ساعتها أعتقد تفهم غرام(ن) في شراييني - الصفحة 12

أشواق تائهة · 04-22-2012, 08:41 AM

بارت(32)
بعد مرور شهر
انا قاعده ما بين كتب الكليه وبحوثي لان طلعت شهر أجازة وقاعده اراجع كل اللي فات كنت بسحب ع الكورس بس ما يسوى اسحب وما بجى غير شهرين وأضيع تعبي
سلطان: شماني شي بخاطرج بسير بييب غدا
أنا: ماشي بخاطري غير سلامتك
سلطان: بس أنا بخاطري شي أحبج
أنا: عسى الرحمن لا يرحمني منك
سلطان: ماعرف متى بتتعلمين تطبخين وبتفكيني
أنا: يوم بحصل فرصه حبيبي
سلطان: زين انتبهي ع روحج لين ارد ولو صار اي شي دقيلي
أنا: اوكي
...
هذي توصيات امي وانتقلت لسلطان يحبي له
...
عطاري امي اشتقت لها امس ما رمستها
دقيت لها
أمي: هلا بالقاطعه
أنا: هلا بالغاليه افا بس انا اقطعج
أمي: هيه تقطعيني بس دام سلطان ما عليه رضينا
أنا: امايا ليكون تغارين من سلطان
أمي: هيه اغار انتي الغاليه بنتي حبيبتي
أنا: احبج ياميه والله ودي ارد انام بحضنج مثل قبل
أمي: لا حبيبتي انتي الحين لزم تدارين ريلج وتدورين رضاه وياويلج جان سمعت انج عصيتيه بكلمة
أنا: لا الغاليه ما بعصيه بس انتي بعد ارضي علي
أمي: راضيه عليج طول عمري
...
بعد ما تغدينا سلطان يايب الغدا من طباخ امه
سلطان: مصممه تداومين
أنا: هيه مصممه اصلا ما بقى شي
سلطان: ادري زين عيل باجر بوديج وبمر بنعدل اوراقج وبقولهم عشان عذر الغياب
أنا: ليش بلاها اوراقي
سلطان: قبل اوراقج اهناك تقول ان ابوج ولي امرج والحين انا استويت ولي امرج
أنا: عمره ابوي ما كان ولي امري حتى بالكلية مسجلة امي كولي أمر لي لو اي شي صار هيه اللي يخبروها ابوي ماله خص فيني
سلطان: يضل ابوج
أنا: بالاسم وبس
سلطان: ياليت افهم سبب واحد بس لكرههج لابوج
أنا: الايام بتعطيك الاسباب انا عن نفسي ماعرف ليش سكر الموضوع انقهر وايد من ينطرى هالطاري جدامي
سلطان: سيري ييبي لابج قعدي عليه اتسلي فيه انا بسير برقد
...
لا تحاتون سلطان ما زعل مني يوم قال هالعبارة بس هو يحب نوم الظهر وايد وانا ماحبه ولا اقدر ارقد بهالوقت حتى لو شو ما صار
...
شليت لابي من زمان ما فتحته امس طرشت سلطان اييب لابي من شقه امي لان ما يحب اقعد ع لابه يقول اسرار فيه ماعرف شو من الاسرار مخبي عني
...
اول شي سويته فجيت المسن
أنفجت صفحه لولو كاتبه لي
" اشتقت لج شموووه وايد وحشتيني بس ماقول غير ربي يوفقج"
وانا اشتقت لها هالانسانه لها بالقلب مكان كبير
بس ما كانت اون لاين خليت المسن مفتوح لين تدش
وسرت غيرت توبيكي
ڪنت آفڪـر إنـﮱ مآ آحب ۈَڵآ آعشق . .ۈَڵڪنـﮱ حبيتـﮧ . . *
...
رحت اكمل دراستي
بعد ساعه سمعت صوت المسن
...
اكيد لولوتي
كاتن محطيه فيس هاا المصدووم ههه
أنا: لولو اخبارج
لولو: شماني انتي داشه
أنا: هيه فديتج اشتقت لج
لولو: مي 2 اخبارج اعلومج
أنا: تمااام
...
بالليل
أنا: باجر بيي وفهميني ما فهمت
نورة: من صجج ما فهمتي
أنا: هيه
نورة: زين باجر بنكمل
...
سلطان: بل بل بل شو هاا كل هذا بتشلينه
أنا: هيه كتبي وكراساتي مال باجر
سلطان: بس مال باجر يعني اللي بعده كتب غيرهم
أنا: هيه الحين قوم ابا ارقد
سلطان: ماشي رقاد
أنا: بلا فيه
سلطان: زين يلا انام بنام بعد
...
__DEFINE_LIKE_SHARE__

أشواق تائهة · 04-22-2012, 08:42 AM

بارت(33)
باليوم الثاني
نورة: حي الله العروس
انا: الله يحييج
اسراء: بس خلاص راحت موضتها الحين ليش متاخره وبعدين احيد الاسبوع باجي منه يومين ليش ما داومتي من بداية الاسبوع
انا: تأخرت لان سلطان يابني بس عاد ليش ما داومت كيفي
اسراء: ههه زين قعدي
...
سلطان: هااا شو سويتي
انا: ماشي درست وجي تعال ما ييت تعدل الاوراق
سلطان: بلا ييت بس ما قلتلج
أنا: ليش كنت بيي وياك
سلطان: ليش يعني
أنا: بس جي
سلطان: المرة اليايه
...
أنا: ماماتي بلاج
أمي: ما فيني شي
أنا: يعني ما تبيني اييج واشوفج
أمي: لا مب جي بس انت لزم تكوني مع ريلج الحينه بعدكم معاريس
أنا: بس العروس مشتاقه لامها ما يصير وبعدين سلطان راضي
أمي: فديتج والله
رن فوني
أنا: هلا
سلطان: اهلين يالله انا برع
أنا: زين ما بتي
سلطان: بيي سوي درب
أنا: مامي سلطان بيي
أمي: حياه
...
سلطان: يلا عمووه اسمحيلنا
أمي: مسموح الغالي يلا اميه قومي ويا ريلج
أنا: زين يالله مع السلامه
سلمنا عليها وطلعنا
...
بالسيارة
سلطان: تعشيتي
أنا: ايه وانت
سلطان: وانا بعد ممم شما يعني امج بتم بالشقه طول عمرها
أنا: لقينا بيت وقلنا لا
سلطان: ابا اعرف عمي كيف جي سوا ليش يوم ضمن البيت باسمه طلق امج وحرمكم منه
أنا: ماعرف وبليز لا تفتح هالموضوع مرة ثانيه
سلطان: على امرج الغالية بس ابا اعرف ليش
أنا: سلطااااااااااااان
سلطان: زين زين بسكت بس ترا كل شي بمقابل اطالعني بنظرة
أنا: اطالعته وشوي يقرب مني
أنا: سلطان الطريق
سلطان: السيارة واقفه وصلنا من زمان
أنا: والله ما لاحظت . وييت بنزل بس مسكني
سلطان: ابا المقابل
أنا:...
سلطان: ههه يلا نزلي
...
دخلنا الشقه وسرت بفصخ عباتي
سلطان: وين
انا: بفصخ عباتي وبرقد باجر دوام
سلطان: ماشي رقاد محد قالج داومي
أنا سرت افصخ عباتي بالغرفة ولحقني
بعد ما فصختها وسرت صوب التواليت اشوف شكلي
ياني من ورا وضمني
سلطان: انتي حلوة بدون ما تشوفين شكلج بالمنظره
أنا: هيه قص علي
سلطان: هاا المكياج يا ويلج لو حطيتيه مرة ثانيه
أنا: اسير جي لووح
سلطان: لا اذا تبين بس حطي هاا جحل بس
أنا: مابي
سلطان: عيل لبسي نقاب وتغطي
أنا: لا لا لا لا
سلطان: ههههه وهمس باذني: احبج بكل احوالج
أنا: عضيت شفايفني :...
سلطان: تعالي
Cut
.
.
...
__DEFINE_LIKE_SHARE__

أشواق تائهة · 04-22-2012, 08:51 AM

بارت(34)
سلطان: شمااني يلاا قومي
أنا: ههم تعبانة مابي اسير مكان خلني نايمة
سلطان: شفيج
أنا: بطلت عيوني: ماشي ابي انام احس راسي يعورني
حط ايده ع يبهتي
سلطان: امبيه انتي حارة من متى
أنا: ماعرف
رديت اتلحف بس سحب اللحاف
سلطان: قومي بوديج المستشفى
أنا: لا مب لازم باكل بندول وبتروح
سلطان: ماشي بندول اهنيه يلا قومي
انا: ماقدر
حسيت فيه يشلني بس مالي بارض لشي
رش ويهي بماي خلاني شوي اصحصح
سلطان: بتتغسلين روحجج ولا اغسلج
أنا: لا بروحي
تم ماسكني لين غسلت ويهي واسناني
وعقب لبسني عباتي وشلني ماكان لي بارض اقوله شي وطلعنا للمستشفى
سلطان: يشغل السيارة: ليش ما وعيتيني يوم حسيتي بتعب
أنا: ماعرف خلني
سلطان: زين حاولي تمسكين روحج لا تنامي
...
انا: شو قالو
سلطان: انتي امس مب ماكلة شيي صح
أنا:...
سلطان: ليش كذبتي علي
أنا: ماكان لي نفس أكل
سلطان: زين جي الحين انتظري المغذي لين يخلص وبنطلع الحمى خفت عنج
أنا: باجي وايد
سلطان: لا اصلا انتي من ساعتين نايمة ما حاسة باللي حولج ما بقى غير شويه عليه
شوي ودشت الدكتورة
سلطان: هاا شحالها
الدكتورة: لا دي بأت كويسة بتأدرو تطلعو ديوأتي
شلت المغذي من يدي
سلطان: يلا قومي بسير بسوي اجراءات الخروج وبييج
...
سلطان: شو تبين تاكلين
أنا: مالي نفس
سلطان: شو تبين تاكلين
أنا: ماعرف ودني لامي باكل عندها
سلطان: زين
...
أنا: سلام عليكم
أمي: عليكم السلام
سرت قعدت عدالها وحطيت راسي بحضنها
سلطان: باس راس امي: سلام عليج عموه
أمي: عليكم السلام بلاكم جي شكلكم
سلطان: من بنتج من امس الصبح مب ماكلة شي وتعبت وارتفعت حرارتها ووديتها لمستشفى وحطولها مغدي
أمي: شمووه شفيج ؟!
أنا: مالي نفس امايا امس
سلطان: ماعليج منها انا بجبرها تاكل
أمي:سلطان خلها عندي اليوم بهتم فيها
سلطان: زين عيل انا بسير وبييج بالليل تبين شي حبيبي
أنا" فشله": لا
...
أمي: بلاج مالج نفس؟!
أنا: ولاشي
أمي: قومي لبسي بوديج المستشفى
أنا: ليش توني يايه
أمي: ابا اتأكد من شي
أنا قمت من حضنها : من شو
أمي: يمكن حامل
أنا: لا اميه مب حامل انا متاكده
أمي: تتطالعني بشك: متاكده
أنا: هيه متاكده وبعدين اليوم سوولي تحاليل ما قالو
أمي: زين يلا قومي بحطي لج ريوق
أنا: زين
...
خالد : اووه شما عندنا
أمي: هيه عندنا خلها ترتاح تعبانه
خالد: زين يلا ما تشوفين شر
أنا: الشر ما اييك اخبارك
خالد: والله تماام
...
بالليل
أنا: سلطان برقد اهنيه
سلطان: لا ماشي بمرج
أنا: انزين برقد اهنيه انت روح ارقد ببيت اهلك
سلطان: مابا ارقد روحي يلا بمرج ازهبي
أنا: زين باي
سلطان: وين باي خلج ع الخط عشان اتاكد انج ما بتنامين
أنا: زين ويت بحط السماعه
رحت شليت بدله حمراء ولبستها
سلطان: شما
أنا: هلا(شليت العباه وولبستها) آمرني
سلطان: أحبج
أنا: اموت فيك
سلطان: وينج بعدج متوله عليج
أنا: فديتك والله باجي شيلتي بلبسها وبنزل
شليت الشيلة لبستها
حطيت قلوس احمر وزيدته شوي أدري سلطان بينازعني
...
سلطان: وينج
أنا: كاني يلا .... سلطان
سلطان: هلا
أنا: انزل روحي بالدري
سلطان: انتي وين
أنا: بالغرفه الحين بطلع
طلع اشوف أمي
أنا: ماما انا بسير
واتجدم واشوف سلطان قاعد ويا امي
أنا: يوم انت اهنيه شحقه هالحركات
سلطان: مزاااج
امي: ههههه يحليلكم والله
سلطان: يسلم ع امي: يلا عمووه لا تنسين باجر اوكي
أمي :زين
أنا: يلا ماما مع السلامه وسلمي ع حمود وخالد
...
بالسيارة
سلطان يتحرك: شحالج
أنا: زينه تعال شو عندك ويا امي
سلطان: ماشي شي بيني وبينها
أنا: شو
سلطان: مفاجأه باجر بتعرفين
أنا: انزين قول
سلطان: شلون مفاجأة واقولج
شما: اووف
سلطان: ههههه
...
بالشقه
سلطان: تعشيتي
أنا: هيه
سلطان: ادري امج قالت
أنا: ويوم امي قالت شحقه تسأل
سلطان يقرب مني: بس جي
ابتعدت ولصقت باليدار وراي وكل ماله يقترب
مسكت صدره
أنا: سلطان
سلطان: عيونه قلبه آمري فديتج
أنا: ابعد
سلطان: ليش ما ببعد
أنا: عضيت شفاتي..
سلطان مسك شفايفي: ما يتسوي جي بيظهر الدم
أنا: ...
سلطان: احبج يا بنت الناس
Cut
.
.
.
...
__DEFINE_LIKE_SHARE__

أشواق تائهة · 04-22-2012, 08:58 AM

سيكون لي باااك خلاف مع بارتين __DEFINE_LIKE_SHARE__

أشواق تائهة · 04-22-2012, 11:13 AM

بارت(35)
:شماا
أنا: هممم
: يلا حبيبي قومي
أنا: سلطان خلني نايمة
سلطان: الساعه 1 الحين يلا قومي بسج رقاد
أنا بطلت عيوني وناظرته كان لابس كندوره وغتره
سلطان: اديت اللي يطالعني بعيون نعسانه
أنا: بسير بتغسل وبصلي وبرد
سلطان:زين
...
خلصت صلاه
سلطان: تقبل الله
أنا: منا ومنك .. اقول سلطان انت ياي من الدوام
سلطان: هيه ترخصت وييت اشوفج ادق لج موول ما تردين خفت عليج
أنا: ما انتبهت
سرت شليت فوني شفت 43 مس كول و3 مسجات
41 من سلطان ووحده من نوره ووحده من امي
والمسجات
وحده نورة تقولي" اتصلت عشان اشوفج ليش ما داومتي خفنا عليج عسى ما شر"
والثانيه من سلطان يقولي" يوم بتنشي كلميني" كانت الساعه 7 ونص
والثالثه إعلان
...
أنا: ههه يعني خفت علي
سلطان: هييه وايد خفت لا يكون صار لج شي أبد مايا ببالي انج نايمه ويوم ييت ادش الحجرة اشوفج راقده بتعمق بعد زقرتج وايد ما رديتي آخر مرة نشيتي
أنا: يمكن من التعب ماعرف
سلطان: هههه يلا قومي لبسي بنطلع مابا ارد الدوام
أنا: الحينه وين بتسير
سلطان: بنسير بتغدى ببيت اهلي يلا قومي
...
وقفت جدام الكبت ابا اشوف شو البس
طلعت جلابيه بيج وفيها ورود حمرا وعبايه ساده وسكارف أحمر
...
بعد ما خلصت طلعت الصاله
أنا: انت بتسير جي ما بتبدل
سلطان: جي بنت انا كل شوي بلبس تراها نظيفه
أنا: ههه فديتها البنوته
سلطان: شما بس
أنا: زين يلا انا خلصت
سلطان: انا ماخذ ياهل شو هذا بعد لبسي شيله سودا شكلج بيبي جي
أنا: انت خذيتني وانت تدري اني بيبي بعدني ياهل
سلطان: فديت الياهل انا
...
أنا: ما بننزل
سلطان: مابا افارقج شما
أنا: من ياب طاري الفراق الحينه ولا اتيبه مرة ثانيه
سلطان: ان شا الله بس أنتي اوعديني ما تفارقيني
أنا: وعد وعد ما افارقك
...
أشتاق لك وآنا معك .. كيف أفارقك ؟ واسمك هنا في وسْط قلبي طبعته
...
انا وسلطان: سلام عليكم
الكل: عليكم السلام
سلمنا على عمي ومرته و سرت سلمت ع ميووه ومنال
اما سلطان يلس يم عمي وتمو يسولفو
منال: اخبارج من زمان ما شفناج
انا: والله موجودة انتو اللي ما تسألون، هاا مي اخبار الدراسة ثانويه الحينه
مي: زينه زينه لا تحاتي
منال: هيه وعقب ترا صعب وصعب بنشوف عقب شو بتسوين
...
سلطان: لا ابوي كل شي تماام مثل ما اتفقنا
عمي: زين عيل الموضوع عندك
مي: شو السالفة
سلطان: وانتي شلج
منال: مي ليش اللقافه
مي: زين ما قلنا شي نبا نعرف بس
سلطان: يوم بيكون عنج بتعرفين اول وحده لا تحاتي
خالو موضي: يلا أحطي الغدا
سلطان: هيه بنتغدى وبنسير
مي: وين وين تونا شايفينكم
...
بعد الغدا
خالو موضي: أخبارج شما
أنا: تماام خالو الحمدلله
عمي: الحمدلله
منال: شما ابيج بسالفه تعالي الحجرة
سلطان: لا لا الحينه بنروج نحن
منال: بسرعه
سلطان: قلت الحينه بنسير
أنا: خلاص منال عقب بدق لج زين
منال: هيه اوكي بتريااج
سلطان: يلا في داعه الله
عمي: بحفظ الكريم
...
بالسيارة
أنا: شفيك مستعيل يعني
سلطان: ما تبين المفاجأة
أنا: ابيها بس ابا اسمع لمنال
سلطان: عقب اتصلي بها بتقولج وبعدين تراها ما عندها سالفه
أنا: انت تعرف
سلطان: هيه واحد متقدم لها تباج تعرفين
أنا: اها منو؟!
سلطان: مب لازم تعرفين نحن رفضناه
أنا: اها وين بنسير الحينه
سلطان: بنمر قوم أمج وبوديكم مكان
...
يوم وصلنا
سلطان: دقي على أمج خلهم ينزلون
أنا هزيت راسي ودقيت: هلا ماما يلا نحن تحت
أمي: يلا زين بننزل
...
بعد شوي
اركبو أمي وخواني
أمي: سلام عليكم
أنا وسلطان: عليكم السلام
سلطان: شحالج عمووه
أمي: بخير دامكم بخير
حمد: شما وين بنسير
سلطان وهو يتحرك: انا بوديكم مب شما
حمد: انت ما يخصك انا اكلم شما
انا: حمودي حبيبي عيب هذا عميــه
حمد: ماباه ليش ما يخليج تنامين عندنا ماحبه
سلطان وهو يلف: زين اذا خليتها تنام عندكم بتحبني
حمد: بحبك بس لو شليتها ما بحبك
ضحكنا كلنا على تفكيره
...
وقف سلطان جدام بيت وقال: يلا نزلو
أنا: وين
سلطان: حبيبي يلا ننزل
نزلنا كلنا
خالد: منو اهنا أخييه يايين تزورون حد جان قلتولي ما بيي
سلطان يبطل باب البيت : يلا دشو بالريل اليمين
دشينا
مسكت سلطان: حبيبي
سلطان: هذا البيت بيتج سجلته بأسمج
خالد: ودام بيتها وسجلته بأسمها شحقه يايبنا
حمد: شما شما شوفي في حديقه مناك
صديت صوب ما يأشر: هيه حبيبي حلوة
سلطان: انا سجلته بأسم شما عشان تسكنوون فيه لو خليته بأسمي ما بترضون
أمي: وليش يا سلطان ما
يقاطعها: عمووه لو تعزيني وتعتبريني ولدج ارضي
أنا: هيه ماما وافقي عشاني
أمي: بوافق بشرط انتو تسكنوون معانا
سلطان: موافق بس عاد ما بنودر الشقه وبني نزوركم وبنقيل معاكم بس بنبات بالشقه زين جي
أنا: هيه أمايا يلا بليز
أمي: زين بس اتوون معانا
أنا: علني فدااج يا امايا
سلطان: يلا دشو
دشينا كان البيت وايد حلو من داخل
الاثاث وطريقه البيت حلوة
خالد: انا بسير فوق بشوف الغرف
حمد: شما شما تمي معانا زين لا اتسيرين مع هذا ماحبه
شما: نحن شو قلنا مو هذا عمييه لازم تحبه
حمد: بس انتي ما تقولين له عمييه
أمي: لانك صغير وهو كبير لازم تقوله عمييه صح
حمد: هيه صح
سلطان: يلا عمووه روحو فوق شوفو
راحت امي فوق وشلت معاها حمد
...
سلطان: حبيبي شرايج بالمفاجأه
أنا: وايد حلوة
سلطان: كنت حاسب حساب أمج تجبرنا ان نتم اهنيه فسويت لنا غرفه تعالي شوفيها
أنا: اوكي
...
سلطان: ماعرف انا قلت هااي الغرفه لج عمووه و الغرفه اللي اهناك لخالد وحمد والغرفه اللي بأخر هالممر بتكون لي ولشما
خالد: ابا اسير اشوف غرفتكم
أمي: عيب خالد
خالد: شو عيب أمااه هم شافو الغرف مالنا بنشوف غرفهم وبعدين ليش مخلينها بعيد
سلطان: خليه عمووه سير شوفها
خالد: ترا ان عيبتني باخذها
سلطان: فداااك
...
أمي: زين جي يمكن صدق تعيبه وياخذها
سلطان: لا ما أظن
شوي ورد خالد: لا خلاص ماباها ما عيبتني حجرتي هذيج حلوة
سلطان: يهمس بأذني شفتي
انا: هههه
سلطان: يلا شما سيري شوفي حجرتج وانا بسير الشقه بييب أغراضكم عمووه زاهبات صح
أمي: ما ودنا نكلف عليك
سلطان: تبيني أزعل الحينه هاتي المفتاح
أمي: هااك حاطين الجناط ع الطرف يوم بتدخل
سلطان: زين يلا انا بسير ديري بالج ع شما
أنا: شما ما تبا حد يدير بالها عليها
سلطان: مب ع كيفج
...
بعد ما سار
أمي: عيل وين خالد وحمد
أنا: اكيد بالحجرة
أمي: يلا قومي بنشوف حجرتج
أنا: زين
...
كانت الغرفه كأنها جناح لحاله أول شي شرات صاله فيها غنفات حمرا وورديه وفيها الحماام وباب اللي يودي لغرفه النوم
غرفه النوم كانت وايد واسعه وفيها سرير أحمر وكل شي أحمر بأحمر
عشان جي خالد ما بغاها ههه
...
أمي: عليج بالعافيه حبيبتي
أنا: تسلمين أمايا
...
بالليل
سلطان: هاا خالد شو رايك
خالد: والله تماام الأهم انه قريب من بيت يديده عشان اطلع ويا الربع نلعب
أمي: هيه الحينه مووليا ما بيقر بالبيت
أنا: لا يماا هو ريال البيت ما بيتأخر برع صح
خالد: هيه صح
سلطان: عيل حمد رقد
أمي: هيه رقد باجر متعود يرقد من وقت مع انه باجر إجازة
سلطان: يلا نحن بنسير خالد أتأكد من البيبان مقفوله قبل لا ترقد
خالد: ان شا الله
إمي: وين باتو اهنا
سلطان: ما يبنا اغراضنا اهنيه باجر بنييب اغراضنا عشان لو صار شي بنكون اهنيه وانا قلتلج عمووه ما بنبات وايد اهنيه
أنا: يلا عيل مع السلامة
...
أنا: سلطان الموضوع اللي كنت ترمس ويا عمي عنه كان موضوع البيت
سلطان: هيه
أنا: مشكور
سلطان: حبيبي ما بيننا هالسوالف
أنا: فديتك حياتي
سلطان: تحبيني
أنا: اعشقك
سلطان: فديت قلبي انا
...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM