روآيـۃ فـآرقنـي اڷڪڷآم . . ♥!* - الصفحة 6

lαᴍşт đl3 ∞ · 08-27-2012, 11:04 PM

.
.

اسمحولي مـآنزلت بارتـآت بسبب ظروف صحيه . .

ما اوعدكم اليوم اني انزل . . بس ان شاء الله بـآجر . .
تريونـي . .

.
.

لمسه دلع __DEFINE_LIKE_SHARE__

dblomasia · 08-28-2012, 12:10 AM

مسموحه الغلا . .

و سلامتج . .
و نحن بنتظارج . . __DEFINE_LIKE_SHARE__

وفووووي · 08-28-2012, 01:06 AM

مسموحه حبيبتي الغالية واتريااج غلا __DEFINE_LIKE_SHARE__

lαᴍşт đl3 ∞ · 08-28-2012, 02:19 PM

•ι[» اڷـبـآإرت الـخـآمـس «]ι •

مَ تدري أنك مداهم كل ( تفككيريَ )

ي ليت مَ أنتابني ب الشوق ينتابكَ

لو قلت لككَ حالتي مَ فاد تعبيريَ

الزبدهه/ أني عليكك أمووت و أحيا بك♡ !

.

₪

.

صديت ورآ .. تفاجأت لما جفت منصور اخو هزآع ..
قلت و انا اداري ع الموقف : كنت اساله عن خواتكم .. ماجفتهم داخل ..

منصور اطالعني بنظره شك و قال : انا الحين طالع من الفندق و جفت ميثه داخل ..
اما ظبيه على مااظن طلعت مع ريلها وولدهـآ ..

طالعته بنظرات استغراب .. شكيت للحظه اني مااجوف .. غريبه كيف ماجفت ميثه ..

قلتله و انا امشي عسبت ادخل : الحينه بجووف ميثوه ..

دخلت بسسرعه .. وقفت عند الباب جفت فالصاله امايه و يدوه .. رفعت حياتي وينهاا ميثوه .. يجذب علي منصوور ..

امايه تسالني : شعندج واقفه عند الباب .. تعالي دشي ..

قلت : شسالفه .. وينها ميثه !!

امايه شكلها تذكرت : هيه داخل غرفتنـآ ..

رحت لعند غرفه اميه و يدوه .. دقيت الباب ..محد رد .. دقيت مره ثانيه ..
سمعت حس ميثه : ادخلي الباب مفتووح

فجيت الباب .. جفت ميثة لابسة نظارتها الطبية و مندمجه فاللاب ..

ابتسمت و قلت : حتى اللاب يايبتنه هنيه

ميثه : مااقدر استغنى عنه .. لا اللاب و لا البلاكبيري

قلت : دورتج فكل مكان و انتي منخشه اهنيييه !!

ميثه تطالعني : ترى انتي و ظبيه .. داشين و طالعين.. و انا ماحب حد يخرب علي حبل افكاري و خاصه يوم اقرآ .. فاستغليت هالغرفه دامها فاضيه و خالتي " اللي هي امـآيه " و يدوه دووم فالصاله ..

قلت : زين حلو .. مم بس ماقلتي لي شو تقرين ؟

ميثة بدون لا تطالعني : اقرآ الاشعار اللي يكتبها هزاع

حسيت بشي غريب من سمعت اسمه .. تذكرت الشعر اللي فالورقه ..حبيت اتاكد اذا كان هزاع كاتبنه او لا .. سالتها : هو يكتب اشعار !

ميثه : هيه .. من زمـآإن ..

يلست حذالها : و الله حلو .. ياليت هالموهبه عندي

ميثه : جان ودج تقرينهم دشي الفيس بوك .. يحطها هناكي

قلتلها : انا ماعرف لهالسوالف

ميثه : تعلمي

قلتلها : لا خليني بعيده عن هالاشيا ..

بس اتصدقون ابخاطري اقرا اشعاره و اجوف شو يكتب ..

بسرعة غيرت كلامي : و الا اقولج علميني كيف ادش و اقرآ ..

رحت فصخت عباتي و شيلتي عسب آخذ راحتي و اتعلم عدل .. ماقصرت ميثه علمتني كيف ووين ادش ..

صديت صوب الكوميدينو .. جفت روآيـه .. سالت ميثه : تحبين تقرين روآيات ؟

ميثه : هيه .. احب اقرا اكثر شي الروايات الرومانسيه .. صح اتاثر وايد بس .. اعيش جو الحب .. حلات الحب فالروايات غير عن الواقع

قلتلها : ترى كله خيال

ميثه : عادي .. بعد احلى .. بس تدرين صار لي فتره ماقريت بسبب امتحانات الثانويه العامه

فجيت عيني : اونـه مايبين عليج بنت ثانويه

ميثه : عيل

قلت : يبين عليج اصغر عن جي .. كنت اتحراج بصف عاشر ..

ميثه : و انا اقول ليش مستغربة هالكثر ..

قلت : انزين انتي كنتي علمي ولا ادبي ؟

ميثه: ادبي,, وانتي شوو ؟؟

قلت بخقه: احم احم علمي زلمه فديتج ههههههههه

ميثه بصدمه: اونه .. جذآبه
فاللحظه دش هزاع و اطالعني كنه مب متوقع وجودي بهالغرفه

اما انا حسيت باحساس ثاني من جفته .. قلبي يرقع بسرعه .. مب جني جايفتنه قبل شوي ..

هزاع تأسف : اسمحووولي

و صكر الباب ع طوول

طالعتني ميثة و جافتني منحرجه .. ميثه : ماعليه طوفيها و لا جنه صار شي

بلعت ريجي .. طالعت ملابسي النمريه .. معقوله جافني بهالمنظر ..كاشخه و بدون شيله بعد .. استغفر الله بس ..

استاذنت من ميثه .. قلتلها بروح غرفتي ..لبست الشيله و طلعت من غرفتها ..
انصدمت من وجود هزاع جدامي فالصاله .. بس كان عاطني الظهر .. و امآيه و يدوه محد ..
شكله ماحس بوجودي .. سمعته يرمس بالتلفون ..

هزاع : فديتج لا تزعليين .. " يضحك " هي ان شاء الله اليوم بيي و بجوفج .. فديت روحج ..

انصدمت من كلامه .. تمنيت للحظه اني ماسمعت و لا كلمه .. نزلت دمعه تحرقني .. . مسحتها ع طوول قبل لا يجوفها ..
معقولة يوم حبيتك و حسيت بمشاعر حلوة اتجاهك .. طلعت اترمس غيري ..
و المصيبه اني اليوم بينت له اني احبه . .

كله مني . . انا ضيعت السنوات اللي طافت .. قبل لا يسافر . . كان يحبني حب ..
كان وايد يعبر عن مشاعره ... و اذكر مره يا خطبني و رفضته بدون سبب ..
بس لاني ماكنت احس باني احبه و ماحس اني برتاح معاه . .
الحين غصبن عني اتحمل كل اللي بيصير ..

كل اللي سويته الحين اني احاول استوعب الصدمه ..ماعرف شسوي غير اني تخطيته .. بس شكله تفاجـآ من وجودي ..

سمعته يزقرني : الرييم
احترت اصد صووبه و الا اكمل طرييييجي تمنيه يقول اللي سمعتيه مب صح ..
مب معقوله حد من خواته لانهم كلهم اهنيه ..

خذآ قلبي بسسسرعه ياناس .. صرت احس بشعور ثاني من اجوووفه .. بس حسيت بالجرح ..

لآ تخخليَ الشوق يذبححَ حال مجنونككَ لآ جاتككَ الفرصهہُ طلبتكك لآ تعديها

كبريـآئي ماسمح اني اوقف له ..مابيني و بينه شي .. لازم يحس اني مب سهله ..

سويت عمري ماسمعته و كملت طريجي .. نزلت دمعه قهر .. معقوله يطلع اللي تمنيه وحبيته يرمس بنـآت ..

تاكدت انه ما يحمل لي اي مشااعر بس كلها جذب و خداع شرات كل الشباب ..
مستحيل دموعي اطييح لوآحد ..

دخلت غرفتي بسرعه و صكرت الباب .. نسيت هزاع و طاري هزاع لما جفت اخته ظبية قاعده ع الشبريه امغطية ع ويهها و تشاهق ..

فالبدايه انصدمت من وجودها . . اذكر اخوها منصور قالي انها مع ريلها ..

اتجربت منها .. حاولت ارفع ايدها عن ويها . . بس ما قدرت
سالتها بخوف : شوو فيج ؟ .. ظبيه ..

ظبيه مـآترد علي ..

هزيتهـآ : ظبييييييية !!!! ولدج ملوك فيه شي ؟

هزت راسها بمعنى لا

سالتها : ريلج مروآن سوآآ بج شي !!

وقفت و قالت : لا اتخافين مافيني شي .. بس هالحملة ثجليه علي شوي ابا اطلع شوي .. احس اني مصدعة وايد

ما جفت دموعهـآ بس جفت عيونها محمره .. فعرفت انها كانت تصيح ..

قلت : شو رايج نروح صوب البحر شوي .. غيري جوو

ظبية : اوك مشكوره ..

كملت : و شو رااايج بعدها نروح نشرب تركش كوفي و بناكل كيك ..

ظبيه : اوكييه لا اتخافين كل شي ع حسابي

ضحكت عليها : هههههههههههههههههه انزين انا ماقلت شي .. هههه

ظبية ابتسمت لي : بروح ابدل ملابسي ...و انتي بعد اجهزي .. لا تتأخرين

قلت : ان شااء الله ..

طلعت ظبية من الغرفه .. و انا قلبي مب مرتاح .. احس ظبية فيها شي .. بس مب راضيه تقولي .. يمكن مروآن قالها شي و إلا ضايج بخاطرها .. لانها قبل شوي كانت طالعه معاه .. و الله مايندرى ..

عقب نص ساعه يت ظبية مع ولدها ملوك ..
وصلنا للبحر اللي ورا فندق هيلتون و تابع له ..

رحنا صوب المطعم و طلبنا لنـآ كوفي و كيك و خذناه معانا للبحر ..

حاطين كراسي و طاولات مجابل البحر .. مرتبين كل شي بطريقة حلوة ..

ظبية يلست ع الكرسي و قعدت ملوك ولدها ع الطاولة و قاعده تصوره بكيمرتهـآ ..

قلت : ماشاء الله عليكم .. كل واحد منكم عنده موهبه و هواية يحب يسويهـآ .. انتي تصوير و اخوج هزآع يكتب اشعار .. و ميثوه تحب تقرآ " اسوي مالت ع ويهيي " و انا ماعندي شي ..

ظبيه : بس اخوي منصور ماعنده موهبة خير شر .. غير هياته نص الليل و طلعات .. نادر مانحصله فالبيت او نسولف وياه ..

تذكرته : هي صح انا نسيت هالانسـآن .. ابد ماله حس ..

صديت لملوك اللي قاعد ع الطاولة .. و قلت بعد هالحلو ماله حس الحينه ..

ع طول شلته و قعدته فوقي ..
ملووك متضايج مني يدزني: قوووووووووومي

ضحكنـآ عليه : هههههههههههههههه

بسته بوووووسه قويه و ملوك يدزني .. جفت ظبية متسانده ع الكرسي .. طالعتها: شخبارج الحين ؟

ظبية : و الله مصدعه ..ملوك واخوه عذبوني

قلتها بسرعه: يعني اكيد مافي شي ثاني !

طالعتني مستغربه : ماشي ليش !!

بلعت ريجي اتلومت من ردت فعلها ابتسمت و انا محرجه: لا ماشي ع بالي فيج شي

ظبيه اتحاول اتعدل يلستها : لا ماشي بس بهاي الحمله وايد اتعب

قلتها: كنتي بـ ملوكـي جذا تتعبين وايد ؟

قالت : هي ..بس هالمره اكثر بوآيد .. " تطالع الصوب الثاني " امممممممممم بتروحين معاهم ..؟؟

سالتهـآ : مع منوو ؟

تاشر لي ع يدوه و آمـآيه .. قاعدين ع الحصير .. مجابلين البحر

مسكت ايدها : يلا خلينا نروح صوبهم ..

ملوك ياشر ع البحر : ماما ابا الووووح .. " شوي و بيصيح " ابا الووووووح

ظبيه : ريموه فديتج .. وديه صوب البحر بس تحملي منه ..و انا بروح اقعد مع خـآلتي ام نهيان و يدوه

رحت صوب البحر و ملوك جنه اول مره يجوفه .. وقفت جريبه من البحر .. شاله ملوك بايدي .. . .ياربي اشكثر احب البحر و اعشقه .. الموج يضرب اريولي مدري مرات احسه يلاعبني و مرات امعصب مني ههه ..

ابتسمت ..حطيت ايدي فوق يبهتي اطالع الشمس ...
لحظات حميمه كنت احس بها بس ناقصني انسان واحد .. بس بعدت عن بالي هالفكره لما تذكرته يرمس بالفون...

صلبت نفسي يوم يتني ضربه ع ظهري : بشو اتفكرين..؟

صوت لورآ .. ابتسمت حق اخوي عبود : بروعه البحر ..

عبود: حـلو البحر .."خذ نفس طويل" طالعي نهيـآن

التفت لورا :جفت نهيان يالس صوب البحر ابروحه ...بس كان يراقب هزاع و مروآن الي كانوا يايين صوب البحر ..

عبود: احس نهيان مب مستانس.. مادري شفيه

سكت ما عرفت شو ارد عليه ..

عبود : غريبه شاله ملوك و ساكت ..
مد ايده يبا يشله .. لكن ملوك صرخ : بااابااااااه

ضحكت ع قفطه عبوود : هههههه

عبود : حسبي الله عليك .. مابغيت تجوف ابوك الا لما بغيت اشلك

عرفت ان عبدالملك جااف ابوه مروآن .. صااح مره ثانيه : باااابااه .. بااباااه

سمعه مروآن .. يـآ صوبنـآ .. و شله ..

زقرتنا يدوه : يا عيال .. تعالوا شربوا الشآي ..

رحنا صوب يدوه و امـآيه و ظبية .. قعد عبود حذال امايـة ..و مروآن قعد حذال حرمته ظبية ..

قعدت حذال يدوه لويت ع ذراعها: احس من زمان ما جفتج ..

يدوه : لهيتي مع عيال خالتج وين بعد بتذكريني ..

بستهـآ ع رآسها .. و طالعت صوب ملوكي .. واقف يدور لين ما طاح ع الرمل و يلسنا نضحك عليه ابصوت عالي ..و ملووك صاح .. ابوه مروان شله بس بعده تم يصيح .. فاضطر ياخذه و راح بعيد ..

سكتنا يوم يـآ هزآع و قعد حذالناا ..

يدوه : هلا بمعرسنـآ

ابتسم هزاع و صب له شاي ببرود ..
اما انا قلبي دق بسسرعه لما سمعت هالرمسه .. ليش يدوه قالت جذآ !

يدوه تكمل كلامها : اول مانرجع البيت بنخطب البنت اللي خبرتني عنها ..

حسيت جنه حد طعني ف قلبي .. يعني احلامي فيك كلها تبخرت .. حد بحياه هزاع و بعد ناوي يخطبهـآ .. انتهى كل شي حلو تمنيته يصير .. اكتفيت اني ابتسم بالم ..

ميثه يايه من بعيد : انتوآ اهنييه .. و انا صار لي ساعة ادوركم ..

قعدت و ع طول مسكت البلاكبيري تلعب فيه ..

يدوه تشل العصاه : انتي يايه اهنيه اتفصفصين بهالفون .. لا بركتن فاللي مسونه

ميثه : يدوه ها يسمونه بلاكبيري

يدوه : كباببيري و الا غيره .. خشيه اجوف

ميثه : اففف انزييييين

و حطته حذالها .. وسكتت

قعدنـآ كلنا البنات مع الشباب و نسولف بموآضيع وايد ..
سمعت ميثه تقول : و اخيرن اكتملت اللمة

صديت .. جفت مروان مع اخوه حمدان و آخوي نهيـآن و ولد خالتي منصور توهم واصلنين.. و جدامهم ملوك يركض مستانس شال الكره ..

عبود راح صوب ملوك .. وخذ عنه الكوره ..

صرخ ملوك يصيح: كورتي كورتي ..

عبود يضحك: ههههههههههه يا الزطي طالع لمنوه .. بس بنلعب فيها .. شويه بس

مروآن : يلا نلعب طايره ..

ما صدقوآ الشباب يجوفون كوره ..انجسموآ نصيين

نهيان : انا مع مروآن و منصور

عبود : ترتوب .. و انا مع هزاع و حمدآنووه

مروآن يصد لهزاع اللي كان قاعد : يلا تعال بنلعب طايره ..

عبود : يلا ابسرعه ما بقى شي ع اذان المغرب ...الطياره تتريانـآ

نش هزاع من مكانه و راح صوبهم .. و نحن البنات بس قاعدات نطالعهم ..اللي يقول مشجعات ههه

ملوك : بـآبـآ .. وين انا العب ؟

مروآن : تعال صوبنـآ بابا

ظبيه خافت ع ولدها : حبيبي ملوك تعال .. عن يفعصك ابووك ..

كلنـآ : ههههههههههههههههههههههههه

فـ البدايه كانو يتمصخرون لما يلعبون و يضحكون ..عادي ..لكن عقب ..حسيتهم قاموآ يلعبون بجد ..و يتضاربون و يصارخون ع اخرتها ..

وانا عيني كلهـآ ع هزآع .. و فريقه .. و لاحظت بعد ان هزاع كل مره يطالع صوبنا و بالاخص يطالعني ..

كنت اتمنى فريقهم يغلب لكنهم فالنهاية خسروآ ..

وقفت آمـآيه تاشر لهم و تقولهم : يلا شبااب اذن ..

صرخ منصووور : غلبنـآكمم ..وييييييييييو

عبود : نحن عطينـآكم الفوز عشان الكتكوت اللي عندكم " وياشر لعبدالملك "

هزاع يطالع عبود : يعني تخون فريقكك

عبود : ههههههههههههههه

رحنـآ شلنـآ الشاي و الحصير .. حسينـآ بونـآسسه .. عني انا كنت طايره من الونـآسه .. لانه كان مجابلني اليوم .. صح الشي اللي صار ضايجني .. بس اللي كاتبه ربي بيصير ..

رن فوون حمدآن .. شله و راح بعييد .. قعدت اراقبه .. يبين عليه من ملامحه خـآيف و يحاتي..

يـآ صوب الشباب و قال : يلا شباب اترخص ..
عبود : مرخووص ..
ورآح ..

ملوكي : بابا شلني ..

مروآن : بابا .. انا تعبان .. تعال امش حذالي

زعل ملوكي و يلس يضرب بكسات ع ريله : ما حبك ما حبك ..

مروآن يضحك: هههههههههه ايه غد ريال ..

قعد ملوك يرافس ابوه علشان يشله بس مروآن عانده و قعد يغصص فيه و انا كنت اضحك عليهم ..

مروان يزخ ايد ملوكي علشان ما يضربه : ظبيوه تعالي شلي هاللوتي ولدج

ملوكي يصرخ ويصيح بصوت عالي : انت اللوتي ..ابا مامااا ..

مروان: هههههههه انا لوتي ها ما عليه براويك..

ظبية : فديتك ملوكي .." شلته "

والشباب توجهـوآ للمسيد و نحن البنات رايحين صوب الفندق بندخل بنصلي ..

و نحن نمشي .. تجربت مني ظبيه و سالتني : ريم . .شو بينج و بين اخوي هزآع .؟!
طالعتهـآ منصدمـة !!

أحبّـگ لگّن من يعرف آنّي أحبگ . سوى ربّگ و قلبي وآلوسآده . . !*

.

₪

.

__DEFINE_LIKE_SHARE__

dblomasia · 08-28-2012, 11:09 PM

تسلمين الغاليه على البارت الطرررررر . .
.
.
.
تحمست . .
احس اليده تقصد الريم . .
هزاع يبااا يخبل فيها ويخليها تغار واتحس . .
.
.
.
تقبلي مروري . .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـآُ أبيُ أشغڷڪٍ ٌ وڷـآ أبيٌ آزعچٍڪٍ ٌ ڪڷـمه] وحدددهُ بسٌُ أبيهـآ توصڷڪٍ ٌ َ ؛ أشتڨتُ ڷڪٍ ٌ ً !	مناير	تصاميم الاعضاء	10	08-01-2013 06:34 AM
أڷح ’ ـآإاטּ :: مسڷسڷ دقـآإاٺ قڷب :: ڷع ’ ـيونڪم ,’ ~ ♥	я o ό о 7 i	نغمــات للهــواتف	136	09-07-2010 01:59 PM
آڷِسڷِآم عڷِـےْ من ڷِـــــــــــهم فــ آڷِڤڷِپ شآنيـےْ ., سڷِآمن ڪْثــ\يـِر مآينعڍ ,. پآڷِمڷِآآآآآآين	мιŝş~Ƒσσşђγ	تراحيب وتهاني	8	06-11-2010 02:39 AM
بسأڷڪ // يآصآحبي ڷيه اڷزمآن ** ڷآمسڪ ڷه // قڷب ڷـــعـــن ۈآڷــډيــــهـ	sportyah	الشعر المنقول	1	10-30-2009 10:43 AM
{ ڪڷڪ כـڷا ڪڷڪ دِّڷالِّ .. ڪڷڪ عٍُڷيـﮯ بعٍُضڪ ڠرامْ ..~*	мặzỳOσѝ~ặđ	تصاميم الاعضاء	22	06-15-2009 02:47 AM