على بـأإلــي تنـأإدينـــي أإنـأإ أإسفـ مـأإ سمعتكـ زيـــــــن !..

ضَـِـِـيـﮱعينـيـﮱ♥ · #1 09-03-2011, 11:30 PM

على بالي تناديني.. انا آسف ماسمعتك زين
ولاني أول العالم .. يخيب ظنه وأحساسه ..
.
احسب انك تبيني .. وقلت من هالعين قبل هالعين
وجيتك تايه الخطوه.. وصدري يشهق انفاسه ..
.
انا والله مدري .. وين انا رايح وجاي منين
غرابيل الزمن فيني تعدت حد مقياسه ..
.
توهمت بخيال الفكر.. هايم بين زين وشين
سحابة هم إحتاست مع النسمه ونسناسه ..
.
على هونك ترفق بي.. غريب وحاير الكفين
عجول اتبع صدى صوت بسمعي دقت اجراسه ..
.
ترى ماني من اللي .. يعشق اللعبه على الحبلين
وقلبي نيته اصفا من الما لورد كاسه ..
.
صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه ..
.
ولاني من الخطا معصوم.. تدري والبشر من طين
ونفسه تامر بغفله .. ولاهو قاوي باسه ..
.
على كل حال سامحني .. انا ميت من الصوبين
خفوقي عايفن نفسه .. وعيني فارقت ناسه ..
.
تخطيت الدروب اللي .. تباري رحلة الماشين
سراب الشوق ياخذني لزلاتي وهوجاسه ..
.
على بالي تناديني.. وكني سامعك هالحين
ولاقصدي خطأ .. وادري عيون الناس عساسه ..
.
سهيت من الهموم اللي بقلبي.. ورحت مدري وين
على حظ الزمان اللي قلب وضعي على راسه ..

__DEFINE_LIKE_SHARE__

فتنـۂ الـڪِوטּ · 09-03-2011, 11:45 PM

ولاني من الخطا معصوم.. تدري والبشر من طين

ونفسه تامر بغفله .. ولاهو قاوي باسه ..

روعة هذه الأبيات
جميله جدا كلماتك الراقيه. . بدآيه نقل طيبّ "
تحكي عن الم المشاعر والاحاسيس

سراب الشوق ياخذني لزلاتي وهوجاسه . .

روعة ترافق متصفحك أيتها الفاتنه , شكرا جزيلا و حفظك ربي
كوني بالقرب ّ! __DEFINE_LIKE_SHARE__

أنفآسِك أنـا · 09-04-2011, 06:11 AM

على كل حال سامحني .. انا ميت من الصوبين

خفوقي عايفن نفسه .. وعيني فارقت ناسه
القصيدَة من أروعَ ما يمكنُ ، وصحَ منطوقُ مِن كتبها
حبيتَ هالبيتينُ ، يسلمَ هالذوق .. اختيارَ طيبُ
بانتظآر القآدمَ ، أنفاسِك أنا
__DEFINE_LIKE_SHARE__

joode M · 09-05-2011, 02:14 AM

سهيت من الهموم اللي بقلبي.. ورحت مدري وين
على حظ الزمان اللي قلب وضعي على راسه ..

صـح لسـآن آلشـآعر ولـآ هـآنت آيدج ع آلنقل غلـآيه . .

وآلسـموحه منـج . . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لـآإ تطلب المشتآق توصيف شوقهـ ..	همس العشق	الشعر المنقول	5	03-31-2011 08:16 PM
\|\| قٌلتَ لكَ مـأإ أإحبـكً / لـأإ لـإ هـأإذيً مـأإهيُ ح‘ـأإلهَ ..!*	ŁɱśaŤ Ĕɱяațɨȃ™	نغمــات للهــواتف	4	01-11-2010 02:19 PM
❤[ خـآيفً ـأإموتً و بعدً مـأإ أشوفَگ ]+	ŁɱśaŤ Ĕɱяațɨȃ™	تصاميم الاعضاء	7	10-06-2009 03:30 PM
أإبــي توقــيع مـأإ عليـكم أإمــر	مغرورة قطر	طلبات التواقيع , التواقيع الجاهزة	18	08-27-2009 02:55 PM
صورتيـــن تمعنو فيهم زيـــــــن وشو الفرق	..كلي دلع..	عجائب و غرائب	92	10-15-2008 10:43 AM