ساعتها أعتقد تفهم غرام(ن) في شراييني

أشواق تائهة · 04-18-2012, 10:24 AM

...
بارت(25)
الخميس العصر
قاعده ع المسن ببيت يدي
كان توبيكي
مدآم حبكـ في قلبي سطآ لآتتعذر مآبي آعذآركـ..
من لما سلطان اعتذر لي وردينا لبعض
وارمس لولو
وعقب
أنا: لولو انا بسير وبرجع اوكي
لولو: بتتاخرين
انا: لا حتى بخلي المسن مفتوح ما بتاخر
لولو: اوكي
...
كان سلطان طايف وانا طالعه
أنا: سلطان انت اهنيه
سلطان: إيه انا اهنيه شحالج
أنا: بخير بسير بشرب ماي ويت
...
شربت ماي ورديت
شفت سلطان قاعد صوب لابي وشكله غير
أنا: سلطان شفيك
سلطان: ولا شي انا ساير
...
طلع من عندي وخفت عليه
رديت شفت لابي مفتوح ع محادثه مع مطر
هاا متى دش
سويت له بلوك ودليت
ورمست لولو: لولو باك
لولو: ولكم باك
أنا: لولو بصيح ودي اموت
لولو: بسم الله عليج لا تفاولي ع عمرج
انا: شفته شاف ايميل مطر عندي ولا وداش انا من متى ما رمسته ونسيت اسويله بلوك ودليت
لولو: اتصلي فيه وفهميه
اتصلت كم مرة ما يرد عقب الفون استوى مغلق
انا: لولو فونه مغلق
لولو: لازم يفهم شما انج تبينه وانه مطر ما ترمسيه وخبريه
أنا: انزين ماعرف شو اسوي
لولو: امم ماعرف شو اقولج
انا: تعرفي ابا اسوق سياره امي واسير له الشقه انا متاكده بيكون اهناك
لولو: ايه ما تخافي روحج
أنا: لا اصلا اعرف اسوق شويه وماقدر اقول لحد عشان ما يعرفو شو بيننا
لولو: انا اعرف وايد بس لازم حد عندي
أنا: امم انزين انا بسير وبرمسج عقب
لولو: لا تتهورين انزين
أنا: إنزين يلا باي
لوولو: باي
...
رحت قلت لامي
أنا: ماماتي بشيل سيارتج بليز
أمي: بس ليش
انا: بودي كتاب ربيعتي تباه ضروري عشان عندها امتحان ما بتاخر اهنيه البيت
أمي: بس انتي ما عندج ليسن عن يزخوج
أنا: امايا اعرف اسوق شفيج وبعدين البيت مب ع الشوارع الرئيسية يعني محد بيلاحظ يلا اميه
شليت السويج ولبست عباتي وشيلتي
وركبت السياره
مشيت لين ما وصلت البنايه اللي فيها الشقه
ترددت وعقب نزلت
دقايق وكنت جدام الباب
دقيت الباب ووقفت شوي وحد بطل
دخلت
قالي: منو يابج اهنيه
أنا: ييت روحي ابي اتفاهم وياج
سلطان: ع شنو ولا شنو تتفاهمين
أنا: انت فاهم غلط والله اني تركته من فتره طويله
سلطان: هيه قصي علي والمطلوب مني اصدقج صح
أنا: لا مو صح انا مو قاعده اجذب
سلطان: تعرفي انه قاللي طلع معاج وو
أنا: وشنو ؟!
سلطان: ...
أنا: انت مو واثق فيني والله اني ما تعديت حدودي معاه غير اني بفتره تهور رمسته فون ومسن بس والله اني ما طلعت معاه ولا قابلته ويه لويه والله
سلطان: ...
أنا: يعني انت مصدقه
سلطان: عيل اثبتيلي ان الكلام اللي قاله غلط
أنا: وكيف تبيني اثبتلك
سلطان: شوفي اليوم الخميس وباجر الجمعه عندج كل الوقت تسيرين الصالون وتتحنين وتتعدلين ماعرف عاد لسوالفكم وعقب باجر السبت اتروحي الصالون تتعدلي وبالليل تكون ليلتنا شو قلتي
أنا: وأهلنا
سلطان:ما عليج من اهلنا المهم نحن بنقول لهم اي شي
أنا: لاني واثقه من نفسي موافقه ولو ان خاطري بحفله مثل كل بنت والبس الابيض بعرسي
سلطان: ما عليه بعوضج عقب
أنا: زين انا طالعه وقايله لامي بروح بيت ربيعتي اعطيها كتاب وبيي يلا عن لا اتاخر
سلطان: اوكي عيل بيي وياج بوصلج انتي يايه بسيارة امج صح
أنا: إيه
سلطان: زين بوصلج بيت يدتج وبنزل بيتنا وسيارتي بييها عقب
أنا: زين
من عيوني لو تطلب عيوني..
حبيبي وحبك في قلبي جنوني..
وعيون الناس تسأل ليه أحبك..
وأنا ماهمني لويسألوني..
(حبيب القلب) من غيرك يصوني..
ومن يفهم كلامك من عيونك..
تخيل تبتعد عني يا غالي..
حياتي مالها معنى بدونك..
وحبيب الروح ياحلو ابتسامتك..
وياماحلى الليالي في غرامك..
يشوفوني معك أسهر ليالي..
يغاروا من كلامي ومن كلامك
...
دخلت البيت وكنت افكر شكثر الدنيا قاسيه
من كان يتوقع ان شخص حبيته جي بيقول عني ووين عند الانسان اللي بيكون ريلي
أمي: شفيج
أنا: ماشي كنت عند سلطان
أمي: قالج ان العرس السبت
أنا:إيه بس مو عرس كبير قال اونه حفله وجي
أمي: المهم سعادتج عقب
...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM