وانا ببرود احساسي عطيتك ..

نور القمر · #1 04-21-2008, 03:11 PM

اليد " محمد " اليدهـ " موزهـ "
عيالهمـ همـ

عاشهـ :و عندها بنتين و ولد

هند : معرسه بس ما عندها عيال

مهرهـ : عندها بنتين و ثلاث اولاد

حمد : عنده بنتـ و حدهـ و ولد ^.^

عيالـ عاشهـ همـ " فطامـي , مريامـي , عمر
عيالـ مهرهـ همـ " مـيرهـ , الريمـ , حمدان , محمد , حميد
عيالـ حمد همـ " العنود , سلطان

فطامـي " عمرها 17 حلوهـ ماشاء الله عليها و حشرهـ وايد تحب الخبالـ ..
مريامي " عمرها 19 نفس اختها الخبال شي اساسي عندهم بس عكس اختها جدام الناس هاديهـ و هـي حبوبهـ بسرعه تنحبـ

عمر " عمرهـ 20 حليو و حبوب وطييبـ وايد ما يحب يرد طلب لاخواتهـ ..
مـيرهـ : عمرها 17 هااديه و حبوبهـ
الريم : عمرها 19 حلوهـ و فيها خبااال مب طبيعي و دومها ويا مريم
حمدان : عمرهـ 18 و بتعرفون شخصيته من القصه
محمد : عمرهـ 15 يحب يعلق وااايد لسانه متبري منهـ
حميد : عمرهـ 17 طيب و حبوب
العنود : عمرها 17 بس ما تحب تيلس ويا الي كبرها فطامي و ميرهـ شوي منعزله خخ
سلطان : عمرهـ 20 شخصيته فيها غموضـ ..

طبعا حمد و عيالهـ " العنود و سلطان " من العـين ..
يعنـي ما ايون الا بالويكند .. و الاجازاتـ ..

يوم الخمـيس
كلهمـ متيمعين بيتـ يدهمـ و يسولفون ..
مـيرهـ : آآخ متى قوم خالي حمد ايون
محمد يشوفها و يقلدها
ميـرهـ : اووو عاد هاذيل اليهال
محمد : هي و الله اليهال صدق حـشرهـ
فطامـي : يالغبي تقصدك انته
مـيرهـ : ماعليج اليهال يوم كامل عسب يستوعبون السالفه هههههههههههههـ
محمد : اووو انا ياااهل
و خذ علبه الكلينكس و فرها ع ميرهـ
طبعا كلهـ سوالفـ ^.^

ميرهـ ميته قهـر بس تمت ساكته لان طبعها جيه هاديه ..

فطامـي : ههههـ عاااش حمووود تعجبني والله
ميره : انننه اوونج اربييعتي ماحبج
فطامـي : عاد انا امووت فيج اتصدقين خخ
محمد : خييبه كاااش بالويهه قسم بالله ههههـ ..
فطامي : اصلا انا اسولف ميرهـ حياتي و روحي خخ
مريامـي : جووفوا اختييه طاالعه عليييه قلبها طيب تحب الكل وااااككككككك
الريم : ها ما يسمونه تحب الكل احم قصدج تقردن الكل
كلهم نقعوا من الظحك ههههههههههـ
حمدان : اففف يووعان و الله
حميد : خخ حتى انا
عمر : هههههـ انتوا بلاكمـ حـشى مب يوع خخ ..
حمد " خالهم " : هووود هوود
الكل : هدااا
حمد : مرحباااا الساااع و باس امه و ابوهـ , و سلمـ ع خواتهـ
فطامـي : هلاااا بالعنوود خخ ولهت عليييج يالدببه
العنود : اهلين و سهلين و بوستين ع الخدين
فطامـي : اخ اخ مارووم ذبت هههههههههه
سلطان يلس ويا عمـر هالثنااائي الممل اقصد المظحك
محمد : اووو شت شت عييني عيينك خيااانه
فطامي : خخخخخ و هالراااس انا مااا اخون حبيبي اليااهل
مـيرهـ : فطوم اتخبرج انتي ماخليتي حد بحاله
فطامـي : لا عاد هاذا ياهل اصغر مني حلال عليه
محمد : اكتشفت ميروهـ تغار ههههههـ
سلطان : انتوا بسكمـ هالثلاث دوومهم يتناقرون ما يملون
مريمـ : اقوول
الكل : قولي
مريم : ها لا خلاص هونت ما ابا اقول خخ
الريم : سخااااااااااافه
مريم : احم احم هههه لا لا صدق اقولكم اليوم بنسهر ما يخصني
اصـلا هم دومهمـ يسهرونـ الويكند .. ^.^ .. لان الخميس و الجمعه يررقدوون بيت يدهم كلهمـ ..
حميد : اقووول ما قلتي شي يديد دومنا نسهر خخخ
مريم : لااا يوم انا اقوول شي غييير
اليد محمد : يالله عياااال غدااا
حميد و حمدان : اخيييييرا هاهاهاااااي
وقت الغداا كلهم يتغدون
عاشه ام عمـر : العنود ليش ما تاكلين
العنود : هاا عموو لا اكل خخـ
فطامي : اصلا لازم تاكل لاني انا الي مسويه الغدا
محمد : يمممم اناا اقوول ليش حلو
حمداان : اسمييك محمد يااهل تصدق هاااي
فطامي : ليش ما تصدقون انا الي طاابخه
حمدان : خيير ان شااااء الله ><
مـيره : هههههههه انتي لو تسوين كاس جاهي واايد عليج
فطامي : هع هع خلنا نقص عليهم شو ورانا لول ..

شو رايكم بالبارت للحين ..

نعني اكمل و لا ..

و رايكم يهمني __DEFINE_LIKE_SHARE__

قلب بدويه · 04-24-2008, 05:14 PM

شت شت اووف القصه عجيبه

كملي كملي القصه^^

احلا ماافيهاا فطاامي بس اكييييييييد حمداان البطل هع هع ^.^

في انتظاار الباار ^^نوااري.. __DEFINE_LIKE_SHARE__

غرشوبة جميرا · 04-24-2008, 06:12 PM

الله كشخه البااارت
ونتريا البارت الياي __DEFINE_LIKE_SHARE__

نور القمر · 04-26-2008, 10:44 AM

مـيره : هههههههه انتي لو تسوين كاس جاهي واايد عليج
فطامي : هع هع خلنا نقص عليهم شو ورانا لول ..
عقب ما خلصوا الكبار دخلوا يرقدون رقاد العصر خخخخ..
المهمـ تموا الباقين الي هم محورالقصه يسولفون
العنود يالسهـ صوب قوم حمدان و سلطان و حمد و حميد و طبعا محمد عند مريامي و الريم و فطام و مياري
العنود : اتصدقووون ملل
حمدان : ملل لانج يالسه وياناا الاولاد
العنود : هاها عيل وين تباني اسير هاا
حمدان : وين يعني عند قوم فطام وميره
العنود : خخـ ماابااا كيفي مزاجي ابا اخرب عليكم
حميد : يااهي ساااالفه هع نحن نبغي نسولف ع راحتنا عن عن

العنود : واكككككككككك عسب جيييه ابا اخرب عليكم لول ..
سلطان : امممـ بسير اغسل موتري عند المحطه
العنود :: اناااا اناااا ابا اسييييييير
سلطان : بسم الله ما وحالي ارمس
العنود : خخخ اتمصخر ماا ابا اسيير ما اتخيل الصراحه
سلطان : المهم تامروني بحايه حد بي ويايه
الاولاد لا حياه لمن ينادي مندمجين بالبلاستيشن ..

المهم سلطان روحـ عنهمـ ..
مريامي مرهـ وحده صرخت : اييييييييييييييه
الكل : بسم الله شوو فيييج
مريامي : نسينا ناخذ حلاوهـ حق السهرهـ
الريم : لا افااا عليييج مريوم مجهزه انا ههههه
حمد : ماا شااء الله ما يفووتهن الفووت هع هع
الريم : احم لاازم بعد شوو خخ
حمد : لوول انزين عاملين حسابنا نحن الاولاد
الريم : لااا طبعاااا
محمد : حمد ما بغييت تسأل الا البناات ما تدري انهن زطيااات امـرهـ خخـ ..
الريم : اييه حموود انته الزطي اصلا انا يايبه حقنا كلنا و انتوا ويانا غبي
محمد : غبي رييلج
الريم : ايييييييه عن الغلط ما ارضى عليه ريلي المستقبلي
مريم :: خخخخخخ يمكن يكون بينااا احيين هاهاااي
الريم : ايييييييه انتي يالدبه المعفنه الجيكره انا ما احب حد بعدني هههههههههـ
مريم :: اشك الصراحه هههه لا لا اسووووولف و الله
الريم : عيل انتي اقوول من ريلج رااع الدكاان
مريم : هههههههههههه حليله هع هع
و عقـبـ ياا سلطاااااااان و داااخل معصب
العنوود : سلطاان شو فيييك
سلطان : هاا لا ما فيني شي
حمد : سلطاان شو فييييييك هااا
سلطان : ياخي قهـر انا ساير نسيت البوك اهنييه بس حمدلله عندي خردهـ بالموتر و لا صدق فضيحه
اهنييييه كلهم نقعوا من الظحك علييييهـ ههههـ
و تقريبا ع الليل جيه كلهم تيمعوا ..
البنات و الاولاد
مريم : امممـ جنه سهرتنا هالمـره ملل
فطامي : ملل لانج ويانا واككككككك اسوولف و الله
مريم تقلد فطامي اسولف و الله
العنود : قسم بالله متفيييييجييييييين انتووا
ميـرهـ : اقولجـ العنود اسكـتي عن تصفعين ههههـ
العنود : هـي و الله ما فييناا نحن بعد خخـ ..
الريم : اقوولجـ مريوووم
مريم : خيير قولي
الريم : ابا اورنااامين سي و نسيت آخذ
مريم : افااا علييج لو عندي كنت بعطيج هههههه
الريم : دبه سخييفه انننننه
مريم : واكككككككككك حليلج و الله
حمدان : ايييه شباب جنه بسكم من البلايستيشن
حميد : خلنا ياخي و الله ملل
حمد : لا صدقهـ حمدان من متى و نحن الا نلعب
سلطاان : اممم قوموا بنسير نخبل بالشله الي هناك ( البنات )
حمد : واكككككـ شرايكم نخوفهمـ
حمدان سار صوب البنات و ما شاف الريم و مريم

حمدان :: وينها اختـي الريم خخـ

عمـر : امم انا مااا اشوف مريوم اختيه وينهم
البنات : راحوا يشربون مااي
حمدان : اهااا
عمر و حمدان ردوا صوب الشباب
عمر : اقووول مريوم و الريم راحوا يشربون ماي بسير اخوفهم
سلطان و حمدان و عمر و حمد راحوا

سلطان و حمدان ورا الباب واقفين
و عمر و حمد راحوا صوب المطبخ

مريوم : امييه ريموهـ تخيلي تشوفين جنـي شو بتسوين
ريموهـ : اصلا انا ما اخاف من الجن يعني عادي
مريوم : ههه عادي و من هناكـ انتي اول وحدهـ بتشردين
ريمووهـ : ههههه لا اصلا بدق ويا الجني سوالف ما تدرين ما اخاف انا
و اهنيييه سلطان و حمدان يمشون وراهم و هم مب حاسين

و اول ما ادخلوا الصالهـ حمد و عمر صرخوا بويهم
و مريوم و الريم تموا يصارخون و يركضون داخل بس حمدان مسكـ الريم من ايديها و اهي تصارخ و هم ميتين من الظحك اما مريوم ما يشوفون الا الغبااار و الريم توها تستوعب السالفه
الريم : و الله سخاااااافه روعتووني اغببيييه ما اكلمكم
الشباب : ايييه بس و الله نسوولف ههههـ
مريم دااخلهـ الحجـرهـ وين ماهم متيمعين دااخله تركض
محمد : بسم الله بلااهااا هاااي داخله جنها مال الارهاب عنبوو
حميد : واكككككككككك اسكت عن تضربك احينه
مريوم : اييه ايييه الريم وينهااااا اويييييه ليكووون
العنود : ليكوون شوو
و مريوم خبرتهم السالفه و هـي ما تدري انهـ قوم سلطان و حمدان و حمد و عمر تتحرا صدق جن
العنود : اوووووووووويه حللفي شفتوا جـن
مـيرهـ :: شت شت كييف كااان شكلهم ..
فطامـي وييهاا احمر و ميييته من الظحك
فطوم : حموووود يا الدب تعاااال بقولك شي
حميد : جيييه و انا مااالي رب
فطام : ها ها خلاااص انا يايتكم
عنود و ميرهـ : اختج قسم بالله متفيييييجه
مريوم : علهاا تشوف جنـي تتأدب بدال ما تظحك عليه
فطام : حموود و حميييد بقوولكم شي
حميد و حمود : قولي
فطوم : اول شي وينهم البقيه ابا اتاكد
حميد : اهااا واكككككككككككككككككككككك احيينه عرفت البقيه قالوا بسيرون يخوفون مريم و الريم
حمود : و هااي مريوم الغبيه مصدقه االسالفه اونه جن
و تموااا يظحكووون
فطوم : اقووول مريم شو رايج بالجـني حلو شـكله صح
مريوم : و الله انج سخييفه تدرين و الا
فطوم : احم سخييفه و كــلي فخـر
و صووب الشله الثانيه الريم و حمدان و سلطان و عمر و حمد
حمدان : كح كح واكككك فاااتج ما شفتي اشكالكم كيف و ربي تظحكوون
حمد : طوفوا بسير اشوف اخبارها مريوم اخافها ماتت بعد
ريموه : صدق تقـهر و الله راحت و خلتني احين لو كان هالموقف صدق غبيييه براويييهااا

المهمـ و ساروا الحجـرهـ صوبهمـ

اول شـي دخل حمد يعني الاولاد دخلوا قبل الريم و ريموهـ وراهمـ

مريووم تركض عند اخوهاا
مريوم : حمد حمد اقووولك ما شفت ريماني
حمد : تم يظحك هييهـ ورااناا هع هع
مريوم : انتييي ايييه وين سرتي هااا
ريم : جب جب ما اكلمج خليتيني رووحي خاايسه
مريوم : و الله ما يخصني فيج انتي اهم شي انا ثم انا ثم انا ثم انتي
ريموهـ :: لا والله اتصدقين قوم حمدانووهـ مسوين هالحركه فيينااا
العنوود : مريييوم ياالخاااايسه و نحن صدقنااا بعد انه جن صدق
مـيرهـ : و انا اقول ليش فطوم الهبلهـ تظحك
فطومـ : واكككككككككك احين فهمتواا يا اذكيييهـ
مريوم : ماا علييييه مردوووودهـ مردووودهـ

و التكملهـ عقب ^.6 __DEFINE_LIKE_SHARE__

قلب حاير · 04-27-2008, 12:28 AM

يسلمووووووووووووووووووووو والله ع البارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الروح بلياك بتروح	ĝŘềξБ ễĺ đǻŗ	قصص و روايات	2420	03-03-2012 03:21 PM
وين بتروح؟؟؟؟	راعي الفتك الرمادي	أستراحة الفيديو المنوع	43	09-27-2009 05:32 AM
مع قرب الانتخابات .. الوفاق تترنح	محروم.كوم	منتدى أخبار المواقع والمنتديات العربية والأجنبية	0	06-17-2009 12:00 PM
احساسي غير كل البشر	محروم.كوم	منتدى أخبار المواقع والمنتديات العربية والأجنبية	0	04-28-2009 05:50 PM
عطيتك قلب ..واشواق..وحنين ..وفيك ظني خاب	‏غرور اماراتيهـ	الشعر المنقول	5	05-27-2008 08:13 PM