ساعتها أعتقد تفهم غرام(ن) في شراييني - الصفحة 20

أشواق تائهة · #1 04-29-2012, 08:56 AM

لي باك بعدين مع كذا بارت __DEFINE_LIKE_SHARE__

أشواق تائهة · 04-29-2012, 09:52 AM

بارت(48)
سلطان: سامحيني
أنا: مسموح بس عااد وايد أعتذرت خل نفسك عزيزة عشان النااس ما تذلك
سلطان:إذا انتي اتذليني عادي
أنا: فديتك
سلطان: من زمان محد اتفداني
أنا: وشوق
سلطان:" تغير ويهه" شما اذا انا معاج لا اتيبي طاريها
أنا: انت ما لقيت من تاخذه عقبي غير هاااي
سلطان: امييه أصرت عليه
أنا: أمك من يومها تباك تاخذها
سلطان: بس محد دخل القلب غيرج والله اني بغرفه وهيه بغرفه وكله هيه ويا ربيعاتها
أنا: ماخذتنك عشان تتشمت فيني
سلطان: ما عاش من يتشمت فيج وانا حي
أنا: لا صدق انا اعرف من يوم ملجتنا وهيه تتحلف فيني اني ما بدوم معاك
سلطان: وليش ساكته
أنا: مابا اسوي مشاكل مع اهلك
سلطان:
يَا حُبّي الأوّل وَالأخِير تَدري فِي غِيابِك وِش يِصيرْ ..
تِظلم فِي عِيني دِنيتي وَأصبِح بَلا شُوفـك ضَريـرْ
وَحشنِي صُوتك يَاغلاي يَا فَرحِي وَبسمَـة شِفـاي ..
تِوحَشني يُوم انتَ مَعاي وَتخيّل إن غِبت إِيش يصِيرْ
أنا: فديتك حياتي
سلطان: ونتي ما تبين تقولي شي
أنا: اشتقت لأمي
سلطان: وأنا اشتقت لابوي
أنا: في بيننا فرق انا مظلومه وانت كنت لي الظالم وأمي ظلمتني وكل حد تخلى عني أفج فوني أتريا اتصال محد يسأل عني أمي تخلت عني بسبب ظلمك لي بس أبوك تخلى عنك لانك كنت ظالم ونت تستاهل
سلطان: أستاهل الجرح اللي ايي لي منج أغلى الناااس
أنا: لولا اني خفت من ربي كنت بحرمك من ولدك طول حياتك تشوفه ولا تدري انه ولدك بس خفت لا يصير فيه نفس اللي صارلي يعيش دون أب ويضيع ولا يلقى الحناان أنا الله عوضني فيك بس هو من بيكون له
سلطان: الله يقدرني أسعدكم انتي وولدي
أنا: يمكن تكوون بنت
سلطان: وبنت حياها الله بس شرط
أنا: بعد تتشرط شو هو شرطك
سلطان: تشبه أمها
أنا: هههه
سلطان: أحبج يوم تتغير نفسيتج بسرعه
أنا: أحبك
سلطان: عسى الله لا يحرمني منك
أنا: ولا منك
سلطان بخبث: انتي جنيتي ع نفسج
Cut
,
.
.
...
__DEFINE_LIKE_SHARE__

أشواق تائهة · 04-29-2012, 09:54 AM

بارت(49)
بعد مروور اسبوع
سلطان: شمـــــــــا شمااااا يلا قومي
أنا: ابا ارقد خلني
سلطان: انتي ما تشبعين رقاد يلا قوومي
أنا:" بطلت عيوني" جم الساعه
سلطان: الساعه 10 وشي
أنا: بسبح وبيي زين
سلطان: زين
...
بعد ساعه
قاعده أنشف شعري وأعدل عمري
سلطان: " يااا وراي" حلوة حلوه
أنا: تدري أشتقت لهالكلمة كل ما اوقف جدام الجامة تقولي نفس الكلام انتي حلوة حلوة ما يحتاي تتعدلين
سلطان: هيه هههههه
أنا: شفيك تضحك
أنا: شكلج غير اليوم أحسج تعبانه ماعرف بس غير حتى صوتج مبين عليه تعبان
أنا: هيه ترااه ما رقد أمس كله يرافس
سلطان: وانا اقول شفيها خفت لا أسألج وتكوني راقده واوعيج
أنا: لا انا ما كنت راقده يمكن ع الصبح جي رقدت
سلطان: لو اعرف ما وعيتج
أنا: لاعاااادي رمست خالي ذياب
سلطان: هيه رمسته سأل عنج يقول متى بتربي
أنا: هههه سألت عنه العافيه عشو مستعيل
سلطان: تبين تروحي صوبهم
أنا: لا مافيني حيل أطلع "أطالعه بعين تعبانة"
سلطان: تبين تروحي المستشفى
أنا: لا شو اسوي
سلطان: أنتي الحينه بأي شهر
أنا: بأخر الثامن يمكن جي يعني
سلطان: هيه الله يقومج بالسلامه
أنا: "أبتسمت له" مستانس
سلطان: هي والله مستانس ودي بياهل منج
أنا: " مسكت بطني" أه
سلطان: "مسك إيدي" شفيج
أنا: ماعرف بطني يعووورني أه أخاف اني بولد
سلطان: قومي بوديج المستشفى قومي
لبسني العبايه ومسك إيدي
...
بالسيارة
سلطان: تحملي شما تحملي
أنا: ما قدر سلطان
سلطان: بتصل بخالج بخبره إييب حرمته
" مسكت عمري عشان ما أزيغ سلطان"
سلطان: ذياااب دخيلك تعال انت ومزنة المستشفى ال,,, ....... هيه ماعرف شما تعبانه روحي ماعرف شو اسوي ......... بسرعه انا ترا وصلت يلا باي....
سلطان: يلا شما قومي
" نزل من السيارة وييااا صوب الباب" مسكني ونزلني
أنا: سلطان لو صار فيني شي دير بالك ع ولدي زين
سلطان: لا تقووووووووولي جي شمااا تحملي شويه نيييييرس تعالي
...
__DEFINE_LIKE_SHARE__

أشواق تائهة · 04-29-2012, 01:41 PM

البارت (50)
أول ما بطلت عيوني:" أشوف سلطان " سلطان
سلطان: شما قمتي حمدلله عسلامتج
أنا: الله يسلمك وينهم؟!
سلطان: عند الممرضة من جي ياج العووق من وقت ثرج حامل بتووم وأنا ما اعرف
أنا : والا انا اعرف " حاولت أوقف" أه يعورني
سلطان:" يمسكني" لا تتحركي بعدج تعبانه " يدوس ع الزر الي وراي" بخلي الممرضه اتيب عيالي
أنا: كلهم بنات صح
سلطان: هيه
أنا: تراني ما حسيت الا ع وحده الثانيه ما حسيت فيها البنج سوا فعايله
سلطان: ههه
أنا: عيل قوم خالي وين
سلطان: انا قلتلهم يروحو بييوج عقب حرام مزنة من متى عندج
أنا: هيه
"شوي دشت الممرضة اتدز سرير البناات"
سلطان: وكاهم يوو " يقترب منهم ويطالع الممرضة" خلاص أنا بكمل مشكورة
الممرضة: العفو" اتي صوبي" وانتي كيفك هلأ
أنا: زينه شلون بناتي
الممرضة: كويساات
"طلعت الممرضة"
سلطان:"يعطيني وحده من البنات" هااي مب بنتي
أنا:" أشلها وأطالع سلطان مستغربه" شو بعد مب بنتي سلطان هذي تشبهك واااااايد
سلطان:" ماسك البنت الثانيه" هذيك شعرها في شقااار ع بني مب شعرها اسود مثلي ماحبها أحب هذي شوفي شعرها شراتي
أنا: هههه ترا خالاتي وخوالي جي شعرهم طالعه علي هذي بشعرها
سلطان: هييييه نسيت خالج ضاحي جي شعره
أنا: هيه سلطان عطني هذيج الشيله برضعهم
سلطان: " يعطيني وهو شال بنتي الثانيه" هااج
...
خالي ذياب: مبروك ماياكم
أنا: الله يبارك فيك
مزنة: شحالج الحينه
انا: الحمدلله استويت زينه بس بعدني احس بألم
مزنة: طبيعي هالشي سلطان مبرووك ماياك
سلطان: الله يبارك فيج
مزنة:" اتسير صوب سرير اليهال تبا تشلهم"
سلطان:لا ما تشلين حد أدريبكم تغاروو ما عندكم تووم تبو عيالي
أنا: هههه سلطان خلها اتشلهم حرام عليك
خالي: جنه محد ياه عيال غيره
سلطان: نسيييييت شو سويت يوم ياتك بنتك نووف
أنا: ههه سلطان تعال يمي
سلطان: لا داام حبيبتي تباني يمها بيي بس ياويلكم إذا شليتو وحده منهم البيت ياويلكم
خالي: بنحطيها بجنطه مزنة وبنطلع
سلطان: لا والله خلاص شما مابييعندج بحرس بناااتي
أنا: خاااااااالي خلو ريلي بحاله ونت سلطان تعاال اهنيه وين بيشلوها ترا بنشوفهم
مزنة: ههههههه شمااا موول ما يشبهونج
أنا: ماعليه عااادي يشبهوون أبوهم
سلطان: ولو اني قايل مابا إلا يشبهو أمهم بس داام هذيج ماخذه شقاار أهلها اباهم
خالي يطالع سلطان مستغرب
أنا: هههه خالي تراه منقهر من شقار شعر هذيج شوفها
خالي:" يسير صوب البنت" هيييه صح طالعه عليها هاااي عيل بنشل هذي شرايك سلطان
سلطان: ما تقدرو اصلا شما ما تهون عليك تشل بنتها
خالي: بهذي صدقت
مزنة:شو بتسموونهم
أنا: ماعرف شرايك سلطان
سلطان: اممم ماعرف ما توقعت تووم
أنا: بعدهم عادي بنفكر بأسم عقب
...
__DEFINE_LIKE_SHARE__

أشواق تائهة · 04-29-2012, 01:43 PM

بإذن الله بيكون لقاءنا الاربعاء أو الخميس لان عندي ظروف خلال اليومين اليايين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM