ساعتها أعتقد تفهم غرام(ن) في شراييني - الصفحة 4

أشواق تائهة · #1 04-10-2012, 10:19 AM

بارت(11)
...
طلع خالي وسمعت
: كلولولوولولولوش
مزنه: لازم نزقر ذياب يعني
أنا: هيه فديته محد يريحني غيره
مزنه: تتفدا ريلي عادي اتفدا سلطان الحينه
أنا: لا طبعاً خالي بتفداه عكيفي بس سلطان اش يقربلج
مزنه: ولد خالي هههه
...
بعد فتره
طلعت مشيت بين الناس اللي حاضره
شفت خالاتي ويدتي وعماتي وبناتهم
شفت منال وأمول وأصول نوف حبيبتي
يالله شكثر أحبهم
بس ابوي ليش مايا ع الاقل هو اييبلي الكتاب اوقع ولا بس فايج يجبرني ع الزواج
أنقطع حبل ذكرياتي يوم سمعت
: شمووه مبروك حبيبتي وعقبال ما اشيل عيالكم
كانت نوره
قلتلها: الله يبارك فيج نسيت اطمنج عني
نوره: هيه واتصل بج ما تردين واتصلت بامج ودلتني ع بيتكم ها بيتكم
أنا: لا بيت يدتي
نوره: اها
شوي يوو الحريم يسلمون علي
مي: شما ترا بيدش سلطان الحينه
أرتجفت
يات امي وقالتلي اووقف
وقفت شفته يمشي بكل شموخ
قلت بخاطري:" هاا مغرور شو
باس راسي: مبروك
بلعت ريجي : الله يبارك فيك
قعد ومسك ايدي
كنت بسحبها بس رص علي
قلت بخاطري:"مغرور وما قلنا شي بعد قليل ادب شو هاا
تمينا فتره
دشو خوالي يسلمو
ويوم وصل حقي خالي ذياب تمسكت فيه حضنته بقوه ورد لمني كانه يطمني
شوي هديته وباسني ع راسي وطلعو
ما كنت اقدر ارفع راسي أخاف اطالع سلطان
منال: يالله بتلبسو الدبل
أنا بخاطري:" بمسك يده يعني لا وبيمسك يدي اه
شل الدبلة من اخته ومست ايدي ودخلها
يا دوري ترددت بس
منال: يالله شمووه ماحيدج جي حياوية
كنت بصفعها شو جي تقول
حطت الدبلة بايدي بس لمحت اسمي مكتوب عليها طالعت الدبلة بايدي شفت سلطان مكتوب عليها
حركة حلوه
رفعت راسي شفت ابتسامته ريحتني مسكت يده ودخلت الدبلة ييت بشل يدي
بس سحبها وباسها
بلجت ريجي
تمينا فتره بعد فاجأني : شحالج شما
قلتله بصوت اشك انه سمع: بخير
شوي يات خالو موضي اللي هيه ام سلطان سلمت علي ولوت ع سلطان ويلست تصيح
أبتسمت شكثر الناس فرحانه بس انا مب فرحانه انا ابي مطر مابي سلطان
__DEFINE_LIKE_SHARE__

أشواق تائهة · 04-10-2012, 10:20 AM

ألتقي بكم باجر مع بارتات يديده __DEFINE_LIKE_SHARE__

بس كيفي~ · 04-11-2012, 12:47 AM

مرحبآآنــــــــــــــــــــــــي ^^
شحألج ..عسآج بخيير وعآفيه

قصصتج رووعـــه فوودييتج
ونتريآآج بآآجر لاتبطيييين علينآآ
__DEFINE_LIKE_SHARE__

أشواق تائهة · 04-11-2012, 09:58 AM

بارت(12)
أمي: زهبت لكم الميلس يلا
قمنا وقعدنا بالميلس
قعدت ع أول غنفه شفتها وقعد حذالي بس بيننا مسافه
قمت من تفكيري يوم سمعت: شما شفيج
قلت لا ارادي: مطر مافيني شي
طالعني وطالعته
: بس انا مب مطر انا سلطان
بلعت ريجي وسكتت
سكت مر وقت لا رمست ولا رمس هو
يوم يات الساعه 12 وقف
سلطان: انا بسير بس بتفاهم معاج عقب باي ياحب مطر
ما حسيت الا بصفعه قوية ع ويهي
طلع وطلعت معاه كل حلم اني برتاح بوجوده بس مطر حبيبي
مستحيل أخذه بعد ما صفعني شو يحسب الدنيا سايبه
...
لا تهدم أحلامي وأنا اللي قد ينيتك يا حلمي إللي ما اكتمل من صفعتك
...
قلت بخاطري:" احسن اتي منك ولا مني واتطلق واخذ مطر
طلعت بعد فتره وقعدو يسالوني
شو سويتو وشو رمستو ومادر يشو بعد
رحت حجرة خالي ذياب اللي قبل لا يعرس كانت فاضية وهو بنا ملحق بالحوي
قفلت الباب وتميت اصيح واصيح لين ما نمت
قمت الصبح أخ راسي بينفجر شفت فوني وايد مس كولات من خوالي ومن أمول وأصول و منول ونوره بعد
سرت بسبح وشفت عمري بالمنظره أميييييييييه من ذي تخرع
الميك أب سايح و دموع و غير الفستان نمت بدون ما ابدل
دشيت الحماام وسبحت وغسلت ويهي عدل وطلعت
لبست لي جلابيه عنابية وااو من زمان ما نمت اهنيه بغرفه خالي من ايام الثانويه العامه
بس ملابسي كلها اهنيه لان احس براحه وايد يوم اتم اهنيه
...
طلعت برع شفت فارشين مفرش للأكل بالصالة لحظة جم الساعه صديت أشوف الساعه فوقي شفت الساعه
1 ونص
أكيد مرت خالي اهنيه عسب جي بناكل الحريم جماعه بحجرة يديده والرياييل بالصالة
صديت صوب الباب اللي انفتح
خالي ضاحي: صباح الظهر توه الناس
أنا: ههه
خالي: شكلج مول ما رقدتي أكيد سلطون مو مخلنج صح
أنا هزيت راسي : أنا بسير اشوفهم سي يو
خالي: سي يو
...
دشيت الحجرة شفت مزنه ويا بطنها وايد باين شكلها قريب بتربي
أنا: سلام
مزنه: عليكم السلام حي الله العروس
أبتسمت بداخلي:" ما تدرين يمكن بعد شوي بصير مطلقه
نوف مسكتني وشليتها وبستها
نوف: مابيج ابا بابا
أنا: يوم تبين بابا ليش ماسكتني سيري له برع
مزنه: تراها ما تروم تفتح الباب عشان جي تباج توديها
أنا: ماشي الحينه غدا انتي اذا كلتي بوديج الالعاب ويا بابا
مزنه: لا توعديها ترا ذياب بيسير بوظبي باجر
أنا: زين انتو ما بتسيرو صح
مزنه: لا ماروم أخاف اربي
خالو مها دشت ويلسو يحطو الغدا
أنا: عيل امي وين
خالو مها: معزومة عند ربيعتها يات مساعه بس انتي راقده
خالو كلثم: هاا شحالكم بعد البارح
أنا: تمام
...
__DEFINE_LIKE_SHARE__

أشواق تائهة · 04-11-2012, 09:58 AM

بنزل بعد ساعه بارتين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM