روآية آنتظر كلمة آحبگ !! - الصفحة 10

Ro7 8lby#! · #1 08-05-2012, 06:48 PM

الجزء 35 :

سارة بفرح: مبروك رويض مبرووووك. وحضنتها.

غانم: الله يخليكن لبعض يا المخبل أحسلي أروح عن هذيلا اليهال.

روضة فرحانة: يهال فعينك.

غانم مروح: أكيد فعيني.

ومر رمضان عليهم بسرعة شرات ما دايما مايمر بدون محد يحسبه وكانت شلة سلامة متشتتة نادرا ما يلتقون ما كانن يقعدن مع بعض وايد من يخلص دوام كل وحده ترجع البيت,,,,, وما بقى لرمضان غير يومين والبنات عندهن إجازة أما المدارس فكانوالطلاب عاطين عمارهم إجازة قبل العيد كالعادة يمشون المدرسة عكيفهم وما يهمهم أي تهديد كل الطلاب يغيبون محد يحضر وعاد المدرسة منوتعاقب؟؟ المدرسة كلها!!! عادي عندهم الطلاب يحبون العقاب الجماعي.

فبيت بومحمد,,, ام محمد قاعدة مع بناتها فحجرتها.

روضة: أماية انا ما خذت نعال للعيد.

ام محمد: شو تبيني اسويلج إن شاء الله محدقالج ما تاخذين نعال وبعدين عندج وايد نعلان مب لازم تلبسين نعال يديدة.

روضة: أماية حرام عليج كيف ألبس نعال جديمة الحين أنا روضة بنت سيف ألبس نعال جديمة انتي كيف ترضينها لي.

ام محمد: يا الخقة,, ليش ما خذتي نعال يوم اختج خذت.

روضة: ما عيبني كلهن مب حلوات.

ام محمد: كيف مب حلوات واختج ما خلت نعال من السوق ماخذتها.

سلامة: اماية عاد انتي تعرفين روضة ما يعيبها العيب.

ام محمد: يعني شو المطلوب مني الحين.

سلامة: تاخذيلها نعال.

ام محمد: ماقدر الحين بروح اييب ثيابكن وثيابي من الخياط وأريد اشتري زوالي وحلاواللعيد ما عندي وقت أخذلج نعال والحين الساعة 9,30 متى تبيني أرد البيت إذا رحت بعدأخذلج نعال والحين السوق زحمة وخاصة محلات النعلان إن شاء الله باجر الصبح بروح أخذلج إذا كان عندي وقت.

روضة: أماية باجر ما بيكون عندج وقت وما بتفضين طول الوقت بتمين ترتبين البيت.

ام محمد: بيتنا مرتب ونظيف وانا ما برتب إلا بعد صلاةالعشى.

سلامة: خلاص رويض باجر إن شاء الله بتاخذلج.

دخل عليهم محمد

محمد: السلام عليكم.

الكل: وعليكم السلام.

محمد: شو ها الإجتماع المغلق.

ام محمد: هاي اختك حاشرتني تبى نعال.

محمد: بتروحين تاخذيلها.

ام محمد: لا ما عندي وقت.

محمد: عيل وين بتروحين.

ام محمد: بروح اييب ثيابنا وين خالد؟.

محمد: يترياج عند السيارة؟

ام محمد: يلا انا بروح,, سلامة نزلي قعدي عند ابوج.

سلامة: إن شاء الله.

راحت ام محمد مع خالد السوق.

محمد: شفيج رويض ليش زعلانة.

سلامة: تبى نعال.

محمد: أمي بتاخذلها باجر.

سلامة: محمد ما باقي للعيد إلا يوم وين أمي بتفضى.

محمد: ولا تزعلين الحين انا بروح أييب ثيابي من الدوبي بسير أخذلج نعال.

روضة بفرح: والله بتاخذلي.

محمد مبتسم: هييه الحين بروح أخذلج وإلا بتروحين وياي وبتاخذين عذوقج.

روضة: لا ماريد اروح انت خذلي.

محمد: خلاص عيل تآمروني على شي ثاني.

سلامة+روضة: سلامتك.

محمد: يلا مع السلامة.

الباجر بعد الفطور كان بيت بومحمد مربوش بالترتيب للعيد...سلامة وروضة وخالد يرتبون الصالةإللي فوق وامهم والبشكارات ينظفون الصالة إللي تحت والبشاكير ينظفون الميالس برع.

سلامة: روضة دزي هذي الطاولة عدال هذاك الكرسي احلى.

روضة: سلامي تراني تعبت خلاص ماقدر.

سلامة: انزين قعدي انا برتب نسيت إنج تعبانة.

خالد: انا بدزها سلامي.

سلامة: تعال انا وانت بندز هذا الكرسي وبنحطه عدال التلفون.

وبعد ما خلصو ترتيب.

سلامة: شو رايكم مب أحلى عن قبل.

روضة: صح والله وايد حلو.

خالد: صح أحلى يوم قسمتي الصالة قسمين.

بعد شوي ياهم ابوهم.

بومحمد: يا سلام شوهذا الترتيب الغاوي.

سلامة: صدق أبوية.

بومحمد: صدق وسعتن الصالة اكثر.

سلامة: مادامنا خلصنا من هنيه نسير عند أمي نساعدها.

راحو عند امهم.

ام محمد: خلصتن ترتبن فوق.

روضة: هييه خلصنا تبينا نسوي شي بعد.

ام محمد: لا خلاص مشكورات انتي قعدي ما فينا اطيحين علينا.

خالد: هاهاههاهاهاههاها.

روضة: أماية شو إللي بطيحني هي إلا مرة وحده طحت بتذليني عليها.

خالد: خلاص ما تبون شي عادي أروح ألعب مع جاسم.

ام محمد: عادي بس تكون فالبيت الساعة 9,30.

خالد: إن شاء الله.

ام محمد: سلامة وين محمد.

سلامة: أماية طلع مع غانم وسيف.

ام محمد: عنبو هذيلا ما يقرون فالبيت,,, روحي الميلس شوفيهم نظفوه زين.

سلامة: إن شاء الله.

ام محمد: واتصلي باخوج شوفيه وين هو.

سلامة: أمايه تلفوني فوق ما فيني اروح أييبه.

ام محمد: أريد أعرف نحن ليش نعطيكم تلفونات عشان تيودونهن فحجركم خذي تلفوني اتصلي باخوج.

خذت سلامة تلفونها وطلعت برع تشوفهم كيف نظفو الميلس واتصلت بمحمد.

سلامة:الو.

محمد: أهلين سلامي.

سلامة: محمد تقولك أمي وين انت.

محمد: ليش تبون شي؟.

سلامة: لا بس أمي تبى تعرف انت وين.

محمد: انا الحين بدخل البيت.

ودخل محمد بسيارته البيت.

محمد: انتي شو تسوين برع.

سلامة: اطالع كيف نظفو الميلس.

محمد: اوكي باي.

دخلت سلامة الميلس ولقتهم مخلصين تنظيف وطلعت ولقت محمد يترياها وراحت وياه داخل.

وفبيت عمهم منصور بوغانم فكان عندهم نفس السالفة.

ام غانم: مريم..مريم.. مريووووم.

مريم من فوق: نعم أماية.

ام غانم: شو تسوين؟.

مريم: أدخن الحجر والصالة والحين نازلة.

ام غانم: دخنتي الميلس؟؟.

مريم: لا بعدني.

ام غانم: انتي شو تسوين قاعدة من الصبح.

مريم تنهدت بتعب: استغفر الله العلي العظيم إنا لله وإن إليهلراجعون.

غانم: حراام عليج اماية شوي شوي عليها انتي من الصبح مشغلتنها بتسوي كل إللي تبينه بس لاتنازعينها وبعدين انتي كل شي تبينه مرة وحده وبسرعة.

ام غانم: خلاص ما بقول شي بس روحي دخني الميلس.

مريم: إن شاء الله.

غانم: صبري مريوم بروح وياج.

راحت مريم مع غانم يدخنون الميلس.

غانم: يا سلااام منو مرتب الميلس.

مريم: انا والبشكارة.

غانم يبتسم: يا حافظ عليج مريوم.

مريم: غانم لو سمحت بند المكيف.

غانم: انزين بس من الدخون حرقتي المكان.

مريم: اصبر عشان باجر يوم يشغلون المكيف تكون ريحة الميلس كلها دخون.

غانم: بس خلينا نروح.

مريم: يلا,,, بعد بشوف إذا أمي تبى شي ثاني.

وطلعو رايحين عند امهم __DEFINE_LIKE_SHARE__

Ro7 8lby#! · 08-05-2012, 06:50 PM

يلا اتريا الردود
عقب بنزل البارتات الثانيه

^_^ __DEFINE_LIKE_SHARE__

Ro7 8lby#! · 08-05-2012, 08:50 PM

وين حماسكم؟؟؟؟؟؟؟؟؟؟؟!!!!!!!!!!!

يلا __DEFINE_LIKE_SHARE__

راقيه باسلوبيْ}~ · 08-06-2012, 01:23 AM

بااااااااااااااااااااركن لاااانه شككله طووووووييييل __DEFINE_LIKE_SHARE__

Ro7 8lby#! · 08-06-2012, 03:36 AM

المشاركة الأصلية كتبت بواسطة رّأٌقِيَة بًأًسٌلَوَبًيّ

بااااااااااااااااااااركن لاااانه شككله طووووووييييل

تسلمين ع المرور __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موسيقى " هي دي هي " للعندليب عبد الحليم حافظ : روءية و ابداع عمار الشريعي !	محروم.كوم	منتدى أخبار المواقع والمنتديات العربية والأجنبية	0	06-10-2012 08:10 PM
الافراج عن منتظر الزيدي	محروم.كوم	منتدى أخبار المواقع والمنتديات العربية والأجنبية	0	09-16-2009 08:10 AM
أشتريه ولا أنتظر ؟؟؟	محروم.كوم	منتدى أخبار المواقع والمنتديات العربية والأجنبية	0	09-06-2009 07:30 PM
مطلوب برمجة سكربت روليت و قمار	محروم.كوم	منتدى أخبار المواقع والمنتديات العربية والأجنبية	0	04-21-2009 06:21 AM
روآية \|\| بدونك كـل حياتي ولا "شــــي"! \|\| " سعوديه روعه ورومنسيه وجريئه "	روح الفارسه	قصص و روايات	7	01-17-2009 08:25 PM