• رواية : (( أخبرتك . . أن لا تحاول الاقتراب منهُم )) بقلميَ ، - الصفحة 12

ميمو2 · 02-22-2014, 08:16 PM

اسرار ابدعتي باهاالبارت

ودي افهم وش المشكله للي بين راشد وميره مادري احس سببها غاليه للي بين انها تحب راشد وهاشي للي يسبب مشاكل بينها وبين خالد __DEFINE_LIKE_SHARE__

أسرار قلب · 02-23-2014, 09:19 PM

المشاركة الأصلية كتبت بواسطة S3ad

جميييييل جماال بي دوم عند الحماس توقفين

مشكور حبوبه ،
ههههههههه عسب تتحمسون ،
يعطيج العافيه ع المتابعة ..

المشاركة الأصلية كتبت بواسطة Amooon_Alnahdi

تسسلمين على هالبارت الأكثر من رائع ..
امم بصراحه ماعندي توقعات ..
فأنتظار البارت القادم بحماآآس.

ربي يسلمج ،
تواجدج يسعدني ..
وشكرا ع المتابعة

المشاركة الأصلية كتبت بواسطة ميمو2

اسرار ابدعتي باهاالبارت

ودي افهم وش المشكله للي بين راشد وميره مادري احس سببها غاليه للي بين انها تحب راشد وهاشي للي يسبب مشاكل بينها وبين خالد

مشكوره فديتج ،
ويسعدني تواجدكم ..
ومتابعتكم كل شي بيبين ف البارتات ،

__DEFINE_LIKE_SHARE__

S3ad · 02-25-2014, 05:40 PM

متى البارت __DEFINE_LIKE_SHARE__

أسرار قلب · 02-25-2014, 08:26 PM

المشاركة الأصلية كتبت بواسطة s3ad

متى البارت

الخميسَ او الجمعة ..
^^ __DEFINE_LIKE_SHARE__

أسرار قلب · 02-28-2014, 09:19 PM

البارت السابع :

مهما تجاهلنا تصرفاتهم ..
تجذبنا من جديد ، هنالك إختلاف بين ما نراه وما هو حقيقي !

.

.

ضربت الطاوله : بتسكتييييييين ولا كيييف ..

شلت أغراضهاا وتبي تظهر من المكتب ويدخل عليناا المدير ..!!!!!!!!!!!!!!!!!!!!!!!!!

تم يطالعنا مستغرب !!!!!

قالي : راشد شو السالفة ..

أنا : مدري ليش تسألني سألها هي مب أنا ..

وظهرت من المكتب .. تبون الصج مافي حل غير أشرد في مثل هالمواقف .. مابي يتم يسأل
لأن الموضوع سخيف جدا .. كملت دربي أتمشاا شفت الثالث واقفهه تمرس في الفون ومعصبه ..

.. : حبييبي بعديين بااباا محد خلااص .. خالوه حمده بتسوي لك زيين ..

بعديين ..

حبيبيي خلاااص ..

زيين ..

هلا حمدهه أوكك .. والله تعبت من هالموضوع ..

أوكك مب مشكله .. مع السلامه ،

كنت مستغرب شو السالفة .. شكلهاا كانت ترمس حد صغيير ! زين لييش جيه معصبه شفت ملامحهاا
كانت معصبة وأحس ماسكه عمرهاا شو سالفتهاا !!وبعد من عيونها مضايجه .. تحركت تبي ترد المكتب شافتني

صديت الصوب الثاني .. !!

يت صوبي وقالت : شوو انت يالس تتسمع شو أقول شو ماتستحي ؟؟؟؟

قلت بهدوء : بلاج مععصبه !!! " استغربت " عقب كملت كلامي بنفس نبرة صوتها وهيه معصبه ..
: عساس مسوي جريمه وبعدين ما كنت أتسمع توني ظهرت وانتي طلعتي جدامي ..

تمت ساكته عقب تحركت رجعت المكتب .. وأنا رجعت بعد ،

المدير شافنا دخلناا قال : شوفو إنتو الاثنين نحن هنيه نشتغل مابي أسمع ولا أشوف أن في خلافات ..

وإذا حسيت ب هالشي بنقلكم لقسم ثاني .. ( كان جااد في كلامة ومبين أن حس شي استوا .. وأخاف يفهم غلط ! )

أنا : لآا خلاص طال عمرك مابيكون شي خلافات أهم شي كل واحد يسوي شغله ..

المدير ويطالعني بنظره شكله معصب حط الأوراق على الطاوله بعصبيه وعقب يلس عالكرسي يمكل شغله ..

يلست شوي يرن فوني .. * العنود *

رديت : هلا العنود ؟
العنود : أهلييييييينننننننن رشوووود خالدد معصبب تعاللل بسررعهه ..

رديت : عنودووه أنا في الدوااام .. مب متفيج لكم عقب يالله سكري ..
العنود : اييييييييييه اصصصصبر

سكرت الفون وقلت بصوت عالي : يعني الواااحدد مايرتاح منكم ..

المدير والثالث التفتو علي بمعنى وبعدييين !! .. انطم ولا حرف !

أنا : السموحه " وابتسم "

***

لنرجع إلي تلك الأيام .. لنتذكر بعض الأمور ،
ربما الماضي لا يأثر في المستقبل لكنه يبقى في الذاكره ..
وأحيانا قد يغير فينا الكثير لنظهر بشكل مختلف عما كنا في السابق !

(( في البيت ))

طالعت عنود ليش جيه خايفه وتحاتي !! وقلت : لييش تتصلين على راشد أساسا ؟؟؟

العنود : شوو يعنني ماتسمعيين هوااشهم منوو بيسكتهم محد هنيه أبوي وأميه وعموه ظهروا بيت عمي ..

قلت : كييفهم خلاص برايهم ..

العنود واطالعني باستغراب : شووو الي براايهم !! تتمصخريين صحح . ماااتسمعيين صووتهمم أخااف خاللد يتهوور

ولا يسوي شي برووحه عصبي وبسرعه يتنرففزز .. وبعدييين ويينه اخووج أقصصصد علاوي ويينه !!! يووم نباه محدد

رديت : عنووود بلالالاج كييفهم رياال وحرمته لييش ندخل يمكن نحن مكبريين السالفة وبعدين خالد دوم جيه يوم يرمس

يعصب ويصارخ على أي حد جداامه ..

العنود : لآ والله وغااليه شو ذنبهاا هاا ؟؟؟

قلت : خلااص سكتوو لاتتدخلين عقب تزيدين عليهم ..

العنود بثقه : غريبه أوك ماعلي انا بعرف السالفه " وتحركت راحت صوبهم كنت أحاول أمنعهاا مسكتها لكن هيه تحركت بسرعه "

علاوي ييه كان شكله طالع من الحمام متسبح : شو صاير ؟

رديت : ولا شي خالد معصب ..

علاوي : ع غاليه ولا سبب ثاني ؟

سويت له حركه بمعنى ما أدري ..

علاوي : قوولي تكلمي ع شو ؟

رديت : والله ما أدري العنود تهورت وراحت لهم ..

علاوي ويضحك : ههههه هاي عنودوه خبله .. الحين بتنزل مبوزه وتصيح خالد عصب علي ..

قلت : هيه بروحه حساسه ..

علاوي وينشف شعر راسه : تستاهل .. تعالي ابوي قالج متى بيردون ؟

رديت : لا .. انا حاسه في شي له علاقة براشد ..

علاوي : شي مثل شو ؟؟

همس له : أبوي وعموه وأميه رايحين يخطبون له بنت عمناا ..

علاوي انصدم : والله !!!!!!!!!!!!!

رديت : مدري احساسي يقول جيه وسمعتهم يتكلمون الصبح ..

علاوي ويفكر : شو السالفة وليش مايخبروناا ؟؟

قلت : مدري والله بس اكيد في سبب .. أو مايبون حد يدري !! ههه والله توقع أي شي .. لما ترد أميه بحاول أعرف شي منها .. وانت بعد اسأل أبوي أوك .. الموضوع ترى مب فضول .. " علاوي ساكت ويسمعني " وبعديين .. ..

دخلت العنود والتفتنا لها ..

العنود ودموعها في عيونها : أناا الغبيه أروح لهممم

علاوي ويروح صوبها : وليش ترزين ويهج في شي مايخصج ؟؟

العنود وتضربه : جببببب انننت ..

علاوي ويضحك : ههههههههههههههههههههههههههههههههههههههههههههه خبله والله خبله ..

العنود شوي بتصيح : جججججججججبب ماتفهم ..

قلت : علاوي خلاااص ..

العنود : أصلا هوو حيووااان وانتت مثله .. "عقب راحت حجرتها وعلاوي تم يضحك عليها "

قلت : هههه ألحين مابترمسك كم يووم ..

علاوي : أحسن لاه .. صحح أقولج راشد بيخطبون له وأناا ؟؟

قلت باستغراب : إنت شو ؟؟

علاوي : بخطب بعدد شوو ..

ضحكت : ههههههه انت بعدك 18 سنه خلص ثانويه عامة مب كل مره راسب ..

علاوي : لحظة إنتي تتطنزيين علي ولا كيف ؟

رديت : لآ لا محشووم بس صج علاوي إنت بعدك مطول الله كريم عقب ..

علاوي : ومنو قال اني بطلب راايج ؟؟

استغربت هذا يتكلم ممن صجه ولا يتمصخر ..

علاوي : بلاج جيه اطالعيني .. مب عاايبنج كلامي عادي بخطب وعقب يوم بخلص نتزوج ولا مايستوي بعد ..
وبعديين شغل بدور لي بالواسطه وبشتغل وابوي مابيقصر معاي ..

رديت : لآتستهبل تعرف ابوي مايحب الريال يعتمد ع غيره شفت شو صار مع راشد ولا نسيت ..

أنا ماتوقع أن بعد الي صار ابوي بيرضا على راشد .. بس بعد ما سافر وكمل دراسته تغير راي ابوي فيه ،
ومع هذا لاتتوقع ابوي يعاملك معامله ثانيه .. فأحسن لك شد حيلك وخلص دراستك وعقب الله كريم .. لا تقعد تتهور

في قراراتك من الحين الزواج مب لعبه ..

علاوي : ميرووه .. بلاج قلت بخطب عقب بتزوج مب مشكله ..

ضحكت : ههههه منو بترضى توافق على واحد مايشتغل ؟

علاوي حس باحباط : زيين فكيينااا .. أنا الغلطاان ..

ضحكت : ههههههه زين حقكك علي .. بس بعد فكر في دراستك السنوات تمر بسرعه ..
مب يعني خوانك تزوجو بعد إنت لازم تتزوج .. مدري شو صاير شباب هالايام مستعيلين ع كل شي ..

علاوي :مب الكل ترى .. المهممم سكري السالفه وخليناا في الموضوع الأساسي ..

قلت : ماعندي أي معلومه عن السسالفه عسب جيه خلنا نصبر ..

علاوي : صاابرييين .. أوككك بروح حجرتي يوم يردوون كلميني أوككك

ردييت : اوك ..

***

نجبر على أمور كثيره لانريدها قد نتهور في إتخاذ القرار
وقد نختار أن نظهر تقبل الأمور لكن مافي قلوبنا مختلف !!

(( لما وصلت البيت ))

دخلت البيت ماشاء الله هدوء غرريب .. شو السالفه !!

شفت ميروه يالسه في الصاله .. التفتت صوبي عقب قالت .. ردييت

رحت عندها ويلست : هيه ردييت .. وينهم العالم هدووء ؟

ميره : أبوي وامك وأميه محد تعرف وينهم ؟

قلت : خيبه كل هالوقت بيت عمي ؟؟؟؟؟؟؟؟؟؟؟؟؟

ميره بابتسامه غريبه : بيت عمي ؟؟

قلت : هيه .. عبالي ردوو .. افاا جان مرييت صوبهم

ميره : شوا لسالفه ليش يعني ؟

رديت : ماشي موضوع مايستاهل أتكلم فيه ..

ميره بنظرات غريبه : موضوع مب مستاهل !؟ .. مب عساس يخطبون لك

صدمتني كيف عرفت : ماشاء الله شو عرفج إنتي ؟؟ اشوف ماخذه دور الجاسوس وتتسمعين الاخبار ؟

ميره : سمعت بالصدفه ما كانت مقصودة مني .. وبعدين شو يعني لهدرجه الموضوع مايستاهل حد يعرف ؟

ضحكت : ههه لا مب مستاهل شو يعني راحو يخطبون .. ويعني

ميره : لا تتمخر .. مب انت الي مخبرهم يخطبون لك ؟

رديت : مايهمني ..

ميره بعصبيه : شوو الي مااايهمكك !!! لاتقول ابوي غاصبك تتزوج ؟؟؟؟؟؟؟؟؟؟؟؟

قلت : قال لي تزوج قلت اخطب لي وأنا ماعندي مانع ..

ميره ومنصدم : شوووو !! بكل سهوله ..كيف يعني تتزوج وانت مالك راي في الموضوع ومايهمك !!

والله انتو غريبيييين ..!!

استغربت : انتو ؟؟!!

كملت كلامي : راشد اذا ماتبي تتزوج لاتظلم البنت ..

شوي دخل ابوي واميه وعموه ..

سلموو. . وسلمنا عليهم ،

ميره على طول : ابوي شو معنى كلام راشد رايحين تخطبون له بدون ماندري نحن ؟؟!!!!!!!!!

أبوي : منو خبرج ؟؟

ميره هنيه سكتت خافت تقول أنها كانت تتسمع يوم كانو يرمسون عن الموضوع ..

قلت : أنا خبرتهاا .. " هيه اصدمت " .. زين أبوي شو صار ؟

أبوي يطالع اميه ..

أميه : ما صار نصيب البنت مب موافقه ..

عاد أنا هنيه ضحكت : هههههههههه

الكل استغرب ..

أمي : يالله ماعلي بندور لك وحده غيرها ..

كملت : ههههه اميه ابوي خلاص .. برايه عقب الله كريم ..

أبوي : شو الي يضحك .. " كان مبتسم "

رديت : هههه كنت متوقع هالشي عسب جيه قلت لكم لاتخبرون حد ..

أميه : ولييش ان شاء الله ترفضك وإنت ماشاء الله مكمل دراستك وشاد حيلك وتشتغل وجمال
شو ناقصنك .. ولا هيه ماتستاهلك ، " كانت تتكلم من الخاطر وكانها مضايقه من الموضوع بقو "

رديت : أميه بلاج برايهاا ماتباني مب جبر الموضوع وبعدين .. في وايد بنات ، ولا تزعلين

أبوي : يالله ماعلي الحين شد حيلك في الشغل ..

عموه : الله يوفقك .. وماعليك الف بنت تتمناك ..

همس لميروه : سمعتيي امج شو تقول ..

ميره : لايكوون صدقت عمررك ..

ضحكت : ههههههه من زماااااااااان ، تدرين أني أحسن عنج في كل شي ..

ميره : لا تغتر في نفسك وايد ..

أبوي كان يطالعنا مستغرب : شفيكم تتساسرون .. شو تقولون ؟؟

قلت : مااشي أقول لميره هيه مابتقصر اكيد بدور لي حرمه زينه ..

ميره تمت تطالعني بقهر كأنها كانت تبي تقول ش بس اميه قاطعتناا ..

أميه : يالله اذن نصلي عقب نكمل ..

أبوي : يالله عيل ازقر اخوك وعالمسيد ..

رديت : ان شاء الله ،

بعدهاا تحركت ابدل واروح المسيد مع علاوي .. وميره راحت حجرتهاا ..

رحنا المسيد وخلصناا صلاه ، بعدهاا ردييناا وقف سيارتي وقلت : علي كم تم عالاجازه ..

علاوي : للحين باقي وايد ليش ؟

قلت : أفكر نروح العين .. عند بيت عمناا شرايك ؟؟

علاوي : عمنا بو هزاع ؟؟

قلت : هيه أكيد بيستقبلكم ..

علاوي : بيستقبلناا !! منو تقصد ..

قلت : إنت وخواتناا..

علاوي ويفكر : ما اظن ابوي يرضاا ..

رديت : جرب .. بعديين غيررو جو كم يوم وردو ..

علاوي ومستغرب : ليش ماترمس ابوي انت !!

رديت : أوك عيل برمسه انا ..

نزلنا من السياره وردينا داخل، أنا رحت أرمس أبوي في الموضوع ..

ما وافق في البداية بس بعدين قلت له مابيطولون على الأقل 3 أيام هناك يغيرون جو

ويردون .. فكر في كلامي كان متردد ماعيبته فكرت البنات يروحون بس لان علاوي بيكون
معاهن قال أوك .. وأميه نفس الشي ، بعدها رمست خالوه أم هزاع وقالت لها . .
وخالوه على طول ماصدقت

حياهم البنات ,, والبيت بيتكم وغيره كانت تحاول تقنع أميه تروح معاهم بس اميه رفضت تروح ..

بعد ماخلصت كلمت البنات عقب باجر رايحين العيين ..

استانسو خاصه مريمه ماصدقت تبي تشوف توامهاا على قولتها مريم بنت عمي ..

ضحكتني والله .. متحمسه ،
بعدها رديت حجرتي .. وقلت انام شوي ،

***

المظاهر تخدع .. وبعض الصدف قدر تكون غريبه !
لدرجة أن تشعر في الفضول فيها بشكل مستمر ..

(( في اليوم الثاني ))

تريق وعالدوااااااااام ..
وصلت الحمدلله ماتأخرت طبعا محد كان قاعد في البيت غيري ..

ومحد وصل المكتب قبلي يعني باختصار انا اليوم نشيط ههههه

صدقت عمري خذيت لي شاي حليب ويلست اشوف اذا في شي لازم أسويه

خلصت البيانات الي لازم اطرشها للمدير عن القياسات والأدوات المطلوبه ..

كان طالب مني أستخدم البرنامج وأخطط للنادي الي بنسويه كمشروع بداية !

بس يباله وقت وشكلي بخلصها في أسبوع أقل شيء ..

شوي ويدخل الثالث الي مدري شو اسمها ونفس الشي شاله كوب واوراق حطت اغراضها ..
عقب انصدمت اني موجود !!!!! : ال س سلام ععلييكم

رديت : وعليكم السلام ورحمة الله بلاج ؟

ردت : غريبه ياي من وقت في العاده محد يكون موجود ..

رديت : احم متحمس لليوم لأن شي مقابله مع الشركه المساعده في المشروع وإنتي ؟

ردت : أنا شو ؟

قلت : كيف النشااط ..

قالت : ماشي أحاول اخلص المطلوب مني واختر الديكور بس باقي اللمسات الاخيره ,,

قلت : يعني بتخلصين قبلي اليوم ؟

ردت : يمكن .. وين المدير !

قلت : يمكن مشغول ..

عقب كملنا شغلنااا .. شوي ويدخل المدير : السلام عليكم صباح الخير ..

رديناا : وعليكم السلام والرحمة ..

الثالث : صباح الخير مديرناا ..

المدير : أم حمد خلصتي اخيار الديكور ..

أنا اصدمت !! ام حمدد ، طلللعتت متزووجه وعدنهاا عيال بعددد أببببدددد مب امبيين !!!!!

ردت عليه : هيه .. شوي تعديلات واخلص .. وإن شاء الله بمر أتأكد من طلبيت الأثاث وغيره ..

رد : يعطيج العافيه ..

ردت : الله يعافيك ،

عقب التفت لي : راشد بلاك !؟

رديت : هاا ماشي .. وأنا نفس الشي باقي تعديلات بسيطه ..

المدير : ماشاء الله عيل كنت موفق في وجودكم معاي .. صراحة ماتوقع هالشي ،

قلت : أفا عليك ..

المدير : يالله شدو حيلكم ..

" عقب يلس مكانه يجابل اشغاله .. وأنا بعدني مستغرب من سالفة الثالث اقصد أم حمد !! "

كنت أتريا الفرصة إلي اقدر اسالها ..

مر الوقت ويوم ظهر المدير تكلمت : أم حمد ..

إلتفت : نعم ؟

رديت : وطلعتي أم .. أكبر عني السموحه إذا تكلم بطريقة مب حلوه ..

قالت : مسموح .. ما صار شي ،

قلت : تدرين ماييه على بالي أنج أكبر عني .. أو حتى أنج متزوجه ولا بعد أم ،

ردت علي : مب مشكله .. كمل شغلك ،

عقبها كملت شغلي أهم شي اني اعتذر منهاا .. بس ليش جيه تغيرت ملامحها

يوم قلت لها أنج متزوجه وأم !! ماحبيت اسأل زياده .. واستوي ملقوف وايد وأدخل

في خصوصياتها عقب المدير يسوي لي سالفه توه يمدحنا هههههههههههههههه ..

كملت شغلي ..
وبعد ماخلصت قلت : يالله في أمان الله ..

المدير : الله وياك ..

وظهرت بالاول قلت بمر صوب حمود وفهد وعقب برد البيت ..
اتصلت بحمود وقالي اخطف عنده الشقه وفهود عقب بييه ،

وصلت وسلمت عليه : حموود شحالللك يالمختفي ..

حمود : حاط مخفي هههههههههههههههههههههههاي

قلت : بديناا .. يالله باي ..

حمود : تعاال وييين اسولف معاك ههههه ايلس ،

وراح ياب من الثلاجه بيبسي وفراا علي زين مسكته ولا بيضرب راسي القوطي ..

قلت : شوو بلاكك ماتعرف تعطيني لازم تفر انت ..

حمود ويلس : أختبرر قدراتك .. تعااااااال قولي شرايك في الموتر اليديد مالي ..

قلت : دخل خاطري صراحه عطني كم يوم أحاوط فيه .. وبعديين بسك ديوون ..

حمود : هههههههههههههههههه ف احلامك عزيزي ..

قلت : رووح مابي منك شي خلاص اشتغلنا وأول ماينزل الراتب بنتفاهم

حمود : اسكت لاتذكرني أنا شكلي بنكفر في الدورات الي باخذهاا ..

رديت : خل عنك الجيش .. دور شغل في شهادة الجامعه
حمود : تراني ادووور مافي أشغاال

رديت : اصبر زيين ..

حمود : الله كريم .. أخبااار جولي

أنا هنيه عصبت : حموووووووودد وبعدييييييييين

حمود ويضحك : هههههههههههههههه تتواصل معاها ولا كيف

رديت : اجلب ويهك ..

حمود : هههههه قووول الصج هيه ولا لا ..

قلت : أكيد لا ..

حمود : ياخي راعي مشاعرهاا ..

رديت : خف علينا حمود .. اقولك غير الموضوع ، " شوي ويرن الجرس "

راح حمود .. وفتح الباب كان فهدد سلمناا عليه وعقب يلسنا ..

فهد : من زماااان عنكم ههههههه رشوود انت على صوب اشوف على الأقل حمود مول ماله حس ..

حمود : والله عاايش مثل ماتشووف . . يلسناا نسولف وضحك ، وبعدهاا قلنا بنطلع نحاوط شوي

مر الوقت وتاخر الوقت صارت الساعه 1 فليل قلت لازم أرد البيت لان خلاص اذا تأخر زياده باجر

الصبح مابلحق على الدوام وغير جيه عندي مشوار لين العين أوصل البنات ..

سلمت عليهم وردييت البيت ..

كانت الليتات مبنده والكل رقوووووود

سمعت صوت حركه في المطبخ لما دخلت !!!!!!!

قلت : منو ميرووه !!

.. . : راشد ؟

انصدمتت : غاليه !

غاليه ومتوتره : هيه .. أناا

قلت : شوتسوين في هالليل في المطبخ ..

ردت : ماشي أشرب ماي ..

التفت : زين أنا عيل بروح ..

تحركت بس هيه رمست : راشد .. خالد هددني !

ماقدرت أكمل دربي التفت : في شو هددج !!!!!!!!

ردت : بالطلاق ..

إنصدمت : شوووووه !!!!!!!! يستهبل .. " عصبت فجأه وماقدرت أمسك أعصابي "

غاليه بضيقه : ليش رديت ..

حسيت انها تلومني يوم قالت جيه : تلوميني أنآ ؟؟؟

تمت سااكته ..

كآت
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا أمه الأمجاد أين رجالُك أم أنهُم باتوا كما النِسوان ..	محروم.كوم	منتدى أخبار المواقع والمنتديات العربية والأجنبية	0	09-22-2013 06:40 PM
( فن الاقتراب )	ما تنحني هامه إلا لخالقها	الإسلام والشريعة	6	06-10-2012 07:27 AM
آهدآء من ؟؟؟؟؟؟؟<> بقلميَ	ما تنحني هامه إلا لخالقها	شعر و خواطر	1	06-02-2012 06:01 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
(( سيُـآرة لِمْ يُصنع منهَآ فِ العآلِمَ سؤىَآ ؤآححِدَةِ ! ))	ذيبہـة شّےـوِٱمِےـسًے	سيارات و دراجات	9	11-11-2011 12:27 AM