رواية حلم سرآب في رحلة عناء بقلمي : أسرار قلب =)

أسرار قلب · #1 07-31-2013, 06:42 AM

بسم الله الرحمن الرحيم ،
والسلام عليكم ورحمة الله وبركاته ..

بدون مقدمات ..
حبيت أحط الروايه هنيه لأني لآزم أخلصها بأقرب فرصه !!!

{ حلم سرآب في رحلة عناء }
البداية :
.
.
إلي كل من يحب حروفي ..
إلي كل من شجعني ..
أكتب لكم روايتي الثالثه ..
فأرجوا أن تنال إعجآبكم ..
.
.
ولتكن جزءا مما تركته لكم ،.
بقلمي المتواضع : أسرار قلب ،,
.
.
.
.
.
كيف أن نجعل الخيال حقيقه ..
هل بالتخلي عن الواقع .. ؟
وكيف يمكن أن نجعل من نقطه صغيره نقطة تحول ..
أم أنه من الممكن أن نغير فقط بعض التفاصيل ..
.
.
.
هل من الصعب لنا أن نغير أنفسنا بإرادتنا ..
في زمن زخرف الحياة وجعلنا ننسى أمالنا ..
فجعل سجناً من واقع مؤلم حبس فيه أحلامنا ..
.
.
.
صفحآت تتحكم في واقعنا ..
تحدد مصير كل فرد منا ..
ربما تكتب بها أمور مفرحه وأمور محزنه ..
وربما أيام تمر ببطىء وأيام بسرعه ..
.
.
.
ولكن رغم كل شي عليينا بإكمال الطريق ..
حتى وإن كان من الصعب المسير ..
فكل لحظه ترسم تلك الأيام ..
وربما تلون بها الأحلام ..
.
.
.
ومن هنا تبدأ السطور في صفحات ..
وتكمن في داخلها حروف تنتظر لتحكى ..
ومن هناا ،,
تبدأ حكايتي في سطوري ..
.
.
.
V

______________________( الصفحه الأولى )_______________________
" لأن القدر هو أن أعيش هكذا !! "
.
.
.
.
.

يوم السبت ،

كآن بداية حلم يديد مختلف عن وآقع قديم بالنسبه لي كوني شخص عآيش لنفسه ومآ له حد .,
حلم تحطم بدأ يكون نفسه من يديد شخصية إختلفة عن وآقع النآس إلي نشوفه ., شخص مب لأنه كآن فصآر .،
ومب لأن يريد فحصل ولآ لأن حآول ونآل شخص كآن لحظه تغير من شيء للآ شيء ..

خلونا من هالكلآم وندخل في شي أهم من حياتي شي كآن مثل غرفة صغيره صمت وصوت الكيبورد ..

لي متى وأنا أكتب وأطرش وما أحصل رد ومتى بخلص هذا إلي أنتظره سلسلة حروف لآزم أخلصها بس بعده الوقت لصالحي ..
كنت في شي شبه .......... !! حتى الكلمة إلي أريد أقولها أحس صعب أقولهآا .. تغير كل شي وفقدت أمور وايد ..
.
.
.
وبعدها تغيرت الأمور وفي تايلند بعد رحلة أشبه بحوآر بين مستقبل وإنسان مايدري شو موقفه من الدنيا .. !
من بوظبي إلي الأمل أو يمكن بداية شي يديد !!
شي مختلف ، عادات مختلفه ، ثقافه مختلفه ..

(في المطآر )

أصوات الأطفآل ، ضحكآت ، إبتسآمات ، وجوه حزينة و وجوه فرحه ، خليط بين رحيل وعوده ..
.
’
نزلت وأنا ألتفت وصلت أخيرا كان الكل يستقبل نآسه وأهله ..
كنت أقول بصوت شبه مسموع وإنت سيف منو بيستقبلك ضحكت ضحكه كانت شبه دمج بين سخريه وألم ..

تحركت وأنا حاط شنطتي على ريلي كنت أقول : أن المفروض أرمس حد يسآعدني كيف بوصل الفندق ..
طلعت فوني ويلست أطآلعه كيف يعني ألحييين أنآ بتصل وبطلب منهم يساعدوني !! ليش أنآ شو فيني .. !!

أقدر أروح الفندق بروحي مب محتآي حد .. ومآ أريد من حد شي ..
مر الوقت و قررت أتحرك رحت عند الرصييف كآن الجووو حرر لأن الوقت صار الظهر وأنا بعدني هنيه ..

مسحت ويهي كنت أحس بحراره في ويهي كأن حد صاب على ويهي مآي مر الوقت وساعآت .. وماشي تكسي !!

شفت النآس تمر من صووبي وإطآلعني بنظرة شفقه ، أكثر شي يمكن يهزني من دآخلي أن أشوف النآس تشفق على حآلي ..

إنتظرت وآيد حسيت بأن الكل مشغول ويتحرك بسرعه والبعض ينآقش موآضيع مختلفه أصوآتهم كآنت مسموعه مزج بين عدة لغآت ّ!.,

وبعد لحظآت شفت تكسي كآن يآي صوبي .. أشرت عليه
بس في وحده يمكن أجنبيه مآ إنتبهت لها وآيد دخلت التكسي قبلي ومب حلو أقول لهآ تنزل ..

تحرك التكسي .. بعدهآ قررت أتحرك أنآ بعد ويلست أسير لين مآ شفت وآحد يرمس إنجليزي ..
كلمته وخبرني اسم فندق.. وهذا الفندق بعيد يعني مآ أروم أروح له .. لآزم تكسي يوصلني ..
وشويه وإتصل مدري لمنو وخبرني أتريآ ..

أنآ فهمت من كلآمه أن إتصل لربيعه إلي يشتغل وبيوصلني ..
فيلست أتريا .. شفت فوني تأخر الوقت والحمدلله وصل ربيعه ورمسته ..

كآن واضح من شكله رآعي وآجب و شكله لبناني أو شي لمآ وصلنآ ..
إلتفت لي : تقدر تنزل هالمحل كله عرب ..

رديت : هيه مشكور أخوي مآقصرت تسلم ..
رد علي : ولو العفو ., ساعدني وعقب كمل طريجي ..

كآن كبير ، يالسين يهال حذال الفندق كآن شرات مكآن مخصص حق اليهال ولعب وغيره ..
لما شافوني يلسوا يرمسون ويطالعوني شكلهم مستغربين شوي ..

دخلت بصعوبه .. وحجزت لي غرفه وما شاء الله إمبين أن خدمتهم حلوه خآصه أن وآيدين شي وصوتهم وايد عالي ..
واليهال بعدهم .. يلسوا يلحقون وراي ،إلفت أشوفهم وآقفين قريب شوي إبتسمت لهم وهم ردوا لي الإبتسامه ..
تصدقون هذي أول مره أبتسم بصدق بعد 6 سنوآت !!

والسبب براءة أطفآل !

دخلت الغرفه وسكرت الباب وأخيرا وصلت الحمدلله على كل حآل وعسى مآيصير إلا كل خير إن شاء الله ..
.
.
.
.
قد نطر للرحيل الإبتعآد عن كل مآنحب ..
ولكن أصعب الأمور أنك لآتشعر بأنك تبتعد عن من تحب ..
كأن غريب في كل الحالتين ..
.
.
.
(بعد مرور سآعاتات في في الفندق )

قمت وأنآ أسمع صوت ضرابه وهواش.. !! "أصوات في الممرر بين الغرف "
خفت بلآهم شو صاير!!!!!!!!!!!!!! بسسسسرعه يلست فوق الكرسي غيرت ثيآبي بصعوبه ورحت فتحت البآب ..
شفت شباب مدري يمكن 4 .. يالسين يضآربون !! إستغربت عاد مب هنيه في الفندق يضآربون..
كنت أطالعهم وساكت ., عقب زقرت عليهم : يااا عرررررب بلآكم .. !!

إلتفتوا صوبي سمعت واحد يقول : زييييين جيه خليتوآ النآس تسمعنآآ ..
والثاني : أي نااااااس إنت !! هذاا وآحد مافي شده يتحرك من مكآنه ..

هه عباله مآ أسمع شو يقول .. قلت : إنزيين ياخي تبي ترمس لآترمس عني بصوت مسموع عالأقل "قلت بجديه " إحترم الكبآر شوي ..
شفتهم ضحكوا .. ويوه صووبي يسلموون ..

... : السموحه منك أخوي ..
رديت : ولآ يهمك مسموح شو بلآكم تتهاوشون هنيه ؟؟

واحد منهم : مااشي والله سعود مسوي عمره قوي وجيه أونه ..
إلي اسمه سعود : يااا ريال ألحين حط على ترآك إنت إلي نرفزتني ..

......... : أقوولكم يالله أنآ بروح شوي مشااور وراجع .. "وتحرك " .,

الكل : الله وياك ..

قلت وأنا أطالعهم إمبين أنهم من الإمآرات : عيل إنتوا من أي إمآره ..
سعود : نحن من دبي وبوظبي ..
قلت : والنعم فيكم وأنآ ولد بلآدكم ، يالله أترخص ., إخذوا راحتكم بس بدون إزعآج النآس تبي تنآم هالحزه ..

حرك الكرسي أريد أدخل بس في واحد مسكت الكرسي : وييييييين وييين تونآآ مآ سولفنآ إنزين خلني أعرفك علينآ ..

إلتفت وأشرت عليهم : إنت سعود .. وهذا علي .. وإنت عبدلله.. والنعم فيكم

يلسوآ يطآلعون بعض !!!!!

ابتسمت على الطرف : سمعتكم وإنتوا ترمسون .. وأنآ سيف..

علآوي ويحك شعره : ماشاء الله عيل كآن صوتنآ عالي .. ونحن مب حآسييين .. !!
عبدلله : والنعم أخووي .. زييييين خلونآ نروح المطعم قريب خطوتيين وبنوصل ..
سعود ويفكر : لتقووووووووووول لآ دخيلك خلنآ ميتين من اليوع ولآ أروح المطعم مآلهم نسيت آخر مره ..

علآوي وعبدلله يسلوا يضحكون : هههههههههههه الله يلوع جبدك ..
سعود : إسكت مآفيني أطلع كل إلي كليته ألحين .. بروحه ريحت المطعم تجتل قلنآ سمج بس مب جيه ..
ولآ راعي المطعم كل مآ شافني إستانس ويلس يسوولف بالانجليزي مدري مشبه علي يمكن ..

علآوي ويضرب سعود على راسه بالخفييف : سسمججج بابا نعمة ربك لآ تتفلسف أونه ريحة سسمجج!!!
سعود : يااخي مب جيه هم مدري كيف المكآن تحس خنقه بروحي تعبآن ولا نسيت !!..

علآوي ويعاند : لااا سممجج مآآبي بموووتتت ..
سعود : جب زييين أنااا أصلا مآ أريييييييييد أظهررر وياكم زين جيه ..

عبدالله ويضحك : هههههههه خف عليناا ..
علآوي وييتطنز : زين سعود تعآل وبعزمككك على مشوي سمج شرايك ..
عبدلله : لآ دخيييييلك مب نآقصيين يصير شي فيه ههههههه

علآوي ويضحك : ههههههههه خلآص مافيني أتهور وأعزمك ههه
سعود ويأشر علي : زين إحترموآ الريال وإصطلبو شوي .. السموحه تدري المخ فااصل عندهم ..
رديت : هاا لآ عادي !!

سعود ومستغرب : شكلك مب معآنآ وين سرحآن !!
رديت : لآ بس شفتكم مطولين؟؟ المهم خلصتوآ ..
حسيتهم مستغربين وفي نفس الوقت عدلوا وقفتهم ..

عبدالله ويهمس بصوت مسموع حق علي : أقولك خلناا نروح هذا شكله معقد ..
علآوي ويبتسم : شو مابتييه ويانآ ؟؟

قاطع على سوالفنا صوت ياهل : ثعووووووووووووود ثعووووود ..
سعود ويلتفت : هلآ حمووود شو فيك .؟؟؟
علآوي ويشله : حموووود زخووووووه .,
حمود ومستانس : ثعووود أنا فووق هيييييه ..

سعود ويمسك من جتفه علآوي : خخخخ علآوي خله عقب بيتعود كل شوي بييه صوبك .,
علآوي وينزله : ياخي خلني مستانس وياه ..(وحمود مستانس)

سعود ويضحك : ههههه لو كنت يآلس معاه في نفس الغرفه كآن رايك شي ثآني .,
عبدالله ويسأل حمود أونه : حمود ليش أخوك سعود عبييط !!
سعود وفااج عيوونه : لآااااااا والله !!

علآوي وعبدالله : هههههههه
حمود ويمسك إيد سعود : ثعوود أميييه تبيك ..

سعود ويطالعنا : سمعتوا ثعود أميه تبيك ..
علآوي : ههههههه لآيقه عليك الرمسه ..

سعود : هاهاهااا يالله أنا بروح السموحه ..
علآوي ويتطنز : روح عند ماما ..

"سعود إلتفت بنظره يعني مايضحك وعقب كمل طريجه ، شفتهم دخلوا في الغرفه إلي حذال غرفتي "
علاوي ويطلع فونه : أقول أنا بسير أكل ألحين يالله في أمآن الله وسار ..
عبدالله : ويييييت إترياا إنزييييين ..

شفتهم ظهروا فرجعت الغرفه !!"..
.
.
.
.
هكذا أنا رغم وجودي قد يتجاهلوني الناس ..
ربما من المخجل أن يتحدثون مع شخص مقعد لآيستطيع المشي بينهم ..
.
.
.
[عند سعود في الغرفه إلي عدآل غرفة سيف "وهي حق أم سعود " :

دخلت بلآهم !!

شفت أميه يالسه حذال ميثه إستغرب : هلآ أمييه شو صاير ؟؟!!
أميه وإتأشر على ميثه : إختك تعبااانه ..

شفت ميثوه وقلت باستغراب : تعباانه ؟؟!
ميثه وصوتها يبين أنها تعبانه : هيه ..

أميه وتمسح على راس ميثوه جنهآ ياهل : ترومين تروحين المستشفى ..
ميثه : هيه يمكن بيعطوني إبره ولآ شي ..

قلت : لآاا شوو أنا بسير ربعي يتريوني ألحين مافيني أروح وأدور لها دواا ..
أميه وبعصبيه : سعوووود !!! ألحين منو الأهم أهلك ولآ ربعك !!!!!!!!!!!

في داخلي أقول أنا الأهم ههههه بس ما بتهور وبقول : أفاا يالغاليه أكيد ميثوه أهم "شفت ميثوه تبتسم صدقت الإخت هههه "
أميه وتمسك ميثه تساعدها توقف : يالله قومي إلبسي عبايتج ..
ميثه : إن شاء الله ..

ظهرت وأنا منقهر أوف مب وقتج ميثوه .. يعني مآحصلت وقت تتعب فيه غير ألحين !! ..
شويه وأشوفها تظهر ..
أميه : يالله خذهااا ولآ تتأخرون وإذا صار شي إتصل ..

ميثه بحماس مسكت إيدي أنا استغربت ماتقول تعبانه !! : لآ مابنتأخر قريب المكآن .. "عقب تحركنا"

حموود : مااماا بروح مع ثعوود ..
أميه وتشل حمود : لآ مااما بيروح المستشفى بعدين إذا شافوك بيعطونك إبره كبيره ..
حموود : لا ماابي ..

إلتفت ضحكت "عقب شفت ميثه " يالله سرناا ..
أميه : الله وياكم ..

ظهرنآ أنا وميثه وعلاوي وعبدلله محتشرين قلت لهم بتأخر الأهل تعبانين شوي ..
علآوي طرش لي " أوك ثعوود تم عند ماما لآتضيع "

ضحكت ههههه مشكله علآوي إذا علق على شي مستحيل ينسى ..

ميثه وإطالعني بإستغراب : بلآك !!
رديت : ههه ماشي سوالف ..

عقب ركبناا التكسي لمآ وصلناا نزلت أنآ وميثوه ..وحاسبنا التكسي عقب سار ..
ميثه ومتوتره : سعوود بقولك شي ..

إلتفت : هلآ قولي ؟؟
ميثه وتضحك : هههه مافيني شي بس حبيت أغير جوو ..
مافهمت : هااا كيف يعني !!!!!!!!!!!!!!!!!

ميثوه وتضحك : هههه أقولك مافيني شي كنت أمثل عليييييكم مب تعبآنه ولآ شي..
قلت وأنا منصدم صج هالميثه تعرف تمثل : حللللللللللفيييييي !!!!
ميثه وتضحك : هههههههه والله ..

قلت وأنا معصب :لااااا والله!! يعنيي أناا ياابنج إهنيه وكل هالدرب عالفااضي آنسه ميثه ..
ميثه وتهز راسها بمعنى لآ : بنتمشى شوي والله مليت وأنا يالسه في الفندق ..

مشيت عنهاا : عيييييل ارجعي الفندق بروووووحج إتمشي على قولتج "ويلست أمشي وإهيه تلحقني "
ميثه : سعوووووود سعوود لحظه بلآك والله كان خاطري أطلع وقلت أسوي عمري تعباانه ..

مارديت عليهاا ..
يلست أمشي وهيه تلحقني لين ماوصلت شرات حديقه ويلست على الكرسي تنهدت أوف ألحين لو رحت مع ربعي وآيد أحسن .. !!
إلتفت ميثووه محد شت وينهاا !!!!!!!!!!!!!!!!!!!!!!!!!!!!!!!!!!!
.
.
.
.
.
.
(في الجهه الثآنيه" عند المحلآت الصغيره ")

سخيييييييييف شو هـ الأخوو يعني مايسوى علي قلت بطلع شوي ألحين وين بحصله !!
خذييييت نفسسسس بقوو .. أووف تعبت وينه هذاا !!

إلتفت شفت الكل شال أكياس ويتمشى شكلي في السوووق ..!!
حتى مافكرت آخذ فوني ..

يلست أتمشى ورجعت أتذكرت الحوآر إلي صار من إسبوعين تقريبا ..
.
.
.
,
.............. : شوفي نحن مب متأكدين يعني لآنستعيل ..

رديت : بس أنآ متأكده مستحيل كل إلي سمعته غلط ..؟؟

.............. : ميثه ولو سمعي الرمسه لآتستعيلين صبري وكل شي بينكشف عقب ..

فكرت : يمكن معآج حق بس الوضع ماينسكت عنه الموضوع كبير ..

............. : ماتدرين يمكن سوء فهم .. أو سمعتى غلط ..

رديت بجديه : كيف يعني ؟؟ أقوولج سمعت كل شي مستحيل كنت أتخيل ولآ أحلم أنا متأكده من إلي سمعته ..

............. : مابعيد رمستي مره ثآنيه إذا تكلمتي تحملي مسؤولية كلامج وإنتي وكيفج ..
.
.
.
.
تنهدت ، شو أسوي أتكلم ولآ لآ !!..
يعني مب متأكده منو المقصود من كلامهم .. بس مع هذا أكيد إلي كان يدور بينهم صج مب مجرد كلام ..

يالله برااااايهم .. المهم ألحين وين بروح !!!
صار لنا إسبوع ونحن في تايلند متى نررجععععع مليييت ياربي ..
ألحين وينه سعود وأنا الذكية نسيت فوني ..

وأنا أمشي كنت سرحانه وشويه وأدعم في العمود هههه زين محد إنتبه علي ..
كانتوا يمشون ويضحكون وسوالف وأنا ما أفهم ولا حرف ..!
كان خاطري لو سعود كان ألحين يمشي معاي ونسولف بس سعود دوم جيه مايعطيني فرصه أسولف معاه ولا
نقعد شوي مع بعض ..

أحاينا مدري ليش أفكر أن يمكن السبب مني وأنا ما أدري بس أنا عمري ما ضايقته إلا إذا هو إلي بدأ ..
وأنا عبالي يوم بظهر معاهم بنظهر مع بعض بس العكس أميه دوم مع حمود وسعود دوم مع ربعه وأنا في الغرفه ..
وإذا طلعت رحت الحديقة يقولون منو سمح لج تطلعين بروحج !!

خاطري أقول لهم أوك تعالوا إنتوا معاي والله لو عموه معاي بستااانس ..

كملت طريجي ..

وأنا أمشي شفت وحده تايلنديه إتأشر صوبي .. أشرت على عمري بمعنى أناا !!!
هزت راسهاا .,

سرت صوبها جآن تقول : مرحبا !!
قلت وأنا مستغربه : مرحبتين !!

إبتسمت وقالت : أنتي من أين !؟
شكلها تعرف عربي شو شكلها أقصد تعرف عربي !! : أنا من الإمارات !!

ردت علي : أجل ..
طالعتهاا مستغربه !! : إنزين إختي في شي ؟؟

قالت : هل يمكنك أن تأتي معي للحظه أحتاج مساعده ؟؟
إستغرب شو السالفه شو تبي هذي !!
.
.
.
.
عند سعود :

إتصصلت بس إستغربت يوم سمعت : هلا سعوود خير في شي ؟؟
أميييييييييييه !! شت شو بقول : ها... هيه ... أميه شحالكم ؟؟

أميه ومستغربه : بخير شو فيكم صاير شي ؟؟ ميثه نست تلفونها في الفندق ؟؟
رديت أغير السالفه : لآ ماشي بس قلت أتصل تبون شي محتايين شي ؟؟

لحظه صمت يارب ماتحس بشي ..

أميه وشكلها إقتنعت في كلآمي : لآ فديتك مانبي شي بس لآتتأخر زين وشوف إختك لآ تروح مكان ولآ شي وإنت ماتدري. .
أوف أشووووه رديت : لآ تحاتين عيل يالله أخليج ألحين..

أميه : في حفظ الرحمن ..
سكرت فوني ويلست أدور ميثوه : ياااربي هذي الغبييييه ويينهاا .. ويت ويت يمكن رجعت الفندق ..
يلست أمشي ووصلت قريب الفندق..

شفت علي وعبدلله يأشرون علي وعلآوي يصفر ويقول : سعووووووووووووووود تعاال سعووود ..

رحت صوبهم الله يفشلهم "كآن يبين على أني متوتر : ها شو تبون خلآص كلهم عرفوا إسمي لآتحاتون ؟؟
علاوي بفضول : هههههه منو قدك ، ماشي بس شو إدور ؟؟

رديت : هاا . . هيه مااشي ..
عبدالله : عيل بلآك جيه وحالتك حاله ؟؟

قلت : لآحوووول ماشي يالله أنا عندي شي أسويه ..

عبدالله ويبي يسحب كلآم ومب عارف كيف : شغل شووو هاا !!!
رديت : وإن شو يخخصك !! يالله عقب برجع لكم ..
عبدلله ويطنز : أهم شي أعصابك ..

عقب يلست أمشي سمعتهم يضحكون بس والله مب متفيج لهم ..
ألحين وين بحصل ميثوه ..
.
.
.
.
(في جهه ثآنيه)

كنت أحرك الكرسي قررت أشتري شي آكله ..

تذكرت أني للحين ماحولت البيزات ..
يالله مب مشكله يوم برد الفندق بحولهاا ..

رن فوني " بو جاسم " رديت : السلآم عليكم ..
بو جاسم : وعليكم السلام هلا سيف وينك ؟؟

رديت : ليش يهمك أنا وين ألحينه ؟؟

بو جاسم : لآتقول هالرمسه مره ثانيه أكيد يهمني ولا ما سألتك ..
تنهدت : زين أنا في تايلند ..

بو جاسم ومستغرب : وين !! وليش ماخبرتني أروح وياك إنت شايف وضعك كيف ؟؟ كيف اتدبر عمرك ؟؟
رديت وأنا أضحك مب من خاطري : ههه ليش ناقصني شي ؟؟

بو جاسم : لآ حول إنت بلاك جيه على الأقل حد يروح وياك ..
قلت بجديه : وأنا مب محتاي حد ..

بو جاسم : أنا باجر إن شاء الله بسجل في الطياره وبييه عندك ..
رديت : قتلك مب لازم خلك مع عيالك ..

بو جاسم وبجديه : أنا مب مجبور على شي بس هذا واجبي أبوك قبل لآ يتوفى وصاني عليك ..
ضحكت بسخريه : هه أبوي متأكد ؟ .,
بو جاسم : هيه أبوووك يا سيف أبووك ..

كأني لحظتها تذكرت كل جذبه وصلت لي عن أبوي .. قلت : السموحه لآزم أسكر ألحين في أمآن الله .. "وسكرت"

تحرك وأنا أفكر كل شي يمكن يتغير غير .. !!
ولا فات الأوان ..

يمكن رحلتي تغير وآيد أمور ., نفسيتي تتغير ., أنآ أتغير !.,
كنت أتذكر أمور مآ أريد أتذكرهآ .,
بس الإنسآن أحيانا مايتحكم بأفكاره ..
.
.
.
.
.
في بوظبي بيت (بو عبدالله )
_عايلة متواضعه _
.
.
نزلت ساره من الدري مستعيله وطاح من إيدهاا صحن الكيك ..

ساره : يااااربي .. !!
أم عببدالله : ساااااااااارووه شو كسرتي !!!!
ساره : لآ لآااااا مااشي أميه لآتحااتين ..

أم عبدالله "في المطبخ" : ليكون كسرتي صحن الكييك !!!

ساره : لآاا ماكسرت شي هذاا .. "يلست تفكر " هيييه هذاا فوني طاح من إيدي بس ماصار شي ..

أم عبدالله : حسبى الله على إبلييسج بعد تخرطيين " وظهرت من المطبخ "
ساره تبتسم ..

أم عبدالله : هذاا شووو "وإتأشر على الصح إلي إنكسر "
ساره : السموحه .. "وتبتسم" وعقب ركضت لين حجرتهآآ ..

أم عبدالله : ماااعلي مااعلي حسابي معااج بعدين ..
"ورجعت المطبخ"

دخلت ساره حجرتهاا : هههه زين مآقالت شي إنزين شو أسوي بروحه طااح !!
دخل ناصر أخوها : ساااروه أقولج ..
ساره بعصبه : نعم خيير شو تبي ؟؟

ناصر : بل بلآااج تعآلي عضيني مره وحده ..
ساره وتتأفف : شو تبي ؟؟ بتقول ولآ كيف ؟؟!

ناصر وييه صوبهاا ويسحب شعرهاا : جب أنا أخوج الكبير وين إحترآمج هاا ..
ساره وتقرصه في إيده : شو تبى بشعرييييييييييي والله بزقر أميه

ناصر ويعااند : شوو مآ أسمع ..
ساره وتصارخ : أمييييييييييييييييييييييه أمييييه شوفي ولددددج الغبي ..

ناصر : جب زين ، كنت بسألج بيت عمي بعدهم في تايلند ؟؟؟

ساره وتفكر : هيه تقصد ميثاني وسيف ..
ناصر : هيه .. بعدهم !!

ساره وتفكر : يب في تآيلند

ناصر وبحماس : عيل عندييي لج خبررررر بيخليج إطييييييريين من الوناسه ..
ساره ومتحمسه : صصصصصصصصصصج شووو ؟؟؟؟؟؟؟؟؟؟؟؟؟؟؟؟
ناصر ويعاند وصد ويهه : مآ بقول عنااد "وكان يبي يطلع"

بس ساره مسكته : إيييييييه قوول لييش جيه إنت أوف ..
ناصر ورجع إلتفت صوبهآ ومبتسم على طرف : بقوولج بس بشرررررط !!

ساره : أوككككككك لو مليون شرطط قول شي يخص بيت عمي ..
ناصر ويفكر : مممممم تقريبا ، المهم الشرط هو أني أبآج تروحين تقنعين أبوي يخليني أكمل دراستي برع ..

ساره وتتأفف : تدري أن أبووي يخاف عليك ومستحيييييييل يوافق ..
ناصر : عيل برايج ، شوفي حاولي يمكن يسمع لج ..

ساره بقهر تدري أبوها مستحيل يوافق أن أحمد يكمل دراسه برع وأنه مابيروم يشوفه : إنزين ..
ناصر ويطالع ساره بإستغراب : بلآج ؟؟

ساره ومتنرفزه : شووو !!
ناصر : شوو إلي شوو يالله قوومي إرمسي أبووي ..

ساره وبإستغراب : ألحيين !!
ناصر ويضحك : هههه عيل متى يالله جدآمي ..
عقب راحوا الميلس ،،
.
.
.
.
عند سيف بعده يدور ميثه :

حآولت أدورهآ وأنا أمشي وينج ميثوه ..
أنا ليش قلت بآخذها المستشفى هذي جزآتي .,

إذا أميه عرفت مآبتخليني بحآلي .,
ياربي منهاا .. ماتتغير أبد ..
خاطري في يوم أحس فعلا أنها قد الثقه حتى في أصغر الأمور ..
وأبوي أصر خذها معانا ..
كنت أمشي بسرعه ., بس صدمني شي من بعيد خلآني أوقف مكاني !!!!!!
تحركت بسرعه ومسكت البنت أشوف بلآها كانت تصيح .,

مدري منو هالإنسان إلي مافيه رحمه ترك البنت بروحها هنيه .,
شفت على راسها دم ينزل شكلها طاحت أو شي وهيه تركض كانت تصيح ..

ومحد مهتم شفت وحده يايه من بعيد تركض يت صوبي وشلت البنت ويلست تركض مدري وين بتروح ..
مافهمت شو السالفه الناس كانوا يتكلمون بس مآفهمت يمكن أمها بس حرام تخلي وحده صغيره بروحهاا
عمرها يمكن أقل من سنتين .. الله يسآمح أمها ! هذا إذا كانت أمها صج ؟؟؟ .,
شفت على قميصي دم شوي لآحول مب وقته ..
وينهاا هالمييثه أوووف ..
.
.
.
.
[ في الحديقة]

الزهور في كل مكآن .. حديقة كلها أشجار .. اليهال يلعبون ويركضون ..
الشمس قربت تغرب والجو حلو كآن .. كآن المكآن متواضع في كل شي ناسه و الإسلوب ،
.
.
كنت أمشي لمحت حد يالس بعيد يآني فضول ..
أنا وايد صارلي قبل أييه هني فالحديقه وتقريبا حفظت إلي فالعاده موجودين !!

تحرك ويلست في وآحد من الكراسي .. أوووف تعبت خلآص
تذكرت التايلنديه ههههههههه ضحكتني يوم خلت بنتها عندي صحححح بنتهاا أنآ وين خليتهاا !
أتوقع عند المحل .. مممممممم يالله أكيد بتشوفها

شفت واحد تايلندي ياي من بعييد ماسك لوحآت وشال شنطه شكله يرسم أو شي ..
وقف صوب النافوره ويلس يرسم ..
تذكرت صح هذاا هوو كل مآ أييه هنيه أشوفه يرسم ..

يلست أراقبه كآن يرسم منظر سما في لون الغروب ..
يلست أجدم وأجدم لين ماوصلت صوبه كآنت اللوحه وايد حلوه ماشاء الله إبداع ..

من كثر ماهو مندمج ماحس فيني وأنا واقفه ..
سمعت صوت : Nice Drawing" ..

إلفت أنآ لمصدر الصوت ., ونفس الشي إلتفت إلي يرسم لصآحب الصوت ..
الرسام : شكرا ..

صاحب الصوت : عفوا ..
قلت وأنا مستغربه من الرسام تكلم عربي وإستغرب من شكل الريال : من الإمارات إنت .. !

رد علي : هيه إختي ..
قلت في نفسي حليله مايروم يمشي .. الحمدلله على والشكر على كل شي ..
قلت حق الرسام : تعرف عربي !!

الرسام : نعم أتحدث العربيه ..
كآن يتكلم بطلآقه على قولتهم إنصدمت !!! كيف جيه كلهم يعرفون عربي عيل بعد أنا بتعلم تايلندي خخخخ
قلت : أها عيل تدري أعرف أرسم أحسن عنك ..

الريال كآن يطالعني ببرود !!

أما الرسام فهم قصدي " ومد الفرشاه" : حقا إذا دعيني أرى !! " إستغربت من حركته "
بس تميت واقفه مكاني ،
بعدها سمعت صوت : إننننننننننننتييييييييييي هنيييييييييه !!!!!!!!!
.
.

{ بعض الأمور تحدث ببطىء ولكن عندمآ نتذكرها تكون مجرد ذكرى خاطفه ، فهل البداية مجرد ذكرى للنهاية !! }

. . .. ... وسوف تستمر الحكاية !!

__DEFINE_LIKE_SHARE__

أسرار قلب · 08-01-2013, 07:24 AM

( الصفحه الثـآنية )
" كنت أتوقع ., ولكن ليس كل مآ نتوقعه حقيقه "

بين زحمة الحروف .,
بين حبر قلمي ..
وبين عبآراتي ..
تكتمل الحكآية ..
.
.
.
(عند المحلآت)
كان الوضع مايطمن بالنسبه لأم سعود لأن سعود وميثه تأخروا . !!
كان همها تعرف ليش تأخروا ووليش سعود مآيرد !!

كنت منصدم ميثه شو تسوي هنيه وسيف شو السالفه !!!!!!!!!!!
إلفت : سعووود .. "كان خاطري أضربه وأقول له ليش خليتني بروحي !!!!!!! بس إحتراماً الريال ماتكلمت"

سعود ويلتفت ويوجه نظراته للريال : سيف .. !!!!!
الريال بهدوء : هيه بلاك مستغرب !!

شو السالفه يعرفون بعض بس سيف مآيرابع إلي في عمر هالريال .. !!
سعود : لآ مب مستغرب ولا شي .." عقب إلتفت يشوف الرسام ".. عيل إنتوا يالسين إتشوفون الرسام ..
الريال ويطالع الرسام : إنت شو اتشوف !!

سعود ويضحك : ههه عالعموم فرصه سعيده (ومسكني من ايدي )

يلسنا نمشي همست لسعود : من متى تعرف هالريال ؟؟
سعود وحسيته شبه معصب : وإنتي حظرتج شو خلآج تروحين صوب الرياييل ..
" عقب تحركنا " ..

رديت : كنت أشوف إلي يرسم وعقب شفت الريال ييه وبعدين عآدي مافيها شي ..
سعود : لآ والله صج آنسه ميثه تروحين على كيفج وأنا ايلس أدورج وعقب واقفه حظرتج مع هذا الي اسمه سيف؟؟

ضحكت : وين أنآ واقفه بعيد وأصلا أنا ما أعرفهم ! إنزين السموحه لآتعصب سوء فهم والله هههه..
سعود ويطلع فونه : زين بس لآتضحكين ..
سكت وقلت في بالي شو هالحظ الواحد مايظهر إلا تصير سالفه .. أيلس فالفندق طول عمري وايد أحسسسن ..

حسيت ميثه تضايقت من كلآمي بس ولو المفروض ماتروح بروحها لو أنا كنت معاها مب مشكله ..
إتصلت على أميه : ويييييييينك سعوووووود بلاك ماترد ؟؟
رديت : هلآ أمآيه لآتحاتين نحن في الدرب شوي وبنوصل ..

أميه : كيف إختك إن شاء الله بخير ؟؟
إلتفت شفت ميثه مسويه طاف أونها : بخير والله ..
أميه بفرحه : الحمدلله يالله عيل لآتطولون ..

قلت : لآ ألحين بنوصل .,
أميه : في أمآن الكريم (وسكرت)
.
.
.
.
.
عند سيف [ شفت الرسآم يلس يكمل رسمته ..

وأنآ أراقبه ..
كآن شي حلو أنه يسوي لعمره جو مع أنآ وايدين رايحين ورادين مع هذا مركز ..
للحظه كنت أفكر في البنت معقوله تعرف ترسم .. أو مجرد كلآم ..!

حركت الكرسي وقررت أرجع الفندق ..
تذكرت قبل 15 سنه ..

كآن همي أهلي يشوفون مواهبي ، كنت أشوف الموهوب شي كبير ..
للحظه الدنيا تخلينا ننسى أمور مآ كنا نتوقع أن بننسآها أو بنترك أمور كنا نحب نسويهآ ..
بس الحمدلله رغم كل شي وألحين ماعندي شي أسويه !! ..
.
.
.
(بعد مرور الوقت)

دخلنآ الفندق وسرنآ الغرفه ..
كآنت أميه نآيمه حليها شكلها يلست تتريآنا .. ومآقدرت تقآوم الرقاد ..

سكرت الباب .. وميثه على طول فسخت العبايه وفرتهآ بعصبيه ويلست ..
قلت : ميثووه يالله عاد بلآج .؟؟

مآردت علي ..
سرت صوبهآ : ألحين إنتي معصبه ولآ زعلآلآنه ولآ كيف ؟؟

مآردت ..
نرفزتني : أقووول وآيد عطيتج ويه بترمسسييين ولآ شووو ؟؟

ميثه طآلعتني بنظره وعقب قال : خير شو تبي ؟؟ لآ تخآف مآبطلب منك شي مره ثآنيه روح ربعك يتريونك ..
قلت أعاند : أكييد بروح مع السلامه "وطلعت سكرت الباب بقوو"
مشكله الدلع الزآيد ..

إتصلت في علآوي وعبدلله وخبروني أمر صوبهم تحت يتروني ..
مدري ليش حسيت بأن إلي سويته غلط !!
وميثه تضايقت ! كنت أفكر أرجع وأتسامح منهاا ..
بس غيرت رايي ..
.
.
.

الحقيقة نحناج لأمور كثيرة كي نتعلمها نفهمها نحآول الوصول لهآ ..
هنالك حواجز قد تحطمنا ، وهنالك عبارات قد تجرحنا ..
ولا بد في يوم أن نترك من نحب من أجل من نحب ..
.
.
.
بعد مرور الوقت .. " تأخر الوقت والدنيا ليل " > عند سيف..

كلمت ورحت صوب الفندق ..
بس مادخلت شفت سعود واقف مع ربعه ويضحك إبتسمت وأنا أشوفه مستانس مدري ليش ..
تصدقون يمكن هذي مب أول مره أشوفه ..

قبل سنه كنت هنيه وكان سعود بعد موجود بس أنا كنت في فندق ثاني ..
شفت في الأسواق مع أمه ..

يلست بعيد عند الرصيف .. كان الجو حلو مع أن الدنيا ظلآم ..
حسيت بخطوات وراي ........... : سيف !!

إلتفت : هلا سعود .. " شفت محد معاه "
سعود ويتساند على العمود : شو تسوي هنيه ..

رديت : إنت شو تسوي ليش مب راقد ؟؟
سعود ويفكر : كنت أسولف مع الربع وراحوا يرقدون ..

قلت : وإنت مب ناوي ترقد ..
سعود ومحتار : مدري ..

شفت عيونه وعقب قلت : متأكد مافيك شي ؟؟
سعود ويضحك : هههه والله مافيني شي ، صح السموحه على إسلوب علاوي وعبدلله معاك
"سكت " .. تراهم دوم جيه يحبون يمزحون ..

رديت : لآ عادي ولايهمك يالله روح إرقد ..
سعود : أوك شكلك ماتبيني أيلس معاك ..

قلت ببرود : هيه أريد أتم بروحي ..
سعود ومتضايق : زين برايك أخوي تصبح على خير " وتحرك "

مارديت عليه رجعت أطالع السما .. يمكن في يوم تعرف هالشعور يا سعود ..
.
.

(اليوم الثاني) .. عند ميثه :
كنت أطالع السقف وأفكر ميثه شو بتسوين .. !!
لي متى بتم في تايلند إشتقت حق ربيعاتي وبنات عمي ..
وعماتي إشتقت لهوآ بوظبي أحس عمري مخنوقه ..
.
.
إلتفت شفت فوني وصلني مسج من بنت عمي ساره ..
قريت المسج وإنصصدمت يلست وقريت المسج مره ثاني !!!
وثآلثثثثثثثثه كنت منصدمه !
(ميثااااااني أناا في تآيلند إطلعي برع بتحصليني عند الفندق)

مستحيييييييل من صجهاا !! لبست عباايتي على السرييع وشليت الشيله ظهرت ..
وكنت مستعيله ههه دعمت في بنوته حليلهاا مسكتهاا وبستهاا : سوري ، عقب كمل بس إنصدمت يوم شفت هالإنسان !!!!

هيه نفسه شو كاان إسمه ......
مآاهتميت وايد شفت ساره تأشر علي سرت عندهآ ..

قلت ساااااااروووه !!
ساره : سبراااااايييييزززززززز
حضنتها بقو : فديييييييييييييييتج ماكنت متوقعه بتقنعين عمي عسب إتين تايلند ..
ساره : هههه بس بتجتليني ..
سلمت عليها : شحااالج ومع منو ييتي ؟؟

ساره : الحمدلله مع أخوي أحمد ..
مسكت إيدهاا : أها عيل تعاالي حيااااااج والله ماتصورين كيف مضاايجه بروحي ..
ساره وتضحك : فديتج حااسه فيييج ..

يلسنآ نسولف ونضحك ..

[ ساره بنت عم ميثه ، هم 4 خوان ،ساره ناصر وأحمد دوم مع بعض حتى فالدراسه يبون يكملون دراستهم برع مع بعض وعبدلله متزوج ..]
.
.
.
ساره : تخيلي أناا طول الوقت نايمه ههههه قمت من النوم و وصلنااااا !! إنصدمت ههه
ضحكت : هههه المهم الحمدلله على سلآمتكم ..

ساره : الله يسلمج عيل وين عموه ..
رديت : في الغرفه الثانيه نايمه ..
ساره : أهاا يالله عقب بسلم عليهاا .. أمس أخوي ناصر رمسهآ وقالت له أنكم في هالفندق ..

قلت بإستغراااب : أهاااااا ، بس غريييبه كيف قدرتي إتييين تايلند مآتوقعت ..
ساره وتضحك : هههه أحمد أخوي قدر يقنع أبوي هو وناصر .. أنا بروحي كنت فرحانه واايد ماشفتي شكلي يوم رمسني ..
"وسحرت شوي" .. عقب قالت زين أنج مااشفتي هههههه أبوي مآ إقتنع فالموضوع بس يوم قلنآ أنكم هنيه قال روحوا ..

ضحكت : ههههههه إنزين خبرني كم يوم بتمون ؟؟
ساره : مممممممممم تتوقعين كم يوم ..

قلت : هممم مدري .. مآفيني أتوقع قولي؟؟
ساره وبحزن : يومين ..

قلت بإستغراب : هاااااااا !!!! يومين بسسسسسس !!
ساره وتضحك : ههههههه أمزح ..

ضربتهاا بالخفيف : جذابه من يوومج ..
ساره : أستغفر الله حليلي أمزح يمكن إسبوع أو أقل 5 أيام مدري والله على حسب الوالد ..

تنهدت لأني أعرف عمي : دام حسب الوالد شكلهم مابطولون وايد يخاف عليكم خاصه أحمد ..
ساره وتبتسم : هيه من حقه ..
"في حد دق الباب"

رحت عند الباب وقلت : أووف منووووووووووو ؟؟

كآن سعود : خييبه بلآج معصبه بطلي البااب بقولج شي ..
رحت وفتحت الباب : شو صآر ؟؟
سعود : أحمد يبي يرمس ساره ..

طالعت على ساره : أخوج يبااج ..
ساره وتوقف : وينه ..

سعود : تعالي إنتييي عقب قولي وينه ..
ساره وتتحرك : أوك يالله ميثه بروح أشوف شو يبي وبرجع لج ..
.
.
.
.
هنالك الكثير من الأشخاص حولنا نحتاج وجودهم دائما معنا ..
وهنالك آخرون حتى وإن إبتعدت المسافات تبقى المحبة دائمه ..
.
.
بعد صلآة الظهر :

هل أنآ أريد الحقيقة و أحاول أن أبحثا عنهآ ,
أم ليس كل مآنسمعه حقيقي !!
.
.

طآلعت على ميثه ببرود : زين !!
ميثه : لآ إنت صصصج مب مهتم !! يعني كيف تبآني أسكت !! "سكت شوي وعقب قلت "
ليش مآتخبروني أريد جوآب مقنع تفضضضضل قوووول ؟؟

يلست على الكرسي : مييثه إنتي بلآج معصبه ألحين أقووولج أنآ بروحي مآ أدري مآ أدرييييي مآتفهمين شوو ؟؟

ميثه واتأشر على الباب : أقووول بررررع خلني برووحي ..
وقفت : زييين آنسه ميثه تطرديني يعني ؟؟

ميثه بعصبيه : سعود إنت تدري أني مععصببه ..
سعود ويستفزني بإبتسامته الغبيه : بعددد بعدد عصبي أكثثثررر ..
سكت ..

سعود ويأشر على ساعته : أترياج عند الباب .. "وعقب ظهر "..
بعدها ظهر سعود ولبست عبايتي بعد ماتعدلت ظهرت شفت سعود وساره يتريوني ..
ساره ويايه صوبي : وأخيييييراً ..

شفت سعود يرمس في الفون .. همست : ساره ذكريني أكلمج عن هذاك الموضوع ..
ساره بإستغراب : موضوع شو ؟؟

قلت : عقب ., بس ذكريني ..
شويه ويسكر فونه سعود : يالله أحمد يقول تعبان شوي ..
ساره ومستغربه من بكلآم سعود أن أحمد تعبان بس مآ قال شي .. !!
خافت لآيكون في شي ولآ أبوها بيعصب وآيد ..

"عقب كملنآ طريجنآ"
.
.
.
.
((في الفندق ))

لآ أعلم هل هنالك قصة تختلف ..
أم مجرد قصص تتشابه ويختلف أبطالهآ !!!
.
.
تنهدت : بمر عقب المكتبه ولا بدور لي شي أسويه ..
سمعت فوني يرن إبتسمت على طرف لما شفت الاسم .. بس مابرد شو مايصير
إذا أمس ماعرفوه قيمتك اليوم بيعرفون !!

ضحكت على تفكيري حتى تفكيري تغير .,
الزمن يغير وايد بس الطبع صعب يتغير

حركت الكرسي وسرت صوب اللاب فتحته .. دورت على الملف ماحصتله شكلي حذفته في ذاك اليوم
لما عصبت .. سكرت اللاب ما منه فايده ،

إستغربت يوم سمعت صوت حد يدق الباب !!
تحركت غربية منو يعرف أني في هالفندق ..

لما فتحت الباب ..
............... : مرررررررحبببااا السآآع سيوووف ..
............ : شو سيوووف إنت إحترم الريال شوي مب أصغر عيالك ترا ..

قلت بإستغراب : علي !! وعبدلله ..

علي ويطالع عبدلله : هاا ماقلت لك مستحييييل ينسى ..
عبدالله : هههه أخوي شحالك تذكرنا أشوفك بعدك على الكرسي ..؟؟

إسلوبه إستفزني رديت : منو إنت عسب تسأل عن حآلي ؟؟!

عبدلله وعلي بإستغراااب !!!!!!!!
مسكت أعصابي وقلت : يالله توكلوآ " وسكرت الباب بقوو ..

وفي الجهة الثانيه عبدلله وعلي مستغربين !! لدرجه أنهم بعدهم واقفين عند الباب ..
شفت عبود وعلآوي قلت : ههه بلاهم ؟؟ جيه واقفين .. !َ! حوووووووو بلآكم ؟؟

علآوي ويأشر على الباب : سعود طااااااااافك ..
رديت : شووو ؟؟

عبدالله وعلاوي : ربيعك !!
قلت بإستغراب : ربيعي ، ليش أنا عندي ربع غيركم ؟؟

علي : سيف ..
ضحكت : ههههههه من قالك أن سيف ربيعي !!
عبدالله : هاا ؟؟ زين عيل برايه ، خبرني وين كنت؟

رديت : ماشي مريت صوب المكتبه ..
علآوي ويطنز : أوب أووووب منو يصدددق سعوووووود يروح المكتبه !!!!!!!

ضحكت : خخخخخخ أقول يالله بررررررقد ألحين تعباان ..
عبدالله وعلاوي يطالعون بعض : خيييييببببببه ..

رديت : شو الي خيييييييييييبه " قلدتهم"

علآوي : إنت كلللل تنآم للحين الساعه 6 وشي !!
سويت طاف لهم " ومشيت علآوي : زيييييييين عقققققب بدق لك ..
دخلت الغرفه وسكرت البااب ، على طول فصخت غترتي وإنسدحت ..
.
.
.
.
في المكتبه " ساره وميثه يالسين على وحده من الطاولات "
كانت المكتبه حلوه لو أن زحمه بس هدوء ..

همست لساره : أقوولج ترا إذا سعود نآم مستحيل يقوم أخاف ينسى !!
ساره : خخخخ مالت

بعد ثواني شفت ساره مندمجه في الكتاب الي تقراه ..
قلت : انزين ساروه ..

ساره : ها " وعيونها على الكتاب"

رديت : سااروووه ..
ساره : ها "وبعدها تطالع الكتاب "

قلت : أريد أقولج شي شوفيني عقب كملي ..

ساره وتأفف : أوووف شووو قوولي خلصيني ..
رديت : طع هاااااااي أوك زيين شكرا مآ أريد أقولج شي .. "وقفت " بروح أدور كتاب

ساره وإطالعني نظرة إعتذار : سوري ، مب قصدي والله ..
مآرديت علها قمت أمشي شوي وأشوف الكتب إلي موجوده ..

كآنت المكتبه هدوء في مجموعات بس كل وآحد يقراا ومآلهم حس ..
شليت كتاب لفتني غلآفه من قسم الكتب بالانجليزي ..

تصفحت عالسريع بس مدري غيرت رايي .. إلتفت أشوف ساره بعدها مندمجه ههه
ضحكت لما تذكرت قبل سنه كنآ أنا وساره هنيه وكنا نتهاوش وسعود عصب عليناا وتركنا نحن إستغلينا الفرصه
ويلسنا نحاوط هههه بس ألحين سعود بروح سار ينام يدري أن ساره إذا اندمجت في شي مستحيل تتحرك ..
الشي إلي أعرفه شو سبب هالرحلآت كل سنه !!
.
.
.
( في الجهة الثانيه " بوظبي " )
بيت بو عبدلله .. في الصاله كآن الجو هدوء محد في البيت غير أم عبدلله وأم مايد ..
(أم عبدلله = أم ساره ) ( أم مايد = عمة ميثه وساره )

أم مايد وتبتسم : خلاص أنآ بشوف عقب مب مشكله ..

أم عبدلله : هيه العيال ساروا بروحهم وأنا أحاتيهم ..
أم مايد : ميثه و ساره رمسوني ..

أم عبدلله وتصب القهوه : هيه يقولون ألحينه هم فالفندق ..
أم مايد : لآتحاتين أم سعود وياهم ..

أم عبدلله : هيه ماعليه إنتي شحالج وعساج بخير ..
أم مايد : والله الحمدلله بخير ..

أم عبدلله وكأنها تذكر شي : أم مايد شو رايج تروحين تايلند ..
أم مايد بإستغراب : والله مشغوله وهم بعد رمسوني في هالموضوع ..

أم عبدلله : تعرفين أحمد تعبان وأخاف عليه وايد ..
أم مايد : ماعلي إن شاء الله بحاول لآتحاتين ..

أم عبدلله ومتوتره : م مشكوره ..

أم مايد في بالها ( ما أدري ليش هالخوف .. مكن لأن في شي مآ أعرفه ..
بس مب معناته أنها تخاف جيه .. تذكرت يوم ميثه رمستني هيه وساره يبوني أسافر وأروح تايلند)
.
.
.
" وفي المكتبه "

رجعت عند ساره ويلست تنهدت ..
ساره تطالعني بنص عين : ها ماحصلتي شي ..

رديت : مدري مليت من هالكتب ..
ساره وتتطنز : عيل إكتبي إنتي بنشوف شو بيطلع منج هههه

قلت : إتصدقيين أنها فكره حلوه ..
ساره ورافعه حايبها : من صجج !!!!!

حطيت راسي على الطاوله : أتمصخر .. "حسيت عمري أريد أرقد "

ساره تقرا فجأه : يكككسر الخااطر ..

قلت وأنا بعدني حاطه راسي في الطاوله : شو صار في القصه ؟؟
ساره : لآ مب في القصه ، في واحد دخل المكتبه مايروم يمشي بس سار ..

أول ما قالت جيه رجعت أتذكر الموقف رفعت راسي : شوووه !!!!!!!!!!
ساره وتهمس : خفي صوتج .. "وعقب أشرت" سار هناك ..

إلتفت مآشفت حد قلت : شكلج تتخيلين خخخخ ..
ساره : لآ ما أتخيل متأكده .. ويت " ووقفت "

قلت : وييين !!
ساره وتهمس : ويت عسب أثبت لج أني مآ أتخيل ..
ضحكت عليها صج تعيش الجو أحيانا وتقلب المحقق كونان ههه : زين خلاص صدقتج من لآزم ..

ساره : لآ لآزم أثبت لج .. "وراحت تمشي "

حطيت إيدي على خدي : ساره ماتتغير أبد ، يلست أراقبها .. تروح وترد .. وتروح وترد هههه كأنها مضيعه شي ..
إلتفت الجهه الثانيه وأنا أفكر معقوله يكون إربيع سعود !!
.
.
.
.
[في الصوب الثاني]

خذيت كتاب ويلست أقرا ..
من زمآن مآقريت كتب ، أول مره أييه هالمكتبه مآكنت أدري أنها قريبه من هالفندق ..

شفت فوني يرن " بو جاسم " تنهدت مآ أتخيل ييه تايلند ..
مآرديت عليه ، لي متى يتحراني أريد حد يكون معاي صح مآ أروم أمشي بس مب معناته
مآ أقدر أدبر عمري وأعيش حالي حال باقي النآس ..

فتحت الكتاب ويلست أقرا ..
حسيت في حركه وراي إلتفت شفت وحده لابسه عبايه وإطالعني !!
استغربت منو هاي وليش إطالعني جيه ..
قلت : خير إختي !!

شفتها توترت عقب رآحت كأنها مستعيله !!
مالي خلق أضحك بس تصرفاتها ونظراتها غريبه شوي ..
يمكن أول مره تشوف واحد مقعد !!

.
.
.
شفت ساره يايه صوبي كأنها تركض فضحتنآ ههههه سويت عمري مآ أعرفهاا ..
يت ويلست : شششششششششفته ..

قلت : خيبه بلآااج؟ ..
ساره : يعني مآكنت أتخيل صج موجود وقال حقي خير إختي أخااف شافني وأنا كنت بصوره ..

رديت بصدمه : إتصورييييييييييينه !! ساروه من صجج إنتي خبله شوو ! يعني زين جيه ألحين بيقول ..!!!!!!!!!
ساره وتتنهد : زين مب مشكله بقول كنت مشبه فيه ..

رجعت حطيت إيدي على خدي : لو طلع إربيع سعود ..
ساره وتسحب إيدي : أووووووووونه !!

الذكيه كانت بتخليني أضرب راسي بالطاوله : بلاج شوي شوي ..
ساره وتسكت فجأه ..

طالعتها : شوو !!
ساره وتهمس بصوت خفيف : ..

مآسمعت عدل : شو ؟؟
ساره وتأشر : وراج ..

إلتفت !!!!!!!!!! هيه هذاا رجعت طالعت ساره : قووومي يالله نظهر من هنيه ..
ساره وحاطه الكتاب في ويها : سكتي مآ أقدر بيشوفني وعقب إذا عرف سعود أني كنت بصوره بنروح فيهاا ..
كنت أفكررر بسرررعه كييف نطلع من هل الموووقفففف .. !!!!!!!!!!!
.
.
كآت
.
.

__DEFINE_LIKE_SHARE__

أسرار قلب · 08-01-2013, 07:26 AM

( الصفحه الثـآلثه)
الصدمة عندمآ أدرك حقيقة كل شي بسرعه !!

.

.
أحيانا نفضل الإبتعآد عن كل من هم حولنآ ..
ولكن رغم كل شي لا يمكننا أن نتجاهل من هم حولنا بسهوله .. !
.
.
.
[ في المكتبة ]

ساره وتهمس : خلآص ساآار شكله مآ إنتبه ..
تنهدت والله ما أريد تصير مشاكل : زيييين ..

إلتفت مآ حصلته شكله مآ إنتبه علينآ ..

ساره : ههههههه والله مآ أتخيل يخبر سعود بقول إنتي خبرتيني أصوره ..
قلت بعصبيه : لآآآآآآ والله هيه عسب يسوييها ساالفه سكتي سعود عصبي لآيغرج يضحك ويسولف ..

ساره وتفكر : زين عيل أحمد مب جيه .. صح شو كنتي تبين تقولين لي ؟ ..
قلت لها : أريد أقولج أنآ تأكدت من الكلآم إلي قلته لج قبل ..

ساره وتحآول تتذكر : كلآم شو ؟؟
رديت : تحيدين يوم رمستج عن سآلفة هالسفره ..

سآره وتذكر : هيه تذكرررررررت شو صآر ؟؟ صج الكلآم ..
تنهدت : هيه الظآهر جيه ، رمست سعود وقآل أن أبوي يالس يدوره بس أحس في سبب ثاني للرحلآت بس ماعرفته للحين ..

سآره ومتوتره وكأنها تعرف شي : سبب ثاني كيف يعني ..
رديت : هيه ، المهم ألحين تأكدت من الكلآم إلي سمعته .. يعني إلي كان ينقال كله جذب ..
ساره وبحزن غريب : أصلا الكل صدق الجذبه ..

كمل كلآمي : سمعت أنه أكبر من سعود بسنتين يعني 24 بس مب متأكده ..
ساره وتفكر : 24 زين وأمج شو رآيهآ .. تعرف أن أبوج يالس يدور ولد أخوي العود ..؟؟

رديت : نفس الشي مآتبي حد يدري ..
ساره : زين ، كييييف عرف أبوج أن هو في تايلند ؟؟

تذكرت كلآم سعود : سعود يقول أن مجرد تخمين ومآفهمت يوم قآل (يمكن أبوي يعرف أن موجود هنيه) ..
ساره : لحظه لحظه ، رتبي كلآمج .. مآفهمت يعني أبوج يتوآصل معاه ؟؟

رديت : مآ أدري ليش مآيبون يتكلمون أو يقولون شي حقي .. ومضايقه من السالفه وآيد لأن دوم مايخبروني شي ..
صار هدوء وساره سكتت من بعد رمستي ..

عقب قلت : تصدقين ، بديت أحس أن أبوي يتوآصل معاه بس ليش مايبينا نعرف الموضوع ..
ساره بحزن : والله بس مب عذر ، تخيلي لو عرف أن أبوه مات .!! كيف بيكون شعوره ..

رديت وأنآ أفكر :عمي قبل لآيتوفى كلم أبوي وخبره يشوف وين ولده ..
ساره : يعني أبوج ألحين يدوره في تايلند على أساس أن يتواصل معاه ..

قلت : تقريبا ..
ساره وتتنهد : والله مافهمت ..
قلت : شوفي نحن بنسوي عمرنا ماندري شي ولما بنرجع برمس أبوي في الموضوع وبتأكد ..

ساره بتوتر : ترمسين أبوج ! ..
قلت : هيه مافي حل ثاني أبوي ألحين في فندق ثاني .. لما بييه عندنا وبنرجع بوظبي برمسه ..

ساره وكأنها سرحت ..
طالعت عليها شو فيها ملآمحها تغيرت : ساره وين سرحتي ..

ساره : هاا لآ ماشي إن شاء الله خير ..
إبتسمت : تصدقين إشتتتتقت لأبوي ماشفته من يوم وصلنا ورآح فندق ثاني ..
ساره : ليش مارمستيه فالفون ..

رديت : هيه من قبل 4 أيام رمسته وألحين يوم أدق له مغلق ..
ساره : أها ، شكله يدور ولد عمي هنيه ..

إبتسمت : هيه الأمور بتتصلح والدليل نحن هنيه ..
ساره : لآ تتحمسين وايد ترآنا في النهايه يالسين فالفندق وخوآنا يحاوطون يعني شكلهم مآيفكرون في السالفه ..

رديت بجديه : لآيفكرون مب لآزم المهم أبوي يفكر وبنفذ وصية عمي الله يرحمه ..
ساره ومستغربه : الله يرحمه شكلج عصبتي ..

قلت : لآ مب معصبه هو في النهاية ولد عمي يعني مب أخوي صح ..
ساره وتضحك : ههههه زين خلاص .."ورجعت تقرا الكتاب إلي فإيدها "

ياربي ألحين بتسوي طاف ههههه ،
.
.
.
الكذب لا يدوم طويلا .. في النهاية الحقيقة سوف تظهر ..
و قد تختلف الحقيقه عندما ننظر إليها بجانب مختلف عما ينظر إليها الناس ..
ولكن في النهاية ندرك أن بعض الأمور يجب عدم تصديقها بسرعه ..
.
.
.
(في المكتبه بعد نص ساعه)

وقفت أدور أي شي أقرآ ..
أشل كتاب وأتصفح وأرجعه ..
أحيانا أنقهر وأرجعه في الرف بقوو .. ههه في وحده تآيلنديه شافتني ومستغربه شو فيني ..!

إبستم لهآ .. ردت الإبتسآمه وعقب راحت ..
أووف ميثه هدي وخلي عنج هالأفكار ..
ياربي ليش أحس أنهم ما يعتبروني وحده منهم دوم أي شي يصير أنا آخر من يعلم ..
يلست أتذكر ..

عمي قبل لآيموت وصى أبوي يدور ولده إلي الكل يتحرآ أن ميت ..
حس بتأنيب الضمير وقبل لآيموت خبر أبوي أن بعده عايش ولآزم يشوفه ..

ألحين أبوي يالس يدوره و هو يتواصل معاه تقريباً يعني مب متأكدين ..
بس بعد ليش هالسفرات !!!!!!! لييييييش!!!!!!!!!!!!!!!!!!!

أرييد أعرف بأي طريييقه ..
.
.
قاطع على أفكاري صوت : احم احم ..
إلتفت !!!! إربيع سعود حسيت بخوف ..

قال ببرود : صدفه يعني ولآ أخوج طرشج ترآقبيني إنتي وإلي معآج ؟؟
إنصدمتتتت !!!! هذاا كييف عرف أني ساره وياي يعني شافنا .. توهقت مآ أعرف شو أقول ..
بس ليش يقول أن سعود طرشنا نراقبه !!!!!!!

رد علي : يعني مآعندج جوآب "سكت عقب قال " بس مب غريبه أنكم تراقبوني !!!
كللله منج يا سارووه الله يهديييج بس : لآ أخوي إنت فاهم الموضوع غلط ، بنت عمي عبالهآ أنك أخوهاا ..

مآ أعرف أخرط عدل .. حسيت سكت يعني صدق !!

رد علي : أهآ أخوها ومقعد مآيقدر يمشي ؟؟
رديت وإمبين أني متوتره :لآ أخوي هيه مآ كآنت منتبه هيه .. تراها مآتشوف من بعيد..

الله يسامج ساره خليتيني أجذب ..

كآن ييطالع شي وراي .. !!
عقب أشر : ممكن تعطيني هذا الكتاب الي فالرف فووق ..

إلتفت : أي واحد فيهم ؟؟
رد علي : ثاني واحد الي لونه أبيض وأزرق ..
شليت الكتاب مسكين مايروم حتى يشل الكتاب وهو في هالوضع ..

سحب الكتاب من إيدي و قال : مشكوره سلمي على أخوج .. " كان يبي يتحرك "
بس فضولي كان أكبر : إنت إربيعه !!!

سكت عقب رد علي : تتوقعين أخوج يرابع واحد مثلي ..
حسيت عمري مآ كان لآزم أسأل : لآ بس عبالي إربيعه !! بس شكيت لأنك كبير وهو دوم مع إلي في عمره ..

رد علي : أهآ .. يعني العيب في العمر مب مثل مآتوقعت .. !
حسيت أني ما لآزم أسأل : هيه ..

قال حقي بطريقه غريبه : شكلج تعرفين تلفين وإدورين فالكلآم عسب تقنعين إلي جدامج !! ..
قلت وواضح علي أني تنرفزت : شووو تقصصد ؟؟
رد ببرود : مآ أقصد شي ليش عصبتي ،!

قلت : لآ مب معصبه ..
سألتني بطريقه غريبه : إنتي وأخوج بروحكم هنيه ولآ ؟؟

مدري ليش رديت : لآ ..
رد علي بسؤال ثاني : و شو سبب هالسفره ؟؟
حسيت بدأ يسأل وآيد : شي خاص ..

طالعني بنظره مافهمتهاا : عالعموم أنا سيف وعمري 28 سنه يعني ما أتوقع أن العمر هو المشكله عسب
أخوج مايرمس معاي! ولآ خلاص أنا شيبه ألحينه بالنسبه له هه ..

سمعت صوت ساره وراي وكأنها منصدمه : ميثه !!! ..
سيف ويطالع ساره : هلآ إختي .. شخبار عيونج ليش مآتروحين تفصلين لج نظاره ولا عدسات ؟؟
ساره وإبستغراب : عيوني ليش ؟؟
لحظها فعلا حبل الجذب قصييير وساااااره محد يعتمد عليها إبتسمت : عسب نظرج ضعيف ..

ساره وبستغراب : بلآكم إنتوا عيوني مآفيها شي !!!!
شفت سيف إلي إبتسم على طرف .. وعرف أني جذبت ..

ساره وتهمس حقي : ميثه شو السالفه ؟؟
مسكت إيد ساره بقوو : يالله ساره خليناا نروح ، في أمان الله أخوي ..

ظهرناا أنا وساره من المكتبه وأنا حسيت لحظتها أن اليوم مابيعدي على خييييييير ..
ساره وتترك إيدي : هيييه شوو السالفه ؟؟؟
رديت بقهر : ساروه إنتي أبببببببددد محد يعتمد عليج ..

قاطع على كلآمي صوت فوني رن كآن سعود خفففففت و تحركت شوي بعيد عسب لآيسمع : هلآ سعود ..
سعود بعصبيه حسيت قلبي يدق بسرعه : وييييييينج !!

بلعت ريجي : ه ه هنيه ف في المكتبه .. !!
سعود ويضحك الغبي : ههههههه هههههه زين خفتي شوو ..

رديت بقهر دوم يلعب في أعصابي : زين خلصت ضحك ..
سعود ويطنز : ههههه لآ للحين ههههههه ..

قلت : زين يوم تخلص إتصل " وسكرت في ويهه ، يستاهل دوم يسوي فيني هالحركه ويضحك علي "

شفت سعود طرش مسج ( أقول بعد هالحركه دوري حد ثاني يرجعج الفندق أنآ برجع أنآم )
أوووووووف شو هاا .. رديت ( سعود لآتستهبل )

رد علي ( لآ والله تسكرين في ويهي وألحين لآ أستهبل )
كتبت ( زين آسفه إنت دوم اتنرفزني ، السموحه منك )

إنتظرت رد منه بس مآرد علي ..
ساره : شوو ؟؟؟
قلت : ساره ذكريني ما أطلع من الفندق مره ثانيه ..
ساره وتضحك : ههههه زين ، برمس أحمد يمر يآخذنا ..
.
.
.
.
(وعقب رجعنا المكتبه وساره يلست تشتري كتب )
.
.
قلت : يالله بس خلآص عقب بنرجع ..
ساره وتشل الكتب : أوك ..

رديت : تعببببت ، وملل ..
ساره وتتطنز : هذا أنا معاج وملآنه عيل لو بروحج ؟

رديت : لآ أمل بروحي وآيد أحس ..
ساره وكمل طريجهآ : واضح ..

عقب ماشرت الكتب وحاسبت خذت الكيس وظهرنآ من المكتبه ، كآن وآيدين ظهروا من المكتبه مآ أتوقع حد تم ..
تحركنا أنا وساره نتمشى ..

وساره مستانسه يالسه تراقب الناس وتصورهم ، تحب تصور وايد خاصه اليهال يمكن نص اليهال الموجوين مصورتنهم هههه

تصير نشيطه وايد في الأمور إلي تحب تسويها بس لو قلت لها تعالي إطبخي أو شي هنيه تصير عيوز وماتروم تتحرك ..
أحسها مثل عمي لأن عمي دوم يحب يشجعها في التصوير ..
أتوقع هالشي في العايله كلم لأني بعد أحب أصور بس مب شراتها ..

ساره وتمسك إيدي : مييثوووه تعاالي بنروح صوب المحل ونشتري شي نآكله ..
قلت : أوك .. بس مب جنه أخوج تأخر ..

ساره : مممممممممممم ماعلي بنصبر ..

كآن شي دكان حق الآيسكريم والحلآوه وغيره قريب من المكتبه.. ساره إشترت أيسكريم ويلست تاكل ،

إلتفت الصوب الثاني ..!!!

شفت الحرمه إلي قبل رمستهآ إبتسمت لها بس غريبه طالعتني بنظره ودخلت ..!
شو سالفه جيه تطالعني أنآ ماسويت لها شي شفت بنتهآ يالسه فوق الكرسي وراسها ملفوف حليلها شو صار معاهاا شكلها متعوره!!

ساره وتهز جتفي : حووو شو يالسه إطالعين ..
أشرت على البنت : حليلهاا أحيد قبل أمها طلبت مني أشوف بنتها ..
ساره : أهاا ..

سمعنا صوت من وراناا : يعنيييييي لآزم تتحركن وتحآوطن ..
إلتفتنا أنا وساره ., كان أحمد وسعود ..

رديت : وأخيرا شرفتوا ..
سعود بعصبيه : شو إتسوون هنيه ؟؟

قلت : ماشي قلنا نمر نشتري شي ناكله ..
أحمد ويطالع ساره : ساره تعالي معاي ..

ساره ومستغربه : وين ؟؟
أحمد ويمسك إيدها : تعالي ..

ساره : أوك باي ميثه .. "وعقب ساروا " ، وأنا سعود كملنا طريجنا للفندق ..
.
.
.
.
{ في الجهة الثآنيه عند سيف } ..

كنت أطالع فوني سرحآن ..
معقولة بتم جيه عاجزز للأبد ..

أقول بقلبي الحمدلله على كل حال ..
وإلي صار قضاء وقدر مافي شي يقدر يغيره ..

أبتسم وفي داخلي ألم يمكن لأني تعودت عليه صار مايهمني ..
ويمكن لأني بالنسبه للناس مجرد إنسان عاجر مهما سوا ومهما حاول بيتم عاجر في نظرهم ..

تذكرت الموقف إلي عمري مانسيته . .

/

\

/

\

كآن قبل 3 سنوات ..

.......... : سيف سييف !!!!

قلت بقهر : خبريني شو إلي بيتغير ؟؟
إبتسمت : وايد أشياء تتغير ..

صديت ويهي صوب الساعه : والوقت نقدر نغيره نقدر نرجع فالزمن ونغير إلي صار ..
قربت مني : سيف إلي صار قضاء وقدر ..

قلت : أنا مب صغير عسب تقولين لي هالكلآم أنا يمكن أكثر وآحد يفهم هالشي بس الصدمه تخلينا ندور أي
شي ونحاول نقنع أعمارنا أن إلي صار يمكن يتغير ..

شفتها تطالعني ببرود أبد ماحسيتها تشفق علي ولآ حسيت أنها تحاول تحسسني بأني ضعيف ..
قلت : لو كنتي مكاني شو بيكون موقفج ..

إبتسمت : بصبر وبحمد ربي لأني قدرت أطلع من الحادث حتى ولو بإصابه مثل هذي ..
قلت : صبرناا ومثل ماتشوفين بعدني فالمستشفى ماتغير شي كل يوم إبر والعملية صعبه يا أمشي يا خلآص مافي أمل ..

يلست فالكرسي حذالي : إصبر لين مآ يمل منك الصبر ..

/

\

/

وألحين أنا صابر وأشوف الصبر مل مني وإنتي مليتي مني ..
ومب بس إنتي الكل مل مني وتركني ..

هذي النتيجه إلي كنت أترياها !! .. كنت أتوقع وتغير توقعي ..
مرت الأيام والسنين وإنت ياسيف وحيد ..
محد يسأل عنك إلا وقت المصالح ..

وهذي الجمله تذكرني في بو جاسم إلي كل همه ..
أشتغل معاه ويستغلني لمصالحه ..
ما أريد منه شي ولآ أريد أعطيه شي ..
.
.
.
.
.
{ عندما ندرك الحقيقة نحتاج وقتاً طويلا حتى نستوعب }

يلسنآ نمشي أنآ وسعود ، كآنوا الناس يبتسمون لنآ ونحن نرد الإبتسامه والبعض يسلمون علينآ ..

طالعت على ميثه كانت سرحانه : ميثه ..
ميثه وإطالعني حسيت في عيونها أنها تبي تتكلم ..

قلت : ليش ساكته ؟؟
ميثه وتشوف جدام : مآشي إنت شو كنت تبي تقول ؟؟

وقفت .. وإهيه إلتفت علي بإستغراب .. !!
قلت : تعالي نروح الحديقه ولا مكآن مآ أريد أرجع الفندق ..

ميثه بإستغراب لأن سعود عمره ما قال لها تعالي نتمشى ولآ نروح مكان : فالعآده تكون مع ربعك ألحين شو إلي تغير ؟ ..
رديت : ألحيين بتيين ويااي ولآ كيييف !!!

ميثه يلست تمشي بمعنى يالله نروح بس مآرمست ..

وبعدها لما وصلنآ كآن وايديين موجودين لأن الجو حلو صآر .. يلست أنآ ميثه بس مآتكلمنآ ..
مر الوقت وعقب قلت لهآ : ميثه يمكن نرجع مع أحمد وساره يعني مآبنطول ..

ميثه بصدمه : شووووو !!
رديت : بلآج ؟؟ يمكن مآنطول بنرد ..
ميثه : بسس أبوي للحين مارجع الفندق ؟؟؟

قلت : أبوي من قبل يومين رجع الإمارات ..

ميثه ومنصدمه : كييييييييييييييييييييييف !!!!!!!!!!!!!!!!!!! متى رجع وليييييش ..
رديت بتوتر : مدري عنده شغل وإحنا بعد خلآص لآزم نرجع ..

ميثه بحزن : ليش دوم إتجذبون علي ..
بلع ريجي وقلت : ميثه الموضوع أن أبوي تعبان لازم نرد علشانه وألحين هو في المستشفى ..

إنصدمت من كلآمي وحسيت بيصير فيها شي : ت تعبااااااان !!!!
رديت : هيه وبعد باجر بنرجع كلنا الإمارات ..

ميثه وتوقف : سعود إنت متأكد أناا كلمته وكاان بخيير !!!!!!!
قلت : يمكن ماحب يقولج وإحنا مآحبينا نضايقج حتى أحمد أتوقع ألحين يرمس ساره ..

شفتها تطالع الأرض وكأنها تفكر ..
لحظتها تذكرت رمست أميه ( ميثه محد يخبرها ) ..
.
.
.
.
هم لآيقصدون أن يجرحونا ..
ولكنهم يعتقدون أن لآبد من عدم معرفتنا للحقيقه ..
يعتقدون أنهم يراعون مشاعرنا بتلك الطريقه ..
ولكنهم يجعلون الأمر أصعب دون أن يدركوا ..
.
.
مر الوقت [عند ساره وأحمد وهم رآجعين الفندق وقفوا يتناقشون ]

ساره بحزن : حراام والله ..
أحمد : ساره مانبي مشاكل ..

ساره وبعصبيه وشويه بتصيح : لييش مايخبرونهآ أن عمي تعباان وخلاص وأن ما فاد العلآج بعد كل هالسنين ..
أحمد : سااره سكتي أحسن لو كنتي مكآنها كنت بتتخبلين علينآ ..

ساره وبحزن : والله هيه مثل إختي وأنآ لآزم أخبرهاا ..
أحمد : نحن بنقول لها أن أبوها تعبان وبس فااهمه ولا لا ؟؟

ساره وبعصبيه : لآ مب فااهمه إسمحولي مابدخل معااكم في الجذب ..
أحمد ويتأفف : سارووه أمها ماتبي ميثه تدري ..

ساره : بس لآززم تعرف ، إذا مب ألحين عقب ..
أحمد : يااربي مننننج ..

ساره وبقهر : والله كييييييفكم ماابتخبرونهاا أن أبوهاا كان طول هالسنين يتعالج هنيه وما فاد العلآج ويمكن يموت..

سمعت الكلآم وأنا منصصصصدمه !!! وكأن حد طعني في قلبي كلهم كانوا يجذبون علي !!!!! شفت على سعود ..
سعود وبعصبيه يطالع ساره : سااره بسسسسس !!!!

ساره وأحمد إلتفتوا وإنصدموا يوم شافوا ميثه وسعود وراهم ..
أحمد ويطالع ساره : زيين جيه إرتحتييي ألحينه ..

سعود وطالعني : ماعليج ميثه من الكلآم إلي سمعتيه ..
ساره مسكت إيدي : ميثه سوري والله ماكنت أريد أخش عنج بس هم حلفوني ما أقولج أي شي ..

مآ رديت عليه كملت طريجي للفندق كنت منصدمه ليش أبوي ماخبرني كيف ماحسيت فيه طول هالسنين !! ..
سعود ويروح صوب ساره : زييين جيييه إنتي مآتقدريين تمسكيين لسانج !!!!!
ساره وتعتذر : والله مآكنت أدري أنكم وصلتوا ..

سعود : والله لو صاار في إختي شي مآتلووميين نفسج "ودخل الفندق"

.
.
.
كآت

__DEFINE_LIKE_SHARE__

أسرار قلب · 08-01-2013, 07:29 AM

( الصفحه الرآبعه )
" لآ أريد سوى أن أعرف أن هنالك أحد لآيهمه من أكون "
.
.
.
.
.
.
القناعة ليست فقد مجرد مزج بين الصبر والرضى ..
ولكن هنالك معنى لايمكن وصفه لأنه إختار مكانه في القلب ..
إن لم ترد أن ترضى بالواقع .. فسوف تكون من الخاسرين ..
حقيقة { القناعة كنز لآيفنى }..
وتستمر الحكله ..
.
.
.
في أمور وآيد لآزم نتقبلهآ ونقول الحمدلله .. نفكر بلحظه شو ممكن يصير أكبر من إلي صار ..
الحياة تخلينا نمر بوايد أمور وأحيانا تجبرنا نتقبلها ، نتعلم منها ، نفهمها .. ونصبر على كل حال ..

[ بعد يومين ] .. في بوظبي (حجرة ميثه ) ..
كان الصمت مسيطر على جو الغرفه من يوم مآ رجعوا ..
لحظتها كان الكل همه شو صار في أبوهم وهل بيستمر معاهم ولآ بتكون نهاية على فراش المرض ..

الهدوء سيطر على ميثه إلي كآنت صدمة بالنسبه لها كيف مآحست بلي يصير حولهآ .. مع أنها جزء
منهم محد فكر يصارحها بالموضوع ..

بس كسر هالهدوء صوت إنسانه عزيزه على قلب ميثه : إحم ميثه !!
طالعت هذي عموه "أم ماايد" : عموووووووه !!!!!!!! إنتي هنيييييه !! "وسرت صوبهاا"

عموه : هيه .. تعاالي فدييتج " وحضنتني بقوو " ..
يالله أحب هالإنسانه وااايد قلت : شحاللج يالغااليه ؟؟؟ وأخبااارجج .. إششششتتقلج وايد ..
عموه وتبتسم : تشتاقلج العآفيه ، ويسرج الحال إنتي شحالج وليش حابسه عمرج في الحجره ..!

قلت : مدري مآ أريد أيلس مع حد ، مضايجه شوي و أفكار أتروح وإتيه في راسي ..
عموه وتوقف : ماتبين تييلسين مع حد ! عيل أنا بظهر بعد ..

مسكت إيدها : لآ لآ ويييين إنتي غييير ههه ..
عموه وتضحك : عبالي بعد ههه مديم الضحكه يارب .. يالله خبريني كيف كانت السفره ..

إبتسمت وكأني نسيت كل شي صار : الحمدلله كآنت وناسه ..
عموه : حسافه مآكنت وياكن ، تدرين مآ أقدر أخلي ميود بروحه ..

قلت : صح وينه مآشفته إشتقتله ..
عموه : ألحينه بزقره لج ويلسي إلعبي معاه أنا بظهر ويا أمج ويمكن نتأخر ..
أكيد بتروح المستشفى رديت : بتروحين المستشفى !!

عموه : هيه .. "ووقفت" يالله عيل إذا صار شي ولآ تبين شي إتصلي ترآ محد فالبيت غيرج وميود ..
قلت : وسعود وينه ؟؟
عموه : أتوقع سار عند ربيعه أو شي ..

هذا كله يحاوط مآييلس فالبيت ليش ما سار يشوف أبوووي !!!!! : أوك مب مشكله ..
عموه : يالله في أمآن الله
قلت : الله وياج وطمنيني على أبوي ..
عموه : إن شاء الله " وظهرت " ..
كان خاطري أروح بسس مقدرر مآ أبي أشوف شكله و هو تعبآن ..
لأول مره حسيت بهالشعور مآ أريد أشوفه .. معقوله أنا جيه !!!!
وأميه ليش مآحاولت تقنعني أسير معاهم !!!
.
.
.
مر الوقت وقلت بروح أشوف ميود ، بس سمعت صوت حد يدق الباب ..
قلت : إدخلل ..

ميود وييه صوبي لآبس كندوره وغتره شكله كيوت حتى اليهال يدلعونهم : تعاال ميود ..
سكر الباب وييه صوبي : أميه راحت المستشفى ..

قلت : هيه .. تعال من زمآن ما سولفت معاك ..
يلس فوق الشبريه خاطري أعضه هههه بس مافيني عموه بتذبحني ..
شليت فوني قلت بصوره : ميود شرايك أصورك ..

ميود : ماابي ..
قلت وأنا مستغربه : لييييششش !!
ميود ببرائه : أميه ماترضى حد يصورني ..
قلت : أمك مب موجوده ألحين ..

ميود وييه يوقف جدامي : زين بسرعه .. "أونه خايف وكل شوي يلتفت يترا أمه بترجع بسرعه "
ضحكت من شكله وأهو خايف : ههه زين "يلست أصوره ماشاء الله عليه" ..
شويه وأسمعه يقول : يالله بسرعه أميه بترجع .. "ويتأفف"

قلت : زين خلآص بس .. خلصنآا .. ميود كم عمرك
ميود يرفع إيده يعني 5 ..

رديت : يالجذاااب ألحين كل مره أسألك تقولي 5 "ضحك" .. وبعد تضحك هههه
ميود : لآ أناا خلاص بصير 6 بس بعدين مب ألحييين ..
رديت : ههههه زين زين .. تعال بنروح نشوف تلفزيون شرايك ..

ميود ويمشي : إنزين ..
قلت : وييييين إنزين إصبررر .. "سوا طاف وراح الصاله"

لحقت وراه وسكرت باب الحجره نزلت شفته يالس يلعب ..
يذكرني بحمود أخوي يشبون بعض شوي صح شكله راح مع أميه وعموه ..
[ فون البيت كان يرن ]
قمت سرت أشوف منو : ألووو ..!
........... : هلا منو ؟؟
قلت بإستغراب : إنتي منو ؟؟

........... : ميثه إنتي صح بلآج نسيتي صوتي أنا فطوم ..
إستغرب شو تبي : ها هيه شحالج فطوم ؟؟ ..

فطوم : بخير يسرج الحآل ، الحمدلله على السلآمه ..
رديت : ربي يسلمج فديتج ..
فطوم : كنت أريد أسألج إذا عادي إنمر صوبكم أريد أشوفج ..

قلت : حياج أي وقت ..
فطوم : أوك يالله عيل السموحه ألحين بسكر ..
رديت : الله وياج "وسكرت"

يالله فطوم أبرررررد إنسانه في حياتي بارده وهاديه وايد.. مدري كيف عكس إختها شوق ..
بس غريبه يعني شو تبي فيني ههههه شو بعد أكيد يايه تسلم وتتطمن علي ..
\

/

\

/

\
لآزلت أحتاج للوقت ..
ولكن كيف لي أن أجعله لصآلحي ..
وأنآ لآ أستطيع القيام بشي ..

العجز بأنك تشعر أنك تريد القيام بالكثير ولكن الوآقع يمنعك ..
تنظر إلي الناس وكأنهم يشفقون على حالك وأنت لاتجيد الرد ..
.
.
في الجهه الثآنيه [ تايلند ] عند سيف ..
.
.
شفت بنص عين وقلت : زين يصير خير ..
طالعني وكأنه يبي يقول شي بس ساكت ..

قلت له : وبعدين أنا خبرتك مب محتاي تكون معآي ..!!
رد علي : سييف هذا واجبي مب إنت تعلمني شو أسوي ,,

ماعيبني رده : أها جيه يعني السالفه ألحين إنت تعلمني وأنا أسكت ..
ضحك : هههههه بلآك إنزين خلاص ولايهمك أنا من باجر برجع للعيال ..

قلت : هيه خلك عند عيالك ، وبعدين أخوي لو أريد شي بتصل لك لآتعب عمرك وتييه هنيه عالفاضي ..
إبتسم : يعني ماتبيني أسوي خير ..

قلت بقهر : تسوي خير ! .. زين مشكور ماتقصر كفيت ووفيت .. أنا مآبطول هنيه لاتحاتي ..
رد علي : إذا محتاج شي إتصل علي أنا أترخص ألحين ..

قلت : الله وياك .. "عقب سار "
هه يسوي خير ..

حركت الكرسي ..أحاول ما أفكر في شي لو دقيقه بس بس الأفكار تارسه راسي ..
باجر لآزم أسير المستشفى .. قصتي والمستشفى أبد مآلها نهايه .. وشكلي بعيش طول عمري فيها ..

تذكرت موضوع مهم لآزم أخلصه ..
ظهرت من الغرفه شفت عبدلله وعلآوي .. بعدهم موجودين !!

عبدلله : سلآااااااام ..
سويت له طاف ..
علآوي ومستغرب ويطآلعني : بلآك ؟؟؟

طالعت عليه : سلم عدل ..
عبدلله ويضحك : هههه السلآم عليكم والرحمه " وتخاشمنآ "

إلتفت و قلت : وعليكم السلام ورحمة الله .. في حد نآاقص !!
عبدلله : تقصد سعوود ؟؟؟ .. هيه رجعوا الإمآرات أمسس يقول أبوه تعبآن ..
رديت : أها سلآمات مايشوف شر ..

في حد غريب أول مره أشوفه تجدم وييه صوبنآ : السلآم علييكم ..
طالعت بإستغرآب وردينآ السلآم .. تذكرت أني شفته معآهم أول مره ..

.......... : شحالك أخوي ؟؟
رديت : الحمدلله ..
عبدلله ويأشر عليه : وهذاا منصوور ..
وآضح أن أكبر وآحد فيهم ..

رديت : أها تشرفنآ أخوي .. شو السآلفه يعني متفقين كلكم تسآفرون ويا بعض ؟؟
منصور : تبي الصج أنآ ياي علشان شي خاص وشفتهم هنيه ..
عبدلله ويطآلع علآوي : ونحن قلنآ نغير جوو ..

علآوي رن فونه : أقوولكم لحظه "وسار بعييد ..
منصور : شراايكم نروح مكآن بدآل مآ واقفيين جيه ..

عبدلله وعيبته الفكره : هيه والله شرآيك سيف ؟؟
قلت : السموحه مشغول شوي يالله أترخص شباب ..
منصور ومستغرب : برايك الله وياك ..
عبدلله ويهمس له : ماعليك هو دوم جيه ..
.
.
.
.
[ في بيت بو سعود ] عند ميثه ..

سرت المطبخ آكل شي ..
شفت شي فواكه فسويت سلطه فواكه ..

كليت وحطيت لميوود في صحن أتوقع يحب الفواكه .. ظهرت شفت بعده منسدح على الأرض ..
سرت صوبه و قلت : ميووود تدري شو سوييت لك ..

ميود ويطالعني : شوو !!!!
كنت خاشه الصحن وراي : شوو تتوقعع !!
ميود وأونه يفكر .. : مممممممم حلاوه !!

ضحكت : ههه لآ مب حلآوه ..
وقف ميود يحاول يطالع : كيك !!
قلت : لآ مب كيك شي مفيد صحي ..

ميود ومحتار : مدرييي ..
قلت أنا متحمسه عسب يتحمس : سوييييييت لللللككك ..
ميود ومندمج يبي يشوف ..
قلت : سسسلطه فوااكه ..

ميود ومستانس شل الصحن : شكراً ..
ضحكت لأنه ينقص عليه : ههه العفو يالله إيلس هنيه إكل لآتروح مكاان ..
ميود : إنتي لاتسيرين .. " طالعت عليه شكله مايحب ييلس بروحه يلست عنه "
شويه وأسمع صوت الباب .. كآن سعود أنآ ما أرمسه ..

سعود وييه صوبي : السلآم عليييكم .. "شاف ميود" أووه ميوود هنيه ..
رديت : وعليكم السلآم والرحمه ..
سعود ويطالعني بنظره ومبتسم على طرف : شو بعدج مضايقه مني شو !!
قلت : هيه ..

سعود ويتطنز : أحسسن "وعقب يلس عند ميود " هلآ والله بالغالي فدييتك ياخي ..
ميود ويآكل طالع سعود وقال بصوت عالي : مابعطييك ..
سعود ويضحك : هههههههههه لآ مابي .. بسم الله طالع على منو إنت ..! "عقب شافني" أكيد على بعض الناس ..

مارديت عليه أدري يباني أرمس معاه ..
سعود ويسحب الشوكه من إيد ميود ويلس ياكل وميود يصيح : ميييثه مييييثه شووفيي ياكل مالي ..
سعود ويرجع الشوكه : ههههه يالزطي بتاكل كل هذا يعني ..

ميود ويشل الصحن تحرك سار بعيد ..
سعود ويضحك : هههه خلاص تعال وين رايح ..
ميود وكمل : مابييي ..

كنت أراقبهم وساكته .. "شوي وسعود ييلس" : آآآه تعبت وايد اليوم ..
مارديت ..
طالعني : يعني ماشي سلامتك من التعب .. !!
وقفت كنت أريد أروح حجرتي بس هو نرفزني يوم قال : وايد تتدلعييين علييينااا ..
إلتفت وشفته بعصبيه ..

سعود ويضحك : هههههه لآتطالعيني جيه أخااف من هالنظرات مآبروم أرقد عدل عقب ..
"قاطع علينا صوت اليرس"
سعود ويوقف : غريبه إنتي قايله لحد يمر بيتنا ..
.
.
.
.
شو هالناس الفاضيه إتييه بيتنا ألحين .. فتحت الباب وقلت : هلآ منو !!
سمعت صوت : أناا ساره ..

قلت بإستغراب : ساره ..! وإنتي ليش يايه إن شاء الله !! خلآص ميثه مآتبى تشوفج والإخت ألحينه معصبه ..
ساره : وليييش إن شاء الله ماتبي تشوفني إنتوا إلي خليتوني أجذب عليها ..

رديت : أقوولج يالله بدوون مطروود توكلي بيتكم ..
ماسوت لي سالفه دخلت : مييثه ويينج ..؟؟؟؟؟؟؟؟؟؟؟؟؟؟؟؟.. ميثه هذي أنآ ساره

رجعت داخل وسكرت الباب : لآ حووول .. قلتلج مآتبي تشوفج ماتفهمين ..!! والله أرمس عربي ..
ساره مسويه طاف سارت الصاله .. : ميثه ..
ميثه وإطالعها بإستغراب !!!!

ساره سارت على أساس تسلم عليها بس ميثه تحركت : إنت ليش هنيه؟؟ ..
قلت : رمستها ماتفهم ..

ميثه واتقفطني : ولآ إنت ما أريد أكلمكم إنتوا الإثنييين بعد إلي صاار "وراحت حجرتها وقفلت الباب"
ساره بقهر: على الأقل مب بس أنا إلي ماتبي ترمسني . . "ويلست"

قلت : هههه عاادي أنا أخوها يوم ويومين وبرجعت ترمسني إنتي مآ أتوقع خخخخ .. يالله شو تتريين روحي بيتكم ..
ساره وتوقف : زيين أوف ألحينه أخوي بيرجع بيسوي لي سالفه مب فاضي لي الله يسامحج ..

يلست أوني مب مهتم : مب مشكلتي ..
عقب شفتها ظهرت من البيت ..
.
.
.
.
[ المغرب ] ..

دعيت ياربي مايصيير فيه شي مآ أدري كيف بيكون شعوري حزتها بس إلي أعرفه مآبقدر أتحمل ،
حسيت أني لآزم أروح أشوفه على الأقل أريح قلبي بعد شوفته ، دعييت بعد مآخلصت صلآه وعقب ظهرت ..

سرت الصاله شفت ميود نآيم حليله ..
شليته وحطيته في غرفتي ولحفته عن البردد ..
شكله سعود سار المسيد ..

يلست أحوط في البيت من الملل وحسيت عمري متوتره وااايد معرف شو أسوي شفت فوني ساره متصله 8 مرات ..
مدري كسرت خاطري أحس مالها ذنب فكرت وايد ومآ أبيها تضايق مني ..
طرشت لها مسج ( حياتي آسفه والله مآ كان قصدي .. السموحه من إسلوبي البايخ معآج )

إنتظرت بس ماردت علي إستغرب .. فقلت بتصل ..!! إتصلت ويلست أترياا بس ماترد غريبه شو صار ؟؟؟

ياربي لييش ماترد ! إلتفت شفت فون البيت .. بتصل للبيت يمكن حاطه فونها صامت أو شي ..
إلتصلت أكثر عن مره محد يرد !!!!!!!!!

سمعت صوت الباب سررت بسرعه كاان سعوود طآلعني بإستغراب : ميثه بلآج !!!!!!!
قلت وأنا خايفه : سعوووود سااره ماترد علي وأتصل بييتهم محد يررد ..؟؟؟؟؟؟

سعود ويطالعني بإستغراب : وأنا شو يخصني وبعدين تعالي إنتي مآقلتي أنج مآ ترمسيني ..
تنرفزتت : سعووود لآتستهبلللل ألحيين أقوولك ماااترد علي ..

دزني وتحرك : يمكن البنت ناايمه .. "وسار يلس على الغنفه وشل رموت التلفزيون "
رحت صوبه : لآ أناا أعرف سااره ماتنام هالحزه مستحييل ..

ضحك : ههه ميثه توج تقولين مآتبين ترمسيناا ألحين أشوفج خافيه عليهاا !!
قلت وأنا متوتره : ه هيه ما أبي أرمسهاا بس ... "عقب سكت"

سعود ويتنهد : إنزييين ..
سمعت صوت حد ..

كآنت عموه توها راجعه : هاا شوو إتسوون !!!!
إلتفت : عموووه .. ويين إمييه !!!!!!!!!
عموه وإتييه صوبي : أمج بتم مع أبوج فالمستشفى ..

قلت بحزن : أبوي كيف صحته ؟؟..
عموه وتحط حمود على الغنفه كآن نايم : لآتحاتين إن شاء الله بتتحسن .."عقب شافت سعود " ليش إنت ماقلت لها ..
سعود ويطالعني بنص عين : ماعطتني فرصه ..

عموه : أمج بتم اليوم عند أبوج ومآترجع اليوم ..
رديت : أرييد أشوف أبوي ..
عموه وتبتسم : ألحين خلص موعد الزيارات بآجر إن شاء الله ..
سعود ويوقف : يالله عيل بروح أشغل السياره ألحين ..

عموه : هيه بروح أحط لأمج ثياب وبعطي سعود ياخذ الشنطه ..
ماتكلمت ..

عموه : مييثه !!
رديت : هلآ عموه ..
عموه وإطالعني بإستغراب : شو فيج إرقاد ..؟؟

قلت : لآ مافيني شي أنآ باخذ حمود للحجرته "وعقب شليته" ..
سعود : يالله أنا برع "وظهر"
\

/

\

/

\
[ بيت بو حمد ] .. في الصاله كآنوا يالسين ..

أم حمد : فطووووووووم فطوووم .. وينها هالبنت ..
شوق : أمييه يعني وين تكوون أكييد رقدت تعرفينهاا كل رقااد وفالليل تسهر شرات الخفااس ..

حمد : خف عليناا إنتي إلي ماتسهريين محد يسهر فالبيت غيركن في نص الليل أسمع أصوات فالمطبخ ..
شوق : لحظه للحظظظه كييف سمعت صووت فالمطبخ وإنت غرفتك فووق !!!!!!!

حمد وتوتر : هههه يعني يالذكيه أنا أكون يالس فالصاله ..
شوق : أهااا معنااته سهراان !!
حمد : خييبه كيف تسحب الكلآم ..

شوق وتضحك : ههههههه شفت كم أنآ ذكيه ..
حمد : هاهاهاا .. زين أنآ أسهر بس مب شراتكن .. وبعدين أنآ عندي دوآم مب شراتج لآشغله ولآ شي ..
شوق : والله شو تبيني أسوي مثلا !!

أم حمد وترمس فالفون : خلآص سكتوا شوي أرمس عمتكم ..
حمد ويهمس : صح شوق سمعتي أن عمي تعبان ..
شوق : هيه حليله فالمستشفى ألحين مايستاهل والله محد قده في طيبته ..

حمد : سعود رمسي يقول أبوه قرر يتصدق ويبني مسيد ..
شوق : مدري والله يمكن ، بس عسى ربي يشفييه ويقوم بالسلامه ..
حمد : آميين ياربي ..

شويه تنزل فطوم وشاله اللحاف ويايه : السلآم عليكم ..
شوق وحمد : وعليكم السلآم والرحمه ..

حمد : خييبه بلآج شاله اللحآف وياج ..
فطوم : برقد هنيه مآ أحب أنام بروحي .. "عقب يلست عندهم "
شوق وضحك : ههه زين زين إرقدي ماوراج شغله إجآزه ..

رن فون حمد : هلـآ .. أوك مب مشكله .. في أمآن الله "عقب وقف"
شوق : هااا على ويين ؟؟
حمد : ماشي عندي شغله لآزم أسويها .. أمييه .. أمييه
أم حمد تسوي حركه معنى روح ..

حمد ويضحك : ههه زين يالله في أمآن الله "وباسها فوق راسهآ "
شوق : وأنا ؟؟؟
حمد : إنتي إختي الصغييررره المفروض أعضضج ..
شوق : ههههه 21 سنه وين صغيره زين روح الله وياك بس لآتتأخر وتحمل من روحك ..
حمد ويفكر : أوك مب مشكله في أمآن الله "وظهر "
.
.
.
.
[ عند سيف ]- غرفته في الفندق - ..

كنت أحسس بألم فضييييع مآ أعرف شو أسوي كييف أقووم ..
حاولت أرفع عمري بس العواار كآآن أكبببر ..

بديييت أحسسس بأني بموووت من ألم خذييت نفس بقوو وحاولت أرفع عمري
بسس ماقدرت ..

شفت إيدي إلي بدأت تررررتجفف من الألم ..
طاللعتت على فوووني بس مآ أروووم أتصصلل خلللص الجاارج فرييته بعييد عني بقهررر ..
ضربت الأرض بقهههرر مب وقققته ..
يلسست أتنفس بصعووبه ..

الكسرر إلي في جسميي كاان أقوى .. والإعااقه منعتني أوووقف ..
اتسااندت على الطووفه وحآولت أشل عمري ..

__DEFINE_LIKE_SHARE__

أسرار قلب · 08-01-2013, 07:30 AM

( الصفحه الخامسة)
كيف يمكن لموقف تغير الكثير !!

.
.
.
في الواقع
لآ ندري ماذا سيحدث ..
ولكن ندرك أنه حتما سيكون خيرا لنا ..

الأمل شيء كبير ..

فهو دائما يجعلنا ننام ونثق بأننا سوف نستيقظ بالغد ..
فنفكر ماذا سنفعل في اليوم التالي .. !

قد نمر بأمور تجعل الأمل معدوم ولكن هنالك حتماً ..
أشخاص قد يزرعون الأمل فينا ..

فكيف سيكون الأمل موجود بين أبطال الحكايه ..
.
.
.
[ يوم الخميس ] - بيت بو سعود ..
.
.
عندما تعز إنسان لدرجة أنك تود إرضائه بأي طريقه ..
وتحاول أن تصصح خطأك بأسر وقت كي لآ تخسره ..
تذكر ربما تخسر أنت شيئاً مقابله عدم خسارتك له ..
.
.
في الصاله كآنت أم سعود مع أم حمد يالسآت مع البنات ..

شوق : عمووووووه ميييثه تأخررررررتتتتت !!!!!!!!
أم سعود : صبري شوي سارت تشوف بو سعود فالمستشفى ألحينه ..
شوق وتفكر : مممممممممم إنزين متى بترجع ؟؟؟

أم حمد وطالع شوق بنظره بس سكتي وايد تسإلين لأن شوق من يوم وصلوا وهيه تسأل ..

شوق وإنتبهت لأمها غيرت السالفه : إحم أقصد .. تبون أصب لكم قهوه ؟؟
أم سعود : لا تسلمين فديتج ..

فطوم وتهمس : شوق شو ألحينه .. أتصل بميثه ماترد ؟؟
شوق وتوقف : أها .. عيل أنآ بروح أشوف ميود وحمود ..

فطوم : يعني طاف شو ؟؟ أوك برايج ..
شوق سارت حجرة حمود ..

أم حمد : يالله عسى ربي يشفيه ويرجع بالسلآمه ..
الكل : آمين يارب ..
شويه وترجع شوق شاله حمود .. فطووم : عطيييينيييييي بشله ..

شوق وتيلس : زييين توني مسكته بلعب معاه شوي ..
حمود ويرافس : مااابيييييي بروووح عند ميوود ..
شوق : عقببب ميود رااقد ألحينه ..
حمود ومصرر : بررروح عنددده ..

أم حمد : خلييه يبي يلعب مع مايد متشوفينه يرافس ..
شوق : شو يلعب معااه ميود رااقد ..
أم حمد وبعصبيه : زين هدي الياهل خليه بحااله مآيبي ييلس وياج بتصيحينه ..
شوق وتهد حمود .. حموود ركضض رجع الحجره ..

"شويه وحد يدق اليرس "
فطوم وتوقف : بروح أشوف منووو .. "وعدلة الشيله"

سارت تفتح الباب : منو !!
........ : هذي أنآ ساره ..
فطوم وتسلم عليها : هلآ وغلا ساره شحآلج ساروه ؟؟ ..
ساره : الحمدلله بخير وسهاله ..

أحمد : إحم شحالج فاطمه صح ؟؟
فطوم ومستغربه : هيه .. الحمدلله حياكم .. "عقب دخلوا وسلموا "
أم سعود : شحالك أحمد عساك بخير كيف صحتك ؟ ..
أحمد : الحمدلله بخير عساكم بخير وعافيه ، يالله السموحه أنآ بظهر تآمرون بشي ؟؟ ..

أم حمد : هيه سلم على أمك وايد وقول لها أم حمد تقولج وينج مآتمرين صوبنآ ..
أحمد : يوصل يالله في أمآن الله .. ساره دقي علي لمآ تبين ترجعين البيت .. "وظهرر"
ساره وتيلس عند شوق : عيل وين ميثه ؟؟
.
.
.
.
.
.
لم أكن أريد أن أتسرع في حديثي ولكن قد نخطأ في إختيار الكلام ..
ولكن الشعور برغبه بمعرفة الحقيقة قد يكون أكبر ..

[ في المستشفى ] عند ميثه وسعود ..

كآن يالسين عند أبوهم ويسولفون معاه ..
وأبوهم مستانس لأنهم يالسين حذاله ..

سعود : أبووووي تخيل عااد ميثوه تزوج وتخليييناا ..
طالعت سعود بعصبيه : لآ والله مستحييل أخليييكم ..

أبوي : هييه هذي بنتي ماتخلي أبوهاا ..
سعود ويضحك : هههههه زيين بنشووف ..
قلت : أبووي ماعليك منه هذاا دوم جيه يحاول يعكر مزااجناا سو له طااف ..

أبوي ويضحك : هههه سعوود إنت ليش تطفر البنت ماتخليهاا بحالهاا ها ..
سعود وفاج عيونه :ألحيين أناا حليلي والله ماسويت لها شي هيه دوم تنرفزني ..
قلت : لآ حول الله بعدد تجذب على أبووي ..!!!!!

سعود : هاهاا هاا ترا بعد أبووي مب بس أبوج ..
أبوي ويضحك عليناا : دوومكم تتهاوشون شرات اليهال شو خليتوا لحمود ..
ضحكت : ههه زين خلاص سعود عقب بنكمل النقاش ألحينه أبويناا تعبان ..

أبوي ويتطنز عليناا : ألحين عرفتوا أن أبوكم تعبان ..
سعود : خسسسي أصلا بو سعود مآيتعب قويي وعن عشرر رياييل بعد ..
قلت : هيييه صح إلساانك ..

أبوي ويضحك : إنتوا طالعين على عمكم الله يرحمه دوم يسولف ..
قلنا : آمييين ..
إستغليت الفرصه وقلت : أبوي ولد عمي تعرف وين هو ..؟؟

حسيت أبوي توتر : ليش تسإلين هالسؤال ؟؟
سعود ويطالعني بمعنى مب وقته .. بس أنا كملت : بس أريد أعرف اهو في تايلند ؟؟
أبوي وكان شكله مايبي يرمس : سعود تأخر الوقت خذ إختك وإرجعوا البيت ..

سعود ووقف : إن شاء الله " وباس أبوي فوق راسه " يالله في أمان الله عيل .. ميثه يالله قومي ..
ماتحرك تميت يالسه .. ليش أبوي مايقول لناا ..!!

سعود ويمسك إيدي : مييثه بلآج أقولج قوومي بنرجع البيت ..
طالعت على أبوي بس أهو صد ويه معناته مايبي يقول .. ماحبيت أضايجه سلمت عليه
وعقب ظهرنا أنا وسعود ..

سعود : إنتي شوو ماتفهميين أبوي تعبان وإنتي فاتحه تحقيق ..
مارديت عليه ..
سعود وحسيته معصب صج وقف جدامي شفت في عيونه كآن ماسك عمره : مييثه عقلللييي ..
قلت : لآتطالعني جيه كأنك تبي تضربني بس تخاف ..
سعود ويمسكني من جتفي : شووفي أناا سكت هالمره بس علشان نحن في المستشفى والناس تشوفنا المره اليايه ماتلومين نفسج ..

إنصصصدددمت من كلآمه !!!!!!!!!!!!!!!!!!!
عقب قال : يالله إمشي .. "ويلس يمشي وأنا واقفه مكاني ومب مصدقه يعني لو ماكنا في المستشفى بيضربني " !!
.
.
.
تنهدت وقلت : السموحه ميثه " إلتفت " ترا .....!! وين ساارت ؟؟؟ ..
يلست أدورهاا يعني لآزم يوم أظهر معاهاا تختفي ومدري وين تروح !!!! رجعت حصلتها واقفه مكانهاا ..!!
قلت : مييثه شو فييج واقفه يالله نرجع ..

ميثه وإطالعني : سعود تفكر أنك تقدر تضربني ؟؟ "عقب قالت بطريقه غريبه " تحللللللم أن هالشي بيصير " وتحركت "
لحق و راهاا مسكتها من إيدهاا وضغط بالقو : ييعنييي عاادي فالحلم صح ؟؟

ميثه : إنت أخوي العودد بس مب من حقك تضربني على سبب سخيف ..
قلت بعصبيه : سبب سخيييف !!! أبوناا تعبان وإنتي فاتحه تحقيق وإتقوليين عن هالشي سبب سخييف !!!
ميثه وتحاول تسحب إيدهاا بس ماقدرت همس : الناس تطالعناا خلج عااقل مب ناقص تضيعين شرات اليهال وأيلس أدورج ..

ميثه : جب زييين لآترمسني ..
كملناا وظهرنا من المستشفى وفتحت باب السياره .. "دخلت ف السياره " وأنا سكرت الباب بقوو ..
شغلت السياره ويلست أسوق بعصبيه ..

ميثه بقهر : تبااني أحترمك إحترمني إنت بالأول ..
طالعت عليهاا : واضح إحترامج آنسه ميثه ..

ماردت علي ..
كنت أسوق وألتفت لها وهيه ساكته .. مآتتكلم قلت : ميثه .. بلاااج بعد ليكوون زعلتييي ؟؟ ..

قالت بهدوء : لآ ..
قلت : بآجر بعد بآخذ عند أبوي بس الصبح ..
.
.
.
[ بعد مآوصلوا البيت ] .. كآنوا الحريم في حجرة أم سعود ويسولفن ..
أما البنات فالصاله ..

دخلت أنا وسعود وسرنا الصاله إنصدمت !!!!!!! : فطوم ؟؟ شوق .. "شفت ساره " ..
سلمت عليهن ..
سعود : يالله أناا بروح ألحينه عندي شغله لآزم أسويها ..
ساره : سعود إرمس أخوي أحمد مب طاعي يروح المستشفى ..

سعود : إن شاء الله " وظهر "
مسكت إيدي ساره وقالت : إشششششتتقتلجج ليش مآتردين علي ..
شوق : هييييه ترا حتى نحن مشتااقين حقهاا ومسكت إيدي الثانيه ..
أما فطوم راحت يلست وإطالع تلفزيون ..

قلت : بروح أفصخ عبايتي .. "وتحركت رحت حجرتي "
فصخت عبايتي وبدلت لبست مخور ذهبي وأسود شليت الشيله يمكن أحمد ولآ حمد إييون عقب ..
مريت حجرة أميه بس مدري يلست أسمع شو يقولون ..
.
.
أميه وتضحك : هههههه يصير خير ..
عموه أم مايد : عيل سعود ليش مآيخطب ساره ..

أم حمد : وشفييهن بنااتي ..
أميه : يالله في النهايه الولد يختار مب نحن ..
عموه : مدري أنا من رايي ساره تناسبه وميثه بتستانس لأنها وايد مع ساره ..

كنت أسسسمع ومب مصددقه لآ أناا مااابي هالشي يصيير مستحييل ..!!!!!!!!!!!!!!
دقيت البااب ..

أميه : تفضل منوو ؟؟
دخلت : هذي أناا .. "وسلمت عليهم"
إبتسمت : شحالج عموه ..

أم حمد : بخير فديتج ماشاء الله عليج قمرر ، تعالي ليش مآتمرين ولاتسإلين هيه أدري كله من أمجج مآتخليج إتمرين صوبناا ..
أميه وتضحك : هههه حشى علي والله هيه إلي صاير عيوز ويالله تظهر من البيت ..
قلت : ههه أميه ألحينه أنا صاير شرات العيوز الله يسامحج توني راده من المستشفى ..

عموه : ها مييثه شفتي أبوج إرتاح قلبج ..
إبتسمت : هيه .. "سكت عقب قلت " هيه كملوا السوالف أنا بسير عند البنات يتريوني ..
كنت بظهر بس أميه قالت : ميثه فالثلآجه شي كيك وعصاير حطي حق البنات ..

قلت : إن شاء الله " وظهرت وأنا أفكر في إلي سمعت نزلت تحت فالصاله "
شوق : ميييييييييثووووووووه ..

طالعتهاا : هاا شو ؟؟
شوق وتسحبني أيلس حذالها حضنتني وقالت : مب نااويه ترجعين الجامعه ..
قلت : لآ خلآص بس ما أريد أكمل شي ..
شوق : أفااا لييش إنزيين بالعكس وناسه ..

كانت ساره تطالعني ومنقهره ليش ما أرمسها ومسويه لها طاف ..
قلت : بس جيه فديتج ما أريد وألحين أبوي محتاج حد ييلس معاه ..
شوق : حساافه براحتج والله ..
شويه وفطوم ترجع وشاله صينيه فيها الكيك والعصاير حطتها ويلست تاكل ..

ضحكت : ههه فطوم زين وفرتي توني بروح المطبخ ..
فطوم وتاكل : هيه ترا عموه خبرتني وأنا توني تذكرت ..
شوق سارت تاكل معاها : يمييي يميي حلو تسلم إيد إلي سواهاا ..

إبتسمت : ربي يسلمج ..
شفت ساره كانت تطالعني وحسيت الدمعه في عيونها شكلها تضايقت ..
سرت يلست عندها وقلت : شفيييهااا ساارووونه سااكته ..

ساره : ماشي ..
همست لها : ساروه بسامحج بس بشرررطط ..
ساره ومستانسه : أوكك موااافققققه ..

مسكت إيدهاا : تعالي ..
شوق واطالعناا : وييين بتسييرن؟؟؟؟؟؟
قلت : مااشي تبي تروح الحماام ..
شوق عاد محد يقص عليها : أوك تروح بروحها مب لآزم مرافق خلج إنتي أريد أسولف وياج ..

إبتسمت : لآ بس أنا بمر حجرتي أييب فوني ..
شوق وبعدها مصره : تروح ساره الحمام وتمر إتييب فونج !!!
ساره وزين أنها رمست : لآ أنا معرف وين حاطته ..

شوق وتبتسم على طرف كأنها تأكدت من شي : خلآص ميثه خبريها وين حاطه فوونج ..
قلت : أنا بروحي مآ أتذكر وين حطيت فوني ..
شوق : أهااااا يعني شي موضوع خااص وتبون تتكلمون فيه صح ؟؟

ضحكت : هههههه خيييبه ياخي إنتي كييف ؟؟؟؟ روحي إشتغلي في التحقيق أحس هالشغله تنااسبج ..
شوق وتضحك : هههه .. ماعلي خبره المهم لآتطولون في الموضوع ..

عقب سرنا أنا ساره حجرتي سكرت الباب : ههه ذكيه شواقه ..
ساره وتيلس على الشبريه : شو الموضوع ؟؟ أقصد الشررط ..
.
.
.
.
.
في اليوم الثاني الصبح ..
[ بيت بو سعود ] ..

طالعت على الساعه ويينه سعود ساعه ليين مايلبسس لآزم يتكشخ مدري وين بنروح إلا هيه مستشفى ..
شويه وأشوفه ناززل : صباااح الوووررررد ..

إبتسمت ياحظهاا ساره مابتحصل حد أحلى عن سعود بس أنا مابي هالشي : صباح الخير محلوو اليوم ..
سعود : هاهاهااهاا من يومي .. زين يالله بسرعه عسب عقب لآزم أسير الدوام ..

ركبناا السياره ويلسنا نستهبل هو يعلق علي وأنا أعلق عليه ..
قلت : ماالت عليك ..
سعود ويضحك : هههههه قالت مالت عليك "كان يقلدني" ..

مر الوققت أنا غمضضت عيوني ومب حااسه ..
شويه وأحس بإيد سعود وأهوو يلعب بوهي : حوووو حووووووو مييثووه خيبه قومي ..
فتحت عيوني : شو تبي إنتتتتت حشرتناا ..

سعود ويبتسم إبتسامته الغبي : وصلناا ..
عقب نزلت من السياره وسرنا نبي نروح غرفة أبوي بس النيرس تقول مانقدر ندخل ألحينه ..
لأن يسوون فحوصات وغيره ..

يلسنا أنا سعود نترياا ..
شويه وأسمع صوت حد غريب : سعوود ..!!
سعود ووقف يسلم : هلا إنت هنييه !!

عققب تحركوا يلسوا يسولفون ويضحكون مآفهمت هذا منو يمكن ربيعه ولا شي ..
حسيت بملل وسعود بعده يسولف شفت فوني ويلست أتذكر حوار أمس ..
.
.
.
.
ساره : زيييييين قوولييي شو هو الشررط ..
قلت : إذا أخوي سعود خطبج أو شي قولي ماتبيينه ..

ساره ومنصدمه : شوووووه !!!!!!!!!!!!!
قلت : مثل ما قلتلج إرفضييه دوري أي عذر بكمل دراستي مآ أفكر ألحينه أي شي المهم لآتوافقين ..
ساره سكتت كأنها تفكر عقب قالت : بس مب حلوه شو بتقول عموه ..

طالعتها : هذي حياتج إنتي .. قولي ما أفكر ألحينه بالزواج ..
ساره : زين خلاص مثل ماتبين ..
حضنتهاا : فدييييييييييتتتتتججج والله ..
.
.
.
حركت راسي وكأني أبي أنسى : صار الي صاااار ..
.
.
.
.
[ بيت بو حمد ]
في الصاله ..

دخل حمد : صباح الخير والسرور ..
شوق : صباااااااااااح الخيييييييرااااتتتتتتت هاا شو بتروح الدواام ..
حمد ويلس : لآ مابروح ألحينه .. عيل وين فطوم ؟؟

شوق : في المطبخ أتوقع ..
حمد ويبتسم : شوق ممكن طلب ..
شوق وبإستغراب : هيه ممكن .. ؟؟

حمد : أبآج تغطيين غيابي اليوم يمكن مآ أرجع و أبآت برع البيت ..
شوق بإستغراب : ليش وين ناوي تروح ..
حمد : ماشي بسير العين عندي كم شغله وراجع اليوم الثاني ..

شوق ومحتاره : أهاا أوك مب مشكله ..
فطوم دخلت وشاله كوب في إيدها قالت بهدوء : صباح الخير "وسارت يلست بعيد"
حمد وشوق يطالعون بعض ..

شوق : ماعلي هذي دوم جيه مع نفسهاا ..
حمد ويطالع فطوم : فطوووم ..
إلتفت وقال : هلا ؟

حمد ومستغرب : شو فيه صوتج .. ؟؟
فطوم : ماشي مرجمه شوي ..
حمد ويفكر : مممممم إنزين مابتروحين المستشفى أقصد يعني شغلج ..

فطوم : مآخذه إجآزه .. وفي وحده خذت مكاني ..
حمد : أها أوك مب مشكله عيل إرتاحي هالكم يوم ..
شوق وتهمس : شوف نظراتها تحسهاا مهمومه وعيونها مدري كيف ..
حمد ويضحك : هههه من يومها جيه .. ماعلي تأثير الشغل .. يالله أنا بظهرر ..

وقفت شوق تسلم عليه وهمست : تك كيير وأنا بحاول أغطي غيابك بس تدري أميه تحاتي ..
حمد : مب مشكله "عقب سار عن فطوم وقال " يالله قوومي بسلم علييج ..

فطوم وبإستغراب وقفت وسلمت .. ولا فكرت تسأل ليش يعني بتروح مكان ..
حمد : يالله مع السلآمه " وظهر من البيت "
.
.
.
.
[ في المستشفى ] :
.
.
إتصلت على سعود ..
سعود : هلآ .؟؟؟
قلت : شووو مطططووول سواالف ؟؟
سعود : هيه تمي مكاانج بروح شوي وراجع .. "شفته يأشر " دقايق ..

قلت : أوك بااي " سكرت شفتهم تحركوا مدري وين ساروا "
إستغربت وين راحوا شوي وأشششووف إربيع سعود إلي اسمه سيف يمكن هم يوه مع بعض ..
شافني وأنا أطالعه حرك الكرسي ماله وييه صوبي ..

أنا خفت : إ إن تت ..
طالعني بإستغراب : هيه أنا منو ؟؟
مارديت ..

رد وقال : قولي أنا منوو ؟؟
قلت : سيف !!

سرح شوي عقب قال : ممممممم وإنتي إخت سعود ..
سكت ..
رد قال : وين أخوج ؟؟ . .
قلت بعصبيه : مدري وبعديين إنت شو تبي ؟؟؟
ضحك : ههه باكلج مثلا بالأول حالتي تسمح لي أني أتحرك .. أنا عندي موعد في المستشفى اليوم وإنتي شو يابج هنيه ؟؟

قلت بإستغراب : مايخصك .. إنت مب في تايلند ليش رجعت ..
قال : مممممم رجعت عسب عندي موعد هنيه ومآخلصت علآجي بعدني مطول ..
قلت : زين سلامات ..
قال بإستغراب : أبوج شو بلآه تعبان من شو ؟؟

رديت ببرود : إنت ليش وايد تسألني ..
قال ببرود : يمكن فضول أو ..... "سكت"
قلت : أو شوو ؟؟

رد قال : أو مجرد سؤال ..
مارديت وتجاهلت وجوده ..

سمعت قال : مب حلوه منج أنج تجاهلين شخص أكبر منج يالس يرمسج !!
ياربي قلت : زين أخوي عندك شي ثاني تبي تقوله مب ناقصه مشاكل ..
إبتسم : وليش مشاكل ..

كان أول مره في حياتي أشوف إنسان جيه بارد وغريب مدري ششو يبي بس تصرفاته غريبه وايد ..
مسك فونه وإتصل كان يتكلم بصوت مسموع : سعود وينك ؟؟

أنا استغربت شوي يوم قال اسم أخوي !!
عقب كمل : هيه أنا بعد في المستشفى وشفت إختك هنيه عسى ماشر .. أها سلآمات مايشوف شر زين أنا ألحينه بسكر .. مع السلآمه ..
قلت بإستغراب : شو يعني هالكلآم .. ؟؟ مافهمت شو إلي تبي توصله لي ؟؟

تحرك من مكانه : ولآشي في أمان الله .. "وسار"
إتصللت على سعود أول ماتحرك : سعووووود !!!!!!!
سعود ويأفف : لآ حول شو ألحين ياي ..

قلت : إربييعككك سسيييف ..
سعود ومستغرب : شو بلآه ؟؟
قلت : شو إنت تعرفه من قبل توه يااي ويرمسك جدامي !!!
سعود ويضحك علي : ههههههههه زين وعقب ؟؟

كملت : شو إلي عقب ..
سعود ويضحك : ههه زيين ألحين ياي " وسكر الفون "
شفته ياي صوبي وقفت : ليش تضحك ؟؟
سعود ويمسك إيدي : أضحك عليج يالله بنرجع البيت ..

قلت بإستغراب : البييت !!!!!!!!!!!!!!!
سعود : هيه الدكتور يقول وضع أبوي مايسمح أن نيلس معاه ..
رديت : ليش شو صاار ؟؟
سعود : بلآج خايفه جيه لآتحاتين هو بخير بس الدكتور يقول وقت ثاني تعالوا ..
قلت : أشوه خوفتني ..

ظهرنا من المستشفى وعقب شفت نفس الشخص واقف كأن يتريا سعود ..
سعود ويبتسم له : شو خلآص قررت ..
......... : هيه بمر أسلم على عموه وعقب بنرمس ..
طالعت سعود بإستغراب والريال طالعني وقال : شحالج ميثه ..؟؟

إنصدمتت كييف يعرف إسمي ، همست لسعود : سعود منو هذاا ..
سعود : منصور ولد عمي الله يرحمه ..
إنصدمممممتتت هذااا هووووو إلي أبوووي كاان يدوووووووره طول السنين .. !!!!!!

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية ابتسامة ملاك \| بقلمي	صَمْتَ ـآلْمَشٌآعِرُ	قصص و روايات	3	11-02-2012 06:23 PM
رواية احبك خنجر بصدري اذا شلته يأذيني [ بقلمي ]	دلع الخيال	استراحة قصص وابداعات الاعضاء	7	04-02-2012 04:41 AM
رحلة بريه الى شرمة ____لؤلؤة الخليج	محروم.كوم	منتدى أخبار المواقع والمنتديات العربية والأجنبية	0	01-22-2012 07:50 AM
رواية احبك خنجر بصدري اذا شلته يأذيني [ بقلمي ]	دلع الخيال	استراحة قصص وابداعات الاعضاء	0	01-14-2012 08:16 PM