| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-09-2011, 04:19 AM
| |||
| |||
 في الفترة اللي ما كان فيها موجود تذكرت اللي صــار .. و كيف يستسمح مني .. هذي اول مرة يسويها و يستسمح .. ليييش؟؟؟ اساسا ليش يضربني ؟؟ لييييش؟ بس لاني قلتله انك خايف من نهيان ؟؟ و هو بالفعل خاايف من نهيان لاني من قلت لنهيان مارد و ضربني ... اووف يا ذياب و بعدييين وياااك شسوي يعني ... ما يفيد لا صد و لا ضرابة و لا احتقار و لا شياته .. و لا و القهر اني انصاع لــه واااايد و ما اقدر اتحكم بمشاعري .... دخل عليه و فايده كوب من ستار بوكس ما ادري شوفيه و كيسه من المطعم ... حطهن لي عالسرير .. ذيــاب : يبت لج نسكافيه اباج تشربينه كله قلتله بعنااد و انا خاطري فيه: ما اباهـ ذياب : زين ما علينا .. كلي السندويج و يوم بيكون النسكافيه فخـاطرج اشربيه قلتله و انا اطالع السندويج و باكلها بعيوني: مب مشتهيهـ اي شي من وراكـ قرب مني و يلس ع السرير : مب عـ كيفج بتاكلين هذا كله > و ابتسم بعناااد العالم: ما اباهـ و اعلى ما بخيلكـ اركبه > و لفيت ويهي عنه للجهة الثانية مسكني ذقني باصابعه و لفني صوب ويهه : الحين هالعناد شو بيفديج .. انتي جسمج ما تحمل الضرب و مب ماكله شي من البارحة طبعا باطيحين عليه قلتله و انا فيني صياح: جفت يعني من الضرب ... انا ما احبكـ ما اباكـ دوم تضربني اطالعني بنظرات اول مرة اجوفها .. نظرات حنان و من هالقبيل: حقج علي .. بسس انتي لا تستفزيني صديت عنه و قلتله: طللقني انصدم : شووووو؟ هالطاري مول لا تيبينه قلتله و انا حزن العالم كله فيني: انته تضربني و ما تحبني و اتجوفني عاساس اني ياهل و كل شي اسويه غلط .. تشك في كل صغيرة و كبيرة اسويها .... انا ما احب جي... ارسي ع بر تبا تضارب اضارب دوم .. تبا اتكون رايق كون دوم رايق طـــلع من الغرفة .. طبعا ما يقدريواحهني بس يعرف يتهرب اطالعت النسكافيه و خذتهـ و شربت منه .. كليت السندويج كله قلت بشبع: الحمممدلله .. و الله و طلع فيه خيير بعد انسدحت ع الشبرية و احس روحي تعبااااانة الا ميته يوووع فهالوقت دخل ذياب بسرعة ... نقزت و قالي: كلمت الدكتورة ووافقت اطلعج الحينه يلا بسررعة قلتله باستغراب: شو بسررررعة ؟؟؟ ذياب: الله يسامحهم اونه الليلة العشا .. و حفلتج انصقععععت: شووووو انا ما اتجهزت و لا حجزت فالصالون و لا اخترت الفستاااااان اللي بلبسه شو هااا ذياب: و انا شو يخصني من شوي ياني التيلفون و قالو لي قلتله باعتراض: ع كييفهم هم ... انا و انت اللي لازم انحدد ... البارحة رادين و الليلة الحفلة قرب مني و همس: لاني بااااجر ورايه شغل قلتله: باااااجر اليمعة لا تخورط ذياب:ههههههه هيه انا شغلي في اليمعة قلتله: جذااااااااااب ذياب: افا يذا العلمـ .. الحينه انا اجذب حشى و الحشى عن الف يمين ضحكت ع رده: ههههههه مسلسل بدوي هو ذياب: هههههههه ... يلا عن الدلع اشرت ع المغذي: و هذا؟ ذياب: وييت بزقر الممرضة اتشله قلتله بحزن: لا انا بشله متعوده اطالعني بصدمة: متعودة!!!! قلتله و انا منزلة راسي: هييه ذياب: لييش؟ ما حبيت اقوله شي .. عسب ما يشفق علي .. يعني شـ قوله؟ اقوله انه فيني لوز و كل ما يصيبني زجام اترقد .. في الحلم يـ بابا .. مع انه شي سخييف غيير ما ااحب احد يدري ... هذا انا و هذا طبعي : و لا شي ذياب يلس ع الشبرية و قال بحنان: شو بعد و لا شي .. ترا لازم ما يكون بينا اسرار .. قاطعته: يوم بتقولي منو فـ بالكـ بقولكـ انا شو مرضي > هع اونه مرض لو درى بيدفني فالمستشفى بس فضوووول ذياب: محد فـ بالي .. يلا قولي ع كيفك اهو: لا و الله ... عيل كيف اتقولي لو ماخذ اللي فبالي.... حط صبعه ع شفايفي: اشششش لا تكملين ... كنت معصب قلتله و نا ع شبه صياح: اساسا المعصب يقول كل شي صح ابتسم و يرمسني كاني ياهل: المعصب لما يقول شي .. ما يعرف شو يقوله و لا يحسبله حساب.. كنت ابا اقاطعه بس رد و حط صبعه ع شفايفي و كمل: و انا لما عصبت ما حسبت حساااب اي شي لفيت ويهي الصوب الثاني: جذااااااب و بعدين هالاسلوب لا تعاملني بهـ كان بيرد لكن الممرضة دخلت عـ اساس تشل المغذي و شكله تذكر السالفة : ما قلتيلي ليش متعودة؟ اليازية: قلتلكـ وحدة بوحدة ابتسم و قال: ما ابا اعرف قلت: احسسسسسسسسن طلعنا من المستشفى و في السيارة ذياب: ما تبين السوق للحفلة قلتله بصدق: لاء كل شي عندي بس ابا الصالون ذياب: تبيني اوصلج الحين فكرت و قلت : يلا ذياب: وين تبين ؟ قلتله: وييت بتخبر ميوه اتصلت بـ ميوه .. و ردت علي شكله قايمة من الرقاد او شي جي .. جفت الساعة 1:30 ميوه بتعب: هلا رديت عليها: اهلييين و سهليييين يالرقادة ميوه: هههههه... حرام وعيتيني ريت عليها ونسيت انه ذياب عدالي: بسسسسج خيييبة ما تشبعين من ريلج انتي؟ فهالوقت انبهت لذياب اللي اتطالعني و لما رديت اطالعه اطالع قداااام امبييييييييه قففففففففففطة ميوه: ههههههه طاعو الحسسد قلتلها اغير الموضوع: انزين اتخبرج شو احسن صالون ابا اروح اتعدل ميوه: هييييه صح امايه قالتلي .. السبالة ليش ما قلتيلي؟؟ ما عرفت كيف ارد عليها ... اقولها انا من شوي دريت .. كنت طايحة بالمستشفى رديت عليها: خلاص وصلتج العزيمة .. يلا قوليلي اي صالون انا بزي ميوه: لانج بزي بخبرج و الا انتي هب ويه صوالين قلتلها بدلع: ميوووووووووووووووتييييي ميوه: هههههههه انزين صالون ........... ... الهبلة قوليلهم سبشل .. اوفر قلتلها: ليييش انشالله انا مب حلوة يعني ميوه: لا يالهبلة مب عشان جي ... بس لانه حفلة عوووودة و نااااس وااايد بيون عن الدلع يلا و سكرت فـ ويههي قلت و انا اطلع الفون: حمااااااارة ذياب: الفون و الا اختج؟ استحيت كيف اسب اختي قدامه لا و ماخذه راحتي بعد ذياب: وين تبين الحين؟ اسلووووووب ياخي ... شويه اسلوب لو سمحت : ابا صالون ....... ذياب بشبه عصبية او نقمة ما ميزت: لا اناا دل كل الصوالين سبحان الله ... كل يوم عند صالون ... قولي لي مكانه شووووي و بصييييييح .... ليييش يهزبني و انا شدراني : ما ادري وينه ذياب: و يعني؟ قلتله: ويييت بخلي ميوه ادليني رديت اتصلت بميوه ... ميوه: خيير بصوت فيه صياح: وين الصالون؟ ميوه: هههه خييبة بلاج يالدلوع؟ قلتلها بعصبية : ويييييييينه؟ ميوه: هع اوك .... شوي و يسبح ذياب عني الفووون من دون استذان ذياب: مرحبا ميا ..... وين هالصالون اللي تباه اختج ... هييه و عقب.. انزين و بعدين .. هيه عرفته .. عند اي دوار ... يسار و الا يمين ... خلاص دليته .. مشكووورة و ما قصرتي .. في حفظ الرحمن و سكر و ردلي فوني و قلت : و بأي حق تاخذ فوني من دون شوري قالي كلمة سكتتني تعرفون شو هي؟؟؟؟؟!!! قال بعصبية: جبببببب و سكت .... صدق اني ضعيفة شخصية اووووووف الموهيم .. وصلنا الصالون .. ييت ابا افتح الباب بس يودني من ايدي : صبر و طلع بوكه ... و مدلي مبلغ و قدره قلتله بعزة نفففس: مابا اللي عندي يكفوني ذياب بابتسامة ما عرفت شو يقصد بها لكن مب ساخرة : اساسا انتي ماشليت شنطتج .. كيف عندج ؟ اخذيه و عن الدلع اخذتهن و نزلت و سكرت الباب ... حتى ما قلتله شكراااا ... قصوري بعد و انا داخلة الصالون اتذكرت ميروه ... لازم تيي .. اتصلتبها ميروه: هلا و الله تو ما نورت شاشة فوني اليازية : و انا تو ما ظلمت شاشة فوني .. اشحالج؟ ميروه: بخييير و سهالة اخبارج العروووس؟ ابتسمت بسخرية قلت: العروس تبا تطلبج طلب و ما تردينها ميروه عيوني لج قلتلها: ويييت شوي كلمت اللي فالصالون كيف ابا اتعدل و استلمني و انا اكمل كلامي ويا ميروه اليازية: ادري صعبة بسس الليلة واااااايد مهمة لي ميروه: تراج روعتيني شسالفة ؟؟؟ اليازية :الليلة حفلتي و اباج تحظرييينهااااا بلييييييييز ميروه ميروه: سووووري و الله ما اروم و تدريبي انا فابوظبي صععبة ما بغيت اضغظ عليها .. لاني انا اكثر وحدة تدري بحاله: اللي يريحج غلايهـ ميروه: حياتي انتي ما زعلتي مني صح؟ غمضتني فديتها : لا حبيبتي ما زعلت و بعدين حتى انا بسكن فابوظبي شغل ذياب هناك .. جوفي القدر كيف بيجمعنا ويا بعض ميروه بونااااسة: واللللللله حللللفي ما اصدق اليازية: هههههههه و الله جفتي عااااااد ميروه: فديييييييييييتج ادري ما تخليني اليازية: و لا بخليج وراج وراج يالحماااارة ميروه: الحمارة انتي اليازية: اييييه لا تسبين ميروه: انتي لا تسبين اليازية : انتي اللي بديتي ميروه: تعالي كنتي تبين اتقولين لي شي اليوم شو هو؟ تذكرت اللي كنت ابا اقولها اياه: يوم بجوفج بقولج ميروه: اوكـ غناتي عصببت: سبااااالووووه كيف انتي ما ييج فضول ابا اعرف؟؟؟ ميروه: لاني ادري عاجلا ام آجلا بتقولين اليازية: هههههههه انزين بااااي .. بتصل لحمدوه و سلامي بعزمهن ميروه: اوك باااي و سلمي عليهن اليازية: لييش انتي ما ترمسينهن؟ ميروه: امبلا ارمسهن .. بس في البي البي مسن اليازية: اها .. اوك باي ميروه : باي و سكررت عنها يا إني مشتااااااقتلج يا ميروووووه وااااايد اتصلت لحمدوه و سلامة و طبعا بيين يموووووتن فالعزايم هههههه..... خذتني السوالف وياهن ... لين ما خلصت و جهزت دفعت الحساااب و ظهرت من الصالون و انا ما اعرف لا رقم ذياب و لا البن مال البي البي حقه .. اوووف شالدبرة الحين طلعت بررع عل و عسى يكون موجود .. جفت الساعة ... كانت 4:00 كل صلو الناس .. اووووف وينه ... مستحيل ينتظرني آخر اهتماماته __DEFINE_LIKE_SHARE__
 مدونتي ] ..~ آه من قلبٍ غدى حبه جنوني ] ..~  |
|
12-19-2011, 01:25 AM
| رقم المشاركة : [ 2 ] | |
| مشرفة  | البارت الرابع عـــــشــــــر نزلنا أنا و ميوه بيت موزوه ... دخلنا و سلمنا عليهن .. و بشكارتهن يابت الاكل اللي نحن مسوينهن موزة : يا هلا و الله ميوه + أنا: يا هلا فيج بعد السوالف... ميوه تساسرني: يزووي تعالي اباج دااااخل بسررعة سرنا للصالة الفرعية بعد ما استأذنا سأالتها: بلاج ميوه؟ ميوه بتعب: تعباااااانة .. اتصلي بـنهيان يي يشلني البييت سألتها: و ريلج؟ ميوه: مشغوول دخيييلج اتصلي بــ نهيان اتصلت بنهيان و قلتله انه ميوه تعبانة .. عصب شوي لانه عند ربعه بس قال انه بيي سكرت و قلت: الحيين بيي ميوه: أنا بسير وياهـ انتي يلسي هني و عقب سارت ميوه اما انا يلست حسنة خت خليفة .. خرييش و سوالفها ما فيها مستحى تقريبا>تحشش هع<: هااااا يزوووي نجوف هالريل ماخذج عنا رديت عليه بنفس الاسلوب: ياااا ويلي اناااا.... حاطين دوبكم من دووووبي .. الا اسبوع غبت عنكم .. عيل عواش شو بتقولولها! موزة:عاد عواش حاله ميئوس منها .. اما انتي في أمل حسنة: لا فديتج .. هالريل منسنها .. حتى اسمها اظنيه نااااسيته يوم تكووون عندهـ قلت : ويدييييييه أنا ع ريلييييي ما يخصكم انا و هو ننياز وديمة خت موزة: ههههههههه مرة مستحى ماشي حسنة: لا فدييييتج نحن البناااات ماشي مستحى قلت: هييييييه خلينا المستحى حق الريال حسنة بتحشييييش خااااالص: يزوي حتى نحن نعلمهم شو يسوون فـ ليلتهم لاه كلنا ضحكنا و اللي معرسة طبعاااا بـمستحى : هههههههههههههههههه حسنة: علمتيه انتي يزوووي صح قلت و انا ميته مستحىىىىىى كنت احشش وياها عادي بس مدري متى نزل المستحى فجأة هههه: ههههه يالحمارة عييييييب .. وديمة: الحييينه عيييب هاااااا موزة: جب يلا عياليه هنيي... بعد يسيرون يخبرون ابوهم ... مستوين تسجيل ماشالله علييهم حسنة: يبالهم وسسسم الحميييير موزة: الحمااااااااارة انتي ... صددددددق عيوز قلت بطنازة: لااااااا عيوز بستااااايل بعد وديمة: ع طاري الستايل ... جفتهم الماسكرا اللي من ماكس فاكتور اليديدة رمشت بعيوني: عنديييييي و يلسنا نسولف عن المااااركات و ع السااااااعة 11:15 رديييييييت البييييت ادري انه ذيااااب قالي الساعة عشر بس السوالف ما تخلص و الوقت يربع خخخخخخ أول ما دخلت غرفتيه بدلت ملابسيه ورقدددددددت > نوم العوافي هع مرن 3 أسابيع .. و ذياب عنوانه الصد و الجفاا .. لقائنا ويا بعض يكوووون جااااف و كل واحد فينا يتجنب الثاني ... في ايام الاسبوع انا اكون فالعين عسب الجامعة أماهو فأبوظبي للشغل ... و ما نتلاقى الا في الويكند ... و ارمسه في مسن البلاك بيري اذا بغيييت منه شي او استئذان ... ميوووه ربت و يابت ولد و نص > ههههههه امزح توأم أولاد حلوووووووووين انصصدمت لمــا قالولي انه نهيان خطب .... منو تتوقعون خطب ؟؟؟؟؟؟؟؟؟؟ ... ... ... بعد تحت ..... حمدوووووووووووووه ربيعتي ... صرااااااحة ع كثر ما كنت مستانسة ع كثر ما انا زعلانة ع حال ميروه .. بس لما رمستها بالفووون قااااالت عااااادي و انه حب مراهقة و ما اعرف شووو المووووووهيم >>>> الـــــيـــــــوم بسييييييير بوظبي عند ذياااب لان عنديه اجازة عالاسبووع... طبعاااا من تزوجنا ليييين الحين صار لنا .... شهر >30 يوم > >هع في الفندق > الصالة قاعدة اطالع التي في ع الكنبة اللي ع يسار التي في ... أما ذياب فـ يعابل في ملفات و يالس ع الارض و قدامه الطاولة ... بزنس مان ماشالله هههه ذياب: قصري ع صوت التيلفزيون اليازية: لاببندهـ .. ابا اسير ويا ربيعتيه ذياب : ويين بتسيرين؟ اليازية: قلتلك عند ميرووه ذياب: لا يعني وين بتيلسن؟؟ رديت عليه باستغراب: في شقتها ذياب: اها عيل توكلي استغرربت كييييييف وافق بهالسهولة ....يلا فيه الخير روحت صوب الغرفة و لبست عبايتي و حطيت شيلتي ع راسي ... و حطيت كحل و قلوس وردي و تعطرت و بس طلعت متوجهة صوب الصالة ... اليازية: ذياب انا بطلع ذياب: الرب حافظج طلعت من الشقة و انا مستغربه من موافقته السريعة ... دنياااااا عجيبة دقيت الجرس بعد شوي حرمة اخوها تبطل الباب حرمة حامد > شيخة : خيير اليازية: السلام عليكم شيخة: و عليكم السلام اليازية: ميروه هني؟؟ شيخة : يعني ويين بتكون بغرفتها شووو يعني ما بتدخليني ... بتخليني واقفة؟؟؟ اليازية: اها .. اوك اباها فـــ شي شيخة: وييت بزقرها لج .. لانه ربيعاتيه دااخل اليازية بطنازة: أوك بس أنا هب ريال شيخة: قلت ويييت ... يعني في بيتي و ما اخذ راحتي > و ردت دااخل اووووف هذي كيف متحملتنها ميروووووه ... تقههههههههر من الخااااااااااااطر اتساندت ع اليدار و أنا اتريا ميروه اتشرف .... بعد دقايق يت اليازية: جاااان ما ييتي ميروه اتحرطم: بالله عليكم هاييل ربااااايع .... مدري كيف كل وحدة متحمله الثانية دقيتها ع راسها: اييي ارمسج انا ميروه: شووو تبييين؟؟؟ يلا خلينا ننزل للكوفي اللي تحت قلت بخووف: هبلا .. فالكوفي كلهم ريااااال شقا تبيني اسييير هناااك ميروه عصبت: شووو يعني ؟؟؟ تبينا انيلس هني؟؟؟ لااااا و نقول لله يا محسنييين قلت: ايييه ميروووه بلاج محرجة ...؟؟؟؟؟؟؟ ميروه: تعالي للكوفي و برمسج نزلنا للكوفي و انا كل شوي اطالع حوليي... لا يشوفني ذياب مسولي فلم رعب هـ الـ ذيااااب يلسنا ع الطاولة لشخصين .. ميروه مجابلة البوابة و انا عاطيه البوابة ظهري استرر سألتها: بلاج محرجة؟؟؟ ميروه: خيلنا نطلب شي و عقب برمسج .. شو تشربين ؟؟؟ قلت: مابا ميروه: مب ع كيفج بسير اييبلج قلت: لا دام انه ع ذوقج انا بختار.. ادريبج بتيبين نسكافيه .. هاتي لي كابتشينو ميروه: تماام> و روحت تطلب بعدها بـ دقايق بسيطة رجعت مكانها و فــ ايدها الكوبين .. عطتني الكابتشينو و هي خذت النسكافيه سألتها: يلا قولي؟؟ ميروه: تعرفين واحد اسمه راااشد دوووم ويا ريلج؟؟ رديت عليها باستغراب: هيييه بس لييش؟ ميروه: شو يصير لريلج؟؟ قلت: ولد خاله ميروه: اها ... الحمار .. مرة ييت ادق عليج الجرس عبالي انتي موجودة و ظهرلي هووو .. قالي اونه اقدر اكون لج اليازية و يزوي و اللي تبينها ضحكت : ههههههههه .... هذي العايلة يمووووتووون في البنااااات حشاااااااا ميروه: نرفزني جاااااااااااااان اعطيه طرااااااااااق يعرفه حدوده ويايه انصدمت: خييييييييييييييبة ياااااا قوية انتي ميروه ابتسمت: اعجبج قلت: ميروووه احطها فذمتج ... تحسين بشي تجاااه نهيااان؟؟؟؟ ميروه: و الله ثم و الله ان نهيان شرات اخويه لا أقل و لا أكثربس قتلج مرااهقة كاااانت .. الا لو صدق احبه جااان اشتقتله و لا شرااايج ...؟؟؟..... تراااااااج مجربة الحب ابتسمت بألم و اكتفيت بالسكوووت .. يا غير صوت ميروه نقزني ميروووه: يزوووووي اطاااااااالعي منووووو عند ريلج؟؟؟؟؟؟؟؟؟؟؟؟؟؟؟؟!!!!!!! اطالعت ورا و الا انا منصدددددددددددددددددددددددمة لابعد الحدووووووووووود كان يمشي و عداله وحدة حلوة بس مب واااااااايد >اونه< و ماسكة فايدينها ملفااات مثل اللون اللي كان عند ذياااب ... يعني ماكان يشتغل كان يسوي لها شي ..... حمااااااااااااااااااااااااااار خااااااااااين ميروه: منوووو هاااااي؟ ما عرفت شـ قولها .. بس دبرت جذبة قلت: هذي بنت خالته تهاني حليلها ميروه طالعتني باستغراب: حليلها!!!!!!!! قلت: هييي يا ميروووه لو تدرين بقصتها ... >و أنا تقريبا نص الكلام خريييط< ريلها مب معبرنها و هيي وااااايد طيوووبة و حبووووبة و انا كذا مرة تعاملت وياها و ذيااااب كان دوم وااقف وياها و اكيد الحين بيساعدها فـ شي ميروه > صدمني كلامها: يمكككككن هيي اللي يحبها ذيااااااب صدددددددق ليييش ما فكرت فهالشي قبل ... بس هذي اللي عنده مب تهاني ... هه ريلي ينوع ماشالله غيرت السالفة و سولفنا شوي .... و رديت لشقتي ... دخلت ع طول للغرفة .. طلعت شنطة .. و حطييييييييت فيها كللل اغرااااااضي و ما بدلت عبايتي تميت بها .. شليت الشنطة ويايه الصالة انا انتظر ذيااااب .. غصبن عنه بيردني و الحييييييين بعد ربع ساعة تقريبا رد ذيااااب دخل و هو يطالعني مستغرب .. وقفت و قلت: يلا ردني العين كانت علامات الاستغراب مبينه فويهه: كيييف؟ اليازية بحزن: ماااااااابااااااااااااك ردني بيت هلي ... طلقني ماااااااااااااابااااااااااااااك افهم .. لو حمااااااار فهم قرب مني و مسك ذراعي و رص عليها و قلت: اضرب... اذبحنييي. خاااااايفة منك يعني..... ما همييييتنيييي... خااااااااااين .... خااااااااااااااااااااااين ... نذذذذذذل ... جذاااااااااب .. حقيييييير ساااااافل و ما حس الا بطراااااااااااااااااااق عــــ ويهيي .. طيحني ع الارض ذياب بعصبية : و الله ثم والله ان تميتي ترمسيني بهالاسلوووووب الزفت .... لاشبعج ضراااااااب و اخلي حيييلج منهههههد من الضرب قلت و انا بعدني ع الارض: ماباااااكـ .... ردني بييييييت هلي ماباك ـ .. طلقني ذياب نزل تحت ع مستواي و فج الشيلة مني و مسك شعري: طلااااااااق هب مطللللق ... تسمعييين >و على صوووته< هبب مطللللللللق بعدت يده عني و وقفت بسرعة .. و مسكت مزهرية من زجاج باللون البني عدالي و رفعتها .. اوني بضربه بها :: انننن ما طلقتني بذبحك ... ماابااااااا اعييييييش عند خاااااين ... الخيانة عنده شربت ماااي ذياب وقف: يزووي عن الينان ... شاللي غيرج .. طلعت صوب ربيعتج محد احسسن عنننج قلت بعصبية ممزوجة بدمووع: لانييييي شفتت خياااانتك >اشرت ع عيوني< شففتها بعيوووونييي .. بعيوووووني شفتهاااااا ... ماااااااااا كفااااااك خليتني برووووحي في ماليزيا و سرت اتراااااكض و تهيت ويا بنت خالتك اللي ريلها مب معبرنها ... مستوووي عنتر زماااااااانك .... هااااا... و الا اقووووووول يوم اغتصبتني عسسسسسسبت بسس قلت عنك حقييير و روح امك .. >>>وصحححت بصوووت و انا اشااااهق<<< و الااااااااا حبك لوحدة غييييييييرييي... عطييييييت قلبك وحدددددة مب مسموووووح تحبها و انته المفروووووووووض تحب حرمتك >و اشرت ع نفسي< اللي من قراااااادة حظي انااااا .... و الااااااا خياااانتك اللي شفتها اليووووم و انااااا يااااااالسة في الكووووووفي... تمشي ويااااااااها و عااااااادي و لا جنكم مسويييين شي غلط ..... طلللقني خلاااااااااص كااااااافي اللي شفته منننك بسسس ... صوورتك اهتزت عندي بمااااا فيييه الكفااااااية ..... شووووو بيبقى لوووو تميت وياااااك اكثرر... انته ما تستحق اصيييح عشانك و الا اتعذذب و الا اندب حظيييييي العااااااااااثر..... طلقني دخييييييلك ذيااااب: خليني اوضحلج ... قاطعته: لاااا توضحلي و لا هم يحزنون .. اللي اعرفه كفااااية عليه و الا >رفعت المزهرية قريبة من راااسي< اضرب رااااسي بالمزهرية ووقتها امووووت و افتك من العذاااااااب اللي عايشتنه ذياب بسرعة: لا لالالا ... بطلقج بس دخيلج نزلي المزهرية .. نزلت المزهرية و الا بسررررررعة اخذ المزهرية عني و بعدها و مسكني من جتووووفي اقاومه و اصرخ: فجججججج عنييييييي .... انته مب ريااااااااال ... مب رياااااااااااااااال .. ترد بكلمتك ذياب: اهدي .. اهدي بسوي اللي تبينه بس هالافكاااار لا تنفذينها تسمعييين قلت: اباااااك اطلقني و افتك منك و تردني بيت اهلي ذياب .. اطالعني: بطلقج بس مب الحيين .... اول شي بيوصلج بيت اهلج و قبل ما تنزلين بطلقج .. طلقة وحدة قلت بعناد وصريخ خفيف: لااااااااطلقني طلااااااق بالثلااااااث عطني حريتييييي مااابااااااااك ذياب: اختاري اطلقج مرة وحدة و الا اخليج هني و احبسج و اخذ كل وسائل الاتصال عنج قلتى بقلة حيلة: موااافقة ذياب:يلا زهبي اغراضج قلت : مزهبتنهن ... >و شليت الشنطة< يلا نسير ذياب: ماشالله .. مزهبة كل شي وااااثقة قلت: غصبن عنك مارد عليه و سار قبلي كالعادة ركبنا السيارة و كلنا ساكتين كان الهدوء و الصمت هو سيد الموقف .... لييين ما وصلنا بيت اهلي ... طالعني ذياب ... ذياب: شو تتوقعووون ؟؟؟؟ هل ذياااب فعلا بيطلق اليازية؟؟؟؟؟؟؟؟؟ و الا بيصير شي؟؟؟؟؟؟؟؟ __DEFINE_LIKE_SHARE__ | |
| ||
| |
|
12-19-2011, 01:26 AM
| رقم المشاركة : [ 3 ] | |
| مشرفة | الـ،ـ،ـــ،ــبارت الخــــامـــ،ـ،ـ،ـــس عـ،ـ،ــ،ـشــ،ـ،ـر كان الهدوء و الصمت هو سيد الموقف .... لييين ما وصلنا بيت اهلي ... طالعني ذياب ... ذياب: يلا انزلني طالعته بصدمة: شوووووو؟ ذياب لف عني و قال: نزلي يلا قلتله بعصبية : لا والله ... مب على اساس بطلقني شوووو؟ ذياب و لازال صاد عني: انزلي أول و لا تسكرين الباب الا عقب ما اقولج ياها و لاتخبرين احد نزلت من السيارة و عطاني الشنطة و يايه بسكر الباب الا اسمع كلمـــــــــة ..... ذياب: انتي طــالق و سكرت الباب و هو على طول شخط و طلع من البيت أما انا فـمشيت ببطئ صووب البيت و لازلت مب مستوعبة الكلمة اللي قالها دخلت البيت و لا هتميت منو في الصالة .. على طول توجهت صوب غرفتيه ... سكرت الباب بقو و فريت الشنطة بعيد و طحت ع الشبرية .. سحبت المخدة صوبي .. و صحت .. صحت الايام اللي قضيتها ويااه ... معقووولة الحييين بيحرم على التفكيير فييه .. معقولة عقب ما تعلقت فيه و حبييييته ... لا ما حبييته ...أناااااااااااا عشقته >و على صياحي و شهقاتي بدت تطلع< مستحييييييل هذا اللي يصيييير عندي مستحيييييل..... بسس هو طلقني مررة وحدة ... عيل كيييييف لووووو احرم علييييه للابد .. لاااااااا ماااااقدر افكر.... بس انااااا مستحيييل ارجعله ......... لو المووووووت مااااارجعتله .. آآآآآآهـ و على هذي الافكاار رقدت و اناااا ميته تعب >>> >>> فتحت عيوووني بكسل .. و فتريت صوب اليسااار ويين ما يرقد ذيااااب ... ماااا لقيييته تذكرت بااااارحة لما طلقني ...يالله كيييف بعدني مب مستوعبة انه طلقنيي..... آآآهـ ياااا عذابج ياااا اليازية جفت الساعة 7 المغرب نشيت بسرعة يعني بعده باااجر .. يعني من ساعتين ذياااب مطلقني قمت صوب الحمام عزكم الله و توضيت و طلعت و عقب صليت ... فصخت عبايتي و بدلت ملابسي ... لبست جلابية خفيفة باللون الزهري و نزلت من دون كحل و لاشي .. ويهي صاااافي في الصالة ابويه و امايه و ميوه و التوأم ... محمد > اسم عمي ..... و حمد سلمت عليهم و عقب يلست عدال ميوه و خذت حمد و حطيته فوقي ابويه: شحالج يزووي ؟؟... الحينه مرة ما تنجافين قلت بتعب: بخير الحمدلله امايه: وين ما تجوفها .. دوم فالبيت.. ريلها مدري متى تجوفه؟ ميوه بضحك: ههههه ولا جوفيها ماسكة حمد .. ع اسم الابو محد يروم امايه و ابويه: هههههههههه اميه: انشالله جوفج ميودة ولدج ابويه و ميوه: انشالله هه ويين بـ مسكه و انا عندي ريل هه قصدي طليق ما عنده احسااااس و لا اظنيه بيجرب احساس الابوة الا من خايساته يلسو يطمشون و يضحكون و عقبها يا نهيان و بدت الطماشة صدددق بسس انا ماكان لي بااارض لهم .. عسب جي ما رمست و لا قلت شي اميه : انا كل ما اجوف نهيان و فويهه هالخايس > تقصد البي البي ميوه:الله يهداااج امايه يغاازل ابويه: ههههه يباله من يخبر حرمته نهيان: ابوووويه تراك كبرتنيه .. اونه > و يقلده< حرمتك و شوي نهيان يضربني ع جتفي بالخفيف: اييييه يالهبلة بلاااااج ؟؟؟؟ ميوه: هييه صح لييش يايه مب اونه بتقضين الاجازة ويا ريلج؟ اوووف احينه شقولهم .. اقولهم طلقني يعني قلت بجذب: ذياب عنده شغل و انا ما اعرف اقعد بـ مكان روحي بدون انس نهيااان: ههههههه مدري ذياب كييف متحمل ... لو انا بطلقها و بفرها بيت اهلها الكل ما عداي: ههههههههههه ترا هذا اللي سواااه طلقني و فرني ببيت اهلي ... بعد ما جفت خيانته عين بعين ...لا اوني بقضي اجازته ويايه و هو مقضيه طول الوقت عند ربيعاته .. آهـ بس اتم ساكته احسن لي و باقي الوقت مر عادي جدا ..... بعد العشا استأذنت .. ماليع بارض اسهر وياهم سرت لغرفتي.. دخلتها ... يلست ع الشبرية و مسكت البي البي.... فتحت مسن البلاك بيري ... جفته مطرش برودكاست مكتوب فيه ....: من ۈين سـﭐمع هﭐلكلام ۈشلۈن قلبكـ صدقه معقۈل منا ۈﭐلسلام ﭐختار غيركـ ۈﭐعشقه هذﭐ ۈﭐنﭐ قلبي معﭐك ۈمﭐحب في ﭐلدنيا سۈﭐك تظلمني كل مره معﭐك ۈﭐلظلم يا عمري حرﭐم من ۈين جﭐتك هﭐلظنۈن ۈش جﭐك يﭐعمري علي شﭐيفني مع غيرك ﭐخۈن ۈﭐلﭐ تغير فيني شي معقۈل ﭐي ۈﭐحد يقۈل فيني تصدقه على طۈل معقۈله طﭐۈعت ﭐلعذۈل ۈخليت عينك مﭐتنﭐم تدري بعيني مﭐتشۈف غيرك ۈلﭐ قلبي هۈﭐك لﭐ شك لﭐ غيره ۈخۈف مﭐبيننﭐ ۈﭐحنﭐ سۈﭐ تدري بمن قلبي يبيك ۈش صﭐر بس ﭐلله يهديك ﭐرجۈك لﭐتصدمني فيك ۈتشك في ﭐحلى غرﭐم اونــــه عاااد ... صكرت على طول و اغلقت فوني و حاولت ارقد بس ما قدرت... شوي و الا يدق الباب اليازية: منووو؟؟ .....: انا نهيان .. راااقدة؟؟؟ قمت و فتحت له الباب : حياكـ نهيان تقدم و يلس ع الشبرية: شفيج الكل حس انه فيج شي .. مب من عوايدج؟ قلت : ما فيني شي بس تعبانة شوي من الخط نهيان: و انتي من متى تعبين من الخطوط ! ... يزوي لا تخبين علي شي بلاج؟؟؟ قلت: صدقني ما فيني شي نهيان بعدم تصديق: مب علي ... ليش ردج .. شو مستوي؟؟؟ قلت و انا شوي و بصيييح .. بنفضح اذا ما طلع الحين: نهيان ما فيني شوي تعبانة ممكن تطلع ابا ارقد قام و طلع و قال: ادري انه فيه شي .. و يا خبر اليوم بفلوس بااااجر ببلاش > و ظهر و بعد ما طلع ... مسكت اللاب ماليه .. و قريت قصة .... معقولة بتكون انا نهايتي شرات القصص ... بس مستحييل انا و ذياب ما نصلح لبعض .. واااايد فرق مبينا السن التفكير الميول الخيانة الوفاء الحب القسوة الجفا الاحساس المشاعر في كل هذيلا ذياب الاشياء السيئة فيه .....مجرد من الحب و المشاعر و الاحاسيس و الوفاء ... ذياااااب انسااااان انا نفسي ما اعرفه رغم الفترة القصيرة اللي عشت وياه فيها ... بس الحمدلله انا في بدايه الطريج الصح ... اليوم طلقني مرة وحدة باااجر بيعطين حريتي وورا باااجر بمسح شخص من ذاكرتي اسمه ذياااااب .. و ارتاح و اعيش مرتاحة __DEFINE_LIKE_SHARE__ | |
| ||
| |
|
12-19-2011, 01:27 AM
| رقم المشاركة : [ 4 ] | |
| مشرفة | البارت السادس عشر
__DEFINE_LIKE_SHARE__
نشيت الصبح ع صريخ امايه و نهيان ... ركضت برع الغرفة بـ بيجامتي ... سألتهم :بلاكم؟؟ نهيان يكلم امايه: و هذي لين الحين ما خبرتوها؟؟؟ قلت : يخبرونيه عن شو؟ امايه : انا بسير اعابل ويا البشكارة و انته قولها > و سارت نهيان: يلا زهبي روحج بنسير العزبة يومين و الا ثلاثة لاااااااااااااااا اكيييييييد ذياااااب بيكووون موجود ماباااااااا قلت باعتراض: مابا اسير .. مافيه .. و بعدين ليش نسير؟؟؟ نهيان: و الله يا اليزوي نحن ما بنخلي كشتتنا عسبج .. و بعدين انتي سمعتي شي البارحة؟؟ قلت باستغراب: مثل شو؟؟ نهيان: يعني ما حستي بشي؟؟ قهرني قلت: شوووو؟؟؟ نهيان: بارحة طول الليل مطر و انتي ما تدرييين؟ اليازية|: احلللللللللف ياااااااااي ونااااااااسة .. نهيان: عشان جي بنسير العزبة ... الاربعاء و الخميس و اليمعة بنرد احسسسن ذياااب في هذيلا يكون عنده شغل يعني هب يااي ملاحظة: بنات و اولاد المدارس كانت اجازة الفصل الاول المهم زهبت اغراضي اللي احتاجهن لمدة 3 أيام .. و لبست جلابية خفيفة باللون الفوشي و لبست عباة مفتوحة و حطيت شيلتي ع راسي و شليت شنطتي و طلعت برع الغرفة لقييت البيت صخة ... ابدا ماشي صووت ... حطيت شنطتي ع الارض و سرت المطبخ و محد كان فالمطبخ ..رديت الصالة مرة ثانية و الا اسمع صوت سيارة .. يعني يتريونيه و انا حضرتي ادورهم .. شليت شنطتي و ظهرت برع .... هذي مب سيارة نهيان و لا ابويه هذي سيارة ...... ذيــــــــــــــــــــــــــاب!!!!!!!! ليييش؟؟؟؟ مب ع اساس عنده شغل ... نزل من السيارة و انا ييت ابا ادخل بس وقفني صوته .. ذياب: اليازية صبر عطيته مقفاي و انا واقفة مكاني ذياب: نهيان اتصلي و قال اييبج العزبة .. لانه سيارته مزحومة بيت عمه كلهم بيركبون سيارته و سيارة ابوه .. فما لقى حل غير اني انا ايبج قلت : وانا مستحيل اركب عندك ذياب: اليازية بلا عنااااد ... يعني نهيان مسكين ما يدري .. محد يدري غيري انا و انتي قلت: مب معناته انه يخليني و يروووح ذياب: عادة تفاهمي عند اخوج عقب اليازية: وانته ليش من أمس مارديت عند هذيج ذياب: ما يخصج .. مب مطلقنج يعني ما يخصج فيني حسيت بسجاجين تنطعن ف قلبي من كلامه ... لهالدرجة يبا يفتك مني .. بس لو الموت ما ركبت عندك قلت: رووح انا مابااا اسيير عندك ذياب: تبين تيلسين بروحج فالبيت؟؟! قلت: ايلس بروحي فالبيت و لا فسيارتك يالنجس و ربعت صوب غرفتي و قفلت الباب .. الا واسمع دقه ذياب و هو يدق الباب: ان ما بطلتي الباب لكسرررررررره فوووووووق رااااااسج قلت بخوووف: انتته ماااا يخصك ... خلاااااااص مااا يحقلك تضربنيي اطلع بررع البيييت و الا اتصل بالشرطة .. انته الحييين غريب ذياب: ههههههه ليش حرمتي عندج دليييل انا مطلقين اليازية: انته بارحة طلقتني شووو تبا فييييني اطللللللللع و الا اتصل بــــ نهيااااان .. اساسا نهيان متوعد لك ذياب: متوعد و الا لا ماا يهمني اللي يهمني الحيييييين اطلعين برع الغرفة يعني انا خاااايفة منك بطلع ... عااااادي ... بطلت الباب و قلت: هذا انا بطلته ... شو بتسوي ...... ما كملت كلامي الا وهو متهجم علي .... يضرب و يرفس ليييييييييييين .................... فتحت عيوني بتعب .. و اطالعت اشوووف كله ابيض ...اطالعت يدي فيها مغذي .. أنا ويين ؟؟؟؟ شوي تدخل علي ممرضة و مبتسمة الممرضة: صباح الخير يا أمر> قمر ابتسمت بتعب و انا احاول اتذكر اللي صاااار ... هيي بعد ما ضربني اغمى علي الممرضة : الراجل اللي برا خااايف عليكي أوي ... بيستناكي تفيأيي .. رح اناديه> الريال اللي برع خايف عليج وايد و يترياج تقومين .. بزقره قلت لها بسرعة: لاا لا ما يحتاي .. أنا شفيني؟ الممرضة: بتدلعي عليه .. مبروك انتي حامل حاااااااااااامل !!!! معقوووووولة حااامل و بهالظرووووووف ... معقولة الظروف تبانا نرد لبعض ... بس مستحيل انا حطيت اكس عوووود ع ذياااااااااب و مستحيل أزيله سألتها: قلتيله؟؟؟ الممرضة: لأه >لا قلتها: احسسن لا تقولين له الممرضة: و ليه يعني؟؟؟ قلت بجذب: انا ابا اسوليله مفاجأة الممرضة: يعيييني ع المفجآآآآت و طلعت .. و أول ما طلعت حطيت يدي ع بطني لاا إراديا ... معقولة انا فـ بطني ياااهل ...!! بعدها بثواني بسيطة دخل ذياب و بعدت يدي عن بطني بسرررررعة و شوي ترد نفس الممرضة تدخل .. و غمزتلي و نا خااايفة انه ذياااب يدري ... فجت المغذي من ايدي و حطت لزقة و قالت لنا اني اقدر اطلع و ردت طلعت ذياب يا عدالي يساعدني اقوم ... ما قاومته لاني فعلا محتاجة يساعدني .. ذياب: ليش غمزتلج؟؟؟ قلت بتعب: ما ادري و بعد هالحوااار ابد مارمسنا مع بعض .. طلعنا من المستشفى ... برع المستشفى ذياب: يلسي ع الكراسي هناك لين ما اييب السيارة .. تراني موقفنها بعيد قلت بخوف انه عرف: ما يحتاي اقدر امشي لين هناك ذياب: لا توج طالعة من المستشفى .. خمس دقايق و السيارة هني ........ بعد ما ياب السيارة ركبت .. و كنت صادة الصوب الثاني .. و خطر في بالي البرودكاست اللي مطرشه بارحة قلت باستفسار: ليش مطرش البرودكاست البارحة؟ ذياب بصوت هادي: ما ادري سكت عنه .. فهمتها يعني ما يباني ادري .... طول الوقت كنت سااااكته .. الا أول ما وصلنا العزبة ...كان العراقيب مخرسات بالماااي روووعة فتح ذياب الجامة اللي عداله و اللي عدالي لفحنا نسيم باااارد روعة ... قلت: بعدهم لين الحين ما رتبو العزبة عدل ذياب: لانهم اليوم قررو .... اليازية: منو بيي العزبة؟؟؟ ذياب: عايلتنا و عايلتكم و عايلة خالي سليم >بو محمد< و عايلة عمج اليازية: بسس ذياب: هذيلا اللي اعرفهم لين الحين سكت عنه لنا وصلنا و كنت بفتح الباب .. لكن .. ذياااب: صبررر وركبها العرقوب متوسط الحجم و انا صرخت ..: ايييييييييييييييييييييه ذياب: ههههههههههه بلاج؟ حطيت ايدي ع بطني لا اراديا: مينوووووون ذياب ما انتبه و نزل و نزلت عقبه ... و سلمنا عليهم .. ذياب سار صوب الرياييل و نا سرت صوب الحريم يعني ما سلمت ع الرياييل... بعد ما سلمت ع الحريم يلسنا نحن و البنات ميوه و عيالها& ميثوه&شموس& مريوم& اشوق و بنتها&وديمة بنت عمي & حسنة اخت وديمة& انا مسوين داااايرة عوووودة و قدام ميثوه دلة الجاهي و طاسة فيها كوبات الجاهي .. ميوه: ميثوه يوم الدلة قدامج قهوينا ميثوه: احم احم انا بقهويي اللي اباها بسس و شوي نسمع صوت أغاااني شموووس: اغاااااااني اكيييد مسوين غية هنااااك وديمة تطالع و تأشر ع مكانهم: هنااك صوووب الشباب... فديت خلوف ييبس ميوه: هييي ودوم لا تفدين ريلي وديمة تسويلها ماالت: اخويه يالحمارة و لفينا كلنا صوبهم ... اللي كانو ييولون و ييبسون > محمد & خليفة &حميد اخو خليفة عمره 18 & نهيان & خليفة ولد عم ذياب و اخو محمد عمره 24سنة اما ذياب و راشد و سالم ريل شوق يالسين و الشواب شموس: شووقووه لييش ريلج ما ييبس شوق: ترا ذياب و رشود ما ييولون ما قلتي شي ميثوه: ترا سالم البوس مالهم .. اتصلي به و خليه ييول اتصلت شوق بريلها شوق: ليش ما تيول ؟؟.... يلا عشاان خاطري ... بنتك تبا تجوفك و انته تيوول ... ههههه اوكي بطرشها .. مع السلامة ميثوه: ها هكو قام بيول شوق تكلم بنتها: يلا حبيبي مهوي سيري عند بابا مها بدلع و حاطة صبعا ف حلجها: انزييين > و ربعت شموس تقلد.. حطت صبعها ف حلجها: انزييين ضحكنا ع استهبال شموس: هههههههههههه حسيت بمغص فـ بطني بس ما اهتميت لانهن زقرني حسنة: يزوووي يلا دووورج اتصلي بريلج ميثوه: هيييه يلا شووو هالورطة انا ما اعرف رقمه ... كييف و اذا مثلت اني ارمسه بيجوفنه اووووف قلت بتردد: مب لازم لو بيول بيول وديمة:يااا ويلي ما روم ..اتصليله اقووول يلا و شوي قام ذياب و يال ... الحمدلله اللي ظهرت من هالورطة ... و تنهد برااااااحة و بعد ما خلصو من اليولة ... نحن البنات سرنا نساعد الحريم في الطباخ و الترتيب و جي ...ترا نحن من نروح العزبة ما نشل ويانا بشاكير .. بدوووو ع االعصر ترا مسوين ذرا ... يعني فاصل بينا و بين الرياييل ... و يالسين كلنااااا هناااك و ينسمع السوالف و احيانا عياييزنا يسولفن هناك .. و يدة ذياب>بسميها يدوه< يلست عند الريايل قلت للبنات بصوت خفيف: خاطري اسوق حسنة: منو بيسوقج يا حظي؟! ميوه: هههه نهيان لاه الكل: هههههههههه لانه نهيان ما يأد فكرة ان البنت تسووووق اليازية: عااااد انا فـ خاطري شموس: سيري لريلج سكت .. اوووف بس و الله فخاطري .... شوق : هه اتحداج اذا وافق ذياب قهرني ردها ... أساسا من ييت البيت و هي مب طايقتني و لا اونه اعرف ذياب وااايد .. بتشوفين ان ذياب ما وافق و احرجتج ... بس كييييف ؟؟؟؟ ذياب مطلقنيي؟؟؟؟؟ يلا عاااااادي مرة وحدة عااااادي بس كيييف اقوله ... مسكت البي البي و طرشت له بنق At3bni 7bi: هلا ro7i fdak: اهلين ... ممكن طلب؟؟ At3bni 7bi: اوووب مصااالح ro7i fdak: خلااص شكرا مابا شي At3bni 7bi: قولي شو؟ ro7i fdak: بس اباك توافق .. يعني كأننا نودع بعض و بعدين ما برمسك و لا شي At3bni 7bi: انزين شو؟ ro7i fdak: أبا اسوق ^_^ At3bni 7bi: ههههههه اوكي تعالي اخذي السويج و مع السلامة ro7i fdak: عااااااااااااادي؟؟؟؟؟؟؟!!!!!!! At3bni 7bi: طبعا لا ro7i fdak: ذيااااااااااااااااااااااااب At3bni 7bi: ههههههههه بشرط ro7i fdak: شووووووو؟ At3bni 7bi: اركب وياج ro7i fdak: بس انا اسوق At3bni 7bi: اوك ro7i fdak: يلا ...بسير عند سيارتك ... بتستأذن من أحد؟ At3bni 7bi: لييش ؟؟؟ انا و حرمتي ننياز ro7i fdak: يمكن خطأ مطبعي .. حرمتي At3bni 7bi: و لا يهمج طليقتي ro7i fdak: جي احسن At3bni 7bi: يلا بسرعة ووقفت ... وديمة: ويين؟ قلت بدلع خفيف: بسير أسوووق شوق: وااافق! قلت بدلع: طبعاا بيوافق > و مشيت عنهن شوووو تتوقعون؟؟؟؟؟ شو بيصير في السيارة؟؟؟ شو من الاحداث بتستوي فالعزبة؟؟؟ ذياب بيدري عن حمل اليازية و متى؟؟؟ أو انه هو بالاساس يدري؟؟ | |
| ||
| |
|
12-19-2011, 01:27 AM
| رقم المشاركة : [ 5 ] | |
| مشرفة | البارت السابع عشر ركبت السيارة .. مكان الدريول و ذياب يلس عدالي ... ذياب: تعرفين اتشغلينها؟ اليازية باحراج: أول مرة أسوق ذياب:بشغلها لج و عقب سوقي اليازية: مابا انا ابا اسوق ذياب: طلقتج قبل ما اعلمج كلمة انشالله صح ... كان دوم يقول يبا يعلمني انشالله و حاضر و يبا ينسيني العناد بس ماشي نصيب ميثوه فتحت الباب اللي وراي: ايييه ابا اركب وياكم ذياب لف ويهه لورا يطالعها: لا يكون تبين تسوقين؟ ميثوه: لا بس ابا اركب وياكم ذياب يسويلها بايده برا: يلا يلا مناكـ .. انا روحي خايف من انه يصيرلي شي .. اليازية: لااااااا و الله ... بتشوف و عقب بتقول بطلعلها ليسن ذياب: فاحلامج تسوقين... فالعزبة بس مسموح ميثوه: و ليش انتو ما تبون الحرمة تسوووق .. هذي انانيه ذياب: انانية مب انانية سكري الباب يلا ... عند اليازية ربع ساعة ان طافن من دون ما تسوق ما يخصني احتشرت: ميثووووووه يلا منااااااك ... ابااااا اسووووق ميثوه: جب جب .. اساسا انا بروحي مابا اركب وياكم .. بسير لراشد و هو بيسوقني ذياب: ههههههه ااترياااج عيل ميثوه: عبالك انته الوحيد اللي فالعايلة متفتح شو؟ ذياب: باااقي عشر دقايق و سكرت الباب ميثوه و روحت بعيد... شغلت السيارة بتعليمات من ذياب ... أول ماسقت شخطها ريس ذياب يصارخ علي: اييه يالهبلة ... شوي شوي اليازية: ههههههه علمني زييين و شوي خطفت علينا سيارة نهيااان ... و مسك ذياب السكان ... و لامست ايده ايدي تكهربت .. و بعدتها ايدي و هو مسكه و لف بسررعة ع اليسار حيث اني لفيت ويا السيارة و دعمت فـ ذياب و انا اسمع ذياب يسب نهيان اللي كل شوي يخطف جدامنا و انا ماسكة ع بطني ... مدري ليش خايفة يصير فيه شي ... تندمت مليوووووون مرة اني طلبت اسووووق .. ما حسيت الا بايد ذياب تحاوط خصري و يقرب مني ايد ماسكة خصري و الايد الثانية ماسكة السكان ... اليازية بخوف: لا تسب نهيان ذياب بعصبية : ما تجوفينه الحمار يدريبج تسوقين ... و انتي ما تعرفين شي و كل شوي يخطف علينا خفت من نبرة صوته و من ان يستويلنا شي... اليازية بخوف واييد: بنمووووت ذياب و هو مركز ع الدرب .. و رص ايده اللي محاوطة خصري: ما بنموووت الا سواا ... محد فينا يقدر يعيش بدون الثاني حطيت راسي ع جتفه و ايدي ع بطني: خااايفة نهيان بيذبحنا بتصرفاته الطيش هذي ذياب و يقرب راسه مني و هو مركز ع الدرب و يلف بالسكان: حبيبي خفي السرعة خفيت السرعة و قلت: بنوقفها ذياب: اوكي و بسوق عنج ... بروح مكان بعيد و بتسوقين فيه اليازية: لا هونت > و ضربت بريك بسرعة .. حيث اني انا و ذياب نطرنا جدام ذياب + اليازية: : هههههههههههه نزل ذياب و انا نزلت .... و تبادلنا بالاماكن....و شوي ييي نهيان عدال سيارة ذياب ... نزل الجامة نهيان: ههههههه مالت عليك جان عاطي هالمبتدأة االرنج و تتدرب فيها ذياب بعصبية : جب يالحماااار زيين ما ذبحتنا نهيان: ههههههه عن السخافة بعيد عنكم .. يغير انتو تبون تتحاضنون > و غمز لنا و روح عاد دوروني انا من المستحى ^.^... نزلت راسي و العب باصابعي ذياب: هههههه الهرم طلع يراقبنا اليازية: ......... قرب مني و رفع راسي بصبعه و انا ميتة مستحى و خوف بنفس الوقت ذياب: يا ويليي ع اللي يستحون ابتسمت بحيا و قلت: ذيااااااااب ذياب: ههههههه ... تصدقين احلى وقت قضيناه ويا بعض من شوي > و غمز لي مثل غمزت نهيان نزلت راسي ... ياااا ربييي بموووووووووت اليازية: لا تنسى انا..... و حط صبعه ع شفايفي .. ذياب: مرة وحدة عااادي .. لين الحين انتي زوجتي و بعدين ... مب رغبة فيني طلقتج .. صحيح انه باقي هنتين .. بس انتي حرمتي و بتظلين لااااااخر العمر اليازية بحزن: و انا ما ابااااك لاااخر العمر ذياب: ليش؟ اليازية: اسباب خاصة فيني ذياب: انتي تظلميني و الله ما يرضى بالظلم قلت و انا فـ عيوني دموووع: و انته دوووم تظلمني ما قلت شي ذياب: خلينا نصفي النفوس اليازية: ممكن تردني هناك حرك ذياب السيارة ... بس مب صوب اهلنا.. مكان بعيد شوي عنهم و ما يجوفونا من العرقوب اللي حاجز بينا و بينهم .. شوي مرتفع... نزل ذياب من السيارة ...و بدوري نزلت عقبه رقى شوي من العرقوب الين النص و تربع هناك ... فصخ الغترة من على راسه .. و الهوا يحرك شعره الطويل لين آخر اذنه بشوي ... ذياب: يزوووي تعااالي هني الجووو رووووعة الحين كييف بركب العرقوب ؟؟؟.... مااا اقدر ... حاولت اركب ببطئ ذياب: يلا بسررعة اليازية بابتسامة : بوصلك بوصلك لا تخاف ذياب رد لي الابتسامة ذوبتني: انزين هههه و شوي نزل ... ووصل عندي اليازية: ليش ييت كنت .... ما كملت كلامي الا و هو شالني ... صرخت: ذيااااااااب نزلني يلا و ضربته ع راسه بالخفيف و هو يضحك ذياب: هههههههههههه أول مرة اجوف ذياب مستانس هالكثر ... أول مرة نيلس ويا بعض انا و هو بسس.. و هو بهالوناسة ... بجاريه و بشوف ويين يبا يوصل بس اني ارجعله مستحيل اليازية: هههههههه ايييه بطيحني ووصلنا ويين ماكان يالس ... يلس بسرعة و انا هويت و طحت فوقه ... ذياب: ههههههههههههه و انا بطني عورني .... مسكت ع بطني .. و بعدت عنه و انا اتلوى من الويع ذياب: بلااااااج؟؟؟ و انا ماقدرت ارمس من الويع .... كــــــــــــــــــــت
__DEFINE_LIKE_SHARE__
شووو تتتوقعون؟؟؟ - هل بطيح اليازية؟؟؟؟؟؟ - شوبتكون ردت فعل ذيااااب؟؟؟ | |
| ||
| |
|
| مواقع النشر (المفضلة) |
« تكملته رواية يوم الله بلاني بلاني بالحب حبيته طفله
|
رِوايَـة مَـا أَبِيْے شيے يَـاخْذِڪْ مِنِّيےْ بِـاسْمَ النَصِيبْ »
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ٳللـﯥ يـ ح ـب يـבֿـۈن ... و لآ يـ خ ـون بجنۈن بـع ـد | وحيدة زماني ..~ | استراحة قصص وابداعات الاعضاء | 119 | 02-18-2012 04:18 AM |
| م̈قـِأٳطع سْڵٍيم̈ ۈڵٍـأٳ م̈حم̈ڍْ م̈ڹْ أٳڹْټأٳج .. ڲْڵٍٻأٳۈـٍۓْ .. ڲْشيخ ههـٍ 2010 | مزيۈטּ اڷِمزٱٱييـِטּ | قسم المقاطع | 16 | 09-15-2010 03:04 AM |
| .،|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ |/.، | « ݕڨـﭑﯦﭑ בـطٱم ™ | المسنجر وملحقاته , توبيكات , ماسنجر بلس , msn | 69 | 07-13-2009 02:18 PM |
| { أבֿـۈيـﮱ ۈهُۈ أבֿـۈيـﮱ ( لآ صَد ) عنّيـﮱ مآ ترבּـيتَـﮧ .~ | « ݕڨـﭑﯦﭑ בـطٱم ™ | هواتف , مسجات , وسائط , برامج , ثيمات , نغمات , بلوتوث | 17 | 04-23-2009 10:43 PM |
| مَزيۈنْ فِـﯥ -[ ۈَصْفَــِہَ בــلـآ ..]~* | !!..يمكن طيبتي غلطه..!! | عدسة الاعضاء , كاميرا الاعضاء | 26 | 03-22-2009 12:12 AM |
الساعة الآن 02:25 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227