• رواية : (( أخبرتك . . أن لا تحاول الاقتراب منهُم )) بقلميَ ، - الصفحة 2

أسرار قلب · 12-21-2013, 07:34 PM

المشاركة الأصلية كتبت بواسطة ميمو2

ياهلاوالله ب اسرارقلب ننتظر ابداعاتك

مشكوره فديتج __DEFINE_LIKE_SHARE__

أسرار قلب · 12-21-2013, 10:17 PM

البارت الأول :

( في صباح يوم جديد في لندن - بريطانيا )

كان المنبه يرررن ومطفرني .. عصبببت وفرييت فووني بعد مابندت المنبه حشررررناا بروحي تعباان .. تحركت من مكااني شفت عالأرض ثيابي وكل شي طايح أوووف مب وقته أرتب ألحينه تبون الصج بصراحة غرفتي نظيفه هههه لاتصدقوون .. طالعت الساعه قريب عشره الصبح لازم أرووح قبلللل لا أتأخررر عنهم وأحصل هززبه من الدكتور خالصهه أن حاقذ علي العيووز ..

تحرركت بسرعه دورت لي شي ألبسه .. وعقب دخلت الحمام أكرمكم الله خذيت شور سرييع من الخوف
مافيني أتأخررر وويينهمم غرييبه مححد فكرر يمر صوربييي حساابي معااهم بعدييين ..
بعد مالبست شلييت الشنطة على كتفي ولبست الجوتي ورررركضضض دعمت كل شي جدامي ...

كنت أركض والي فالشارع يضحكووون علي هههههه متعودين يشوفوني جييه كل يوم أتبهدل جيه .. وأنا
أضحك المهم اوصل .. وبعدهااا وصلللت أخيييرا وقفت آخذ نفس واتبادل مع الموجودين الابتساامه أونه ماسويت شي تقريبا نص إلي ف جامعة لندن أجانب وبعد عرب يعني ألوان وأشكال والحمدلله تعودت عليهم وعلى جووهم مع الأيام وليتني أتعود عالدكتور اليديد ..

حد ضربني على ظهري بقوو خرب على كنت سرحان : رشووووددد !!!
رديت له الضربه بحماااس : صباااااح الخييييررر ،
مسك كتفه وابستم لي : اخخ كسرت عضامنااا صباح النور هاا عيل ما اتبووب هذي ثاني سنه لك وانت بعدك دوووم متأخررر ..
أشرت على عمري أوني مستغرب : أنااا أتأخرر !!!! "عقب أشرت عالساعه" شوووف ياي من وقت أول مره ،
ضحك : ههههههه تراني مستغرب شو نفع المنبه .. يالله قبل لاتبدأ المحاضره ونحن هنيه ..
قلت وأنا أطالع الكتب إلي في ايده : شوو هالكتب ؟؟؟
طالعني ورفع حايب : كتب شوو !! ،،، ههههه أسمييك مضيع نسيت الدكتور قال إختاروا ثلاث كتب من المكتبه ..
أنا انصدمت : قووول والله !!!! متى ماا أحييد قال جييه أقوول إنت رووح أنا بلحقك عقبب ..
ضحك علي : هههههههه رووح بسرررعه لازم تتاخر سواء ييت من وقت ولا هههه ..
أدري يضحك علي ويتطنز بس مااعلى .. ركضضضت ليييين المكتتبه هيه بعيده عن قاعة المحاضره ،

لماا وصللت تكلمت مع مسؤوله المكتبه ... وهيه يلست تضحك لأني أتكلم بسرعه هههه بروحي مدري شو قلت لها هههه ،
عقبهاا خذتني لين قسم كتب تقول أن الدكتور دوم ينصح الطلاب ياخذون من هالكتب عاد أنا ماصدقت
على طول يلست أدور كتب بسررعهه المكتبه وايد كبيره يعني لو أبي كتاب معينا أقل شي 4 ساعات لين أحصله ، خذيت أول ثلاث كتب فالرف وظهررت حتى بدون ما أقول للمسؤوله أكييد عرفت أني مستعيل ...

كأني سمعت المسؤوله تزقرني براايهاا عقببب ..

رديت للقااااعه لما دخلت كل الطلاب طالعوني بنظره وماسكين ضحكتهم .. أنا على طول إعتذرت حتى
ماشفت ويه الدكتور منزل راسي ومتوهق ..

*أعتذر بكتب الحوار بالفصحى نيابه عن الإنجليزيه*
الدكتور : راشد ..لماذا تأخرت ؟
يلست آفكرر بحجهه أطلع من هالموقف ..
الدكتور : مممم يبدو أن ليس هنالك أي أعذار ... إذا هنالك عقاب ،
أول ماسمعت عقااب: لااا ، بصرااحة كنت أبحث عن كتب مناسبه واستغرت وقتا طويلا فلم أجد كتاب يجذبني إليه ولكن إخترت هذه الكتب عوضا من أن أتي بدون أي فائده ..
حسيته إنصدم مني : اووه هكذا إذا يبو أن من أمامي الآن صاحب ذوق رفيع في إختيار الكتب ؟

أنا عاد استاانست عطييته هذيك الإبتساامه : نعم بكل تأكيييد . .
رد ضحك : ههه إذا يا طلاب ما رأيكم أن يساعدكم هذا الطالب اليوم لإختيار الكتب وسيحضرها لكم غدا صباحاََ وسنرى ذوقه الرفيع ..
أنا منصدم : شوووه !!!
الطلاب إستانسوا ويلسوا يصفقوون له والي يصفررر ،
طالعت الاستاذ نظره ترجي وهو إبتسم لي : إذهب إلي مقعدك ...

أنا وماسك عمري ليييش دوم يعاند فيني يلست مكاني وفريت الشنطه عالطاوله ..
طالعني : تأخررت ؟؟
رديت : فهد إسكتتت منقهههرر شو يباني أدور خمس واربعييين كتاااااب متتتخيل انت ولا ؟؟؟
ضحك : ههههههه بساعدك ولايهمك ،.
حطييت راسي عالطاوله : اوووف ياربي أنا شو جبرني أخذ كورس مع هذاااا ... فهوود انت كييف جيه مستحمل والله أحسه حاقد علي مدري لييش .. فهود لييش سااكت أشكي حالي لك ..
رفعت راسي ولا الدكتور واقف : تتحدث كثيرا .. !!
أنا وأعدل يلستي : عذرا ..

( بعد ما خلصنا )

رحت المكتبه وأكلم العيوز المسؤوله عسب تساعدني ،
طالعتهاا : ماذا ؟
ردت لي وهيه تضحك : عذرا راشد فلقد سبقك الدكتور وأخبرني أن لا أساعدك ..
طالعتهاا أسوي عمري مسكين : فققططط هذه المرررره ..
حركت راسها بمعنى لا..
طالعتهاا لو ترجيتهاا كن اليووم لبااجر ماابخلللص أوفففف ، رن فوووني
طالعت الاسم اوهوو ، انا ناقص ردييت : هااا العنوورد ؟؟؟؟
كانت تتكلم معصبه : رشووووود والله بذبحه علاوي كلللمههه طفرني ..
رديت : لا حوول أنا وين وانتو وييين العنوود لا تتصليين علشاان سخاافتج إنتي وعلوي ..
العنود : شوووو سخااافه كلللمه مب إنت أخوونا العوود ..
أنا ومتنرفز : شوووفي والله مب فااضي لكم كلمي اميه ولا ابووي ..
العنود وشوي وبتصييع : انتت من يوووم رحتتت عنااا ومتغييير ..
فكرت في كلامها وعقب قلت : يالله بااي عقب نتكلم ،

* * *

في الجهه الثانيه حطت العنوود الفوون وهيه مضاايقه ،
دخلت أمها : عنووود .. شو فيييج ؟؟
العنوود : أمييه رشووود من يوم سساافرر نسااانا وصار مايهتم ولا يفكر فينال ليش جيه ..
ويلست تصييح ،
أمها : لاتصييحيين لاتظلميينه مشغوول في الدراسه وبعدين ألحين هو مثل الغريب هناك أكيد مضايق ومب مرتاح مثل ما كان مرتاح هنيه معاااناا ..
العنود : مببب عذرر ، يعني الحين صاار غريب برع بيكوون غريب بعدد مع أهله ،
أمها بعصبيه : شووو هالرمسههه عنوود !!!!
عنود : مااقلت شي من عندي أمييه هذاا الي أشوفه هو مقصر معاانا ومقصر معااج انتي وابوي انزين أناا اخته بنقول ماعلي بس انتي وابوي مافكر يطمن عليييكم خلااص سااافرر بينسى امه وابو !!

دخل علاوي وكان يسمعهم : شوصاير ؟
أمهم : تعال اميه بروح احط لكم الغدااا *عقب راحت المطبخ*
علاوي : عنوووددووو يالله تعاالي بلعب معااج بلستييشن ،
العنود : ماااابييي ...
علاوي ويمسكهاا من اييدهاا : يالله قوومي ولابسسحبج
العنود : اوووف انزززززييين ..

علاوي ماصددق رااح يركب البلستيشن فالتلفزيون وطلع الشراايطط ..
العنود بصوت مسموع : هذااا كل حياااته لعببب مدددمن العااب وغصب يلعبجج معاهه ..
علاوي ويشغل التلفزيونن : اسمععععججج ..
العنوود : زيييين بسسسكتتت ..

يلسوا يلعبونن ويضااربون وعقب رااحوا يتغدووون ،
*عالسفرره*

أبوهم : أم راشد وأم علي .. باجر بنسوي عزيمه بمناسبة تخرج ميره أباكم تعزمون الأهل كلهم ،
أم علي وأم راشد : ان شاء الله ..

طالعتهم : أبوي ماله داعي والله ..
رد عليها ومبتسم : بنتي تخرجت بنسبه حلوه مب من حقنا نستانس لج ..
رديت : أكيد خلاص إلي تشوفه ..

كنت أطالعهم وياكلون حليله أبوي مستانس لي ،
وحتى مرته بعد ونالسه عيل بعززم. البنااات ابتسمت ..

العنود : وينهااا دلوعتناا !!
دخلت مريومه : هنييييه ..
العنود : يالله عقبالي انا ومريووم نتخرررج ياااربب
علاوي : واناا يعني مالي دعوه .. "وطالعهاا بنظره"
العنود : زييين وانت بعددد
مريومه : هييييي انااا باااقي لييي وااايد توني بدخل اول ثنوي ..

ضحكت : ههههه الاياام بتمرر بسرعه لاتستعيليين ،
أبوي : الله كريم ربي يوفقكم كلكم ..

بعدهااا خلصناا اكل وراحت أميه ومرت أبوي يغسلن المواعين .. ماعندناا شغاله يعني كل حد يخدم
عمره بس ابوي هالاياب اييب لناا خدامة بعد ما حس ان الشغل وايد عليهن ، رحت حجرتي كلمت البنات وعزمتهن خاااصه ندى وعواش هذيله مقدر استاانس الا معاهن .. وبالمره أخبر باقي البنات
وبنت جيراناا عهوود ..

بعد ماكلمتهم ظهرت ورحت الصاله كان اخوي علي يالس يلعب ..
يلست عنده عالارض : علااوي شو تلعب ..
طالعني عقب طالع التلفزيون : شعرررفج انتي ، سييري دوري مكان ثاني يالس العب تخربين علي ،
أنا بطلت عيوني : نعععععمممم !!!! عيد
علاوي : كلام الملوك. لا يعاااد ..
هذاا الي يقهرر : ماااعلي حساابكك عقب "ووقفت"

مريومه : هذااا اسلووبه دوم جيه مستفززز ..
علاوي : وهذي الي يالسه هناك دووم رزه تتدخل بشي مايخصهاا ..
مريومه وتصرخ : بااااابااااااا تعااال شووووف علاوي
علاوي ويضحك : بااابا اوونه ، "ووقف" أقول ميرووه انا بظهرر خبري اميه برد بسرعه ..
طالعته وابتسم ع طرف : هاا احتجت لي ،
علاوي : خلاااص مابي منجج شي ( عقب تحرك يدور العنود)

مريومه : براايه ميروه تعرفين شي عن رشود ..
أول ما سالتني انا تنرفزت : ماايهمني شوفي يمكن كلم اميه او مرت ابوي ..

وتحركت لحجرتي .. أكره هالانسان بمجرد انها تقول اسمه أحس بكره في داخلي من ذاك اليوم
وأنا أكره ومستحيل اتقبل فكره ان اخوي ،أو حتى اني احاتي شو يصير معاه ع اساس هو يسال
عن حد ... !!

* * *

طلعت من الجاامعه وأنا متنرفزز ..
شو بسوي ألحين المسؤوليه ماتبي اتساعدني كيف بختار 45 كتاب للطلاب ..
وان خذت له كتب اي شي يمكن يتطنز علي اوووووف .. وانا امشي التفت حصلت جون واحد من
الي معاي فالجامعه ، تقريبا نحن ربع !!

ييه صوبي : اهلااا راشيد ..
رديت : هلا جون .. ماذا تفعل ؟؟
جون : لاا شيء ،
عقب شفت حمود معاه .،
حمود : هلااا والله وين رايح ..
رديت : ماشي اتمشي ماعندي شي اسويه ..

حمود : يالله مابقى شي سنه وتتخرج من هنيه وتاخذ شهادتك وتشتغل ..
يلس على واحد من الكراسي : حمود انا ماتهمني الشهاده لو اريد اشتغل جان اشتغلت من زماان..
حمود ويضحك : ههههه اونه يعني عيل ليش متعب عمرك ..
رديت : في سبب ..
حمود ومستغرب : سبب شو !؟؟
يلست استرجع ذكريات جدييمه ..

حمود. : حووو رشووود وين سررحت ؟؟
رديت : وين يعنييي معااك ..
جون ويسال حمود : يبدو انه منزعج اليوم ؟
حمود : رشوود ليكوون سالفة الدكتوور !!!

ضحكت : ههههه لييييش اتذكرني وانا احاول انسى ، "وقفت وشليت شتطتي"
حمود ومستغرب : على وين ؟؟؟
رديت : اذن الظهرر بروح اصلي صح نحن ف بلاد الاجانب بس ماننسى ديناا ..
حمود وابتسم : بروح معاك عيل يالله ..
جون : الي أين ؟؟
حمود : جون سنذهب لنصلي ، انتظرني هناا .. "جون حرك راسه بمعنى اوكيه"

كملت دربي انا وحمود ورحنا توضيناا وبعدهاا صليناا وردييناا الفندق ،
دخلت حجرتي وشغلت الليت .. وفريت شنطتي .. اووف الحين لازم ارتبهاا وانظفهاا ،
يلست في الكرسي تعبااان ماافييييني انظظظف ، لحظظظظه ليش مافكرت من اول ..

شليت فوني واتصلت : الووو فهد !!!
فهد : هلا راشد خير في شيء ؟
رديت : مااشي بس أبيك تساعدني ارتب الغرفه ..
فهد ويضحك : هههه إن شاء الله دقايق واكون عندك ،
سكرت فوني .. فهووود عجيييب اي شي اقوله مايقول لا ، لو حمورد جاان مااعبرني
مصلحه معااي اذا يبي شي يتكلم وان طلبت منه يطلع اعذاار ..

بدلت ثيااابي وطلعت برع الفندق اتمشى كاان الجوو حر شوي ،

* * *

أميه : خلاص عيل باجر بنطبخ من وقت علشان العزيمه ..
العنود : هااا عاادي اعززم ربييعاااتي !!!!
أميه : عادي اعزمييهم ..
طالعت اميه : بيكوون زحمه !!!
أميه : ماعلي مب مشكله البيت كبير ..
أحيانا احس اميه تحب العنود اكثر عني مع ان انا بنتهاا الوحيده اما العنود ومريوم من مرت ابوي بس هيه تهتم فيهم اكثر عني .. قلت لها مابي عنود ومريوم يعزمون بنات ويستوي زحمه ، بس رفضت تسمع لي وقالت هذيله خواتج مايستوي تزعلينهن ..

،

في اليوم الثانيَ ، في البيت ..
الكل متيمعين عماتي الثلاث وبناتهن .. وربيعاتي وخلاتي ، زحمممه خالي ام جاسم مستانسه
لي وحق بنتها لان بعد بنتهاا تخرجت هالسنه معاي ..

العنود : ونااااسسسه ..
مريومه لابسه فستان بسيط : شراايكم ؟؟؟
انا : شر فيكم جيه محسسيني عررس ترى الا هو تخرج ..
العنود : منو قالج ان المناسبه بس لانج تخرجتي ؟
أنا ومستغرب شو تقصد : كيف يعني .. شو بعد المناسبه ؟

العنود : عقب بتعرفيين ..
أميه : ميييررره ميييره تعالي رباعاتج هنيه ..
رحت صوبهم شفت عوااش وعهووود وندى ، سلمت عليييهن ..
عواش : شحااالج ؟؟
رديت : تماام مثل ماتشووفيني .. شوي وبنحط الاكل تعالوو حجرتي احسسن ..
شفت عهود كانت تلتف كانها ادور شي !!!

قلت : عهوود شو ادورين ؟؟
طالعتني : هاا ، ولاشي يالله نروح حجرتج ..
عقب دخلت الحجررره انصصصدمت علاوي ياالس ومشغلت التلفزيون ومركب البلستيشن في حجرتي !!!!!!!!

قلت : علااوووووي !!!!
هو يالس يلعب مب منتبه ان معاي البناات : ميروووه ذلفييي برع يالس العب مقدر العب بالصاله وحريم وبنااات هنااك ..
البنات يطالعوني وماسكين ضحكتهن ،
أنا : علااااووووي !!! برررع
علاوي : لااا حووول قتلج مااا " التفت اول ما شاف البنات انصدممم وقف" بسسسم الله !!!

البنات مستغرباات !!!!
أنا ومعصبه : اطططلععع بررررع ..
علاوي ومنززل رااسه : مااكنت ادري ..
رديت : شووو تنتظررر يالله بررع ..
علاوي : انزين كيفاطلع انتي والي وياااج واقفيين عندد البااب !!!!!
ربيعاتي اتحركن دااخل وهو طلع ..

عواش : هههههه حليله اتفشل واستحى منااا ..
ندى : شو يخاف يوم يشوف بنات اول ما شافناا قال بسم الله حسيت كانه شايف يني ههههههه
رديت : ههههه لا بروحه جيه خبل ..
عهود وتيلس شلت الجهاز ويلست تلعب ..!!!
نحن : عهوووود !!!!!!!

عهود : شووو ؟؟؟ بلعب شوي بفووزه في هالمرحله أعرف هاللعبه ..
طالعت ندى : من متى عهود تلعب هالسوالف !!!!
ندى وعواش : ههههههههه من زمااااااان .
انا واتأفف : اوووف عقب لعبي زييين خلونا نيلس مع بعض ونسوولف شوي ما اصدق خلاص كل وحده فيناا بتروح الجامعه وبنفترق ..

عهود : عادي نتيمع كل ما سمحت لنا الفرصه ،
رديت : بعد مب حلو ، يالله الله كريم

يلسناا نسولف وكل وحده شو تبي تكمل دراستهاا وبعدهاا رحنا تعشيينا كلناا ، طبعا مع عماتي
وبنات عماتي انا مب وايد معاهم بعكس العنود ومريومه وايد مع البنات سوالف وطلعات مع بعض ،
يلست افكر شو المناسبه الثانيه . . !!!!

* * *

في الجامعة :

بطلت عيوني عالوقت : لاااااااا تاااااخرررررت .،
قمممت بسررعه للحمام اكرمكم الله وتلبست فريت ثيابي ، حليله فهوود امس رتب لي الغرفه واعتفست
مره ثاانيه .. خذييت الشنططه ورررركض ، في دربي شفت وحده يمكن عمرها 14 ولا جيه اقل هذي دوم
اشووفها الصبح ، ابتسمت لي وبعدها ضحكت !!!
رحت صوبهاا مسغرب هذي ليش تضحك ؟
سالتها : لماذا تضحكينَ ؟
أشرت على الجوتي .. لماا شفت انصصصمت لابس مب نفس الشييي جوتي ابيض والثاني احمرر !!!!! لهدرجة احوليييت ..
طالعتها وابتسمت : اوه هذا مجرد تغيير !!!
ضحكت : ههههه اذهب قبل ان تتاخر ،،

قلت لهاا بااي وكملت طريجي حتى البريطانيه تضحك علي هههه رشوود شو مسوي انت في حياتك !!! دخلت القااعه وانا احاول قد ما اقر اخليهم ينتبهون عالجوتي ..
سلمت : السلام عليكم ،
ردوا علي الي يعرفون السلام اما الكفار طبعا ميعرفون ،
الدكتور : صباح الخير راشد لماذا تاخرت ..
أنا واحط شعر راسي اوني افكرر. : ممممم
الدكتور : ماذا ؟
رديت : هل علي تقديم الأعذار اليوم ؟
الدكتور : لا ، المهم الآن أين الكتب !!!!
رديت : دكتور تعتقد بأن الكتاب الذي سأختاره سوف يمثلني أو ربما يمثل ذوقي؟
الدكتور بعد تفكير : أجل ..
ابتسمت وقلت : اذا الاختيار يمثل ذوق القارىء ؟
الدكتور مستغرب : أجل !!

ضحكت ضحكه صغيره وقلت : هكذا كما قلت لنفسي لهذا أعتذر فإن ذوقي في إختيار الكتاب يمثلني لم أرغب إختيار الكتب للطلاب ، فكل منا له ذوقه في نوع الكتاب الذي يرغب في قراءته ..

الطلاب انصدموا !!!
الدكتور : هممم هكذا إذا ، "سكت وبعدها كمل" معك حق إذا قررت عدم إحضار كتب لزملائك لأن تفضل كل واحد منهم أن يختار لنفسه ؟
أنا بكل ثقه : اجل ..

حمود يلس يصفق لي هههههه خبل ،
الدكتور : حسنا إذهب إلي مكانت الآن ..
رحت مكاني اشووووه دبرت عمري ، ليش مافكرت في هالشي من زمااان ..
فهد ويطالعني بابتسامه : صدمتني قدرت تقنعه ..
رديت بغرور : افاا علييك أعجبك ..
فهد : هههه يالله عسى ماتتوهق في شي ثاني ،
أنا : لااا تقوووول ان شاء الله لااا ..

يلس الدكتور يشرح ويتكلم انا حسيت فيني رقااد بس استحملت مافيني أحصل عقاب ولا شي منه،
وبعد ما خلصنا عندي بريك رحت آكل شي .. كان المكان مب زحمه لان اغلبهم يفضلون ياكلون برع ،
يلست ويلس معاي حمود وجون وفهدد ..

حمود : حركات ابيض واحمر. !!!
رديت : شو مافهمت !!!!!!
حمود وياشر عالجوتي مالي ،،
أنا : هاااا ههههه لا هذي الموضه الحينه يلبسون جيه ..
جون وحمود تمو يطالعون ويضحكون : هههههههههه
وانا ماسك اعصاابي ، طالعت فهد : اقووول سكت هالاثنين ولا بيشوفون شي ماشافوه مني ،
حمود : ههههههه خلاص بنسكت خفناا ..
رن فون فهد ، فهد : اقول شوي وراد "وراح يرمس في الفون"

طالعت فوني محتار وانا اتصل اطمن ولا !!
شليت فوني : دقاايق ،
حمود ومستغرب : بلاكم اليوم !!
رديت : بتصل للاهل بطمن علييهم ..

عقب اتصلت لاميه ،
ردت أميه وكان صوت حشره في البيت : الووو ،
قلت : هلا الغاليه .. شحالكم ؟؟
أميه : اهليين الحمدلله انت كيف صحتك ، عسى كل أمورك طيبه نحاتيك نحن ،
رديت : انا الحمدلله لاتحاتون، شو السالفه حشرره عندكم !!!
أميه : مسوين عزيمه علشان اختك ونسبتها الحلوه ،
رديت باستغراب : اي اخت ليش عنودوه بعدهاا ثاني ثنوي !!
أميه وتضحك : هههه مب العنود ، ميره بارك لهاا ماشاء الله نسبتها ترفع الراس ..
رديت : مايهمني ، المهم استانسوا وسلمي عالكل ،
أميه : رااشد هذي اختك على الاقل كلمها وبارك لهاا ..
رديت بعصبيه : اختي بس مب من اميه وبعدين مايهمني شو يستوي معاها تخرجت ولا لا ،

أميه واتضايقت : لي متى جيه بتم ؟؟؟
قلت : اميه بسكر السموحه ،
أميه : ماقلت لك المناسبه الثانيه ..
رديت بسرعه : عقب عقب يالله مع السلامه ،
اميه ومنصدمه كانها ماعرفت شو تقول : الله وياك
سكرت الفون ورديت لربعي فريت الفون فالطالوله ..

حمود : بسم الله تعال كفخناا شوي شوي بلاك !!
رديت ؛ مااشي
حمود : كيف مااشي عندكم مشاكل فالبيت ..
طالعته : لااقلت مااشي ،
حمود : زييين خلااص .،
فهد رجع واستغرب ليش ساكتين !! : ليش ساكتين ؟؟
حمود طالعتني هو وجون ..
فهد ويسالني : خير راشد في شي ؟؟
رديت : ماافي شي شفيييكم ماتفهموون ،

فهد : زين تعوذ من الشيطان ، وكمل اكلك ..

* * *

( في البيت ) - بعد الغداا ؛
طالعت عموه : اميه تقول شوي وبترد لكم ..
عموه : وييه قلت لهاا خلي عنج عقب غسلي خلج يالسه معانا ماتسمع ، عموه قنعي ابوج اييب لكم خدامه ..
رديت : هيه ابوي يفكر عقب ان شاء الله بييب لنا خدااامه ..
عواش : ميرووه يالله انا وندى بنروح الحينه اوك ..
رديت : يالله ماعلي ربي يحفظكم "سلمنا على بعض عقب سارووا" ،،
يلست مع بنات عماتي .. ومريومه والعنود
حسيت عماتي وانميه ينتظرون شي او صاير شي ..
مريومه : أنا بروح مع ربيعاتي وبرد ..
عقب ظهرت ويا ربيعاتها وودعتهم ورجعت لي ،

مريومه : اتصل راشد وبارك لج عالنجاح ؟؟
رديت : واذا ما اتصل شو يعني برايه ..
مريومه : زين تدرين أن .. ولا أقول عقب بتعرفين ..
العنود : بنااات يالله وحده اتييه وياي عسب اقطع الكيك واييب الحلويات من المطبخ ،
قامت مهره وشماا بنات عمتي معاها وراحوا المطبخ ..

همست لمريوم : علاوي وين راح ؟
مريوم : أظن في حجرته هههه مايروم يظهرر ،
رديت : أحسن يستااهل ..
مريومه : هههههه رحت دخلت عليه عباله انا حد ثاني مات من الخوف ..
ضحكت : ههههههههههه هذا دوم جيه ينفعل زياده ،
مريومه : حطوو تلفزيون ف حجرته وفكوونا كل يوم يحتل التلفزيون الي فالصاله والميلس ،
رديت : لاا شو خاصه السنه اليايه ثنويه عامه بيتم يعلب ولا يدرس ،
مريومه وتضحك : في كل الحالاات هو مدمن هالالعاب ..

يوم قالت جيه تذكرررت عهووود بعدهاا فالغرفه تلعب ،
رحت الغرفه شفتها مندمجه : عهوووووود !!!!
عهود : هاا ههههه سوري اندمجت ..
رديت : ههههههه يالله عساس بتغسلين ايدج وبتييه كنت حاسه اني بحصلج هنيه ..
شوي وصوت من وراي : ميييروووه رااحوووا ولا بعدهم ..
التفت : علاوي !! لا للحين لا تظهر للصاله ،
علاوي وانتبه على عهود : ميروووووه شووو تسوي هذييييي !!!!!!!!!!!!
أنا : هاا تلعب هههه
عهود واطالعني باستغراب ..
علاوي وشوي احسه معصب رااح صوب عهوود : لييييييش تخربيين علي وتلعبييين ،
عهود انصدمت وقفت ويت صوبي ..
علاوي يلس : اوووهوووو جييه بخخخسرر وبعييد من اول شي ..
مسكت ايد عهود وطلعناا ..
همست لها : حمدي ربج ما عصب

عهود : شووو وصلته مرحله يديده ..
أنا واطالعها : نعم مرحله شو ..
عهوود : انتي شعررفج ، وبيين الباقيين "عقب راحت الصاله وانا الحقهاا"
قلت : لااا والله تحسسوني اني ما افهم للالعااب تراني اعررف بس مب مثلكم ادمااان وبعدييين ..
قاطعتهاا مريومه : لييش معصصبه ميروه !
طالعت عهود : مااشي ،
العنوود : مريووومه ميرووه عهووود ليطوووفكن الكيك لذيييذ ..

رحت آكل معاهم ، وكانت عماتي يتساسرن بصوت مب مسموع مدري عن شو يتكلمون..
غريبه للحين ماعرفنا شو المناسبه الثانيه !!

* * *

بعد ماخلصناا ييه الوقت نرد الفندق ،
وصليت العصر بعدها يلست في الحديقه اصور .. أحب التصوير وايد ودوم يمدحون تصويري ..
مع ان. ما احس أن تصويري هذاك الزود .. بد ماخلصت حطيت الكام عالكرسي ويلست ، يوم أشوف
حد يكلمني اسولف معاه واطفره لين مايروح ههههه دوم اطفرهم الي هنيه ، حتى اليهال خلاص اول
مايشوفوني على طول يعرفوني ..

للحظه يلست افكر يمكن اميه اضايقت مني ،
لاا اميه هيه الانسانه الوحيده الي تفهمني ما اظن تزعل مني ..
وبعدين مابقى شي بخلص وبتخرج وبرد لهم ، ومثل ما وعدني عمي بيشغلني ..
وعقبهاا ان شاء الله بدور لي حرمه وبتزوج .. مع اني اشك أني بتزوج هههه مزاجي يتغير بسرعه ،
بس هذا الي يبييه ابوي مني ..

سمعت صوت فهد : هاا انت هنيه مثل ماتوقع "وشل الكام" اشوف صورك
أنا : هههه هلا فهود..
فهد ويطالع الصور : ي خي انت محترف تصوير صورك رهيبه .. نزلهم عالانستقرام
قلت : ماحب هالسوالف ..
فهد : بالعكس عسب الناس يشوفون صورك ويعطونك رايهم ،،
رديت : بفكر عقب ..
فهد : يمكن ما اطولوارد البلاد ،،
انا ومستغرب : ليش شو صاير ؟؟
فهد : اميه مصره أني ارد وتبي تشوفني .. مدري يمكن اروح كم يوم وراد .،
استغربت : ودراستك ..
فهد ويفكر : مدري احس كم يوم مابيأثر ولا انت شرايك ؟!
رديت : والله على راحتك ..

عقب لحظات صمت ، تمين اطالع فهد هالانسان يسوي اي شي بخاطر امه واهله ..
فهد ويوقف : قوووم عندي لك مفاجأه ،
رديت باستغراب : مفآجأه ، فجآه جيه !!!
فهد : يالله لا وسآل وااايد تعاال معااي وشل الكام مالك ..
وقفت : ي خي قوووول شو مفاجأه !!!!!؟؟؟؟
فهد ويضحك : قلت لك مفآجأه يالله امش بسسسرعه ولا بغيير راايي ..

كات

السلام َ عليكم ورحمةة الله وبركااتًه ،

أعتذر عن التٓأخير
وإنتظروا التكملة ..

- حياة راشد وغربته هل يعني أن صار ينسىَ أهله ؟
- شو مناسبة العزيمةَ بما أن هي مب بسَ علشان نجاح ميره ؟
- فهد بيتخلى عن دراسته ولا بيرد ؟
- راشد وعلاققته بإخوانه ؟
- شو هي المفآجأه ؟

كل هذا بتعرفونهَ في البارت الثانيٓ ،
توقعاتكم ورايكم فالشخصيات حتى الان ..

هذه ليستَ سوا بداية ..
في البارتات اليايه بتعرفونَ الابطال أكثر ..

أنتظركم __DEFINE_LIKE_SHARE__

دااانه غير · 12-22-2013, 12:07 AM

- حياة راشد وغربته هل يعني أن صار ينسىَ أهله ؟
لا بس هو مبتعد عنهم لسبب
- شو مناسبة العزيمةَ بما أن هي مب بسَ علشان نجاح ميره ؟
احس ان ميره مخطوبه او ان في شي بيعطوها ولا حد من اهلهم بيي
- فهد بيتخلى عن دراسته ولا بيرد ؟
بيتخلى عن دراسته وبيدرس فالبلاد وبيرجع رشوود البلاد
- راشد وعلاققته بإخوانه ؟
احسها قبل كانت قويه بالس الحين لاء لأن هو متضايق من ميره
- شو هي المفآجأه ؟
يمكن يايب له ساعه او سياره يمكن يراويه مكان حلو او حد يعني من ربعهم ولا بنت ولا ولد مااادري يعني حد يعرفه ومسوي شي فميره كان سبب ضرابت ميره وراشد

توقعاتكم ورايكم فالشخصيات حتى الان .
ميره:احسها غامض احس انها حزينه وتكره راشد يمكن لأنه يشك فيها او هي مسويه شي قبل هو فهم غلط ويكرها احس ميره مب اخت راشد
راشد:احس شخصيته فكاهيه وحلوه بس يغلبها الحزن والضيق احسه مهمل احس انسان سرعه يعصب ويتنرفز وذكي وفهيم <<عجبني رده كان كأنه صاعق حلت على الأستاذ فما قدر يقول كلمه +قوي بووسنيد فديت خشمه
علاوي:شخصيته حلو ومصخره
عهوود:احس وراها شي احسها تحب راشد ولا علاوي ماادري معنه علاوي صغير بس كل شي يصير
فهد:وااااي فديته المطيع والله صج صج طيووب وحبوب
.
وتعليقي لأسرار قلب:فديتج والله أحبج انتي طرر انتي كاتبن مبدعه ابداعج يستهال كل شي بس بس
عندي نقطه:
لاحطيتي فالروايه لا سيف ولا ميثة كسرتني معني كنت متأمل وكنت اتريا عشان اشووف الأبطال اللي كنت بشووفهم
وبس
والسموحه منج
اختج وصديقتج وكل شي بحياتج:دااانه غير

(قلوب تطلع من العين)
__DEFINE_LIKE_SHARE__

ايمان الحمادي · 12-22-2013, 01:15 PM

السلام عليكم ورحمه
مسا الورد ..

البارت روعه ... ماشاء الله عليج ابدعتي

- حياة راشد وغربته هل يعني أن صار ينسىَ أهله ؟ لا مااعتقد
- شو مناسبة العزيمةَ بما أن هي مب بسَ علشان نجاح ميره ؟ أظن بعد مخطوبه

- فهد بيتخلى عن دراسته ولا بيرد ؟مادري
- راشد وعلاققته بإخوانه ؟ سطحية ججدا
- شو هي المفآجأه ؟ أظن بيوديه لمعرض االمصورين ""جي شي""

ونترقب الزود من صوبج غغلاي

أمنه الحمادي __DEFINE_LIKE_SHARE__

أسرار قلب · 12-22-2013, 02:54 PM

المشاركة الأصلية كتبت بواسطة دااانه غير

- حياة راشد وغربته هل يعني أن صار ينسىَ أهله ؟
لا بس هو مبتعد عنهم لسبب
- شو مناسبة العزيمةَ بما أن هي مب بسَ علشان نجاح ميره ؟
احس ان ميره مخطوبه او ان في شي بيعطوها ولا حد من اهلهم بيي
- فهد بيتخلى عن دراسته ولا بيرد ؟
بيتخلى عن دراسته وبيدرس فالبلاد وبيرجع رشوود البلاد
- راشد وعلاققته بإخوانه ؟
احسها قبل كانت قويه بالس الحين لاء لأن هو متضايق من ميره
- شو هي المفآجأه ؟
يمكن يايب له ساعه او سياره يمكن يراويه مكان حلو او حد يعني من ربعهم ولا بنت ولا ولد مااادري يعني حد يعرفه ومسوي شي فميره كان سبب ضرابت ميره وراشد

توقعاتكم ورايكم فالشخصيات حتى الان .
ميره:احسها غامض احس انها حزينه وتكره راشد يمكن لأنه يشك فيها او هي مسويه شي قبل هو فهم غلط ويكرها احس ميره مب اخت راشد
راشد:احس شخصيته فكاهيه وحلوه بس يغلبها الحزن والضيق احسه مهمل احس انسان سرعه يعصب ويتنرفز وذكي وفهيم <<عجبني رده كان كأنه صاعق حلت على الأستاذ فما قدر يقول كلمه +قوي بووسنيد فديت خشمه
علاوي:شخصيته حلو ومصخره
عهوود:احس وراها شي احسها تحب راشد ولا علاوي ماادري معنه علاوي صغير بس كل شي يصير
فهد:وااااي فديته المطيع والله صج صج طيووب وحبوب
.
وتعليقي لأسرار قلب:فديتج والله أحبج انتي طرر انتي كاتبن مبدعه ابداعج يستهال كل شي بس بس
عندي نقطه:
لاحطيتي فالروايه لا سيف ولا ميثة كسرتني معني كنت متأمل وكنت اتريا عشان اشووف الأبطال اللي كنت بشووفهم
وبس
والسموحه منج
اختج وصديقتج وكل شي بحياتج:دااانه غير
(قلوب تطلع من العين)

هلا وغلا خيتو منورهَ ،
عساج بخييير ..يسعدني تواجدج َ
وبالنسبة للتوقعات ماشاء الله قلتي تقريبا كل التوقعاتً
يمكن توقعاتج صح ويمكنَ ويمكن لا

ومشكوره حبيبتي على رايج وتشجيعج لي ،
واما عن تاملج للحين نحن في أول بارت بتصير وايد أحداث ،
لا تستعيلين ، بس مابي أحرق عليكم الأحداث

وربي يحفظج فديتج =)
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا أمه الأمجاد أين رجالُك أم أنهُم باتوا كما النِسوان ..	محروم.كوم	منتدى أخبار المواقع والمنتديات العربية والأجنبية	0	09-22-2013 06:40 PM
( فن الاقتراب )	ما تنحني هامه إلا لخالقها	الإسلام والشريعة	6	06-10-2012 07:27 AM
آهدآء من ؟؟؟؟؟؟؟<> بقلميَ	ما تنحني هامه إلا لخالقها	شعر و خواطر	1	06-02-2012 06:01 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
(( سيُـآرة لِمْ يُصنع منهَآ فِ العآلِمَ سؤىَآ ؤآححِدَةِ ! ))	ذيبہـة شّےـوِٱمِےـسًے	سيارات و دراجات	9	11-11-2011 12:27 AM