( ديـوان فهد بن فالـَح بن مسَـاعد السبيعَيـے ) . . . - الصفحة 4

فتنـۂ الـڪِوטּ · 08-17-2011, 02:43 AM

سوف اضع لڪِم مقـال لفهد المساعد وهو مقال نصّـيـے

اسم المقـال
(جعل إحساسه الصادق بريد وصوله لنا )

جعل إحساسه الصادق بريد وصوله لنا
فهد المساعد يؤكد أن أعذب الشعر أصدقه!!

فهد المساعد..

من أعذب الشعراء الشعبيين على مستوى الخليج العربيـے، وسر عذوبته هو صدق إحساسه..

وصدق تعاملـۂ مع النص الشاعري، مشاعره تأتيـے متدفقة دون تكلف.. ودون زخرفـۂ تحيد بها عن مسارها الصحيح.. لذا هي تنبعث من قلبه إلى قلوبنا..

هدية!!

بساطۂ في تركيب الصورة العميقۂ ذات الأبعاد الثلاثيۂ والتي لا يرسها إلا شاعر صادق:

هديتهم قفص وطيور.. قلت ف.. عيد ميلادك

اسوي مثلهم.. واهديك طير في قفص صدريـے

بحث!!

بعفويته المعتادة يقدم حالة البحث ولهاث الباحث في تركيبة خاصۂ به:

جايز أنك في غيابي تقلب الدنيا عليـے

بس أنا من قبل اعرفك قالب الدنيا عليك

حال!!

قريب من القلب وقريب من الواقع وهذا سر صدقـۂ الشاعري لذلك لا يجد صعوبة في تقديم الشعر القريب جدا إلى أذواقنا:

جتني مراسيلـۂ تشب القناديل

ومعها سؤال جاوبته النحايل

يقول: كيف الحال بعد المراسيل ؟

وأقول: مثل الحال قبل الرسايل !

خيار!!

طرد المقفي مثل طرد العذاريب

وأنا تبت ابلع مشاريه الأعراب

أما تعاليـے واقطعي دابر الريب

والا انسي أنيـے كنت أنا وانتيـے أحباب

إثبات!!

وان كان منتب مصدقني.. على هونك

تعال طالع دروبك وين ودونيـے

أصبحت أجامل عداي اللي يحبونك

وأكره مشاهد عداك اللي يحبونيـے

ومن كثر ما أحب واكره عنك وأصونك

أصبحت دفتر مشاعر وأنت مضمونيـے

ان غبت عنيـے شعرت بلذة طعونڪِ

وان شفت زولك شعرت بقيمة عيونيـے

ان كان ودڪِ ترسيني على كحلڪِ

لميت عمري وخاويتـڪِ على اهدابڪِ

لكن قبل تنجرف حبيت أوضح لڪِ

مستقبلي في يدينڪِ.. واعمل حسابك

لو ضاع مستقبلي ما نيب سامح لڪِ

يكفيني الماضي اللي ضاع باسبابڪِ

نشر بتاريخ 03-11-2008
__DEFINE_LIKE_SHARE__

فتنـۂ الـڪِوטּ · 08-18-2011, 03:35 PM

قصيده قرأتهـا قبل عده ايـام ونالت اعجابيَ. .
اسم القصيده ( الحســـــَد )
الكلمات :

الشعر أبوي .. ولا بعد قلت : لبيه
إلا لـ( بحّة وزنه ) و ( صوت قافه )

ماقبلي أحد ٍ قد تربّى على يديه
ولاغيري أحد ٍ سْمْع صوته وشافه

أغليه .. وأخافه .. وأحبّه .. وأداريه
وأخاف لاأفقد دهشتي فـأكتشافه

على كثر ما أبيه وأتعب وأنا أبيه
ماقد شكيت لغيمته من جفافه

إن ألتفت في حالي .. الله يحييّه
و إن ما ألتفت .. ما ألحقت عمري حسافه

ياما على غفله غرقت فـشواطيه
وياما رمى في قاع صوتي ضفافه

وأمسيت أغني له .. وأشيله .. وأشاكيه
كنّي مكوّم كل ماكان طافه !

أحاول أقوى شي مانيب قاويه
وأحاول أقبل شي نفسي تعافه

اسمع من هروج العتب والمسافيه ..
مازوّد حمول التعب والمسافه

ناس ٍ بلوني بالحسد والمشاريه
مافيهم اللي وسط قلبه مخافه .

لا .. والمصيبه .. ويش أنا منحسد فيه ؟!
في الشعر , ودروب السهر , والكلافه !!

قولوا لذاك اللي ( سهادي ) على ايديه
وش جاه مني ؟! لعنبوها ضعافه

ان كان حاسدني على الشعر والتيه !
يجي يبادلني .. وأخط أعترافه :

يعطيني راحة باله اللي تقدّيه
وأيامه اللي ماتعرف الصلافه

ونذر ٍ علي لأعطيه .. وأعطيه .. وأعطيه
حتى يملّ من الشعر والصحافه

__DEFINE_LIKE_SHARE__

فتنـۂ الـڪِوטּ · 08-19-2011, 09:50 PM

(ســؤال )

لاتكّدر خاطـرك ضيقـة حبيبـك يـوم قـال
أيه أحبك يابعدهم بـس أنـا ويـن آغـدي

ضيقتي ماهيب بس اليـوم يابنـت الحـلال
ضيقتي لها ثلاث سنيـن تاكـل مـن يـدي

ضيقتي مافي وفاهـا يابعـد عمـري جـدال
كل ليلـه تبسـط يديهـا وتفـرش مرقـدي

ودي أسكت بس أعرف الحظ لامن مال مال
لي متى والصمت ينهش في ضلوعي وجسدي

شوفة عيونك..هموم وضيق خلق وقل حـال
وش أسوي دام حظـي يابعـد عمـري ردي

هي كذا عيشة حبيبك لـو تظاهـر بالكمـال
أقرب أيامـه سعـاده بعدهـا بعـد الجـدي

هي كذا وأنتي بكيفك ..مابقى فيهـا سـؤال
فيه دمعه في عيونـي تنتهـي أو تبتـدي؟!

كلهـا مابيـن كلمـة روح أو كلمـة تعـال
كلمةٍ فيها أضيـع ..وكلمـةٍ منهـا آهتـدي

هذا كل اللي بقوله..وأعـذري قـل الوصـال
والله أدري بك زعلتي بس أنا ويـن آغـدي
__DEFINE_LIKE_SHARE__

فتنـۂ الـڪِوטּ · 08-19-2011, 09:54 PM

(القلوب الطيّبه)

يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال

يابعد طول المسافـة والكلافـة والشقايـا
بعد كلالحيـاة وكـل ماجـاب الخيـال

ماورى سـود الليالـي والفـراق إلااللقـا
وشتبين بهالدموع الزرق يابنت الحلال؟

اتركي عنك الدموع وخلي الحـزن يهقـى
ان مالـه فالقلـوب الطيبـة أيـة مجـال

كلها جرح ونشـوف الليـل لامنـه بقـى
في جلال الصبح جعل الصبح مايلقى جلال

اقبلي قبل انتفارقوالوصـال ابـو النقـا
ودي آخذك بيدينك والنقـا ولـد الوصـال

اقبلي واليوم يـوم الشعـر كانـه مارقـى
يم ذيك الغيمة اللي كنها (طلبـة تعـال )

لايجيباكر يغني : (ياسقـى الله وسقـى)
كل شي ان طال زال الا القصايدماتـزال

لعن ابو ذكرى القصايد كان ذكراها محقـا
كل بيت وذكرياته فيملامحهـا سـؤال :

وينها اللي كنت انا والصبح ويديها شققـا؟
اي فال الليرماني في خيالـك اي فـال؟

آه كان الشعر راح ورحتي انتي وش بقى
مابقى ليغير اجر الصوت وأسري يادلال

__________________
__DEFINE_LIKE_SHARE__

فتنـۂ الـڪِوטּ · 08-22-2011, 02:07 AM

(صالات المطار )

قبل اسافر كنت جالس في زمان الأنتظار
ارتشف هم المكان .. و كل همي حاجتين

كنت خايف من يباس .. و كنت خايف من خضار
كنت اخاف انك تجين و كنت خايف ما تجين

لين شفتك من ورا بيبان صالات المطار
مقبله من كثر شوقك .. كنت اشوفك تركضين

مرة ركضك يمين و نظرة عيونك يسار
و مرة ركضك يسار و نظرة عيونك يمين

تايهة .. ما كنك الا ضحكة وسط انكسار
ساكته .. ماكنك الا دمعة فيها حنين

خايفة .. وجلة .. حزينة .. يعني كنتي بأختصار
تشرحين لكل جاهل معنى كلمة ( عاشقين )

بعدها جيتك ولدت عينك و دار الحوار
من كفوفي دمعتين و من كفوفك دمعتين

كنت اصد و كنتي انتي ثايره مثل الشرار
ماعلى لتغة لسانك غير كلمة ( وين ؟ وين ؟ )

واذكر اني رحت قبل ابدي لك اية اعتذار
رحت حتى قبل اطيب خاطرك في كلمتين

لكن انتي عارفتني زين واللي صار صار
سامحيني واذكريني قد مانتي تقدرين

اذكريني لانتهت للشمس رحله مع نهار
واذكريني لاصحى للصبح ورد الياسمين

واذكريني لا لمحتي في ليالي البرد نار
واذكريني لا سمعتي للمطر صوت حزين

اذكريني واذكريني واذكريني .. بأختصار
..اذكري فهد المساعد قد مانتي تقدرين !

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
حشر بن مسند السبيعي	محروم.كوم	منتدى أخبار المواقع والمنتديات العربية والأجنبية	0	05-25-2010 07:40 AM
^^ابل حشر بن مسند السبيعي^^	محروم.كوم	منتدى أخبار المواقع والمنتديات العربية والأجنبية	0	05-20-2010 07:30 PM
قصيدة السبيعي في الوســــمـ	محروم.كوم	منتدى أخبار المواقع والمنتديات العربية والأجنبية	0	12-28-2009 03:00 PM
صور من جهازي \\ أبل محمد بن معود السبيعي	محروم.كوم	منتدى أخبار المواقع والمنتديات العربية والأجنبية	0	06-13-2009 08:50 AM