روآيـۃ فـآرقنـي اڷڪڷآم . . ♥!*

lαᴍşт đl3 ∞ · #1 08-20-2012, 05:52 PM

.
.
__DEFINE_LIKE_SHARE__

lαᴍşт đl3 ∞ · 08-20-2012, 05:54 PM

םـرבـبـِـِـِآ آلسـَـَـَـآع ♥ ~

.
.

حبيت اعرض لكم روآيتـي ~ فــآرقني اڷڪڷآم «●

بقلمي/ لمسۃ دلـع

و شكر خـآص للشآعره ( عذبۃ المعآني ) على اشعآإرهـآ ..!

--------♥----------------------------------

أضم بداخلي ~ روايـۃ حب ~
لاهي راضيۃ تكتمل أو تنتهـي ..×
مدري من وين ابتدي قصتي ويآهـ ..
بس بدآيتها كأي بدآيـۃ " إعجآب ~

---------------------------------♥---------

روآيتـي تآليف × تآليييف .. تخلط ما بين انهيار لانثى و كبريآء رجل
و الآحدآث قريبـة من وآقعنـآ اللي نعيشه بس مزجت فيهـآ لمسـآت من ] الخيـآل [ ..!
و فيها من التحدي و المغآمرآت و الموآقف المضحكه و الحزينة و الرومنسية ..*
و مـآ تخلى من القلوب السوداء التي كل ماعليها الانتقام باي طريقة
و منهم ظالم و منهم مظلوماً ..*

مـآ احب ابدا بالاسطر التعريفية .. من خلال الاحداث بتتعرفون ع الشخصيات و حيـآتهـآ
و بترك لكم حريـة التعبيير ..*

♥

ستبدأ إحداثهـآ بشرآسـة .. وستخوضونها بجرعـة من القوة ..
لتنتهـي بكم في طـريقٍ لم يحدد بعــد ..!

♥

آعطوني تعليقآتكمُ , إنتقآذآتكُم .. أتقبلهآ برحآبة صدر !

لا للردود السطحيـه . . لانهـآ اتحبطني !

.
.

همسـۃ : لا آحلل نقـل الروآيـۃ إلا بذكر آسم الكـآتبة > لمسـۃ دلع <
__DEFINE_LIKE_SHARE__

lαᴍşт đl3 ∞ · 08-20-2012, 06:00 PM

لڪَل روآيـۃ بدآيـۃ . . ﯛ مَن هنـآ تنطلق بَدآيـۃ رۈآيتيـﮯء . . !*

•ι[» اڷبـآإرت الـآول «]ι •

اتألم عند رؤيہ'ة دموعع ﺎلـضعـآف
ۈ آغض طرفي عن ] دموعع [ ﺎلنااس !
لا آحب ﺎلنظر لـ ضعف آحد ابدا : )

.

₪

.

فزيت من نومي متروعة من الآصـوآت اللي اسمعها .. اصوآتهم جريبة من بـآآب غرفتي ..

بس كل شوي تعلى اصوآتهم .. قمت من مكـآني بسرعه .. بخطوآت بطيئة اتسحبت للبـآب ..

فجيت الباب اشووي اشوي عسسبت اجوف شو اللي صـآير ..!

جفت آخوي نهيـآن مع حرمته العنود يتضآربون .. يآ ربي هالعاده مـآ بتخلص !!
معنهم ما صار لهم سنة متزوجين .. يعني بعدهم على هالمشاكل و الضرآبة !

بس لا .. شكلها هالضرآبة عووده .. يعني أكيد في شي جآيد صـآير ..
و آخوي نهيـآن الله يهديه .. دومـه منفعل و محرج .!

و مـآبين كنت سرحـآنه افكر .. سمعت كلمه طرت طبلة اذونـي و خلتني ايبس فـ مكـآني ..

نهيـآآن : أنتـي طـآآآآآآآلــق !

ردت لي حاسيتي و طلعت من الغرفة بسسسسرعه و مشيت بخطوآت سريعه متجهه لـلعنود .. مسكتها و هي شبه مصدومـه .. و اخوي نهيان واقف جدامنا و ينافخ من الغضب ..

عنـود مآتحملت ع طول قعدت على الارض وحطت ايدها ع ويههـآ تصيح ..
آمـآ انا طالعت اخوي بنظرآت عتب .. و بنفس الوقت كنت منصدمه من اللي صار..

و صرخت : ليش يـآ نهيـآن ! .. لييييشششش !

صخ نهيان و مارد علي .. حسيته مب عارف شيقول او شيسوي ! كله على بعضه متلخبط

عطانا ظهره و قال بصوت واطي : انا الحين طالع و يوم برجع مابا اجوف أي غرض من اغراضج موجوده .. " بصرآخ " تسمعيييييييييييييين !!

لبسته العنود و قامت من مكـآنها و لوت علي .. و كملت صيـآح

صد نهيآن صوبنـآ و قال : هالافلآم الهندية مب علي انـآ !
ردت عليه العنود : حرآم عليييك ظلمتني .. ظلمتنــيييي

نهيـآن بعصبية : آنـآ الغبي .. ماحسبت حساب لكل شي .. كنت واثق فيج .. و انتي مب قد الثقة .. مافكرت ليش تطلعين من البيت هالكثثر .. و مـآآ...

قاططعته العنود : كل طلعآتي مع الريـم و انا آصلا مااطلع بروحـي

ايدت كلآم العنود و قلت : هي .. دومهـآ معااي ..

حرج نهيـآن و سكتني: انتي جب و لا كلمه . .! و يوم اتجوفينا نرمس انتي تنطبييييييييييييين . .

صد نهيان صوب العنود و كمل كلآمه : و انتي لا تقعدين تبرريين غلطتج . . لانه خلاص كل شي وآضح . .

مسحت العنود دموعها و راحت صوب نهيان و مسكته من كندورته: حرام عليك اسمعني . . خلني افهمك كل شي . . لا تظلمني . . انا طلعت من بيت ابوي شريفة . . مااسمح لك تهيني و تظلمني . .

لمعت عيون نهيان و قال بـآسف: انا اصلا كنت مخدوع فيج

العنود بصيـآآآآح : نهيـآآآآآآ ...

ما كملت اسمه . . الا و نهيان يدفرها بعيد عنه و طـآحت ع الارض متألمه . .

تيبست ابمكـآني ماعرفت شسوي . ! اصلا مالي حق اتدخل من بينهم !

العنود بصوت مبحوح : خل العواذل ينفعونك .. بيي يوم بتعرف انكك ظالمني و بتندم و بتتمنى ترجع لي .. بس انا مابرجع .. مابيك خلآإآآآص .. من هالحظه عفتتتتك ..

نهيان بطنآزه : هه ارجع !! اتجوفيني مختل عقليـآ .. ارجع لوحده شرآتج .. يخسسي افكر بيوم ارجع لج .. يلا اجووف انجلعي .. اطلعي من البيت .. لوعتي بجبدي الصرآحه ..

انصدمت من كلامه القوي .. اول مره اجوف اخوي نهيان جي

رآح نهيان يمسكها و يسحبها .. و اخوي نهيان مب حاسب لي احساب اني معاهم ..
ماتحملت اجوف العنود من بين ايدينه جي ..

قلت بصرآآخ : معقوولة اللي يصير الحين !! وين راح الحب اللي كنت تكنه للعنود .. بلحظه نسيت كل شي .. انته مب اخوي نهيان اللي اعرفه ! شو هالشي اللي خلاك جي قاسي ! و لا بعد مع العنوود .. اللي كنت 24 ساعة ترمسني عنها قبل الزوآج من كثر ماتحبها .. و الحينه صرت تقول عنها هالرمسـآت القوية !

مسحت الدمعة اللي طاحت من عيني و كملت : انا اعرف العنود .. اشرف وحده عرفتها بحياتي .. مايصير تظلم شخص قبل لاتتآكد .. لا تنسى الظلم ظلمات يوم القيامة ..

طالعني نهيان ..كانه مب متوقع كلامي .. حسيت ان كلامي اثر فيه .. ضرب ايده ع اليدآر و طلع من بـآب الفيلا ..

العنود يلست ع الارض تصيح و كلمتني بصوت مبحوح و متقطـع : وين ارووح الحيـن !

حطت ايدها ع ويهاا و كملت بصياح : تعرفين ابوي و امي متوفيين و ماعندي حد غير اخوآني .. بس حمدان الحين مسـآفر مع اخوج عبدالله .. و مروآن متزوج و اكيد الحين مع حرمته ظبية

قعدت حذالها .. وحطيت ايدي ع كتفهـآ .. قلت بحنان : حبييبتي .. اخـوي اللي طالع و انتي الدآشـه .. قعدي فالبيت و ماتشبرين منه إلين يرجع اخوج حمدان ..

العنود بجد : بس ريمـوه ..! اخوج طلقنـي و فوق هذا طردني !

قلت : لا بس و لا شيـآته ,, انتي بنت خالي و اربيعتي قبل لا اتكونين زوجة اخوي .. و انا اعرف اخلاقج ..و ادريبج مظلومه .. لكن بيي يوم و بيوضح كل شي لنهيان و صدقيني بيندم

ردت ع طول بصوت حزين : ريم .. انتي ماتعرفين شي .. ريم تخيلي يشك فيني .. انا للحين مصدومة و مب مستوعبة اللي صـآر .. معقوله نهيان جي تفكيره ! حسبي الله ع اللي لعب بعقله و قص عليه و سوآ كل ها و تمنآ يفرقنـآ و الله بيي يوم .. و بيعرف نهيـآن قيمتي و بيعرف منو انـآ !

زخيت ايدها و قلت : لا اتعبين روحج عشـآنه .. صح انه اخوي بس انا مارضى بالغلط و الظلم ..و بعدين دموعج غالية و الله ..

دزيتها ع الخفيف و قلت : يلا عاد مسحي دموعج و ابتسمي ..

ماعاندت ع طول ابتسمت لي

حضنتها و قلت : فدييتج والله .. بس ها ماشي طلعه من البيت اليوم .. ترقدين معاي بالغرفة .. و باجر الصبح يحلها الف حلال ..

ضحكت بـآلم و قالت : ههه ان شاإء الله ..

طالعت الساعه .. كانت 3 و نص

قلت بسرعه : يلا نروح نرقد ..

رحنــآ غرفتي عسبت نرقد فيهـآ .. و بما ان شبريتي كبيره .. رقدنا انا و هي مع بعض .. عنود بعدها مب مستوعبه اللي صار .. تصيح ..حاولت اهديها وخليتها تتكلم وتتكلم لين اذن الفجر . . وبعدها صلينا و نامت . . صج همتني واآآيد . . دعيتلها من كل قلبي الله يفرج همهـآ . . الله يكتبلهـآ الي فيه الخير ياااااااااااااارب . . مـآفيني آرقـآد . . تقلبت وآإيد يعني صج مارقدت عدل ..

محد يــكشـف (الناس) الا المواقـف .. وكلن بـآخر الدرب يطلع أصله

.

₪

.

ع رنة الموبايل .. بطلت عيوني ابكسل .. طالعت الساعة كانت 8 .. يلست ع الشبرية ابسرعه و جفت المتصلة اربيعتي سلامـة ..

رديت بصوت تعبان : آلـووو

سلامـة بصرآخ : ريمـوووه

رديت عليها بسرعه : وصمخ ..

سلامه باستغراب : من متى اتصلبج ماتردين !! بعدج منخمده !

قلت : الحينه بقوم ..

سلامة : لا و الله ! و انا صار لي ساعة ناطرتج جدام باب بيتكم ..

قعدت ابمكاني : عطيني 10 دقـآيق و بطلع لج

سلامه : يلا بسرعه و الا بحرك عنج ..

قلت بسرعه : اوكيه .. باي

و بندت عنها

انتبهت انه العنود مب حذالي راقده .. رفعت حياتي و قلت : هـآي وينها !

دخلت الحمام " و انتو بكرامتكم " خذت شور ع السريع ..طلعت و لبست و صليت و رحت صوب المنظره بتعدل ..

طالعت شكلي .. بالله ها شكل وحده رايحة تاخذ الليسن .. و الله جني مصفعه ..
و تحت عيني كلها هالات سوده .. و لا بعد يبين علي مب راقده عدل ..

حطيت جحال و بودره عسب اخبي ملامح التعب .. و حطيت روج وردي خفيف ..
لميت شعري اللي واصل لآخر ظهري بشبآصه بإهمآل .. وأنا حاسه بملل فضيييييع وضيجة مب طبيعيه ..

أعوذ بالله من الشيطان الرجييم بس .!

لبست عبايتي و الشيله .. شليت شنطتي اللي من شـآانــيــل و شلت الايفون بايدي

طلعت من الغرفة و انا اصرخ : عنود .. عنوووووود ..
خطف حذالي اخوي نهيـآن و شكله متنرفز : شو هالحشره من صبآح الله خير !

طنشته لاني جفت الخدامة ميري .. سالتها : ما جفتي مدام عنود؟

هزت راسها بمعنى لا و قالت : انا مافي جوف

قلت : خلاص بجوفها عققب

نهيان يا صوبي .. سالني : شو اللي مقومنج فهالوقت؟!

جاوبته : عندي ترآي ليسن

نهيان " يتثاوب " : و الله زين .. بتفكينـآ من طلعاتج .. " يقلدني "نهيان خدني نهيان رجعني

عقدت حياتي : من كثر طلعاتي يعني !
مـآرد علي .. تم ساكت اشوي ورد سالني : تعالي .. ماقلتيلي منو بيوصلج .؟

قلتله : اربيعتي سلامه ..

نهيان ابعصبيه : بسج طلعات مع اربيعاتج ..
ها شاللي جلب مزاجه فجاه .. دومه مزاجي ويحب يتسلط ..الله يعيني عليه .. و بعديين انا قلتله طالعه عسبت عندي تراي مب حواطه .. بس مايتني الجرأه اقوله هالكلام ..

اكتفيت اقوله : خبرت امـآيه و مامنعتني .. و بعدين يوم بآخذ الليسن بتاحسبني ع الروحه و الرده .. " خفضت صوتي " و الله حاله ..

نهيان يعلي صوته : لا تخليني احطج فـ بآلي ..

قلت : اووووووووه وخر عن دربي .. خلني اروح ..

مسك كتفي .. ووقف مجابلني .. قالي : سمعيييني زين و حطيني فبآلج .. إذآ
قاطعته صوت امايه : نهيان يمه شو هنـآك شوو صاير ..

نهيان : بنتج السنعه تبا تطلع ..

امـآيه : انزين مافيها شي .. اربيعتها فيها الخير يايتنها بتوصلهـآ .. جان بتوصلها انته بعد خير و ابركه ..

نهيان : انا مششغول اليوم ..

امايه : عيل ليش مناشبنها !! خلهـآ تروح ..

نهيان يطالعني و باستسلام : انزين خل تروح و تنجلعع
عطانا ظهره و طلع من باب الصـآله ..

قلت بصوت وآطي : روحه بلا رده ان شاء الله

طالعت امايه و قلتلها : لمتى بتم جي .. قبل لا اطلع يعكر لي مزآجي و يهاوشني ..

امايه : ماعليه .. تحمليه اخوج .. يبا مصلحتج و يخاف عليج ..

قعدت حذالها و قلت : بس عاد مب لهالدرجه .. و الله نهيان مزودنها .. " تنهدت " يلا متى يرجع اخوي عبدالله من فرنسسا ..

امايه اذافع عن انهيان : شفيه اخوج نهيان ! متحمل مسؤوليه البيت يمكن هالشي مخلنه عصبي بزياده ..

تذكرت سلامة اللي بتاخذني حليلها ماعرف كم صار لها و هي جدام الباب .. وقفت و قلت لامايه : امايه انا بروح .. اظن صار لسلامه ساعه و هي تنطرني برع ..

امايه : يلا ماعليه .. سلمي عليها و انتي لا تكدرين خاطرج عشان اخووج
رحت صوب الباب و قلت : تعودت اميييه .. ماعلييج ..

كنت بطلع بس سمعت صوت امايه تزاعق : ريموه تعـآلي كلي لج شي
رديت عليها بسرعه : مستعيلة آمييه .. بنمر المطعم عقب مانخلص ..

آمآية : اوكيه فديتج تحملي ع روحج ..

قلت : ان شاء الله .. بس اهم شي دعواتج ..

ماترييت اسمع ردها .. طلعت بسرعه من باب الفيلا ..

طلعت من البيت .. ابتسمت يوم جفت سيارة سلامة امبركه جدام باب البيت .. الله يعيني ع حشرتهـآ .. تريتني وآيد .. ركبت السياره ابسرعه و صكرت البـآب و حركت ..

سلامة تطالعني بطرف عينها : جان ماطلعتي بعد ياسندريلا

ضحكت عليها : ههههه .. فديتج حقج علي و الله راحت علي نومة

سلامه تطالعني : بس سااعه .. سااعه لين تطلعين ..

طالعتها و حبيت اغير الموضوع : امايه تسلم عليج ..

ابتسمت لي .. رديت لها الابتسامه ..

سلامة سألتني : اليوم ما بتروحين التقنية ؟

طالعتهـا مستغربه : ماتدرين انا مخلصة من اسبوع .. !! تخرجت بكالريوس .. وي وي انا طايره من الوناسه ... واخيرن ودعت المرحله الدراسيه ...

سلامـه تسالني مره ثانيه: و شو احساسج الحينه ؟

جاوبتهـآ : عااد تعرفيني .. انا ام الاحساس كله .. هههه .. بس تبين الصراحه و الله ما اعرف كيف اوصف لج شعوري و احساسي ...

سلامة : امم تبين تشتغلين ؟

رديت عليهـآ : مالاحظتي انج تحققين معاي .. وآيد تساليني .. بس تبين الصرآحه ودي اشتغل عسب اقضي وقتي .. اخوي نهيان قدم لي على وظايف .. بس اتريا تطلع لي وظيفه ..

سلامه تبتسم : الله يوفقج و تحصلين لج وظيفة ..

قلت : آميين .. و انتي شحقه طلعتي من التقنيه ؟

سلامه : خلااص .. مالي خاطر ادرس .. و بعدين ادري اني مابشتغل عقب مااخلص ..

قلت : هممم .. زيين

سلامة : إلا شخبار العنود ؟ هي من تزوجت اخوج .. طلعت من التقنية ومانعرف اخبارها ..

حاولت ما ابين لها شي .. فابتسمت وقلت : بخييير

مادري ليش تذكرت اللي صار البارحة .. تنهدت و فتساندت ابسرعه ع السيت و غمضت اعيوني

طالعتني سلامة و حطت ايدها ع كتفي : شفيج !

جذبت عليهـآ : مصدعة من كثر الرقـآد اللي رقدته ..

سلامـة : هيييه ! .. الله يعينج

طالعت برع و انا كل همي اعرف شو مصير العنود و شوو السبب اللي خلا اخوي يطلقها ..
ادري اللي صار البارحة مب شوية بالنسبة لها .. و خاصه انه اهانها جدامي ..

و الله هامتني العنود .. بس يمكن صج سوت شي مما خلى اخوي نهيان يعصب هالكثر

استغفر الله بس .. ماعرف منو الظالم و منو المظوم !

لمحت الجمعيه من بعيد .. صديت سلامه : مري الجمعيه دقايق ببشتري لي شي بارد ..

سلامه : اوكييك ..

دقايق ووصلنـآ الجمعية ..فتحت الباب بنزل بس لاحظت ان سلامه ماتحركت ..

سالتهـآ : مـآ بتنزلين ..؟

هزت راسهآ بمعنى لا . .وقالت : هـآتي لي شرآتج ..

تنهدت و قلت : ان شاء الله ..

دخلت الجمعيه افتر مني و مناك .. ادور مكـآن المشروبات .. ماشاء الله صج هالجمعيه كبيره .. بس الغريب انه مافيهـآ وآيد اشخاص .. يمكن لانه الحينه الصبح و الاغلبيه فالدوامات او ارقوود .. انزين انا شلي فيهم ..

سمعت صوت مسج . . طلعت الايفون من الشنطه . . فتحت المسج . . من ولد خالتي هزآع . . كان مكتوب فيه
" خلي اللقـآ فـ رآس الخيمه .. يـآمنوره رآإك .."

قعدت حياتي .. حده فاضي هالانسان . . قال يحبني قال . . ياربي شكثر اعاني منه . . صح اني جافه فمعاملتي معاه بس مرات قلبي يرق له .. مادري ليش . .

بس لازم اثجل اشوي . . الريال مايحب البنت اللي تعطيه سالفه . .و تركض وراه . .

صار لي فتره طويله ماجفته . . عسبت انه يدرس برع الدوله مع اخوي عبدالله . . في فرنسسا . .
بس غريبه امر هالمسسج . . كيف يتلاقى معاي و هو محد فالإمآرات ..!

سمعت صوت مسج ثاني . . كان بعد من هزآع .. فتحته
" في خـآطري شي . . و الوعد جدآم ..! "

عضيت ع شفايفي . . الله يستر من اليأآي . .

هل / يججب ﭑن نھملهُم ﻟيشعروآ ﺑلذةة ٺوآجدنآ :') !

.

₪

.

وصلت صوب المشروبات .. احترت اخذ لي رد بول او اورنـآمين .. تذكرت انه سلامه ماتحب الرد بول اببببد .. فـ شلت 2 اورنـآمين .. و ماكان فخاطري شي ثاني اشتريه .. ف دفعت الحسساب و طلعت من الجمعيه ..

جفت سياره سلامه و ركبتهـآ ع طول ..

غمضت اعيوني و تساندت ع السيت : يبت لج معاي اورنامين .. اعتقد اتحبينه ..

استغربت سلامه صااخه و ماردت و لا قالت شي ..

قلت : بلاج ساكته .. يلا حركككي ..

صديت صوب سلامه .. تفاجأت بوجود ريـآل حذالي ماعرفه .. عضيت ع شفايفي .. اكيد انا ركبت سياره بالغلط ..

حسيت بالاحراج و فتحت باب السياره و قلت : انـ .ـآ آسـ آسسـ ـفه اخوي ..

نزلت بسرعه .. رحت ادور سياره سلامه .. يلست اعاتب عمري .. شاللي سويته انا .. شو هالغباء اللي فيني ..كيف ماجفت رقم سياره سلامه و فوق هذا ماانتبهت لوجود الريال حذالي ..و انا مآخذه راحتي اسولف و جنه السياره سيارتي .. ياربي الحينه شو بيقول عني ..

جفت سياره سلامه .. ركبت و انا ساكته و انا اطالع سلامه .. اتاكد اذا هي صج حذالي ..

سلامه : بسسم الله شفيج ريموه اطالعيني جي ..

قلت : اتاكد اذا انتي سلامه او لا ..

سلامه تضحك ع ردي : هههههههههههههههههه ماكنت ادري انج حوله ..

ضربت كتفها : سلامه عن المصاخه ..

سلامه كاتمه ضحكتها : انزين ليش راجعه محمره ..

قلت ابسرعه : مايخصج ..

سلامه : عاد انتي بيضه و خدودج الورديه فاضحتنج .. يلا ايلا اعترفي .. شو صاير .؟

قلت بعد تفكير : سلامـه تخيلييييييي .." و خبرتها اللي صـآر"

سلامه تضحك : ههههههههههههههههههههه اونه صج !

ضربتها ع كتفهـآ مفتشله من اللي صار : بس سكتي

ردت تضحك : ههههههههه إلا تعالي فونج وينه ..؟ " مستغربه " اذكر انه دوم فأيدج ..
فجيت عيوني .. تمنيت اني مانسيته ف سيارته .. فتحت شنطتي و دورته .. بس خاب املي و ماحصلته ..

قلت بأسف : نسيييتها فسيارته .. ياربي .. كيف باخذه الحينه ..
تنهدت ..

سلامه : يايه تربعين مع الجيس و ناسيه الايفوون حضرتج,,

اتضايجت : الحينه شسوي ..

سلامه : قعدي اتصلي لفونج .. و إذا رد .. خبريه مكان تتلاقون عسب تاخذين فونج ..

قلت : مآعليه .. من ارجع البيت بتصل ..

سلامـة : لا خذي فوني و اتصلي الحينه ..

قلتلها : اوكيييه هاتي ..
عطتني سلامه فونها و دقيت فوق الخمس مرات و محد رد .. حسيت اني فقدت الامل ..

سلامه بركنت السياره و قالت : يلا ريمووه وصلنـآ ..

قلت : خلااص بخلي سالفه الفون لعقب .. لازم الحينه اخلي كل تفكري بالليسن ..

نزلت من السيآرة .. و انا كلي امل اني انجح ..

يَ رب استجب لي ما اعجز عن قولہ . .
انت اعلم بگل دعوة تحتبس في قلبي ولا اعرف گيف ارفعھا

.

₪

.

لا تحرمـوؤني من ردودكم . . و رآيكم يهمني
إذا حبيتوهـآ و حصلت تشجيع بكملهـآإ . .
و إذا باءت بالفشل . . بنسحب . . *
__DEFINE_LIKE_SHARE__

راقيه باسلوبيْ}~ · 08-20-2012, 09:57 PM

رووووووعههه الباااارت
ونتريييا البارت الياااااايي
لا اطولين علينا فدييتج __DEFINE_LIKE_SHARE__

قلبَ دآفـےَ ♡ · 08-21-2012, 11:10 AM

بداية حِحـلؤهـٓ
حبيت شخصية الريممَ !
والعِنؤد گسرت خاطري وحليلهـِآ مدري شؤ سالفتهآ مع نهيانٰ !

نرقِب التگملههِ
: ) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـآُ أبيُ أشغڷڪٍ ٌ وڷـآ أبيٌ آزعچٍڪٍ ٌ ڪڷـمه] وحدددهُ بسٌُ أبيهـآ توصڷڪٍ ٌ َ ؛ أشتڨتُ ڷڪٍ ٌ ً !	مناير	تصاميم الاعضاء	10	08-01-2013 06:34 AM
أڷح ’ ـآإاטּ :: مسڷسڷ دقـآإاٺ قڷب :: ڷع ’ ـيونڪم ,’ ~ ♥	я o ό о 7 i	نغمــات للهــواتف	136	09-07-2010 01:59 PM
آڷِسڷِآم عڷِـےْ من ڷِـــــــــــهم فــ آڷِڤڷِپ شآنيـےْ ., سڷِآمن ڪْثــ\يـِر مآينعڍ ,. پآڷِمڷِآآآآآآين	мιŝş~Ƒσσşђγ	تراحيب وتهاني	8	06-11-2010 02:39 AM
بسأڷڪ // يآصآحبي ڷيه اڷزمآن ** ڷآمسڪ ڷه // قڷب ڷـــعـــن ۈآڷــډيــــهـ	sportyah	الشعر المنقول	1	10-30-2009 10:43 AM
{ ڪڷڪ כـڷا ڪڷڪ دِّڷالِّ .. ڪڷڪ عٍُڷيـﮯ بعٍُضڪ ڠرامْ ..~*	мặzỳOσѝ~ặđ	تصاميم الاعضاء	22	06-15-2009 02:47 AM