ساعتها أعتقد تفهم غرام(ن) في شراييني - الصفحة 14

أشواق تائهة · 04-23-2012, 10:58 AM

المشاركة الأصلية كتبت بواسطة بس كيفي~

تسلميييييين خيتؤؤ ع البآآرتآآت ^^ يعطييج العآآفيه~

ألله يسلمج .. ويعافيج وإن شا الله أعجبتج
.. تسلمين ع الرد __DEFINE_LIKE_SHARE__

أشواق تائهة · 04-23-2012, 10:59 AM

باليوم الثاني
الدكتورة: كم صارلج متزوجه
أنا: يمكن 6 شهور وشويه
الدكتورة: اها " الممرضة عطتها اوراق التحالييل" مبروك حبيبتي انتي حامل
أنا: الله يبارك فيج
مزنة: بأي شهر هيه الحينه
الدكتورة: بالرابع بس انا مستغربه انها مب حاسه بروحها
أنا: ماعرف ماحسيت
الدكتورة: عادي هالشي يحصل
مزنة: يلا دكتورة توصينها عشي
الدكتورة: بس انها اتدير بالها ع روحها ولا تتعب عمرها خاصه باول الشهوور
أنا: إن شا الله دكتورة ومشكورة
...
بالسيارة
خالي ذياب: يعني بعد جم شهر بيي ياهل يديد لنا
مزنة: هيه بس انت لا تخبر حد
أنا: هيه لا تخبرو حد انا بخبرهم
خالي: ان شا الله حبيبتي
دق فوني
أنا: هذا سلطان
مزنة: ردي عليه وقوليله انج بالشقه الحينه بنزلج
أنا: هلا سلطان
سلطان: زهبتي الاغراض
أنا: هيه زهبتهم توني مخلصه
سلطان: انتي وين الحينه
أنا: بالغرفه
سلطان: اها انا بخلص الدوام وبيي
أنا: زين
وسكر
أنا: جذبت عليه ما يتسوي كله منج مزوون
مزنة: اليوم بالليل بجو حلو خبريه بالخبر وفهميه
أنا: إن شا الله
...
نزلت من السيارة ومشيت للبناية وركبت المصعد
طلعت المفتاح ودخلت الشقه رحت الغرفه بفصخ عباتي
دخلت شفت سلطان قاعد
أنا:بخاطري" الله يستر" حبيبي
سلطان يقترب مني ويمسك شعري: هذا اللي يوثق فيج وياخذ وحده لووووث حقيييييييييييييرة شراتج ماعرف جم واحد مكلمة و شو مسوية بعد
أنا: ما اسمحلك انت فاهم غلط
سلطان: مب فاهم غلط
أنا: سلطان يعور دخيلك
سلطان: طوفي جدامي
لبست الشيلة وسحبني منها للين سيارة
أنا: سلطان
سلطان: جب
أنا: افهم
سلطان: قلتلج جب ما تسمعين
أنا: " الله يسامحج يا مزنة"
وقف جدام بيت امي
سلطان: نزلي يا حيوانه
ييت بنزل
وقفني يوم قال: أنت طـــــــــــــــــالق
...
طالق
طالق
طالق
طالق
طالق
طالق
...
هذي اللي كانت تتردد بإذني
...
أمي: هاا عيل وين سلطان ما بيي
أنا: لا ما بيي
أمي: زين سيري بدلي وتعالي اتغدي
أنا: مالي نفس ابا ارقد محد يزعجني
أمي: زين نوم العوافي
ابتسمت لها غصب
...
رحت للغرفه وقفلت الباب
تميت افكر واصيح ماعرف لين متى أخر شي ما حسيت بعمري الا ونايمه
...
قمت الصبح خليت كل شي عادي
لازم افهم سلطان
...
أمي: صباح الخير امس ادق عليج ما تردي
أنا: هيه نمت ما حسيت
أمي: زين تعالي اتريقي
كلت شويه عن خاطر امي وقمت
أمي: سلطان ما بيي اليوم
أنا: ماعرف هو بالدوام الحينه
أمي: اها
...
بعد 3 ايام
كنت متصله بخالي ذياب عشان ايي واخبره
أمي: حي الله من يانا
خالي: الله يحييج ياختي ومبروك ع
حسيت كأنه بيقول عن الحمل ودزيته عشان ما يقول وزين انه فهم
أمي: الله يبارك فيك بارك لشما لان البيت بيتها هيه
أنا: اماه البيت بيتج انتي
دق الجرس
قام خالي بيفتح بس امي حلفت عليه ما يقوم
وسارت هيه تفتحه
خالي: شما شو السالفة ليش ما خبرتي امج للحين
أنا: لان في شي صار انت لازم تعرفه
خالي: شو
أنا: سل
قاطعتني امي وهيه اتي صوبي معصبه امسكتني من شعرني وتمت تهزني: يا حيواااااااااااانه حقيرة أنا االلي ماعرفت اربيج فضحتنيييييني
مسكني من يدها خالي: بس ذبحتيها
أمي: ياليتها تموت وتريحني
خالي: حد يتمنى لضناه يموت انتي ما تحسين
انا طحت ع الارض اصيح
أمي: لانك ما تعرف شو مسوية سلطان يايب ورقة طلاقها ويقولي انتي ما عرفتي تربين بنتج وشوفيها مع منو تطلع وتدخل
خالي: انتو الاثنين ما تستاهللللللللللوونها انا باخذها معاي
مسكني خالي: يالله شماا قومي معاي
ما حسيت بعمري إلا بالمستشفى
بطلت عيوني
خالي ذياب: حمدلله ع سلامتج
أنا: الله يسلمك" حطيت ايدي ع بطني"
فقال: لا تحاتين الحمدلله ما صار له شي
أنا: لو صار له شي بمووت
خالي: لا تفاولين ع عمرج
أنا: شو صار
خالي: سلطان طلقج
أنا: اعرف يوم رجعت ذاك اليوم من المستشفى هزبني ولا رضى يسمع مني
خالي: هو اللي بيندم اصلاً هو شاك فيج وشكله مسك عليج شي يمكن بموضوع مطر
انا: لا هو يدري بالموضوع من زمان ولا تزوجني الا وانا نسيته وتركتته في شي أكبر من مطر صاير ماعرف شو
خالي: انسي الموضوع انا بتفاهم معاه بس انتي الحينه لازم تصيرين زينه وانا بوديج معانا بوظبي
أنا: ليش
خالي: والله ما خليج اهنيه بتين معاي انا بسير بخلي الدكتورة اتي هيه قالت يوم بتنشين تقدرين تطلعي
أنا: زين
...
__DEFINE_LIKE_SHARE__

أشواق تائهة · 04-23-2012, 11:00 AM

ألقاكم الأربعااء بإذن الله لاني باجر ما رح أكوون متواجده بسبب ظروف دراستي __DEFINE_LIKE_SHARE__

بس كيفي~ · 04-24-2012, 04:14 AM

تسلميييين غلايه ع البآآرت ..ونتريااج يوم الاربعاء بأذن الله

وها سلطاان يقهر الصرااحه ليش جي طلق بدون لايسمعهاا..
__DEFINE_LIKE_SHARE__

AL FRAAG · 04-25-2012, 01:03 AM

الباارت طرر وروايتج طرر

امم ابي البارت الحين فيني فضول ابغي اعرف ههه
نتريااج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM