| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
12-23-2008, 12:19 AM
| رقم المشاركة : [ 226 ] |
| عضو ماسي |  البارت الـ 25 ساره : مضايجه شوي ، مــاايد مايد : لبيــه ، عيون مايد آمري انتي بس ساره : انت اتقدمت لي صح ؟ مايد : هيه ليكون عسب هاي السالفه ؟ كل ها عسب ماتبيني ؟ ساره : لا والله لاا مايد : عيـــل ساره : خلااص مايد انا فكرت وقررت انا موافقه عليـــك وربعت ساره داخل وهيه ميته من الصيااح عكس مايد الي مستااانس ومايدري لو يخبر الكل ولا مايخبرهم واخيرا ساره بتصير له صوب ظبيه كانت يالسه وتتريا ساره اتيها شافتها واايد تأخرت سارت صوب المطبخ وشافت سلطان يالس عالكرسي وحاط ايده عراسه ودموعه تنزل انصدمت ظبيه من الموقف ماتوقعت تشوف حد من الشباب يوم بهالمنظر ظبيه : وين ساره ؟ سلطان انصدم من وجود ظبيه : مادري ووقف وظهر من المطبخ ومن البيت بعد ركب سيارته وتم يدور من شارع لشارع وكل شوي يتذكر الي سواه بساره صوب ظبيه تمت ظبيه مصدومه ليش سلطان جي حالته سارت ظبيه فوق وشافت البنات كلهن متيمعين على وحده ذابحه عمرها من الصيااح ، ميره اول ماشافت ظبيه ميره : ظبووي زين يتي ، ماتدرين ساره بلاها ؟ ظبيه انصدمت اكثــر شالسالفه سلطان من صوب وساره من صوب ثاني لا واثنيناتهم يصيحون وبعد المكان كان فالمطبخ السالفه فيها إن ميره : ظبــــووويي انا ارمسج ظبيه : هااه ، لااا ما اعرف قالتلي بتسير اتيبلي عصير اتأخرت عليه يوم سرت واشوفها ماحصلتها فالمطبخ يتكم شفتها تصييح ميره : غريبه والله ساره كانت منسدحه على شبريتها وذابحه عمرها من الصياح وفاطمه وميره يحاولون ويهدونها وظبيه سرحانه تفكر شو السالفه ؟ شو الي بين ساره وسلطان ؟ وليش اثنيناتهم يصيحون ؟ اكييد صاير شي جايد صوب الشباب سيف : ميود بذمتك انت الحين سرت تزقر سلطون وينه ماياا مايد : ههههههههه لا والله نسيته اتصدق شفت القمر وخبرني بشي خلاني اطير من الونااسه راشد : شكله الريال ين وقعد الكل : هههههههههههههههههههههههه سيف : بسير اشوف سلطان شو صابه الكل : اوكيه سار سيف المطبخ وماحصل حد استغرب وظهر فونه واتصل بسلطان بس كان يعطييه مغلق اتذكر ان سلطان قايله انه غالق المبايل ومابيبطله مول ، تم سيف زايغ على ربيعه يعني وين سار دوراه فالبيت كله بس ماحصله مره وحده اتذكر البحر الي لما سلطان يتضايج يسيرله بحر جميرا سار صوب سيارته وشغلها وحرك وتوجه صوب البحر صوب سلطان الي تعب من المهايت فالشوارع وقرر انه يسير لربيعه الثاني الي دوم يشكيله همومه ويحس براحه لما يشوفه (البحر) ، تم يالس هناك كل شوي يذكر الي صار ويذكر شكل ساره عصب ليش يفكر فيها هالكثر هو بعد لازم ينساهاا خلااص شل صخره كانت حذاله وفراهاا فالبحر شاف سياره قربت صوبه وهالسياره هب غريبه عليه عرف ان سيف اكيد حس بغيابه، نزل سيف من السياره وربع صوب سلطان سيف : يارياال زيغتناا عليك سلطان : بعدي حي مامت سيف : وبعديــــن ويااك يعني خلااص قلنالك شي امل وباجر السفر شو تبى بعــد ؟! سلطان : ابــاا اختفي من هالكون .. ابــاا اموووت خلااص ماله داعي اعيش خسرت كل شي سيف حرج : اشوووه هالرمسه ؟! ، سلطان ربك فوق اذكر ربك مب زين جي تكون استغفر ربك احسنلك وبعدين ها الي الله كاتبنه والله حاب يختبرك ياخي وبعدين نسيتني نسيت خويك ؟! ، افـــااا والله افـــااا سلطان لوى عسيف وتم يصيـــــــــح من خاطر سيف انصدم لأنه اول مره يشوف سلطان جي ضعيف ويصييح بهالطريقه سيف : سلطان فديتك خبرني شي فيك شي بلاك ؟ سلطان : ........ سيف زاغ زياده : سلطـــــــــوووون انا ارمسك سلطان وقف وتم يبتعد عن سيف وتم يرمس : تبا يصير فيه شي اكثر عن الي صــاار بعــد خلااااص انا تعبت نش سيف ولحق سلطان سيف : بلاااك اتخربط تعبت من شــوووه ؟! سلطان : سيف دخيلك إلي فيه يكفيني ، بعدين بخبرك بكل شي سيف : بعدين متى انشالله !!! سلطان صارخ : قلتلك بعدين وخلاااص سيف حرج : اعصــاابك انزيين ، يلا تعال خل نرد البيت سلطان : سامحني انا هب حادر بيتكم سيف : افــاا ليش ؟ سلطان : بلاااك صايرلي محقق اليوم ؟ ، من اول مايت سين وجيم ، سيف قلتلك بقلك كل شي بعدين ، وبعدين انا الحين ساير البيت ابا ارقد تعبـــاان سيف : اوكي اوكي تعال بوصلك سلطان : قالولك فيه السرطان هب عاجـــز ، يعني ماروم اسير روحي سيف : اقلك اسمع من اول مارمستك وانت تصارخ وتحرج وانا ساكت عنك ياخي ارحم حــااالك وبعدين قلت بوصلك لأني خايف عليك بس تدري انت ثــووور ماتستاهل حد يخاف عليك ( وصد عسب يروح ) سلطان صاارخ : ادري من يومي ثـــووور ، ثوور لأني حبيتها وتعلقت فيهاا وخليتها تحبني وتتعلق فيه ، ثـــــــــووووور سيف من سمع هالرمسه وقف مكانه ورد صد صوب سلطان وعرف ان السالفه فيها ساره بس حب يسكت ومايرمسه الحين روحه مضايج وحالته حاله ، سار سيف وركب سيارته وسلطان الثاني بعد ركب سيارته وحرك ، طبعا سيف كان واايد خايف على سلطان لايسوي حادث ولا يسوي شي بعمره عسب جي لحقه لين ما وصل البيت بس بدون لاسلطان يحس يوم تأكد انه وصل رد سيف بيتهم .. مر الوقت بسرعه وصارت الساعه 10 ونص الفليل عقب ما الكل رد بيته محمد استلم ولده محمد : بصراحه ياولدي ، حاس ان في شي ورى هالسفره سالفه جايده ولا سياحه ايــاام الدوامات ؟ سيف توهق وتغير لونه وماعرف شو يقول محمد : حتى انت وسلطان هالفتره هب طبيعين ، تراني ملاحظ كل شي وما اصريت اعرف سبب سفرتكم على اسااس انك بتي وبتخبرني اترييت واايد شفتك مايت ، الحين لاازم تخبرني الصدق ، شو السالفه بالضبط ؟ سيف : ابويه مافي شي محمد : تجذب عليه وانا ابوك ؟! ، انزيـــن احلف عسب اصدقك سيف : .......... محمد : ادري ان صاير شي يلاا قلي وصدقني بحاول اساعدكم وماراح اوقف ضدكم ، ووعد ماراح اخبر حد .. سيف من سمع رمسة ابوه ارتاح شوي وخبر ابوه بكل شي ، محمد انصدم من الي سمعه ماتوقع السالفه جــي محمد : سلطــــاان !! وليش هب مخبر امه وابووه يبا يعذبهم هاا ؟ سيف : هو إلي طلب مني محمد : انتوا متأكديييين ؟! سيف : هيه ابويه الدختر قايللنا محمد : لا حول ولا قوة الا بالله ، زين ياولدي سير ارقد عسب تنش باجر من وقت تتزهب للسفر سيف : انشالله ابويه ( وحبه على راسه وسار ) محمد : لا حول ولا قوه الا بالله .. لا حول ولا قوة الا بالله صوب ساره عقب ماذبحت عمرها من الصياح حاولن البنات يعرفن شي بس ماشي فايده من كثر ماصاحت تعبت ورقدت حتى ماتعشت وبجي معظم ابطال قصتنا رقدوا عالساعه 12 فاليوم الثاني .. يوم السبت .. يوم سفر سلطان وسيف .. يوم بالنسبه لسلطان يمكن يخلصه من هو الي فيه يمكن يخلصه من المرض الي سكن وعاش فيه .. نشت ساره من وقت تقريبا عالساعه 6 ونص الصبح وكانت مصدعــــــه راسها يعورها سارت الحمام وتغسلت وتوضت وظهرت وصلت الصبح ، عقب يلست تقرى شوي من كتاب الله ، بعدين لبست مخوره خضره ولبست شيلتها وتعطرت ونزلت تحت شافت يدتها واعيه سارت وحبها على راسها ساره : صبحج الله بالخير يالغاليه اليده موزه : صبحج الله بالنور والسرور فديتج ساره : وينهم محد نش لين الحين ؟ اليده موزه : شيخه فـ حجرة وامج فـ حجرة الاكل يتريقون .. الا انتي ليش ناشه الحين ؟ ساره : كنت راقده من وقت البارحه اليده موزه : هيه اشعنه البارحه مانزلتي تتعشين واختفيتي مره وحده ؟ هنيه ساره اتذكرت الي صار إلها مع سلطان ومايد واتذكرت كل الي صاار مر الشريط كله جدامهاا جنه الي صار ، قاعد يصير الحين .. جان اتدمع عينهاا اليده موزه : سويـــره وين وصلتي ، بلاج فديتج ليش عيونج اتدمع ؟ ساره : مادري مادري ، جنه رمشه طاحت فعيني اليده موزه : الحين الرمشه بطيح فعيونج الهنتين ؟ ساره : يدوه تامريني بشي بسير اكل ؟ اليده موزه : سلامتج فديتج نشت ساره وسارت صوب الدري اليده موزه : الحين انتي قلتي بتسيرين تاكلين هب بتصعدين فوق ساره : اوووه نسيـــــت اليده موزه : تؤتؤتؤ البنت مــــووول هب طبيعيه اليوم سارت ساره حجرة الاكل سلمت ويلست وخذتلها كراوسون وحليب بس شربت شوي حليب وربع الكراوسون عقب نشت ساره : الحمدالله شبعـــت عوشه : ويــــه انتي اصلا كلتي شي عسب تشبعين روحج البارحه هب متعشيه يلا قري وكلي ساره : اميــــه والله شبعت عن اذنكم بسيــر ( وظهرت من حجرة الاكل وسارت فوق حجرتها ) فنفس البيت بس الصوب الثاني صوب حجرة سيف كان توه ناش من الرقاد سار الحمام وتسبح وعقب نزل تحت سار تريق وعقب يلس حذال يدته سيف : شحالها عيوزنا اليوم اليده موزه : عيــزز حيلك ، انا بخير وسهاله ، شحالك انت ؟ سيف : خخخخ .. والله الحمدالله اليده موزه : انا مستغربه منكم !! سيف : ليـــش يعني ؟ اليده موزه : انتوا اليو هب طبيعيين ، ساره مسطله عالآخر اتقلي بسير حجرة الطعام اتسير فوق وانت ناش اليوم من وقـــت انا مووول مووول هب مصدقه ليكون بعدي احلم !! سيف : ههههههههههههههههههههههه عسب جي مستغربه !! اليده موزه : هييه ، وانا قلت شي يظحك !! سيف : لا بس اليوم انا وسلطون بنسافر ، عسب جي انا ناش من وقت اليده موزه : اشـــوووه اشعنه اتسافرون ؟ ووين سايرين ؟ سيف : نغيـــرر جوو ، وسايرين ألمانيا اليده موزه : الله والجو الي هناك بــس سيف وهو يبا يغايض يدته : جوهم شي عجيــب ومثله ماحصل اليده موزه ظربته بعصاتها : انجلـــــــع قم بسرعه مابا اشوف رقعه ويهك سيف : ههههههههههههه ( نش وحباها عراسها ) فديتــج انــااا ، يلا تامريني بشي ؟ اليده موزه : سلامتك يالغالي سيف : الله يسلمج سار سيف فوق حجرته عسب يرتب اغراضه فالشنطه ساره لاعة جبدها من حجرتها قالت بتسير صوب سيف وبتيلس تسولف ويااه يمكن شوي يخفف عليها وتنسى سارت صوب حجرته ودقت الباب سيف : منـــووه ؟ ساره : ســـااره بطل سيف البااب سيف : هلا والله باختي المصون ساره : اهليـــن ، شو يالس تسوي انا ملانه حدي سيف : يالس ارتب شنطه السفـر ساره انصدمت : بتســـــاااافـر !!!!! سيف : هييه انا وسلطان ساره فخاطرها ( ماالت ) : انزيين وين سايرين ؟ وليش ؟ سيف : بنسير ألمانيا ، تغيـيـرر جوو ياختي ساره رفعت حياتها : تغييـــرر جوو !! سيف : شو يايه اتحققين معاي يلا حدري بسير اكمل الترتيب حدرت ساره ويلس عالكرسي الي مجابل سرير سيف وتمت اطالعه وهو يفر الثياب بشطته سيف انتبه ان ساره يالسه اطالعه وسرحانه سيف : ممكــن سؤال ؟ ساره : هيه اســأل سيف : شو صار البارحه ؟! ساره انصدمت وتمت تفكر معقوله سلطان خبر سيف عن كل شي اكيــد ها واحد **** ليش مايقله اكرهك واكره اليوم الي حبيتك فيه يعلك تموووت وارتاح منك استغفر الله انــاا شو يالسه اخربط سيف : حــــــوووو وين وصلتي ؟ ساره : خخخ ولا مكان ماشي ليش ؟ سيف رفع حياته : انتي هب طبيعيه وسلطان بعد هب طبيعي يالس يسبني و ........ ( سكت ) ساره : اشعنه سكــت ؟! سيف : اباا اعرف ليش قال انا الثوور الي حبيتها انا الثور الي خليتها تحبني وتتعلق فيه ساره : سأله هو انا مايخصني فيه سيف : سااارووه هب عليه هالحركات ترى انا اعرف كل الي بينج وبين سلطان بس ساكت ساره : لحق ويقلك الحقيــــرر سيف انصدم : ايه ايه ايه شو الحقيــر بعد !! وبعدين اصلا من زمان انا اعرف كل شي اكتفت ساره بالسكوت سيف : تبين رايي اهتمي بدراستج هالفتره احسن لج وتصرافتج ترى في نااس وايد فالبيت بيكشفونج غيري يعني كوني عاديه ساره : بس مااارووم مااارووم عقب كل ها كان بيب راسي ويابه هااه خل يستاانس الحيين سيف انصدم : شـــوووه مستحيل سلطان هب من هالنوع ساره : لا من هالنوع انا شفته وسمعته يوم كان يرمسها سيف : صدقيني انتي فاهمه السالفه غلــط ساره : هب فاهمه السالفه غلط ولا شي .. بعدين انا رديت على مايد قلتله اني موافقه عليه هنيه صدق صدق سيف انصدم : شــــوووه انتي خبله ؟ ليش اتسرعتي ليــــــش ؟ ساره : عالاقل مايد ظهر ريال ويا وخطبني وكان قبل يحبني وانا الي كنت مسوتله طــااف عسب واحد مايستاهل سيف : تؤتؤتؤ لا حول ولا قوة الا بالله ساره صارخت : هاي حياتي وانا حره فيها (وربعت حجرتها ويلست اتصيــح ) الصوب الثاني فبيت حميد نش سلطان وسار الحمام وتسبح وظهر وصلى عقب نزل وتريق و رد فوق يعدل شنطته حدرت عليه ميره وهو كان يالس يعدل ميره : صبــاح الخيـرر سلطان : صبــااح النـور ميره : خلاص اليوم بتسير ؟ سلطان : انشالله ميره : ساعه كم طيارتكم ؟ سلطان :الساعه 9 الصبح ميره : تروح وترد بالسلامه سلطان : انشالله ميره : ممممم ابا اقول شي بس خايفه سلطان : قولي ميره بتردد : البارحه انت شفت ساره ؟! سلطان : ليــش ؟! ميره : يعني انت سبب صياحها هااه ؟! ، خبرتها عنك ؟ سلطان : اييييه هب اتسيرين واتخبرينها ترى محد يعرف غيرج انتي وسيف ، والبارحه ودرتهاا ميره انصدمت : حرام عليك اتعذب البنت والله حرام سلطان : ميره انتي ماتعرفين شي ، انتي هب حاسه بشي ميره : بالعكس حاسه بكل شي ، الحين انت بتخسر انساانه صدق حبتك من قلبها والله لو تشوف حالها البارحه تنهد سلطان : خلاص دخيـــلج الي فيني كافيني ميره : برايــك انا مايخصني فيك ، بس شوي شوي عالبنت ، تباني اساعدك ؟ سلطان : لا مشكــوووره فديتج ميره : اووووب سلطون يتفداني سلطان : هههههههههههه ميره : هيه جي اظحك ردلنا سلطون الي نعرفه سلطان :....... ميره : يلا جااو بروو سلطان : جــااو عقب مرور الوقت صارت الساعه 8 ونص الكل عرف ان سلطان وسيف بيسافرون ألمانيــاا بس طبعا مايعرفون السبب الحقيقي فبيت محمد راشد كان ساير يشغل السياره لانه هو الي بيوديهم المطار ، وسيف كان يتصل فبيت عمه حميد عسب يشوف سلطان وينه عبيد : ألــوو سيف : هلا والله ، عبيدان فديتك سير ازقر عمك الثور سلطان عبيد : منو انت خالي سيف ؟ سيف : هيه فديتك عبيد : دقاايق سار عبيد وزقر سلطان سلطان : مرحبآآ سيف : مرحبتين ، انت ماتقلي متى بتفتح مبايلك ؟ ياخي وهقتني ما اعرف وين احصلك يالله جاهزخل نمر عليك سلطان : لا انا بلحقكم سيف : عن المصاخه دخيلك ، انزين تعال لبيتنا ؟ سلطان : اوكي سيف : طلبتــــك وغلاة اغلى غالي عندك بطل مبايلك عسب اعرف ارمسك دخيلك سلطان : ههههه انزين انزين سيف : يلا بااي وسكر سلطان عن سيف وراح وشغل مبايله وشل شنطته وسلم على اهله و ركب سيارته وتوجه لبيت عمه محمد فبيت محمد سيف كان يالس يتريا سلطان يوصل فهالحظه حدر سلطان سلطان : السلام عليكم الكل : وعليكم السلام والرحمه سيف : واخيـــرا المعرس وصل الكل : ههههههههههههههههههههههههههه سيف وسلطان سلموا عالكل لأنهم الحين بيسيرون سيف : إلا وين ساره ؟ فهاللحظه سلطان تم يدور بعيونه وقال فخاطره : (يعني معقوله لهالدرجه كرهتني ، ليش يعني عقب الي انا سويتبها لازم يزيد حبها اكيـــد بتكرهني ، سامحيني يالغاليه سامحيني) اليده موزه : اتحصلها فوق فحجرتها سيف : دقايق بسير اسلم على اختيه وبيكم راشد : يالله عيل نحن بنسير السياره سلطان : يالله سار سيف فوق عند ساره وراشد وسلطان ساروا السياره تموا يدخلون الشنط عقب ركبوا يلسوا يتريون سيف ، وصل سيف وحدر السياره سيف : السموحه عالتأخير راشد : هههه الله عالادب الي نازل عليك سيف : خخخخخخخخخ وعقب حركوا فالطريج كانوا كلهم يسولفون ويظحكون الا سلطان فعالم ثاني راشد : هااه اشوف الحبيب ساكت وين عقلك ؟ سلطان : ماعندي شي اقوله راشد : علينـــــااا سيف : هههه بلااك عالرياال ترى ما ارظى ع توأمي راشد : مــــااالت سيف : عليــــــك جان يرن تلفون سلطان راشد : اتصلت الحب الي يالسه يفكر فيها سلم سلم عليها سيف + سلطان : هههههههههه سلطان : رقم غريب سيف : رد انزيين يمكن حد يباك بشي ضروري رد سلطان ....: السلام عليكم ورحمة الله وبركاته سلطان : وعليكم السلام والرحمه .......: مين معايه سلطان حميد الـ....... ؟ سلطان : هيه نعم ، انت منوو ؟ ......: انا الدكتور سامي علي سلطان : الدكتور سامي علي ؟ سيف : اووه هذا الدختر الي سرناه هذيك المره وإلي قال ان فيك الـ ..... ( وجان يسكت ) راشد : شالسالفه ؟ سيف : اشدراني سلطان : شششش خلوني اسمع الدكتور : انت معاي يا بني ؟ سلطان : هيه هيه معاك يالطيب الدكتور : انا من متى واتصل فيك ومبايلك بيعطيني مغلق انت ليه آآفل مبايلك دنى ألبت عليك الدنيا ، يابني انــاا حاب ابشرك ان تحاليلك مع تحاليل واحد تاني اتخربطوا ، يعني انت سليم 100% ، بس انا تلخبطت بالتحاليل خذت تحاليل سلطان عبدالله سلطان : شــــــووووه ؟ يعني انا مافيه شي ؟ الدكتور : ايواا الحمد والشكر لله عزوجل سلطان : بس شقاايل جي عيل انا شو فيه ؟ الدكتور : انت مافيك حاقه بس كان مجرد ارهاق وتعب وقله النوم وكثره السهر وقله الاكل بــــس ها الي كان بيسببلك الصداع والدوخان سلطان : مشكــــوووور والله يزاك الله ألف خير الدكتور : سامحناا يابني خديتك أوي سلطان : مسموح مسموح الدكتور : مع السلامه سلطان : مع السلامه ، سيييييييييييييف انا مافيه شي الدكتور كان متلخبط فالتحاليل انا سليييييم راشد : اتحريتك سلطان سيف + سلطان : ههههههههههههههههههه سيف : الحمدالله الحمدالله شفت بس انت خسرت وااايد اشياا راشد : يا خي شالسالفه خبروني ؟ سيف خبراه السالفه كلها فالبدايه راشد انصدم وبعدين استانس وارتاح ان سلطان مافيه شي راشد : يالله عيل نرد البيت هب لازم هالسفره صح ؟ سيف : ياخي انت شو يعورك نحن نبا نسافر نبا نغير جوو راشد : يعني مصريـــن ؟ راشد + سلطان : هييه عقب ربع ساعه تقريبا وصلوا المطار نزل راشد ويا سيف وسلطان ووصلهم عقب سلم عليهم ورد ركب سيارته ورد البيت سلطان من عرف الخبر تم مضايج وفرحان مضايج : لانه تسرع وخل ساره تكرره يعني خسرها وفرحان : لانه الحمدالله سليم ومافيه شي سلطان : اقلك نحن مابنطول بنيلس يومين ولا 3 ايام سيف : بلااك انت خل نستانس شرايك نيلس اسبوع بس اسبوع سلطان : يصير خير يالله خل نسير لا الطياره تسير عنا سيف : يالله فالعين تحديدا فبيت مريم كانت يالسه فالصاله هيه ومايد وخميس وفاطمه مايد : هيه صح اماايه نسيت اخبرج ساره ردت عليه انها موافقه فاطمه : صــــدق !! متى ؟ مايد : البارحه مريم : بس لازم اهلها هم الي يردون علينا مايد : شو انا باخذ اهلها ولا باخذها هيه ؟! خميس : هههههههههههههههه اتخيل فاطمه : هههههههههههه لا بتاخذها هيه بس لازم اهلها هم الي يردون مايد : والله حـــاااله ، انزين متى بيردون علينا ؟ مريم : واناا اشدراني مايد : اتصلي في خالوه عوشه وسأليها مريم : انشالله بعديــن فكني الحين مايد : امـااايه الحين مريم : مايد خلاااص مايد : ههه انشالله انشالله نشت فاطمه وراحت حجرتها ولحقها خميس فاطمه : خيـــر ؟ خميس : خير بويهج ، شو ماتبيني ايلس ويااج ؟ فاطمه : لا حيـــااك خميس : بعدج زعلانه عن سالفه البارحه ، والله انا قلتلج الصرااحه انا احبها فاطمه : انت اتعارف منو هااي ؟ خميس : هيه هيه اعرف بس خلاص يمعه مات الله يرحمه يعني شو بتم طول عمرها جيه !! فاطمه : خميس انت شكلك تبا تنسى عنود مالقيت وحده اتنسيك اياها الا ظبيه ؟! ، اقلك ترى الي في ظبيه يكفيها روحها البنت اتعقدت تبا تعقدها زياده خميس : لا والله لا هالبنت من يوم شفتها صرقت قلبي بس انا ساكت لانها كانت حرمه يمعه بس الحين يمعه مات الله يرحمه ويغمد روحه الينه فاطمه : اسمع انا مايخصني بهاي السالفه ، لا برمس اميه ولا برمس ظبيه ، اصلا ظبيه مابتوافق خميس : اشدراااج انتي سألتيهاا ؟! فاطمه : لاا بس صدقني ماراح توافق هاي ظبيه وانا اعرفهاا خميس : يعني انا مابحبها بالسر ومن وراكم انات بتزوجها ، فطيييم دخيلج ساعديني فاطمه : خميس طلبك وايد صعب عليه سامحني والله ماروم خميس : يعني ماشي امل اتساعديني فاطمه هزت راسها بمعنى لا خميس : اوكي عيل انا الي بسير وارمس اماايه فاطمه : خميس لاتتسرع خميس : والله احبهــاا فاطمه : بس هيه ماتحبك خميس : بخليها تحبني فاطمه : هاي حياتك وانت حر فيها انا مايخصني سار خميس وحدر حجرته وقفل الباب ميثا : فطيــم صدق الي سمعته ؟ فاطمه : شو سمعتي بعــد ؟ ميثا وهيه زايغه : سمعت رمستج ويا خميس فاطمه : انتي شو يالسه تتجسسين ، والله يا ميثوه ان سمعت ان وصلت هاي الرمسه لحد ماتلومين الا نفسج ميثا : انزين انزين ، بس صدق خميس يحب ظبيه ويبا يتزوجها فاطمه : اشدراني عنه سأليه هوو (وحدرت فحجرتها وقفلت الباب ) ميثا : ههههههههههه الحمدالله والشكر اخواني شي بلاهم اليوم ، اويه حرام كلهم بيعرسون بتم روحي فالبيت ، خل حد يتقدملي ابا اعرس انا بعد مايد : ايييييه انتي بلااج تتحرطمين روحج ينيتي ميثا زاغت : اويييه انت شو تسوي هنييه ؟ سمعتني وانا شو اقول ؟ مايد : لاا مينون انا عسب اسمع رمستج يالله ذلفي حجرتج وسيري ذاكري ميثا : زين زين فـ دبي دار الحي تحديدا فبيت محمد فالصاله حدر راشد وسلم ويلس حذال يدته وشاف ساره يالسه راشد : هلا والله باختيه سويره ، انتي وينج مختفيه هالفتره ، يعني خلاص خطبوج اختفيتي ؟ ساره : موجوده والله انت الي وينك اليده موزه : ههههههههههه الا تعالي يابنتي ماقلتيلناا شو رايج بمايد ؟ ساره : مشالله عليه ريال والنعم فيه راشد : يعني افهم من رمستج انج موافقه عليه ؟ ساره : والله الشور شور اميه وابويه الي يقررونه عوشه وهيه توها حادره عوشه : لا فديتج الشور شورج انتي هاي حياتج هب حياتنا ساره : الي تشوفونه اليده موزه : يعني نقول مبروك عوشه : قولي قولي راشد : ههههههه مشالله اخواني بيعرسون ، اتصدقون وناسه يوم البيت يكون كله فرح بـ فرح اليده موزه : هيه والله راشد : بخبركم سالفه سلطان والدختر اليده موزه : ويدييييه بلااه ولدي بعد ؟ راشد : الحين بتعارفين نشت ساره بهاللحظه ساره : يالله انا اترخص راشد : تمي والله السالفه ماتتعوض حدها اتظحــك ساره : المره اليايه نشت ساره وسارت حجرتها لأنها اصلا ماتبا تسمع اسمه ولا تسمع سوالفه قالت بتذاكر تمت تذاكر لين ماصارت الساعه 1 الظهر عقب ظهرت يلست فالصاله اطالع تلفزيون شوي وقالت عقب بتتغدى وبتكل دراسه عقب ما خلص الفلم سارت وتغدت شوي وعقب ردت اتذاكر عالساعه 4 العصر فهاللحظه وصللها مسج بطلته وكان من رقم غريب وكان من خارج بعــد استغرب وتمت تقرى المسج __DEFINE_LIKE_SHARE__ |
|
| |
 |
|
12-23-2008, 12:21 AM
| رقم المشاركة : [ 227 ] |
| عضو ماسي | ( ودي احطك بين ظلوعي وغمض وعيش تالي الليل وياك ودي اهمس في اذنك حيل احبك واخلي العالم يختفي لحظه لقاك ياغايبين عن عيني ورسمك في خيالي مايختفي يتبع خطاك اعيش في حلمن ارتسم لجلك ويعيشني حلمك عالي في سماك يا أنت ضلوع قلبي تحتفل بك وما هايمت بحلم رومنسي لولاك يالله كيف حبك ملكني وانتثر بك وخلاني انادي آه اهواك احبك واحبك وحيل مغرم بك والذي زادني فيك طله محياك ضيعني في دربك وعشقني على مهلك وخلني سوا مال انا سواك ) فرت الفون وقالت يمكن حد مغلط وردت اتذاكر ورد ووصلها مسج ثاني ( السموحه يالغاليه على كل الي صار والله الظروف خلتني جي اسوي ) حرجت ساره : منوو ها السخيف المتفيج الي يالس يلعوزني وشكت بواحد بعدين قالت لالا ما اظن طرشتله مسج ( منوو ؟ ) رد وطرشلها ( انسان يحبج ويهواج ومستحيل ينساج ) حرجت ساره صدق هالمره وبالغلط دقت ارسال بدال لاتسكر المسج جان يتصل عالشخص وهيه ماتدري جان مره وحده تسمع صوت هب غريب عليها صوت دايما تعودت تسمعه صوت كانت تذوب فيه صوت كانت تتمنى على طول تسمعه بس للأسف هو تسرع وهدم كل الي بينهم هيه كانت شاكه فيه بس ما اتوقعت انه قوي لهالدرجه عقب الجرح الي جرحها يطرشلها مسجات حب وخربطان ساره لا اراديا : انت ماتقلي شو تبا مني ؟ راسي ويبته والحين بعد تلعوزني ياخي خلني بحالي ترى والله بخبر سيف ومايد سلطان : ساره خليني افهمج ساره : اتفهمني شو ولا شو اتفهمني انك تحب وحده ثانيه اتفهمني انك لاعب لعبه اقلك ترى وربي تنفع ممثل اتعرف اتمثل عــدل سلطان : والله انتي فاهمه السالفه غلــط ساره : سلطان خلاااص ودرني فحالي والي يرحم والديك انت وايد تعذبني انت وايد تجرحني ، انت ليش جي ليش جي تسوي فيه قلي ليش تتعمد تعذبني ؟ سلطان : ساره افهميني خليني اشرحلج ساره : سامحني مابيني وبينك شي ، ولو سمحت انسى رقمي لاتعذبني زياده ( وتمت تصيح ) سلطان : وغلاة اغلى غالي عندج ماتنزلين دمعه وحده من عيونج دخيييلج ساره : ........ سلطان : ساره خلاااص ساره وهيه بعدها تصيح : سلطان اسمحلي انا تعبت خلاص مع السلامه ( وسكرت ) سلطان من سكرت عنه ساره وهو حاله هب طبيعي مضايج ويفكر ويحاتيها وراها امتحانات وانا الغبي جي سويت ابها الحين اشقايل افهمها اشقايل اوضحلها جان اي سيف سلطان : سيف بخبرك سالفه بس دخيلك لا تحرج عليه وابا نصيحتك لي ادري اني تسرعت سيف : قــوول شو ورانا نسمعك وكــــــــــــــــــــــــــــــــــــات __DEFINE_LIKE_SHARE__ |
|
| |
| |
|
12-23-2008, 02:35 AM
| رقم المشاركة : [ 228 ] | |
| عضو ماسي  | أويه حرام البارت قصير اهئ اهئ اهئ اهئ ..
المهم مشكووره ياحبوبه على البارت الرووعه . ونتريا التكمله بفارغ الصبر .. __DEFINE_LIKE_SHARE__ | |
| ||
| |
|
12-23-2008, 04:41 PM
| رقم المشاركة : [ 229 ] |
| عضو جديد  | يسلمو ع البارت الحلو بس قصير تقبلوا مروري نونو كيوت __DEFINE_LIKE_SHARE__ |
|
| |
| |
|
12-23-2008, 05:13 PM
| رقم المشاركة : [ 230 ] |
| عضو جديد | البـآأإرت روووووووووووووووووووووووووووووووووووووووووعه تسلميــن ختيه بس نتريـآ البارت الـ2 في اقرب وقت >< <~ اتشررط بعـِد خيخي __DEFINE_LIKE_SHARE__ |
|
| |
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 09:29 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227