سالفة:فرقنا وكحل جدتي..قوافي

محروم.كوم · #1 06-01-2012, 09:30 PM

حياكم الله مشرفينا اخواني اخواتي وزوارنا
سالفتنا عن مهنه اندثرت مع السنين وهي مهنة
(فرقنا)
فرقنا بائع متجول يحمل على ظهره بقشه من القماش (قطعة قماش مربعه تكون كبيره تقريبا ًمتر ×متر يضع مايبيع بوسطها ثم يربط اطرافها على شكل عقده بحيث تكون× ثم يحملها على ضهره..
البضاعه تكون اشياء منوعه وتخص النساء كقطع القماش بأنواعه .الزري وهو شديد اللمعان وفيه تنتر .الروز ودائماً يستخدمونه لجلال الصلاة الحرير والبوال .والديرم ويعتبر فرشة الاسنان بذاك الوقت عباره عن لحاء شجر تفرك به الاسنان بطول النهار وحتى احيانن ياخذونه معهم عند ما يسيرون على بيوت الجيران والاقارب ويجعل الاسنان شديدة البياض ويعتبر ناحيه جماليه ..كذالك يبيع الحنا والدوج وبعض العطور وكحل حجر عربي عباره عن مسحوق حجر الكحل وتضاف له بعض الاضافات وانا لا اعرفها ومشابك..
البائع شخصيه بسيطه يدور مابين الحارات وبالشوارع وينادي
(فرقنا.فرقنا.فرقنا)وهو يشيل بقشته على ظهره ويمشي..
الجميع يعرفه ويتحرون اوقاته وببعض الاحيان يوقفونا عند الباب عشان لين شفناه نناديه امي او جدتي رحمها الله بتشري شي..
جا فرقنا وقلنا له تعال امي بتشري ..
طريقة الشراء انه يحط بقشته عند عتبة الباب والحرمه تصير لابسه العباة والشيله(غدفه)..وتاقف عند الباب من داخل والبياع يفك بقشته ويقول وش عنده واللي يجوز له تقول ورن وبكم إلى ان يتم شراء المراد..
شرت امي اغراض وجدتي الله يرحمها بعد ومن ضمن المشتروات كحل اللي هوحجر مطحون ويسمونه كحل عربي ..

ويحطونه بعد الطحن بــــ

عندنا وحده من عماتي والده وجايبه (بنت) والبنت وش حليله ومزيونه ماشاء الله تبارك الله..
يوم شرت جدتي الكحل كحلو عيون الصغيره يوم انقلب وجهه ازرق من الصياح والالم يحرقه حار ..
ليه يمه تحطين له كحل صاحت ؟؟؟ قالت كل بزاريننا لازم نحط لهم كحل لين صارو مواليد حتن ما تورم عيونهم !!
وقعدت البنيه تصيح لين نامت وهي تشاهق..
ضاقت صدورنا واخوان البنيه تعهدو انهم بيخلون فرقنا ما عاد ياقف على باب البيت..

عقب يومين جا الضعيف وما امداه يصل حول الباب إلا وفريق الدفاع والهجوم مع متبرعين لخوض معركة اللا عوده وتجمعو عليه اللي يسحب بالبقشه واللي بالنبيطه واللي يجدع عليه شرخ هاك الايام فيه شروخ ماتولع بكبريت اسحب خيطه واجدعه لين انهبل ولا عاد جا ..استانسو يحسبون انهم قضو ما درو إلا (فرقنا.فرقنا.فرقنا) واحد جديد!!
سمعت جدتي الله يرحمها قالت :نادوه نادوه ياعيال نادوه!!!!!
تحياتي
اختكم
..قوافي..
(ديرم)

بعد التطور صارو على عربيات

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:عيد الرعب..قوافي	محروم.كوم	منتدى أخبار المواقع والمنتديات العربية والأجنبية	0	05-10-2012 08:50 AM
سالفة: ولد العم..قوافي	محروم.كوم	منتدى أخبار المواقع والمنتديات العربية والأجنبية	0	03-31-2012 11:40 PM
سالفة:مسح السبوره..قوافي	محروم.كوم	منتدى أخبار المواقع والمنتديات العربية والأجنبية	0	02-29-2012 11:40 PM
سالفة: ارض العمالقه..قوافي	محروم.كوم	منتدى أخبار المواقع والمنتديات العربية والأجنبية	0	02-04-2012 01:40 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM