|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
اخواني الافاضل اسعد الله اوقاتكم بالمسرات اليكم هذه السالفه القديمه راعي العجراء والحمامه وجرس الانذار في سنة من السنين سافرنا الى خارج السعوديه مع الاهل وسكنا في في فتدق فيفي سدار تشوفهم شاكين النجوم على المدخل مدري سبع اوثمان يعني ترا الفندق فيفي سدار من الفخامه وسكنا بالدور التاسع او العاشر المهم يوم صار ذاك اليوم بالصبح ولا الاهل نوما وانا من الصبح قاعد لحالي بها الشقه من المطبخ للصاله ومن الصاله للدريشه من الفضوه ماخليت دريشه ماطليت معها المهم يوم ناضرت مع ذيك الدريشه ولاها على منور طويل احس ان طوله للارض كيلوا وكله مكيفات وانا جاي من بيوت الطين والمراوح مهاف المهم واقعد اتفرج على المكيفات تقول ثواليل بجدار العماره وابدا اعدهن يوم ناضرت ولا هاك المكيف ولا عليه حمامه وانا افرح من حيني احب الحمام وشفت حمامه من الفرحه ماعاد تعرفني مناخري عند اذاني ومن شدة فرحتي وابتسامتي خفت على افمي ينفتق على الاذان بس وشلون اصيده وانا ادخل للمطبخ ادور شي احلته على هالحمامه ابي اصيده ولا القا الا هاك النجر جايبته الوالده معها الله يرحمها يجله اثنين كيلوا وانا اطلع راسي مع الدريشه واقعد اوزن النجر على هالحمامه ماهو بس حلت لازم اتويقع وقدي على الهدف شفتوا ان راعي العجراء ذهين من جابتن امي المهم اني ضبطت المرمى خلاص الحمامه من صيدات امس وانا اتركه وهو يجيك محول يمشي الف1000 كيلو وات خدرز ماكدونالز ماغير يلوح بهالمنور و صفق بهالمكيفات واسمع من قوة الضربات ياصوته مع هالمنور يشق الاذان اشوي يوم دق جرس الانذار بالفندق من قوة صفق النجر بالمكيفات طلع له صوت يرعد ارعدان مع هالمنور ولا العالم بالشارع سمعوا صوت هالانفجار ووهجوا مايدرون وشهو من صوت يحسبونه انفجار واقعد اتفرج عليهم واهلي نوما ماتعودنا على هالصوت يحسبونه جرس ساعه خراش ويوم صار شوي ولا الاسياب والشقق كلها بوليس وكل ابواب الشقق مفتحه اهلها طلعوا وخلوا الابواب مفتوحه من الروعه والبوليس تفتيش بالشقق الا باب شقتنا مقفل وهم يطقون علينا الباب بسرعه انزلوا وين ننزل مدري وانا اصحي اهلي وننزل والبوليس مالي الارض ياهم كمخ يعني مايدرون انه نجر الوالده بغيت اعلمهم بس خفت من امي تقول حول جب النجر اللي جدعت وانا مدل زين بالفندق وبعد ساعتين او ثلاث ماحصلوا شي ورجعوا السكان للشققهم والحمامه طارت والا انا ناوي اناديكم تنتفون الحمامه معي مانيب مخليكم انتهت السالفه ارجوا ان تكون اعجبتكم وقبل الختام سبحانك اللهم وبحمدك لااله الاانت استغفرك اللهم واتوب اليك تقبلوا تحيات اخيكم راعي العجراء ولد اخو منيفه |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء والسيكل | محروم.كوم | منتدى أخبار المواقع والمنتديات العربية والأجنبية | 0 | 05-25-2012 02:30 PM |
راعي العجراء والذيخ | محروم.كوم | منتدى أخبار المواقع والمنتديات العربية والأجنبية | 0 | 01-16-2012 12:00 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |