ٳللـﯥ يـ ح ـب يـבֿـۈن ... و لآ يـ خ ـون بجنۈن بـع ـد

وحيدة زماني ..~ · #1 10-30-2011, 11:02 PM

السلام عليكم عرب زااايد ...

اشحالكم ؟؟ عسى انكم بخير؟؟

هذي قصتي الاولى اتمنى انها تعجبكم ... و في كل قصة يكون مرفق عندها طلب الا
و هو الردود

ارجو ان يكون في تفاعل في القصة و هذا طبعا اذا اتميزت القصة بوجودكم و ردودكم الاكثر من رائعة

و انشالله كل اسبوع انزل بارت و اذا تأخرت فانا استحق العتاب و بعوضكم باثنين انشالله __DEFINE_LIKE_SHARE__

وحيدة زماني ..~ · 10-30-2011, 11:04 PM

الـــبـــارت الاول

وقفت عدال الدريشة و أنا اتذكر هذاك اليوم ..
و انا نازلة من الدري و اسمع الحشرة المستوية تحت و ازقر: امايه بلاج شصاير
امايه و الحزن مبين عليها: خويتي ام ذياب ماتت > و غطت ويها بالشيلة و تصيح<
قربت منها و انا منصدمة .. : اميه كيف . كيف ماتت؟؟
يلست اميه عالكرسي و انا اطالعها بصمت: كتبت ربج هذا يومها
ركضت غرفتي بسرررعة و سرت اطالع من دريشتي اللي اطل ع بيتهم و انا تفكيري فيه كيف بتكون حياته بعد امه انا اللي ادرريبه انه وااايد مع امه و عايش معاها
اطالعت بررع و انا اجوف سيارة اسعاف و متيمعين حواليها واايد ناس ... دورت بعيوني عل و عسى القاه فيهم بس للاسف ما لقيته
فزيت و انا اسمع صوت من ورايه و رودني لعالمي المر و قلت بدهشة: ذياااااااب
ذياب: شو تتطالعين؟
بلعت ريجي و انا اشوف ملامحه الجامدة اللي تعود عليها: و لاشي بس كنت اطالع السيايير
عطاني ظهره يبا يروح بس وقف من سمعني اكلمه: انا مليت .. وقفت عن الكلام بعد ما شفته ياي صوبي و انا ارتجف في مكاني
ذياب و بكل برود: من شو مليتي حرميه المصوون؟
حاولت اعرف شو موده اليوم عفانيه الله هو كل يوم بمود مختلف .. رد عليه بعصبية و عرفت انه موده موول مب للنقاش: ارمسسسج انا
عطيته ظهري ابا اروح لاني ماقدر ارمسه و هو منفعل بس يودني من ايدي و قربني صوبه و كففففففففف عويههي طيحني علارض
طلع عني و صرخت باقوى ما عندي: اكررررررررررهك يالحيوووان
و انخشيت فزاويه بسرعة و انا اصيح ... رفعت راسي و انا اشاهق و هو ابد ما همه بس يبا يعق غيضه عليه .. مطني من شعري و انا ابعد ايده عني: وخررر ما ادانيك وخخخخر عني .. آآي
و هو في كل كلمه اقولها يقوي مسكته ... ربي رحمني يوم رن فونه و طلع عني...بعد ما طلع مباشره يلست اصيح بصووت و صوت عالي و اشاهق و انا اتذكر.....

كنت يالسة في غرفتي و احل واجباتي .. سمعت صوت دق الباب : تفضل
بطلت الباب و كانت اميه .. عدلت يلستي و يلست امايه عدالي
امايه:اميه اليازية يايتنج بسالفة اباج تفكرين فيها تراها هب لعبان
خفت من كلام امايه و انا ادعي الله يستر خفت لايكون درت عن اللي سويناه في المس.. قطعت تفكريي يوم قالت : تعرفين ذياب ولد المرحومة؟
صدددددددددددددمة كانت فوق راسي معقولة اماييه تسألني هالسؤال يمكن كشفتني و انا اراقبه من الدريشة بس لا هو من سنتين ما بين معقولة رد .. بدن الدموع يجمعن في عيني و انا اطالع اميه بخوف ..: لا لا ما اعرفه
ابتسمت امايه و قالت: ليش جي خايفة .. و الله و كبرتي و صرتي عروس>و زادت ابتسامتها< تراه خطبج
انصدددمت و بدهشة قلت: منوووو ذياب خطبني
اطالعتني اميه بنظرات ما فهمتها و قالت: هيه ليش مستغربة ؟
انتبهت لنفسي و انا من داخلي ميييييته فرحااااانه .. معقولة حلم البنات بيكون لي .. لي انا و بس ما صدددق يا ناس حد يقرصني ابا اصدق و عطول قلت لامايه: انا موافقة
فجت امايه عيونها ع وسعهن مستغربة من ردت فعلي و هزبتني: عنبوه ما شي مذهب مرة فصختن الحيا ... موافقة استحي لو شوي .. قولي بفكر.. الراي رايكم
قلت: شو بعد الراي رايكم انا اللي بعرس و الا انتو؟
وقفت امايه معصبة و عطتني ظهرها و قالت: الحينه سايرة لابوج و بقوله ماشي عرس > و مشت شوي
ركضت صوبها و انا ابوس ايدها جني مينونه: لا اميه توووووبه > و سويت روحي مستحيه< الراي رايكم بس وافقو
ضحكت امايه و ما توقعت تكون هذا ردها: هههههههه يا مكرج انتي .. عقب يومين ثلاثة بنخبرهم هب عاقين بنتنا عليهم
قلت بروح مرحة: شو مب عاقين بنتكم عليهم الا عقوها و نص شو تبوبها .. الحين اتصلي و قولي لهم
قرصتني من اذني و انا اقولها : تووبه تووبه .. بس انتي تبيني اعنس شوو
امايه و هي مبتسمة: انتي خلصي الثانوية بنسبة ترفع الراس و عقب عرسي
قلت و انا معترضة: شوووو بعد درسي انا لا بدرس و لا بشتغل ابا اربي عيالي و اقوم فريلي و بس
امايه: و انتي بعدج ما عرستي و سويتي فيها ريلي و عيالي لا عرستي شو بتقولين؟
قلت: حريم عيالي و احفادي
ظهرت امايه من غرفتي و هي تقول هب موافقين.. من سمعتها طااار عقلي و انا اركض صوبها و نزلت من الدري و سرت الصالة ادورها و لقيتها بس طاااااااااااااااخ طييييييييييييييخ ابويه كان موجود وقتك ابويه هع هع
امايه : ما قلتلك عن مكر بنتك
ربعت صوب امايه و لصقت فيهاو انا اترجاها ما تخبره
امايه و هي اطالعني : هب موافقة على ذياب وين بتلقى احسن عنه
فجيت عيوني و انا اقول: صااااااااااااارووووووووووووووخ
ابويه: هههههههههههه قالتلي امج .. مسودت الويه شو هالمنكر طايحة فجبدنا و الا مليتي منا

اطالعت امايه بنص عين و انا اقلدها: ما قلتلك عن امايه
ابويه: شو صار بعاااد؟
هع و انا اجذب عليه: قالتلي قولي لابوج انا مب موافقين نحن ما نباهم
امايه: خيبة يالجذب اللي تجذبينه طالعه ع منووه؟
قلت: اتخبري روحج؟
امايه: ههههههه ع ابوج يعني ع منو
ابويه و امايه:ههههههههههههههه
وقفت عنهم : انا بحل واجباتي احسن .. و ها بباتي ما اوصيك وافق
و عطيتهم ظهري صاعدة لفوق و الا بوووووو: بسسسسسسسم الله من وين ظهرت؟؟
نهيان: يا الدبه اتروعتي
انا: الدبة حرمتك يا مالك الحرمة اللي اطلع بؤبؤك
نهيان: ههههههههههه علموج عاده انتي و ذياب مسرحية كوميدية
قلت: جان استحيييي > و انا امثل اوني استحي <
نهيان : وععععععع ما يناسب الله يعين ذياب عليج
انتبهت انه يقولي ذياب و ما ذياب : تعال انته اتخبرك شو دراك اني انخطبت
نهيان: خذو راي قبل هعهع
قلت بغيض: انا العروس و الا انت
قرب مني نهيان و يقرص خدي : انتي ما تستحين شو؟؟
قلت: جان ما شي حيا >بالفصحى< فافعل ما تشاااااااء
نهيان : زين عيل بستوي خال بسرعة > و شرد عني <
استوعبت اللي يقصده بعد ما كان عند الباب: يالحيواااااااااااااااااااااااااااااااان
سمعت ضحكته و شردت غرفتي
ابتسمت على هالذكرى و دموعي اربع اربع .. انتبهت لوجوده .. و انا مثل وضعيتي ما تغيرت منطوية ع روحي في زاويه ... قرب مني و انا ارد وا و الصق فاليدار
كان قريب مني .. لدرجة اني اسمع دقات قلبه .. هي انا في حضنه .. حضني و كنت اقرب منه بقو و هو يحضني اكثر... طلعت كل اللي فخاطري من صياح .. صحت بصوت عالي و اشاهق و انا اتذكر قدري و نصيبي في هالدنيا انسااان خالي من المشاعر بدون احاسيس .. وحش بتعامله ... ع كثر ما كنت مستانسة و متكبرة اني بملك حلم كل بنت في العين الا اني متندمة و خاطري اقول للبنات الانسان اللي تحلمن فيه بدون قلب
صحاني للواقع و هو يقول: آسف... و هو يمرر ابهامه عويهي و يمسح دموعي
اليازية: ما احببك .. انته دوم تضربني ..وخخر
قرب مني و باسني ع خدي و هو يقول: كنت معصب
صرخت عليه: و انته متى ما كنت معصب
غمض عيونه و كانه يبا يتمالك اعصابه .. وقف و قفني عنده بالغصب .. ابتسم و انا مب مستبشرة بهالابتسامة مسكني من خصري و قربني صوبه .. :الحينه تعدل مودي لا تخربينه
استانست احببببه يوم يكون موده طرر .. ابتسمت: انزين انا رضيت
ابتعد عني شوي و قال: زين وفرتي علي مجهود الطلعه
لصقت فييه و انا اتدلع: لا انا زعلانه
سالني بخبث: تبني اراضيج هني و الا بررع
اففففف قفففطة : من يينا ما ظهرتني برع .. ما جفت ماليزيا عدل
قالي: بنسير البحر و عقب بنتعشا و بنرد زين
قلتله و انا معترضة: لا مب زين
عطاني ظهره و مشى برع الغرفة و ربعت صوبه : مواااااافقة
__DEFINE_LIKE_SHARE__

وحيدة زماني ..~ · 10-30-2011, 11:05 PM

البارت الثاني

قبل سنتين و نص
نشيت ع صوت المنبه المزعج .. يلست ادور عليه بايدي فوق الكمندينو عشان ابنده بس ما حصلته .. قمت من الشبرية بكسل و ويهي صوب التسريحة لاني تذكرت انه البارحه حاطه المنبه ع التسريحة لاني سهرانه ع الايميل و المنتديات و القصص ..مشيت صوب الحمام>عزكم الله< غسلت تيددت لصلاه الصبح و عقب ظهرت و صليت و رديت ارقد

ع الساعة 10 نشيت ع صريخ ميوه .. فتحت عين و عين مغمضة و انا اقولها: بررع يالحيوانة
ميوه بصوت عالي: كيفج والله .. افعل خيرا تلقى شرا
قلتلها بمصخرة: أي خير ايي من وراج بالله؟
ميوه: هع هع حبيب القلب في الميلس عند نهيانوه
فزيت من سمعت اسمه يالبى قلبي و الله : فدييييييييت هالطاري قسسسم بالله ..بس تعالي شو يسوي هناك؟؟؟؟؟؟؟
ميوه: السيد نهيان متكرم اونه
ضحكت على ردها .. دوم تهزب نهيان يوم يعزم ربعه اونه انته اعزم ونحن نرتب ع كيف امك اهو:ههههههههههه
ميوه: لازم لازم اتضحكين حبيبج اللي ما يدري عنج اهنااااااااااااااااااااااااااااااااااااااااااك
اطالعتها بنص عين: اهنااااااااااااك مب جنه فرت حصى و اوصل عنده
ميوه: و الله لوجافت بكشتج جي .. كوابيييس بينه و بيقول ربي فشو اذنبت
اليازية: اذنب يوم ما حبني .. و بوزت
ميوه سوتلي مالت و طلعت
ضحكت عليها و نقزت من الشبرية و غيرت ملابسيه و تعدلت طبعا و تكشخت .. لبست كندوره تلي اونه كشخة خخخخخ ... و كحلت عويناتي و حطيت قلوس وردي بحكم انه كندورتيه ورديه
ظهرت من الغرفة و انا اغني :::
محلى العطر و نفحة العود
هيمان أنا فيكم هياما
هيجة قلبن كاتم عهود
و أفضيت لك كل الكلاما
عذبتني بالفعل مقصود
معذور يا حلو الوشاما

جفت البشكارة و فايدها دله ربعت صوبها .. و زقرتها : اقووول اقوووول لمنو هذي؟
اطالعتني مستغربة الا مب فاهمة كلامي خخخخ و عدتلها بكلامهم اللي يفهمونه: هذا > و اشرت ع الدله < مشان ميييين .... و سويت حركة الهنود >كيساهي هعهع<
قالت لي: انته مجنون ياجية
اليازية: هههههههههه لا يكثر
ملعونه الصير عطتني طااااااف و روحت .. لحقتها و اخذت الدله عنها و قلت: هذا مشان نهيان هذا غبي صح؟
البشكارة: ايوووووه .... يلا روح انتي ودي
اليازية: بشكارة امج انا .. بس يلا عشان ذياب كل شي يهووون
البشكارة مستغربة: انته شو يقول .. مجنون واهد
اليازية: المجنونة انتي يالهبلة .... وشردت عنها
عند الميلس
و اذني لاصقة فالباب و انا اتحرطم : عنبوه ما ينسمع شو يقولون علو صوتكم ... ريال انتو هب حريم .. بعد الحريم صوتهن يوصل الحارة الثانية.. انتو المفروض يوصل راك هب عند هالباب

من ورايه: ها الحين تسمعين؟
و انا اكمل تحرطيمي: هي جيه ... و انتبهت انه الصوت ياي من ورايه صديت ورا و صرخت : يالحمااااااااااار
حط ايده ع ثمي و هو يصك ع اسنانه: يالحيوانه قصري صوتج
اليازية: نهيانوه كنت يايبه ... و سكت شوي ما عرف شو في الدلة
نهيان بشك:شو يايبه؟
اليازية: زقووووم ..... و شردت عنه
مشيت قدام البيت ... جفت سيارته فديت السيارة و راعيها قربت من الرنج الاسود و انا اطالعها .. هب مغيمة ينشاف اللي فيها ... خطررت في بالي فكرة .. ربعت صوب الصالة و اتصلت بالدكان مع تقردين طشونه عشان ايي بسرعة .. طبعا قلتله تعال بدون هرن هع

المهم وصل الدكان و دفعت .. اتجهت صوب سيارة حبيبي و يلست اجلدها باللون الاسود و مستانسة حظرتي و حطيت عليه ورقة مكتوب فيها ( يمنع النظر الى الداخل بيب بيب ^_^)
و شردت .. اندسيت عدال اليدار عشان اسمع تعليقه .. يعني انا اشوفه و هو ما يجوفني .. ترييت نص ساعة و عقبها ساعة و انا اتريا ملييت بس وقفت اتريا
عقبها الحبيب ظهر و وراه نهياااان ... امبييييه نهيانوه يعرف خطيي .... وصله نهيان عند السيارة و جفته فاتح ثمه حليله هههههه
و انا اسمع حوارهم
ذياب و هو منصدم: شو ها؟؟
نهيان خخخخ اكيد مفتشل: علمي علمك
ذياب يطالع نهيان و كانه يتهمه انك انت .. لالا حبيبي انا انا سويته > الحب مجنون
تواطا ذياب و كانه يركع وشل شي بايده .. فتحت عيوني ع وسععععععهن و الشررررررررررده صوب غرفتيه ..
قفلت عليه الباب و انا اتنفس بسرعة خمسسسس دقايق بالضبط و نهيان يدق الباب بعصبية
قلت : نعععم ما يخصني ما سويت شي
نهيان : و شو دراج اني ياي اهزبج هاااا؟
حطيت ايدي ع ثمي ... صدق انا غبية شو ها فضحت روحي اوووف شو اقول
نهيان: بطلي الباب لا اخبر امايه
قلت بخوف: احلف ما تضربني
نهيان: و لج ويه بعد تتشرطين .. يلا ما بضربج بس بطلي
اليازية: احلف
دق نهيان الباب بقو شوي و بيكسره
قلت بعناد: ما ببطل و لو كسرته بكون يا تحته يا ناقزة من الدريشة
نهيان: اتسوين خيير تفكينا من مشاكلج يالحمارة
اليازية: الحماررة حرمتك
نهيان: ريللللللللج
قلت بصوت عالي: ريلي يسواك يالعنز
نهيان : انتي مهرج حتى مايي قيمت السيارة اللي من شوي جلديتها .. تعالي استسمحي من الريال عالاقل
ابتسمت الا طرت من الفرحة .. بطلت الباب ع طول و مسكني من ايدي بقوة و انا اصرخ: هدني ايييييي نهيانوه يالحيوان فج ايدي
ظهرني بررع و انا اصرخ فرني قدامه و قال: يلا فجي هالجلاد كله
اطالعت حولي و جفته متساند عالسيارة و مجتف ايدينه بحلقت عيوني فيه ييااااااي انا في حلم .. و اطاالعت نهيان : شسوي الحين؟
نهيان: طبعا عرفنا انج انتي السبالة اللي سويتي جي يلا استسمحي من الريال و فجي الجلاد
(ملاحظة: بحكم انه جيران و معظم الاقات تقريبا ويا بعض فعادي احيانا وقت الطلعات نيلس كلنا قروب بنات و شباب) نرجع
قلت بخجل: تستاااهل
فج عيونه ذياب عالاخر: بعد لج ويه تتكلمين ... يلا فجيه كله
قلت: اذ ما عيبك الجلاد سو تغيييم
ذياب بدهشة: و انتي شعليج جلاد تغيييم مطر شمس شو خصج؟؟؟
قلت بغباء: حلوه بس لاتعيدها
ظربني نهيان ع راسي بالخفيف: يالهبلة اشتغلي بدون تعليقات و قولي سوري
قلتله: حبك منصووووري .... و شردت عنه

سوري عالبارت القصير و انشالله اللي بعده يكون اطول __DEFINE_LIKE_SHARE__

وحيدة زماني ..~ · 10-30-2011, 11:07 PM

البارت الثالث

امتحانات نص السنة الصف العاشر
دخلت المدرسة و انا خايفة من الاحياء صعب و الا سهل .. قريت كم اية تخوز هالتوتر شوي .. التفت يمين و يسار ادور الشلة ...لفيت صوب اليمين و انا اسمع صوت ميروه : يزوووووي نحن هني تعالي
مشيت بسرعة صوبهن السبااااالة فضحتني ... سلمت و نقزت ع ميروه ضربتها ع راسها و هي تقول توووووبة
اليازية: تستاهلين و زود بعااااد .. يعلج الريل اللي يلعوزج قولي آمييييييين
البنات: آآآآآمييييييييين
ضحكنا ضحكة جماعية و حن نجوف ميروووووه مفولة ... وقفت و قالت بدلع: حبيباتي انا محد يقدر يلعوزني ... حبيبتي يزوي قصدج انتي موووو هييييك
رمستها باللبناني: اييي لكن هيك و نص هع هع
ضحكنا بصوت عالي .. و يت الاخصائية صوبنا و هي تهزب: عبالكن انتن بروحكن في المدرسة بنات الثانوية يدرسن صخخن
حمدوه: و الله هن عندهن بيوت يدرسن فيها ضاقت لا ضاقت عليهن الارض يدرسن في المدرسة
كتمت ضحكتي و انا اطالع الموقف و كملت عنها سلامة توأمها الروح بالروح
سلامة: اقول حمدة يمكن يبن عصير و الا ريوق شو رايج نطلب لهن مطعم و نوديه صوبهن
الاخصائية مفووولة: اقووووول قصرن الشر احسن لكن
حمدة: اويييه اقصرووووه يا مال القصر اللي اسكن فييييييه

و ضحكنا كلنا: ههههههههههههه
الاخصائية : ما بنساها لج يا حمدة و بتجوفين
سلامة: و انا بذكرج بعد للاحتياط بسس
دحرتنهن الاخصائية بعيونها و روحت .. و نقعععنا ضحك ..
و انا اقلد الاخصائية: ما بنساها لج يا حمدة و بتجوفييييييييييييييييييييييين
ميروه: اقووووول طولن الشرر اقوووووووووول
الشلة: ههههههههه
حمدة: بطلع عيونها اونه صخخن .. عكيفها اهو
سلامة: لا ع كيفها و لا ع كيف يدها و اللله

>>>>>>>>> ميروه ربيعتي وااااايد ... ووواااايد ارتاحلها و نصايحها تكون طرر .. طيوبة و مرحة و تحب الضحك لكن عند المعلمات سبحااااااان الله ملاك و هي ساكنة عند اخوها و حرمته و قالتلي انهم يرتبون اوضاعهن عسب ينتقلون ابوظبي قهههههر بس بعد مدة طويلة > يعني بعد الثانوية خخخخ
>>>>>>>>> حمدة و سلامة ملح اليلسة جريييئات لدرجة ... و دلوعات بعد ما همهن لا مديرة و لا معلمة اللي براسهن يسونه وهن بنات عم و قريبات من بعض وايد يعني مثل ما قلت قبل صديقات الروح بالروح

طبعا اليوم آخر يوم امتحانات و بعده اجازة ما بين الفصلين ناااااااايس
وزعت المراقبة الاوراق و انا متروعة لانه الاحياء صعععععب .. كتبت اسمي ع الورقة و فتحت اول صفحة و تميت اقرا و حليت و خبصت و خلصت و سلمت يعني طلعت من اللجنة هع
ميروه: تووووو الناااااااااس لو ما طلعتي يالزلمة
اليازية: ميييييييتة اكييييييييد خطأ
قربت ميروه مني و ساسرتني: طبعا عقلج مب عند الامتحان
اليازية: حرااام عليج و الله حلييت .. بس خاطري اشوفه
ميروه: انشالله ما تشوفين يا حبيبي يا كريم
دبستها ع ظهرها و قلتلها: فاااالج ما قبلناه
ميروه بالسوري: بلا طووول سييرة رح روح معيك
اليازية: يمكن نهيان يوصلني
ميروه: يا لبى قلبي
اطالعتها بنص عين و قلت: يا عيني ع المراهقة
ميروه: عداااااااال سمعو منو يتكلم .. يلا يلا اوني ما ادري
دفرتها لقدام و قلتلها : يلا بسررررررعة آخر يوم حوااااطة
طلعنا برع المدرسة و لبسنا الغشوة .. دورت بعيوني السيارة شوي و الا دبسة ع ظهري: بلاااااااااااج؟؟؟
ميروه و تسوي عمرها ميتة: اطالعي ذاك الغرشوب اللي سرق قلبي و راح
قلتلها بعصبية: راحت روحج انتي وياه و احينه دابستني عسبه مالت عليج يالهبلة
ميروه: و الحين ما كلتني بقشوري وينه دريولكم حضرته .. لا و اونه انا سيارتي تي قبل السيايير كلها .. حبيبتي السيايير كلها يت و سيارتج لاااااااااااء
سويت روحي اصيح: شسوي يعني شسوي قوووولي؟
ميروه اوني غمضتها: خلاص حبيبتي بتريا وياج
قلتلها بنصر: هع هع
ميروه: انتي منو علمج هع هع
ضحكت و قلت: ههههه ميوه قالتها لنهيان قبل
ميروه: يا هالميوه اللي مطلعه عيون حبيبي
اليازية: حبتج القرادة انتي و و.. لا حرام اخويه ما يخصه
ميروه: مالت علي اللي عندي اخو طايح حظه
ضحكت عليها دوم تسب اخوها و اونه مسحور من حرمته : هههههههههه
لمحت السيارة و مسكت ميروه من يدها و اقودها شرات اليهال: تعالي السيارة وصلت
ميروه: انزين ما بطير فجي
قلتلها بعناااد: ماااااابااااا يلا تعالي ..... و فتحتلها السيارة و قلت: تفضلي مودموزيل
ميروه شرات الاميرات: ثاانكس بيبي
و دفرتها داخل السيارة بدفاشة و ركبت عقبها : يلا بلا مصخرة
ميروه تمت تتطالع السايق وو.........
كـــــــــــــــــت __DEFINE_LIKE_SHARE__

وحيدة زماني ..~ · 10-30-2011, 11:08 PM

يلا نزلت بارتين و نـــــص

نتظر الردود و انشالله ما تخذلونـــي يالاعضآآآآء ^_^
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ڷآ شفت منهـۈ تـבـبـہْ صد مـטּ دۈنڪ اقـرا علييـہْ الفـأإآتـבـہْ ۈريـح أعصـأإآبڪ ..!*	¬» ۶ـنيدهـِ بـפـبڪْ ؛*	هواتف , مسجات , وسائط , برامج , ثيمات , نغمات , بلوتوث	11	11-12-2010 06:47 PM
م̈قـِأٳطع سْڵٍيم̈ ۈڵٍـأٳ م̈حم̈ڍْ م̈ڹْ أٳڹْټأٳج .. ڲْڵٍٻأٳۈـٍۓْ .. ڲْشيخ ههـٍ 2010	مزيۈטּ اڷِمزٱٱييـِטּ	قسم المقاطع	16	09-15-2010 03:04 AM
مطٍر بالقُۈبـٍع المَـטּصۈري ۈۈلد أخْتِهـ أבمَد المْهٍيريٍ .. ] ~	مزيون المناصير	برنامج الميدان للكبار3	25	10-15-2009 09:45 AM
مَزيۈنْ فِـﯥ -[ ۈَصْفَــِہَ בــلـآ ..]~*	!!..يمكن طيبتي غلطه..!!	عدسة الاعضاء , كاميرا الاعضاء	26	03-22-2009 12:12 AM
,, [ۈيدۈر آلزمــــن ۈآللــــَـَـِـِﮧ ۈتقضــي آلعمر مـבـــتــــآرة ’’~ ,, دبووه حيــآج’’	» Ѯ η ą d	تصاميم الاعضاء	16	03-19-2009 06:52 PM