| ||||||
 |
| | LinkBack | أدوات الموضوع | انواع عرض الموضوع |
11-11-2011, 01:38 AM
| رقم المشاركة : [ 31 ] |
| عضو جديد |  البارت التاسع >>> الجزء الثاني في الفترة اللي ما كان فيها موجود تذكرت اللي صــار .. و كيف يستسمح مني .. هذي اول مرة يسويها و يستسمح .. ليييش؟؟؟ اساسا ليش يضربني ؟؟ لييييش؟ بس لاني قلتله انك خايف من نهيان ؟؟ و هو بالفعل خاايف من نهيان لاني من قلت لنهيان مارد و ضربني ... اووف يا ذياب و بعدييين وياااك شسوي يعني ... ما يفيد لا صد و لا ضرابة و لا احتقار و لا شياته .. و لا و القهر اني انصاع لــه واااايد و ما اقدر اتحكم بمشاعري .... دخل عليه و فايده كوب من ستار بوكس ما ادري شوفيه و كيسه من المطعم ... حطهن لي عالسرير .. ذيــاب : يبت لج نسكافيه اباج تشربينه كله قلتله بعنااد و انا خاطري فيه: ما اباهـ ذياب : زين ما علينا .. كلي السندويج و يوم بيكون النسكافيه فخـاطرج اشربيه قلتله و انا اطالع السندويج و باكلها بعيوني: مب مشتهيهـ اي شي من وراكـ قرب مني و يلس ع السرير : مب عـ كيفج بتاكلين هذا كله > و ابتسم بعناااد العالم: ما اباهـ و اعلى ما بخيلكـ اركبه > و لفيت ويهي عنه للجهة الثانية مسكني ذقني باصابعه و لفني صوب ويهه : الحين هالعناد شو بيفديج .. انتي جسمج ما تحمل الضرب و مب ماكله شي من البارحة طبعا باطيحين عليه قلتله و انا فيني صياح: جفت يعني من الضرب ... انا ما احبكـ ما اباكـ دوم تضربني اطالعني بنظرات اول مرة اجوفها .. نظرات حنان و من هالقبيل: حقج علي .. بسس انتي لا تستفزيني صديت عنه و قلتله: طللقني انصدم : شووووو؟ هالطاري مول لا تيبينه قلتله و انا حزن العالم كله فيني: انته تضربني و ما تحبني و اتجوفني عاساس اني ياهل و كل شي اسويه غلط .. تشك في كل صغيرة و كبيرة اسويها .... انا ما احب جي... ارسي ع بر تبا تضارب اضارب دوم .. تبا اتكون رايق كون دوم رايق طـــلع من الغرفة .. طبعا ما يقدريواحهني بس يعرف يتهرب اطالعت النسكافيه و خذتهـ و شربت منه .. كليت السندويج كله قلت بشبع: الحمممدلله .. و الله و طلع فيه خيير بعد انسدحت ع الشبرية و احس روحي تعبااااانة الا ميته يوووع فهالوقت دخل ذياب بسرعة ... نقزت و قالي: كلمت الدكتورة ووافقت اطلعج الحينه يلا بسررعة قلتله باستغراب: شو بسررررعة ؟؟؟ ذياب: الله يسامحهم اونه الليلة العشا .. و حفلتج انصقععععت: شووووو انا ما اتجهزت و لا حجزت فالصالون و لا اخترت الفستاااااان اللي بلبسه شو هااا ذياب: و انا شو يخصني من شوي ياني التيلفون و قالو لي قلتله باعتراض: ع كييفهم هم ... انا و انت اللي لازم انحدد ... البارحة رادين و الليلة الحفلة قرب مني و همس: لاني بااااجر ورايه شغل قلتله: باااااجر اليمعة لا تخورط ذياب:ههههههه هيه انا شغلي في اليمعة قلتله: جذااااااااااب ذياب: افا يذا العلمـ .. الحينه انا اجذب حشى و الحشى عن الف يمين ضحكت ع رده: ههههههه مسلسل بدوي هو ذياب: هههههههه ... يلا عن الدلع اشرت ع المغذي: و هذا؟ ذياب: وييت بزقر الممرضة اتشله قلتله بحزن: لا انا بشله متعوده اطالعني بصدمة: متعودة!!!! قلتله و انا منزلة راسي: هييه ذياب: لييش؟ ما حبيت اقوله شي .. عسب ما يشفق علي .. يعني شـ قوله؟ اقوله انه فيني لوز و كل ما يصيبني زجام اترقد .. في الحلم يـ بابا .. مع انه شي سخييف غيير ما ااحب احد يدري ... هذا انا و هذا طبعي : و لا شي ذياب يلس ع الشبرية و قال بحنان: شو بعد و لا شي .. ترا لازم ما يكون بينا اسرار .. قاطعته: يوم بتقولي منو فـ بالكـ بقولكـ انا شو مرضي > هع اونه مرض لو درى بيدفني فالمستشفى بس فضوووول ذياب: محد فـ بالي .. يلا قولي ع كيفك اهو: لا و الله ... عيل كيف اتقولي لو ماخذ اللي فبالي.... حط صبعه ع شفايفي: اشششش لا تكملين ... كنت معصب قلتله و نا ع شبه صياح: اساسا المعصب يقول كل شي صح ابتسم و يرمسني كاني ياهل: المعصب لما يقول شي .. ما يعرف شو يقوله و لا يحسبله حساب.. كنت ابا اقاطعه بس رد و حط صبعه ع شفايفي و كمل: و انا لما عصبت ما حسبت حساااب اي شي لفيت ويهي الصوب الثاني: جذااااااب و بعدين هالاسلوب لا تعاملني بهـ كان بيرد لكن الممرضة دخلت عـ اساس تشل المغذي و شكله تذكر السالفة : ما قلتيلي ليش متعودة؟ اليازية: قلتلكـ وحدة بوحدة ابتسم و قال: ما ابا اعرف قلت: احسسسسسسسسن طلعنا من المستشفى و في السيارة ذياب: ما تبين السوق للحفلة قلتله بصدق: لاء كل شي عندي بس ابا الصالون ذياب: تبيني اوصلج الحين فكرت و قلت : يلا ذياب: وين تبين ؟ قلتله: وييت بتخبر ميوه اتصلت بـ ميوه .. و ردت علي شكله قايمة من الرقاد او شي جي .. جفت الساعة 1:30 ميوه بتعب: هلا رديت عليها: اهلييين و سهليييين يالرقادة ميوه: هههههه... حرام وعيتيني ريت عليها ونسيت انه ذياب عدالي: بسسسسج خيييبة ما تشبعين من ريلج انتي؟ فهالوقت انبهت لذياب اللي اتطالعني و لما رديت اطالعه اطالع قداااام امبييييييييه قففففففففففطة ميوه: ههههههه طاعو الحسسد قلتلها اغير الموضوع: انزين اتخبرج شو احسن صالون ابا اروح اتعدل ميوه: هييييه صح امايه قالتلي .. السبالة ليش ما قلتيلي؟؟ ما عرفت كيف ارد عليها ... اقولها انا من شوي دريت .. كنت طايحة بالمستشفى رديت عليها: خلاص وصلتج العزيمة .. يلا قوليلي اي صالون انا بزي ميوه: لانج بزي بخبرج و الا انتي هب ويه صوالين قلتلها بدلع: ميوووووووووووووووتييييي ميوه: هههههههه انزين صالون ........... ... الهبلة قوليلهم سبشل .. اوفر قلتلها: ليييش انشالله انا مب حلوة يعني ميوه: لا يالهبلة مب عشان جي ... بس لانه حفلة عوووودة و نااااس وااايد بيون عن الدلع يلا و سكرت فـ ويههي قلت و انا اطلع الفون: حمااااااارة ذياب: الفون و الا اختج؟ استحيت كيف اسب اختي قدامه لا و ماخذه راحتي بعد ذياب: وين تبين الحين؟ اسلووووووب ياخي ... شويه اسلوب لو سمحت : ابا صالون ....... ذياب بشبه عصبية او نقمة ما ميزت: لا اناا دل كل الصوالين سبحان الله ... كل يوم عند صالون ... قولي لي مكانه شووووي و بصييييييح .... ليييش يهزبني و انا شدراني : ما ادري وينه ذياب: و يعني؟ قلتله: ويييت بخلي ميوه ادليني رديت اتصلت بميوه ... ميوه: خيير بصوت فيه صياح: وين الصالون؟ ميوه: هههه خييبة بلاج يالدلوع؟ قلتلها بعصبية : ويييييييينه؟ ميوه: هع اوك .... شوي و يسبح ذياب عني الفووون من دون استذان ذياب: مرحبا ميا ..... وين هالصالون اللي تباه اختج ... هييه و عقب.. انزين و بعدين .. هيه عرفته .. عند اي دوار ... يسار و الا يمين ... خلاص دليته .. مشكووورة و ما قصرتي .. في حفظ الرحمن و سكر و ردلي فوني و قلت : و بأي حق تاخذ فوني من دون شوري قالي كلمة سكتتني تعرفون شو هي؟؟؟؟؟!!! قال بعصبية: جبببببب و سكت .... صدق اني ضعيفة شخصية اووووووف الموهيم .. وصلنا الصالون .. ييت ابا افتح الباب بس يودني من ايدي : صبر و طلع بوكه ... و مدلي مبلغ و قدره قلتله بعزة نفففس: مابا اللي عندي يكفوني ذياب بابتسامة ما عرفت شو يقصد بها لكن مب ساخرة : اساسا انتي ماشليت شنطتج .. كيف عندج ؟ اخذيه و عن الدلع اخذتهن و نزلت و سكرت الباب ... حتى ما قلتله شكراااا ... قصوري بعد و انا داخلة الصالون اتذكرت ميروه ... لازم تيي .. اتصلتبها ميروه: هلا و الله تو ما نورت شاشة فوني اليازية : و انا تو ما ظلمت شاشة فوني .. اشحالج؟ ميروه: بخييير و سهالة اخبارج العروووس؟ ابتسمت بسخرية قلت: العروس تبا تطلبج طلب و ما تردينها ميروه عيوني لج قلتلها: ويييت شوي كلمت اللي فالصالون كيف ابا اتعدل و استلمني و انا اكمل كلامي ويا ميروه اليازية: ادري صعبة بسس الليلة واااااايد مهمة لي ميروه: تراج روعتيني شسالفة ؟؟؟ اليازية :الليلة حفلتي و اباج تحظرييينهااااا بلييييييييز ميروه ميروه: سووووري و الله ما اروم و تدريبي انا فابوظبي صععبة ما بغيت اضغظ عليها .. لاني انا اكثر وحدة تدري بحاله: اللي يريحج غلايهـ ميروه: حياتي انتي ما زعلتي مني صح؟ غمضتني فديتها : لا حبيبتي ما زعلت و بعدين حتى انا بسكن فابوظبي شغل ذياب هناك .. جوفي القدر كيف بيجمعنا ويا بعض ميروه بونااااسة: واللللللله حللللفي ما اصدق اليازية: هههههههه و الله جفتي عااااااد ميروه: فديييييييييييتج ادري ما تخليني اليازية: و لا بخليج وراج وراج يالحماااارة ميروه: الحمارة انتي اليازية: اييييه لا تسبين ميروه: انتي لا تسبين اليازية : انتي اللي بديتي ميروه: تعالي كنتي تبين اتقولين لي شي اليوم شو هو؟ تذكرت اللي كنت ابا اقولها اياه: يوم بجوفج بقولج ميروه: اوكـ غناتي عصببت: سبااااالووووه كيف انتي ما ييج فضول ابا اعرف؟؟؟ ميروه: لاني ادري عاجلا ام آجلا بتقولين اليازية: هههههههه انزين بااااي .. بتصل لحمدوه و سلامي بعزمهن ميروه: اوك باااي و سلمي عليهن اليازية: لييش انتي ما ترمسينهن؟ ميروه: امبلا ارمسهن .. بس في البي البي مسن اليازية: اها .. اوك باي ميروه : باي و سكررت عنها يا إني مشتااااااقتلج يا ميروووووه وااااايد اتصلت لحمدوه و سلامة و طبعا بيين يموووووتن فالعزايم هههههه..... خذتني السوالف وياهن ... لين ما خلصت و جهزت دفعت الحساااب و ظهرت من الصالون و انا ما اعرف لا رقم ذياب و لا البن مال البي البي حقه .. اوووف شالدبرة الحين طلعت بررع عل و عسى يكون موجود .. جفت الساعة ... كانت 4:00 كل صلو الناس .. اووووف وينه ... مستحيل ينتظرني آخر اهتماماته __DEFINE_LIKE_SHARE__ |
|
| |
 |
|
11-11-2011, 01:39 AM
| رقم المشاركة : [ 32 ] |
| عضو جديد | البارت العــــآآآآآشـــــ{10}ــر بسسسسسس الصدمة انه كان ينتظرني ... معقوووووووولة .. ربعت صوب السيارة جنها بطير هههههه فتحت الباب و انا لا زلت بغشوتي ... سلمت: السلام عليكم ذياب و من دون ما يطالعني : و عليكم السلام ما نزلت الغشوة من ع ويههي و صديت صوب الجامة اطالع بررع متى يا ذيااااب ؟؟ متى اتحس فيني ؟؟؟؟ احسك انساااان بدون احسااااس ... ما تحسسس... تضرب و تشتم و تعصب ... و مرة حنون و طيب و تخاف عليه .... خلكـ ع موقف وااااحد انا ما يناسبني هالمواقف آآآآآآه منك آآآآآآآآآه وصلنا البيييت و ابد محد رمس الثاني بركن السيارة و عقبه نزلنا ... خلنا الصالة ماجفنا غير يدته موجودة .... انا اترخصت عسب اجهز نفسي اما هو فـ يلس ويا يدتهـ دخلت قسمي ... و توجهت للغرفة و انا مليوووون وسواس و فكرة يدورن فراسي يعني شو اللي بلبسهـ؟ اكيييد ما بطلع حلوة .... شو من فستان مناسب؟ توجهت صوب الكبت و انا ادور لي فستان .. الحمدلله يابو اغراضي كلها هني ... تنهد براحة...و بديت ادوري فستان اظهر هذا و ادخل هذا ...و اخيرا اخترت واحد مناسب فصخت الشيلة و عقبها العباة بشويش لانها كانت مسكرة ما حطيت فبالي اني بروح صالون ... او شي ... لبست فستاني في غرفة التبديل و بعدين طلعت صوب الغرقة .. و توجهت للتسريحة و فايدي الطرحة كانت قصيرة نوعا ما الحينه كيف بحط الطرحة ... اوووف مب لازم فريت الطرحة ع الشبرية ... فتحت التجوري(الخزانة) و طلعت عقدي الالماس اللي كنت لابستنه فالعرس .. و لبسته و لبست الدبلة .. اطالعت نفسي فالمنظرة .... تعطررت الا تسبحت بالعطر ... و حطيت لمعة ع رقبتي لاني قلتلها انا بحط فالبيت صوت من عند الباب: احم احم طاحت اللمعة اللي كانت فايدي و انا واقفة منصددمة ... اما هو حسيته مبههت فيينيي ... تقرب مني و انا ارد خطوة للورا كان مكياجي مائل للبرونزي حسب طلبي طبعا لاني احب اللون البرونزي في بشرتي بحكم اني بيضا هههه...و اما شعري كانت قصتي قاصتنها لين فوق حواجبي و كاااااان شكلي كيوووت ههههه ... و منزلة خصل مسويلهن رولات ... اما شعري من ورا بف و من تحت كله رولات وواصل لين آخر ظهري تقريبا أما عن فستاني .. فكان لونه بيج و عليه شغل بالذهبي من فوق مخصر و راسم جسمي الييين الركب و من تحت الركب نافش .. مطلعني طويلة و ايده نص كم و طبعا الحنا ليين الحينه فايدي ما مداها تروح كان يطالعني من فوق لييين تحت بتمعن ... اتضايقت من نظراته انقهرت ... عطيته ظهري .. لكن .. تقرب مني و ردني ع ورا ... و لصق ظهري ببطنه و ويهه قرب اذني: شهالجمال ما اروم؟ قلتله بغيض: طول الوقت كنت عندك .. بس حبيبتك ماخذه عقلك... يعني لاني متكشخة فرقت .. تراها احتمال اتيي الحفلة اطالعها و اشبع منها لفني صوبه و يطالعني بتمعن: تغااارين؟؟؟> و ابتسم اشرت عليه من فوووق لين تحت: اغار عليك انته .. هه ما عندي سااالفة قرب مني و همس: عيل لاتبين طاريها مرة ثانية .. اوك؟ قلتله بعناد: لاااااااء ذياب: قولي انشااااالله ... كم بفهم فيج! قلتله بقهر و ابا اغايضه: بلييييييز آي ام بزي راح و يلس ع الشبرية و كانه كان متعمد يحرجني بنظراته .. يطالعني من فووووق لين تحت ... ان رحت يمين نظراته تي عندي يمين .. و ان رحت يسار مثل الشي عصصصصصصبت و قلتله: متى ناااااوي انشالله تخوووز عيونك؟؟؟؟؟؟ اطالعني و رفع حاجب و أشر بصبعه عليه و قال باستنكار: أنا!! قلتله بعبط: لا يدوووووه قالي: اها... انقهرررت منه و هو لازال يطالعني ...روحت صوبه و قلتله: ممكن تظهر برع؟ ذياب: اظني هذي غرفتيه و الا شرايج؟ اليازية: ما اختلفنا ... بس الحين انا اقولك ابا شويه خصوصية لو سمحت انسدح ع الشبرية ع ظهره و قال: ظهره مني هب ظاهر ... وراوينيه شطارتج يا بيبي فييس قلتله بدلع اوني قردنه: ذيااااااااااب بيبي بلييييييز ابا اتكشخ حرام عليكـ مسكت ذياب من ابا ظهره برررررع .. بس كان اقوى مني و سحبني لحظنه يعني كان منسدح ع ظهره و انا ويهي مجابل ويهه و شعري كله تقريبا نازل ع صوب ... و كان امبينا مساافة بسيطة .. و كانت شبه مظلمة.. لانه شعري حجب الليت كنا نطالع بعض .. نظراتي كانت له (شووق ... حب .... تحطم آمال ...انكسار ... خوف من الياي.... نظرات مظلوم انحكم عليه بالظلام) اما هو ابد ما قدرت افسر نظراته ... رفع يده و بدا يتحسس ويهي باصابعه و لازلنا مثل الوضعية .. كانت عيوننا هي اللي تتكلم ... كان وادي من الكلام ... بدا يهمس لي بكلمات مب قادرة استوعب انه ذياب هو اللي يقولها ذياب بهمس: ما ادري كيف عذبتج >يمرر اصابعه ع عيني< كيف نزلت هالدموع من عينج .... كيف خليتج اتعانين و انتي مالج ذنب .... بس القدر كان اقوى مني و منج.... ما اقدر اعيشج الحياة اللي انتي تبينها .. و انتي ما تقدرين تكونين الانسانة اللي اباها stop ..... الانسانة اللي يباها .... قمت من ع صدره .. لكن مسكني من خصري و ردني ع نفس الوضعية ذياب بنفس نبرة الصوت و الهمس: اقدر اعاملج بأي معاملة تبينها .. الا اني اعيشج فـ جذبة و أوهمج اني احبج .. ترا هذا في ساااابع المستحيلات كانت دمعتي ع وشكـ انها تطيح ... بس هو مرر اصابعه قرب عيني و مسح الدمعة و قال: اذا تبين تنفذين طلب واااحد و هو أهم طلب عندي ....ما اباج اتصيحين ... سوي اللي تبينه الا انج اتصيحين بسببي ... قلتله بعذاااااب: خلني اقوووم ذياب بحنااااان: ما بخليج اتقومين الا بعد ما تقوليلي انج ما بتصيحين مرة ثانية اليازية: مب بايدي ذياب بابتسامة: حاولي قلتله بسرعة: بحاول دخل الحمام عزكم الله و انا شيكت ع نفسي اظني هذي المليون مرة اطالع روحي ... و بعد خمس دقايق ظهر ذياب من غرفة تبديل الملابس .. بوزار و فانيله و كان شعره متخرس ماااي و الفودة ع جتوفه قلتله: نشف شعركـ .. المكيف بارد نشف شعره بسرعة و عقب فر الفودة ع الشبرية و رد لغرفة التبديل ... شليت فودته و علقته ع الشماعة .. و بعد أقل من دقيقة ظهر من غرفة التبديل لابس كندورة بيضا و في ايده غترة حمرا وقف قدام التسريحة و سوا غترته و تعطر و حطله دهن عود و شوي و الا يأذن المغرب صرخت: لاااااااااااااااااااء اذن المغرب و انا ما جهزت اطالعني من المنظرة و ظهر برع من دون ما يدز لي فييس صليت ع وضوء صلاة العصر و بعد ما خلصت ... سمعت صوت دق الباب .. توجهت صوب الباب و سألت: منووه؟ ميثا: انا ميثا بطلي الباب بطلت الباب و دخلت هي و شمسة وبنوتة .. هي نفسها اللي جفناها اول ما يينا هني سألتهن: بنت منو هذي؟ ميثا: من شااااااالله عييييج يزوووووووي تخبليييييييييين استحتيت: بس عااااااد شموس: ههههه و لا يهمج ها كله من المكياج ... انتي شلي المكياج و جوفي كيف هي خسفة اطالعتها اوني بعصبية: فدييييييتج انا روحي حلوة>و بدلع حبتين< و الا جان ما تزوجت ضحكنا كلنا:ههههههههههههههههه رديت سألتهن: ترا ما قلتن لي هذي بنت منوه؟ شمسة: هذي بنت شواقي .. مها فدييييييييته تهبببل ماشالله عليها و خاصتن خدودها يالبى قلبي: بستها بقو ع خدها حتى بانت البوسة من الروج و نقعنا ضحك و هي كانت مستحية : هههههههههههههههههههههههههههههههههه دخلت ميثوه و مشت الروج: لو درت شوق بتلعن خيرنا ما يعيبها شي في بنتها .. شمسة : هي والله و شوي ورن فوني و طبعا مب ذياب لانه ما يعرف رقمي و رديت ع طول من جفت الرقم ميوه: نحن فالصالة يالهبلة ويا ربيعاتج حمدة و سلامة يلا نترياج قلتلها: انزين بس الحين اطلع ؟ ميوه: هي طلعي الحين رديت عليها: هبلة بااي و سكرت عنها و سألتهن: بناات الحين اطلع؟؟؟ ميثا: هيه لانها هب ملجة و لا عرس يلا ظهري ... شمسة: أساسا انتي لازم تقربين بالحريم و تقهوينهن البنات و انا: ههههههههههه ميثا: اتخيلها بفستانها ههههههههه قلتلهن: كأني استويت مطنزة ... يلا طووووفن و مشينا كلنا ويا بعض و رحنا الصالة .. محد غريب لانه الحريم بعد صلاة العشا اين كانن موجودات .. طلعا اهل البيت اليدة و أم راشد و ميثا و شمسة ... و شوق .. و أم سالم أم ريل شوق ... و امايه طبعا و ميوه بكرشها ههه. وحمدة و سلامة ... و مريم بنت خال ذياب ... بنات خالة ذياب و كانت من بينهن تهااااني سلمت عليهن وحدة وحدة .. وطبعا لازم هالعبارات (شهالزين ... ماشالله عليج ... تهبلييين يزوووي .... و ميوه : أول مرة ادريبج هالكثر حلوة ... خخخخ ما عندي واحد اثنين قرصتها فـ ذراعها ) عند تهاني اليازية: اشحالج تهاني؟ تهاني بابتسامة:بخيير و سهالة العروووس ... و من صوبج؟ اليازية: بخير الحمدلله ... اخبارج و أخبار الزواج وياج؟ تهاني: أنا من زمان معرسة .. تقريبا من ست سبع شهور انصدددددمت: يعني ما كنتو مسافرين شهر العسل؟؟ تهاني: لا كان شغل ويا عبدالله و سافرت وياه اليازية:ههههه اتجددون شهر عسلكم يعني >و غمزت لها< تهاني: هههههههه و روحت و يلست بين سلامة و حمدة اليازية: و أخباركن ؟؟ شعلومكن؟؟ حمدة+سلامة:يسررررج الحاااال و يلسنا نسولف ... بعد ما أذن العشا ... البنات قررن يصلن فغرفتيه دخلنا الغرفة (شوق+ميثا+تهاني+حمدة+سلامة+مريم(بنت خال ذياب)+2 خوات تهاني+شمسة) ميثا:يلا صلاة لا رمسة و لا شياته اليازية: انا اترياكن فالصالة سلامة تغمز لي: ها ما علينا اليازية:هههههه لا علينا بس اخاف على الميك اب بعدين بصلي حمدة: استغفر الله ضحكنا كلنا:ههههههههه انتظرتهن فالصالة .. و يت عندي حمدة قلتلها: و انتي ليش ما تصلين؟ اونها مستحية: صليت عند ربي ضحكت عليها لانه دوم نقول جي:ههههههه تقبل الله حمدة: منا و منكم ... على الاقل انا عندي عذر هب انتي اليازية: يلا مناكـ ... حمدة: و الله تولهت ع ميروووه ... ما بتي؟ اليازية: و الله حتى انا اشتقتلها انشالله تي و بعد شوي يت شوق و يلست و بعدها سلامة و عقبها شمسة و تجمعن البنات كلهن اللي كانن يصلن دخلت ميوه علينا القسم و قالت: يزوووي عندي لج مفااااااااجأة .................... توقعاتكم؟؟ شو هي المفاجأة؟؟؟؟ __DEFINE_LIKE_SHARE__ |
|
| |
| |
|
11-11-2011, 01:40 AM
| رقم المشاركة : [ 33 ] |
| عضو جديد | انتظر ردووودكمـ ترا
جاري الانتظاااار --> __DEFINE_LIKE_SHARE__ |
|
| |
| |
|
11-11-2011, 02:03 AM
| رقم المشاركة : [ 34 ] |
| عضو جديد | يتصفح الموضوع حالياً: 3 (3 من الأعضاء و 0 من الزوار) الروح ولهانه, Princess Moony نورتووو القصة انتظر الردوود __DEFINE_LIKE_SHARE__ |
|
| |
| |
|
11-11-2011, 04:06 PM
| رقم المشاركة : [ 35 ] |
| عضو جديد | بداية موفقه عزيزتي ، روايه جداً ججميله
__DEFINE_LIKE_SHARE__
شخصصيه ذياب ححلوه وعججبتني بس لو يخخف من خوفه ويححس بحب اليازيه ججان عاش ححياته مرتاح باقي الششخصيات ماركزت عدل عليهـا =$ بانتظار البارت اللي بعده =) |
|
| |
| |
|
| مواقع النشر (المفضلة) |
« يفــ,,,ــز قلــبـ,,,,ـــي كــ’’’ــل مــ’’’’ـــا حــ,,,ــل طــ,,,,ــاآاآاآريــك فــ’’’’ـــزة سجــ,,,ـــين جــ,,,ـــاآاآاتــ’’’ــه أمــ’’’’ـــه زيـ,,,,,ــاآاآاآره << A7bk
|
فِدۈتڴ هاَلرۈۈح وعيونے لےِ غلآڴڴ مسبُب جنۈنے ، »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ڷآ شفت منهـۈ تـבـبـہْ صد مـטּ دۈنڪ اقـرا علييـہْ الفـأإآتـבـہْ ۈريـح أعصـأإآبڪ ..!* | ¬» ۶ـنيدهـِ بـפـبڪْ ؛* | هواتف , مسجات , وسائط , برامج , ثيمات , نغمات , بلوتوث | 11 | 11-12-2010 06:47 PM |
| م̈قـِأٳطع سْڵٍيم̈ ۈڵٍـأٳ م̈حم̈ڍْ م̈ڹْ أٳڹْټأٳج .. ڲْڵٍٻأٳۈـٍۓْ .. ڲْشيخ ههـٍ 2010 | مزيۈטּ اڷِمزٱٱييـِטּ | قسم المقاطع | 16 | 09-15-2010 03:04 AM |
| مطٍر بالقُۈبـٍع المَـטּصۈري ۈۈلد أخْتِهـ أבمَد المْهٍيريٍ .. ] ~ | مزيون المناصير | برنامج الميدان للكبار3 | 25 | 10-15-2009 09:45 AM |
| مَزيۈنْ فِـﯥ -[ ۈَصْفَــِہَ בــلـآ ..]~* | !!..يمكن طيبتي غلطه..!! | عدسة الاعضاء , كاميرا الاعضاء | 26 | 03-22-2009 12:12 AM |
| ,, [ۈيدۈر آلزمــــن ۈآللــــَـَـِـِﮧ ۈتقضــي آلعمر مـבـــتــــآرة ’’~ ,, دبووه حيــآج’’ | » Ѯ η ą d | تصاميم الاعضاء | 16 | 03-19-2009 06:52 PM |
الساعة الآن 03:02 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227