.
.
البارت السابع
.
.
نزلت من السيارة و سرت صوب سيف .. مسكت ايده و ابتسم لي .. سرناا بيت عميه اول شي دخلت شفتهم كلهم متيمعين .. حمدان كان يطالعني وانا كنت اتجنب نظراته .. سرت سلمت عليهم و عقب يلست عدال سيف ..
ابويه : هاا سيف شحالك ؟
سيف يبتسم : بخيير .. ربي يسلمك ..
أبويه يبتسم : مستانسين مع بعض ؟

انا : هيھَ ابويه ..
ريماني تمد ايدها : تعالي اباج ..
انا مسك ايدها و سرت وياها ..
ريماني ودتني الميلس لان كنا يالسين ف الصاله .. و الشله الكريمة كانت يالسه تترياني ..
انا : وينكم ادوركم ..
يزوي تسلم علي : شحالج عروستنا ؟
انا ابتسم : بخير يالعروس ..
مهاري تمسك ايدي : يالله قولي ..
انا : شو اقول ؟
نوري بخبث : شو استوى امس ؟
انا أحمريت : ماا استوى شي ..
مهاري : الأحم احم ولا بس باسج ..
انا شوي و بدفن عمري : بس باسني ..
مهاري و ريماني و نوري صارخن : أأأاآأإأآإإءءءء ببباااااااااسسسسجج !!!!!!!!
حتى اللي في الصاله سمعواا و ياا سيف يربع ..
سيف متروع : بسم الله شو استوى ؟
اناا : ماشي ..
سيف : ليش تصارخن ؟
ريماني : دليل ع المفآجأه و الدهشه ..
نوري : اها مس فتحيه ..
ريماني : نعم ؟ لقد تفآجأنا ..
سيف يحج راسه : آنزين من شوه تفآجأتن ؟
مهاري : أمممم .. سيفوه وين بتسافرون ؟
سيف يبتسم : هيه غيري السالفة .. دهان سير لآه ؟ ماا عليه بنسير سويسرا ..
نوري : ههههههه ...
سيف يطالعني : يالله بنسير دبي .. طيارتنا الساعه 2 ..
ريماني : الحين الساعه 10 سيروا عسب تلحقون ..
اناا سلمت عليهم : بشتااقلكم ..
مهاري : اول ماا توصلون اتصلوا ..
نوري : سارت يزوي ؟
سيف : هيه توهم .. " يمسك ايدي " يالله انسير ..
سلمنا على اميه و ابويه و عمتيه و عميه .. و عقب ركبنا السياره ماسكين خط دبي ..
انا اطالعه بصدمه : سواف !!!
سيف : عيونه ؟
انا : نسينا الأغراض !!!
سيف : لاء يبتهم ..
اناا ابتسمت و زخيت قلبي : الحمدلله ..
سيف : ههههههه ليش بسم الله يعني لو ناستني انا ماا بتسوين فلم شرات احين ..
انا اطالعه و أحط راسي ع جتفه : أنا ماا انساك ..
سيف يبوس راسي : فدييت حرم سيف ..
.
.
نهيان يالس يسوق في السياره و وياه يزوي ..
يزوي : ليش ماا نسير وياا قوم عنود ..
نهيان يطالعها : وين نسير ؟
يزوي : قصدي نسافر وياهم نفس المكان ..
نهيان : اناا كنت ناوي احجز وياهم بس قلت ماا بناخذ راحتنا ..
يزوي : ..
نهيان وقف السياره .. و طالعها : اليازيه انتي تدرين اني احبج .. بس انتي ولاآ مره حسستيني انج تحبيني !! دوم تصديني و تحبطيني و حتى ماا تعامليني ك ريلج !!..
يزوي بصوت خفيف : انزين اناا شو سويت ؟
نهيان : لا تقولين شو سويت .. سويتي واايد اشياء .. يعني شوفي الحين حال سيف و عنود غير عن حالنا .. هم مستانين و نحن يالسين نضارب ..
يزوي سكتت ..
نهيان بعصبيه : مادري ليش تحسسيني اني مسبب لج نكد ..
يزوي صدت الصوب الثاني ..
نهيان يتنهد : مااشي حجوزات حق سويسرا و دامج ماا تبين نسير ماليزيا ماا بنسير رادين البيت ..
نهيان حرك السياره صوب العين و سار بيتناا .. اول ماا وصلواا يت ريماني عندهم .. لانهاآ كانت يالسه ف الحوي .. تأكل كيك ..

ريماني بدهشه : ليش رديتوا .. ؟
يزوي نزلت من السياره .. ماا تحملت و صاحت ..
نهيان تنهد : ريماني ديري بالج عليها .. و نزل ركب سيارته الثآنيه و سار ..
يزوي تصيح : ماا يحبني !!
ريماني يلست تهديهاا و عقب سارت وياها غرفه نهيان و يزوي قالتلها كل شي بالتفصيل ..
ريماني : اممم تبين الصدق ؟ الغلط منج ..
يزوي : كيف يعني ؟
ريماني : حسسيه انج حرمته .. دلعيه ..
يزوي تطالعها بعين ؟ مجربه الأخت ؟
ريماني تبتسم : خبره يــــا حبيبي خبره ..
يزوي تمد البوز : انزين اناا احبه ماا أباه يزعل شو الحل ؟؟
ريماني : تعالي ..
يزوي كانت لابسه عباتها .. و ريماني سحبت يزوي لين حجرتهاا و لبست ريماني عباتهاا و سارت غرفه الدريول هي وياها ..
يزوي : وين بنسير ؟
ريماني تبتسم : ماا عليج انتي بس سكتي شوي ..
يزوي : انزين
ريماني تدق الباب : رششييد ..!!
شوي و ظهر الدريول ..
رشيد : شو يريد اووختي ؟
ريماني : تعال اركب سياره ..
ركبن السياره وياه و سارن باسكن روبنز .. ريماني طلبت 2 ميلك شيك ، و كيكه باسكن .. و عقب ردن البيت ..
يزوي : حق شو الكيكه ؟
ريماني : انا بقولج ..
سارن فوق عند حجرة يزوي و نهيان .. ريماني اختارت حق يزوي قميص نوم حلو شرات الفستان .. و قالتلها ..
.
.
انا : الساعه الحين 1 و نص ..
سيف يبوس يبهتي : يمديناا ..
انا ابتسمت له و نزلنا من السياره .. شل سيف الشنط .. و سرناا داخل المطار .. نخلص اجرآئات السفر .. و يحط الشنط .. انا كنت يالسه ارمس ريماني ع البيبي ام ..
ريماني : و اونه نهيان زعلان ..
انا : من حقه انزين ..
ريماني : احس حرام اللي استوى ..
انا ؛ هيھَ واللہَ حرام .. ليش ماا يسافرون ..
ريماني : انزين انتي هالله هالله بعمرج ..
انا : افاا عليج .. ذيبه اختج ..
سيف يطالعني : حق شو مبتسمه ..
انا ابتسم : يالسه اسولف ويا ريماني ..
سيف : توه نهيان اتصلي قال أنهم ماا بيسافرون ..
انا : هيه .. قالتلي ريماني ..
سيف يمسك ايدي : يالله نسير ..
سرناا اتجدمنا صوب البوابه .. شوي و قالوا بالمايك ان الرجااء من المغادرون ألى سويسرا .. الدخول من بوابه رقم 172 .. دخلناا و مشيناا لين الطياره … و دورنا كراسينا و يلسنا …
سواف يحظني : خايفه ؟
انا اطالع عيونه : و اناا معاك ما أخاف من شي ..
سواف يبوس راسي : عساني ماا أنحرم ..
بعدين حطيت راسي على صدره و يلس يربت على جتفي لين مااا رقدت .. نشيت على صوته وهو يوعيني ..
سيف : حبيبي .. شو تبين تتغدين ؟
انا بنبره طفوليه : الموجود ..
سيف قال حق المضيفه و عقب سارت تييبه و يت عندنا .. انا كنت آكل شوي شوي ..
سيف يطالعني : شبللاج ؟
انا : ماشي ..
يلست اكل .. و عقب شبعت و رديت رقدت .. سحبني سيف صوبه و رقدنا سوا .. نشينا هالمره على صوت الأجانب و هم يتهامسون ..
الأجنبية تبتسم لنا : يوو آر قايز سوو كيووت توقاذار ..
سيف يطالعني ..
الأجنبيه : ناو وي ويل أرايف تو سويتزلاند ..
انا تعدلت : اها اوكيه ..
الأجنبيه : باي ذا ويي ام ليندا فروم بيرن ..
*بيرن عاصمه سويسرا* ..
.
.
نهيان يدخل الحجره .. و تفآجأ بالشموع و الورود المنثورة على الارض .. يلس يمشي لين داخل .. بس ماا حصل حد ..
نهيان : اليازيه ؟
يزوي كانت منخشه في غرفه الملابس ..
يزوي ف خاطرها : الله يغربل افكارج ياا ريموه ..
نهيان ياا صوبها : يزوي ؟
يزوي تتقرب منه : آمم نهيان ..
نهيان : عيونه ؟
يزوي تحط ايدها على رقبته من ورا و تطالع عيونه .. و بعدين نهيان وخى وباس راسها ..
يزوي تمسك ايده و تمشي وياه لين الطاولة اللي فيها الكيكه ..
نهيان يبتسم : كل هاا حقي ؟
يزوي تطالعه : هيھَ ..
نهيان يمسك خصرها : اناا مااباا كيك ..
يزوي تطالعه : شو تباا عيل ؟
نهيان : اباج ماا تزعلين من الكلام اللي عقيته عليج ..
يزوي تنزل راسها : آسفه .…
نهيان يرفع راسهاا : انا اللي لازم اتأسف مب انتي .. انا آسف آسف آسف ..
يزوي تجرأت و قدمت ويهها صوبه و بعدين …
.
.
Cut
.
.
.
وصلنا العاصمة *بيرن* كان الجوو يخخبل .. الشمس طالعه و شي مطر بعد ماا نزلنا من الطياره .. و ركبنا تاكسي عسب يوصلنا الفندق .. سرناا الفندق و كان وااااايد حلوو يجنن .. دخلنا الجناح اللي طالبينه و انا على طول انسدحت ..
سيف يبتسم لي : سودانية لازم تتسدح ..
انا : تعبانه و منهد حيلي ..
سيف يضحك : ههههههه تبيني اسويلج مساج ؟
انا ؛ لا شكراً ..
سيف يشلني : قومي تعالي نستكشف الجناح ..
كان فيه حمام * الله يعزكم* وايد عود و فيه مسبح صغير و جاكوزي .. و كان فيه غرفتين حق النوم و حده لونها اسود ويا رمادي و وحده لونها احمر و رمادي .. اخترنا الحمرا لانها أكبر .. و الصاله فيهاا كراسي دائريه لونهاا ابيض و اخضر و عيناوي فيهاا تيلفزيون و المطبخ كان متروس اكل .. و احلى شي في الجناح .. البلكونه .. وايد عوده و تطل على وايد أماكن ..
انا اطالع المكان بدهشه : وااااو !!!
سيف يحظني من ورا : حلو المكان ؟
انا أصد صوبه : هيه وااااايد حلوو ..
سيف يبوس خدي : انتي الواو ..
انا : يالله نتصل حق اميه و ابويه ..
سيف يطلع الفون من مخباه .. بناخذ رقم و عقب بنتصل ..
انا اطالعه ؛ انزين يووعانه ..
سيف : شرايج نطلع ؟
انا اطالعه بحماس : يالله ..
سيف يبتسم بخبث : ابا بوسه اول شي ..
انا تقرب منه و سحبت راسه صوبي و بسته ..
سيف يطالع عيوني : احبج ..
انا اطالعه : حتى اناا ..
سيف : لا انا اكثر ..
انا اسير عنه : لا تناقشني انا اكثر ..
سيف : لا اناا .. ماا يخصج كيفي انا اكثر .. يالله سيري غيري ثيابج بلا نقاش ..
انا ابتسمت له و يايه ابا ارمس .. حط صبعه على شفايفي ..
سيف : سيري بدلي لا تجادليني اناا اكثر ..
انا سرت أبدل ثيابي طلعت لي سكيني ابيض قميص كحلي لين فوق الركب ب شوي و حطيت لي جحال ابيض و قلوس وردي .. و لبست لي جي شي شرات " الكاب" شرات مال الأولاد عسب يغطي شعري .. و لبست بوت اسود .. دخل علي سيف و كان كاشخ ..
سيف : لبسي جاكيت حبيبي .. برد برا
انا : انشاءالله .. يلست أدور اي جاكيت يليق على اللي لابستنه .. حصلت جاكيت كحلي و اسود خفيف لبسته .. و ظهرت ويا سيف برا الحجره ..
سيف يعدل جكيتي : ليش انتي وايد قصيره ..
انا ابتسم : واللہَ شوي و بوصل طولك ..
سيف يبتسم ؛ بس بعدج قصيره ..
انا اطالعه : انا مب قصيره انته الطويل ..
سيف يمسك ايدي يحطها ع خصره و يمشيني لين برا الجناح .. سكر الباب بالقفل ومشيناا سوا ..
سيف : بردانه ؟
انا اطالعه ؛ لاا عادي ..
كنا يالسين نمشي على نفس الوضعيه .. ايدي على خصره .. فجأة شفناا الأجنبيه اللي اسمها ليندا ..
انا سحبت سيف الصوب الثاني و كملنا مشي و عقب حصلنا تاكسي ركبناا فيه متوجهين ل شارع گلھَ مطاعم من كل الدول .. وصلنا هناك و اناا يوعانه موووت الساعه كانت 4 العصر يعني 7 في الإمارات .. كنا نمشي اناا وياه ندور مطعم حلو .. عيبني شكل مطعم من برا .. كان طابقين و الطابق اللي فوق مفتوح .. دخلناه و بالصدفه طلع مطعم لبناني .. طلبناا عرايس و تكه و كباب و حمص و تبوله .. كليناا لين ماا شبعنا .. و خذناا رقمه عسب نتصل له مره ثانيه ..
.
.
حمدان كان يالس ع البحر .. و كان يصيح من القهر ..
حمدان ف خاطره : آه يــــا دنياا .. الأنسانَه اللي حبيتها من صغري .. اللي كنت اموت و لا ازعلها .. حتى كنت اذكر يوم نحن صغار ريماني تاكل اسكريمهاا وانا اعطيها اسكريمي .. كان سيف يضربها و انا كنت أدافع عنها .. ماا اقدر اتخيل اللي صار ف لمحه هالانسانه كبرت و استوت تكن مشاعر لـ أخويه .. مااا استوعبت هالشي .. انقهرت .. واللہَ انقهرت .. احين بنحرم من شوفتها من ضحكتها من صوتهآا .. و بسمه شفاتها … يعلني انشاءالله اموت ولا اعيش وياها تحت سقف واحد لااا و تكون حرمه أخويه بعد !!! واللہَ انه شعور يعور القلب .. لدرجه ان ودي انتحر عسب افتك من كل هاذا ..
مسح دموعه و مشى بيركب سيارته ..
.
.
.
ريماني تدق الباب بقوو : صلاااااااه صلااااه يااا عبااد اللھّہ و يلست تطبل ع الباب و تغني ..
يزوي تنش و تخوز عنه .. لانها كانت راقده على صدره ..
نهيان : افففف اففف والله ان ماا سكتت بطلع العن خيرها ..
يزوي تبوس خشمه : نش يالله بسك رقاد .. قوم صل صلاه العصر ..
نهيان يطالعها : بس عشان البوسه بقوم ..
يزوي سارت تطلع لها ثياب .. طلعت مخوره حمرا .. شوي و طلع نهيان بكندوره ساير المسيد .. يزوي دشت الحمام و توضت و بدلت ثيابها و ظهرت ..
ريماني : حشاا رقااااد أهل الكهف ..
يزوي تبتسم لها : كناا رقدناا انزين .. شو نسوي ..
نهيان رجع من الصلاة .. و يلس وياهم و عقب قال حق يزوي تزهبي بنظهر .. يزوي سارت بدلت ثيابها و تعطرت .. لبست عباه الحزام .. و ظهرت وياه ..
نهيان يمسك ايدها .. و يزوي ابتسمت ..
يزوي : وين بنسير ..
نهيان يطالعها : بنسير نحوط ..
يزوي : اوكي ..
ركبوا السياره متوجهين لـ بوظبي .. و تحديداً عالم فيراري .. اول ماا وصلواا ..
يزوي تطالعه : الله !!
نهيان : اول مره تيين ؟
يزوي تبتسم : كناا تقول حق ابويه نبا نسير بس هو دوم يأجل السيره ..
نهيان : يالله اناا يبتج هني ..
نزلوا من السياره و دخلواا داخل و بصراحة يزوي استانست .. كان في عرض حق السيايير و ألعاب .. و غيره و غيره ..
نهيان يبتسم و يمدلها *شعر البنات* : تبين ؟
يزوي : هيه ابا ..
يت بنت عند نهيان و فرت له الرقم .. " تغمز له " : اتصل لا تنسى ..
نهيان قطع الرقم و فره ف ويهها : رقمج الزباله يا زباله ماا نباه ..
يزوي عصبت بس ماا بينت عصبيتهاا و مسكت ايده و مشت وياه ..
نهيان يطالعها : ليش معصبه ؟
يزوي : مب معصبه ..
نهيان يعدل حواجبها : والله معصبه .. قولي ليش ؟
يزوي تطالعه : يعني ماا تباني اعصب ع عالحركه ؟
نهيان : اي حركه ..
يزوي تضرب جتفه : لاا تستغبى ..
نهيان يبتسم : عادي شو فيها الحركه ؟
يزوي تزاعج ف أذنه : اغاااااار يااا حيوان .. نهيان ابتسم و باس خدهاا : فديتهم اللي يغارون ..
يلسوا ياكلون و يطالعون العروض لين الساعه 7 و عقب ردوا العين ..
.
.
كنا رادين الفندق و شفناا " ليندا "
انا تنهدت : ويهها ماا اييب الخير ..
سيف يبوس راسي : لاا تعطينها ويه ..
انا : تقهرني حركاتها !!!!!
مشيناا لين المصعد و تقدمت صوبنا ..
ليندا تبتسم : هااي .. " تطالع سيف " يور وايف إز سو بريتي ..
سيف : ثانكيو ..
ليندا : أممم كان اي توك تو يو " تأشر علي "
انا : شور .. وت يو وونت ..
ليندا تطالع سيف : الووون ..
سيف سار عند مال الاستقبال .. و ليندا سحبتني ظهرتني برا الفندق ..
انا اطالعها : وت يوو وونت فروم مي ؟
ليندا : كم وذ مي ..
انا عصبت : اي دونت وونت ..
ليندا تسحبني بقو : كككممم وووووذذذ مييي ..
انا ازاعج : سيييييييييف .. سسسواااااااااف ..
ليندا تسحبني لين السياره ..
اناا : سسسييييييييف ..
سيف ظهر من الفندق شافني راكبه السياره غصب وياها هي و ريالين ..
سيف يربع صوبنا : عنووود ..
تحركت السياره واناا يالسه ازاعج و احاول ابطل ايدها ..
.
.
.
شو رايكم ف البارت ؟
.
.
.