..
ريماني : ياااويله اللي يخبر ويقول ان سيف فقد الذاكره .. بس اللي عليك انك تمثل ولا جنه شي صاير...
مهاري : عنود حاولي تذكرين شي سيف واايد يسويلج إياه .. او گلمه گلھ يقولها ..
سيف : اذكر اني كنت احب وحده اسمها عنود .. بس كنت مسافر .. ما أشوفها وايد ..
نوري تقربني صوبه : هاي عنود ..
سيف يطالعني : واللہَ ؟
راشد : هيه صح باجر كلكم معزومين على حفله ميود .. ولديه في بيتنا طبعاً ..
ريماني تدق جتفه : هاا وقته ..
راشد : هههههه صدق عسب ماا تنسون ..
سيف : خير انشاآءالله ..
انا : سيف تذكر مهوي ؟
سيف يشلها عن حظنه : هاي مهوي ..
فاطمه : شمعنى تذكرت الكل .. الا حرمتك ؟
سيف : انتي جب .. مادري ليش بس احس اني اكرهج ..
ريماني : ههههههههههه هاي تموت فيك ..
مهاري : هيھَ صدق ..
نوري : امممم سيف بوس خد عنود ..
انا : ايييه شوو لااء ..
سيف يبتسم لي : تعالي ..
مهاري دزتني صوبه .. و باس خدي ..
نوري : تذكرت شي ؟؟
سيف : أمم لااء ..
ريماني : انزين أمسك أيدها ..
سيف : ليش بعد ؟
ريماني : ف كل مكان تمسك ايدها جنها بتطير ،.
سيف : صدق واللہ ؟
مهاري : هيھَ شبلاك مب مصدق ؟
سيف : مادري ..
مهاري : اممم انزين .. امس وين سرتوا ..
سيف : امس كنت راقد في الفندق ..
مهاري : اي فندق بعد ؟
سيف : مال السكن اللي ف لندن ..
نوري : لاا انت حالتك صعبه .. انلحس مخك گلھَ ..
سيف : انزين شو المطلوب الحين ..
ريماني : يتني فكره شرايكم ندعم سيف مره ثانيه ؟ عسب يتذكر ..
علايه : ههههههههههه غربلات بليسج تبين تموتينه ...
انا : بسم اللھہ عليه ..
.
.
.
عمتيه : وينهم العيال ..
الخدامه : انا ماا يأرف ..
عمتيه اتصلت حق اميه ..
اميه : هلا شماا ..
عمتيه : اهلين فديتج .. الا وينهم قوم مهاري عندج ؟؟
اميه : لاا بس هاذي يزوي يالسه عدالي ..
عمتيه : سأليها يمكن تدري ..
اميه ترمس يزوي : فديتج تدرين وين قوم عنود ؟ و مهاري و نوري ؟؟
يزوي : اممم هيھَ سارن يتحوطن ..
اميه ترمس عمتيه : ساروا يتحوطون …
عمتيه : هيھَ زين .. تعالي انتي عنديه محد اهني في البيت ..
اميه : مجسحه ريلي تعورني .. تعالي انتي اليوم ..
عمتيه : يالله يايه ..
.
.
.
سيف : ياخي خلاص ماا بتذكر خلوني في حالي ..
انا نزلت راسي و ابتسمت بحزن ..
راشد : انزين قوم بنرد البيت ..
مهاري : نش يالله مافيك الا العافيه ..
نوري : يالله قوم .. "ساعدته عسب يقوم" ..
فاطمه تمسك ايده من فوق و توقفه .. "ابتسمت فاطمه"
انا ارمس ريماني : آشك ان فاطمه بريئة ..
ريماني : هيه حتى انا حسيت جي .. في الحلقه الأخيرة بتطلع هي اللي مطرشه حد يدعمه ..
انا قمت وياا ريماني و مشينا صوب الكامري ركبت ويا مهاري و ريماني و مهوي و علايه و نوري .. فاطمه كانت وياا سيف و راشد .. ركبوا تاكسي و ردوا البيت ..
انا دخلت بيتنا و سرت فوق قفلت الباب و يلست اصيح .. اطلع كل اللي في خاطري .. عشان حركه فاطمه هاي الزفته .. يوم مسكت ايده .. و لانه تذكر الكل و نساني اناا .. صحت و صحت لين ماا رقدت و نشيت اليوم الثاني ..
لبست لي مخوره بنيه و نزلت تحت يلست وياا امايا ..
اميه : شفيج حبيبتي ..
انا بصوت مبحوح : ماشي .. سرت و حظنتهاا وهي كانت تمسح على راسي .. طاحت دمعتي و مسحتهاا بسرعه ..
اميه : فديتج ليش جسمج جذه حاار ..
انا : فيني حمى ..
اميه : رقدتي ؟ ريحتي ؟
انا : هيه ..
اميه : انزين وين بنتج ؟
انا قمت عنها : بسير اشوفهاا .. "بست راس امي و ايدنهاا" الله لا يحرمني منج ..
اميه : ولا منج فديتج .. يلسي هناك عندهم .. بعد شويه بييون عمال .. بيرتبون حق الحفلة ..
انا : انشااءالله ..
ظهرت من بيتنا سايره بيتهم .. "بيت عميه" .. قبل ماا ادخل ربعت مهوي صوبي لأنهم كانوا يالسين في الحوي ..
مهوي : ماماه حبيبتي وينث ؟
انا : هني ..
نوري يت عندي : لازم تدفعين بيزات .. بنتج امس راقده عندي و طول الوقت أشوفها ..
انا : يصير خير ..
مشيت وياها لين عند البنات ..
ريماني : وينج انتي امس ماا شفتج يوم ردينا من المستشفى اختفيني ..
انا : سرت رقدت ..
مهاري : عثره .. من امس انتي راقده ..
انا : هيه بلاج ياخي ..
علايه : اسميج رقدتي .. رقاد أهل الكهف ..
انا يلست عدال نوري : يبولي ريوق يوعانه ..
نوري : افا عليج .. "زخت ايدي و ودتني المطبخ"
كليت شوي و عقب يوم ييت اباا اظهر .. شفته ياي وياا فاطمه .. انا يايه اباا اظهر و هو يبآا يدخل ..
سيف يطالعني و مركز على عيوني : شحالج ؟
انا نزلت عيني : بخير ..
و سرت عنه بسرعه قبل لاا يقول اي شي ..
.
.
.
.
فاطمه ترمسه وهو ماا يرد عليها ..
فاطمه : شفيك يااخي أرمسك وانته عاطني طاف ..
سيف : افكر ..
فاطمه : ف شو ؟؟
سيف : احس انه في شي لازم أتذكره بس مب قادر ..
فاطمه بخبث : لاا تذكره انزين .. لا اتعب عمرك ..
سيف طالعهاا بنظره ..
فاطمه : شووو ؟ ماا قلت شي ..
سيف : ليش اناا اكرهج ؟
فاطمه : مادري ..
سيف : اكيد مسويه شي .. عسب جي .. فاطمه تبتسم : لاا بريئه انا ..
سيف : انزين حطي الريوق يوعان ..
فاطمه : انزين انزين ..
.
.
.
ريماني : اونج زعلانه من سيف ..
انا : لاا واللہ حشى ..
نوري : عيل شو السالفه ..
انا نزلت راسي : هو ماا يباني .. يبا فاطمه ..
مهاري : خوزي هالافكار من رأسج .. لو ماا يباج ما بتعرسون ..
انا : انزين بس انتي تشوفين كيف حالنا الحين .. ماا يقرب صوبي .. غير واايد غير عن قبل ..
علايه : مب بإيده .. مب بإيده يسوي اللي يسويه ..
انا : انزين ع الأقل يفكر فيني .. مب 24 ساعه يسير عندها و يسولف وياها ..
نوري : انزين اتذكري اي شي عطاج إياه .. او عطيتيه .. و قوليله أكيد بيتذكر ..
انا : خير انشاآءالله ..
.
.
.
.
.
الساعه 7 كنت في غرفتي في بيت ابويه .. اتزهب حق الحفلة .. لبست لي فستان وردي فاتح لين تحت الركب بشوي .. حطيت لي آيلآينر اسود .. و روج وردي هادي .. لبست High heels وردي فاتح .. لبست ساعه اقنر .. سويت فرق في شعري .. و تسريحه كوريه في شعري .. نزلت خصل على الأطراف .. تعطرت ..
مسكت العقد اللي عاطني إياه سيف : انشاآءالله تتذكر يا سيف ..
شليت عباتي مالت الحزام .. لانه البوفيه في الحوش .. نزلت تحت لقيتهم كلهم متيمعين تحت قوم نوري و مهاري و ريماني و شمسه و أختها ميثة و علايه و فاطمه ..
سلمت على شمسه و اختهاا و يلست عدال البنات ..
استانسنا وايد و رقصنا لين ماا تجسحنا .. يابوا الكيكه فيهاا صوره ميود .. و رقم 4 يعني كمل اربع سنين .. اكثر حد مستانس مهوي هههههه فديتها يالسه تلعب ويا ميود وتسولف وياه .. كان وناسه .. بعدين اميه قالت يالله لبسن عبيكن و ظهرن برع عسب تتعشون .. حسيت بدوخه اكثر من مره .. بس قاومت و قويت عمري .. و بعدين ..
انا : نوري ..
نوري : عيون نوري ..
انا : سيري عند سيف .. قوليله ايي ورا بيتنا صوب المسبح ..
نوري : اممم اوكيه ..
و سارت عند ميلس الرياييل .. وانا سرت عند المسبح ..
مهاري : انا اباا اطالع شو بتسوي عنود ..
ريماني : حجرة الضيوف تطل ع المسبح ..
علايه : تعالوا بنسير نشوف ..
اناا وقفت عند المسبح ..
سيف يـاا عندي : قالولي تبين تشوفيني ..
انا طالعته : ترااك وايد قاسي .. بزياده بعد ..
سيف يطالعني بإهتمام ..
انا : انا حرمتك مب فاطمه .. اتسير عندهاا و ترمسهااا .. واناا مب معبرني ولاآ شي ..
سيف : واالمطلوب ..
انا : لين متى بتم اتجافيني و تبتعد عنيه ؟
سيف يتنهد ..
انا مسحت دمعتي اللي طاحت على خدي : تراا الشي يعور القلب والله ..
سيف يلعب في اصابع ايده ..
انا فصخت السلسه اللي على رقبتي و راويته ..
سيف غمض عينه عسب يتذكر ..
سيف > شو هاي ؟ انا عطيتها ؟ متى ؟
طاحت من ايدي بالغلط ع الارض ..
سيف يطالعني ..
انا بصوت مبحوح : لين متى بتجافيني و بتصد عني ؟
سيف تقرب مني .. واناا ارد على وراا .. لين ماا حسيت بدوخه و على طول طحت في المسبح ..
ريماني يايه تربع هي و علايه و نوري و مهاري ..
ريماني تزاعج : عنووووووود ...
نوري تطالعه : عنووود مااا تعرف تسبح "تدز سيف" قوووم طلعهاا ..
سيف > عنود .. عنود .. عنود .. مرت في باله ذكريات يوم كنا صغار .. و يوم سرناا سويسرا ويوم العرس .. تقريباً تذكر كل شي ..
سيف بصوت خفيف : عنوود .. عنوود "يزاااعج" عننننوووود .. و عق عمره في المسبح .. تم يدورني طلعني من المسبح وانا خرسانة مااي .. و دم يصب مني ..
سيف يدق على خدي بخفيف : عنووود .. عنوود ..
يين فاطمه و ميثة و شمسه ..
ريماني : عنوود نشي ..
نوري : من وين ياي الدم ؟؟
سيف يبوسني على (.....................) عسب التنفس الاصطناعي .. و قام عني وعقب ثواني رد يسوي ..………
انا اكح و الماي يطلع من حلجي : كح كح ..
سيف : قومي حبيبي ..
من قال حبيبي .. فاطمه دخلت البيت وهي تربع ..
انا قمت ..
سيف : يوقفني يشوف وين الدم .. ظهري كله خرسان دم و ماي ..
انا غمضت عيني بقوو ..
مهاري : قوم ودهاا المستشفى ..
نوري تزاعج : قوووووووومم ..
شلني ركبني السياره وانا اطالع الصوب الثاني .. و مغمضة عيني ..
.
.
.
الدكتور "مصري" : دآ الوئت هياا تعبانه كتيير .. كانت حامل في اول أسبوعين .. سأطت البيبي .. اهتم فيهاا كتيير و حاول تبعدها ان اي زغوطات ..
سيف يتنهد : انزين ..
الدكتور : عاوز تخش عندها ؟
سيف : هيه ..
الدكتور : بس بليز من دون ازعاج .. لماآ يخلص المغذي حتطلع ..
سيف دخل عندي … و انا مثلت اني راقده ..
سيف يبوس راسي : الحمدلله ع السلامه ..
انا فجيت عيني .. سيف مسك ايدي ..
انا : شو استوى ؟
سيف ينزل راسه : مات البيبي ..
انا : اي بيبي ؟
سيف يحط ايده على بطني ..
انا حسيت ب ويع ..
سيف : الله بيعوضناا ..
انا نزلت دمعتي : انشاءالله ..
سيف : ليش هالدموع ليش ؟
انا : حرام .. كنت اباا بيبي ..
سيف يحظنني : ماعليه ..
ظهرناا من المستشفى و رديناا البيت .. خطفت اياام … مب اياام شهور .. مهاري انخطبت .. سعيد خطبهاا لول … اول شي عمي ماا كان موافق و عقب ابويه اقنعه و وافق .. ريماني اختي مااي سيس .. خطبهاا واحد خييلي .. من اهل الوثبه .. الكل كان مستانس ..
.
.
.
.
في ميلس بيتناا ..
ريماني : اففف انته ليش جذيه ؟ ماا تنطاق ؟
محمد : يععني تبيني اقولج سيري ظهري ويااهاا ..
ريماني : هيه شو يعني .. تراهاآ ربيعتيه ..
محمد : ربيعتج بس اللي بيسوق هو اخوهاا ..
ريماني : انزين شو يععععني ؟؟ اخوهاا ولاآ ولد عمها ؟

محمد يبوس راسهاا : اناا أغار .. ماابا حد يجوفج و يحسدج ..
ريماني : من جمالي ولاآ من جمالي ؟
محمد يضحك : هههههه والله انج حلوه ..
ريماني : انزين لاا تغير السالفه ..
محمد يدق راسهاا : ماا بغيرهاا ..
ريماني : قوم حوطني انزين ..
محمد : افااا عليج كم ريم عندي ؟
ريماني : لاا تقول ريم ..
محمد يبتسم : ريم ريم ريم .. و بعد ريم ..
ريماني نشت بتدخل داخل البيت ..
محمد : هههههههه تعالي يالدبه ..
ريماني بلاا احاسيه : دبه حرمتك ..
محمد نقع ضحك : ههههههههههههههههه وانتي منو ؟؟ مب حرمتيه ؟؟ ههههههههه
ريماني تقفطت و دخلت داخل ..
.
.
.
.
فاطمه : اباا المفعول يضبط عليهاا .. اباهاا تبتعد عنه ..
الحرمه : انزين يبتي صورتها ؟
فاطمه : هيھَ ..
الحرمه : والمبلغ ؟
فاطمه : يبته و زياده بعد ..
الحرمه تبتسم بخبث : السحر آليوم بيبدآ مفعوله ..
فاطمه : انشاءالله .. وإذا جفت نتايجه بعطيج المبلغ الثاني و ضعفه ..

الحرمه : افااا عليج .. اناا العمل اللي بسويه قوي وااايد .. و بسرعه يأثر ..
فاطمه : بنجووف ..
الحرمه : انزين أبي صورت الريال ..
فاطمه رفعت حايبها : ليش بعععد ؟؟
الحرمه : عشان يضبط العمل ..
فاطمه مدت لهاا الصوره : يالله اباا هالعمل يضبط ..
الحرمه : زين زين ..
.
.
.
.
.
سعيد : حبيبي وينج ؟
مهاري : في البيت وين بكون يعني ؟
سعيد : من اسبوعين ماا شفتج !!
مهاري تبتسم : اشتقت لي ..
سعيد : هيييه وااايد بعد ..
مهاري : حتى انا ..
سعيد :تعالي اناا براا .. انزلي بجوفج ..
مهاري : ويت بقول ل نوري تخبرهم ان سألوا عني ..
سعيد : يالله لاا تبطين ..
.
.
.
.
فليل الساعه 10 .. انا يالسه في الصاله ويا نوري و مهوي .. نطالع مسلسل تركي .. سيف طالع من الصبح مااعرف وينه ؟ .. و حمدان يالس ويانا في الصاله ...
مهوي : يوعانه ..
نوري تنش : بسير أسوي لي عصير ..
انا : سويلي ويااج ..
سارت نوري ..
حمدان : العنود ..
انا تنهدت : هلااا ؟
حمدان : متى بتحسين ؟
انا : احس ب شو ؟
حمدان بعصبيه : انتي ماا تفهمين ؟؟
انا نشيت لأني مب فايجه حق ويع الرأس ..
حمدان : مااا تفهمين صح ؟
انا قمت بسير المطبخ عند نوري .. سحبني بقوو ..
انا ازاعج : حمدددااااان هد ايددي ..
حمدان يلوي ايدي : احبج انزين !!!
انا قمت عنه : حقيير .. لو تحبني مااا بتسوي سوااتك .. لو تحبني كنت كتمت هالحب في صدرك و مااا اعترفت لي جدام أخوك .. لو تحبني كنت حشمتني .. انا ازاعج : هدد ايييديي اناا حرمت اخووك ..
نوري يت تربع : شو هالحششره ؟؟
سيف دخل البيت : ماشاءالله شو تسوون ؟؟
انا قمت بسير المطبخ : ما سوينا شي ..
سيف يطالعني : متأكده ؟؟
انا : هيييه متأكده ..
سيف حط ايده على حلجي عسب يسكتني و سحبني لين فوق يدخلني غرفتنا ..
سيف يزاعج : كم مره قللتلج لاااا تيلسسين وياااااه ف نفس المكاااااان ؟؟
انا ازاعج : لااااا تصصاارخ علي !!!!!
سيف : حييوانه انتي مااا تفهمين ؟؟؟! مااا فيج عقل ؟؟
انا : حيوااااااانه أمك ..
سيف : شدخل امي ؟؟
انا : لانهاآ يابتك وبلشتنا فيك ..
سيف يصفعني كف على ويهي : لاااا تسبين اميه ..
انا ازاعج عليه : جلب ولد جلللبه .. ليش تمد ايدك علي ؟؟
سيف : اشوفج تيلسين وياه مره ثانيه ..
اناا : مااااا يخصك ماااا يخصك يعلني انشاءالله اموت وياه شلك انته ؟؟؟
سيف يصفعني : والله واللہ لألعن أصلج ان شفتج وياه ..
انا دمعت عيني و طالعت كندورته صوب الرقبه ..
انا أشرت على طبعه شفايف بنت مسويه روج احمر : شوو هاا ؟؟
سيف سكت .. صخ مرة وحده ..
انا ازااعج : يااا حقييير ياااا حيوان .. كيف قدرت تخونني ؟؟؟؟
سيف : مااا سويت شي ..
انا ازاعج : كيييف يعععني مااا سويت شي ؟؟
سيف : مااااا استوى شي .. بس حاولت تغريني بس حاااولت ..
انا امسح دموعي : حسبي الله عليك ..
سيف يتقرب مني ..
انا ادزه على ورا : يااا ويلك والله ياويلك ان تقربت ..
سيف يتقرب أكثر و يمسك ايدي ..
انا خوزت ايده : قوووم .. سير عندهاا .. سيير ..
سيف يمسك ويههي : حبيبي ..
فريت عليه كل شي جدامي : انننتته حيييوااان .. "ابتسمت " لاااا قوااات عين ياي البيت ولاا جنك مسوي شي ..
سيف يغمض على عينه بقووو : ماا صار شي !!!!!!!
انا عطيته ظهري و مشيت نزلت تحت .. لين الباب ..
نوري يايبه عصير و كوكيز : ماا تبين ؟
انا : لاء ..
مهوي : ماماه ..
انا مشيت بسرعه لين ماا ظهرت من بيت عميه و سرت بيت ابويه .. دخلت غرفتي و رقدت .. يلست اشاهق من الصيااح .. راسي انفجر من كثر مااا افكر و اصييح .. اتذكر شكل شفايفهاا على كندورته صوب رقبته .. و اصيييييييح انووح من الصياااح .. بعد تفكير عميق .. اخر شي رقدت ..
.
.
.
.
مهاري تطالع الساعه اللي ف السياره : يالله بسك عااد .. ردني البيت .. ماا شبعت مني؟؟ سعيد يبوس ايدهاآ : ولاآ بشبع ..
مهاري : فديت روحك ..
سعيد يحط ايدهاآ على قلبه : جوفي كيف ينبض بحبج ..
مهاري ابتسمت ..
سعيد : يااا ويللي .. توذبني هالابتسامه تمحيني من الوجود ..
مهاري : يالله ردني البيت .. والله ابويه ان درا بيعصب ..
سعيد : شله يعصب ؟ مب اناا ريلج ؟
مهاري : الساعه الحين 11 و نص .. بيهزبني ان جافني ..
سعيد : اوك بردج البيت ..
.
.
.
.
الفير الساعه 3:30 ..
فاطمه يالسه ترمس واحد من هالخياس اللي ترمسهم .. لابسه سكيني اسود و قميص احمر و حاطه روج احمر فاااقع .. و فاجه شعرهاا ..
فاطمه : البيت اللي لونه بيج .. درايشه لونهن ازرق .. ههههه تعدلت لك كم سلطان عندي ؟ .. هيه جفتك جفتك .. يالله يايه ..
نزلت شوي شوي .. و مشت على أطراف اصابعها .. ظهرت برا البيت .. ركبت السياره و غابت السياره عن البيت ..
سلطان يبوس ايدها : آه شو هالحلآه ؟ فديتج لج وحشه من زمان مااا جفتج ..
فاطمه بدلع زايد : حبيبي حتى انا والله .. شهر كامل ماا جفتك ..
سلطان : آحححح فديت دلعج ..
فاطمه ابتسمت ...
سلطان بخبث : متى ناويه تيين الشقه ..
فاطمه : آممم مااعرف متى ماا تباني ايي بيي ..
سلطان : اكييد ؟
فاطمه : هيھَ ..
سلطان : حبيبتي انتي ..تعالي الأسبوع الياي .. بسوي حفله .. عشان عيد ميلادي ..
فاطمه : من عيوني .. بس على حسب .. اذا كنت بعدني هني في العين .. ماا بقدر ايي .. اماا اذا رديت بوظبي .. اكييييد بيي ..
سلطان : انزين غلآي ..
فاطمه : بس خلاص ردني البيت ..
سلطان : افااا مليتي مني ؟؟
فاطمه : لاا هب جي .. بس أخاف اختيه تنش وماا تجوفني ..
سلطان : عادي شو يعني ؟
فاطمه : أنتا ماا تعرفهاآ بتسويلي حفله بدون كيك ..
سلطان : هههههه يالله وصلنا البيت .. وين البوسه ..
فاطمه تبوس خده : باي ..
.
.
.
.
.
نشيت اليوم الثاني لبست لي مخوره عنابيه و نزلت ..
ابويه : صباح الخير غناتيه ..
انا : صباح النور .. "بست راسه و راس اميه" ..
اميه : فديتج متى ييتي ؟؟
انا : آمس فليل ..
اميه : تريقي بالعافيه فديتج ..
ريماني : غريبه ناشه من وقت آليوم ..
انا طالعتها بنظره ..
ريماني : شووو بسم الله ما قلت شي ..
ابويه نش : غناتيه العنود يوم بتخلصين تعالي الميلس اباج في كلمه راس ..
انا : انشاآءالله ..
سار الميلس أبويه ..
اميه تطالع ريماني : بلاه ابوج ؟
ريماني : ماا ادريبه ..
اميه تطالعني : يالله كلي عن تتأخرين عليه ..
.
.
.
.
يزوي تمشي على البحر و هي مااسكه ايده : خلناا نرد العين ..
نهيان : مليتي مني ؟؟
يزوي تبتسم : لاا والله .. بس اشتقتلهم .. اهني ملل ..
نهيان : بعد كم يوم انشاءالله ..
يزوي تضرب جتفه : لاا تزعل انزين ..
نهيان : انزين ..
يزوي توقف جدامه : ارمس جد اناا .. لاا تزعل .. تراك مستوي هالايام زعول ..
نهيان ييلس على ركبه و يبوس بطنهاا : واناا اروم أزعل على ام عيالي ..
يزوي : خليتهم عيال مره وحده !!
نهيان : ههههههه تراني ادعي كل يوم .. يارب يكونون توأم ..
يزوي تبتسم : يارب ..
.
.
.
.
.
انا دقيت الباب و دخلت عليه ..
ابويه يأشر على الكرسي اللي عداله ..
انا يلست عداله : آمر ابويه ..
ابويه يمسك ايدي : العنود ..
انا : لاا تخوفني .. قول دخيلك ..
ابويه : انتي دلوعتي صح ؟
انا : هيه ..
ابويه : سمعيني زين ..
انا اطالعه بإهتمام ..
ابويه يحط ايدي على قلبه : احس يومي قرب ..
انا نزلت دموعي : فال الله ولاآ فآلك .. لاا تفاول على عمرك الله يخليك ..
ابويه يمسح دموعي : ياليتني اقدر اقص عليج .. بس هاا الصدق ..
انا : ماا اتحمل فرااقك .. ان مت بموت ويااك ..
ابويه : لاا تقولين جي..
انا : شله تقول لي كل ها ؟
ابويه : لأني ادري انج ماا بتتحملين .. فقلت أخبرج الحين احسن ..
انا صحت في حظنه : لااا تروح عني .. بشكي ل منو عقب ؟؟ بحظن منو ؟ بتدلع على منو ؟
ابويه طاحت دمعته و نزلت على رقبتي ..
أنا ماا رفعت راسي عسب ماا أجوف دموعه ..
ابويه يحظني بقو : اتحملي فديتج .. صدقيني بيي هاليوم .. و كلكم بينقلب حالكم .. اناا ماا خبرت ريماني لأني ادريبها قويه .. بس انتي الغاليه .. الدلوعه .. غناتَ القلب انتي .. فواد ابوج .. ادريبج مااا بتستحملين .. صدقيني قرب يومي .. انا احس جيييه ..
انا اصيح بصوت : الله لااا يسمع منك .. لاا تقول جي .. اناا مااا اتحمل تغيب عن عيني ..
أبويه يمسح دموعي بصبع ايده : اسمعيني بقولج ثلاث اشياء ..
انا اطالعه ..
ابويه : أولاً غدي حرمه .. تعلمي من ختج ريماني .. استوي قويه و لاا تصيحين على كل شي .. قلبج رهيف .. طالعه على امج فوادها ماا يتحمل ... ثانياً تعلقي ف ريلج واايد .. و اسمعي كلامه .. لاا تعانديه تراه هو السند و الظهر لج .. و آخر شي .. اوعديني ..
انا : أوعدك ؟
أبويه : اوعديني توقفين ويا امج و تساندينها و تخففين عليهاا يوم الله بيآخذ امانته ..
انا أمسك ايده : انزين أوعدك .. بس ابويه انته مريض ؟ فيك شي ؟
ابويه : لاا فديتج ... بس هاذا شعوري .. و اناا احس انه جي بيصير ..
انا نزلت راسي ..
ابويه : يالله سيري عند ريلج راضيه .. ادريبج مضاربه وياه .. عسب جي امس رقدتي اهني ..
انا بست ايده و خده و راسه : انشاءالله ..
ظهرت من عنده و سرت بيت عميه .. واناا افكر .. سبحان الله شقى درا اني مضاربه وياه .. دخلت بيت عميه .. اول ماا دخلت داخل جفته توه بينزل من الدري عسب يتريق .. ربعت صوبه .. حظنته و صحت في حظنه ..
عمتيه و عميه و نوري و ريماني و مهاري و يدوه و مهوي و حمدان و علايه و فاطمه ف الصاله ..
سيف : حبيبي شو فيج ؟ بلاج ؟
انا امسح دموعي : ابويه ..
اول ماا قلت ابويه ريماني دخلت البيت و هي تصيح : تعالوااا ألحقواا على ابويه ..
سيف يمسك ايدي و يربع صوب بيتنا .. دخلنا البيت .. اميه تصيح و ريماني حاظنتنها تهديهاا .. ابويه طايح على الكرسي و مغمض عينه .. و راشد ماسك ايده ..
راشد يبتسم : ابويه انته قلت انك ماا بتخليني ف يوم من الأيام .. تذكر ؟ قلتلي يوم بتكبر بقولك اشياء وايد .. يالله قول لي ..
حمدان يقرب صوبه : ياا راشد اذكر الله .. أبوك توفى ..
راشد : لا إله الا الله ..
انا حظنت سيف و صحت و صحت لين مااا نشيت على صوتهم ..
انا : ابوويه .. وين ابوييه ؟؟
ريماني تمسح دموعهااا : تيتمنا ..
انا رديت اصييح ..
سيف يمسك ايدي : خلاص حبيبي ترحميله ..
انا : اميه .. وين اميه ؟؟
سيف : سارت عمتيه و ياا اميه فوق .. اميه يالسه تهديهاا ..
ريماني تحظني و تصيح وياايَ ..
سيف : ريم .. انتي القويه ماا توقعتج تصيحين .. خلاص فديتكم ادعوا له ..
ريماني تمسح دموعهاا : جيييه قالوا لك ريم ماا تحس !!! ترآا البنت اتحس اكثر عن الريال يكون في علمك ..
سيف : انزين خلاص ربج خذ أمانته شو بتسوين ؟؟ بعد الصلاة بيدفنونه شو بتسوين قوليلي ؟؟
ريماني سكتت ..
سيف : ترحميله و ادعي له ... هو محتاج لدعائكم الحين ..
نهيان دخل عليناا هو و يزوي ..
نهيان وييهه احمر يبين انه كان يصيح ..
انا نشيت سرت صوبه و حظنته و صحت في حظنه ..
نهيان يمسح على ظهري : خلاص فديتج .. دموعج ما بترجعه .. الله يرحمه ..
انا قمت عنه .. و يلست عدال ريماني .. دفنوا ابويه عقب الصلاه .. كنت وااااايد محتاجه افضفض له و أخبره عن سيف و عن كل شي .. بس للأسف راح و خلاني ..
.
.
.
.
ثالث ايام العزا ..
انا يالسه ع الارض و راقده على ريـِل اميه .. الناس يسلمون عليناا و يعزونا و نحن ماا نتحرك ..
ريماني يالسه على الكرسي حذال اميه .. و حذالها بنات عميه نوري و مهاري و يزوي و علايه و فاطمه ..
انا نشيت ..
اميه : وين بتسيرين ؟
انا ابوس راسها : بسير ارقد ..
اميه : سيري ريحي فديتج ..
انا : سيري ريحي انتي بعد اماايه ..
عمتيه : قومي لطوف بسير وياج الحجره ..
اميه نشت و سارت وياا عمتيه ..
يزوي تطالعني : سيف قال لي قبل ماا ترقد خليهاا تآكل شي ..
انا : بعدين ..
سرت فوق فصخت عباتي و طلعت بوكس من كبتي .. فيه صورتي يوم كنت بيبي .. و صور ابويه و اميه .. تنهدت و جفت صورته .. ابتسمت بتعب .. و مسحت دموعي .. شغلت المكيف .. سكرت الستاره .. و رقدت ..
رقدت لين المغرب نشيت و صليت فرضي .. و نزلت تحت .. جفته في ويههي ..
سيف يمسك ايدي : تعالي ..
انا : اففف .. تراني مب ناسيه ذيج السالفه ..
سيف : اي سالفه بعد ..
انا اخوز ايده : قوم عني .. تراني مب طايقتنك ..
عطيته ظهري .. و سرت يلست في الصاله عدال ريماني ..
ريماني : ريلج هاذا يتحرى البيت بيته .. و ماشي ناس داخل يبون ياخذون راحتهم ..
سيف سمعهاا و ظهر ..
.
.
.
.
فاطمه تدق عليهاا .. و ماا ترد .. سارت شقتهاا دقت الباب و فجتلها ..
الحرمه بإرتباك : اااننتي ؟
فاطمه : هيھَ انا .. ماا استوى تغير .. مااا جفت شي يديد ..
الحرمه : اممم ..
فاطمه تزاعج : خسرت بيزاتي عليج .. آخر شي تخرطين علي ؟؟
الحرمه : أمم مااكان قصدي ..
فاطمه : والله بتشوفين ان ماا وديت عنوانج و رقمج عند الشرطه ..
الحرمه : لااء سامحيني ..
فاطمه : والله ماا اسامحج على كثر الفلوس اللي عقيتها عليج ..
و سارت عنهاآ ..
.
.
.
.
محمد يتصل لهاا و هي ماا ترد .. و على آخر مره ردت ..
محمد ببرود : حبيبتي ريماااني ..
ريماني : ..
محمد : فديييتج سمعيني حسج انزين ..
ريماني : تدري انك اكبر متفيج ؟ ابويه توفى وانته اشكره متصل لي و ترمسني ببرود ..
محمد : شو تبيني أسوي .. ترآا ابوج بحسبه عمي .. حظرت العزاا و ساندت إخوانج ..
ريماني : يوم بتحس على دمك و على الأقل بتحس فيني اتصل ..
و بندت في ويهه ..
.
.
.
.
سيف دخل علي .. اناا في غرفتي يالسه فوق الشبريه و اتذكر وصايه بوويه ..
سيف يحظني من وراا : بس عاد .. بس من هالجفا ..
انا ماا صديت صوبه و تذكرته يوم قال لي تعلقي ف ريلج ..
سيف يبوس رقبتي : حرام عليج اللي تسوينه ..
انا صديت صوبه و عطيته طراااق : حراام اللي انااا اسويه صح ؟؟ جييه شوو سويت انااا ؟ اناا اللي سرت مادري وين وجفت هالخياااس و تنخث وياهم ؟؟ انا ؟
سيف غمض عينه : مااا استوى شي و قسم بالله ..
انا رفعت ايدي صوبه : تراك حلفت ..
سيف : انزين اسم الله مب لعبه .. والله انه ماا صار شي ..
انا حظنته و صحت : لااا تروح عني .. ابويه رااح .. رااح و مااا بيرد خلااص .. لااا تروح عن و تجفيني .. انت و ابوييه أغلى اثنين ف هالكون .. لاااا تروح عني ..
سيف يجابلني و يبوس راسي : ماا بروح .. بس اوثقي فيني ..
انا : انت بعد أوثق فيني .. ترآا والله انا احبك .. شو اباا ف اخوك ؟
سيف يمسك ايدي : حتى اناا احبج .. و من كثر ماا احبج و اغليج اغااار عليج من كل حد ..
انا ابتسمت على كلامه ..
سيف يقرص خدي وين الغمازة : اموووت اناا .. بسمه من شفاتج اتموتني و تحييني .. تدرين ؟؟
انا : هيه ادري ..
سيف : يالله قومي بدلي بترقدين ..
انا طالعته : برقد هني "أشرت على حظنه"
سيف يبتسم : يالله بدلي و تعالي اترياج ..
.
.
.
.
سعيد يمسك ايدها و يمسح دموعهاا : الله يرحمه ..
مهاري تغمض عينهاا بقو عسب ماا ينزلن دموعهاا مره ثانيه : والله لو تدري شقى هو طيب و حنون .. آه اناا قلبي يتقطع يتتتقطع يوم أجوف عنود و ريماني يصيحن ..
سعيد يرص على ايدهاآ : ترحمييله ..
مهاري تدعي : الله يدخلك الجنه يااا عمي ..
سعيد : آمييين ..
مهاري دمعت عينها : الفضل له هو ..
سعيد : ف شو ؟
مهاري : هو اللي اقنع أبويه عسب يوافق عليك ..
سعيد يتنهد : هييه والله .. الفضل له هو ..
.
.
.
.
.
راشد يلعب وياا مايد ..
مايد : ابويه .. وين سار يديه ؟
راشد يأشر فوق : سار عند الله ..
مايد : الله ؟
راشد : هيه ..
مايد : انزين ابويه .. اباا اسير عند مهاا ..
راشد : سير منو ميودنك ؟
مايد يطالع ايد راشد اللي ماسكتنه : باباه انته ماسكني ..
راشد يفج أيده : يالله سير .. ولاآ تسوي حشره .. على طول سير بيت عمي انزين ..
مايد : اناا شاطر ماا بسوي ..
راشد : لا تسير مني ولاآ مناك ..
مايد : اوكييه ..
راشد : شل سونيتا وياكـ ..
مايد : اوكيه ..
راشد : بطالعك من الدريشه ان سرت بروحك ياا ويلك .. شل سونيتا ..
ميود : اوكيييييه ..
راشد : انزين .. يالله سير ..
شمسه طالعه من الحمام ب روب : حبيبي بترقد ؟
راشد : لاا بترياج !! شو رايج انتي برقد هيه ..
شمسه : بسم الله شفيك لابق جنك جبريت ..
راشد : افففف أسكتي .. الحينه برقد انا .. لاا تسوين حشره عن ألعنج ..
شمسه : بسم الله انزين ..
.
.
.
.
مهوي يالسه ف حجره و يسولفون ..
مهوي تطالع نوري : خالوه اناا احب مايد ..
نوري : اونه ؟
مهوي : هييه .. "تعطيها ورقه " ثوفي اهني هو رثمني انا وياه يوم بنكبر ..
نوري : انزين حبيبتي ماا تبين ترقدين ؟
مهوي : لاا خالوه بثوف فلم وياج ..
نوري حطت ام بي سي 2 و كان طالع تايتنك ..
مايد دخل بدفاشه هو و سونيتا ..
مايد : عموووه نوووره ..
نوري : قول نوري ..
مايد : انزين .. نوري اباا أسهر وياكم ..
نوري تشله و تيلسه عدال مهوي : أسهر ويانا ..
سونيتا تطالع نوري ..
نوري : سيري عند نور مينا "خدامتنا" و نامي .. سليب ..
سونيتا : اوقيه ..
.
.
.
.
.
يزوي تحظنه : حبيبي والله ..
نهيان يبتسم بحزن ..
يزوي تجابله : والله انا وايد فخورة فيك .. و احس انك وااايد قوي .. لماا ضعفت و انهرت شرات إخوانك الباقيين ..
نهيان يمسك ايدهاآ : ترى الريال يحس .. بس ماا يعبر عن حزنه ..
يزوي تبوس خده : عساك ع القوه ..
نهيان يقربهاا صوبه : يزوي انتي ماا زعلتي على موت ابويه ؟
يزوي : شقى تباني ماا أزعل .. هاا عمي .. أخو ابويه .. و ابوي ريلي .. والله آني ماا شفت قلب أطيب عن قلبه "تبتسم ببؤس" حتى كان يعتبرناا انا و مهاري و نوري شرات بناته ..
نهيان يبوس راسهاا : يالله ارقدي ..
يزوي : انته بعد ارقد ،. ولاآ تفكر في شي ..
نهيان : انشاءالله ..
.
.
.
.
محمد : شحالج عمتيه عساج بخير ؟
اميه : الحمدلله بخير .. و من يداك ؟
محمد : بخير ربي يسلمج ..
اميه : هاا محمد تعشيت ؟
محمد : هيه فديتج ..
نزل راسه ..
اميه فهمت : دقايق و بزقرهاا ..
محمد يبوس راسهاا : تسلمين عمتيه ..
اميه تزاعج في الصاله ..
اميه : نيينا .. نييينااا ..
نينا : يس مدام ..
اميه : كول كانتي ..
نينا : اوكي مدام .. و سارت ..
شوي و يت كانتي ..
كانتي : شو يريد ماما ؟
اميه : سيري زقري ريم ..
كانتي : لا لا لا لا لا .. انااا في واااجد كووف ..
اميه اول مره تبتسم من بعد العزاا : هههههه سيري قوليلها في ريال يباج في الميلس ..
كانتي : اوقي ..
سارت كانتي فوق ..
الخدامه "كانتي" تدق الباب .. لان ريماني قافلتنه ..
ريماني تزاعج : منوووووو ؟
كانتي : هادا اناا كانتي كانتي ..
ريماني : خير شو تبين ؟
كانتي : اووختي رييم .. فيي وااهد يرييد انتي داكل مجلس ..
ريماني يلست لانها كانت منسدحه
ريماني بزعيج : شو يباا؟
كانتي شوي و بتصيح من الخوف : اناا ماا يأرف شو يريد ..
ريماني : عنلاتج .. انتي في شي تعرفينه اصلاً ..
ريماني تفج الباب : تانكي شوو العشاا ؟
كانتي : بابا راشد يجيب اكل من متأم ..
ريماني : زين .. حطيلي ..
كانتي عطت ريماني ظهرها بتنزل تحت .. و عقب ردت ..
كانتي : اوختي ريم .. اسم مال اناا كانتي مافي تانكي ..
ريماني عصبت : لاا هاللي ناقص بعد .. تيين تعلميني كيف ينطقون اسمج .. تانكي ف عينج انشاءالله قولي آمين ..
كانتي ترفع ايدهاآ : آمين ..
ريماني تبتسم : غبيه غبيه هالخداامه ..
.
.
.
.
محمد يالس يلعب في اصابع ايده ..
ريماني : شووو يابك بيتنا ؟؟
محمد يتقرب منهاا لين ماا لصق فيهاا : شو فيج انتي شو بلاج ؟
ريماني تنزل عينها : ماا بلاني شي ..
محمد : متأكده ؟
ريماني : هيه ..
محمد : عيل ليش ماا تردين علي يوم اتصلبج ؟
ريماني تبتسم بحزن : ابويه مااات .. تباني اتفيج ل عيونك و ايلس أرمسك ؟
محمد : اوووهوو ذليتيناا عاد .. ابويه و ابويه .. حتى اناا بويه مااات .. مآات يوم كنت ياهل .. خلاص سار عند ربه .. تتحرين اني مب مشتاقله ؟ لااا و حياتج ابااه الحين اكثر عن قبل ..
ريماني حظنته و تمت تصيح ..
محمد يمسح على ظهرها : حبيبي .. خلاص .. اذكري ربج ..
كانتي يايه و يايبه وياها صينيه عصير و فطاير ..
كانتي : اوووبس والله انا ماافي مألوم .. انتواا في سوي شزي .. سوري اووختي ..
ريماني : عنلااااااته من منطوق .. بأي لغه ترمسين انتي ؟؟ انجلعي اجوووف ..
كانتي بخوف : سوري اووختي ..
و سارت ..
محمد يبتسم : مسويه فلم رعب حق الخدامه ..
ريماني : تستاهل هالجلبه ..
محمد : انتي حلوه يوم تضحكين ..
ريماني : ادري ..
محمد : خل عنج ..
ريماني : والله ادري اني حلوه ..
.
.
.
فزيت على صوت المطر و البرق و الرعد ..
انا اوعيه من رقاده : سيف .. سيف ..
سيف : هممم ..
انا لبست شيلتي .. كنت لابسه بجامه حرير ورديه .. نزلت تحت حصلت ريماني نفس الشي يالسه تلعب في المطر .. وهي لابسه بجامه و حاطه شيله على راسهاا ..
انا : ريموووه ..
ريماني : ياخي شو هالاسم ..
انا ابتسمت : اسمج ..
ريماني : قولي ريماني .. مب ريم ولاآ ريموه ..
انا : انزين ..
ريماني تناقز ع الماي : ليش ماا رقدتي ؟
انا امشي في الحوش : فزيت على صوت المطر .. وقلت بنزل بلعب ..
ريماني تبتسم : ياهل ياااهل ..
انا : على طاري الياهل : وين مهوي ؟..
ريماني : راقده عند نوري ..
سيف يمسكني من خصري و اييرني صوبه : ليش ماا وعيتيني ؟
انا استحيت شوي لانه سوا هالحركه جدام ريماني : وعيتك .. بس ماا طعت تنش ..
سيف يجابلني ويبوس راسي : صباح الخير ..
انا : صباح النور ..
ريماني نشت : بسير ارقد انا ..
انا اطالع الساعه : اوييه الساعه 2 الحين ..
ريماني : هيه وقف المطر ..
سيف يمسك ايدي : شرايج نظهر ؟
انا : وين نسير هالوقت ؟
سيف : اي مكان .. المهم نستانس ..
انا اتثاوب : الحينه برقد .. يوم بنش يصير خير ..
سيف : يالله انزين ..
.
.
.
.
. __DEFINE_LIKE_SHARE__

مشاهدة نتائج الإستطلاع: عيبتكم الروايه ؟
حلوه	37	100.00%
مب حلوه	0	0%
سخيفه	0	0%
مب شي	0	0%
المصوتون: 37. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
∞ حبگكّ تمگنْ في قلبِيِٓ ۆ استحلھَہ ۆ آلغلاآ وٰ الشووٰق سيطرَ فيھَ كلھّ '♡♡ ♪	Fox Almzro3i	استراحة قصص وابداعات الاعضاء	0	12-15-2012 10:47 AM
عُرض جَديدِ على خَدمات التصميم + مُفآجئه اخرّ المَوضُوع♡♡	محروم.كوم	منتدى أخبار المواقع والمنتديات العربية والأجنبية	0	11-12-2012 03:10 AM
ليه آلعطر #' وانتي انفاسكك دخون ليه آلكحل .. وآنتي مم مثلك ‹$ = عيون ♡♡♡	وتر القلب	عدسة الاعضاء , كاميرا الاعضاء	5	08-07-2012 01:00 AM
*هَل أخّبرتگ يَومًا ﺑ/ أنْنِي ؛ أتشّبعَ ‹ عِشّقًا ♡♡ › بگ گل يّومَ !	porshcia	عدسة الاعضاء , كاميرا الاعضاء	5	07-25-2012 03:11 AM
ミ♡彡ミ♡彡كيف تختم القرآن اربع مرات في شهر رمضان المباركミ♡彡ミ♡彡	محروم.كوم	منتدى أخبار المواقع والمنتديات العربية والأجنبية	0	08-20-2011 05:30 AM