؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل - الصفحة 3

Дјறàl Диsǎήһ · 03-16-2009, 08:20 AM

+

البــــــــــــــ (4)ـــــــــــــارت
قامت من نومها بكل نشاط وحيويه دخلت الحمام خذت شور وصلت ونزلت تحت واهي تنزل شافت قطوه عند باب الصاله عقدت حواجبها ونزلت لها القطوه كان شكلها خيال بيضا والشعر مغطي عليها وفيها فيونكه ورديه وفيها جرس فضي معلق على رقبتها خذتها وحملتها على يدها
عبدالله:صباحوا
ريم التفت عليه:هلا عبود من قطوته
عبدالله:المهم انتي شو اخبارك
ريم ابتسمت:عال العال
عبدالله:الحمد لله الي يشوفك امس مايقول ريم
ريم:اي والله المهم من ذي حقته
عبدالله بخبث:حقتك
ريم عقدت حواجبها:حقتي؟
عبدالله:يعني ماتعرفين من جايبها
ريم:لا جد حقتي
عبدالله:اي مشعل عجبته وشراها لك
ريم ابتسمت بحيا:مايقصر بس لو تدري مرام تشرشحه شرشحه
عبدالله:المهم ماعلينا انا طالع تبين شي
ريم:سلامتك بس وين رايح تونا العصر
عبدالله:بيت جدو الشباب هناك
ريم:اها باي
ريم راحت المطبخ لقت امها والعنود وريماز وريماس
ريم:مشا الله غرفه جلوس مو مطبخ وس عندكم مجتمعين
نوره:اولا صباح الخير ماما
ريم:صباح الخيرات لأحلى فيس فالدنيا
ريماز:سوفي ريم سوفي ثويت سوكوليته(شوفي ريم شوفي سويت شوكلاته)
ريم بأبتسامه: الله انتي مسوتها
ريماز فرحت:اي دوقيه حلو مرره
ريم:اكيد حلو شوكلاته
ريماس:لاتصدقينا اللهم حركت شوي وقالت انا مسويته
ريم:الحين وش عندكم شو تسوون
العنود:كيكه الآيس كريم الي يحبها قلبك
ريم غمضت عيونها :يمي فديت روحك
ريماز:ريم سوفي تيوه حقتك حلوه(شوفي قطوه)
ريماس:اي صح جايبها لك مشعل
ريم:اي شفتها عبدالله قالي
ريماس:مالت عليه عضني وراح
ريم:ههههههههههههههه عادي العايله عندهم العض وراثه
نوره:ماما تعالي تغدي
ريم:لا ماما مو مشتهيه إذا جعت سويت لي شي
نوره:على راحتك
ريم: العنودسوي وحده ثانيه خلي ريماس توديها بيت جدو الشباب هناك
العنود:اوكي
****************
وفبيت منى مشاري دخل على امه كانت فالصاله معها مرام وغرام وانغام وابوه
مشاري:السلام
الكل :وعليكم السلام
مشاري:يمه إذا ماعليك امر ممكن شوي
مرام:وشو
مشاري:بلا لقافه
مرام:بابا شوف ولدك دايم طايح فيني تحطم
احمد يمزح:احسن
مرام شهقت:طيب طيب اوريكم
منى:اسكتي هاه وش تبي
مشاري:افا يمه هاه قولي سم لبيه على الاقل نعم
منى:نعم وش تبي
مشاري:مايصلح هينا تعالي ابيك
منى قامت وراحت مع مشاري المقلط
منى جلست:هاه وش عندك
مشاري بجديه:يمه فكرت فموضوع الي قلتيلي عليه
منى: اي موضوع
مشاري:موضوع خطوبتي
منى:اي زين وش فكرت فيه
مشاري بقله حيله:انا موافق
منى:وش موافق عليه
مشازي:خلاص ابي راما
منى ماصدقت:والله ياوليدي هذي الساعه المباركه فرحت قلبي ربي يريحك
مشاري ضايق صدره:كل شي ورضاك يالغاليه من عندنا اغلى منك
قام وحب راسها:يمه انا طالع تبين شي
منى:ربي يحفضك يوم الاثنين اجتماعنا اخلي ابوك يقول لخالك
مشاري بحسره يرثي نفسه :انشا الله
وراح وطاح هم كبير ورا ضهره بقى هم اكبر منه هم راما اهو ما اقتنع فيها بس عشان يرضي امه(الله يعينك ياراما)

وبعد يومين يوم الأثنين العايله كلها اجتمعت فبيت محمد عالغدا مرام كانت فالحمام
ريم تطق عليها الباب:من فيه جوا
مرام:جني
راما:بسم الله
ريم:وش قاعده تسوين
مرام:ارقص يعني وش قاعده اسوي وحده فالحمام وش تسوي هاه
فجر جتهم:بنات ياحيوانات تعالوا
ريم:شف الحيوانه
مرام طبعا داخل الحمام:ياحيوانه يافقر(هذا دايم مرام تناديها به)
فجر:فقر فعينك يازفته انا مدري وش بلاني بهالاسم مره نجر مره فقر مر ومره اوف بغيره وارتاح
ريم:اقول بلا طقاق وش تبين
فجر:تعالوا هناك وش قعدكم هينا
ريم:احتري حرمنا المصون فالحمام
فجر راحت:المهم تعالوا
ريم:مراموم عجلي
مرام تستهبل:اوه ريضه يام الشباب بتروش
ريم:لا ياجدتي
راما:اقول مرام والله انك فاضيه تتكلمين فالحمام
مرام:لا بعد ازيدك من الشعر بيت ادخل جوالي معي استمتع فيه
راما:ماصار حمام اطلعي بس اطلعي وش تسوين الحمد لله الله يشفيك
بعد شوي طلعت
راما:الحمد لله عالسلامه
مرام:الله يسلمك
ريم:يالله امشوا بس
راحو البنات جلسو جنب بعض عند الحريم مرام تبحث فالبلوتوث
شهقت مرام:شف الشيون شو مسوين
ريم:وشو
مرام:من ذا اللي كاتب التوبيك حقه البنات مخفات
ريم:هههههه واحد مخفه
راما:هذا بندر لا تحشون
مرام:مدام شاف اخته راما بعذره كاتب ذالتوبيك بس اوريه
راما:وش قصدك يالدبا
مرام:يعني انتي مخفه يادلخه
ريم:وش بتسوين له
مرام:بكت كل الشباب زلايب
ريم:اوه شي انا بكتب كل البنات حلوات
مرام:شي
راما:وانا بكتب راما احلى وحده
ريم:مايمديني عالثقه
مرام:اقول راما شفتي عمتو نهى وش كاتبه نكها(هذي عمتهم الثالثه لسه صغيره ماتزوجت عمرها 23 واهي مع مرام وراما مره ماتحب بنات اختها الثانين واهي صديقه عنود ونوف مره وطيبه وراعيه فله وهبال)
راما:شو كاتبه
مرام:كاتبه مشاري مثل الكناري
ريم:عاد كبر راسه اكيد
راما:ههههههههههههههههههههه
مرام:وش فيك تضحكين
راما:بس كذا احس الاسم مو لايق
مرام(والله ماتدرين ان مشاري بيخطبك لا كن اوريك يارمو إذا رفضتيه خخ):بسم الله على روحك اخوي احلى من الكناري
راما:هههاي وش جاب لجاب الكناري صوته رايق اما مشاري اعوذ بالله صوته يروع دايم يخوفني
مرام:اسكتي لاتحشين فأخوي لا اقوم عليك وحلاه الرجال بصوته
ريف جت عندهم:هاي انتم ما اشوفكم الى تتضاربون
ريم تطنز:بسم الله عليك يالعاقله وش عندك
ريف بدلع:اصلا انا دايم عاقله ورزينه وموأدبه
البنات:تكفين
العنود تنادي ريم:ريم تعالي
ريم:وشو وش تبين
العنود:تعالي صلحي حلا حقك
ريم بملل:مابي
العنود:اقول بلا مساخه وتعالي صلحيه
ريم:طيب خلاص روحي
عنود:إذا تأخرتي بيجيك كف فاهمه
ريم تتحلطم:اي ابشري اجي والله إذا ماجحتك تشوفين
العنود صرخت :فاهمه
ريم نقزت:فاهمه خلاص اوف
الجده:انتي الحين وش فيك
ريم تدلع:مابي اصلح حلى
الجده تدلعها:ارتاحي لاتصلحين مو كافي انك تعبانه
ريم تتدلع زياده:طيب اهم بيغصبوني
نوره امها:هذا وانتي امس مسويتلي فيها بصلح وبصلح
قمر:ريم بصلحه انا
نوره:لا لا اجلسي
قمر:افا ياخاله مايعجبك تصليحي
نوره:لا والله بس مانبي نتعبك
قمر:تعبك راحه
نوره:تسلمين ياقلبي
قمر:ريم قومي
قامت ريم:اوف لا لازم تتعبوني يعني
قمر مشت:اقول امشي بس
دخلو المطبخ
العنود:بسرعه زينيه بقى ساعه على اذان المغرب
ريم:اوف وشوله في 4 انواع حلى لازم الخامس
قمر:انتي وش فيك طالعه حنانه رنانه كأنك عجوز
العنود:المشكله تقهرني الحلى الي بتصلحه جدا بسيط
ريم:عندك مو عندي

وبعد أذان المغرب نوره فالمطبخ تجهز القهوه والشاهي
نوره:ماما عنوده خذي ودي الحلى مقلط الرجال قبل مايجون عمانك والشباب
عنود :انشا الله
خذت عنود الحلى وراحت المقلط دخلت بهدوء وحطت الحلى على الطاوله وكبسر على الانوار ولا حست بالشخص الي نايم وراها طلعت بكل هدو ولا حست فيه اما اهو حس فيها من يوم دخلت صفط اكمام ثوبه ورجع شعره على ورا يبي يطلع يتوضى قبل لايقيم توه بيقوم دخلت مره ثانيه ومعها صينيه فيها فناجيل القهوه وكان شالها فوق كتفها اهي انتبهت له مسكت الفناجيل بيد بشكل لا ارادي وغطت وجهها اهو انجن من شكلها كانت حاطه كحل حفيف ازرق جوا العين وازرق برا العين ومسكرا زرقا وحاطه روج فوووشي رهيب على توتي وكانت مسويه شعرها بوف من قدام ولا مه شعرها بكلبسه مع ورا ولابسه بلاوز كت ازرق هلالي برمودا واسع ابيض سترتش وماسك من عند الساق
سامي:العنود
العنود(بسم الله كيف عرفني):هلا والله
سامي:شخبارك
العنود:الحمد لله وانت
سامي بصوت هايم:كنت تعبان بس الحين حصان
العنود استحت من نبره صوته:ليش مارحت تصلي
سامي:بتوضى وبصلي هينا تعبان مرح اروح المسجد
العنود بخوف:سلامات وش فيك
سامي(آه ياقلبي ):زكمه وحلقي يوجعني يعني احتقان
العنود:سلامتك طيب رحت الطبيب
سامي:لا كلها زكمه
العنود:سامي مايصلح لو تدري ان ذي الزكمه الي مستهين فيها شو تسبب
سامي(توني ادري ان اسمي حلو):خلاص من عيوني بروح الطبيب
العنود:بروح اصلح لك عصير واحط فيه عسل اوكي
سامي:لا لا ماحب العسل
العنود:حتى انا ماحبه بس تصبر
سامي:لا مابي عسل حطي اصبعك وخلاص يمتلي احلى عسل بذوقه بحياتي
العنود انصبغ وجهها احمر من الخجل(شويشوي على سامي ماقدر):طي
وقاطعتهم قمر بدخولها
قمر بخبث:وش تسوون
سامي(الله يقلع بليسك خربتي الجو علي وانا مستانس):وش نسوي يعني مانسوي شي
قمر تبي تقهرهم:ايه والله مايندرا وش سويتوا
عنود عصبت شوي:قمر
قمر:ياعيون قمر
سامي:بسم الله عليها من عيونك
عنود ماقدر وطلعت على طول
سامي انقهر:شفتي يالدبا طلعت
قمر:وإذا طلعت
سامي:اذلفي بس اذلفي
قمر بتشكيك وبدفاشه:سامي انت تحب عنوده
سامي طير عيونه(ذي جنيه تعرف كل شي):مالك دخل
قمر زادت شكوكها:صدق مشاري قول الصدق
سامي:وش دراك
قمر(هاهاي وش دراني انا عاشقه زيكم ماتبوني اعرف):العنود مره قالتلي انها تحبك(تكذب)
سامي طير عيونه:صدق
قمر تورطت ولعنت نفسها:يعني اكذب
سامي:جد قمر قولي الصدق
قمر:اقولك ما اكذب اهي تبي تتأكد انك تحبها
سامي طار قلبه من الوناسه:وش لون ما احبها واهي مالكه عقلي وروحي وقلبي
قمر عورها قلبها على اخوها:طيب بروح البنات يبوني
طلعت وخلت سامي سرحان يفكر اهي طلعت خانقتها العبره (وش لون لعبت على اخوي لازم اسأل عنوده لازم)
واهي تمشي صقعت فأحد
قمر:عنوده ليش رجعتي سامي لين الحين موجود
العنود:عارفه جايبتله عصير اخوك تعبان ولا تدرين عنه
قمر:اها خلاص انا بروح غرفتك فوق ابيك بوضوع اوكي
العنود خافت:وش فيك
قمر ابتسمت تريحها:لا تقلقين شي عادي
عنود:خوفتيني
راحت قمر ودخلت عنود على سامي وكان سرحان
عنوده:سامي
سامي التفت:هلا
عنود:خذ العصير
خذه سامي :تسلمين
عنود:اشربه مره وحده لاتتلذذه
سامي:تأمرين
شربه سامي مره وحده
عنود ضحكت على شكله:ههههههههههههههههههههه
سامي:ليش تضحكين
عنود:لا عادي بس شكلك يضحك وانت تشربه حامض صح
سامي:قوه
عنود:ايه عشان تطيب
سامي:بس طعمه حلو عشانك انتي مصلحته
عنود استحت:مشكور انا طالعه تامر بشي
سامي ابتسم:لا مايمر عليك عدو
طلعت عنود(واو بيجنني هالإنسان يخبل الواحد)رقت عنود فوق عند قمر دخلت غرفتها لقتها فاتحه لابتوبها
عنود تمزح:قمير من قالك تفتحينه
قمر بخبث:طولتي مع سامي
عنود:شو قصدك
قمر:ولاشي
عنود:بعد على بالي
قمر اعتدلت بجلستها وسكرت الاب توب وقالت بجديه:عنود ممكن اسأل سوأل وتجاوبين بلا لف ودوران
عنود:اسألي
قمر :انتي تحبين سامي
عنود انصدمت من ذا السوأل ماتوقعت احد بيسألها:هاها انتي وش تقولين
قمر:عنود انتي قايلتي بجاوبك تكفين ريحيني وبعدين انا يوم حبيت قلتلك ولا حتى قلت لفجر
عنود:وش اريحك عليه
قمر بأصرار:تحبين سامي ولا لا
عنود :..............
قمر بتوسل:عنوده جاوبي نعم او لا
عنود احتارت تجوابها ولالا(بقول والي فيها فيها لمتى بظل استحي من ذا الجواب وقمور كاتمه اسراري مستحيل تأذيني او تفضحني :ايه
قمر طيرت عيونها وصرخت:تحبينه
عنود مسك فمها بيدها:اشش فضحتينا
قمر هدت وفرحانه:صدق عنوده تحبين سامي صدق
عنوده بحيا:صدق
قمر:من متى
عنود:من كان عمري 16 واهو كان عمره 17 نحب بعض وكان بينا وعد
قمر:واو ريحتيني
عنود استغربت:تعالي وش ريحتك فيه
قمر انحرجت:الصراحه قبل شوي سويت حركه حقيره يوم كنتي مع سامي
عنود متحمسه:كملي بسرعه
قمر:احم يوم رحتي شكيت ان سامي يحبك واصلا انا من زمان شاكه بس سكت خفت انها اوهام فقلت له انت تحب عنوده قال مالك دخل قلت جد انت تحبها قال وش دراك بس قلت له ان عنوده تحبك بشوف وش يسوي وفرح وقال انه يحبك بعد ضاق صدري لاني قلت له انك تحبينه عشان كذا قلت اسألك ولا اخلي اخوي يصدق كذبتي عشان هيك انتي ريحتييني
عنود:لو اني ماحبه كان عذبتيه
قمر:مو كل حب نهايته زواج يعني مثلا تتزوجين وتخلينه
عنود:بس انا غير انا احبه وبتزوجه
قمر:تمونين اخوي
عنوده بجرائه :حبيبي الى انتي تحبين بس ماتبين حبك ينتهي بزواجك منه
قمر:الى طبعا كان انجن واشوفه متزوج غيري
عنود قلقت عليها(لالا ياقمر لاتأملين انه راح يتزوجك مايندرا وش في قلبه):شفتي نفس نضريتي
قمر:حتى سامي بيتزوجك وتشوفين الى ماقلتيلي وش وعدك انتي وسامي
عنود:ههههههههههههههههههه يوم كنت كبر ريم او اكبر تقريبا قالوا لنا تغطو عن الشباب انا ضاق صدري رحت ادور على سامي ويوم شفته قعت اصيح
سامي:وش فيك
عنود:يبوني اتغطى عنك
سامي:هههههههههههههههههههههههههههههههههههههههههه طيب
عنوده عصبت:تبيني اتغطى عنك يعني
سامي:لازم تتغطين عني ولا وش رايك
عنود:لا مابي اتغى بعدين ماشوفك
سامي:انتي هينا..يأشر على قلبه
عنود:بس
سامي:لابس ولا شي انتي فقلبي ورح تضلين فقلبي واوعدك اني رح احبك طول عمري ورح اتزوجك بعد توعديني
عنود فرحت:اي اوعدك بس اصبر بعطيك شي عشان ماتنساني وطلعت من جيبها صندوق صغير فيه سواره مكتوب فيها اسمه واسمها
سامي:لي
عنود:اي
سامي:انا بجيبلك شي حلو بس مو الحين إذا كبرتي
العنود:هاه وش رايك
قمر:هههههههههههههههههههههههههههههههههههههههههه ياحليلكم والله ماتوقعتكم كذا رومانسيين
عنود:ههههههههههههههههههههه احس اني بزر مع اني كنت كبيره كبر ريم يعني فاهمه وواعيه بس كان سامي يدلعني بشكل
قمر:مالت عليكم ماذكر
غنود:بس تصدقين لي الحين ماعطاني ذا الشي
قمر:نسى
عنود:نووي مستحيل سامي ينسى
ريم تكلم عنود من تلفون السنترال:عنود انزلي وكان معك قمر نزليها معك
عنود:طيب خلاص الحين نجي
قمر:تقهويتوا
ريم:اي قاعدين نتقهوا
قمر شهقت:اوريكم تعرفون اني من عشاق القهوه ليش ماناديتوني
ريم:انزلي ترا راما ملكت ترمس القهوه(لانها تعشق القهوه)
قمر:ياويل حالي عز الله ماشربت قهوه
عنود:يالله قومي ننزل
قامو ا ينزلون
دخلوا:هاي
الكل :هايات
مرام:وانتوا الثنتين دايم سوسات
عنود:والله مادري من السوسات
مرام:انا عارفين اننا سوسات بس انتو بعد سوسات(حلوه الصراحه)

وعند الشباب
نواف بهمس: مشاري وش فيك
مشاري نفس نبره الصوت:مافيني شي
نواف:علي
مشاري:نواف تكفى خلني بروحي
نواف:مشاري مو على بعضك
مشاري ابتسم بسخريه:جايك العلم لاتستعجل
نواف عقد حواجبه:مشاري وش قاعد تقول
مشاري تنرفز:نواف خلاص كل شي بوقته
نواف سكت
ثامر:مشعل يالدب وش تسوي
مشعل:ادور صور لراما
ثامر:اتحداك تعرفها
مشعل:يقولون دبا
ثامر:كلمه دبا شويه شوي وتنفجر
سلطان:مشا الله ناوي تنضل اختك
ثامر:وش انضلها عليها الحين جلد على عضم
مشعل:اي والله
مشاري تنرفز(اوف ذي لاحقتني لاحقتني)
سعود:اذكر كل البنات دببه بس كلما كبرو انفشو
بندر:الى ريف كانت رشيقه
نايف:لا مو رشاقه رشاقه بس كان فيها خدود
بندر:ولين الحين فيها خدود بس حلوه
عبدالعزيز:لا عاد رغودي بنتي جسمها جذاب
عبدالله:مايمدينا على جذاب
عبدالعزيز:افا عليك طالعه على امها
نواف كان قاعد يغني بصوت خفيف بس مسموع (والله مايسوى لحسين الجسمي)
الجد:وش قاعد تقول انت
نواف:انا
الجد:لا ولد الجيران
عبدالله:حركات جدو خفيف دم
الجد:اها بس اسكت لا بعالعصا اكسر راسك
الشباب:ههههههههههههههههههههههههههههههه
سعود:يبه عليك به
الجد عجبه الجو:وبكسر راسك معه
سعود:احم احم
الشباب:ههههههههههههههههههههههههههههههه
عبدالله:تستاهل
الجد قلب عليه:حدك عاد هذا ولدي أخر العنقود
عبدالله:افا بسرعه قلبت الله يعين عجوزتك
الجد رما عليك مخده
الشباب مستانسين على ذا الجو:ههههههههههههههههههههههههههههههه
ههههههههههههههههههههههههههههههه
ماعدا مشاري نزلت عليه الهموم مره وحده

وخلص هاليوم على خير وماندري وش مخبيه لنا الايام من احزان وافراح

والمغرب فبيت سلطان كلهم جالسين فالصاله ماعد راما نايمه لانها سهرت امس لحد الساعه 11 الظهر
ثامر:خلاص يبه خل الموضوع علي لانه شوي حساس واخاف تستحي منك وتقولك راي اهي ماتبيه وتعرف حساسيتها من ذا الموضوع
سلطان:خلاص اعتمد عليك افتح معها الموصوع اليوم
ثامر:انشا الله
بندر:عاد كلمها بشويش بلا دفاشه اخاف تتعقد اختي
ثامر:شف من يتكلم كاني انا دفش اجل انت معلمني الدفاشه
حصه:لا كلكم مو دفشين وناعمين وحليون ولا يهمكم
بندر:لا عاد يمه شيلي ناعمين لانها مصطلح بناتي
دخلت راما:وش فيهم البنات
بندر:هلا والله كلهم يهبلون
راما:رقع رقع
سلطان:هلا والله بروح ابوها هلا
راما استحت وجلست جنبه واهو حضنها قالت بدلع:بابا وخر شوف ثامر يخزني
سلطان باسها:هذا تأثير الغيره بابا
ثامر:وشوله اغار عندي امي الغاليه
راما قلبت عيونها عليه:واضح
ثامر:ترا إذا قمت عليك مو من صالحك
سلطان:انا الي بقوم عليك
بندر:خخخ طاح كرتك
ثامر:اصلا انا طايح كرتي من زمان ذي غطت على كل شي
راما بغرور:اكيد انا راما خانوا لحد يحط راسه براسي فاهمين
سلطان:بعدي بنتي
راما شقت الابتسامه
ثامر يتصنع الزعل قام ونزل راسه بشكل يضحك يمشي:خيبتوا املي
الكل:ههههههههههههههههههههههههههههههه
راما تراضيه:ثموري ارفع راسك انت سعودي
ثامر ابتسم :فديت هالخشم كأنه زرار وعطاها بوسه طايره فالهوا
راما:طيب وين رايح
ثامر:بروح اتوضى مابقى شي عالاذان
راما:باي
طلع ثامر
حصه:والله ماينعرف لك انتي وياه تتضاربون وتتصالحون بسرعه
بندر بأبتسامه:لا عاد راما عندها اسلوب إذا جت بتراضي احد
سلطان:عشان كذا انا إذا جيت معصب وإذا شفتك انسى العصبيه
حصه:من شاف وجهها تتفتح فيه ابواب الدنيا وجههاوجه خير
راما استحت:خلاص خجلتوني

ووفنفس البيت بس الساعه 10 فاليل راما كانت بغرفتها توها ماخذه شور تحط ماسكات فوجهها وثامر كان توه داخل البيت راح على طول غرفه راما بس تردد شوي وطق الباب
راما:ادخل
ثامر بأبتسامه:هايوا ياقمر

راما تمزح:قمر ولا فجر
ثامر:لا قمر احلى المهم شخبارك
راما:منيحه وش فيك طالع رسمي ترا ماحب الرسميه
ثامر:لا رسمي ولاشي بس الموضوع الي بكلمك فيه يحتاج لرسميه شوي
راما خافت:عسى ماشر
ثامر:ماشر بس ابي اكلمك بموضوع وانتي مفرفشه وانتي الحين مزاجك اوكي
راما:تكلم
ثامر:انتي الحين خلصتي الثنوي وبتدخلين الجامعه وكبرتي وصرتي حرمه وراعيه بيت وكل بنت نهايتها لبيت زوجها صح(لازم ذي الاصطوانه يقولنها لكل وحده بتتزوج خخخ)
راما :...............
ثامر:الصراحه راما انا ماحب الف وادور بنطلها بالوجه وبس مشاري ولد خالي احمد خطبك
مادري وش لون اوصف شعور راما
راما عايشه بصدمه مومصدقه(مشاري مشاري لا لا مابيه وع اكرهه):..............
ثامر:اوكي انا عارف حساسيتك بهذي المواضيع بس طبعا مرح تردين الحين عندك مهله تفكرين سبوع ومشاري والله رجال مايتعوض لاتضيعينه من يدك اوكي
راما بصوت مرتجف بهمس:اوكي
ثامر:انا طالع بروح آخذ شور إذا جهزتوا العشا نادوني جوعان حيل باي
باس اخته على راسها وطلع اما راما حالتها حاله تجمعت الدموع فعينها ونزلت ورا بعض(اخ ليش انا يامشاري ليش حرام عليك حرام آه الحين لو رفضته بياخذون مني موقف واخاف مانرجع عايله مثل اول بس عادي غلا قد رفضت سالم ولد خال ابوي ماصار شي لالا بس ذولي غير مرام حبيبتي واختي وصديقتي اكيد بتتغير علي وعمتى آه ياعمتي مرح اطلع فعينك وانت ياخالي مايهون علي ارفض ولدك وانت يامشعل مادري وش بتسوي ليش كذا ليش جنيتوا علي ليش مسكتوني مع الايد الي تعورني ليش)كل ذا الكلام دار فعقل راما دفنت راسها بالسرير وجلست تصيح على حالها(انا لازم اقول لغلا اني ما ابيه اكيد بتساعدني)
جهزت حصه العشا ورقت تنادي عيالها راما سمعت امها تنادي ثامر على طول دخلت الحمام دخلت امها غرفتها وعرفت ان راما فالحمام
حصه:ماما راما إذا طلعتي انزلي تعشي
وطلعت
راما تأكدت ان امها طلعت طلعت من الحمام ومسحت وجهها وخشمها وعيونها متفخين من الصياح ووجهها احمر خذت نفس وتنهدت ارتاحت شوي وطلعت واهي بتنزل من الدرج شافها ثامر
ثامر واهو ينزل معها:ياحلو اصبر
راما ابتسمت:غريبه تروشت بسرعه
ثامر:لا ماتروشت الجوع ماخلاني
راما:وانا اقول ذي الكرشه من وين طالعه
ثامر :افا والله كل ذا الجسم الزين وتقولين كرشه والله مو منك من عيونك
راما:هههههههههههههههههه امزح والله جسمك جنان بس خلنا ننزل عشان تملي كرشتك
ثامر:رامو في حركه من زمان ماسويتها صار لي سنه
راما رفعت حاجب:وشي
ثامر قرب منها وشالها
راما:ههههههههههههههههههههههههههههههه هذي من زمان توك شايلني يوم نجحت وحفله تخرجي بعد
ثامر يمشي:لا هذي طعمها غير

وفبيت منى مرام فغرفه مشعل تفتش فأغراضه دخل عليها مشعل
مشعل طلعت عيونه:هاي هاي يابنت وش تسووين
مرام معصبه:وين لابتوبي
مشعل بغبا:هاه وشو
مرام صرخت:مشعل
مشعل ارتاع:خير وشو
مرام:وين الاب توب حقي
مشعل:وش دراني
مرام:مو علي شعيلان انا عارفه انك ماخذه
مشعل:وحياتي ماخذته
مرام:لا والله
مشعل:والله ماخذته من وين جايبه ذي التهمه
مرام هدت:ريف تقول عطيته مشعل
مشعل:كذابه بعينها
مرام بتشكيك:يعني انت ماخذته
مشعل:والله مالمسته
مرام:ذي الحيوانه لعبت علي اوريها ذي الكلبه
طلعت من غرفه مشعل وراحت تكلمهاعلى بيتهم
مرام:الو
نواف عرف صوتها وسكت
مرام:الو ريف ياكلبه ردي عارفه حركاتك ياسخيفه
نواف ساكت
مرام:هين الحين جايتك وإذا ماطلعتي لابتوبي اوريك باي يالعبده
مرام راحت تلبس بتروح بيت خالها اما نواف رقى بسرعه فوق يبي ياخذ لاب توب مرام دخل غرفه ريف وشاف شنطتين لاب توب عرف لاب توب اخته وخذ الاب توب الثاني وطلع لامن شاف ولا من درا نزل تحت وقعد فالصاله وشغل لاب توب مرام وحط رجل على رجل(ههه اما طيرت عقلك يا مروم ماكون نواف ) مرام دخلت بيت خالها وراحت للصاله شافت نواف تغطت وبعد ثواني طيرت عيونها نواف حس فيها بس قعد يحوس فالاب توب
مرام:نواف
نواف منصدم(بتصنع):اوه مرام هلا
مرام:لا ياشيخ وش جاب لاب توبي معك
نواف استغرب(كله تصنع):هذا
مرام:لا ذاك أيه هذا
نواف:هذا حقي
مرام:وشو
نواف:حقي
مرام:اوف نواف لاتستهبل علي اكيد انت وريف مسوين فيني مقلب
نواف:ريف مو موجوده فالبيت عند ريم
مرام:انا ماسألتك وين ريف انا اقول هذا الاب توب حقي
نواف:لا ياحلوه هذا مالي
مرام:نواف خلاص وانت بعدين وش يخليك تشتري لاب توب فوشي
نواف:اشتهيته
مرام قربت:طيب ورني اشوف كانه حقي
قربت مرام :شفت هذي خلفيتي
نواف:انا بعد حاط خلفتي كذا
مرام انقهرت:خلاص عاد اوف
نواف رحمها:خلاص رحمتك انا خذته من غرفه ريف ابي اهبل بك
مرام:يعني انت الي راد علي
نواف : يس
مرام بصدمه:فتشته
نواف:نو اخاف فيه اشيا خاصه
مرام:بعدي ولد خالي هذا العشم فيك
نواف:افا عليك ليش وش فيه
مرام:صوري
نواف:حسافه ياليت فتشته
مرام:وشو
نواف ابتسم:لا لا امزح
مرام :طيب عطني
نواف :وش اعطيك
مرام :الاب توب
نواف:اها خذيه
مرام:شكرا ولد الخال
نواف:شكرا بنت العمه
مرام تمزح:خلاص عاد بلا سخافه
دخلت نوف
نوف:مرام!
مرام:هلا
نوف:متى جيتي
مرام:قبل شوي أخذ الاب توب
نوف:وطاقتها سوالف مع الاخ
مرام:هبلبي طير عقلي
نوف تناظر نواف بنظرات تخوف:لا تعطينه وجه
نواف:افا ليه
نوف:بس كذا عناد
مرام حست وجودها غلط:يالله باي مشغوله وريف بعدين بوريها شغلها
نوف:اوكي باي
مرام طلعت نوف التفتت لنواف
نوف:انت شغلك بعدين
وطلعت نواف سكت (غريبه وش فيها لايكون مرتكب جريمه وانا مادري)

_________________________

وبعد 6 ايام فبيت سلطان راما دقت على غلا
راما:الو غلا
غلا:هلا والله كيفك
راما:مو زينه
غلا :وش فيك راما
راما:انا يوم الخميس كنت بكلمك بس ماعرفت وش لون غلا ممكن تجين اليوم ضروري
غلا:خلاص عبدالعزيز بيجي المغرب بيت عمي محمد وانا بجيك
راما:غلا لازم تجين محتاجتك حيل،وقعدت تصيح
غلا خافت:راما قلبي وش فيك
راما بصوت متقطع:غلا إذا ماجيتي اليوم خلاص انا بروح فيها
غلا:خلاص حبيبتي لاتصيحين قطعتي قلبي
راما مسحت دموعها:غلا انا خايفه
غلا مستغربه من حاله راما:راما خلاص لا تتكلمين ماقدر انا جايتك المغرب وقولي كل شي
راما:اوكي مع السلامه
غلا:باي
سكرت راما من غلا واهي حالتها مايعرفها غير ربها
وبعد المغرب جت غلا وجلست مع امها شوي ورقت لراما الي تتصنع النوم دخلت غرفتها بكل هدوء
غلا:راما
راما نقزت من سريرها:غلا جيتي 'وطارت لحضنها'
غلا تضحك:حشى راما كأنك ماشفتيني من سنه
راما بعدت عن حضنها:غلا اجلسي ابي اقولك وش بيسوون فيني'وصاحت'
غلا مافهمت :من هم
راما بين شهقاتها:كلهم ماما بابا ثامر بندر عمه منى خالو احمد مشاري كلهم كلهم'وزاد صياحها'
غلا مو فاهمه:راما حبيبتي هدي وفهميني حبه حبه
راما:يبون يبون 'ودفنت نفسها فحضن غلا'
غلا:منهم
راما:يبون يزوجوني مشاري
غلا ما استوعبت حست نفسها دلخه:مشاري وش السالفه شوفي راما انا مرح افهم شي وانتي فذي الحاله
وبعد خمس دقايق هدت راما وقالت لغلا كل شي
غلا:مستحيل احد بيغصبك على شي وبعدين وضحي لي وش فيه مشاري رجال خلوق يخاف ربه حنون وسيم جذاب وش تبين اكثر من كذا
راما:ومرعب بعد انا ما بيه مابيه فاهمه
غلا حست راما بتنفجر:فاهمه فاهمه بس خلاص انتي ماتبينه ارفضيه محد غاصبك على شي انتي ماتبينه انا عايله متفهمه مستحيل تأثر فيها هالمواضيع انتي متى بتردين لثامر
راما:بكره
غلا:خلاص قولي له انا مابيه الزواج قسمه ونصيب وإذا سألك ليه قولي صليت استخاره وما ارتحت الى تعالي صليتي استخاره
راما:صليت
غلا:طيب
راما:مادري مارتحت ولا رتحت ماسوت تأثير فيني
غلا:خلاص انتي قولي لثامر ومرح يغصبك
راما ارتاحت بس قلبها ناغزها:طيب شكرا غلا ريحتيني
غلا:اهم شي راحتك يالله روحي غسلي وجهك وتعالي ننزل عند امي
راما:طيب الى وين رغودي
غلا:فبيت عمي محمد مع عنوده
الى سمعتي آخر نكته
راما ابتسمت:لا وشو
غلا:رغد تسميك ماما راما
راما ضحكت من قلب:ههههههههههههههههههههههههههههه يالبيه شفتي الام مو بس تولد الام الي تربي
غلا:وش قصدك
راما ابتسمت:لا موقصدي شي بس رغد 24 ساعه مطيحه عندنا
غلا:اقول دخلي غسلي وجهك ذا الاحمر
دخلت راما تغسل وجهها وطلعت صلت المغرب ونزلت تحت مع غلا

وفبيت ساره كان سامي نايم فالصاله وكانت فجر جالسه عنده تناظر tv‏ دخلت قمر
قمر:وش فيه ذا نايم هينا
فجر:مادري عنه زعجني واهو يشاخر
قمر عدلت رقبته:شي طبيعي الواحد يشاخر مادامه نايم بذي الطريقه
فجر ببرود:وش دراني عن ذي السوالف
قمر:ياربيه ترفعين ضغطي ببرودك
فجر:ربي خلقني كذا
قمر:اوه اسكتي
زياد توه جاي من النادي دخل عندهم
زياد:هاي صبايا
فجر وقمر:هايات
زياد:اجل وين امي
قمر:فبيت بابا عبدالعزيز
زياد:غريبه مارحتوا معها
فجر: قمنا متأخرين ولا لنا خلق نروح
زياد:اها وش فيه سامي تعبان
قمر:لا مافيه شي بس نايم هينا
رياد قعد جنب سامي وخذ الكلينكس وبرمه ودخله فخشمه سامي حرك يده لخشمه وزياد دخل الكلنكس فأذنه وسامي تضايق
قمر:زياد حرام عليك
اما فجر ميته ضحك:هههههههههههههههههههههههههههههههههههههههههههههه هههههههههههه لا خليه وسع صدري
قمر:انتي اسكتي
قامت قمر تبعد زياد:وخر
زياد:روحي زين
قمر:بلا قله ادب انا اختك الكبيره
قمر تقوم سامي:سامي سامي قوم ذولي مرح يخلونك بحالك
سامي بصوت كله نوم:اوف وخري بعد انتي
فجر :احسن تستاهلين هذي القافه
قمر انقهرت:سامي اوريك هذا جزاي احسن هبلوا فيه لما يطفش
زياد:فجر جيبي كاس مويه بارررد
قمر:لا عاد مو لهالدرجه
زياد:انتي مالك دخل
قمر سكتت
فجر:فاضيتلك انت اصغر مني قوم جبلك
زياد:ولو انا رجال
فجر:وإذا كنت رجال فوق راسك ريشه
سامي قام من ازعاجهم:اوف انتم ماتخلون احد يرتاح
فجر:الصاله مو مكان للنوم
سامي يقلد صوتها:الصاله مو مكان للنوم اقول اسكتي يأم لسانين
فجر تطلع لسانها :شف ماعندي الى لسان واحد وش لون طلعوا لسانين
سامي يطنز:ياخذ دمك
فجر:ثانكس
سامي:قمر الله يعافيك جبيلي بنادول وكاس مويه
قمر ناظرته نظرات:تا مر امر كم عندي من سامي
وقامت وراحت
سامي:شفتي فجير شفتي الذوق مو انتي الله يعين رجلك
عليك
فجر بغرور:هاهاي زوجي ياحلو بخليه دهينه لاتنكتين
سامي:كفوك
بعد شوي دخلت قمر قدمت لسامي الماي بأبتسامه حلوه
قمر:تفضل
سامي:تسلمين
سامي كل البندول وشرب المويه بعدها وما امدى المويه تدخل فمه الى يطلعها
قمر:هههههههههههههههههههههههههههههههههههههههههههههه ههههههههههه تعيش وتاكل غيرها حبيبي
سامي:ملح يالضالمه ملح حرام عليك وش سويت لك
قمر:خلك تستاهل جيت بدافع عنك تصدني بعد كانوا بيكبون عليك ماي بس لو ماقمت كنت فخبر كانا
سامي:زيود فجير صدق
فجر:اي صدق
سامي يدور شي يرميه عليهم مسك ريموت الرسيفرز زياد نحاش وفجر لحقته بس قبل لاتطلع رما عليها سامي وضربت رجلها
فجر:اي يعور
سامي يتمصلح مع قمر:قمور حياتي والله اني احبك
قمر:عارفه مايحتاج توضيح
سامي:قمر وشلونها عنوده
قمر(اها عرفت وش تبي توصل له):بخير
سامي :طيب اتصلي عليها وحطي عالسبيكر
قمر:فالاحلام
سامي بتوسل:بليز
قمر:نو لا تحاول الى تعال عندك الصندوق الي فيه السواره
سامي:هاه وش عرفك
قمر:عنوده
سامي:ايه اكيد
قمر:ياحليلك وانت ماعطيتها شي وش بتعطيها
سامي:انا كنت انتضر هاليوم تعالي ببعطيك شي تعطينه عنوده
وسحبها مع يدها ورقوا فوق غرفه سامي فتح درج من دروج الكمدينه وطلع علبه صغيره
قمر:شو هذي
سامي:عطيها عنود وقولي هذي محتفظ فيها من كان عمري 17 فاهمه
قمر:بفتحها بشوفها
سامي:افتحيها هينا
فتحتها قمر وعقدت حواجبها
قمر:دبله
سامي:ايه هذي شاريها من مصروفي وتسلفت عشان اشتريها
قمر تناظرها وعيونها تبرق من لمعانها(آه ياليتك حبيبي تحبني هالكثر آه ماندري يمكن تحبني بس خايف من الاعتراف):كبرت بعيني وعنوده تستاهل بس الدبله قديمه
سامي:اكيد من متى عندي بس المهم خذيها وخبيها فاهمه
قمر طلعت:فاهمه

ويوم الاحد دخل ثامر غرفه راما الساعه 8 ونص الليل وراما كانت جالسه فغرفه الملابس ومشغله الاب توب ثامر دارت عينه عالغرفه مالقها راح الحمام مالقاها ودخل غرفه الملابس
ثامر ابتسم:رامو وش جلسك هينا
راما ابتسمت بخوف(اكيد جاي تعرف قراري ياويل قلبي):لابس حبيت اغير جو
ثامر:عليك مكان المهم قومي
راما خافت:ليه
ثامر:ريلاكس بس مايصلح اتكلم هنا
قامت راما وهي ترجف جلست فوق السرير وجلس ثامر جنبها
ثامر:ايه ياحلوه فكرتي بالموضوع
راما مرتبكه:اي موضوع
ثامر:خطبتك ياقمر
راما:هاه ايه
ثامر:انشا الله خير هاه وش قررتي
راما(ياويلي الله ياخذك يامشاري بتخرب حياتي:خلاص
ثامر:وشو
راما سكرت عيونها بألم وقالت بأستسلام:انا موافقه
ثامر ابتسم:والله مبروك ياقلبي مبروك
راما خنقتها العبره(تبارك علي بموتي آه ياقلبي)
ثامر :يالله بروح اخبر ابوي عشان يقول لخالي
قام ثامر
راما مسكت يده(مستحيل اوافق عليه مستحيل):ثامر انا وسكتت
ثامر:قولي الي فخاطرك
راما:لا خلاص سلامتك
طلع ثامر وانهدمت حياه راما(ليش وافقت ليش ليش)وجلست تصيح واستمرت على صياحها لين نامت
************

وصبح يوم الاثنين كانت الدوريه فبيت سلطان وراما قايمه من صباح الله وحالتها حاله كأنها ورده ذبلانه والساعه 11 جت غلا عشان تساعد امها فالغدا
غلا:يمه خلي الشغاله تغسل الفاكهه
حصه:لا انا بغسلها
غلا:خلاص اجل انا بغسلها
حصه:لا انتي روحي شوفي راما كانها قامت خليها تجي تساعدنا ذي البنت مدري وش فيها من الساعه 9 واهي نايمه ولحد الحين ماقامت
غلا تذكرت موضوع راما:اايمه اإ
حصه:وش فيك
غلا تورطت:خلاص بروح ارقى
طلعت غلا من المطبخ ورقت فوق دخلت غرفه راما ولقتها منسدحه على ظهرها وتناظر السقف بسرحان
غلا:راما
راما التفتت:غلا
غلا:وش فيك مانزلتي
راما:مالي خلق
غلا:شقلتي لثامر
راما ببرود:وافقت
غلا:وشو وافقتي
راما تنهدت:عندك حل ثاني انا هدمت حياتي بنفسي انا خلاص انتهيت
غلا:انتي تبينه ولا لا
راما صاحت:لا
غلا عصبت:طيب ليش وافقتي
راما:بلحضه حسيت ان العايله رح تخرب بسببي عشان كذا وافقت
غلا بعصبيتها:انا قايلتلك العايله ماتفكر بهاالتفكير انتي الي تفكيرك معقد ومتخلف
راما سدت اذنها وصاحت:بس بس خلاص خلاص تعبت من هالدنيا تعبت والله تعبت الموت والله اريح اريحلي *وزاد صياحها
غلا صاحت معها وحضنتها:خلاص اسفه سامحيني
راما:انتي مالك دخل كلامك كله صح
غلا بعدت راما ومسحت دموعها وقالت بقوه:خلاص قومي خذيلك شور بارد وانزلي تحت وقولي لأبوي خلاص انا مابيه
راما حست بحسره ضحكت بسخريه:خلاص كل شي انتهى ثامر قالهم واليوم بيحددون الملكه
غلا:ليش سويتي كذا بحالك انتي قتلتي نفسك بنفسك
راما تصنعت الهدو:انا خلاص بتأقلم بهالوضع واناقويه مستحيل اخلي هالشي يأثر فيني
غلا ابتسمت:برافو لازم تصيرين قويه وياجبل مايهزك ريح
راما(اي جبل لاكن انالك يامشاري لك بالمرصاد والله ما اخليك تتهني وانا على ذمتك):انشا الله
غلا:طيب خلاص انا بنزل اكيد رغد قامت
طلعت غلا وراما تجمعت فعيونها الدموع بس جمعت قوتها ومسحتها(مرح تنزل دمعه على شانك يا مشاري لاكن انت يامشاري مالك ذنب فالي انا فيه انا لازم اتأقلم مع وضعي وزاوجي منك اوف مو قادره استوعب الموضوع)قامت بكل قوه ودخلت تتحمم بعد نص ساعه طلعت ولبست بنطلون جنز وتيشرت فيروزي ماسك على جسمها واستشورت شعرها بشكل سريع وربطته ذيل حصان وحطت كحل اسود جوا عينها ومسكره وحطت بلشر وردي وروج فوشي وتعطرت بعطرها المفضل الين انجل وجلست على كرسيها الوردي وضمت رجلها لصدرها وحطت راسها على رجلها
~ ~ ~ ~ ~ ~ ~ ~ ~ ~ ~ ~ ~

وعالساعه 2 ونص وصلت منى وعيالها ومحمد وعياله دخلوا مرام كانت قدام ريم ريم وطت على طرف عبايتها وتعكرفت بس ماطاحت
مرام عصبت:وجع ريم يالخايسه
ريم:مادريت
مرام:انا اوريك
منى:اوف اصبر خلونا ندخل بعدين تطاقوا على راحتكم
ريم:اوكي عمتو من عيوني
راحوا جلسو فالصاله
عنوده:غريبه وين راما
مرام:اي والله وينها
سكوت مده خمس دقايق
مرام:ههههههههههههههههههههههههههههههههههههههههههههه هههههههههههه
عنود:وش فيك انتي بعد تضحكين
مرام:شوفي البطريق الي يمشي
عنود ابتسمت:حرام عليك والله تهبل مشيتها
مرام تطنز:مره زينه
طلعت لهم غلا من المطبخ:مراموه إذا ماعقلتي عن بنتي بخليها تصفقك
مرام:خخ انا من يوم شفت مشيتها وانا غاسله يدي منها
ريم:عاد حدك مراموه عاد هذي بنت اخوي فاهمه
مرام: انشا الله اقول انقلعوا بس بروح اشوف راما ازين
غلا:ايه زين خليها تنزل
منى:لا يكون مستحيه
مرام راحت فوق
غلا:لا وش دعوه
ريم:واو من يصدق ان راما بتتزوج بقى انتم يالعوانس
عنود:لا حبيبتي لو ابي اتزوج تزوجت من زمان
غلا:عمه
منى:لبيه
غلا:الله يعافيكم إذا نزلت راما لاتتكلمون معها بذا الموضوع الى بعد الملكه
منى:اكيد فاهمه ريم
ريم:ايه فاهمه
منى:بلا نغزات وفهمي مرام بعد
ريم:انشا الله
وبعد شوي نزلت راما ومرام واهم يضحكون مرام تخلي المعصب والمتضايق يضحك (كل واحد واسلوبه ) راما دارت عليم كلهم تسلم وجلست براحه(الحمد لله محد علق علي):غريبه وش في الباقين تأخروا
مرام:راما قومي نروح نجيب جدوا وجدتوا
منى:اجلسوا انتم بيجيبهم سعود
مرام بعد الفشله:احسن كنا بنساعد بس
منى ناظرتها نظرات يعني اسكتي
وبعد ربع ساعه اكتملت العايله ودخلوا عالغدا طبعا ماعدا البنات الي طلبوا من مطعم وجبات سريعه وبعد ماخلصوا غدا جلسوا الحريم والبنات مع بعض فالصاله
حصه تمزح:اوريكم يابنات طباخي مايعجبكم
فجر:لا خالتوا وش دعوه بس مانحب ناكل رز وانا تونا قايمين ولا بعد الظهر
ساره:والله ماعرفنا لكم الظهر ماتبون رز والعصر توكم قايمين اصلا كل وقتكم و تقولون مو مشتهين تونا قايمين من النوم اجل متى تاكلون شي يشبع بطنكم
فجر:اوه الماما بدت محاضرتها
ساره تقلدها:اوه الماما بدت محاضرتها ايه كل يوم محاضره لما تاكلون زي الناس
مرام تضحك:هههههههههههههههههههه خاله شايفتنا ناكل من خشومنا
ساره:بس بس بس لا بالجوال على راسك
مرام تستهبل:اوه من زمان عن الجولات والأشيا هذي صارلي سبوع ماجاني ولاشي ولا خخخ
فجر :ههههههههههههههههه كفك كفك مروم حلوه وكثري منها
قمر:اقول إذا ماعقلتوا عن ماماتي بقوم عليكم
فجر:اوه
قمر:بس ولا كلمه
فجر:ماما شوفيها دايم تسكتني
ساره :احسن
ريف:شي عادي انا الي عندي (تقصد نوف )دايم تسكتني
نوف تبي تقهرها:اسكتي بس اسكتي
ريف:شفتوا
ريم:اقول بنات مو كأنه حر
راما:الا موت
ريم:عندي فكره بس من يأيدني
البنات:شو
ريم:نتسبح فالمسبح
البنات كلهم فعوا يدهم ماعدا راما
ريم:انتي متى تتعلمين السباحه
راما:تحلمين مستحيل اتعلمها يكفي اني إذا شفت المسبح يطيح قلبي فالارض
ريم بخبث:طيب وش رايك نعلمك
راما:هاهاي تعلميني هاه طيب اصبري احفر قبري قبل
ريم:جد والله
راما:لا بشغل نفسي بتصويركم بكاميرا الفديو
ريم:يالله عطينا ميوهات
راما:ماعدي الا اربع بس
ريم:انا باخذ واحد
فجر:انا بعد
ريف:وانا
مرام:وانا
ريم:والباقين يدبرون عمرهم
راما:خلاص قمر وعنود ونوف بعطيهم برمودا سترتش وتيشرت ساده
عنوده:وانا طراطير عندكم تلعبون فينا بس يالله امرنا لله ماتتفوت الوناسه
راما:يالله قومو فوق اعطيكم
رقوا البنات والحريم يناظرون بعض
نوره عمتهم:من جدهم
منى:الحمد لله والشكر الي فراسهم بيسوونه
الجده:منى نسينا ماكلينا
منى:وشو
الجده:انتي يوم انك صغيره ماتذكرين وش تسوين
منى:وش كنت اسوي
الجده:يوم اقولك لاتطلعين برا البيت قلتي طيب وبعد شوي القاك منحاشه مع احمد الي اهو زوجك
منى:احم يمه لاتفضحينا عاد عند العيال
ساره:ههههههههههههههههههههههه يعني كنتي تحبينه من الاول
منى:افا عليك اجل بتزوج واحد ماعرفه
نوره:شوفي كلنا تزوجنا وما نعرفهم قبل الزواج
الجده:اقول لاتخربين بنتك بس
منى:مرام غاسله يدي منها تقول انا مرح اتزوج واحد جاي يخطبني بتزوج واحد انا الي اامره يجي يخطبني
الجده:إذا جا وقت الجد مارح تقول كذا
* * * * * * * * * * * * * *

وعند البنات نزلوا و راحوا عند المسبح في غرف ملابس يغيرون واول وحده طلعت مرام
مرام:بنات شوفوا حركه معلمني مشعل شوفو
وجت من بعيد مسرعه ونطت عقفت رجلينها وتشقلبت فالهوا وغاصت
راما شهقت:مجنونه
ريم تصرخ استهبال:انا جايتك
ونطت بعدها ولحقتها ريف وراما مطلعه عيونها(حشى مايخافون مشا الله):هاي انتبهوا لاتموتون علينا
وطبوا البنات الباقيات وكل وحده تغرق الثانيه مزح
فجر:بنات خلونا نسوي سباق وراما الحكم
راما:طيب اوكي صفوا جنب بعض ولا اقولكم خلونا نسوي فريقين احلى
نوف:لا اول شي مع بعض بعدين فريقين
راما:طيب بسرعه صفوا
صفوا البنات وعدت راما
راما:ثري تو ون زيرو قو
وانطلقوا البنات واصوات المويه ارتفعت وراما تملت من المويه طلع شكلها خيال
ريماس تنادي:راما
راما التفت:هلا
ريماس :ممكن نتسبح معكم
راما ابتسمت:يالبيه عالذوق اكيد قلبي ارقي انتي وغرام وبدلو فغرفتي
ريماس:مامعنا ميوهات
راما:عارفه قلبوا حتى انا ماعندي خذوها البنات شوفي افتحي دولابي وخذي بنطلون سترتش وتيشرت(عادي يجي مناسب لأجسمهم راما صغير)
ريماس ابتسمت:ثانكس
راما:ويلكم
راحت ريماس مع غرام وراما نست البنات
نوف تطنز:امحق حكم
راما ضحكت:وش اسوي لهيت الى من الي فاز
عنود:طبعا مرام بعد الغش
وسمعوا صوت وراهم
_هاي شباب
البنات:هايات
العنود:وش هالمفاجأه الحلوه
_شفتي عاد مشاري جابني اخواني مافيهم خير
مرام:اي مافيهم خير كلهم ثنين واحد مسافر ياقلبي عليه والثاني طرطور زوجته
راما:مرام خلاص عيب عمك
نهى:الا صادقه طرطورين بعد
نوف:اقلطي معنا
نهى:بعد شوي خلوني اتثيقل شوي ما امداني سلمت عليهم
مرام:اي ثقل اي كلام طبي بس طبي
جت من وراها غرام تأشر لمرام بمعنى ادفها مرام هزت راسها بأجابه ودزتها غرام
البنات:ههههههههههههههههههههههههههههههههههههههههههه ههه
نهى طلعت راسها تشهق:حسبي الله على بليسك اشو ان جوالي مو معي كان غرمتكم كل وحده تشتري لي جوال
عنود:ههههههههههههههههههههههه طماعه اعوذ بالله من الجشع
نهى:ابي اطلع لابعد من زين الطبايع تنوره فالمسبح
مرام غاصت وقرصت نهى من فخذها
نهى صرخت :يالدبا غرام روحي جيبي شي البسه
غرام بغرور:ماني فاضيه
نهى:شف الحيوانه تمونين
مرام:ذي خليها فحالها دلوعه مشاري
غرام:انطمي
مرام:اقول زودتيها مشاري مو هينا عشان يدافع عنك _وتهدد_ يعني انتبهي لا يجيك بوكس يطير راسك
نهى:خلاص بلا طقاق ريماس ياحلوك
ريماس فهمتها وابتسمت:طيب بروح اجيب لك
نهى:ياحبيلك مدري وش لون ماماشيه العفريته(غرام)
غرام كشرت
قمر:انا بطلع تعبت
فجر:عاد انتي عجوز تتعبن من كل شي
ريف:حتى انا بطلع المويه بارده مره
راما:اطلعوا كلكم مابقى شي على اذان المغرب
مرام بتطنيش:اوه بقى ساعه ونص
دخلت عليم حصه
حصه:نهيوا منتي بصاحيه امداك تجين
نهى:الحيوانه غرام دفتني
حصه:المهم لاتطلعون الحين الشباب فالصاله
وراحت
ريف :انا بروح اغير ملابسي
طلعوا اغلب البنات مابقى الى مرام وريم وفجر وريماس
راما:ماودكم تطلعون
مرام تناظرها بخبث:الى عطيني يدك طلعيني
راما مدت يدها بكل برأه وسحبتها مرام وطاحت فالمسح ومرام طلعت بسرعه
فجر مسكت راما الي الروعه باينه فوجهها وطلعتها اما مرام
مرام:ههههههههههههههههههههههههههههههههههههههههههههه هههههههههههههههههههههههه حلوه
راما لحقتها تبي تضربها ومرام نحاشت وكل وحده تنطل كلام عالثانيه لين نسوا انفسهم ودخلو جوا ومرام قدام راما ترقض رقت مرام الدرج ولحقتها راما وكل انضار الشباب على شكلهم مستغربين
راما اول ماوصلت الدور الفوقي شهقت:ياويلي فشله
مرام مرتاعه:وشو
راما وجهها مصبوغ احمر:مرينا من عند الشباب
مرام تذكرت كلام عمتها حصه:ياي فشيله
راما لحقتها:كل منك وقرصتها
مرام:اي يالدبا
راما:لو اني مت الحين
مرام تستهبل:افا انا اموت زوجت اخوي
راما انقهرت وفنفس الوقت استحت:سخيفه
وراحت غرفتها تبدل
مرام:ههههههههههههههههههههههه ياحليلك الله يعينك يامشاري على خجلها الزايد
راما سمعتها(الا قولي الله يعينه بجننه لين اخليه يكره شي اسمه راما

* * * * * * * * * * * * * * * *
والساعه 11 كانت قمر جالسه مع عنوده فالحديقه بروحهم
عنود:ياحياتي محتفض فيها لحد الحين وش لون صبر لو انا كان عطيته من اول ماشريتها
قمر عايشه نفس جو عنوده من رومانسيه:بس اكيد لها طعم غير مو صح
عنود:اكيد صح
قمر:آه ياعنوده تتوقعينه يحس فيني
عنود تناظرها بأسى على حالتها:تصدقين قمر احسه مايحس فيك ولا حتى يفكر فيك
قمر بضيق تنهدت:وانا احساسي كذا احس ان قلبه مو لي احس انه يحب وحده ثانيه غيري
عنود:انتي لاتحاولين تزيدين حبك له
قمر:دايم اقول ذا الكلام بس إذا شفته انسى الي قلته فلحضه ويزيد حبي له عنود انا مو بس احبه انا اموووت عليه
عنود:بسم الله عليك من الموت بس انتي ماتدرين انه يحبك ولا اهو يدري
قمر:مصيره فيوم بيعرف
عنود عقدت حواجبها:شلون
قمر:إذا مالقيت لي احد يفهمه حبي انا بنفسي بقوله
عنود استغربت:كيف بتقولين له
قمر:مادري مادري على حسب يمكن وش دراك
قربت قمر من عنود وضمتها
قمر فحضن عنود:ياي ياعنوده حضنك دافي يابخت سموي
عنود تغير الجو:احم لاتقولين سموي قولي سامي او سامو
قمر:ولا سوسو
عنود:لا عاد هذا حقي حقوق الطبع محفوضه
سمعوا صوت من وراهم يناديهم كأنه ينادي قطوه بس بس بس
قمر قامت من حضن عنود والتفتوا مع بعض
قمر وعنود:هلا
سعود:هلا فيكم وش قعدكم هينا كأنكم قطاوه
عنود:انا احب ذا الوقت احب اجلس فيه لحالي او مع احد اشكي له
قمر:لا انا غير احب اجلس الفجر افتح البلكون واقعد اناضر القمر
سعود:وش عندك قمور الي يقعد ذا الوقت ياهايم يامهموم
قمر(كل الثنتين):الي تبي
سعود:المهم متى تبون تروحون
قمراستعربت:وين
سعود:بيتكم
قمر:ليه
سعود:سامي رايح البيت مبكر حس بتعب وراح عاد اهو قال لي اجيبكم عشان فاليل صعبه يجيبكم سواق وخاصه مامعكم زياد
قمر:اها كل العاده
سعود يمشي:اوكي اجل الساعه 2
قمر:تسلم
راح سعود
عنود بخوف:قمر وش فيه سامي
قمر:عادي دايم صداع فراسه
عنود:سلامات طيب ليش مايروح الدكتور
قمر:راح بس قاله الدكتور هذا من الارق والتعب والتفكير وقل النوم
عنود:سلميلي عليه وقولي له سلامات ياقلبي
قمر:يوصل قومي بس ندخل
عنود:يالله
قامو ا ودخلوا جوا

_ _ _ _ _ _ _ _ _ _ _ _ _ _ _ _ _
واليوم الي بعده العصر رن تلفون بيت سلطان راما رفعت التلفون
راما:الو
غلا:الو راما
راما:هلا
غلا:شخبارك
راما:تمام
غلا:اوكي زين حددو الملكه
راما بقهر:عارفه حددو الملكه والزواج بعد
غلا:الزواج متى
راما:الاخ مشاري الظاهر مستعجل الزواج قبل الدراسه بشهر
غلا:يوه يعني مايمدي تقريبا بنبدا نجهز فيك بعد الملكه على طول انتي ليش ماعارضتي
راما بعناد:ليش اعارض مدامي مرح احس بطعم الفرح وبعدين مرح اجهز شي
غلا:راما بلاعناد بكره بنروح السوق عشان الملكه
راما:مرح اروح معكم السوق روحي لحالك
غلا:راما انتي ذوقك صعب
راما:لا عادي لو البس خيشه
غلا:خلاص اجل انا بجهز حق ملكتك بس الزواج انتي بتجهزينه
راما تبي تسكتها:طيب طيب
غلا:خلاص يالله باي
راما:باي
سكرت راما السماعه وانسدحت على كنب الصاله
ورن التلفون مره ثانيه
راما بممل:الو
منال:هلا بالزين
راما:هلا وغلا
منال:شخبارك شو مسويه وش دنيابك
راما ضحكت على اسلوبها:صارتلي اشيا واشيا
منال:والتكارنه بنت عمتك وبنت عمك
راما:مرام وريم
منال:اجل من غيرهم ادق على مرام ماردت ورسلت لها مسج بعد ماردت ودقيت على ريم ردت وصوتها كله نوم ارتعد وصكيت فوجهها
راما:ههههههههههههههههههههههه طيب شويشوي شفيك تسرعين
منال:هههههههههههههه والله اني مشتاقه لكم
راما:تعالي بيتنا ونجمع البنات
منال:لا تكفون حامت كبدي من البيوت خلونا نطلع مكان
راما:كيفك قولي للبنات
منال: إذا قامو اصحاب الكهف (تقصد البنات)
راما تنهدت:منول
منال:عيون منول
راما:بتزوج
منال ما استوعبت:هاه
راما ابتسمت:جد
منال بغبا :شلون تزوجتي
راما:ههههههههههههههههههههههه اقولك بتزوج مو تزوجت
منال مصدومه ماتوقت راما رح تتزوج تخيلت كل الناس الا اهي:من طيب
راما:مشاري ولد خالي
منال طلعت عيونها:اخو مرام
راما:ايوه
منال:بس غريبه توه جامعي واخوه الي اكبر منه ماتزوج
راما:لا الي بتزوجه مشاري الجامعي مشعل وبعدين مشعل اخوي من الرضاعه
منال:انتي بتاخذين مشاري دكتور الجراحه
راما:ايه هذا
منال:بس كبير عليك
راما تطنز:عارفه 9 سنوات ماتضر
منال مستغربه:تصدقين مااتخيل انك تتزوجين ذاك الطويل العريض والله تصيرين كبسوله عنده
راما بحسره:حتى انا بس النصيب
منال:زين مبروك منك المال ومنه العيال
راما:وشو
منال:ههههههههههههههههههههههه امزح معك
راما:تخيلي الرجال يحمل
منال:ياليت عشان يحس بمعانات الحرمه دايم يقول عنها دلوعه خكريه آخ بس ياليت يخاذون شي من معاناتنا لو شوي
راما:حاقده
منال:بس عالرجال
راما:جت عمي الثاني يكره الحريم وإذا جابوا طاري الزواج يعتفس حاله
منال:منهو سعود اجل اكيد كان يحب وصار شي
راما:يعني انتي كنتي تحبين
منال:آه لا طبعا بس الي صار لأختي مو شوي
راما:بس الحمد لله ربي ماينسى عباده تزوجت ومتهنيه وزوجها يموت فيها
منال بحزن:بس وش عقبه عقب سنتين عذاب ماطلعت من البيت ولاشمه هواه
راما تنهدت:آه هذي الحياه
منال:اجل خلاص بربرت كثير
راما:ياحبيلك والله مكالمتك ريحتني وتراك معزومه على ملكتي مو ذا الثلاثا الي بعده اوكي
منال:اوكي تشوشو
راما:تشاو
سكرت راما وتنهدت بقوه وحمدت ربها ان ماصار لها نفس مها اخت صديقتها
(بس ماعرفتكم عن منال الي دايم تسمعون عنها هذي بنت شو مهضومه تهبل عسل ماحد مايحبها بنوته ولا كل البنات اخلاقها نفس اخلاق عايله عبدالعزيز ادب واحترام وذوق ومعامله مع الناس عسل جمالها الداخلي حلو الخارجي احلى واحلى بس ماتحمل من الجمال العربي شي شقرا وطويله بس مو ذوليك الشقار الي عيونهم يالله تنشاف الي ذابحينا فيهم الشباب تقدرون تقولون عيونها سعوديه بس رمادي لونها وكبار وخشمها صغير وفمها صعير مرره ووجهها دائري وبيضا وشعرها اشقر على ذهبي بس اهي بين كل فتره وفتره تصبغه اسود ماتحبه ذهبي ترا عندنا فالسعوديه بنات كذا مو تحسبوني اكذب عليكم بس انا عن نفسي ماتلفت نظري غير السعوديه البحته فديت بنات السعوديه وبنات الخليج عشان مايزعلون فديتهم)

* * * * * * * * * * * * * * *
وفي بيت من احد البيوت في احيا الرياض
في شهقت:من الي قالك عن الخبر
ضي:والله امي تو تبارك لخالتي حصه
في:آه يالقهر مالقا الى راما ذي الشينه
ضي:بالعكس مو شينه الى تجنن بس عشانه عافاك
في زاد قهرها:تحسبيني بسكت لها انا وراها ورها لما يطلقها
ضي:وش بتسوي
في:كل شي بوقته حلو
ضي:بس لاتضرين راما مهما كانت بنت خالتي
في بكل حقد:لا لا تخافين مرح ااذيها بس من بعيد
ضي:ودي اعرف وش فمخك
في:بعدين بعدين بخليها تكره شي اسمه زواج
***************

ويوم الاربعاء فبيت سعد
ريف:ليش طيب
سعد:مايمدي نحجز الحين
ريف:اوف طيب ليش
نوف:او علينا انتي إذا احد قالك لا يعني لا ماتفهمين
ريف:طيب ليش تقولون لا
نوف عطتها نظره وسكتت
سعد:شوفي الخميس هذا مايصلح ولا الخميس الي بيجي الخميس بعد ملكه مشاري وراما وعد نروح استراحه
ريف:وعد
سعد:اكيد
ريف:اخاف عمي سلطان مايرضى
سعد:لا لا اعرفه مرح يرفض
نوف:عاد الحين اسكتي غثيتينا
ريف:طيب
نواف:وانتي يالمخفه عادي تسكتك
ريف:لا بس اهي اكبر مني
نواف:غبيه
نوف:انت مالك دخل فينا
سعد:نايف ابوي انت وبندر إذا لقيتو نفسكم فاضين روحو دوروا استراحه واحجزوها
نايف:انشا الله
ريف:شف مو بس تناظرون قسمكم ناظرو قسم الحريم بعد

¤
¤ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل	Дјறàl Диsǎήһ	استراحة قصص وابداعات الاعضاء	24	11-14-2011 01:13 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM