روآية آنتظر كلمة آحبگ !! - الصفحة 17

Ro7 8lby#! · 08-07-2012, 03:30 AM

سلامة ابتسمت: منى حبيبي بتين وياي عند موزة.

منى: هيه.

أسما: سلامي قعدي لا تروحين.

سلامة: لا نحن بنروح وبنخليكم بروحكم أحسن.

عبدالله: الحمدلله يوم فهمتي.

سلامة بقفطه: الله يسامحك الحين بخلي بنتكم وبروح.

أسما بحراج: عيب عليك.

عبدالله: آسف سلامي أمزح وياج.

سلامة: أعرفك تباني أشل بنتك والا مابتعتذر.

عبدالله: هاهاهاهاهاهاها.

طلعت سلامة مع منى

منى: عمي.

سلامة: شوي شوي منى لا تركضين مب زين.

خليفة: هلا بالغلا كله هلا بنور عيوني.

منى: وين كنت دورتك؟.

خليفة يبتسم: رحت أخذلج اسكريم.

منى بفرح: وينه.

خليفة: هذوه خذي.

منى: شكرا.

خليفة: العفو حبيبي,, هلا سلامة شحالج.

سلامة: الحمدلله بخير شحالك انت؟.

خليفة: الحمدلله بخير,و وينج انتي من زمان ماشفتج.

الجزء 67 :

ابتسمت سلامة: حبيبي منى تعالي ليش قعدتي هناك؟.

منى: أريد أكل الاسكريم.

سلامة: بناكلينه داخل.

منى: لا يدوه بتنازعني وبناخذ الاسكريم عني.

قعدت سلامة عدالها: يدوه ما تخليج تاكلين اسكريم.

منى: كل تقولي بتمرضين بتمرضين أنا قوية ما بمرض صح عمي.

خليفة: صح.

منى: تعال اقعد ويانا.

قعد خليفة عدالها.

سلامة: ليش تاخذلها اسكريم؟؟ خالوه ما تخليها تاكله.

خليفة: أمي تمنعها عن كل شي خلو البنت تاخذ راحتها شوي.

سلامة: الحين الجو بارد مب زين

خليفة: نحن يوم كنا صغار طول الوقت ناكل اسكريم فالبرد والا الحر مامرضنا.

سلامة: الحين الجو تغير.

خليفة: لا تصيرين شرات أمي وايد توسوين وتخافين.

سلامة: أنا ما أوسوس بس أقولك.

منى: خلصت.

سلامة: اوكي يلا نروح داخل.

خليفة: وين موزة.

سلامة: داخل.

خليفة: ليش مب قاعده وياج متزاعلات؟.

سلامة: لو بعدنا يهال , ولو كنا متزاعلات ليش يايه بيتكم شسوي؟.

خليفة بمصخره: يمكن تبين تشوفيني.

سلامة: لا والله.

خليفة: أمزح عيل شو فيكن.

سلامة: ما شي قتلها اني بروح أسلم على أسما وبردعندها.

دخلو داخل.

موزة حشى كل هذا بس رايحه تسلمين.

خليفة: السلام عليكم.

الكل: وعليكم السلام.

ام عبدالله: متى ييت.

خليفة: قبل شوي.

موزة: اصبلك جاي.

خليفة: صبي.

سلامة بصوت واطي: شو يايبلج؟.

موزة: ما يخصج.

ام عبدالله: شعندكن.

سلامة: ماشي خالوه بس اسألها اذا عليها امتحان يوم السبت.

موزة: أمايه اتصلبج سيف.

ام عبدالله: لا ما اتصل اليوم امس مرمسني ليش في شي؟.

موزة: لا بس أسأل.

ام عبدالله: اخوج فيه شي؟.

موزة: لا أمايه ما فيه شي.

ام عبدالله: متأكدة.

خليفة: ما فيه شي قبل شوي مرمسنهم كلهم بخير.

ام عبدالله: الحمدلله.

قلمت سلامة.

موزة: وين؟.

سلامة: بتصل بأمي بروح.

ام عبدالله: تعشي ويانا.

سلامة: خالوه بروح.

ام عبدالله: ما بتروحين الا متعشية قعدي الحين بنحط عشانا قعدي.

سلامة خالوه أمي بتحتشر علي.

ام عبدالله: ما عليج انا برمسها قعدي والا تراني بزعل.

سلامة: ان شاء الله. __DEFINE_LIKE_SHARE__

Ro7 8lby#! · 08-07-2012, 03:33 AM

والساعة 9,30 سلامة تتصل بأمها.

سلامة: أمي الحين منو بيردني؟.

ام محمد: والله انا ما قتلج تمي قاعده عندهم لين هذاالوقت.

سلامة: والحل الحين؟.

ام محمد: صبري لين ما يرد أبوج.

سلامة: خيبة كم بصبر

ام محمد: شسويلج الدريول محد رايح السوق.

سلامة: انزين خلاص بتريا مع السلامة.

ام عبدالله: شو فيج؟.

سلامة: الدريول محد رايح السوق وابوي رايح يمشي وما ماخذ تلفونه وياه يعني لازم اترياه.

خليفة: انزين قومي انا بوصلج.

سلامة: بتريا أبوي.

ام عبدالله: صح قومي وياه بيوصلج فطريجه تراه طالع.

خليفة: يلا قومي.

سلامة طالعت موزة بس موزة ما فهمتها وطالعت خليفة وردت اطالعموزة.

ام عبدالله: موزة قومي سوي لابوج عصيرليمون.

موزة: ان شاء الله امايه يلا سلامة مع لسلامة.

وراحت المطبخ , خليفة فهم سلامة.

خليفة: منى حبيبي قومي نسير بنوصل سلامة.

منى: اوكي.

سلامة ارتاحت فخاطرها: على الاقل حد ويانا مب روحنا.

سلامة: مع السلامة خالوه.

ام عبدالله: الله وياج وسلمي على أهلج.

سلامة: يبلغ ان شاء الله.

وربعت منى تسبق خليفة وسلامة.

خليفة: ما بجتلج صدقيني.

سلامة: أنا ما قلت شي.

خليفة: ما يحتاي تقولين عارفنج.

منى: يلا عمي بسرعة نبى نسير الجمعية.

خليفة: شو تبين من الجمعية؟.

منى: حلاوا وايد صح سلامي.

ابتسمتلها سلامة.

خليفة: ركبي جدام انا مب دريول.

ركبت سلامة وحطت منى جدامها

خليفة: حياتي نوصل سلامة أول والا نروح لجمعية.

سلامة: وصلوني.

منى: أول الجمعية

خليفة: انتي تامرين أمر وانا أنفذ.

سلامة: خليفة وصلني البيت.

خليفة: آسف ما قدر منى قالت أول نروح الجمعية ونحن بنروح كارفور وهو قريب من يتكم لا تخافين بوصلج ما بخطفج.

سلامة: أدري انك بتوصلني ما بتخطفني.

خليفة: عيل ليش خايفة.

سلامة: مب خايفة.

خليفة: وليش تدعين على موزة؟.

سلامة لفت اطالعه بصدمه: أنت شو ساحر؟.

ابتسم خليفة: يلا وصلنا نزلن ولا تزعلين سلامة نزلي بخذلجحلاوا.

سلامة: نزلو انتو وخلوني فالسيارة.

خليفة: مستحيل أخليج فالسيارة يلا نزلي والا ترانا كلنا مابننزل.

منى: يلا سلامي بناخذ حلاوا وايد.

خليفة: سمعتي بناخذ حلاوا وايد.

سلامة: انت نزل مع منى وقفل السيارة علي انابترياكم.

خليفة: تستحين تنزلين وياي؟.

سلامة: الحين بيبدأ على السخافة يلا بنزل.

ابتسم خليفة ونولو: انتي ما تيين الا بهذي الرمسه راسج يابس على منوطالعه؟.

سلامة: على امي وأبوي.

ضحك خليفو وخذ عربانه وراح وياهم ومنى تحطحلاوا.

سلامة: خليفة يا ويلك من خالوه.

خليفة: ليش؟.

سلامة: واايد خذت حلاوا.

خليفة: هي ما بتاكله كله مره وحده صح حبيبي.

منى: صح.

سلامة: منى حبيبي بس خلاص تراه يدوه بتاخذهعنج.

منى: اوكي.

سلامة: يلا نروح.

منى تمط كندورة خليفة: شو حبيبي.

منى: أريد من هذاك الحلاوا.

خليفة: سيري خذي.

منى اطالع سلامة: عادي.

سلامة باستسلام: عادي خذي.

ربعت منى تاخذ حلاوا.

سلامة: انت بسرعة اليهال يقصون عليك شوفها شو تسوي تاخذ وتحطفالعربانه.

خليفة يطالعها ويبتسم: ان شاء الله يوم بيكون عدنا عيال كل يوم بوديهم السوقاخذلهم حلاوا وياخذون كثر ما ييبون وانتي تنازعيني تنازعينهم.

احمر ويه سلامة وطالعته بنظرة خلته يضحك واللي زاد سلامة مستحى وين همواقفين كانت حرمه وبناتها يشترن ويطالعن منى. __DEFINE_LIKE_SHARE__

Ro7 8lby#! · 08-07-2012, 03:36 AM

حصه: أمي أمي.

الأم: شعندج محتشرة تراج ترفعيلي الضغط حصوه خذي اللي تبينهوفكيني.

حصه: أمي طالعي هذي البنت ما شاء الله عليهامغواها.

الام: ما شاء الله عليها حصوه لا طالعينها لاتحسدينها.

حصة: حرام عليج امايه انا عيني مب حاره.

عليا: مب بس البنت حلوه طالعو أمها وأبوها ما شاء الله عليهم مغواهم صدقمناسبين لبعض.

حصة: وينهم امها وابوها؟.

عليا: شوي شوي الله يغربلج هذيلا الريال والحرمه اللي عدالنا تشوفين هذيالبنت راحت عندهم.

حصة: ما شاء الله عليهم مب غوى عليهم أمها جملية بمعنىالكلمة.

الام: حسبي الله عليكن شو تبن الخلق اطالعونهم وترمسون عنهم وعلى بالكناصواتكن مب عاليه خطفن جدامي ما تستحن.

سلامة مب عارفة شو تسوي ويهها محترق منالفشله

سلامة: أنا .. بروح أطالع المجلات لين ما تخلصمنى.

اتغشت وراحت صوب القصص.

خليفة: منى حبيبي ما خلصتي؟

منى: يلا ناخذ اسكريم.

راح خليفة وياها.

خليفة: يلا اختاري.

منى: اوكي.

خليفة: خذي بس اثنين اوكي.

منى: اوكي.

خليفة يبتسم فخاطره: يا ويلي عليج سلامي زين ما ياج شي منالمستحى.

منى: خلصت وين سلامي.

خليفة: نروح عندها.

راحو وشافوها واقفة جدام القصص.

منى: أريد مجلة باربي وسبيس تون.

خليفة: سيري خذيهن.

سلامة واقفه جدام القصص وهي ما اطالعهن فخاطرها: شو هذي المواقف السخيفةاللي تصيرلي ليش ما ردني البيت وانا ليش نزلت لو خليته يتحرطم لين ما يسده الحينكيف بجابله خيبة يا القفطه.

خليفة: لا يكون بتتصورين وياهن.

ارتجفت سلامة وطاحت القصة من ايدها ورفعهاخليفة.

سلامةك عنبوك ساحر طيحتلي قلبي.

خليفة: سلامة قلبج.

سلامة بتوتر: وين منى؟.

الحرمه وبناتها كانو عدالهم.

الام: أبويه.

لفو سلامة وخليفة عليها.

خليفة: نعم الوالدة.

الام: أبويه شلو بنتكم عن لا ياكلونها الناس شوف شقايل الناس متجمعه عليهايسمعونها شقايل ترمس.

خليفة يبتسم: سلامة سيري ييبي بنتج.

سلامة عصبت وراحت عند منى وخليفة يبى يضحك عليها صح ما يشوف ويهها لانهامتغشية بس متأكد انها معصبة عليه.

خليفة: يلا سلامة نروح.

منى: شوف باربي حلوه صح؟.

خليفة: انتي أحلى.

سلامة: يلا نروح. وهم رايحين.

حصه: أمايه شو قلتيهم.

الام: قتلهم بيحسدون بنتكم.

عليا: وانتي شو تبينهم.

راحو خليفة وسلامة ومنى تركض.

خليفة يبى يطفر بسلامة: سلامة مسكي بنتج.

سلامة: خليفة بس عاد.

خليفة: قولي لبنتج مب انا.

سلامة: خليفة!!.

خليفة يضحك: انتي تهدديني.

سلامةك تراك مصختها اليوم.

خليفة: انا شوقلت عشان تعصبين.

سلامة: حشى عليك ما قلت شي.

خليفة: أنا ما قلت شي هم على بالهم ان نحن معرسين انا شويخصني.

سلامة: وانت عايبنك الوضع.

خليفة: واايد.

وراح يحاسب ومنى شي عيبها وراحت تشوفه وسلامة راحتوراها.

سلامة: منى حبيبي تعالي.

منى: سلامي شوفي هذي عندها جلب.

سلامة: هذا لعبه مب حقيقي.

منى: سلامي حقيقي شفته يتحرك.

لف خليفة وشافهن وشاف شباب واقفين الجهة الثانية يطالعون سلامة ومنى خليفةاغتاظ وشاف الشباب يطالعون اللي سلامة ومنىيطالعونه.

خليفة: شو تسون؟.

منى: شوف الجلب شو يسوي يجل

خليفة: حبيبي هذا لعبة.

منى: مش لعبه شوفه كيف يتحرك.

خليفة: أدري بس هذا لعبه تعالي مسكيه.

منى: ماريد اريد اروح البيت.

خليفة يبتسم: تروعتي, يلا نروح.

سلامة: يلا. وهم طالعين.

خليفة: طالعي بنتج.

سلامة: ما عندك سالفة.

خليفة: انا ما عندي سالفة – بصوت واطي – ياليت يا سلامة لو كنت حرمتي وعندنابنت صغيرة شرات منى.

سلامة احترق ويهها من المستحى بس خلت عمرها اونها ما سمعت وركبوالسيارة

خليفة: الحين بوصلج بيتكم.

سلامة: يا الله نسيت الصندوق.

خليفة: اي صندوق؟.

سلامة: صندوق موزة.

خليفة: حطيتيه فالسيارة.

سلامة: حطيته؟؟ هيه صح نسيت.

خليفة: صخ بعدين انتي شو كان موقفج مع منى.

سلامة: انطالع الجلب.

خليفة: انزين كانو شباب واقفين هناك.

سلامة: هم ما تقربو منا كانو يطالعون.

خليفة: حتى ولو يوم شفتيهم ليش ما رديتي.

سلامة تنهدت.

خليفة: حق شو هذي التنهيدة؟.

سلامة: مب عشان شي.

شغل المسجل هو وايد يحب هذي الاغنية: سمعي هذي هداء.

{عليك أغار من لمس الهبايب وجلاسك واهلك والقرايب عليك أغار من عمري وأغار بسبة وبلاسبايب .. محبي بالغلا بالله هين ترفق وارحم اللي فيك ذايب .. تملكني ودادك دونمادري تمكن لين صاب القلب صايب ولا غيرك في هالدنيا فتني وحملني ثقيلات النوايا اناياشوق حبك ذابحني فدتك الروح دام ان حبايب } ..
__________________ __DEFINE_LIKE_SHARE__

Ro7 8lby#! · 08-07-2012, 03:59 AM

الجزء 68 :

وصلو البيت نزلت سلامة وباست منى.

سلامة: مع السلامة حبيبي.

منى: مع السلامة.

خليفة نزل.

سلامة: انا بنزل الصندوق.

خليفة: خلاص انا نزلته حشى خالوه بندت الليتات لا يكون رقدو.

سلامة: أمي تمشي مع حرمة عمي.

خليفة: يعني مب موجودين خلاص انا بروح سلمي عليهم.

سلامة: خليفة انا ماخذت شي.

خليفة: أدري.

سلامة: وهذا الكيس شو؟؟.

خليفة: هذا مب لج لسلامة.

سلامة: خليقة مشكور انا ماريده.

خليفة: ما تبينه فريه فالزباله انا ما بخذه.

سلامة: انزين عطه موزة.

خليفة: موزة خذتلها هذا انا ما خذنه لج ومستحيل ارده السيارة.

سلامة: انزين انت ليش خذتلي انا لو كنت اريد بقولك.

خليفة: انتي ليش كل شي من عندي تكرهينه.

سلامة: يا الله بدأ

خليفة: إذا ما تبيني ابدأ خذيه.

سلامة: اوكي مشكور وتصبح على خير.

خليفة:وانتي من أهله الغالية ما تبين تسلمين على بنتج مرةثانية!!

سلامة: خليفة بس عاد من المصخرة.

خليفة: اوكي خلاص.

وقبل لاتدخل.

خليفة: سلامة؟؟؟

سلامة: نعم!

خليفة: تعالي شوي يقولج؟

تقربت سلامة: شو؟؟

خليفة: سلامة ممكن اسألج سؤال وتجاوبيني عليه بكل صراحة؟؟؟؟

سلامة: ممكن تسال بس ما دري إذا كنت بجاوبك عليه بصراحة.

خليفة: ليش عاد؟؟؟ أنا أريدج جاوبين عليه بكل صراحة.

سلامة: هذا يعتمد على السؤال يمكن ما يعيبني السؤال.

خليفة: خلاص عيل ما بسألج.

سلامة: تباني أموت من الفضول.

خليفة: بتجاوبيني بصراحة؟

سلامة بتردد: ممممممم هييه.

خليفة: متأكدة

سلامة: لو بعده لغز يلا سأل.

خليفة: وعد تجاوبين عليه و الحين.

سلامة: وعد.

منى: يلا عمي؟؟

خليقة: اوكي حبيبي الحين بيي.

سلامة: خليفة لا طالعني جيه والله أروح.

خليفة: كيف تبيني أطالعج هذي نظراتي كيف أغيرها.

سلامة: ما بتسأل؟؟

خليفة: بسال ..... أريد أعرف ليش يوم خطبتج ما وفقتي شوالسبب؟؟؟

سلامة باحراج: أنا مارفضت.

خليفة: لا والله سلامة عن الاستهبال معنى كلامج إنج مب موافقة او لأنج ماقدرتي تقولين لأهلج إنج ما تبيني لأن فنظرهم ماشي سبب يخليج ترفضيني أما فنظرج انتي هناك وايد أسباب و أهمها آخر موقف استوى فبيتنا صح؟؟ صح سلامة؟

سلامة: صح.

خليفة: اوكي انا قلت رفضتيني لأنج زعلانه بس إلي أشوفه انتي صح تزعلين لكن ترضين بسرعة انتي بروحج قلتيلي هذا الشي مادام انتي بسرعة تنسين وتسامحين ليش ماوافقتي شو السبب ما أعتقد ان تفكيرج تفكير يهال وإلا عقلج صغير أكيد فكرتي في الموضوع زين و متأكد مب زعلج مني هو إلي خلاج ترفضيني شي ثاني و انا هذا إلي أريدأعرفه.

سلامة منزله راسها: ليش؟.

خليفة بعصبية: شو اللي ليش؟؟.

سلامة: ليش تبى تعرف؟.

خليفة: أريد أعرف اذا تقدمتلج مرة ثانيةبتوافقين؟.

سلامة: مادري.

راحت ومسكها خليفة.

سلامة تسحب ايدها.

سلامة بعصبية: خليفة بطل ايدي.

خليفة بطل ايدها وهو معصب: آسف , بس ما بتروحين لين ما تقولين بتوافقين وإلالا.

سلامة: قتلك مادري.

خليفة: سلامة هذا مب جواب انا ما ألعب وياج اما هيه وإلالا.

سلامة عصبت: ما عرف ماعرف ماعرف خليفة روح وخلني بحالي.

خليفة: الحين انتي ليش معصبة أنا سألتج سؤال جاوبيني عليه لاتعصبين.

سلامة: أنا مب معصبة أنت معصب.

خليفة تنهد: استغفر الله ولا إله إلا الله.

سكتو فترة وسلامة قطعت الصمت.

سلامة: خليفة خلاص روح البيت منى رقدت.

خليفة: سلامة جاوبيني على سؤالي وخلينا ننتهي من هذي السالفة وريحيني.

سلامة ماردت: .......

خليفة بهدوء: شو السبب؟؟.

نرلت راسها.

خليفة: يعني ما بتقولين خلاص براحتج.

وقبل لا يروح.

سلامة: خليفة أنت تشوف تصرفاتك كيف؟؟ ملاحظ كيف تعاملني؟؟ أنت فحياتك ماعاملت حد مثل ما تعاملني,, صح أنا ما رفضتك لأني كنت زعلانه أنا رفضتك لأني الحين صرت اتروع من تصرفاتك وردات فعلك , أخاف تجرحني جرح ما يبرى ولا اقدر فيوم أنساه ولا أسامحك عليه , وأخاف تكسر الصورة اللي فخيالي عنك, وأخاف يمر علي يوم وأكون خايفة منك ومب حاسه بالأمان وياك, وأخاف ايي يوم وأكرهك فيه هذا الشي ما أتمناه بس شسوي غصبن عني فكرت بهذي الأمور – وسكتت شوي وخليفة يطالعها بصدمة وكملت كلامها وهي بعدها منزله راسها – وما تتصور شكثر مرن علي أيام وأنا ندمانة على اني ماوافقت ومن أقعد أفكر شوي أقول الحمدلله إني ما وافقت زكل هذا بسبب تصرفاتك ,,, مع إن عمتي قالتلي إنك مستحيل تأذيني و إلا تجرحني بس ....... وما كملت كلامها.

خليفة: تتروعين مني؟؟ تتروعين مني سلامة انا ما ألومج بس مب لهذي الدرجةانتي ما تعرفين شقد انتي غالية علي وما أحب أشوفج زعلانه لو إني زعلتج وايد بس سلامة ما توقعتج بتخافين مني انتي تعرفين زين إن هذي مب تصرفاتي بس مادري ليش يوم يتعلق الموضوع فيج مادري ليش اتصرف بهذي الطريقة انا فحياتي كلها ما حسيت إن طبعي غيار بس من دخلتي قلبي و أنا أغار عليج بدرجة رهيبة أغار عليج من نسمة الهوا وأغارعليج من سيف وغانم ومن كل الناس- سلامة رفعت عيونها اطالعه- أدري إن ماشي سبب يخليني أغار من غانم وسيف بس يا سلامة غصبن عني يمكن لأني أشوفج وايد تعزينهم وهذاالسبب يخليني أحس إنج بتضعين مني وبتكونين لغيري وهذا ما أتحمله صدقيني سلامة ماأتحمله.

وسكت يطالعها وهي منزله راسها وكمل كلامه.

خليفة: ما توقعت إنج تفكرين إني فيوم أقدر أأذيج في حد يقدر يإذي قلبه ياسلامة فيه؟؟ انتي عطيني فرصة وإن شاء الله كل شي بيتغيرصدقيني سلامة مستحيل أجرحج لأني ..... وسكت وعيونه فعيون سلامة ونزلت سلامة عيونها ومشى خليفة وركب السيارة.

سلامة: خليفة....... وراحت عند السيارة.... سلامة اطالع منى: فديتها راقدة ملت من كثر ما تتريا......... وسكتت شوي وكملت كلامها وهي ما طالعه- نقدر نصبر لين بعد عرس محمد وسيف ويصير خير لين ذاك اليوم.

ابتسم خليفة وردت تبتسمله وروح.... ودخلت سلامة البيت وكان خالد راقد أماروضة فكانت تبدل فالتلفزيون .

روضة: الله شو يايبه؟؟؟

سلامة عطت روضة الكيسة.

روضة: أريد أشوف الصندوق؟؟

سلامة: مب مالي هذا أمانة.

روضة: خلاص عرفت ,, منو عاطنج الحلاوا؟؟

سلامة: خليفة.

روضة: عادي أخذ حلاوا.

سلامة: خذي اللي تبينه.

ودخلت حجرتها وراحت تتسبح وبعد ما خلصت انسدحت وتذكرت كل كلام خليفة.

ومرن الأيام والأسابيع والشهور وهم هذي حالهم .... سلامة ما شافت خليفة من ذاك اليوم بس تسمع أخباره من موزة .. وموزة ومحمد أحلى من العسل .. وسيف مريم كل يوم والثاني يتعلقون فبعض أكثر ولازم كل مكالماتهم تتنتهي بغياظ ويتراضون بالمسجات. __DEFINE_LIKE_SHARE__

Ro7 8lby#! · 08-07-2012, 04:03 AM

الجزء 69 :

ويوم الاثنين مريم تكلم سيف.

مريم: خلاص مليت من الامتحانات خلصنا امتحانات السعي بدن امتحانات المنتصف خلص المنتصف بدن البحوث وامتحانات السعي وبعده ورانا امتحانات النهائي اووووف تعبت.

سيف: ما عليه ما بقى الا شهر وبيخلص هذاالكورس.

مريم: ما تتصور شكثر هذي الايام تمر على قلبي ببطىء فظيع هذا الكورس صدق غلس بس الحمدلله على كل شي.

سيف: الحمدلله.

مريم: ليش ما يحطولنا فالجامعه سياكل.

سيف: عاد يا اشكالكن وانت راكبات سياكل.

مريم: لا مب هذيلا السياكل لو يحطولنا نفس السياكل الموجودات فحديقةالهيلي.

سيف: شو هذي العيازة ليش ما تمشن وبعدين على ما اعتقد شي باصات.

مريم: صح شي باصات بس لين ما القى باص فاتتني الحصة.

سيف: انزين زين امشين يمدحونه المشي.

مريم: تعال ادخل الجامعه وشوفها مكبرها صدق متعبة.

سيف: انزين شورايج انا ادخل الجامعه و بوصلج من مبنى للمبنى الثاني فكره حلوه صح.

مريم: وين يتها الحلاه ادريبك تبى تدخل اطالع البنات.

سيف: يوم بتكونين وياي ما بطالع ومن اكون بروحي عاد غصبن عني بطالع المزايين.

مريم: استغفر ربك راد من الحي ( الحج ).

سيف:انزين بعدني ما شفت حد وبعدين اللي يرجع من الحي ( الحج ) ما يطالع يسكرعيونه عنبو الحين وين ما تروحين تشوفين المزايين.

مريم: لا يكون انت بعد اطالع.

سيف: عيل شو تبيني اسوي لازم اطالع.

مريم: ليش لازم ؟؟ عيل محمد ما يطالع.

سيف: ما يروم يطالع انا عداله ما بخليه.

مريم: حلف انت بس ؟؟ عيل انا اخوي عدالك بعداطالع.

سيف: يوم يكون محد اطالع من وراه مب من جدامه.

مريم: سيف لا تخليني الحين اطلعلك من التلفون واجتلك.

سيف: يلا اترياج طلعي.

مريم: سيف بلا سخافة.

سيف: الحين ليش عصبيتي؟؟.

مريم: اتقولي اطالع المزايين وتباني اضحك.

سيف: فديت اللي يغارون, مريوم انا الا امزح وياج مستحيل اطالع غيرج عيوني ماتحب اطالع حد غيرج وما تشوف حد حلو غيرج.

مريم: صدق؟.

سيف: ما تصدقيني؟؟.

مريم: اصدقك.

سيف: مريومه انا وانتي لين الحين مارقدنا والساعة الحين 1,30 وباجر ورانادوام.

شهقت مريم: قول والله ان الساعة 1,30.

سيف: ليش احلف شوفي الساعة.

مريم: خيبة الساعة 1,30 كل منك باجر عندي دوام متى بقوم.

سيف: الحين انا السبب انا شو يخصني؟.

مريم: انت ما خليتني ارقد

سيف: انا ما خليتج ترقدين منو كان يهذرب؟.

مريم: انت.

سيف: هيه صح انا كنت اشتكي من الجامعه.

مريم: انزين صح انت اللي كنت تشتكي مب انا.

سيف: استغفر الله.

مريم: اللي يقوم قبل يوعي الثاني اوكي.

سيف: ما عليه.

مريم: تصبح ع خير.

سيف: وانتي من اهله.

مريم: مع السلامة.

سيف: الله وياج.

مريم: انت فيك ارقاد؟.

سيف: هيه وانتي.

مريم: لا شسوي بقوم اركض فالبيت.

سيف: هاهاهاهاها مريوم ينيتي

مريم: لازم اتعب عشان ارقد.

سيف: لايكون صدق انتي تراكضين فالبيت.

مريم:شو قالولك عني خبله.

سيف: انتي قلتي انج تبين تركضين مب انا.

مريم: انا بسكر انت وايد تهذرب ما بتسكت.

سيف: مشكله الحريم.

مريم: مادري منو مشكله الحريم والاالرياييل.

سيف: اكيد الحريم يلا مع السلامة.

سكر عنها وهي رسلت مسج.

مريم: { تصبح على خير يا نور العين وأحلام سعيدة }.

سيف: { وانتي من أهله الغالية } .

وبعد خمس دقايق. مريم: { رقدت؟ }.

سيف: { توني مسكر عنج كيف برقد؟ }.

مريم: { لا تنسى توعيني اذا قمت قبلي } .

سيف: { ان شاء الله ما بنسى وأكيد بقوم قبلج } .

مريم: { ليش متأكد } .

سيف: { لان عندي منبه طبيعي ( غانم ) } .

مريم: { بسم الله على أخوي من عيونك والله اذا صارله شي يا ويلك مني ( قول ما شاء الله ) }.

سيف: { ما شاء الله ما شاء الله تبيني اتفل عليه }.

مريم: { وسخ }.

سيف: { الله يسامحج }.

وبعد عشر دقايق, مريم: { من جمع حب صادق .. ملك أجمل لحظات الدنيا .. ومن ملك " شخص مثلك " ملك كل العالم } .

وبعد خمس دقايق, مريم: { تعلن الخطوط القلبية عن اقلاع بوسة قوية ارجو من مطار خدك استقبالها بلطف }.

وبعد عشر دقايق , مريم: { حبك بقايا همس .. ما بين القمر والشمس فديتك بالعمر كله .. اليوم وبكره وامس " أحبك " }.

مارد عليها ورسلت, مريم:{ etsalat عزيزي المشترك إذا لم تراسل أحبابك سيتم فصل تلفونك و اعطائك بليب }.

سيف:{ شكلج اليوم ما بتخليني ارقد }.

سيف: { لو كل الناس يتمنون قربك .. أنا غير الناس أتمنى اكون نبض قلبك }.

مريم: { أحبك }.

سيف:{ مريم تراج بتيننيني }.

مريم: { أحبك موووت }.

سيف: { مريوم عن هذي الحركات لا تخليني اييج البيت الحين }.

مريم: { أحبك أحبك أحبك }.

اتصلبها سيف.

سيف: الو.

مريم:......

سيف: ليش ساكته قوليها الحين أريد أسمعها.

مريم: ما بقول.

سيف: قوليها جانج حرمه.

مريم: الحمدلله انا حرمه بس ما بقول.

سيف: عيل ليش مستقوية بالمسجات.

مريم: أي مسجات انا مارسلت مسجات انا راقدة اناحاشرني.

سيف: ما عليه ما عليه ان ما خليتج تقولينها ما بكون سيف.

مريم: واذا ما قلتها منو بتكون؟؟.

سيف: مريم انتي شو فيج اليوم شي شاربه.

مريم: استغفر الله انا ما شرب حرام.

سيف: يعني اليوم ما بتخلينا نرقد.

مرمي: ارقد انا ما مسكتك.

سيف: انتي طفرتيبي.

مريم: منو كتصل بالثاني؟؟.

سيف: انا متصل اوكي اريد اسكر الحين تصبحين عخير.

مريم: وانت من أهله.

سيف: مريومه خلينا نرقد باجروراي دوام وغانم يوعيني من الساعةخمس.

مريم: خلاص والله ما بطفربك.

سيف: مع السلامة.

مريم: مع السلامة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موسيقى " هي دي هي " للعندليب عبد الحليم حافظ : روءية و ابداع عمار الشريعي !	محروم.كوم	منتدى أخبار المواقع والمنتديات العربية والأجنبية	0	06-10-2012 08:10 PM
الافراج عن منتظر الزيدي	محروم.كوم	منتدى أخبار المواقع والمنتديات العربية والأجنبية	0	09-16-2009 08:10 AM
أشتريه ولا أنتظر ؟؟؟	محروم.كوم	منتدى أخبار المواقع والمنتديات العربية والأجنبية	0	09-06-2009 07:30 PM
مطلوب برمجة سكربت روليت و قمار	محروم.كوم	منتدى أخبار المواقع والمنتديات العربية والأجنبية	0	04-21-2009 06:21 AM
روآية \|\| بدونك كـل حياتي ولا "شــــي"! \|\| " سعوديه روعه ورومنسيه وجريئه "	روح الفارسه	قصص و روايات	7	01-17-2009 08:25 PM