روآيـۃ فـآرقنـي اڷڪڷآم . . ♥!* - الصفحة 16

» ھہُدنيّ حبْيبيَ . . · 09-23-2012, 12:32 PM

المشاركة الأصلية كتبت بواسطة lαᴍşт đl3 ∞

.
.

اسسسمحولي الغالين ع التأخير
كل وآحد له ظروووف .. و اوعدكم
ان شاء الله بنزل لكم اليوم بارتين او ثلاث بيرد فؤآدكم

و تسلمون ع الخطفة و الاهتمـآم ..

.
.

لمسة دلع

.
.
مسموحِه ب آلححل : ) "

نترقبجْ [ لمسةةِ دلع ] و هآلللِه هآللله ف آلبآرتِآت آلليْ يبرِّد فؤآدنآ ع قولتِج
.
.
» ھہُدنيّ حبْيبيَ . . "

__DEFINE_LIKE_SHARE__

راقيه باسلوبيْ}~ · 09-23-2012, 07:35 PM

نتتتتتريييياااج ع اححححر من الجججممر بس الساعه كم بتنزلين ؟؟ __DEFINE_LIKE_SHARE__

lαᴍşт đl3 ∞ · 09-23-2012, 07:58 PM

•ι[» اڷبـآإرت الـتـآآسـع «]ι•

يآ خوفي إنگ عقب هـآلود تصدمني
واللہ يآ نبرتگ إنّ ( الـبـلا ) فيھا

.

₪

.

ميثه منصدمه : انتي شو اتسوين آهني فبيتنا ؟؟

زخيت ميثه من ذراعها يلست اتصارخ معترضه :وين بتروحين هالحزه !

ميثه تصارخ : مايخصج فيني ..
وايقت من الباب .. شهقت منصدمه لما طاحت اعيوني ع السياره اللي واقفه برع .. لمحت واحد كان موجود داخلهـآ ..

صديت صوب ميثه : و انا اقول غريبه ليش ميثه مش موجوده فالمستشفى .. طلعت الحبيبه تستغل انشغالنـآ
ميثه ادزني: وخري عن طريجي ..
عطيتها كف : قويه عين بعد ! .. من وين عرفتيه .. من النت و الا البلاكبيري ..!
ميثه تصرخ : انتي ماتفهمييييييييييين .. قلت لج مايخصج فيني
قلت : من البدايه مب مرتاحه لكثره قعدتج ع اللاب
ميثه تعلي صوتها : اووووووووهووووو
قلت : واختج مريضه فالمستشفى ....
قاطعتني : عساهـآ ماتقوم
عطيتهـآ كف ثاني : هاي اختج يالخايسسسه..
مسكت ذراعي بقوه : ماتخليني اطلع ع راحتي .. كله تشك فيني ..
قلتلها و انا اتالم من ذراعي : اختج تخاف عليييج .. و بطلي ايدج عن يطيح ملوك من ايدي ..
بطلت ايدهـآ .. ودزتني تبا تطلع ..
نقزنا انا و ميثه يوم سمعنا حس منصور من ورانا : لا اتمدين ايدج ع اللي اكبر عنج
صديت لورآ جفته واقف .. غريبه شو اللي رجعه الحين .. قبل اشوي امروح
خذت نفس طويل .. الحمدلله انه ماسمع و الا كان يبجتلهـآ اذا عرف اخته شو تبا تسوي .. معنه ما تستاهل الواحد يخاف عليهـآ ..

ميثه تعتذر لي بالغصب : انا اسفه ..
و مشت ميثه و دخلت داخل البيت ..
منصور : تعورتي .؟
ابتسمت : لا ..
مشى منصور بيدخل البيت و لحقته .. معقوله منصور ماانتبه لميثه انها كاشخه و لابسه عباه و الا عسبت كان مستعيل ما لاحظ !

توجهه منصور لغرفته فالطابق الارضي.. اما اناا ركبت الدري و رحت غرفه ظبيه .. حطيت ملوك ع الشبريه و لحفته .. بعد ماتاكدت انه راقد بسابع نومه .. طلعت
قادتني ريولي لغرفه ميثه .. دقيت الباب ..
ميثه :الباب مفتووح
فتحت الباب .. ميثه : نعععععععععم ! شو بغيتي بعد !
قلت : ميثه اسمعيني ,. انا مابضرج ..ابا مصلحتج .. اعتبريني شرات اختج
ميثه : خسي تكونين انتي شرات اختي ..
ماعرف شوو اللي جلب اسلوبها مره وحده.. يمكن عسب عرفت كل شي ..
عضيت ع شفايفي ..قهرني ردها .. قلت : كنت بجوف صرفه لهاللي تسوينه .. بس الحينه انا مايخصني فيج و برمس حد من اخوانج يتصرف ..
مسكت ايدي تترجاني و تغيرت نبرتها : دخليج مابا حد يعرف ..
طالعتها بنظرات انه هي اللي تبا جي يصير ..
ميثه : اوعدج هاي اخر مره اطلع فيها .. بس لا تفتنين علي ..
قلت : يوم انج تخافين من خوانج.. ليش تسوين كل ها !
ميثه نزلت راسهـآ ..
قلت : يعني هاي مب اول مره كنتي بتطلعين فيهـآ !
ميثه تحلف : والله هاي اول مره بحياتي
صدقتها .. فقلت : و توعديني تكون هاي اخر مره
ميثه بصوت واطي: اوعدج ..
سمعت صوت صراخ ملوك برع .. دق قلبي بسسرعه .. قمت من مكاني بسرعه و مفزوعه .. و طلعت برع .. جفته بينزل من الدري .. يصييح دموعه على خده .. يدور ع امه ..
صرخت : ملووووك تعال هنيه ..
ملوك يبا ينزل : ابا مامـآ " نزل ريله "
كان بيطيح صرخت : ملووووووووووك
ربعت صوبه بمسكه بس سبقتني ايد و مسكته و انا مسكت هالايد ..
رفعت راسي اطالعه .. جفت هزاع .. انحرجت و شلت ايدي ع طول .. و جني متقززة منه .. كله اتيي فبالي اللي كان واقف معاها فالمستشفى .. و ماغير البنات اللي كان يرمسهم ..
هزاع يطالعني: انتو الحريم بس تعرفون تصارخون ..
طنشته و قلت فخاطري و انتو الشباب بس تعرفون تخونون ..
هزاع شل عبدالملك و كلمه عسب ينسى امه : تبـآ تروح الالعـآب ..
استانس ملوك : هيييييه العاااب ..
هزاع : يلا نروح ..
و نزل من الدري و راح صوب الصاله و طلع معاه ..
و انا اطالعه .. و الله من صدجه ماسوآلي سالفه .. و لا حتى حاول يعتذر و يبرر موقفه ..
اويه صح .. هو مايدري اني جفته .. المهم برايه ..
تنهدت .. ابا اروح المستشفى اطمن ع ظبية ..
تذكرت هذاك الشخص .. اللي ياما وقف جمبي .. الحينه وييين .. لا حس و لا خبر .. يودت فوني و بديت ادقدق ع الازرار ..
اتصال " لزيم الروح "
: هـلا بالرييييييييييم
قلت : اهليييين .. مسس يووو و الله
سلامـة : فديتج .. و انا اكثر
قلت : انتي وينج ,!!
سلامـة : فالسياره .. احوط .. ماعندي شغله
قلت : تقدرين تمرين لي .. اباج توديني المستشفى
سلامه : ليش منو هنـآك مريض !!
قلت : ظبيه مرت مروآن ..
سالتني : ماخذتي سياره للحين ؟!!
تذكرت السياره اللي اهداني اياها عبود و قلت : امبلا عندي .. بس هي موجوده فالبيت
سلامه : عيل انتي وين ؟
قلت : ف بيت خـآلتي ام هزاع ..
سلامه : عيل مسافه الطريج و اكون عندج ..
قلتهـآ : اتريـآج ..
و بندت ..
كنت اوريدي لابسه عباتي و شيلتي .. رحت اطالع شكلي فالمراه .. ياربي يبين علي تعبانه .. طلعت الجحال من شنطتي .. حطيتلي ع الخفيف .. و جفت الهالات السوده اللي تحت عيني ..
ياربي مب وقته .. بهتم بعممري عققب ..
رن فوني جفت سلامه متصله .. عرفت انهـآ وصلت ..
فطلعت ع طوول .. ركبت السياره ..
سلامه متفاجئة : ريمووووووه ضعفانه
طالعت جسمي : وين ضعفت ..! قولي متنت من كثر الاكل ..
سلامه : و الله ضعفتي ..
ابتسمت : احب .. ههههه .. انزين شخبار فطيييم .؟
ماعلقت ع كلمه احب .. بس جاوبتني : انخطبت و جريب بتملج ..
انصدمت : و الله !
سلامه : هيه و الله
قلت : غريبه ماقالت لي
سلامه : انتي انشغلتي .. وماقمتي تاخذين العلوم منـآ
فهاللحظه رن فون سلامه .. طالعتني و ابتسمت .. و قالت : حمدان .. لحظه بحطه ع السبيكر
سلامه : الـوؤؤ
حمدآن : هلا فديتج .. شخبارج حبيبي .؟
سلامه تصنع الزعل : مب زينه ..
حمدان بخوف : ليشش .؟
سلامه بجد : جوف حمدآن .. انا وايد ترييتك .. سافرت و درست ففرنسـآ 4 سنوات .. قلت ماعليه .. صح خطبتني قبل ماتسافر .. بس وعدتني انه اول ماترجع نملج .. و انا ماجوف شي .. و شكثر اللي تقدموآ لي و انت محد .. كله انقولهم انا مخطووبه .. و انت الحين ماعندك عذر .. رجعت البلاد و تشتغل هنيه .. شو تتريـآ ..
حمدآن كان ساكت و يسمعهـآ و مانطق بحرف
كملت كلامهـآ تهدده : ترى و الله .. أي واحد يتقدم لي بعد هاليوم بوافق عليه ..
حمدآن : بس انا الحين عندي ظروف .. صبري علي
سلامه فيهـآ غبنه : ظروف ظروف ظروف .. لمتى !!!
حمدآن : خلاال هالاسابيع بنحدد وقت للملجه ..
سلامه : بنجوف ..و انا بتريـآ هالاسبوع بس .. اذا ماصار شي .. اسمحلي بفصخ الخطوبة..
حمدآن : الحب اللي امبينـآ .. بهالسهوله بتودرينه
سلامه : انت اللي بتجبرني اسوي جي .. شفايده الحب اذا مااكتمل بالزواج ..
حمدآن : على خير ان شاء الله ..
سلامه: بخليك .. وسكرت عنه
طاحت دمعتهـآ .. عرفت ان الكلام مب من قلبها .. هي ماتبا تخلي حمدان .. بس لازم بهالطريقه تجبره يتحرك و يسوي شي .. حمدان وايد بارد .. و مابيندم إلا لما تروح سلامه من ايده ..
حاولت الطف الجو : ماعليه هو يحبج.. اعرفه ولد خالي ..
سلامه : بس ريموه يوميـآ ع هالموآل .. صج لمتى بتريـآه ..!
تنهدت و قلت : هونيهـآ و بتهون ..

أﻣﺷي ﺑﺷۈرک ۈﻟۈ ﺷۈرک ﺧرﭑب ﻟﻋﻧﺑو رۈﺣن تعاند ﺧﻟﮪﭑ ♥

.

₪

.

وصلنـآ المستشفـى ..
سلامه : اتريي ببركن السياره و بننزل مع بعض ..
بركنتهـآ و نزلنـآ مع بعض للمستشفى .. دخلنـآ اللفت .. سبقت سلامه و هي تلحقني ..
لمحت حمدآن داخل غرفه .. وقفت ..و انصدمت فيني سلامه من ورا .. شكلها كانت سرحانه ..
هزيتهـآ .. جوفي داخل ..صدت ووقفنـآ عند البـآب .. كانت الممرضه مع العنود .. و واقف حذالهـآ حمدآن ..
سلامه واقفه مالها حس .. انتبه حمدان لوجودنـآ جافنـآ انا و سلامه واقفين .. جنه ماتوقع يجوفنا هنيه ..
تجدم صوبنـآ و سالنـآ : انتو شو تسوون اهنيه .؟

قلت بصوت واطي : ظبيه تعبانه ..
كنت بمشي .. بس سلامه بعدها واقفه
هزيت سلامه انبهها : يالله سلامه ولا بتمين معاه !
حمدان بصوت خفيف : سلامه
سلامه عطته ظهرهـآ و مشت ..
كنت بلحقهـآ بس سمعت حس اخوي عبود من ورآي: سلامات سلامات شسالفه .. كلكم متفجين اتزورون المستشفى اليوم ..
حمدان ياشر للعنود : اختي مريضه
عبود يطالع داخل الغرفه : اوه .. بنت الخال مريضه و نحن ماندري ..
حمدان : قبل شوي يايين ..
عبود : يلا زين طمنا عقب ..

مشى عبود و مشيت انا وراه .. جفت سلامه واقفه بعيد تتريـآني ..
رحت صوبها .. سلامه شوي و بتصيح : انا برجع البيت .. ماقدر اتم اهنيه
قلتلهـآ : تأكدتي عنده ظروف .. و انتي لا اتعبين روحج و تفكرين
سلامه ابتسمت : ماعليه .. بنصبر .. صبرت اكثر من 4 سنين .. يت على كم شهر .. " مسكت ايدي " يلا اترخص ..
قلت :: مرخوصه فديتج .. بس تحملي ع روحج ف الدرب .. و لا تفكرين وايد
سلامه : ان شاء الله ..
و راحت سلامه و انا واقفه بمكاني اطالعهـآ الين اختفت ..

تنهدت و كنت بكمل دربي ..
سمعت حس نهيان يسال حمدان : شو فيهـآ .؟
حمدان : من ساعتين و نحن بالمستشفى يسون لها اوكسجين .. كانت مخنوقه و تعبانه ..
حطيت ايدي ع حلجي .. شاللي بيصير الحين .! اويه نهيان اهينه ..

حمدان يحط ايده ع كتف نهيان : لا تحاتي الياهل مافيه شي ..
نهيان منصدم : العنوود حـآمل !!

ععآدي ججفآآ : ( ! و ععآدي ﺂهمال بَ ' ﺂهمال ../'ععآدي ﺗعودنآ و صآرت قديمهہ ..

.

₪

.
__DEFINE_LIKE_SHARE__

lαᴍşт đl3 ∞ · 09-23-2012, 07:59 PM

.
.

السلام عليكم ..

اسمحولي اذا البارت مش طويـل ..
هاللي طلع من عندي الحين ..
و ان شاء الله اليوم فليل .. بعد السساعه 12 بنزل البارت العآشر
تريونـي ..
.
.

لمسة دلع __DEFINE_LIKE_SHARE__

راقيه باسلوبيْ}~ · 09-23-2012, 08:16 PM

تسلميييين ع الببباارت
ماشاء الله كلهمم متولفييين ف المستشفى العنود وظبية
نتريييياججج الييووم فليييلل

جااري الانتظاار __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـآُ أبيُ أشغڷڪٍ ٌ وڷـآ أبيٌ آزعچٍڪٍ ٌ ڪڷـمه] وحدددهُ بسٌُ أبيهـآ توصڷڪٍ ٌ َ ؛ أشتڨتُ ڷڪٍ ٌ ً !	مناير	تصاميم الاعضاء	10	08-01-2013 06:34 AM
أڷح ’ ـآإاטּ :: مسڷسڷ دقـآإاٺ قڷب :: ڷع ’ ـيونڪم ,’ ~ ♥	я o ό о 7 i	نغمــات للهــواتف	136	09-07-2010 01:59 PM
آڷِسڷِآم عڷِـےْ من ڷِـــــــــــهم فــ آڷِڤڷِپ شآنيـےْ ., سڷِآمن ڪْثــ\يـِر مآينعڍ ,. پآڷِمڷِآآآآآآين	мιŝş~Ƒσσşђγ	تراحيب وتهاني	8	06-11-2010 02:39 AM
بسأڷڪ // يآصآحبي ڷيه اڷزمآن ** ڷآمسڪ ڷه // قڷب ڷـــعـــن ۈآڷــډيــــهـ	sportyah	الشعر المنقول	1	10-30-2009 10:43 AM
{ ڪڷڪ כـڷا ڪڷڪ دِّڷالِّ .. ڪڷڪ عٍُڷيـﮯ بعٍُضڪ ڠرامْ ..~*	мặzỳOσѝ~ặđ	تصاميم الاعضاء	22	06-15-2009 02:47 AM