| ||||||
 |
| | LinkBack | أدوات الموضوع | انواع عرض الموضوع |
03-13-2009, 08:22 PM
| رقم المشاركة : [ 6 ] | |
| عضو ماسي  |  وبكره الساعه 5 العصر الشغالات قاعدين يغسلون الي برا عقب الغبار الي امس والبنات يلعبون بالمويه مرام تستهبل:عنوده ترا يمدحون الزلاجات فالمويه عنوده:وجع النذاله تمشي فعروقك مرام ترفع اكمامها مثل الاولاد:افا عليك ريم:اقول شوفي دارين واصله معها(الشغاله) نوف:تاكل تبن شوفي سينا بعد معصبه بس عطيها نظره تسكت(سينا شغاله سعد) راما:صح سينا نواف يسميها شينه نوف:عليك نور ريف:صادق نواف شينه وع مرام:عاد انتي ونواف إذا قال شي كلامه صح نوف:ايه حتى إذا كان غلطان تخليه يصير صح غلا جت عندهم:بنات ماتبون شاهي البنات:لا راما:يمي شاهي عز الطلب فجر:اوه نسينا ان معنا سيلانيه قمر :واحلى سيلانيه شفتها بحياتي..عاد قمر تحب راما وتعزها مره.. راما ابتسمت:تسلم روحك الحلوه فجر:ياهوه نحنو هنا قمر لاتدلعينها ترا اغار قمر:تكفين طول الوقت طقاق راما:يالله بروح اتشهوا فجر:خخخ حلوه بتشهوا الي اعرفه اتقهوا راما تمشي:اي اهم شي المهم فهمتي المعنا راما راحت المطبخ تشرب مويه وراحت دخلت عند الحريم حصه:يمه وش فيك مبهذله راما ابتسمت وصبت لها شاهي وجلست منى تبتسم لها:والله ماتدرين وش مسوين برا يلعبون بالمويه كانهم اطفال ولابعد متسلطن ولابسين اكثرهم ابيض والوان فاتحه راما لابسه بنطلون ابيض وتيشرت اسود ساده ماسك على جسمها راما ابتسمت:احم احم عمه احرجتيني نوره عمتها تحارش:بزران وش خليتوا ليارا ولارا راما تناظرها بنص عين:احلى شعور فالحياه تحسين انك بيبي ترجعين ايام اللعب والبرأه ساره:بسم الله عليك لين الحين فيك برأه دخلت فجر ماسكه بطنها من الضحك:هههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه غلا:بسم الله وش فيك فجر:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه اها يابطني آه دخلت مرام معصبه:ياحيوانه اضحكي نوره خالتها:وش فيك انتي بعد معصه مرام محمر وجهها:اوريك يالحيوانه بروح اتروش واجيك مرح انسى فجر:هههههههههههههههههههههههههههههههههههههههههههههه هههه راحت مرام راما بغباء:وش سالفتكم فجر:ههههههههههههههههههههههههه مرام كانت تلاحق عنود وعنود شافت مشاري جاي ناحيتهم حطت رجلها ونحاشت اما مرام هههههههههه ماقدرت تفرمل طلعت فوجهها ريماس ودوف صقعت فراسها ريماس تنحت وجلست تصيح ومرام خانقتها العبره اما مشاري جا يرقض ناحيتهم عاد ريماس مايحتاج شافت مشاري صاحت زياده(مشاري يحب الاطفال بس ريماس ماتعتبر طفله بس يحبها لأنها طول الوقت مع غرام اخته ودايم تجيهم) عاد انا حاضره المشهد راما:ياحياتي ريماس تأذت فجر تستهبل:لا عالجها الدكتور منى تمزح:احترمي نفسك لاتحشين فولدي حبيبي فجر تسوي نفسها متفاجأه:اوه اسفه خالتوا الجده:اجل وين باقي البنات فجر:راحوا فوق يغيرون الجده:هذا فايده اللعب بالماي راما وقفت:انا بروح اتروش فجر:انا بدخل قبلك راما:لا مافيه انا قلت قبلك فجر:مافيه حمامنا انا وريف دبري لك حمام(وانتم بكرامه) راما:مرام فحمامنا واوه وميه بالميه رح تطول فجر ببرود:سوري حياتوا راما انقهرت عظت يد فجر:احسن فجر:اي يعور وقامت بتلحقا بس راما طلعت قبلها وصقعت فجر فجسم هز كيانها التقت عينه بعينها وعلى طول حطت رجلها راما:ههههههههههههههههههههههههههههههههههههههههههههه ههههههههههههههههههههههههههههه احس تستاهلين انتي واختك جنيتوا على انفسكم ثامر:ههههههههههههههههههههههههههههههههههههه مسكينه شكلها ارتاعت راما بدلع:لا حبيبي انت الي ارتعت منها موهي وتأشر على عيونه وبتشوف هالعيون وترتاع تخسى مشعل دخل:احم راما كانت بتنحاش بس مسكها ثامر(خخ ذي الغبيه تخاف من اي صوت الله يكون فعونها وفعوني انا اخاف حتى من صوت بباتي هع) مشعل:اقول انتي متى بتعقلين وتميزين بين الاصوات راما انحرجت ببرأه :عاد وش اسوي طبعي كذا مشعل طالعها من فوق لتحت وكانت مبهذله وشعرها محيوس قال بخبث:والله لو انك مو اختي كان صارت علو ثامر طير عيونه وراما ماوصلت لها المعلومه:يالدب لاتضيع مستقبل اختي راما استوعبت شهقت:طلع كل الحليب الي شربته من ماما بسرعه مشعل يمزح:ياليت كان تزوجتك راما دزته متنرفزه لحد يجب لها طاري الزواج كبدها تلوع وراحت ثامر:اوريك عند ريم مشعل يتنهد:آه ودي اخطفها ونروح عالم اسمه مشعل وريم ومافيه احد غيرنا ثامر سرح يفكر وارتسمت عليه ابتسامه بصيطه(يارب يجمعي فيك يااحلى شي بحياتي):اجل لاتستهبل على راما فاهم مشعل:احب استهبل عليها لانها الوحيده ماتقدر تدافع عن نفسها اخذ راحتي فالاستهبال ثامر:حرام عليك بس اهي اخت رجال ونشوف وش بتسوي ياميسو مشعل:ميسو فعينك ثامر يتصنع البرأه:وش اسوي راما تحب هذا الاسم مشعل:انقلع انت واختك البارده الدلوعه المايعه ثامر:دلوعه ومايعه هذا طبعها اما بارده هذا اسلوبها الوحيد لأنتقام بعد العناد مشعل:حتى صوتها ماسلم منها ثامر:حرام عليك تراهي متعقده من صوتها(صوت راما فيه نبره دلع خلقه وكثير يحسبونها مسطنع) مشعل:اقول اخرتني وش جاي على شانه ثامر:وش تبي مشعل:شاهي للشباب وانت وش جابك يابوا البنيات ثامر:ابو البنيات فعينك يالحول مشعل يستهبل:ماعليك زود ثامر طلع:اقول اذلف قمر:يالله انزلوا طفشتوني راما:انا بنزل الحين بس اصبري بزين شعري مرام مندحه عالسرير:اخ متكسره ضلوعي فجر تحارش:قصدك راسي مرام عصبت:انقلعي يالدبا رادتها رادتها تحسبيني بخليها مرح انساها فجر ببرود:نشوف وش تسوين قمر:اسكتوا غثيتونا تراكم ماتنعطون وجه انا بنزل والي يجلس معكم غلطان يابزران راما:جيت جيت بنزل معك قمر عند الدرج:كوكلي بليز راما جتها:يالله العشاء الساعه 9 الحريم جالسين برا فوق الثيل ومعهم الرجال والشباب اما البنات لسه ما جوا سعود:نواف نواف سرحان:....... سعود:نويفان وطقه معه كوعه نواف:هاه وش تبي سعود:صبلي شاهي نواف:حسبي الله على بليسك كل ذي الزحمه عشان شاهي ريماس:صبلي بعد نواف:انشاء الله عمتي ريماس غرام:حتى انا نواف يستهبل عليهم:انشاء الله عماتي محمد:اقول صب لهم لايكثر وعند البنات ريم:صبايا وين الحريم مرام:مادري عنهم دوريهم فالمطبخ ريم:مافي احد مرام:لا اكيد فالمطبخ بس انتي حولى ريم رمت عليها علبت الكلنكس مرام:اي ريم:احسن اليوم مدري وش فيك شرك سابقك نوف:اسكتوا بس اسكتوا العنود:انتم إذا ماعقلتوا بوريكم العين الحمرا ريم احترمت اختها وسكتت اما مرام كشرت وتهدد ريم بالإشاره ريف:اوف ملل خلونا نطلع برا فجر:صادقه او خلونا نتسبح العنود:لا بكره نتسبح تونا لابسين خلونا نطلع طلعوا البنات برا وريم جنب مرام تمشي وراما جنبهم بس مالها صوت هاديه مرام تتحرش بريم ريم:ياكلبه اعقلي مرام طقتها مع راسها ريم:اي العنود شوفيها اهي تتحرش فيني مو انا ريف:بنات تغطوا الشباب هناك البنات تغطوا وقربوا من عندهم العنود:والله العضيم إذا سويتوا اي مشاغبات بتندمون فاهمين راما اجلسي بينهم جلسوا البنات العنود مرت من عند سامي سامي يهمس:ايوا ياقويه منتي سهله العنود عقدت حواجبها وسفهته الجد:هلا والله ببناتي شلونكم البنات:الحمد لله مشعل :الله لنا ندخل نطلع محد يحس فينا مو مثل ذا السحالي مرام:سحليه فخشتك يالضب مشعل يستهبل:سبحان الله شفتي عاد فيه شبه مني كثير ريم عصبت على مرام قرصتها قرصه مرام صرخت:اي راموه ياكلبه اوريك وقرصتها راما همست:اي اح توجع حرام عليك والله مو انا ريم مرام طقت ريم مع راسها والمسكينه راما راحت فيها العنود:اوف ابوي شف ذولي الثنتين غثونا محمد ابتسم:من مرام وراما العنود:لا ريم ومرام محمد :وش فيكم العنود:ردوا يالخوافات مرام:والله ياخالو مافينا شي بس فيني طاقه زايده محمد يبي يقهرها:وفريها للدراسه مرام كشرت:وع لاتغثونا ترانا بأول العطله مشاري:عاد الي يسمعك بيقول كسلانه مشعل:اي والله ذي دافوره تاكل الكتاب اكل عبدالله:مالت على الي عندنا بالطقاق تاخذ كتاب ريم:احم احم نحن هنا عبدالله:داريه انك هنا اجل هناك ريم سكتت متفشله مشعل:ريامي خذي ريم عقدت حواجبها:وشو مشعل يستهبل:خشمك مدري وش جابه عندي ريم عصبت:سخيف ممل ثامر:خخ ريم حقوق الطبع محفوضه راما دافعي عن نفسك تسرق كلام مرام:لالا ذي فاهيه ماتعرف تدافع عن نفسها ريف:انتي الفاهيه مرام:من كلمك انتي ملقوفه ريف:انا نائبتها فالكلام مرام تطنز:هع هع هع ضحكتيني نواف:شويشوي لا تطلع بلاعيمك مرام:اوف انا لازم اتبرى من ذي العايله لقافه وفهاوه ودلاخه وغباء وكلهم فاشلين وغاسلين وجيههم بمرق ورازين وجيهم فشي يخصهم ومايخصهم سعود:ابوي شف تسب فعايلتنا الجد فيه النوم:عايلتنا هي عايلتها مرام:هههههههههههههههههههههههه لقط وجهك سعود:وجع احترمي مرام:إذا تزوجت احترمتك مثل عزوز سعود :احم احم اسكتي لا تفتحين مواجعي مرام حست براسها جنبها لان غلا رمت عليها شوز رغد مرام:اح وش فيكم علي اليوم ريم:فديت مرت اخوي تدافع عني غلا:اكبر همي ادافع عنك وانتي(تقصد مرام)خليني اشوفك قايله عزوز اصغر عيالك مرام بوزت:هذا وانا قايله احترمه ناس ماتقدر حسافه بس هذا الجيل الله يهديه مشعل فقع ضحك من اسلوبها:والله كأنك جدتوا مرام:افتخر هذا مامت ماما الغاليه وافتخر ان اسلبوي نفس اسلوبها نواف يبي يقوي علاقته بمرام:مرام اعقلي لاتحاولين ترشين جدتي مرام ببرأه:حرام عليك انا احب جدتوا موت نواف(بسم الله عليك من الموت جعلي ما اذوق يومك):لالا تحاولين شكلك ماخذه دروس فالرشو مرام عصبت:احسن تصدق ولا ماتصدق شي راجع لك نواف:ريلاكس لاتعصبين مو زين لسكر والضغط مرام طيرت عيونها:انا فيني سكر وضغط رادتها رادتها اصبروا علي انتم اما شتت العايله تشتيت سعود:رجعت تقول العايله مشاري بهدوء:انتي ليش ماتسكتين بالعه مسجل استغرب مايوجعك لسانك مرام:لا أحس إذا ماتكلمت بأنجن تصدق إذا طولت ماتكلمت حلقي ينبح مشاري:الحمد لله والشكر عكس الناس ..قام مشاري..يالله بروح من بيروح معي غرام:انا انا وريماس بنروح معك مشاري ابتسم:طيب تدرين وين بروح غرام ببرأه:ايه البقاله مشاري:لا حبيبتي غرام بوزت:انت قايلي بوديكي ولا وفيت مشاري:خلاص خلاص لاتزعلين قومي يالله ريماس:وانا بعد مشاري:اكييد مرام تقلدها:وانا بعد مشاري:لا اعوذ بالله كان كل الي فالبقاله نحاشوا الكل:ههههههههههههههههههههههههههههههههههههه يوم الجمعه العصر قررت العايله يرجعون الرياض فالليل كل واحد عنده اشغال عند الشباب يلعبون كوره نايف:يالله هذا آخر يوم ياحسافه بندر:الي يسمعك بيقول كأنه إخر يوم بحياتك نايف:والله حسافه قولوا لهم يمددونها نواف:خلاص قررو فاضين لك يغيرون قرارهم بعد ماضفوا الحريم قشهم ثامر:بعد ازين عشان نجهز حفله نجاح راما بندر:اي والله وش لون نسينا ثامر:لا انا مانسيت ولا اهي الله يعينا عاد اهي راسها يابس مدري وش لون بتقتنع بلبس او بقاعه بندر:بتخلص العطله واهي ماشرت لبس مشعل:ماتوقعت راما كذا احسبها تخلص بسرعه ثامر:لا ياحليلك فالعيد تشتري ملابس كثيره بس ماتقتنع ولاواحد يصلح العيد ودايم تروح ليله العيد عشان ينزلون كميه جديده وتشتري مشعل:الله يعين زوجها ثامر:الى يابخته فيها انا ابي اتزوج وحده زيها حنونه وطيبه ورومانسيه وحساسه وماتشيل بقلبها مشعل:فكذا معك حق والاهم جميله وجذابه عبدالله يمزح:خلاص ثامر احجزها لي ثامر:ماطلبت خذها الحين وعند البنات مسوين مناحه وصراخ ريف تصارخ:مابي اروح طفش فالبيت مرام بوزت:انتي طفش وعندك نوف اجل انا وش اقول قمه الطفش والملل راما:اي والله مرام تعالي عندي مرام:لا خليها السبوع الي بعده والى الي بعد بعده عشان نحضر لزواجك راما طيرت عيونها:اي زواج مرام:اوه قصدي حفلتك راما:انا راسمه فستان مرام:وش شكله راما:انا فبالي احطه اسود وساده سترتش سواريه وحد الركبه ومع ورا فيونكه كبيره من فوق (يعني من عند الظهر هذا تصميمي تراه حلو وكيوت) وكسرتين من عند الفيونكه نوف:من وصفك جد ناعم وبيصلح لحفله كذا ولا اوصيك ابيك تصيرين مميزه غلا:انا مادري وش افصل نوف:طيب شفتي البورد ولا المجلات العنود:غلا شفتي مجموعه زهير مراد ترا فيها اشيا حلوه مره بدور منها غلا:شفت كثير شي حلو واحترت بس بخلي عزوزي يساعدني فأختياري ريف:نوف دوري لي نوف:بنروح shopingوإذا مالقيناشي تصرفت راما:ريف فبالي فستان حلو ارسمه لك ريف:كيف شكله راما:ناعم مرره نوف:حلو راما:طبعا قماشه تفته احلى وسواريه وفوق الركبه على طول او حد الركبه وحطي لونه فيروزي وشريطه ذهبيه تحت الصدر وفيها فيونكه بسيطه وماسك من عند الصدر وبعدين كله واسع نوف:هاه وش رايك انا عاجبني ريف:اي حلو مره بس ارسميه لي راما:ماطلبتي من عيوني فجر:الله يعينا انا وقمر مابعد سوينا شي ريم:كلنا مابعد بدينا كلها تخطيطات وانشا الله بيمدي على خير غلا:عسى رغد تمشي عشان فستانها يبين راما:ياحبي لها غلا تكفين فصلي لها غلا: فاضيه بشتي جاهز اريح راما بترجي:بليز غلا:مالي خلق راما:مالي شغل فيك لاتشترين لها شي انا بفصل لها غلا:ريحتيني وبالمره اشتري لها شوز راماتمزح:طماعه غلا:انتي خليتيني طماعه العنود:ريماس وغرام نشتري لهم جاهز مرام:صح اريح راما:وانغام وريماز اشترو من زارا توني شايفه من فتره فساتين ناعمه مره تنفع لهم كنت باخذه لرغد بس مافيه صغير وخلص هاليوم على خير والكل رجع لبيته وخلص البارت وش تتوقعون يصير** نواف ومرام بيصير بينهم شي** ومشعل وريم بتستمر علاقتهم وحبهم** والشباب من بيتزوجون** كل هذي الاحداث بتقرونها انشا الله لا تستعجلون __DEFINE_LIKE_SHARE__ | |
| ||
 |
|
03-14-2009, 12:00 AM
| رقم المشاركة : [ 7 ] | |
| عضو جديد  | اوووووووووووب القصه وايد اطويله بس حلوووه قريت نصه مشكووووره اجمل انسانه علا القصه الممتع وتحياتي..........الجاسي19 __DEFINE_LIKE_SHARE__ | |
| ||
| |
|
03-14-2009, 12:17 AM
| رقم المشاركة : [ 8 ] | |
| عضو ماسي | يسلموووووووووووووووووووو
__DEFINE_LIKE_SHARE__
| |
| ||
| |
|
03-15-2009, 05:38 AM
| رقم المشاركة : [ 9 ] | |
| عضو ماسي | الــبــــــــــ>3<ـــــــــــارت فنفس اليوم الساعه 3 ونص الفجر طلعت من غرفتها وهي فقمه الطفش تمشت فالصاله الي فوق وهي ماتدري وش تسوي طلت مع الدرج ولقت إضاءه الصالون مفتوحه نزلت تحت ودخلته مشاري:مرام مانمتي مرام تنهدت:لا مشاري:غريبه وش قاعده تسوين فوق مرام:كنت اكلم ريم عالماسن مشاري:ما امداك عنها مرام:من الطفش ولا في واحد اتناقر معه غرام نايمه ومشعل نايم مدري وش اسوي مشاري بأبتسامه:انا ما انفع مرام:مو فكل الحالات..ايه انت توك جاي من المستشفى؟! مشاري:يس مرام:غريبه مانمت مشاري:كنت بنوم بس نواف دق علي الأخ طفشان نفس حالتك وطار النوم مرام دق جوالها:غريبه؟ مرام:هايوا راما:هايات شو تسوين مرام:ابد مااسوي شي الى غريبه مانمتي حسبتك نايمه راما:اول مارجعنا شربت علاج كحه ونمت وتوني قايمه دخلت الماسن ولقيتك توك طالعه فدقيت عليك مرام:ايه كنت اكلم ريم وكلمت منال شوي وسكرته راما:هههههههههههههههههههههههههههههههههههههههه مرام:وش يضحكك انتي راما:رغد تدغدغ رجلي مرام:وش جابها عندك راما:قلت لغلا خليها توسع صدري مرام:اما توسع صدرك والله مدري وش تحبين فذا البزران يقرفوني راما:حرام عليك الي مثل دودي(رغد)مايقرف صح الي توه مولود ولا عمره ماتجاوز الخمس اشهر مرام:المهم ماعلينا وش مسويه مع ذا الطفش راما:عادي ما احس طفش يوم قمت قبل شوي لقيت العايله الكريمه كلها قايمه مرام:يابختك مو مثل الي عندي دجاج مافيه الى مشاري راما:غريبه ميشو نايم مرام:والله مادري عنه راما:يالله حياتوا بايوا رغد مدري وش تسوي قاعده تحوس فدولاب الملابس مرام:باي قلبي سكرت مرام مشاري:باي قلبي وانا يالله فارق مرام :هههههههههههههههههههه انا اعامل الاشخاص مثل مايعاملوني اهي كلامها ينقط عسل فلازم اصير زيها مشاري :خلاص حياتي صلحي لي موكا مرام:من عيوني بس تعال معي لأني اخاف مشاري:ماطلبتي شي حياتي يالله مرام:ياليت دايم تتكلم كذا مشاري:لابس للمصالح اوفر هالكلام للحبيبه ام العيال * * * * * * يوم السبت فبيت سلطان الساعه 4 العصر بعد الغدا جالسين الصاله سلطان:اقول بابا راما وصيت واحد فالشركه يحجز لك قاعه راما:مشكور بابا بس ليش تتعبه كنت انا وثامر بنحجز سلطان:لاتخافين قلت له القاعه الي نفسك فيها وهذا احنا خلصنا من القاعه بقى تجهيزك انتي راما:انا راسمه فستان بس بروح اشتري قماش وبدخله المشغل ثامر:جد يعني مافي تعب على الفستان ريحتيني حصه:انشا الله اجهز عرسك راما حمرت خدودها:ماما عيب ثامر يمزح:آميين راما:اوريك بس تبي الفكه مني بندر:لا من القى وحده اطاق معها راما بوزت:هذا الي هامكم سلطان:راما نور البيت إذا راحت طفا النور بندر:افا وانا ولا شي راما:احسن حصه:اقول خلكم من المناقر راما متى تروحين السوق ثامر:اوديها بكره راما:اوكي حلو بكره اروح اشتي قماش ويوم الاربعا بروح اشتري الشوز والاكسسوارات ويوم السبت الي بيجي بروح احجز كوافيره بندر:بتحطين ديجيه راما:اكيد بندر:انا اعرف واحد حق ديجيه شي بحجزه لك راما:خلاص اعتمد عليك بندر:اعتمدي ثامر:فكه اول مره بحياتك بتخلصين بسرعه راما:لاتحط امال يمكن ما اخلص بسرعه ايه تذكرت بقى البوفيه والتقديمات بروح اشوف محلات شوكلاته وبخلي غلو تساعدني حصه:الى جد وين رغد راما:فسابع نومه ثامر:بتجي غلا تاخذها ولا اوديها راما:لا بتجي فاليل عندها مشوار بتروح له وبتجي بندر:يالله تشاو بطلع راما:وين بتروح بندر:بروح لنايف بن عمو راما:بروح معك عند نوف وريف بندر:يالله راما:بروح اجيب شي اتغطى فيه ثامر:البسي عبايه ازين الشال مايغطي الى الوجه والجسم طالع راما:مشوار البس عبايه وبعدن واسعات عباياتنا مرح ناخذ راحتنا بندر:فاضين انتم ترا بروح واخليك وبعدين كل الي بينا وبينهم باب ليش الخوف راما راحت:عاد اختك خلقها ربي خوافه استحمل وبعد شوي نزلت راما:وينه ثامر:برا يحتريك راما تمشي:اشوا حسبته تركني يالله باي طلعت راما ومشت مع بندر ودخلت جوا البيت واهو راح الملحق دخل بندر:السلام الكل:وعليكم السلام سعود:تأخرت بندر:راما القلق قعت احتريها تبي تجي معي نايف:ماتلاحض في شي متغير بندر دار بعيونه على الملحق:لا نايف:مو فالملحق فينا انا بندر يتأملهم طلع عيونه مع شهقه:خييير وش مسوي بشعرك نايف:شفت عاد ذا البايخ كله تحدي نواف يحرك شعره:عاد وش اسوي لحد يتحداني بندر:عسا بس بتروح كذا حفله راما نواف:لا وين إذا قربت الحفله سحبت الصبغه ورجعته للونه الطبيعي نايف:عاد ذي الدلخه ريف عاجبها عكس نوف الي جاه تهزئ منها نواف:نوف ماتحب الشاب يقلد كذا ولا تحبه يرقص ولا يقلد بنات تحوم كبدها بندر:صادقه وعند البنات ريف:الله يفشل عدوينك جايه ببجامه راما:اقول احمدو ربكم اني جيت بعد نوف:ماعليك منها زين انك جيتي مابعد تأقلمت على الجو بدونكم وهذي الخبله(ريف)امس تصيح وبس من الطفش راما:ليش الصياح ريف:ابرد حرتي راما:صادقه بعض الاحيان الصياح يبرد حرتي ريف:راما شفتي شعر نواف شي نوف:روحي بس شي وين شي معه يلوع الكبد راما عقدت حواجبها:وش مسوي فيه نوف:تخيلي صابغه ثلجي متحدي مع واحد من اصدقائه راما:وع ثلجي مو صاحي ريف:اقول والله يجنن(ريف تحب ذي الحركات وتحب الوان الاشقر والالوان الفاتحه تتمنى ملامحها فاتحه لان ملامحها خليجيه بحته شعرها بني غامق ولون بشرتها برونز وعيونها كبار على وساع ولونها عسلي وخشمها عادي شكله بس حلو وشفايفها صغار مرره وورديات ورسمت وجهها دائري على طويل وشعرها قصير لين آخر رقبتها ومدرج من فوق ودايم تسويه سبايكي واصغر مافيها جسمها) راما:ثامر مره متحدي مع واحد قبل زواج غلا تذكرون يطول شعره طال مره يمكن تعدا رقبته وقبل الزواج بيوم قصه وسويت عيد فالبيت نوف:سخافه انا مستحيل آخاطر بشي فيه مضهري الحارجي كل الناس بتشوفه دخلت عليهم لطيفه لطيفه:هلا والله برمو راما قامت سلمت عليها:هلا خالتو كيفك لطيفه:الحمد لله بخير وش لونك راما:تمام لطيفه:وين امك ليش ماجت راما:اصلا انا ماقررت اجي قبل دقيقه شفت بندر بيجي قلت بروح معك حتى اني جايه ببجامتي نوف:ماماتي مو انتي تقولين تشتاقون لبعض بسرعه هذا انتي الحين اشتقتي لخاله حصه لطيفه:لابس انتم من يوم جينا وانتوا مانبي نبي نرجع للمزرعه نوف بأصرار:مافيه نفس الشي لطيفه:خلاص ماقلت شي الله لايفركم ماينقال عندكم شي نوف:راما امشي نروح لعمو محمد راما:بنروح بس ناخذ ريم والعنود ونروح بيت جدو نوف:اوكي يالله قوموا طلعوا البنات واهم يمشون راما:تدرين رغد عندنا فالبيت وتركتها بلحالها الحين بتسوي مناحه فالبيت نوف:غريبه مالصقت فيك ماشافتك وانتي طالعه راما:لا فسابع نومه واهم بيدخلون ريف:انا مرح ادخل بروح نوف:وين بتروحين ريف:بروح عند جده مالي خلق ادخل واطاق انا وعبدالله مافيني حيل نوف:طيب خلاص روحي بس موتروحين من هنا ومناك اعرفك ملقوفه ريف:لاتخافين بروح سيدا الساعه 10فالليل فبيت الجد رن التلفون ونوف وريم تطاقوا عليه من الي بيشيله فا انتصرت ريم ريم:الوو _الو السلام عليكم ريم:وعليكم السلام من معي _من انتي ريم:انتي الي متصله من انتي _ريم؟ ريم عصبت:من انتي _خخ يالغبيه ماعرفتيني ريم:هههههههههههههههههههههههههههه ياكلبه رعبتيني مرام:يالخبله شو جابك لهون ريم:انا وريف ونوف وراما والعنود عند جدتو مرام:مشا الله العايله الكريمه مجتمعه طيب ليش ماقلتوا لي يالخونه ريم:تعالي وش بيضرك وبعدين كل شي جاء بسرعه الى انت متصله شو تبين مرام:امي تبي تكلم جدتو وقلت انا بتصل يمكن خالو سعود يرد واطاق معه ريم:خالو منو هون مرام بأحباط:شاكه بس قلت يالله اجرب حضي النحس ريم تستهبل تواسيها:عاد انتي لازم تتأقلمين مع ذا الحض مرام:اقول انقلعي قولي لجدتوا منى تبيك ريم:ياشيخه تموني منى حاف اصبري بروح اناديها ريم تنادي:ماما فطوم ريف:صفقيني إذا سمعت العنود:اقول قومي بلا زوله ريم راحت لقتها فالمقلط تصلي ورجعت ريم:الوو مرام:هاه وينها ريم:تصلي مرام:طيب انقلعي حسابي معكم يوم الأثنين بشرشحك شرشحه على عملتكم السودا اجل تجون ولاتقولون لأحد ريم:اقول ضفي وجهك وسكرت ريم:هههههههههههههههههههههههههههه راما:صبايا بكره بروح السوق من تروح معي العنود:لا انا مرح نسوي شي ذا الاسبوع قمر ودها تروح بس تقول مادري ريف:تقول فجر كانو بيروحون صحارى بكره بس سوت حركه نذاله لسامي وكنسل نوف:وش دخل ذي المسكينه قمر مدام فجر شر ريف:تقول فجر قمر قالت له وش دخلني قال الشر يعم والخير يخص راما:بشوف كانها تروح معي العنود:حلو االيوم الي بعده فبيت ساره الساعه 3العصر قمر تحاول فسامي يوديها السوق قمر:يالله عاد سموي بلا سخافه سامي:انا قلت لا يعني نو فجر تدخل:قل والله لا نفس نو يابقره سامي طير عيونه:بعد تبوني اوديكم وهذي الفاضها قمر:اوف طيب انا وش دخلني تحملني مسأوليتها فجر مبرده عالاخر معها سندوتش توست وتاكل:عاد انتي تحمليني قمر:انطمي تراك قاهرتني سامي:شفتي هدي اختك شوفي لها حل قمر خنقتها العبره:خلاص مابي شي عافك الخاطر قاعده اترجاك من امس ولا لان راسك وراحت سامي:تعالي فجر:اسفهها اسفهها سامي قام قعد جمبها:انا الظاهر برتكب فيك جريمه فجر:وخر عني سامي مسك خدها وعضها فجر صرخت:اي وع ياوسخ سامي:ههههههههههههههههه احسن هذا جزاك فجر صاحت:اوريك سامي يطنز:دلوعه ماما قلبي سعنونه تبين واوا(حلاوه) فجر:اوريك يالدب سامي:تدرين وش بسوي بروح اقول لقمر العشا اوديك وانتي مافيه روحه فجر تمسح دموعها:احسن مابي منك شي يالسخيف سامي :ماعليك زود فجر رمت عليه الريموت كنترول سامي:وجع بعدين اموت ومايصير عندك اخو وسيم زيي فجر:وع واثق من نفسك سامي:اقول بالله عليك مو انا وسيم فجر نست الخبله :الصراحه احلاكم مشاري وسيم مره وجذاب واحس انه رومانسي سامي:لا كني اشوف الاخت انقلبت رومانسيه شكل قمر اثرت عليك(قمر انسانه رومانسيه حيل عشان كذا تميل لراما اكثر شي لانها رومانسيه حيل بس صديقت قمر اكثر وحده العنود كاتمه اسرارها) فجر:اسكت بس اسكت سامي:والله اني معطيك وجه فجر:داريه سامي:اقول تلايطي فجر قامت:اصلا انا رايحه وراحت سامي:تعالي نسيتي خشمك فجر:سخيف سامي:هههههههههههههههههههههههههههه شكرا فجر رقت فوق عند قمر فجر:هاي قمر:وش تبين فجر:افرحي سامي وافق يوديك طبعا انا قلت له ومارد طلبي (كذابه) قمر انقهرت(يسمع كلامها ولا يسمع كلامي اوريك ):شكرا مابي اروح مو لازم يوديني اهو بروح مع زياد فجر:هههههههههههههههههههههههههههه كان يصقع فأقرب ماصروره قمر:هئ هئ هئ سخيفه فجر:جد قمر سامي بيوديك ما استهبل قمر صرخت:انقلعي مابي اروح فجر:ريلاكس قمر قامت ودزتها وطلعتها برا وسكت الباب فجر من ورا الباب:حشى عدوك مو اختك قمر:العدو احن فجر تتمصلح لأن مردها لها:افا وانا فجوره قمر:جعلك تتفجرين فجر شهقت:صدق انك ارهابيه ونزلت عند سامي واهي تنزل من الدرج تنط درجتين درجتين بخفه سامي:شويشوي لا تتكسرين فجر:سامي اختك الارهابيه رافضه تروح منقهره منك قهر وتقول انطمي انتي وذا الحيوان اخوك(ذي الكذابه فجر شاطره بالكذب بس دايم تنكشف) سامي عقد حواجبه:قمر !اشك فجر:روح لها بنفسك رقى سامي سامي يطق الباب قمر:نعم سامي:انا سامي قمر:نعم سامي:افتحي الباب قمر فتحت الباب:نعم سامي ابتسم:شفيك معصبه قمر انفجرت:اجل اترجال صارلي كم ساعه وأخرتها لا وتجيك فجر وتقولك ودها وتقول طيب وماتبيني انقهر سامي مستغرب:اهي قايله لي ودها اصلا تطاقيت انا وياها قمر:مو على قمر سامي والصدق باين من عيونه:وحياتك ماقلت لها شي وبعدين مفروض انا ازعل اجل تقولين لي حيوان قمر:انا! سامي:ايه قمر:ماقلت شي سامي:فجر بنفسها قايله لي قمر شهقت:اوريها سموي شكل الاخت لعبت علينا كلنا سامي:شف ذي الفصعونه لعبت علينا كلنا قمر:احم تراها نفس عمري سامي:عاد لاتدققين فالكلام انا طالع الحين خليكي جاهزه الساعه 9 قمر:اوكي سامي:بس ياويلك إذا جبتي فجر قمر:من عيوني سامي:تسلم عيونك باي قمر:سي يو وعالساعه 9 ونص وصلوا قمر وسامي صحارى واهم يتمشون قمر:سامي تعال بدخل ذا المحل سامي:يالله بس هذا مافيه ملابس سهره قمر:عادي إذا لقيت شي عجبني خذته سامي:ادخلي والجهه الثانيه راما:هاه ثامر وش رايك فالشوز ثامر:عالي مره اخاف تطيحين وتتكسرين علينا راما بدلع:ثموري ثامر:حلو بس عااالي راما:عادي انا اعرف امشي فيه ثامر:حلو شوفي شوفي ذي الشنطه حلوه راما:واو جنان (الشوز عباره عن صندل كعب ناعم مره فيه حجر كريم فضي يلمع والشنطه فضيه طافي مو مولع صغيره ناعمه) راما تدور :وين راحت له ثامر يلتف:شوفيها شكل تدور لها شي راما:هههههههههههههههه والله ذي البنت مصرقعه تضحكني دايم ثامر:ماعليك منها مقتنعه فيه راما:يس بس إذا لقيت احلى خذته راما تمشي صقعد فوحده راما:اوه سوري قلبي _راما؟ راما عقدت حواجبها:قمر قمر:هلا والله ماتوقعتك بتدخلين ذي المحلات مو تقولين بشتري القماش اول راما:ايه شريته بسرعه الى انتي شريتي شي قمر:توني داخله ذا المحل جاهم سامي وثامر راما بصوت واطي:ليش ماخذتوا فجر قمر:احسن تستاهل راما وثامر :هههههههههههههههههههههههههههه سامي وقمر:وش فيكم ثامر يأشر:طيب شو رايك بهذي قمر التفتت شهقت:فجر فجر جت:ايه فجر خل نذالتكم تنفعكم قمر:شر الي براسك بتسوينه فجر:احسن تستاهلون سامي:اخ حسافه بس ليش ثمير جبتها ثامر:وش دراني عنكم انا عبد مأمور لراما قلت لي مرها قلت سمعا وطاعه قمر:إن كيدكون عضيم ثامر:خخ حلوه معترفه الاخت قمر(اخت هاه افا والله بس مقبوله من بوئك زي العسل يالبى قلبك بس):مو انا فجر ثامر:اقول المهم كلكم بنات سامي:يالله بس بلا كلام فاضي يالله نروح محل ثاني حاسبت راما وطلعوا فجر لفت لقت فستان طويل اخضر سعودي توب سيرور ومن تحت الصدر حزام عريض متوسط ذهبي جد كيوت وقمر خذت عسلي مع ذهبي شيفون كت وقصت الصدر مستطيله وعلى القصه عمايل من الشرايط الذهبيه وعلى الكم بعد بتطلع اشكالهم ناعمه حيل وعلى الساعه 11 خلصوا البنات سامي:اخيرا قمر:ايه ارتاحوا بس بقى التكميلات وطبعا مو اليوم ثامر:اوف تعبت امشوا نقعد فكوفي نشرب شي سامي:يالله راحوا جلسوا فطاوله مع بعض راما تهمس لثامر:ميمو ابي موكا آيس قمر:انا جوعااانه ابي تشيز كيك بالشوكلاته وموكا فجر:انا ابي كابتشينوا كراميل سامي:طيب وانت ثامر ثامر:مثل قمر قمر(ياااالبيه يابعد قلبي وياحلوا اسمي على شفاك) راح سامي وجاب لهم طلبهم سامي:اوه نسيت قمر:شو سامي:تشيز كيك قمر:خلاص مو لازم خذها ثامر ثامر:والله ما اخذها خذيها انتي قمر:مابي شبعت ثامر:شوفي عشان ما ازعل ولا تزعلين ناكله مع بعض قمر فغايه السعاده:اوكي نتشرف سامي:زين وفرتوا علي المشوار فجر تحارش:المشوار ولا الفلوس سامي يمزح:كلهم بس الغالب الفلوس فجر:قعيطي ما ينشره عليك قمر:خلاص اسكتي فجر سكتت ولأول مره تسكت مدري شو عندها خلص كل واحد شغله وكل واحد رجع لبيته + + + + + + + __DEFINE_LIKE_SHARE__ | |
| ||
| |
|
03-15-2009, 05:42 AM
| رقم المشاركة : [ 10 ] | |
| عضو ماسي | ومر اسبوعين وبقى على حفله راما 3 ايام وفبيت منى مشاري يحاول:يمه بليز ماتصلح لي منى:وش ماتصلح لك ناقصها شي مشاري:بالعكس بس في من يستحقها اكثر مني منى عصبت:انت ليش شايل فكره الزواج من راسك متى تكبر تعرف مصلحتك عجزت اربي واربي فيكم بس مافيه فايده إذا صار عمر 50 توك تفكر تتزوج وإذا ذيك الساعه صار عمرك 50انا ميته وشبعانه موت مشاري حز بخاطره كلام امه بس ماهانت عليه:بسم الله عليك يالغاليه بس انا مو شايل فكره الزواج بس راما صغيره علي وعمري مافكرت فيها كزوجه منى بجديه:انت حاط وحده فبالك مشاري:لا والله بس راما صغيره منى:شف غلا كم بينها وبين عبدالعزيز تقريبا نفس الفرق وبعدين احلى شي تاخذ وحده اصغر منك بكثير عشان تدلعك وتدلعها وشف انا وابوك كم فارق السن الي بينا مشاري انقهر وسكت عارف امه إذا حطت شي فبالها بتسويه بتسويه بعد دقيقه من السكوت مشاري بهدو:يمه طيب ليش اخترتي راما من بين كل بنات عماني وخوالي منى:راما موأدبه وخجوله وحلوه وعسل تنهضم بسرعه واخترتها عشانها بنت اخوي وبنت عمتك فنفس الوقت ولا تبيني اختار لك من بنات عمك يوسف ولاعمتك نوال و سحر مشاري:لا خير من زين اخلاقهم (بنات عمه وعماته طبعا غير حصه عمته اخلاقهم مو حلوه بتاتا) منى:مشاري عيب تقول كذا مشاري بصراحه:والله لو جا احد خطبهم وسألني رح اقول 24 ساعه مطيحين عندنا بدون غطى بدون شي منى:الله يهديك هاه وش قلت مشاري بقله حيله وبترجي:يمه مانسيتي منى قامت معصبه:ليش شايفني امزح فذي السوالف ما ينمزح معها وراحت مشاري:يمه تعالي منى سفههته وراحت مشاري(ياربيه وش ذي الورطه الحين امي زعلت وعارف مرح الين راسها الى بموافقتي) :اوف وش ذي الحاله من وين طلعتيلي ياراما اوف اكرهك دخلت عليه مرام فالصاله الي تحت مرام برجه:هاي يابوالشباب مشاري قام:اوف ماني فاضي لسخافتك وراح مرام تتحلطم:الحمد لله ذابحه لهم احد امي من جهه واهو من جهه بس وين مشعل بروح ادوره وجت بتطلع صقعت فغرام مرام دزتها:يالحولا شوفي غرام:انقلعي يالدبا انتي الي ماتشوفين مرام بتهديد:انا ما اشوف هاه(وترفع اكمام بجامتها) غرام نحاشت وراحت عند باب المدخل بتطلع ولحقتها مرام فتحت الباب غرام فنفس الوقت فتح الباب سعود غرام:اوه خالو سعود:هلا والله وش لونك ياحلوه عرام تضحك:احمر سعود:ياعيني ع خفه الدم مرام تطنز:هلا بسعود شخبارك سعود:سعود حاف مالت عليك مرام بدلع:اوه راح عن بالي انك اخو مامي سعود:وجع انتي مانسيتي مرام طبت ببطنه:لا مانسيت مرح ارتاح الى لما اذبحها سعود:خلاص عتقتها لوجه الله عطيتها صديقي مرام:جعلها تموت(ترا هذي الي يتكلمون عنها قطوه) سعود:الى وين مشاري غرام:فالملحق سعود:ياغبيي نسيت امر الملحك يالله سلام مرام وغرام:سلام طلع سعود مرام شهقت:هع هع هاع مرح تنجين من قبضه يدي يا ايتها الاخت الكلبه(خخحخ الله من زين التعبير) غرام صرخت ونحاشت لفوق بس مرام مسكتها وقرصتها قرصه مع يدها غرام صرخت:اي يالمجرمه مرام تبي تقهرها:ياليت انا مجرمه كان محد قرب مني وافتك من خششكم النحسه غرام:هئ هئ هئ انقلعي يالسخيفه مرام مشت:اصلا انا رايحه ودخلت غرفتها وسكت الباب بقوه منى طلعت من غرفتها:وش فيكم مسوين ازعاج بتقوم انغام ماصدقت تنوم غرام:ماما شوفي مرام شو عملت فيني(وصاحت) منى:بس ماما الله يهديها غرام:مالي شغل اضربيها منى:طيب خلاص بس روحي قولي لشريفه (شغاله)تصلخ قهوه غرام:طيب ماما ممكن اروح لريماس منى:اوكي بس تعالي الساعه 9 خذي علاجك غرام:اوكي باي نزلت غرام راحت قالت لشريفه وطلعت راحت بيت خالها وهي تمشي مرت على بيت جدتها وناداها واحد _انتي ياحلوه غرام تتلفت:انا _ايه انتي قربي شوي غرام قربت _وين عمج سعود غرام:لا اهوا خالي سلطان ابتسم:طيب وينه غرام:فبيتنا سلطان:طيب سيري زقريه قولي ربيعك سلطان يترياك فالملحق غرام واقفه فمكانها ماتدري وش تسوي مافهمت شي من كلامه سلطان ابتسم عرف انها مافهمت كلامه سلطان:ارسمج يالحلوه ادريبج مافهمتي كلام غرام ابتسمت مافهمت الى الكلمتين الاخيرات سلطان:طيب وين مشاري او نواف اوثامر او سامي غرام:مشاري اخوي فالملحق مع خالو ونواف اكيد فبيتهم وثامر بعد فبيتهم وسامي موساكنين هينا(الأخت تقول قصه حياتها) فذا الوقت جاهم مشعل طالع من عند جدته مشعل:هلا والله سلطان سلطان:هلا بك مشعل:غرام وش جالسه تسوين غرام:انا كنت بروح لريماس سلطان:وانا عطلتها مشعل:خلاص روحي الى اقول سلطان وين سعود عنك سلطان:والله مادري به مرمسنه قبل بساعه قال حياك فبيتنا وتوني ياي مالقيت حد فالملحق سويت له تلفون ابا ارمسه مايرد مشعل:سعود فبيتنا هو قايلي بيروح عند مشاري شكله نساك خيرها بغيرها سلطان:هههههههههههههههههههه ما عليه براويه شغله مشعل:امش يالله نسير بيتنا سلطان:اقول تطورات نسير مشعل:افا عليك وش دراك يمكن اتزوج أمارتيه سلطا:حرال عليك لاتسمعك بنت خالك مو انت محيرنها مشعل:لا عاد كلش الى ريمامي ماحد يسواها سلطان ابتسم:اوه ياعيني عالحب يالله يارب انك ترزقنا مشعل:اقول امش بس امش راحو سلطان ومشعل بيت منى العايله تعتبر عايله سلطان عايلتها ابو سلطان صديق عبدالعزير جدهم ومعتبرين سلطان من اهل البيت الساعه 1 فاليل فبيت عبدالعزيز غلا فالحمام تتروش وعبدالعزيز فالغرفه عالاب توب ورغد كانت نايمه طلعت غلا من الحمام لابسه روب غلا:اوف برد حبيبي طف المكيف عزوز قام:نسيت نعيما غلا تتلفت غلا:حبيبي وين رغد تركتها نايمه غزوز:مادري غلا عصبت شوي :الله يهديدك وراحت تشوف رغد وين راحت له غلا شهقت ورجعت بسرعه دخلت عند عبدالعزيز غلا تصيح:رغد عبدالعزيز خاف:وش فيها غلا بلعت ريقها وقعدت تصيح عبدالعزيز:غلا وش فيك وش فيها رغد غلا تبلع ريقها عبدالعزيز مسك يدها وراح شاف رغد عبدالعزيز ضحك:اخيرا رغودي مابغيتي وانتي يالدلوعه ليش تصيحين غلا تمسح دموعها وابتسمت:شكلها يجنن واهي تمشي عبدالعزير شال رغد:حبيبي عطيني بوسه رغد باسته بعد ماخلت خده كلها سعابيل غلا:عبدالعزيز خلها ماصدقنا تمشي رغد:تاح عبدالعزير عقد حواجبه:وش تقول غلا:مفتاح عبدالعزيز:ياويل حالي على تاح واحلى تاح سمعته فحياتي غلا:توها حياتي متعلمه هالكلمه وزعجتنا.. بروح اكلم رااما وامي ابشرهم عبدالعزيز:حبيبتي خليها مفاجأه وقولي لراما هذي هديتك تخرجك غلا:يوه بصبر يومين عبدالعزيز:خلاص ولايهمك بكره نروح لهم غلا:والله خلاص اجل عبدالعزيز:شوفي البثره تنطط فرحانه انها مشت غلا:ههههههههههههههههههههههههههه حبيبي تصدق اني بغيت اكمل السنتين ولابعد مشيت عبدالعزيز:ايه اذكرك غلا:يابكاش عبدالعزيز:هههههههههههههههههههههههههههههههههههههههه هههههههههههههههه شوفي رغودي هذي ماما عجوزه غلا بدلع:عبدالعزيز لاتقول كذا يكفي اني اسكت البنات إذا جو يتكلمون كذا اهي ماتفهمها تحسب معناها زين عبدالغزيز خق:ياروح عبدالعزير قومي ندخل غلا استحت:مالي خلق بنوم رغد وانوم بعدها لاتحاول عبدالعزيز يهدد:ماعليه اوريك بس إذا تزوجت وحده ثانيه لاتصيحين وتقولين ليه غلا تنرفزت:احسن تزوج وخذت رغد وراحت عبدالعزيز:هههههههههههههههههههههههههههه خلاص اخطبي لي وحده من صديقاتك وبعد مانامت رغد انسدحت غلا دخل عبدالعزيز عبدالعزيز:لين الحين القمر زعلان غلا نست وبعد لحضات استوعبت:ايه ولا تكلمني ترا بدخلك المستشفى عبدالعزيز بوز:اهون عليك خلاص مرح اتزوج اصلا إذا تزوجت وحده غيرك مضمون بيحكمون علي بالقصاص علا عقدت حواجبه:وش وش قصاصه عبدالعزيز:لاني برتكب جريمه فيها اجل في احد بياخذ مكانك ولا اذبحه غلا:بسم الله عليك يالله عاد بنوم عبدالعزيز:يعني مافيه اي امل غلا كتمت ضحكتها:لاتحاول عبدالعزيز انسدح:اوف حسافه طيب مافيه بوسه غلا:ولو اكيد قامت غلا وباسته بوسه خفيفه عبدالعزيز:لايكون انتي رغد واتوهم انك غلا عالعموم العوض ولا القطيعه شي احسن من لاشي غلا:هههههههههههههههههههههههههههه يالله عاد نم وعند نوف فالصاله الي فوق ريف قالقه راسها تبي تنزل معها نوف:انتي ماتتعبين من المحاولات قلت لا يعني لا ريف:اوف وش نسوي هنا نواف برا فالملحق وقاعد مع صديقه انا شواسوي ابي انزل طفشانه ونايف ذا الدب قالي صلحي شاهي وانزل معك وانتي مدري وش عاجبك ففوق طفش ماما نايمه وبابا نايم نوف طفشت منها:اوف انتي وش فيك حنانه كأنك عجوز تحن وترن ريف بتوسل:انزلي معي ماحب اجلس فوق مادري ليه نوف رحمتها:طيب وش بتسوين تحت ماعندنا احد ريف فرحت نص فرحه:انزلي انتي بس خلينا نناظر فلم هندي نوف:وهينا مافي افلام فوق وتحت نفس الشي ريف بأصرار:طيب انا ابي تحت ماحب فوق مااطيقه نوف بأستسلام:يالله ننزل نشوف وش ورانا ريف فرحت :ياحبيلك و يلوموني فيك نزلوا تحت وجلسوا فالصالون ريف:وش تبين احط فلم اكشن ورومانسي نوف:حطي اكشن ريف:اهو اكشن مع رومانسي نوف تكشر:لا يكون امريكي ريف:لا هندي نوف:اشوا شغلت ريف الفلم(روكي من بطوله زايد خان ) وجلسوا يناظرون وبعد ثلث ساعه نامت ريف على رجل نوف ولا حست فيها نوف تكلم ريف النايمه:ريف ياطوع قلبك وش لون شفتيه كله دم فدم ويحزن ريف:_________ نوف طلت على وجهها : اوف وش نومها ذي بعد..ريف ريف قومي عاد نروح فوق ريف:______ نوف:لحول وش يقومها ذي بعد مالي الى احتري الأخ نواف يشرف وبعد نص ساعه دخل نواف واهو توه بيرقا الدرج نوف تنادي:نواف نواف التفت لها وراح ناحيتها نوف :تعال قوم الاخت ماطاعت تقوم نواف:انتو وش نزلكم نوف:تعرف ريف وطفشها نزلنا تحت نواف:عليها طنات مدري وش لون تطن عليها نوف:اقول شلها نامت رجلي نواف واهو يشيلها:شكل بيجيني بعج بسبتها نوف قامت :امش بس قدامي نواف ونوف فوق ونواف حط ريف فغرفتها وراح ينوم وقبل لا ينوم قعد يرسم وقعد يتامل الرسمه بس مابعد خلص منها ابتسم ابتسامه جانبيه براحه وراح ينوم وفنفس يوم حفله راما فبيت سلطان راما متوتره:ماما غلا ماجت حصه:ماما اهدي شوي فالطريق راما:اوف الحين بإذن العصر ولا بعد جت حصه:اقول هدي حالك واتصلي فالكوافيره خليها تستعجل راما :بتجي بعد صلاة العصر فذا الوقت دخلت غلا وشايله رغد علا:السلام راما وحصه:وعليكم السلام راما:رغودي قلبوا غلا وقفت رغد وخلتها تمشي راما طيرت عيونها وصرخت راما:غلا متى غلا:هههههههههههههههههههههههههههه من يومين راما:ليش ماعلمتيني او كان جيتي غلا:عبدالعزيز كان بيجيبني بس كان راسي يعورني قلت مالي خلق راما مستانسه:واو تجنن ياناس رغد:لمو(رمو) راما:حيات رمو آمري رغد:تيني واوا(عطيني حلاوه) راما:تامرين امر غلا:لا لا مانعتها راما:حرام عليك ليش غلا:توها متروشه مالي خلق اروشها ثانيه ولا بعد من زين طبعها ماتحب تتروش ذي الوسخه راما:اهي قمر وسخه ولا نضيفه مايفرق عندي يالبا قلبها بس غلا:الى راما ماجت الكوافيره راما:بعد العصر غلا:طيب متى نروح راما:شوفي اهي بتجيب معها مساعدتين وعلى كذا انشا الله نخلص المغرب علا:زين وبعد الصلاه جت الكوافيره وعلى إذان المغرب خلصوا راما رفعت شعرها بطريقه حلوه وناعمه تناسب عمرها وكله ويفي ومكياجها كان قوي شوي بس ناعم نفس الوقت حطت الشدو اسود متمووج بطريقه جنان وحطت روج احمر احمر ولبست فستانها وتجهزت وغلا رفعت شعرها بتسريحه حلوه متداخله على بعض وحطت مكياج بألوان الطاؤس لان لبسها فيه طباعه طأوس مره حلو اهو عباره عن تنوره وبلوزه التنوره تفته وفيه الطباعه على التنوره وفيها كرستالات دوائر كبار ولونها ذهبي على عسلي والبلوزه اسود فيها كرستالات واكمامها سير بس عريض وعلى الأكمام في كرستالات حلو مره وامها لبست فستان حلو احمر وسوت تسريحه حلوه مره وحطت مكياج اي شدو اسود وحطت روج احمر وخلصو كل شي وراحوا القاعه وبعد صلاه العشاء جو كل عمان راما وعماتها مرام:راما الله شهالحلاوه كله راما:تسلمين مرام تقلد صوتها:تسلمين مالت عليك على الاقل امدحيني راما:هههههههههههههههههههههههههههه مايحتاج مدح انتي حلوه بدون مدح مرام:اشوى بغيت اثور فيك عنود:اقول انتي متى تتركين مسطلحات الشباب مرام:إذا صرت بنت عنود:الحمد لله الشكر راما:اقول مرام اسمعي إذا دخلت اي وحده قولي له يشغل الديجيه اوكي عاد انتي فذي الاشيا مايحتاج اوصيك مرام:اوكيشن راما عاد لازم ترقصين راما:إذا راحوا كل الناس دخلت ثامر رقصت معه مرام:مو على كيفك انا قلت انتي وش دخل اخوك لازم تدخلينه فكل شي راما بصوت خفيف:مروم ريم مو على بعضها وش فيها مرام:تعبانه راسها يعوره راما:افا يعني مرح تريش اليوم مرام بحركه تضحك:افا علييك اما خليتها تنسى شي اسمه راس مااكون مروم راما:فديت قلبك خلينا ندخل نشوف الحريم شو يسوون مرام:يالله عنوده تدخلين معنا عنود:لحضه شوي بجيكم دخلت راما ومرام وعنود راحت لريم ريم جالسه على كرسي العنود:ريم قومي ادخلي معي ريم بصوت تعبان:مابي راسي مصدع اذا وقفت احس بدوخه مادري ليش العنود بحنان:طيب كلتي بروفين ريم: ماجبته معي العنود:بدق على عبدالله يشتري لك من الصيدليه ريم:طيب بس بدخل فالغرفه بنسدح شوي العنود:طيب قومي معي قامت ريم ومسكتها عنود مع ذراعها وطلعت جوالها تكلم عبدالله عنود:عبودي عبدالله:هلا عنود:عندك بروفين فالسياره ريامي تعبانه عبدالله:مادري بشوف عنود:وإذا مالقيت رح الصيدليه فاهم عبدالله:طيب يالله بروح اشوف عنود:عجل سكر عبدالله من عنود عبدالله :عبدالعزيز معك بروفين عبدالعزيز:لا عبدالله:سامي سامي:هاه عبدالله:ابي بروفين سامي:شفه فالسياره عبدالله:عطني مفتاح سيارتك سامي:تعال وش تبي فيه حصان عبدالله:مو لي لريم سامي:انا سلامات ماتشوف شر عبدالله:اقول عطني مفتاح لتتوطى فبطني عنوده بسرعه سامي:خذ خذ عبدالله المفتاح ودور بروفين ودق على العنود وخلت ريماس تطلع تاخذه من عبدالله وعالساعه 10اكتمل كل الحضور واصوات الاغاني ماليه كل المكان والبنات عايشين جوهم بالرقص فجر بصوت عالي:قمر قمر:هاه ما اسمع فجر نزلت من المنصه:قمر تعالي ارقصي معي قمر:لا مابي استحي فجر:بليز قمر راما رفضت ترقص معي قمر:شوفي بعدين إذا دخلوا يتعشون رقصنا فجر:اوف مالت عليكم وراحت قمر راحت عند راما:اقول رمو راما:هلا قمر:شفتي شعبولا راما عقدت حواجبها:من شعبولا قمر:استاذت الفيزيا الي تشبه لشعبولا راما تذكرت:اها وش فيها قمر:جايه راما استغربت:وين جايه لايكون هينا قمر ابتسمت:ايوه راما:وش جابها قمر:ياحلوه انتي معطيه دينا بطاقه دعوه مع اني ماشفتها راما:انا كل وحده معطيتها 2 بطاقه دعوه ودينا جايه بس وش دخل شعبولا بالسالفه قمر:صباح الخير تصير مرت عمها راما بأندهاش:جد والله قمر:هههههههههههههههههههههههههههه توك تدرين يالصاحيه لايكون بس تحشين عنها عندها راما:لا اصلا شعبولا احبها ماقد اذتني جتهم في وضي بنات نوال وروز ورهف(رهف مافي منها تنوكل من حلاوتها واخلاقها عكس اختها) بنات سحر اما لما وامل(امل طيبه مره) بنات يوسف خال راما في:هاي راما وقمر:هلا في بغرور:كيفك قمر قمر تبتسم مجامله:تمام انتي كيفك في:اكيد تمام روز بدلع متصنع:رامو حبيبي كيفوا ثموري قمر(ثموري فعينك ياقليله الادب ) راما حامت كبدها:الحمد لله روز:كويس من زمان ماشفته قمر زفرت بصوت مسموع:رمو قلبو بروح راما:لحضه بجي معك ريف جتهم:راما قمر الحين بيحطون مشكلني طالبتها خصوصي عشان ترقصون معي لما:واو بندر يحبها ريف تبي تقهرها :ادري عشان كذا طالبتها يبي يسمعها قايلي قبل شوي راما(ايوه ريف تعجبيني) لما انقهر:انتي تكلميه ريف:اي عادي اهو يكلمني وانا اكلمه وكل يوم نشوف بعض بما ان بيوتنا جنب بعض قمر كاتمه ضحكتها(ياشيخ عالنصب) راما تنادي مرام مرام جت:اوه انتو هينا وش اخبارك في(مرام تحب تقهر في لانها حاطه عينها على مشاري واهو مايواطنها) في:تمام مرام:يالله راما ريف قمر تعالو نرقص في:بجي معكم مرام:لالا هذي اغنيه خاصه فينا في انقهرت:اها اوكي باي راحو في وضي وروز ورهف ولما وامل قمر:مرام انتي شي مرام:احسن ماطيقهم راما:الي يسمعنا مايقول بنات خالي وخالتي مرام:الله وكبر من زينهم راما :هههههههههههههههههههههههههههه اما انتي ريف خلتي لما ماتسوا شي مرام:بعدي مع اني مادري وش سوت قمر:بعدين اقولك ريف:يالله امشو بس نرقص شوفو نوف وعنوده وفجر مانزلو من المنصه ابد البنات:يالله ومن الجهه الثانيه ضي:وجع ياثقل دمهم رهف:بالعكس كلهم خفيفين دم امل:اي والله صادقه في:اقول كرمونا بسكوتكم لما بكل حقد:انا قاهرتني ذي الشينه ريف ما اصدق ان بندر عادي يسولف معها وانا معطيني اكبر طاف امل:اعلمك ليش عشانها موأدبه وذوق وتنهضم بسرعه والي اكثر من كذا حلوه مره وبندر مرح يناظر وحده تذب وجهها عند اي واحد تشوفه لما انقهرت:امل اسكتي مدام النفس عليك طيبه رهف:اموله تعالي نروح عنهم ازين روز:انا مالي دخل فأي وحده همي الوحيد ثموري لما بغيره:وانتي واثقه ان ثامر يحبك روز:انا من ناحيتي ما اهتم مره له يعني حبني ماحبني عادي عندي بس من نضرات عيونه احس انه يحبني في (اما مايهمك صفقيني:طيب ليش تتقربين منه روز:بس كذا حب الي يحبك ولاتحب الي مايحبك (خلوني الحين اقولكم كل وحده وشخصيتها في انسانه حقوده تحب كل شي لها واخلاقها كلش مو حلوه طبعا ما تتغطى ابد مع ان عمرها 20 وشعرها صابغته غجري كله وضي نفس طبع في ونفس كل شي وعمره 17 بس في عواطفها تغلبها دايم بس لو يفكها من اختها كان بألف خير..روز عمرها 22 بنت حلوه مالها دخل فخصوصيات احد همها الوحيد نفسها بس اخلاقها ميح رهف بنوته نعومه بس روز احلى منها بس رهف واخلاقها عال العال مع انها صغير 16..لما مملوحه وشعرها بوي وصابغته اشقر مره وحاطه زمام وكرستاله تحد شفتها كلها حركات شذوذ لبسها وكل شي فيها وجمالها جمال مكياج بس تعتبر فيها ملح وعمرها 19 وامل حلوه احلى من لما وشعرها طويل نص ضهرها واشقر خلقه وعمرها16) الساعه 2 الكل دخل عالعشا بقى البنات وكلهم جالسين فطاوله وحده مرام:راما قولي تم راما:ليش مرام:قولي تم راما:تم مرام:شوفي تراك قلتي تم ياويلك إذا ماسويتي كل الي تقوله لك راما :ياويلي منك وش بتسوين مرام:شوفي بطلب اغنيه ابيك ترقصينها بروحك راما:بسم الله كأني جنيه مرام:انا بنقوم وبنصفق لك راما:والله استحي مرام:مالي شغل بنات قومو غلا تكلم العنود:ياحياتي ريامي وجهها احمر من التعب عنود:اي والله مادري وش فيها علا:إذا راحوا الناس خذتها المستشفى مع عبدالعزيز عنوده: رافضه غلا: مو على كيفها ومن عند مرام راحت لمشغل الديجيه وطلبت منه منه الاغنيه طبعا من ورا الباب تكلمه مرام:راما ارقي بسرعه الحين بيشغلها رقت راما ووجهها محمر وبدت الاغنيه راما طيرت عيونها:مرام حرام عليك الى هذي الاغنيه مرام بصوت عالي:راما عشاني ارقصي وبدت ترقص راما رقص خيال على اغنيه فارس كرم ختيار عالعكازه وكل البنات خقوا على رقصها الخصر يهز بروحه والاختاف بروحها كل شي بروحها لو تشوفون اشكال البنات ماتقولون بنات كل واحد فاتح فمه كأنهم رجال طبعا البنات الي مايعرفونها اما بنات عمانها عارفين رقصها وخلصت الاغنيه ووجه راما مصبوغ احمر من الخجل والبنات يصفقون يصفرون ونزلت راما من المنصه راما:هين مراموه اوريك مرام:اقول شوفي البنات كيف يطالعوك سمي على نفسك راما:لاترقعين السالفه بردها لك مرام بحزن:اه بس لو ريم بكامل صحتها لصارت علوم ريم ابتسمت ابتسامه باهته:خيرها بغيرها وقبل أذان الفجر بنص ساعه فضت القاعه والكل راح لبيته ماعدا ريم راحت المستشفى وصار معها نزله معويه وطاح هم راما من الحفله وارتاحت + + + + + __DEFINE_LIKE_SHARE__ | |
| ||
| |
|
| مواقع النشر (المفضلة) |
| الكلمات الدلالية (Tags) |
| بـ..ـحـ...ــبـ"ـك, دخـ...ـيـ"ـل, ؛[¤(تـ...ـوهـتـ"ـنــي |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل | Дјறàl Диsǎήһ | استراحة قصص وابداعات الاعضاء | 24 | 11-14-2011 01:13 AM |
| """"""""مطلوب لكزس lx570 الدفع كاااش """""""""" | محروم.كوم | منتدى أخبار المواقع والمنتديات العربية والأجنبية | 0 | 07-19-2010 03:50 AM |
| """""""""""""""""""""""""""فساتين زفاف راقية ومميزة """"""""""&am | محروم.كوم | منتدى أخبار المواقع والمنتديات العربية والأجنبية | 0 | 07-13-2010 12:00 AM |
| "سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول" | محروم.كوم | منتدى أخبار المواقع والمنتديات العربية والأجنبية | 0 | 09-29-2009 01:20 PM |
| """""للبيع باترول سوبر سفاري موديل 99 ديزل """"""""" | محروم.كوم | منتدى أخبار المواقع والمنتديات العربية والأجنبية | 0 | 04-28-2009 02:40 PM |
الساعة الآن 02:02 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227