ساعتها أعتقد تفهم غرام(ن) في شراييني

أشواق تائهة · #1 03-30-2012, 12:54 PM

بسم الله الرحمــن الرحيم

سيكون لي فخر إحتضان منتداكم

لأول روايه من كتابتي

أنا xbel3aks

بعنوان: " ساعتها أعتقد تفهم غرام(ن) في شراييني "

الروايه للحين مش مكتملة

...

عفكره

أنا عضو مميز بمنتدى من المنتديات اللي بديت انزل الروايه فيه بإسم العضو السابق ريم
الحالي حلم قلبي

لذا مصدر روايتي

ريم،xbel3aks

حلم قلبي
...
__DEFINE_LIKE_SHARE__

أشواق تائهة · 03-30-2012, 12:56 PM

البارت(1)

فتحت عيوني ع أشعه ضوء الشمس ،أكيد الساعه 7 الحين خلني أقوم . .

قمت وسبحت . . وصليت وطلعت الصالة . . شفت أمي وسلمت عليها و شفت الساعه وربع7

قلت: راحو قالت لي: هيه راحو هلكني حموود لين ما تريق

ضحكت هاا كل يوم حمد ما يطيع يتريق بالليت لازم ظلام حشى خفاش هـــع

...

حمد: عمره 7 سنوات بصف ثاني ابتدائي . .

أنا: شماني ، بنوته أدرس بالكلية . .

...

رحت شليت لي صمون وجبن وكوب عصير ليمون وتريقت هــا ريوقي كل يوم

تميت ـأشوف التلفزيون و أسولف مع أمي,, اليوم الخميس أخر يوم بالاسبوع . .

يا موعد السواقة توصلني للكلية

وصلت الكلية

سلمت

أنـا: سلام عليكم أخباركم

البنات: هلا شووش أخبارج

إسراء: شوو عندنا أول كلاس؟! مادري ليش يايه من وقت أنا.

أنا: علينا ماث حبيب قلبج.

إسراء: لابوي حبيب قلبج أنتي الماث مو أنا

خلصت 3 محاضرات وكان عندي بريك ساعه

بالكانتين

إسراء: أنا ما اشوفج تاكلين غير فرنش فرايز

رديت عليها: تراني ماحب أكل دياي ولحم وجي

نوره: عيل شوتاكلين لازم أصلاً تاكلي عسب جسمج

أنا:عادي أنا اكل بس مب من الكلية اذا امي سوت باكل عادي بس مب لحوم وجي

خلصت البطاط وفتحت لابي بفج المسن

عهد: شو تسوي باللاب ماحيد عندنا أي شي

أنا: ترا بقراً قصة وبفج المسن شوي

عهد: هيه انتي جي شرا أختي الصغيره كله ع النت قصص ومسن هههه

أنا: هيه ترا ملل عسب جي

أنفتح المسن وأستانست يوم شفت حبيب قلبي داش

..من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه .. أنا

احبك حب ما اقدر اعاند فيه احساسي . . مطر

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه :

هلا

احبك حب ما اقدر اعاند فيه احساسي

هلا وغلا

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

أخبارك

احبك حب ما اقدر اعاند فيه احساسي

تمام ونتي حبي

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

تمام يسرك الحال

احبك حب ما اقدر اعاند فيه احساسي

وينج من متى اترياج

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

ترا كنت بالكلاسات وايد تعبت اليوم

احبك حب ما اقدر اعاند فيه احساسي

سلامتج من التعب

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

الله يسلمك وبعد أخبارك

احبك حب ما اقدر اعاند فيه احساسي

ماشي حبي مشتاق لصوتج لي متى يعني

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

شو اسوي يعني أنت تدري شنو صار يعني اتريا شوي

احبك حب ما اقدر اعاند فيه احساسي

حبي ماقدر وحشتيني أبيج ولا ما تبيني

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

والله ابيك حبي شفيك مو مصدق

احبك حب ما اقدر اعاند فيه احساسي

عيل اثبتي تراني ابيج

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

خلاص حبي عطني فتره وبسمعك صوتي وعد

احبك حب ما اقدر اعاند فيه احساسي

خلاص عيل حبي اتريااج اوكي

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

خلاص عيل اوكي

يلا بسير عندي كلاسات باجر برمسك اوكي

احبك حب ما اقدر اعاند فيه احساسي

خلاص اوكي بس لاتنسي

من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه

من عيوني ما بنسيى باي

احبك حب ما اقدر اعاند فيه احساسي

باي

...

هذا مطر تعرفت عليه بالنت بفتره كنت محتاجه حد يسمعني تعلقت فيه وحبيته

كلمته بالفون فتره وامي كشفتني و حرمتني منه ومن وايد شغلات بقولكم بعدين

وبس تميت اتواصل معاه بالمسن بدون ما تدري

...

رحنا حضرنا كلاساتنا وع 3 رديت البيت

فتحت باب الشقه ودخلت

خالد: سلمي السلام ما بفلوس

أنا ساكته

أمي: ها اخبار الكلية

أنا: تمام حتى اليوم غصصت بسير الماث كله انا اجاوب وسكتني هـع

خالد: لازم شنطه الاب توب وراج شو هاا

أنـا: ما يخصك وبعدين لازم ترانا نذاكر منه>> ـأونج شمووه ههه

أمي: انزين سيري بدلي وتعالي تغدي عشان بنسير بيت يدتج بعد شوي

أنا:أنزين شو الغدا.

أمي: يوم بتي بتشوفي

رحت بدلت ولبست بدله ثانيه عشان نطلع وتغديت أمي مسويه مجبوس اللي أحبه

...

خالد: عمره 15 بصف عاشر ـأونه ريال البيت صاير
__DEFINE_LIKE_SHARE__

أشواق تائهة · 03-30-2012, 03:16 PM

بارت(2)
بيت يدتي
طبعاً يدي متوفي من جم سنة
دشو خواني وسلمو وطبعاً ع الفريج يلعبو
أنا: سلام
خالو كلثم: شو سلام تعالي بوسيني
أنا :ههه سرت بستها
خالو مها : هاا عيبج البوربوينت اللي سويته لج
أنا: هيه عيبني وتخبل عليه السير أونه عجيب ويا سلام هههه
خالو مها: زين بعد
وأمي سلمت ع يدتي
وقعدنا من قناه لقناه

ع المغرب يو قوم خالي وعيالة من يوظبي
نوف أول ما شافتنا ربعت لأبوها
يدتي: ها نوف تعالي
نوف وهي تربع ورا ابوها: ماباكم
خالي ذياب: ها شحالكم نوفي شوفي شما عندها لاب توب سيري لعبي
أنا: هيه تعالي عندي لعبه وبنرسم
نوف: مااباش
خالو كلثم: ههه ما تباج
أمي: ألله يعين يوم بتربي أمها أكيد ما بتخليها تلمس البيبي
أنا: عيل بتو تاكلو عندنا
خالي ذياب: اونه البيت بيتها هييه ترا بيتي شو تعزميني ببيتي
أنا: ها يزاي بعزمك من المطعم بس الحينه ما بعزمك
الكل:ههههه
...
خالو كلثم: أصغر من امي مب معرسة
خالو مها : أكبر مني ب7 سنين وكله معاها يوم صغيرة
خالي ذياب: معرس ببنت عمتي مزنه وعندهم نوافتي و طبعاً نونو بالدرب
...
باليوم الثاني الجمعه
قمت الساعه 8
الحمام مشغول شو هاا
أمي: ها قمتي يايه اوعيج
أنا: هيه قمت من متى داخلين الحمام يسبحون
أمي: من ساعه بيكمل ماعر فشو سبوحه هذا
أنا: لاتعليق
...
شوي رحت اسبح وصليت الفجر أقصد الصبح
ولبست قميص حمرا و بنطلون جنز
ولبست عباتي
ورحنا بيت يدي
هاا موعد كل جمعه 11 الضحى نروح عند ابوي . . ترا امي وابوي مطلقين و نحن عايشين عند أمي .. من قبل لا
عمور ينولد يعني يوم كانت امي حامل به
ركبت السيارة
أبوي: سلام عليكم
الكل : عليكم السلام
أبوي: أخبار المدرسة
محد رد وقلت/ بخير
أبوي:هههه انتي شما كلية مب مدرسة
أنا: زين محد رد وقلت ارد
وصلنا بيت يدي ابو ابوي
أهنيه اتم لين ما اسيرو صلاه الجمعه
سلمت ع يدي ويدتي
ورحت غرفه عماتيعسب أفصخ عباتي
طبعاً رقود
...
رحت الصاله قعدت ع اللاب وفجيت المسن
مــا شفت مطر داش غريبة العاده يدش و ندق سوالف لين ما نرد البيت
أووف ملل فتحت منتدى وتميت اقراً قصه خلصت البارتات المنزله هالاسبوع
عقب رحت لصفحه المسن اسوي ريفرش
لمحت ببروفايل مطر تعليق ععبارة هو كاتبنها
أونه شخص كاتب له :" حتى نحن اشتقنالك بس رد علي "
منو هذا؟!
...
سرت وسويت انفايت له أو بالاخص لها
...
عقب الصلاه قامو عماتي
ويوو يسلمون ههه
أمول: هاا شما شحالج
أنا: بخير
أصول: شحال الكلية
أنأ: بخير تسلم عليج
أمول: ها عندج بروجكت تسوينه
أنا: هيه بروجكت
أمول: شمووه ما خبروج عن اللي خطبج
أنا: هااه
أصول: ههه اونها
أنا: جد منو؟! مابا اعرس انا
أمول: ما بخبرج وبعدين ليش ما تبين؟!
أنا: والله انتو أكبر مني أنتو عرسو قبل
أصول: لا انا بكمل دراستي أمول خلصت هيه تعرس
أنا: هيه انتي خذيه
أمول: ياليت أقدر بس ما قدر
أنا: ليش؟!
دش عمي سعيد: يالله غدا
أمول: يوو قوم مبارك
عمي سعيد: هيه يوو يالله سرعه
...
أمول: اكبر مني ب 5 سنين خريجه لغه انجليزيه
أصول: اكبر مني ب 3 سنين تدرس بجامعه العين
عمي سعيد: اكبر مني ب 7 سنين و معرس بسلامة وعندهم بنت شوق
أبوي: هو مبارك الي قالت عنه أمول وهو معرس وحده ثانيه من بعد ما طلق أمي ع طول وما عندهم عيال
...
عقب الغدا قعدنا كلنا نسولف
ع الساعه 2 ونص
أبوي: يالله نحن سايرين
قمنا لبست عباتي وسرنا بيته
دخلنا وأبوي سار يرقد ها حالنا ومرته ببيت اهلها ما نشوفها فجه منها
فتحت المسن و طاحت عيني يوم شفت مطر داش
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
وينك حبي
احبك حب ما اقدر اعاند فيه احساسي
موجود أنتي وينج
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
أنا من الصبح داشة ما شفتك
احبك حب ما اقدر اعاند فيه احساسي
يمكن معلق شحالج
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
تماام ونت
احبك حب ما اقدر اعاند فيه احساسي
مشتاق لج
وبعد شوم سوية
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
سمعت عموتي تقولي في حد خطبني بس ما عرف منو وابوي ما كلمني
احبك حب ما اقدر اعاند فيه احساسي
أها زين والله
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
يعني عادي عندك ما تباني
احبك حب ما اقدر اعاند فيه احساسي
أباج حبي بس بعده ما صار شي
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
هيه صح
حبي بقولك أنا شفت حد كاتب لك بكومنت " :" حتى نحن اشتقنالك بس رد علي " منو؟!
احبك حب ما اقدر اعاند فيه احساسي
أكيد أنتي حبي صح
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
لا حبي ما انا جد ارمس منو كاتب أكيد وحده صح
احبك حب ما اقدر اعاند فيه احساسي
لا حبي ماعرف منو ما طالع عندي يمكن مغلطه
من تگلمَ عنې بسـۈء , ېآشېخ فدۈهـ له " ذنۈبې " مآتغلى عليه
يمكن حبي أنزين
...
وتمينا نسولف لين العصر وطلعنا نمشي
ونمشي
ع الساعه 7 ردينا بيت يدي
دشيت الصالة شفت مزنة والاهل
سلمت عليها وسرت فصخت عباتي وشليت لابي وقعدت
نوف ياتني وقعدت بحضني
خالي ذياب: هيه الحينه ما بتخوز عنج
أنا: عادي خلها نوفي قولي لبابا روح
نوف : روح
خالي : ترا ما بوديج الدكان
نوف: ابا اسير السيارة
أنا: ما عليه نوافي ما بعطيج
وتمينا نسولف
ونسولف
...
__DEFINE_LIKE_SHARE__

أشواق تائهة · 03-30-2012, 03:23 PM

البارت(3)
اليوم اللي بعده
نشيت الصبح ع صوت امي توعيني
فتحت عيوني
أمي: يالله قومي بس رقاد قومي ذاكري
أنا: زين قمت
رحت سبحت و صليت
وقفت جدام المنظرة أمشط شعري
أنا: بخاطري ما يندرى مطر شو يسوي أبا ارمسه فون بس اخاف امي تحرمني من الدراسة شرات ما حرمتني من
المنحه والبعثه أووف ياما تمنيت احصل عليها ويوم حصلت ضاعت بس ماعليه الا اكمل ماجستير برع
ياا ببالي ذاك اليوم
أمي صفعتني
أنا: ليش
أمي : قوات عين هاا منو وشو يسوي عندج
أنا: ,,,
أمي: ما عليه والله ما خليج اتسيري بوظبي ولا البعثه ما عليه
...
أحظن جرۈحي بيديني ۈأرجع أقۈي هآڷبآس ۈأٺعجب ڷگڷ ڜخصٍ أذآني ۈأقۈڷ عڷآمــــه
...
كله مني بس بعد أحبه اباه شو يعني ما ارمسه بس احبه
...
صحيت من الذكرى ع صوت أمي
أمي: شما اليوم رمستني خالو موضي
أنا: غريبة بالعاده بس نشوفها ببيت يديده شو عندها متصله مو من عوايدها
أمي: يايه تشاورني تبا تخطب لسلطان ولدها
أنا: وقف قلبي: زين منو عاده تبا وليش تشاورج انتي؟!
أمي: تراها تباج انتي له
أنا: صديت الجهه الثانيه : ليش أنا
أمي: شو ليش تراج بنت عمه و رابين مع بعض
أنا: بس بعدني صغيرة
أمي: المهم موافقه مبدئية وترا ابوج ما بترضى ترفضين
أنا: يعني بتجبروني انا مابا
أمي: نسيتي سواد الويه بعد لج عين ترفضين أنا بتريا جم يوم وبقولهم موافقين
أنا: انزين ليش انا ماباه
أمي: انزين صلي الاستخارة وشوفي شو بيصير
أنا:...
...
خالو موضي مرت عمي حمدان
هذا اخو أبوي بالرضاعه وساكنين يم بيت يديده ام امي وكله يوم صغار ببيتهم وهم ببيتنا
سلطان: ولدهم البجر و أكبر مني ب 6 سنين
...
أنا بخاطري: شنو يعني أنا احب مطر ابيه مابي غيره، لازم اسير افج المسن اخبره
بس من وين اييب نت اووف يعني باجر بالكلية وايد طويل الوقت
ع الغدا
أمي: يالله تعالي شما الغدا
أنا: ياية
كلت شويه وقمت
أمي: وين ما كلتي
أنا: خلاص شبعت
خالد: مسويه رجيم اونه هههه
أنا: عطيته نظره وسكت
سرت أكمل داخل وانا بموت حرة ابا اكلم مطر
...
اليوم الثاني بالكلية
الاحد
قبل المحاظرة الاولى
فجيت المسن و ما شفت مطر غريبة وينه يمكن الصبح عسب جي راقد
غيرت توبيكي
حبيتـﮧ يآ بشر . . ، ۈَاڵڵـﮧ إنـﮱ حبيتـﮧ \ طحت بغرآمـﮧ ۈَآدمنت شۈَفـﮧ ~*
أووف مالي نفس احضر الكلاسات
مر الوقت مثل السجاجين بقلبي
وكل ما افج المسن محد مطر أكيد يبا يتركني يوم درا بالخطبة وخذها حجه
مرت 3 ايام بدون شي يذكر ما عدا امي تحن ع الخطبة
أنزين انا بعدني ما كملت 18 سنة أووف
...
__DEFINE_LIKE_SHARE__

أشواق تائهة · 03-30-2012, 03:54 PM

هذي بارتات اليوم
لنا لقاء بعد اسبوع
حسب ظروفي
الخميس، جمعه، سبت
أبا اشوف الردود عشان أكمل
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM