|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته مشرفينا الاكارم أخواني وأخواتي الافاضل زوارنا ..مرحباً بكم جدتي الله يرحمه ويسكنه فسيح جناته وموتى المسلمين أجمعين.. عنده ساعه المانيه خراش والساعه مدري ليه يحطونه بصندوق مصنع خصيصاً له من التنك واجهته قزاز حتن يعرفون كم الساعه من غير ما يطلعونه من تنكته او صندوقه.. وللصندوق قفل عشان العبث المستمر من النشئ الغير مستوعب ماذا يفعل بساعة جدتي (مهوب أنا ولا أخواني) ولين رنت الساعه عشانه بسط الصندوق يصير صوته عالي ومستحيل ما يسمعه أحد... كنا ننام بالسطح وتطلع جدتي يامال جنات النعيم خراشه معه حرص على صلاة الفجر مع أنه ما يحتاج له ساعه،، تنبه سبحان الله قبل الصلاة ،،وزمان المساجد تخترش آذان أول وأذان ثاني مهوب مثل الحين آذان واحد للفجر والمكرفون يالله يسمع .. بيوم أخوي الصغير بنص الليل كان تعبان وراحو يودونه للمستشفى وهاك اليوم وحده من بنات عماتي ممرحه عندنا وسولفنا لين قلنا آمين ويوم جاه هي النوم قالت نامو ترى بالليل فيه شي يطير بالسما يدور البزران اللي مانامو وياخذهم لعشته وياكلهم واسمه ابو التخاريف.. بنت عمتي شابه وحنا على 5 و6 سنوات ما حولك احد والذهانه 0%.. مادرينا إلا وهاللي ترررررررراترررررررررا يوم طارت العقول وجحظت العيون من الخوف وبنت عمتي نايمه !!! ويافلانه قومي يافلانه قومي..لا حياة لمن تنادي وما سمعنا إلا واللي تصفق بإيدينه من سطح الجيران: طع طع طع يام فلاااااان ياكافي اتزعدتو سابع جار وانتم نيمين؟؟؟؟؟ حنا مع الخوف ما ميزنا مابين خراش جدتي وابو التخاريف .. وأخيراً الحمد لله جت جدتي الله يرحمه وصكت الخراش اثره حولت للبيت من حدر مع امي وابوي عشان اخوي تغليه بالحيل وضايق صدره عليه ومر الوقت وهي حدر ما انتبهت.. على فكره الخراش،، كل يوم كنت اشوف جدتي تقعد تلف ازراره ..ولين نشدناه وش تسوين يمه فلانه ؟؟تقول أعشيه نقعد نناظر بعضنا بعيوننا !!!!!هوووووو ياكل!!!!!..الله يخلف تحياتي اختكم ..قوافي..
__DEFINE_LIKE_SHARE__
|
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:فرقنا وكحل جدتي..قوافي | محروم.كوم | منتدى أخبار المواقع والمنتديات العربية والأجنبية | 0 | 06-01-2012 09:30 PM |
سالفة: ارض العمالقه..قوافي | محروم.كوم | منتدى أخبار المواقع والمنتديات العربية والأجنبية | 0 | 02-04-2012 01:40 AM |
سالفة:كلو حنينيي..قوافي | محروم.كوم | منتدى أخبار المواقع والمنتديات العربية والأجنبية | 0 | 12-10-2011 04:10 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |