.


₪


.

نهيـآن ابعصبيه : عنود حـآمل و ماتقولي .. تبا تحرمني من ولدي بعد ..!!!

ييت اتدارك الموقف و قلت : الحينه عرفـوآ .. محد كان يدري

ابتسم لي حمدان .. حس اني انقذت الموقف ..

نهيان مطنش كلامي و يسال حمدان : تطمن .. بخير اكثر عن امه ..

نهيان ارتاح : اهم شي الياهل بخير..

اضايجت انا .. لازم يبين انه مب مهتم بسلامه العنود .. و ملامح حمدان توحي انه مب مرتاح
حسيت انه تضايج شرآتي ..بس حمدان صخ و ماقال شي ..

نهيان : يلا عيل استأذن .. بطمن ع بنت الخـآل

بصراحه حسيت نهيان خربها .! و العنوود ..!!

حمدان ببرود: اذنك معااكك ..

مشى عنه .. و لحقته ..
وصلنـآ لعند غرفه ظبية .. جفت مروآن و اماية ماسكين ظبية .. و عبود بعيد عنهم

نهيـآن : ع وين .؟

مروآن : ظبيه ماتبا تقعد فالمستشفى ..
نهيان : و انت ع طول سمعآو طااعه .. و طلعتهـآ ..

مروآن : قالو الدكاتره مافيها الا كل خير .. بس تعبت عسبت طيحت الطفل و الحين بألف صحه و عـآفية ..ف بنرجع البيت ..

نهيان يرمس ظبية : ماتجوفين شر بنت خالتي .. عسى ربي يعوضكم
ابتسم مروآن و قال : ان شاء الله ..

ظبيه رجععت مع ريلهـآ مروان .. و انا وامايه رجعنـآ البيت مع عبود ..

فالسياره .. كل حد صاااخ ..
اخوي عبود يسووق و مركز ع الطريج .. وامـآية سرحانه بعالم
و انا بعـآلمم ..
مـآعرف شو مصيري فهالعـآلم .. احس اني احتاجه .. ابيه .. يآ عالم قلبي يرجف من اجوفـه ..
احبببببببببه ..! احب هزآآآع .. بس بنفس الوقت .. ع افعاله اللي اجوفهـآ مـآبية

ياربي شو هالشعور المتضارب عندي .. ماعرف احدد موقفي ..
احس اني ضايعه .. متلخبطة ..
احسسس بضياع فظيييع ..

قطع حبل افكاري صوت عبوود .. عبود : شوو ماتبين تزلين البيت .. و الا ملزقة سبرقلوو ..

قلت : هه هه سخيف .. مايضحك ..

ماترييت اسمع رده .. نزلت عطول .. اماية محد فالسياره .. اكيد نزلت و دشت و انا مانتبهت لها ..


دشيت البيت و انا احس بأن ريجي ناشف .. رحت المطبخ .. خذت لي عصير فراولة.. ياربي شقى احب الفراولة ..
و انا اشرب.. احس اني انتعش .. و مزاجي يروق .. صج انه برد ع قلبي هالعصصير ..

شربته و طلعت ..

سمعت صوت القطه .. رحت يبت لها ماي و عطيتها .. كل ماجوفها اتذكر هزآع ..
الله عليك تعرف اتيييب الهدايا اللي اذكرني فيك ..

اطالع القطوة و احسها تتأملني .. جنها تبـآ تقولي شي ..
همست لها : قولي شعندج ..

القطوة : ميـآآآآو

ضحكت ع عمري .. ياربي احس اني تخبلت من الوحده و صرت اكلم قطاوة ..
شسوي .. اخواني عبدالله و نهيان مـآ يقرون فالبيت ,, و محد فيه غيري و غير اماية الله يخخليها لي ..

لولاها مادري كيف بتكون حياتي الحين ,.

بس بعد امايه اكثر اوقاتها فغرفتها .. يا اما تقرأ قرآن او تصلي او تتعبد ..

ماشاء الله عليها محافظه ... متى اكون شراتها ..!!


مسكت راسي حااسة بصداع فظيييع و بتعب .. رحت لغرفتي ..

زخيت المخده و لويت عليها بقوه ..اشتقت له وايد ..بس مقدر مقدر طريقي و طريقه مختلف .. مستحيل يصير طريقنا واحد و من سابع المستحيل ..

حطيت ايدي ع يبهتي حسيت الصداع بيهد حيلي ... تنهدت بعذاب ... غمضت اعيوني حسيت ابروحي بعالم مظلم .. ما يجوف النور ..


آنآ مَآ آحبكك حب عآدِي يَآ غلٱي انآ آححببببكك . . فوُق مَآ لٱ يَعلمون . .


.

₪


.


اليوم اللي عقبه .. قمت الصبح .. جفت اتصال و مسج من دانه ..

فتحته " الريم اسفه ع الازعاج بس حابه اكلمج ."

استغربت من المسج .. يا فبالي انها عرفتكل شي.. ع طول اتصلت فيهـآ معني متعايزه ..و ردت من اول رنه ..


دآنه : الريم شخبارج .؟


قلت: بخير يسرج حـآلي .. و انتي .؟


دآنه : انا بخير دامج بخير ..


قلت : يعله دوم مب يووم


دآنه : اسمحيلي متصله فيج هالحزة ..

قلت : عادي فديتج .. اتصلي باي وقت ..

دانه : تسلمين .. انزين طمنيني ع اللي كانت موجوده فالمستشفى

قلت : الحمدلله احسن و طلعت البارحه ..

دانه : الحمدلله ..

سالتهـآ : و طميني عليكم ..؟
دآنه : الحمدلله كلنا بخيير

قلت : الحمدلله

دانه : اممممممممم .. ريموه انتي حلوه و اخلاقج احلى .. صح ماعرفج وايد بس هاللي عرفته من طبعج ..

قلت متفاجئه من كلامهااا : انزين ..!!

دانه : عادي اذا تقدم لج ولد عمي

انصدمت .. سككت ماعرفت شو ارد علييههاا

دانه : انا بعطيج تفكرين .. بس حابه آخذ رقم امج و اخبرها ..

ماعرف ليش ماترددت و عطيتها رقم امايه ع طوول ..


وبنتدت عني .. و خلتني فحاله صدمه .. بلعت ريجي اختي تخطب لي ولد عمها اللي يصير ولد عمي

.. و انا تايهه بافكاري .. امايه حليلها ماتعرف شي .. اكيد بتستانس بالخبر ..


رحت الصاله و قعدت اطالع التلفزيون .. عسب اشغل روحي و ماافكر بشي


.

₪

.


عبود دش الصاله يصارخ : ريموه ..ريمووووه


قلت : ويييع

عبود يبتسم : اجهزي انتي و آمـآيه .. باخذكم الحينه المنار بنتغذى اهنـآك ..

استانست .. ع طول ربعت جني مب جايفه خير و مفجوعه للطلعات .. دشيت لاممايه الغررفه جفتها ترمس بالفون .. اكيد هاي دانه .. يعني اوني ماعرف شي .. فخبرت امايه بالاشارات انه بنطلع مع عبود ..و طلعت

رحت غرفتي .. لبست عباتي و شيله فيهـآ خط وردي فالوسط .. حطيت بودره ع ويهي و جحال و روج وردي شرات لون الشيله و فتحت الشنطه بحط داخلها الفون ..

جفت الورقه اللي كان مطرشنها هزاع فالفندق .. اوه انا للحينه مافتحتهـآ ..
فتحتهـآ .. مكتوب فيه شعر .. هو كاتبنه



"
يآ زين ذآ آلمبسم ويآ زين لقيآككَ . . شوفتككَ يآ سيدي تبري آلعوق

فدآكك قلبي يآلغلآ وروحي آفدآكك . . وآلله يَ آنهآ نظرتكك تروي آلموق

في دنيتي يآزين آنآ مآلي سوآكك . . كل هآجس غصب يسوقني لكك سوق

هذآ فوآدي يآ سيد آلمخآليق يبغآكك . . ويشتآق لكك مع كل ذره من آلشوق

ب آلمختصر روحي تحبكك وتهوآكك . . وعيني فدآكك آنت يآسيد آلذوق
"

بقلم الكاتبة عذبة المعاني ..


حظنتها من كل قلبي .. يحسس فيني .. صدقوني يحسس فيني و يحبني ..
حطيتهـآ فالشنطه و انا مستانسه ع الكلام اللي كاتبنه

و طلعت من الغرفه .. جفتت امايه لابسه عباتهـآ و الشيله ..

امـآيه : يلا نطلع .. اخوج يتريانا برع ..

طلعنـآ .. امايه قعدت جدام حذال عبود و انا قعدت ورآ



اتصل عبود ليدوه و سوآآ اسبكر ..

يدوه : الوو

عبدالله : هلا هلا

يدوه : عبدالله !


عبود : هلا عويش


يدوه : انا يدتك يالهرم

عبود : تيكت ايزي يدوه عاشه

يدوه : ان ماخليت العصا تلعب فظهرك .. خلني اجوفك بس

عبود يضحك : هههههههههه .. المهم شحالج يدوه .؟

يدوه : الحمدلله


عبود : نحن الحينه طالعين المنـآر .. كنت بسالج جان بتاخوينـآ

يدوه : لا ماقدر اطلع .. اريولي تعورني

عبود : الله يشافيج عويشش

يدوه حرجت : امففف عليك من ريال .. امك ماعرفت تربيك

عبود : اوب اوب عصبت العيوز

يدوه : عيز حيلك يالـجلب

عبود يطالع امايه: شت تعرف تسب بعد

بس يدوه بنتدت بويهه

ضحكت عليه : ههههههههههههه تستاهل .. تحب تلعوز بيدوتي حليلهـآ

عبود : ماعليه المره اليايه بنآخذها معانا عسب تربش الجو .. و الله يدوه سوالف انتو ماتعرفون ..


ابتسمت .. و قلت فخاطري .. و انت مآخذ هالطبع من يدوه ..

وصلنـآ .. عبود وقف جدام الباب : يلا انزلو .. انا بروح ابركن السياره ..

دخلنـآ داخل انا و امـآيه .. رحنـآ صوب المطاعم و قعدنـآ ع الكراسي نتريا عبود ..

استغليت الفرصه فـ قلت لامايه : اميييه ابغي اسالج

امايه : اسالي فديتج ..

قلت : ابوي ليش طلقج ..؟


طالعتني امايه جنها مب متوقعه سؤالي


تنهدت امايه : كان متزوج علي وحده ثانيه .. لما كنت حامل فيج اكتشفت هالشي .. و طلبت الطلاق .. مااستحمل تكون فوق راسي شريجه ..

سالتهـآ : و كان عنده عيال منهـآ

امايه : و الله ماعرف ..ليش .؟

قلت : بس اسال ..

جفت عبود ياي من بعييد .. اتجرب منـآ ..

عبود : شو تبون اطلب لكم ؟


قلت : انـآ بخـآطري من بيتـزآ هت ..
آمـآيه : انا ابـآ باستـآ بالجبن من تشيليز ..

قلت لعبود : بعد هـآت لي بينك بيري بنكهه الشكولاتـآ و لاتنسى البيبسي

عبود : بعد شي بخـآطرج !

هزيت راسي و قلت : لا

عبود : اصلا خليتي شي .!

ضحكت : ههههه يلا طوف لا تتاخر


حليله مارد علي و راح اييب الطلبيه .. و ماتأخر ورجع بالاكل ..


حط الاكل ع الطاوله و قال : انا يايبنكم اهنيه عسبت عندي خبر بمليون .. فقلت لازم هالشي يباله عزيمه و مكان حلو و جو احلى عسب اقوله ..


قلت : شو هالخبر اللي بمليون ..!

عبود مستانس: ياينج خطيب ..

امايه متفاجأه من كلام عبود و قالت بصدمه :عيل مب خطيب .. خل نقول خطيبين ..

ابتسمت بخجل و نزلت راسي ..

امايه : مـآشاء الله بنتي كل حد يتمناها ..

عبود مستغرب يطالع امايه : منوه خاطبنهـآ بعد .؟

امايه : خالد .. ولد عم اربيعتهـآ دانه

عبود رفع حياته : نحن اخر من يعلم ..

امايه : اليوم متصله فيني .. يعني السالفه طازجه

عبود مستانس و يطالعني : و اليوم هزآع رممسني انه يبـآج ..

فجيت عيني منصدمه و تذكرت اخر موقف صار بيني و بينه .. كنا نتضارب و انا عقيت له كلام .. غريبه اننه خطبني بعد هالكلام و إلا يبا ينتقم مني عسب قلت له جي .. و إلا يآكد لي انه يحبني .. مايندرى !!

عبود : ها الليدي منو بتختـآر !؟


سكتت .. انا اصلا ضايعه مب مصدقه اللي يصير ..

عبود : ع فكره هزآع مستعيل .. يبا كل شي يصير بأجرب وقت ..

قلت : عطوني فرصه افكر ..

امايه : خذي راحتج فديتج .. و صلي استخاره و جوفي ..

ابتسمت لامايه .. ماعرف بكون من نصيب منوه .. صج من قال كلن ياخذ نصيبه فهالدنياا..


حطيت ايدي ع بطني .. حسيت بيوع و انا للحين ماكلت شي و الاكل بعد جدامي .. فقعدت اكل بسرعه .. سرررعه

عبود : شوي شوي ع الاكل ريمووه .. مب جايفه خير


قلت : اصلا انا غلطانه طالبه لي بيتزآ .. مب ماخذه راحتي بالاكل ..تلعوزت فيهـآ

امـآيه : جان طلبتي لج شي خفيف ..

قلت : المره الياايه ان شاء الله ..


عبود : منو قال بطلعج

طالعته و حطيت اللقمه فحلجي : مستغنيه عن خدماتك .. عندي سياره ..


عبود : كلي كلي .. عن يطير عنج الاكل ..


غصيت : كححححح .. وقفت القطعه بلعومي .. حشـآ مب عين .. انا بروح الحمام


قمت من مكـآني .. رحت صوب الحمـآم .. دشيت حمام حريم و تغسلت .. طلعت ..


يبست ابمكـآني .. هزاع يعطي بنت جيس و هي مستانسه و تسولف معاه ..
و احس اني جايفه ملامح هالبنت قبل ..


مسسستحيل اللي اجوفه .. هالمره بصدق عيني .. مااقدر ابرر كل شي ..

لمتى يا هزاع لمتى و انته جي ! يا حبك للبنـآت ..

قلبي عورني .. خلااص مابيييه .. مابفكر فيييييه .. خانتني دموعي و نزلت غصبن عني ..

مسحتها و مشيت بسسسرعه .. فجاه حسيت بشي اصدمه .. طحت ع الارض ع طول ..
وقفت بسرعه و رفعت شنطتي ..جفت واحد واقف جدامي .. قلتله : اسسسفه ..


حسيت نظراته بتاكلني من كثر مايطالعني .. قال : هـآه .. لا عادي فديتج .. تعالي كل يوم ..

عطيته نظره استحقار و قلت : كلكم مثثثثل بعض ..


خطفت حذاله ..سمعته يقول لربيعه: شفيهـآ هالانسانه ؟


رحت و دموعي بعيوني .. مسحتها ع طول بظهر ايدي .. مشيت متوجهه مكان يالسين امايه و اخوي عبوود ..


قعدت و انا احس خلااص ماعدت افكر بشي ..

قلت : امايه انا خلااص موافقه ع خـآلد ..


لاا عااِد ! تطرون الخياانھہ : ب / الأبيات ] يَ جييل م يعرف وش الحب ااصلاً


.


₪


.