الجبن والصامولي

محروم.كوم · #1 11-08-2011, 10:40 PM

السلام عليكم ورحمة الله وبركاته

النسيان نعمه ام نقمه

فيه ناس النسيان مسيطر عليهم
حتى ان بعضهم يدور للشي وهو في يده ( من قد مر عليه هالشي )
بجيب لكم كذا موقف حصل

هذا واحد ماشالله عليه رازقه ربي
بثمانيه اولاد
خذاهم هاك اليوم ووداهم يم الحديقه
يتمذرحون بين الزهور ( وش رايكم في يتمذرحون )
ويلعبون بالمراجيح
بعد المغرب شالهم وعلى البيت
وراح صلى العشاء
ومر البقالة وخذا كيس صامولي وعلبة جبن ابو8 حبات
جاء بالبيت وقال ياعيال تعشوا وناموا وراكم مدرسه ( شكله يبي يصرفهم)
التموا العيال يتعشون
وهو قاعد يطالع بالتلفزيون
التفت ولا باقي على السفره حبة صامولي وجبن
وهو يلتفت على ام عياله ام فلان من اللي من العيال ماتعشى
التفتت الام الا كل واحد معه صاموليته فلان فلان وينه
ويصلحون استنفار بالبيت ماحصلوه
ويدق سلف وعلى الحديقه
الا أخونا فالله داقها لعب ولا هو يم احد

الموقف الثاني
هذا راعي الموقف يسولف علي بنفسه
هذا عسكري بالخرج
يقول رحت يم الوالد في الرياض وتكيت عنده خميس وجمعه
يوم الجمعه بالليل عندي خفاره الساعه 12
يقول تاخرت بالرياض واركب الحرمه والعيال وعلى الخرج
وصلت البيت وافك لهم باب البيت واخش الغرفه والبس البدله
واطلع واركب السياره وعلى الدوام

يقول استلمت الخفاره والوضع هدوء لو تطيح ابره سمعتها
يقول شوي الا اسمع صوت بكاء ورع
المشكله منطقه عسكريه مافيها الا عسكر وش جاب حس الورع
يقول فكرت انه مقلب ماخشت راسي
قلت بس هذا جني ( متأثر من اسلوب خوي مخباته )
يقول أنا نشفت في مكاني لو تذكيني ماسال مني قطرة دم
الا والجوال يدق وانا اقوم أرثع من الروعه
ارد الا الحرمه تبكي
وش العلم قالت فهد مو بالبيت
وشلوووون!!!!!
واحط رجلي يم السياره
الا الورع بالسياره ودموعه اربع اربع
أثاريه نايم وحنا بالخط

اتمنى هالسالفتين تنال اعجابكم
دمتم بود __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كروسان الجبن	(****)	تجارب طبخات الاعضاء	17	09-15-2012 08:27 PM
الجبو	محروم.كوم	منتدى أخبار المواقع والمنتديات العربية والأجنبية	0	10-06-2011 09:20 PM
معكرونة بي الجبن التركي	محروم.كوم	منتدى أخبار المواقع والمنتديات العربية والأجنبية	0	04-09-2010 10:10 PM
... كــرات الجبن ...	قطوة بوظبي	فن المطبخ والطبخ	10	05-22-2008 08:33 AM
فطائر الجبن واللحم	ملاك الروح	فن المطبخ والطبخ	3	01-15-2008 07:52 PM