ساعتها أعتقد تفهم غرام(ن) في شراييني - الصفحة 18

أشواق تائهة · #1 04-27-2012, 11:18 AM

بارت(43)
أنا: خااااااالي طلبتك قوول تم
خالي: عشان هالعيوون تم
أنا: تسلم خالي أباك تتصل بسلطان الحينه ترمسه تقوله ايي
خالي: أوكي الحينه بتصل به
أنا: بس لا تقوله شي بس قووله اييي
خالي: اوكي " شل الفون ودق وحط الفون ع اذنه"
أنا: خالي حط مايك أبا اسمع صوته
خالي: أوكي بس لا تتكلمين
أنا: زين
...
سلطان: مرحباا بو زاااايد
خالي: مرحب فيك زوود
سلطان: شحاااالك شعلومك
خالي: انا الحمدلله بخير من صوبك
سلطان: دووم يارب والله انا الحمدلله يسرك حاليه
خالي: دووم إلا سلطان بغيتك بحايه
سلطان: آمرني خير شو بغيت
خالي: " ناظرني" بغيتك اتي صوبنا أباك بسالفه ما تنقال بالتلفوون لزم أنشوفك
سلطان: خلاص أمره تم متى أييك
خالي: اي وقت تكوون في فاضي
سلطان: خلاص انا باجر عندي شغله بالعاصمة بخلص منها وايي وين بنلاقى بالشقه ولا بمكان
خالي: لا بالشقه اتعرفني ماحب القهااوي ولا المولات
سلطان: أدريبك خلاص عيل سلم ع اللي عندك
خالي: ان شا الله يلا عيل في داعه الله
سلطان: الله الحافظ
...
سكر منه خالي
وقاللي: أظني سمعتيه باجر بيي
أنا: ايه سمعت خلاص عيل بسير داخل
خالي: وين بتخليني
أنا: ههه بسير بتمدد شويه
خالي: دام جي روحي أرتاحي
أنا: خالي ما رمست امييه
خالي: لا ما رمستها من ذاك اليوم
أنا: لييش؟! شو صاير
خالي: شما روحي داخل ارتاحي أمج زينه ولو ماهيب زينه جان درينا
أنا: اوكي بسير بس لا تعصب ماحبك يوم تعصب
...
مزنة: شماا شمااني
أنا: هممم سلطااااااان خلني شويه برقد
مزنة: شماااا شمااااا قووومي
أنا:"بطلت عيوني" همم شفيج " ما قدرت ابطلها وايد" سكري الليت برقد
مزنة:من العصر وانتي راقده الحينه الساعه 10 قومي اكلي شي
أنا: ما اشتهي
مزنة: لا والله من الصبح ما طاح بطنج شي
أنا: مززنووووه خليني " شليت اللحاف اعطي ويهي"
مزنة: انتي ما يفيد معاج غير ذياب " صرخت" ذياااااااااااااااب تعاااااااااال بسرعه
سمعت حس خالي: شفيكم شصاير
مزنة: بنت اختك ما طايعه تقوم تااكل لها شي من متى راقده مووب زين جي شوف لك صرفه وياها
خالي: زين سيري انتي انا بشوفها
حسيت بايد تنمد ع اللحاف : شمااااااااااانكي ليش حبيبي ما تبين تاكلين
انا: مااااااااااا اشتهييييييي موووووووووب غصب أكل خلوووووووووني بروووووووووحي
طلللللللعووووو بررررررررررررع
خالي شل اللحاف: شما اهدي خلاص ما لازم تاكلي ولا شي بس اهدي
حطيت راسي ع جتفه ولميته وقعدت اصيح
...
__DEFINE_LIKE_SHARE__

أشواق تائهة · 04-27-2012, 11:20 AM

أنتظرو التكلمة اليوم __DEFINE_LIKE_SHARE__

أشواق تائهة · 04-27-2012, 12:04 PM

بارت(44)
قمت شفت اني بحضن حدد استغربت امنووه؟!!
قمت وصديت ورااي
أبتسمت يوم شفت خالي
أبتسم لي : صح النووم يا حلو جاان رقدي بعد تو الناااس
انا: ههه انت شو تسوي اهنيه
خالي: تراج امس ما عرف شو ياج تميتي اصيحي لي بحضني وعقب رقدتي فحضني خفت اتحرك اتقومي و تصيحي
مرة ثانيه وخفت اخليج و اتيج الحاله مرة ثاننييييييه
أنا: ههه ونت ما رقدت؟!
خالي: رقدت ووعيت مساعه واتريااج بس اتقومي
أنا: جم الساعه " شليت ايد خالي" امبيييه الساعه 6 الصبح
خالي: هيه يلا دامج قمتي انا بسير حجرتي تبين شي
أنا: لا واستسمح لنا من المداام خذنااك البارحه منها المفروض هيه ترقد بحضنك مووب أنا
خالي: هههه " دز راسي" يا مكرج انتي ايي عيب انا خالج تقولينن لي هالكلام
انا: انزين شو فيها عاااااااااادي ريلاكس خالي لا تعصب
خالي: ما برد عليج انا بسير يلا
انا: زين
...
سرت اسبح وصليت الفجر وقعدت ع السرير "تذكرت ان سلطان بيي اليووووووم"
سرت اطالع الكبت شفت البدل اللي شريهم من الموول" فدييتها مزون ما اظهر من يزاها مرتبهم حقي"
امم شو البس
طلعت جلابيه عنابيه ولبستها وسرت صووب التواليت
المشكله بطني واايد كبر وكل جلالييبي بيبين بطني فيها وين زمان أول أمي أتنازعني ع الجينزاات وسلطان بعد
سرت رفعت شعري و حطيت جحل
" حسيت بحركه ببطني" فديته قاايم من وقت شرات امه ههه
...
بعد ساعتين طلعت شفت خالي يتريق ومزنة معاه
أنا: سلام عليكم
خالي ومزنة : عليكم السلام
مزنة: صح النووم
أنا: ههه تسلمين
مزنة:أمس عصبتي عليي
أنا: صج أحلفي لييش؟!
مزنة: والله ماعرف شو يااج علي
أنا: حبيييبتي والله اسفه اصلاً البارح ما حاسه بعمري حتى خالي ذياب ماعرف متى رقدت بحضنه
مزنة: هيه خبرني ذياااب
أنا: " ناظرت خالي وقلت بخبث" عااد اسمحيلي خذت ريلج امس عنج ماعرف يمكن خربت عليكم صح
خالي: عيييييييب يا بنت عييييب
أنا: انزين خلنا نكوون واقعين
قاطعتي مزنة: يا ـأم الواقعيه خل عنج هذا وقعدي أكلي مووب ماكله شي من أمس
انا: زين ولو اني كنت بكمل كلامي
خالي: خل عنج هالمصاخه واكلي
أنا: انزييييييين
...
ع الساعه 10
خالي رن فونه: ألوو ....هيه انا موجوود أقرب .... خلاص عيل اتريااك
سكر الفون وقال: يلا هذا سلطان ياااي
مزنة: عيل انا بسير داخل تبووني أسوي لكم شي جااي قهوه
خالي: هيه سوي قهوه بس
مزنة: زين
بعد ما راحت مزنة
خالي: انتي بتمي أهنيه
أنا: هيه عيل وين برووح
خالي: ما بتلبسي عباتج وشيلتج
أنا: بعدني بالعده يعني حرمته يوم بولد بصير طليقته وذيج الساعه ما يستوي يشوفني
خالي: انزين عراحتج
أنا: تباني اسير داخل يعني وانت تقعد معاه وتفهمه
خالي: لا ولا اقولج هيه أنا بفاتحه بالموضوع وعقب بزقرج
أنا: زين عراحتك يلا عيل انا بسير الحجرة
...
__DEFINE_LIKE_SHARE__

أشواق تائهة · 04-27-2012, 12:06 PM

بارت(45)
بعد نص ساعه سمعت الجرس
اقتربت من الباب ابا اسمع
سلطان: حي بو زايد سلام عليك
خالي: عليك السلام حيااك أقرب
سلطان: قرييييييب
خالي: شحالك أعلوومك لو ما نسأل عنك ولا ما تسأل
سلطان: موجود بالدنيا ياخووي
خالي: مهما صار المفرووض تسأل
سلطان: ولا يهمك سامحنا ياذيااااب مهما صار ترااك خووي وصاحبي ورابين مع بعض
خالي: صدقك
سلطان: شو السالفه اللي يايبني عشانها؟!
خالي: شما
سلطان: بلاها
خالي: ليي متى بتظل عندي
سلطان: ودها لامها وبعدين البيت هذاك بيتها مالي حق احرمها منه
خالي: انا قصدي ما بترجعون لبعض
سلطان: صار لها شهوور طالعه من عدتها وأنا من جم يوم رمستها وقالت لي عافك الخاطر
خالي: رمستها
سلطان: هيه مرمسنها بالمسن من 4 ايام او 5 ماذكر
خالي: ونت صدقت انها عافتك
سلطان: هيه قالت جي و صوتها امبين انها صادقه
خالي: لو قلتلك انه ياها انهيار عصبي بذاك اليوم وتمت 3 ايام بالمستشفى وكله تهااذي بأسمك ونحن ما عرفنا شو فيها
سلطان: ليش شو ياها؟
خالي: ماعرف دخلت عليها شفتها تصيح وتصارخ وهيه راقده دخيلك سلطان جاان لي خاطر عندك رجعها لذمتك
هيه بدونك ما تعيش
" لا خاااالي انا اقدر أعيش بدونه"
سلطان: بس ذياب بسألك بالله تصدقني الجوااب
خالي: لك اللي تبي بإذن الله
سلطان: وين كانت هذاك اليوم من وين راجعه ما قالت لك
خالي: أنا اعرف بدون ما تقولي لاني انا اللي مودنها
سلطان: لا تقوول
خالي: هيه انا اللي موصلنها وعااد وين كانت ما بخبرك هيه لزم تقولك
سلطان: يعني اللي متصل فيني غلطاان
خالي: مووب بس غلطان إلا جذااب وشكله حد حااااسد مطرشنه
سلطان: ما بقص عليك أنا من بعدها تعبااااااااان هيه اللي ترد لي الرووح ومن بعدها اعيش بليا رووح
" علني فداا هالرووح يالله شكثر أشتقت أسمع غزلك يا سلطااان"
خالي: حتى هيه ياما تعبت علينا
سلطان: هيه وايد تتعب لاي سبب ذيااب أبا ارجعها
خالي: بس انت متزوج
سلطان: بس هيه الاولى وبتظل حبيبتي اللي حبيتها
خالي: وأهلك
سلطان: ابوي زعلان مني من يوم ماعرف اني طلقتها وما يرمسني أبد وأمي أجبرتني أخذ بنت أختها وانا ما أطيقها شو تباني أقولك
خالي: تبا ترجعها
سلطان: هيه بس هيه شو رايها؟
خالي: هيه اللي قالت حقي أزقرك اهنيه
سلطان: بس مب لازم أرجعها بالمحكمة يعني نملج من يديد
خالي: سلطان ..
...
__DEFINE_LIKE_SHARE__

أشواق تائهة · 04-27-2012, 12:34 PM

بيكون لي بارت إن شا الله بعدين وبيكون آخر بارت لليوم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصحفي العالمي نيك كريستوف: "أعتقد بأن الحكومة ستنتصر، أعتقد بأنهم سين	محروم.كوم	منتدى أخبار المواقع والمنتديات العربية والأجنبية	0	11-29-2011 07:30 AM
بأي شكل تفهم الحياة انت ؟	محروم.كوم	منتدى أخبار المواقع والمنتديات العربية والأجنبية	0	10-18-2011 03:10 AM
حبيبي حبك العذري جرى مجرى شراييني . . }~	MarayemoOH	استراحة قصص وابداعات الاعضاء	14	07-23-2011 11:11 AM
علم الفراسه .. كيف تفهم الاشخاص من حولك ؟ كيف تفهم نفسك؟؟	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	2	01-31-2010 12:51 PM
جاني على الايميل ومن ساعتها وانا افكر!!!!	محروم.كوم	منتدى أخبار المواقع والمنتديات العربية والأجنبية	0	06-28-2009 10:50 AM