سالفة:دجيجات.امي...قوافي

محروم.كوم · #1 09-12-2011, 12:00 AM

السلام عليكم ورحمة الله وبركاته

حياكم الله اخواني المشرفين الافاضل

ويامرحبا بأخواني واخواتي الاعضاء

وياهلا بزوار مكشاتي الغاليه

امي الحبيبه الغاليه الله يطول بعمرها ويشفيها تحب تربي الدجاج ..

من وعيت وفيه مشكله دجاجيه انهم ياكلون البيض وما خلت شي امي من الخبره والنصايح الا وطبقتها عليهم مافي فايده دايم يتجاوزون الخط الأحمر وياكلون البيض!!!!! وما ينجى من التكسير الا اللي نقعد جنبها لا غردت واعلنت وصول البيضه عن قريب ولين باضت على طول تشال البيضه قبل الافتراس؟؟؟؟؟.

بالنسبه لي شي بغيض بس لازم طاعة الوالده,,,, وبيوم قلت لأخوي ابو دلة الملوحي وعمره 7 سنين وش رايك تقعد عند الدجاج واللي تبيض بسرعه تجيب البيضه واعطيك كل يوم ريالين .....ابي افتك وافق الضعيف ويحسب ان السالفه سهله ما درا ان فيه هجوم من البيه الديك والهوانم الدجاجات!!!!! وتوه بيمد ايده ياخذ البيضه قبل يكسرونها وتوكل الاوالهجوم والتنقير من سيقانه قسم نتفوه وهو واقف يصيح من الخوف وسالت الزيوت من الروعه بيصير وجبه للدجاج....

رقيت للسطح اركض انهبلت كل شي الا دلة الملوحي وقلت لازم اسوي شي

كان سطح بيتنا فيه اصياخ الحديد حقت الصبه للدور الثاني ما قطعوها على ساس يكمل راعي البيت الدورالثاني

وحضرت الفكره الجهنميه

مسكت كل دجاجه وبلزاق كهرب ولزقت كل رجل بصيخ وبعدت الدجاجات عن بعض وعلى راسهم البيه الديك بأخر اصياخ السطح عناد فيه وكل وحده عندها اكلها وشربها

وازين ما بالعقاب باضو كلهم وما قدرو ياكلون البيض ويوم استنكرت امي كثرت البيض ورقت ولين دجيجاتها ملصقات بالاصياخ وعلى طول

قــــــــــــــــــــــوافــــــــــــــــــــــــ ـي

نعم لبيه سمي

من اللي ملصقهن ماتخافين الله يموتون بذمتي

قلت :عندهم اكل ولاهن مخنوقات ولا اكلن البيض بس هو صحيح انهن برقعة الشمس!!!!!

قالت وين وين اللزاق اوريتس واكيد لزقت رجلي مكان الديك باخر اصياخ السطح اشوا ماقعدت واجد مثل الدجاج بس من العصر للمغرب وطبعا عقب ما أذنت مثل الديك مع اختلاف طريقة الاذان ورحمتني......

تحياتي

اختكم

.. قوافي ..
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM
سالفة:خروف الضيوف..قوافي	محروم.كوم	منتدى أخبار المواقع والمنتديات العربية والأجنبية	0	08-29-2011 01:40 AM
بعير الجيران..قوافي	محروم.كوم	منتدى أخبار المواقع والمنتديات العربية والأجنبية	0	08-28-2011 07:40 PM
عودة ميت!!قوافي	محروم.كوم	منتدى أخبار المواقع والمنتديات العربية والأجنبية	0	08-16-2011 03:10 AM
نخوة قوافي*&&&&&&&&&&&&	همس الحراآير	الشعر المنقول	7	06-09-2008 09:01 PM