ساعتها أعتقد تفهم غرام(ن) في شراييني - الصفحة 11

أشواق تائهة · 04-19-2012, 08:57 AM

بارت(29)
نزلنا وكان فاضي ومشاني لجهه شفت خالي ذياب يطالعنا
رحناله وحضنته
أنا: خالي شوف سلطان ما خلاني اسلم ع حد ولا شي يقولي مب لازم
خالي: لا شما لا تصيحي جي بتخربي شغل الحرمه الليي مسوتنه لج
سلطان: الحين انا ما اكفيج لازم تشوفيهم
أنا: ..
خالي: يلا شما تعالي معاي
وداني صوب غرفه فيها كراسي و بابين اللي دخلنا منه وباب ثاني مقابل لنا
قالي: يلا فضخي عباتج وتعالي معاي
أنا: وين ؟!
خالي: يلا
خالي رمس شوي بالفون ما سمعته لان سرحت شويه بالفستان
...
فصخت العباه وعطيتها ع كرسي من الكراسي وشيلتي بعد حسيت باحراج وخالي يشوفني لابسه جي كان فستاني
عاري وايد صوب الظهر أما من صوب الصدر كله فصوص وكرستالات و عقب ساده بس فصوص خفيفه لين تحت والذيل
كبير ماعرف كيف مشيت فيه جي
...
خالي: يلا
أنا: يلا بس وين
خالي: منيه من هالباب
مسك ايدي ومشينا للباب وفتحه
كان ظلام بس الاضاءه اللي مركزة علينا
كانت الاغنيه شغاله أظن اهي زفتي بس ما سمعتها كنت افكر
شفت امي وخالاتي وعماتي وكل البنات اللي اعرفهم وما عرفهم كلهم يطالعوني
والمصوره اللي صورتنا مساعه تصور
حسيت بخووف اول مرة اكون بهالموقف
بس شجعني خالي بإبتسامته وامي وخالي مها اللي يات تمسك لي الفستان من ورا
لين ما وصلنا للكوشة
قعدني وباس راسي وقعد حذالي
شوي وقالي: اشك ان الناس اللي ما يعرفونا حسبالهم انا ريلج
أنا: ههه
شوي وشفت امي وسلمت علي وتمو الناس يسلمو
شفت اسراء ربيعتي
إسراء تهمس بإذني: شو هالحركة تدخلين مع ريلج صراحه وايد حلوه
أنا: ههه اسوور هاا خالي مب ريلي
إسراء: صج
أنا: إيه عيل وين عهد ونورة والبنات
إسراء: عقب بيونج بستحوون ههه يلا انا بسير
انا: اوكي
...
خالي ذياب: انا بطلع اوكي
أنا: وتخليني انا خايفه

خالي: لا تخافين وترا سلطان مسوي لج وايد مفاجأت ونتي اخر من يعلم
أنا: ههه صج اخر من يعلم
شوي ويات مزنة ونزلت مع خالي وشايلين معاهم بنتهم نوافه فديتها
...

__DEFINE_LIKE_SHARE__

أشواق تائهة · 04-19-2012, 08:57 AM

بارت(30)
بعد شويات بدت الفرقه تعلن دخول المعرس اللي اهو سلطان
وشفت البنات والحريم يتغطون و مي يات صوبي
مي: يلا شما امي تقولج سلطان بيدش
أنا: زين بس ابي حد يوقف معاي
مي: زين انا بوقف معاج بس عاد لا تخافين خليج كوول شراتي
أنا: الله يعين لو كنت شراتج كوول
...
شفت سلطان داش بهيبته ولابس البشت وصوبه عمي حمدان و خالي ذياب وخالي ضاحي واخواني بس طبعاً ابوي مو معاهم ..
بدو يقتربون وقلبي كل ماله تزيد نبضاته
...
سلطان باس راسي وابتسم لي: مبروك
أنا: الله يبارك فيك
وسلمت ع عمي وخوالي وخواني
صورنا مع بعض وعقب طلعو
...
بعد شوي يات منال وقومتنا عشان نقص الكيك

انا: مب لازم مابي
سلطان: هيه مب لازم بنروح نحن يلا
منال: هو عكيفكم
يات خالو موضي: شفيكم
منال: يبون يروحون
خالو: ما عليه أميه قومو قطعو الكيك بس وقعدو شويه وبنزفكم لبرع
رحنا نقطع ومسك سلطان ايدي اللي كنت ماسكه ابها السجين
كانت الكيكه عبارة عن طبقات وفيها حروف اسماءنا انا وسلطان
...
تمينا شوي ورحنا ننزل
شفت امي وسلمت عليها وطبعاً لزم دموعي تنزل بدون ما احس بنفسي
سلمت ع اللي كان جدامي ورحنا نطلع
لبسوني عباتي
خالو موضي: يلا ما تبونا نسوي لكم زفيه بالسياريير
سلطان: يااميه نحن بنتم بالفندق هذا كيف اتزيفنا وبعدين يا حبكم للفضايح يعني لازم الكل يعرف انا اليوم زواجي
...
ركبنا للين ما وصلنا للسويت اللي حاجزنه سلطان لنا
...
الفرح فرحين وانتي الفرح الأكبر
ياهلا بك ياعروسي يـا مناتـي
قبلة الترحيب ، هاتي الخد الايسر
الشنب يخدش خدود موّرداتـي
ربي جمّعنـا وقـول الله أكبـر
سلطان: حي الله عروسي
أنا: الله يحييك
سلطان: شرايج بالمفاجأه
أنا: وايد حلوه حبيبي مشكور وايد
سلطان: كنت مقرر اليوم ومجهز كل شي من فتره طويله بس ما خبرتج
أنا: ..
سلطان: حتى الناس يوم عزمناهم قلنا لهم ما يخبرونج خاصه ربيعاتج
انا:..
سلطان: احبج يا بنت
أنا: ونا اموت فيك
سلطان: ننسى الماضي ونعيش ليلتنا
أنا: نسيته من اول يوم صرت ملكك ما قمت افكر بحد غيرك قلبي ملكته وصرت لك انت وبس
Cut
.
.
.
...
قمت الظهر صديت يمي شفت سلطان نايم
شيكت فوني كانت فيه مسج : " صباحيه مباركه يا عروس سلمي ع ريلج" كانت من نورة ياحبيلها ما نستني
خليته ورحت اسبح اليوم مسوين لمه عشاننا
...
قبل لا اطلع كتبت له عالجامه احبك وقلب كبييييييييير
...
شفت سلطان لما الحين نايم
قعدت عطرف السرير ما حب انشف شعري بالسشوار وانا واقفه ولا اتم ع الكرسي لازم سرير جي عادتي
...
أنا: سلطان يلا قووم يعني من السشوار ما قمت
سلطان:ماشي مابي اقوم ابي انام تعالي يمي
أنا: لا مابي توني سابحه وبتزهب لليمعه ولا نسيت ان لازم نروح نتغدى ببيت اهلك
سلطان: مب لازم وسحبني يمه
Cut
.
.
.
...
ع الساعه 3 ببيت عمي
أنا وسلطان: سلام
الكل: عليكم السلام
سلمت ععمي ومرت عمي وقعدت يمها
يات مي وسلمت
مي: يعني من ساعتين نترياكم متناا يوع
خالو موضي: ميووه يوزي عاد تراج تغديتي
أنا: لا خليها اصلاً سلطان ما قام من وقت عشان جي تاخرنا
مي: سلطان يعني اييه فهمت
سلطان كان يمها وضربها
مي: اي شفيك
سلطان: عن قله الادب ميووه
مي: اي قله الادب ما قلت شي انت اللي فهمت جي
قامت خالو
سلطان: وين وين
خالو: بحط لكم الغدا أكيد يواعى مب ماكلين شي
سلطان: ايه والله يماا تسوي خير يلا مي قومي مع امج
...
بعد الغدا
منال: يعني بتوقفي هالكورس
أنا: مادري يمكن بس ما أظن بيستوي ماعرف
سلطان: ماشي يمكن انا وقفت قيدج لهالكورس توجج عروس كملي الكورس الياي
أنا: يعني هالكورس ما باقي له شي ويخلص
سلطان: الكورس االياي كملي
مي: اي الكورس الياي بتقولها ابي ياهل وقفي الكورس واللي عقبه بتقولها تمي مع ولدي مابيه يتم روحه وعقب
درسيه بالمدرسة وبخلص عمرها وهيه ما كملت دراسة
سلطان: مي عن الشطانه ولا ترا الخيزرانه ما تقول لا
مي: تشطر ع حرمتك مب علي انا
عمي حمدان صرخ: مي
الكل سكت من صرخته
وقطع الصمت
سلطان : يلا نحن نترخص
خالو موضي: عوين
سلطان: بودي العروس تشوف اهلها وبنسري جدا دبي
عمي: خليهم يا حرمه سيرو ابوي بحفظ ربي استانسو وهالله هالله بشما ما وصيك عليها
سلطان: افا عليك ابويه شما بعيوني
رحت سلمت ع عمي وخالو وطلعنا
...

__DEFINE_LIKE_SHARE__

أشواق تائهة · 04-19-2012, 08:59 AM

بارت(31)
رحنا بيت يديده لان جريب يعني نقدر نروح مشي
بس ركبنا السيارة لان سلطان يبا يطلع مناك ع طول مب نرد جدام بيت عمي وناخذ السيارة وجي
سلطان: يلا دقي الجرس
انا: دشيت عطول لان الباب مفتوح يكون
رحت سيده بدش الصاله
بس
سلطان: شمووه وين و انا ؟!
انا: اييه نسيتك سوري دش الميلس انا بسير وبيي
دخلته الميلس و شغلت المكيف وجي ورحت الصاله بشوف العرب
أول ما بطلت الباب سلمت
حد رد وحد ما رد
سرت وقعدت يم خالو مها
أنا: شو تسوون
خالي ضاحي: نشوف الفلم شوفي عجيب
أنا: اها
شويه
خالي ذياب صرخ: شمااااااااااااااااااني حبيبتي
ويا حضني
وشوي شوي استوعبو اني موجودة
هههه
وسلمت عليهم وجي
وخبرتهم ان سلطان بالميلس فراحو خوالي يسلمون عليه
وتميت انا مع خالاتي وامي
أنا: حمد روح عمي سلطان بالميلس وانت خلوود سير سلم
حمد: مابا اسير روحي
خالد: ما بسير انا بشوف الفلم
اطالعتهم منصدمه منهم شو جدا بعد
أمي: سارت سكرت التلفزيون وقالتهم يسيرو وسارو غصب
...
أمي: هاا عسا مرتاحه
أنا: هيه الحمدلله
خالو مها: ها اشو صار البارحه
أنا: اطالعتها بنظرتي اللي هيه تعرفها عدل فسكتت
كلمت امي:عيل يديده وين ما شفتها
أمي: سارت ترقد
أنا: زين عيل بسير بشوفها
رحت وشفتها توها قايمة وسلمت عليها
وطلعنا
أنا: يلاا امايا مع السلامه
امي: بحفظ ربيه ديري بالج ع روحج ولا تزعلين ريلج
خالي ذياب: برايها تزعله بيرضى عقب بس عاد اهو لا تزعلها ترا ما عاد يعرف شو بيستويبه
سلطان: اعرف يابوك هذي شما غناتي ما بزعلها
خالي ذياب: يلا عيل سيرو عشان ما تتاخرو
...
وصلنا
رحنا صوب الفندق ع طول
سلطان: يلا بنزل الاعراض وبننزل نتمشى
أنا:زين
...
رحنا نتمشى بمول الامارات و ما تمينا وايد لان قلنا اول يوم والايام يايه
...
بالفندق
طلعت متسبحه اشوف سلطان يبتسم لي
أنا وأسير صوب التواليت : احس ناوي ع شي صح
سلطان: كيف عرفتي
أنا: ابتسامتك
سلطان: ههه هيه ناوي ع شي بس شي حلو
أنا: زين يلا وينه
سلطان: سيري صلي لين ما ازهبه لج
شوي خلصت الصلاه وكان ع السرير فستان أحمر حلو
قصته حلوه كان كله فصوص من ع الصدر وشرات الحزام أسود تحته وبعدين مفتوح يوصل لين الركبه تقريباً
لبسته و سرت ظهرت علبه الميك أب اللي كانت بالجنطة عدلت عمري و خليت شعري مفتوح وحطيت ورود حمرا ع الطرف
رحت بطلع للصاله
كان ظلام بس باين إضاءه الشموع
سلطان اييني من ورا ويحضني ويهمس بإذني: أحبج
أنا: وأنا بعد
سلطان:غناتي انتي فديتج
أنا: تظن أستاهل
سلطان: اذا انتي ما تستاهلي من بيستاهل
أنا: فديتك
...
وقضينا ليله من أحلى ليالي عمري كانت من تحضير سلطان
...
__DEFINE_LIKE_SHARE__

أشواق تائهة · 04-19-2012, 09:01 AM

أنتهيت من هذه الأجزاء سأكملها بإذن الله يوم الاحد
لنا لقاء
__DEFINE_LIKE_SHARE__

همسات قلبي تجرحني · 04-20-2012, 03:59 PM

اعجبتني الاحداث بانتظاركٍ عزيزتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM