.
.
.
البارت الثاني ..
.
.
.
بعد سنتين …
كنت يالسه ف الحجرة ارمس مهروة على البيبي مسن .. ريمااني يايه ترررربببععع .. خوفتني الزفته !!
ريماني تفج الباب تدخل و تسكره بقووو من الخااطر : عننننوووووددد !!!!!!
انا اطالعها : بسم اللھّہ شو بلاج ؟
ريمااني تتنفس بصعوبه : سيف ..
انا : منو سيف ؟
ريماني تأشر على الدريشة : ياا من السفر ..
انا نقزت عند الدريشة و يلست اطالعه .. كاان توه يبآا يدخل بيت قوم عمي .. معضل و طول شوي ..
ريماني تسحبني برا الغرفة لين تحت وين الباب العود .. وين الحوي مال بيتنا ..
انا : يااااااا حيييووووواااااننننههه !!!
ريماني : هههههههههههههههههه شوفي شوفي شكلج كيف يضحك .. هههههههههههه
كان شكلي مبهدل و كم الجلابية طايح عن جتفي و الشيلة على رقبتي و قصتي ظاهرة ..
انا اعدل عمري : حيوانه .. واللہَ حيوانه ..
ريماني تيلس ع الارض من كثر الضحك : ههههههههههههههههه بسير بسير ازقر سواف عسب يشوفج جي ههههههه ..

انا اطالعها وفيني صيحه : زفته انتي تيييسه حماره ..
سواف يــــا من ورا و انا كنت عاطتنه ظهري و ريمااني جدامي ..
سيف : تؤ تؤ تؤ شو هالكلام ؟
ريماني تضحك : ههههههههههههههههه فاااتك شكلهاآ ..
سيف يطالع ريماني : انتي ريم أعرفج .. بس منو هاي ؟
انا يتني الصييحه من كثر الشوق و من هالنذله ريمااني .. عيوني غرغرت و مشيت ابا ادخل بيتنا ..
ريمااني تنش من ع الارض : هاي عنود .. اختيه ..
سيف يالس يطالعني وانا عاطتنه ظهري و يالسه امشي : حرمتيه ؟
ريمااني تضحك : هههههههه هيه عنبو فقدت الذاكره ولا شو ☺؟
سيف يلحقنيِ و عقب شاف ويهي وحظظني بقوو : سامحيني واللہَ ماا شفتج .. عسب جي ماا اعرف منووه انتي !! و لااا اناا مشتاقلج وااايد واااايد .. اشتقتلج اكثر عن امي و ابوووي ..
انا ارفع راسي و عيوني ادمع : حيوان ليش طولت ؟
سيف يطالعني : فديييتتته فدييت اللي يصيح من الششوق فدييييته ..
انا ادز صدرته : قووٰم ..
سيف ياا جدامي و يلس يطالعني : ضعفتي .. وااايد شكلج متغير .. و " يغمز لي " محلوة ..
ريمااني يت صوبنا : شوو تسووون ؟ شوو تقولون هالكثر ..
انا مشيت بدخل بيتناا و مشى سيف وياي .. شفناا يدوة ..
يدوة تصيح : يالرغيد يالماااصخ ..
سيف يبوس راسها : علني افداج يدووه ..
يدوة تحظنه .. و بما انه هي قصيرة كان سيف يضحك ..
يدوة تهزبه : يالتيس عنبووك شله تضحك ؟
سيف يسحبني صوبه : نباا نعرس ..
يدوة : عرس انزين آمنو زخك ؟
سيف : خلاص باجر بنملج في المحكمة ..
يدوة تطالعه و تضربه : نبغي نسوي عرس و نفرح فيكم .. انته ونهيان ..
سيف : انزين .. نهيان وينه ؟ ماا شفته ..
انا : سار عند ربعه ..
يدوه : باجر بسوي عزيمة .. يعني بنذبح .. و بنسوي غدى ..
سيف : ليش شو مستوي ؟
يدوه : لانه شفنااك وفرحناا فيك ..
سيف : يدوه وين عميه و عمتيه ؟
يدوه : عمك في الشركة وياا أبوك ..
سيف : هيھَ ابويه ماا شفته ..
يدوه : و عمتك تسوي الغدا داخل ..
انا اطالعهم : ماا تعبتوا من الوقفه ؟
يدوه : تعال فديتك ايلس وياي داخل ..
انا مشيت جان يزخ ايدي و يهمس ف أذني : لاا تروحين عني ..
انا ابتسمت و مشيت وياه داخل ..
سلم سيف على اميه و يلس يسولفٓ ويانا و يت نوري و مهاري عندنا .. و بعدين ابويه و عميه يوو من الشرككه و تغدينا .. و ابويه اصر انهم يذبحون باجر .. نسيت أعرفكم على عايله بو حمدان ..
ام حمدان " شما " + بو حمدان " راشد " : 41 سنه متفاهمين و يحبون الهدوء يوم يتفاهمون .. و طبعهم الخايس هو أنهم وااايد يصرفون بيزات .. وهم عوآمر .. و بما انه نحن عيال عمهم يعني نحن عوآمر بعد :*
حمدان : مب معرس .… عزابي .. يحب بنت عمه العنود .. مهاري و ريماني و نوري و انا نعرف .. وايد كتوم .. علاقته ويا اخوه عاديه .. يعني ماا يفضفض له ولاآ يرمسه وايد .. عندهما السيايير : نيسان .. و كامري ..
سيف : ضعيف بس معظل .. خشمه سيف .. كشييخ .. طيب .. شفايفه احلى شي فيه مرسومه رسم .. عنده رنج و G55 .. يحب يرمس عامري .. 21 سنه ..
يزوي : 20 سنه هاديه .. تيهاا حالات تعصب و تنرفز اللي حواليها .. قصيرة شوي .. يعني انا أطول عنها هيهيهيهي .. تدرس في التكنولوجيا ويانا .. خشمها صغير .. شعرها أسود .. بشرتهاا بيضاا وايد فاتحه .. و عيونهاا صغار بس رموشها مااشاءالله غليضه .. نهيان خاطبنها .. و عرسهم بيكون وياا عرسنا ..
نوري و مهاري " نورة و مهرة " بس نوري مات تحب يزقرونها ' نورة ' يحسسونها انها عيوز ههههههه .. توأم 19 سنه يعني كبرنا انا و ريمااني .. مهرة عيونها كبار لونهن عسلي .. خشمها عادي شرات حمدان .. ضعيفه وااااايد .. تحب تااكل بس ماا تمتن ..
نوري حلوه واااايد .. ملامحها شرات سيف .. نفس الخشم نفس العيون .. بس نوري أطول عني شوي ..
.
.
في الصاله :
عميه : وين حمدان ؟ ماا جفته اليوم !!
ابويه : كان ظاهر ويا نهيان ..
نهيان : اناا هني .. سرنا عند ربعنا و ردينا ..
راشد : يعني رد ظهر ..
يدوه تطالعنا : و انتن اشوله يالسات أهنيه ؟؟ قومن سيرن عند الحريم ..
انا أقوم : يدوه خلينا نريح توناا ماكلين ..
نهيان : نطق نطق البوس مالهم "boss"
يزوي : خلاص يدوه ولاآ يهمج بنظهر برا البيت ..
نهيان : يزوي قري مكانج .. " يبتسم " مب سايره مكان ..
نوري : نهيييااان !! نسيبنا الجميل ..
نهيان : احم احم ..
مهاري : قوم ظهرنا .. نبا نسير بوادي ..
نهيان : انزين انا شدخلني ؟ سيرن رمسن اخوكن ..
سيف : لاا علني فداكن قرن هني ..
انا أطالع سيف : ظهرنا .. عسب اخلص الزهبه ..
سيف يبتسم لي : انزين يالله سيرن لبسن عبيكن بعد لين الخمسة ان ماا ييتن بنظهر انا و عنود بس ..

عميه : اسمييها هالعنود مخبله فيك ..
سيف يطالعني و يأشر على عقله : يوم أشوفها تبتسم يطير ذا " يقصد عقله "
نوري : بنسير بيتنا بنبدل و بني .. انا و يزوي و مهاري ..
نهيان : لاا تتأخرن ..
انا ابتسم له .. سيف يخلي عمره ميت ..
ابويه : هههههه صدق انك متخبل عليها ..
عميه : لازم هاي بنت سهيل ..
ابويه يبتسم ..
سرنا فوق بدلناا ثيابنا .. و نزلنا .. كانت عمتيه ف الصاله وياا عمي و ابويه و اميه و يدوه .. و الشباب : نهيان و سيف و رشود ..
يدوه تطالع راشد : وينها حرمتك بعد ؟
راشد : سارت عند أهلها ..
يلسنا انا و ريماني عندهم .. شوي و حد اتصل على عميه ..
عميه : هلاآ و عليكم السلام و ألرحمه .. هيه انا .. ليش شو مستويبه ؟؟؟؟!!! اي مستشفى ؟؟؟؟ ف دبي ؟ شو ودااه هنااك ؟ خلاص الحين ياي ..
عمتيه تمسك ايده : شو مستوي ؟
عميه : حمدان مسوي حادث في دبي .. بس مب وايد خطير الحمدلله ..
الكل أنصدم .. _________ نوري و مهاري و يزوي كانن توهن داخلات ..
مهاري تبتسم : يالله أخوي سيف نسير ..
يزوي شافتنا كلنا ساكتين : شو السالفه ؟
نوري : شو فيكم ؟
أبويه : حمدان مسوي حادث ف دبي ..
يدوه تزخ راسها : ياااا حسسرتتيي علللىى وليييدي ...
ريماني تهدي يدوه : ماا عليج يدوه .. الشرطي قال مب خطير يعني مب خطير وايد .. لاا اتخافين ..
عميه يوقف : قوموا بنسير دبي .. نشوف الغالي ..
سيف يمسك ايدي و يظهرني برا .. و عقب ركبني السيارة .. نحن اول ناس ظهرنا .. و عقبنا نهيان و يزوي و نوري و مهاري و ريماني ف سياره نهيان .. و ابويه و اميه و راشد ف سيارة .. و عمي و عمتيه و يدوه ف سياره ..
.
.
.
نهايه البارت الثاني ..
.
.
.
شو رايكم ف البآارت + شو تتوقعون يصير او ، شو استوى ف حمدان ؟ قولولي توقعاتكم لول =))
.
.
.