| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
01-07-2009, 04:08 PM
| رقم المشاركة : [ 276 ] |
| عضو جديد  |  تسلمين ع البارت واتوقع الي ظهر لساره يا سلطان ولا مايد ولا سيف واحد من هاذيل ونتريا البارت باسرع وقت لاطولووون علينا والسموحهـ ع القصور __DEFINE_LIKE_SHARE__ |
|
| |
 |
|
01-08-2009, 02:18 PM
| رقم المشاركة : [ 277 ] |
| عضو جديد | روووووووووووووووووووووووعه
بلييييييييز كملي البااارت اليوم ^^ يسلموو حبـوبـه^^ __DEFINE_LIKE_SHARE__ |
|
| |
| |
|
01-08-2009, 02:20 PM
| رقم المشاركة : [ 278 ] |
| عضو جديد  | غرشووووب نبا بارت طويل شي اجازه ؟؟؟
__DEFINE_LIKE_SHARE__
|
|
| |
| |
|
01-08-2009, 04:29 PM
| رقم المشاركة : [ 279 ] |
| عضو جديد  | يسلمواااااااااااااا عل البارت النايس
والله إبداااااااااااع ما شاء الله __DEFINE_LIKE_SHARE__ |
|
| |
| |
|
01-08-2009, 08:22 PM
| رقم المشاركة : [ 280 ] | |
| عضو ماسي | سلام .. اسموحهـ عـ التأخير .. عـ بالي انه غرشووب راح ينزل بس الحبيب ساير مع ربعه رحله لي ((جزيرة روجن الألمانية)) جريبه من السويد تقريبا ..من يومين وباجر او عقبه راح يردلسكن الجامعه ... البارت الثاني والثلاثون نشت ساره من وقت لأنها كانت راقده من وقت فجافت البنات كلهم راقدين ظهرت ماحصلت حد تريقت وسارت تتمشى روحهاا سارت صوب الحيوانات تطالعهم وهيه سايره كـانت زايغه وتمشي شوي شوي جــاان مره تشوف ظــل وراها زاغت زيــااااده قلبـهاا تم يدق ويدق ويدق خايفه تصد وخايفه تكمل طريجهاا ويالسه تفكر انها خلاص راح تموت محد راح يروم يساعدهاا تمت على هالأفكـار الين ماتشجعت وصدت ويهـاا وانصدمــت ساره : مـــااايد ؟!!! مايد ابتسم : هيه مايد بلااج ؟ ساره : خرعتيني والله بغيت اموت من الزياغ شو تسوي ؟ مايد : بسم الله علييج ، ماشي كنت يالس هنيه شفت ظل حد لحقته اجوف منوو جفتج ساره : ايـواا مايد : زين شحالج شخبارج ؟ حتى ماقمتي تسولفين معاناا ساره : هههه الحمدالله بخير وانت شحالك ؟ مايد : اكييد بخير دامني اشوفج مرتاحه ساره ابتسمت مايد : ليش ناشه من وقت ؟ ساره : لأني رقدت من وقت مايد : ههههههههه زين وين البنات ؟ ساره : وينهم بعــد باخات رقــااد ولا بصوت واحد ورا مايد : شو تسوون هنيه ؟ فـ حجرة البنـات نشت ميره وهيه تعبـااانه تمت تدور ساره بعيونهاا ميره : وين سارت هـااي ؟ بدلت ميره وظهرت من الحجرة وسارت تتريق ميره : صبــااح الخير اليده موزه : صبــااح النور ميره : شحالج اليوم ؟ اليده موزه : الحمدالله بخير وشحالج انتي ؟ ميره : الحمدالله بخير ، امم يدوه منو واعي لين ألحين اليده موزه : مادري والله بس جفت مايد ميره : عيل ساروه وين ؟ اليده موزه : يمكن برع ميره : يمكن بسير اجوفهاا وبي ظهرت ميره تدور على ساره صوب ساره ومايد : شو تسوون هنيه ؟ ساره : سلطــاان ؟!! سلطـان : هيه سلطـان شو تسون هنيه ( وشكله كان محرج ) مايد : ماشي كنت اتمشى هنيه وساره بعد كانت سايره شفت ظل شخص لحقته عسب اجوف منوو سلطـان : مشالله ويلستوا تسولفون ساره تدافع عن روحهاا : ماسولفنــاا بس سألني شو تسوين هنيه و سألني عن الحال سلطـان : وانتي شو تسوين هالحزه هنيه ساره حرجت : يعني حرااام اتمشى روحي ؟ سلطـاان طالعهـاا بنظره جان تحرج وتسيــر عنهم وهيه صدق مغيييظه مايد : السموحه سلطـان بس صدق والله ماسولفنـا الي صار خبرنـاك سلطـان : زين انــاا رايح ( وسـار عنه ) ساره وهيه فالطريج سايره صوب الصاله جافتها ميره ميره : ســـااارووه ســـااارووه ساره سمعت صوت ميره جان توقف ميره ربعت إلهاا : انتي وينج ؟ ساره : سرت اتمشى ميره : انزين بلاااج محرجه ساره : اخوج السخييف ميره : بلاااه ؟ ولا جان يجوفون سلطـان يتقرب صوبهم ساره حرجت وربعت داخل ميره تمت تظحـك عليهاا سلطـان : بلااها شردت ؟ ميره : شو السالفه ؟ سلطأن : شو قالتلج هيه ؟ ميره : وييه اخــااف اقلك سلطـان حرج : قولي ميره وهيه تقلد صوت ساره : هههههههه اخوج السخيف هههههههههه افــاا يا اخوي ظهرت سخيف سلطــان : هييين انا السخييف هااه ميره : عاش عاش ماي براذور قلب عالكويتي بس خبرني شو السالفه سلطـان : مايخصج ( وكان بيسير بس ميره يودته ) ميره : قلي بسرعه وتمت تحن عليه إلين ماخبرها السالفه كلهاا ميره : انزين انت ليش محرج ؟ سلطان : اشقايل توقف مع واحد روحهاا ميره رفعت حياتهاا : لا والله عيل انت لما توقف معاهاا محد يقلك شي سلطـان : انــاا غييير ميره : ليش فوق راسك ريشه ولا ديايه ؟ سلطان : هب متفيج لطنازتج زيين ميره : جوف يا سلطـان ساره وانا اعرفها مستحيل توقف ويا واحد مني والدرب وبعدين مثل ما انت شفت ساره واقفه مع مايد حرجــت ولعنت خيرهاا اكييد لو حد يشوفك ويا ساره بيسوي جي واخس بعــد سلطـاان حرج : اقلج انــاا غير ميره حرجت اكثر : كييف فهمني سلطـان : ساره بتصير حرمتي جرييب ميره : بتصيير يعني لين الحين ماصارت والزواج قسمه ونصيب يمكن ساره ماتكون لـك يمكن تكون لغيرك سلطـان : فال الله ولا فالج انشالله هيه لي ميره : شوي شوي ع بنت عميي سلطـان اطالعها بنظره خلتها تسكت وماتكمل رمستهاا عقب حدر الصاله شاف ساره يالسه عند اليده موزه وسار صوبهم ويلس حذال اليده موزه بس الصوب الثاني اليده موزه : سلطــاان انت متى نشيت ؟ سلطـان : اصلا انــاا رقدت عسب انش اليده موزه : ليكون مواصل ؟ سلطــاان : هيه والله اليده موزه : اشعنــه بعد ؟ فيك شي ؟ سلطــاان : هيه يدوه فيني اشيا هب شي اليده موزه زاغت : بسم الله بلااك قلي سلطــاان : يدوه ترضين كلهم بيتزوجون الا انــاا هنيه ساره بغت تموت من الظحك بس يودت روحهاا اليده موزه : هههههههههههههههههههههه ألحيين انت تبى تتزوج ؟ فالبدايه اشتغل وكون نفسك بعديين سلطــاان : ها الي مصبرني اليده موزه : يالله اذن الظهر بسير اصلي وانت سير ريحلك ساعتين عالاقل سلطـان : انشالله سارت عنهم يدوه ساره بغت تشرد بس سلطـان يودها سلطـان : وين وين وين ؟ ساره : هههههههه بسير ادورلك وحده ههههههههه سلطـان : تطنزيين بعــد اتطمني هالوحده موجوده بس لو تعطيناا وييه ساره : شو تبى ؟ سلطان : شو كنتي تسوين ويا مايد ؟ ساره : افف ردييناا خبرتك سلطـان : ثاني مره مابشوفج واقفه ويااه ساره : بصفتك شو انشالله تأمرني سلطـان : ولد عمج ساره : مو على كيفك ( وشردت عنه ) سلطـان : براويج بعديــن والله بس لو تكونين حرمتي سيف : حوووو بلاااك تخربط سلطان انصدم : سيــف ؟ سيف : لا حمده ههههههههههههه سلطـان : سخيييف متى نشيت سيف : من شوي ، رقدت ؟ سلطـان : لا بسير اصلي وارقد سيف : شــااطر مشالله علييك سلطـان : ادري عقب سار سلطـان وصلى الظهر عقب رقـد اما الباقين كلهم نشواا وعالساعه 1 ونص تغدوا بعدين الريايل والحريم ساروا برع يلسوا برع وتموا يرمسون عن موضوع اما الشباب ساروا للحوض يسبحون والبنـات يسلوا يطالعونهم ويعلقون عليهم عقب سيف اقترح عليهم يتسابقون ( مايد ، سلطـان ، عبدالله ، سيف ، خميس ) قالوا بيتسابقون اما الباقي بيكتفون بالتشجيع كانوا مخلين راشد الحكم اول مابدوا تموا يصارخون ويشجعون وحااله اول واحد وصل لنهاية الحوض كـان سلطـان يعني هو الفايز الأول وإلي عقبه كان سيف يعني هو الفايز الثاني عــااد سيف يلس يخق عليهم وحااله سلطـان : جب جب يلاا انـا الاول سيف : وييييه بدى يغايض سلطان : والله انت من الصبح تخق انك الثاني خلني انا بعد اخق اني الاول الكل : هههههههههههههههههههههههههه ميره ربعت ولوت على اخوها ميره : فديتــــــــك والله سلطان يسوي روحه انه بيطيح فالحوض جان تودره ميره ومره وحده طـــــــــرآآآآآآآخ <~ يعني طاح فالحوض كلهم انصدموا يلسوا يطالعون تحروه يتمصخر بس استغربوا انه طول شوي سيف زااغ على ربيعه جان ينزل للحوض وظهر سلطـان سيف : لحقواا عليه ماعرف بلااه فـ هاللحظه قلب ساره تم يرقع من الخوف على سلطـان ماتدري تسير تشوفه ولا توقف مكانهاا كلهم ربعوا صوب سلطـان الا ساره إلي كانت ضايعه بين افكارهااا صوب سلطـان خميس : شو صاابه هااه ؟ ميره : سلطـان سلطـان نــش والله بموت بدونك سيف : ليش تحلفييين زيين ؟ ميره : انت متفيج اخوي مادري بلااه يالس تعلق سيف : طاعي ويهج سيري سيري ، وين ساروه ؟ اول ما سيف قال وين ساروه كلهم صدوا صوب ساره الي كانت واقفه وشوي وبتصييح خميس : هههههه بلاااهاا بنت عموو ؟ ميره عرفت بحاله ساره ربعت صوبهاا ولوت علييها وتمت ترمسها ويلسوا يصيحوون ظبيه : زيين ودوا سلطـان الدختر سلطان مارام يستحمل اكثر تم يظحـــــــك ومره وحده وبالصوت عالي الكل انصدم ماعدا سيف طبعااا لأنهم مخططين لهـالشي ميره : سخــــااافه والله نحن شوي وبنموت من الزيااغ يالسين يستهبلون علينــاا سيف : هههههههههههههههه والله اشكالكم تظحــك سلطــان : كسرتوا خاطري عقب تموا جي سوالف وظحك ومقالب صوب الحريم والريايل اليده موزه : خلاص نحن اليوم نرد محمد : بس امايه اليده موزه : لا بس ولا شيـااته سمعي يا مريم يا بنتي نحن اليوم نرد البيت و نسير بيت سالم باجر ونخطبها رسمي ام عبدالله : حيــااكم والله خميس ريال مشالله عليه وماراح نلاقي واحد شراته بو عبدالله : بس انشالله البنت توافق ام عبدالله : بتوافق انشالله بتوافق هيه وين بتلاقي مثل خميس ريال والنعم فيه مريم : تسلمين فديتج انشالله باجر انييكم ونخطب رسمي ام عبدالله : حياكم الله بأي وقت البيت بيتكم اليده موزه : مو تغصبون البنت ترى الزواج قسمه ونصيب ام عبدالله : هيه اكيــدد اهم شي رايهاا ترى هاي حياتها وهيه الي بتعيشهااا اليده موزه : هيه نعم ظبيه مانباها تعرف ألحين ام عبدالله : هيه عقولتهم كل شي فـ وقته حلوو عقب ماقرروا كل شي خبروا العيال انهم بيردون اليوم الكل احتج وسووا مظاهرات بس ماشي فايده جهزوا كل اغراضهم وتموا يساعدونهم عقب عالساعه 7 المغرب تحركواا و كل واحد توجه لبيته وعقب ساعه ونص وصلوا ومر هاليوم بسرعه وبدون لا الشباب ولا البنات يعارفون شي عن الي قاعد يصير فاليوم الثاني فـ بيت سالم ام عبدالله مع بو عبدالله كانوا يالسين يسولفون جان ايهم عبدالله عبدالله : صبــآآح الخير الكل : صبـآآح النور عبدالله : ها شو عندكم اجتماع مغلق ؟ سالم : ييت فـ وقتك عبدالله : آمر أبويه تامر بشي ؟ سالم : هيه فديتك ام عبدالله : سـالم لا تستعيل عبدالله : وابويه ليكون خطبتولي من ورااي الكل : هههههههههههههههههههه ام عبدالله : لو حاط عينك ع وحده قول وفالك طيب عبدالله : لا وين بعدي سالم : وين بعدك بتشيب وانت لين الحين ماعرست المهم خلنا من هالسالفه اختك ظبيه عبدالله قاطعه : بلاااهااا ؟!! سالم : اتريا خلني اكمل وبعديين مابا هالرمسه حد يدريبهاا عبدالله : انشالله سالم : خميس متقدم إلهاا عبدالله انصدم : شووو !! متى وكيف ؟ ام عبدالله : شو الي كيف ومتى خبطها بعد كيف سالم : هم يمكن اليوم ايون ويتقدمون إلهـاا رسمي عبدالله : انزين متى خبروكم ؟ سالم : من كمن يوم والبارحه قرروا كل شي عبدالله : عسب جي ردينا قبل الموعد ؟ ام عبدالله : ههههه هيه هيه عبدالله : زين سالم : نحن خبرناك لانك البجر ولأن ظبيه تحترمك وتسمع رمستك جوف ياولدي ظبيه الي مرت فيه هب شويه ونحن خايفين نخبرها انه خميس تقدم إلها لا تسوي شي بروحها ولا تذكر يمعه الله يرحمه عبدالله تم ساكت ويسمع ام عبدالله : هيه ياولدي نباك اليوم ترمسها وتقنعهاا خميس مشالله عليه ريال والنعهم فيه واختك مايصير اتم جي طول عمرهاا عبدالله تم ساكت ومحتار مايعرف شو يسوي هو متأكد ان ظبيه ماراح ترضى سالم : ها ياولدي ليش سكت ؟ عبدالله : والله شي صعـب بس بحاول وجان يطب عليهم سعيد سعيد : احم احم نحن هنــاا شو عندكم اجتماع مغلق ؟ ام عبدالله : الناس يسلمون بالاول سعيد : السموحه فديتج ( ويحبها فوق راسها ) شحالج غلاي عساج مرتاحه ؟ سالم : سعيد اصطلب سعيد : وابويه الشيبه يغــااار سالم : الشيبه اخوك إلي هب راضي يعرس عبدالله : وييه جلب علييه سعيد : ههههههههه صدقك ابويه يلا عبود عرس وفكني خلني انا بعـد اعرس سالم : ياحبك لـ طاري العرس انت بالأول خلص دراستك سعيد : دراسه ودراسه ودراسه مليت انــاا ظبيه : ياعيني الي يسمعك يقول وحليله مقطع الكتب من الدراسه ، صبــااح الخير جميعاا الكل : صبــآآح النور سعيد : اففف وصلت ام الشعر والليف ظبيه : والله شعري ناعم زيين سعيد : انتي ليش واعيه سيري رقدي يارب متى بفتك منج ظبيه : شو يالسه على قلبك انـــاا سعيد : وييه بسم الله عقلبي انتي تيلسين فيه ياللهول ياحييه يموع افتك منج ظبيه انصدمت من رمسته وحطت فخاطرها وكانت بتصيح بس يودت روحهاا : الله يرحمه ، وهذا قضاء وقدر ، وإلي الله كاتبه يصير ويمعه ما مات يمعه حي بقلبي ( وسارت عنهم وعيونها تذرف دموع ) ام عبدالله : انت ماترووم تسكت شو هالرمسه بعـد ؟ سالم : عييب عليك هاي اختك العوده وبعدين هاي رمسه تقولهاا سعيد : كنت امزح والله عبدالله حرج : جي يمزحوون ألحيين سعيد حرج : ظبيه و ظبيه وظبيه وانا وين سرت حتى ماتعبروني ماتدرون اذا انا حي ولا ميت ( وظهر من البيت وهو محرج عالآخر ) صوب ظبيه اول ماوصلت حجرتهاا عقت روحها عالشبريه واطلقت العنان لدموعهاا إلي مارامت تسيطر عليها اكثر ويلست تظهر كل الي فـ خاطرهااا عبدالله مارام يستحمل هو اكثر واحد كان داري بحاله ظبيه عقب وفاة يمعه سار صوبها دق باب حجرتها بس شكلها ما انتبهت بطل الباب وحدر شكلها نست تقفل الباب سار صوبها كان متوقع انها تصييح حظنهاا ويلس يخفف عنهااا عبدالله : خلاص فديتج ها ياهل ماتعرفيين يعني ظبيه تكمل صيااح عبدالله : بس عاد ظبوي عن الدلع ترى بصيح معااج ظبيه هنيه ابتسمت لعبدالله الي مسح دموعهااا عبدالله : افــاا عليج هزبنااه هزااب لدرجه انه خربط رمسه وظهر من البيت محرج ظبيه : سعيد محتاج إلنــاا بهالطريقه بينحرف انتو هب معبرينه هب مسوين له سالفه هو يحاول يثبت وجوده عبدالله : هيه لاحظت هالشي لأن قبل لا يظهر قال ظبيه و ظبيه وظبيه وانا وين سرت حتى ماتعبروني ماتدرون اذا انا حي ولا ميت ظبيه : صدقه بالفتره إلي طافت كله تهتمون فيه وهو مسويله طــااف عبدالله : شو نسوي عذبتينا بحبج ظبيه ابتسمت لأخوهااا عبدالله : هيه جي ابااج خلج دووم جي ظبيه ضربت عبدالله عصدره بالخفيف : وانت يالشيبه متى ناوي تعرس عبدالله : انا لله وإنا إليه راجعون بنتحر انااا بلاكم علييه بعدي بعدي ظبيه : اييه شو تنتحر شو تخربط نحن نبااك ( وغمزت له ) عبدالله : ههههههههههه حركاات والله عقب تموا يسولفون فـ العين تحديدا فـ بيت مريم كانت مريم يالسه تحت هيه وفاطمه وخبرتها عن سالفه الخطبه فالطمه فالبدايه انصدمت بعدين خذت السالفه عادي كانت واايد خايفه على ردة فعل ظبيه لما تعرف وقرروا اليوم العصر الساعه 4 ونص يسيرون بيت محمد عسب ياخذون محمد واليده موزه وعقب يسيرون لـ بيت سالم ويخطبون ظبيه رسمي فاطمه سارت ووعت خميس من الرقااد فاطمه : ها يالمعرس اليوم بيخطبولك خميس : هيه امايه البارحه خبرتني صدمتني والله واخيرا فاطمه : افــاا بتعرس وتودرني خميس : شرى ماعرستي وودرتيني فاطمه : ههههههههههههههههههه خميس : تدرين بنخلي الملجه وعقبها بـ اسبوع العرس فاطمه : اوييه واايد مستعيل انت خميس : احبـهاا احبــهاا فاطمه ادزه عالخفبف : اصطلـــب وتموا يظحكون ويسولفون وخبرته ان الساعه 4 ونص لازم يكونون فـ دبي وقالت له عن كل شي خميس كـان صدق صدق مستـــااانس من خااطر وفـاطمه خبرت ميثه ومايد وفرحوله وااايد فـ بيت محمد ساره كانت توها نازله راشد وسيف وسلطان يالسين عند يدتهم موزه وطبعـا خبرتهم عن خميس وظبيه سيف : صبــاح الليل ساره : صبـاح الصبح ، شحالج يدوه ؟ اليده موزه : بخير فديتج وانتي شو هي اخبارج ؟ ساره : والله ماشي اخبـاار راشد : يعني نحن مالناا رب ؟ ساره : اووه نسيتكم ، شحالكم ؟ سيف + سلطأن + راشد : بخييير ساره : حالن مدييم ، شو السالفه اليوم مجتمعيين وناشين من وقت ( واطالعت سيف ) سيف : كيفنـا كيفنـاا ساره : ههههههههه زين كلتني ( وصدت صوب راشد ) رشود حبيبي راشد : رشود اصغر عيالج ؟ ساره : انا آسفــه بس ادلعك ياخي سيف : سلطان جوف ها اسلوب من اساليب ساروه التقردينيه ساره : جب جب انت قول انك تغاار سيف : هههههه قولي قولي شو تبين من رشوود ساره : مايخصك انت راشد : رشود رشود ربيعكم فـ الروضه انــاا ؟ ساره : السموحه شيخي فديت خشمك انــاا سيف : لااااا اليوم ساره هب طبيعيه سلطـان : ياخي الحاجه واعمالهاا ساره : هاهاها مايظحك زيين راشد : ساروه خلصيني وقولي إلي تبينه ساره : ابـــااا اظهر اليوم سيف : ياحبج للطلعاات راشد : انشالله الشيخه وين تبين تسيرين ؟ ساره : امممممممممم والله اي مكان بتوديني انا راضيه راشد : زيين بس باجر ساره : ليش هب اليوم ؟ سيف : ويييه ماتدري ؟ راشد : اسكت انت اسكت ساره : لاا والله شو صاير ماتبون تخبروني ؟ اليده موزه : اليوم نحن سايرين نخطب خميس لظبيه ساره انصدمت : شـــــووووووو سيف : إلي سمعتييه ، عقبال الشيبه الي يالس جذالي سلطـان : الله يسمع منك والله انا تعبت نفسيا الكل : هههههههههههههههههههههههههههههههه راشد : ياخي ليش متعب روحك انزين رمس امك سلطان : ياخي رمستهااا تقلي اشتغل بعدين فكـرر سيف : وييه شو صار عن مشروعنااا سلطـان : بعدين برمسك عنه ساره : اوب مشاريع من وراانااا سلطـان : عيل تتحدين انتي بس ؟ ساره : ههههاااي لاا سيف : يدوه متى بتحدوون عرسي لااه اليده موزه : اشتغل انت بعديين فكر نحن زين منا خليناك تملج ترمس بعـد سيف : آآه ويا هالشغل سلطـان : خلاص قريب انشالله وتموا يسولفون ومر الوقت وسارت الساعه 5 وكلهم اتيمعوا فـ بيت سالم وطبعـا البنات ساروا لـ ظبيه بس محد تجرأ يرمس لما ظبيه قالت ظبيه : شو السالفه اليوم كلهم يايناا انشالله دووم هنيه الكل توهق ماعرف شو يقول بس ساره انقذتهم ساره : شو يعني ماتبيني انيي يلا خلاص انا سايره ظبيه : لا والله هب جي بس مستغربه ساره : عادي واااالله لا تخليني ازعل واسير بيتنا وما ايكم مره ثانيه ظبيه : ههه فديت خشمج انــاا طبعـاا يلسوا البنات سوالف عن الموضه وسوالف المدرسه والنتايج عقب كل حد رد لبيته فـ بيت سالم ام عبدالله وبو عبدالله زقروا ظبيه وهيه كانت مستغربه وتفكر يعني شو السالفه شو صاير اول شي كلهم كانوا يايين بيتناا غير العاده واول ماساروا قوم ابويه يزقروني بلاني خـايفه عادي يعني شو بيصير لالالا انا حاسه انه في شي وتمت تفكـر والافكار تيبهاا وتوديهاا لين ما تذكرت ان امها وابوها يبونهاا نزلت تحت جافتهم متوترين وتم قلبها يرقع كل ماتتقرب إلهم يرقع زيااده طبعا من الخوف ظبيه بتوتر واااضح : زقرتوني ؟ بو عبدالله : هيه يابنتي يلسي يلست ظبيه جريب امها وابوها وهيه موول هب مطمنه بو عبدالله بدى : يا بنتي با ظبيه انتي كبرتي وسرتي حرمه عوده يعني هب لازم نقلج وين مصلحتج ام عبدالله كملت : هيه فديتج ويمعه مثل ماتعرفين الله خذ روحه وهو بس جسده اختفى عناا اما هو حي بقلوبناا ( هنيه ظبيه دمعت وزااد توتر امهاا ) ياظبيه هاي هب نهايه العالم ولازم تعيشين حياتج وتكملين حياتج عادي بو عبدالله يكمل : هيه فديتج اليوم واحد مشالله عليه ادب واخلاق وكل شي اوكي ريال والنعم فيه مايتعوض اتقدم لـج هنيه ظبيــه صدق صدق انصدمت موول ماكانت متوقعه هالشي كانت تبى ترمس بس ابوهاا قاطعهاا بوعبدالله : فديتج انتي عارفه مصلحتج نحن مانبى نجبرج على شي بس مايصير اتمين جي طول عمرج لا ترمسين ألحيين وتقررين انتي فكري عدل واعرفي ان نحن ماراح نجبرج على شي هنيه نشت ظبيه ومارامت تستحمل اكثر مستحييل تخون حب حياتهاا تخون يمعه إلي عمره ماخانهاا يمعه إلي ودرهاا سارت حجرتها وتمت تصيح وتصاارخ : لييييييييش ليش ودرتني ليييييش عبدالله سمع هالجمله وشفق ع حال اخته وقال لازم يرمسها مايصيير جي تم يدق الباب بس ماشي فايده هالمره ظبيه قافله الباب تم يحاول ويحاول إلين ما يأس قــاال عقب بيمر وبيحاول يرمسها بس طول اليوم تمت حابسه روحها فالحجرة وتظهر كل الي فـ خاطرهااا ومب معطيه مجال لـ حد مر هاليوم وكان يوم مب اوكي بالنسبه لـ خميس اما للباقين كان يوم عجيــب فاليوم الثاني نش عبدالله من وقت وهالمره قال مابيتحرك إلا لما يرمس ظبيه بالأول كانت رافضه تفتح الباب لما شافته جي مصر بطلت الباب وهيه منهاااره عبدالله يلس يرمسهاا وحاول يقنعهاا وهيه مب قادره توقف سيل دموعهاا عبدالله : خلاص ظبوي والله قطعتي قلبي ظبيه تكمل صياحهاا عبدالله : زيين هاي الحياه شو بتسوين يعني ؟ ظبيه صارخت : مـــااابيييييه مــــااابييييه مابا اعرس ماااابااااا انا احب يمعه وبـــس ابااا يمعــــه ويلست تصييييييييييح بهستيريه وتصاارخ عبدالله كان منصدم من حالة اخته مايعرف كيف يهديهاا بس الي سوااه حضنهاا وتم يمسح على شعرهااا إلين ماحست بالأمان ورقــدت استاانس لأنهاا رقدت ظهر من الحجرة وهو محتــاار كيف يخليها توافق الكل مشجع الفكره ومستانس عليها ماعدى ظبيه آآه ياظبيه عانيتي واايد ياختييه الله يكون فـ عونج وفـ عوناا وهو ساير جاف ابوه عبدالله : صبـآح الخير بو عبدالله : صبــآآح النور ، جفت اختك عبدالله : هيه من شوي كنت عندهاا بو عبدالله : شحالهاا ؟ عبدالله : آآه من حالهاا وحليلهاا والله يالسه تصييح بس ألحيين رقدت بو عبدالله : تؤتؤتؤتؤ يا ولدي حـااول معاهاا حــااول ترى خميس ريال والنعم فيه عبدالله : ادري يابويه ادري لا تقلي بو عبدالله : يالله عيل انا بسير كنت ياي اتطمن عليهاا عبدالله : الله معـااك عقب سار بوعبدالله وعبدالله تريق وسار لدوامه صوب ساره الي كانت يالسه ترمس بالتلفون مع ميره ساره : انـاا يمكن اسيرلها اليوم ميره : تتوقعين بترفض ولا بترضى ساره : ماعرف والله ميره : اقلــج اليوم لااازم انسيرلهااا ساره : هيه اكييد بتين معاي ؟ ميره : هيه اكيييد ساره : اوكي عيل العصر عالساعه 5 جي بنسير ميره : اوكيك قلبـوو ( جان تسمع دق عالباب ) ساروه ويت ويت ساره : اوكيك خذي راحتج سارت ميره وبطلت الباب سلطــان : ابـا اعرف انتي شو تسوين ؟ ميره : اغــااازل يعني شو اسوي سلطـان : هيه قصـورج اونه تغــاازل ( وشل تلفونهاا ) ترمسين منوو انتي ؟ ميره : هاات تلفوني مايخصك ارمس منوو سلطــان : زين لا تقولين وانا باخذ تلفونج ومابعطيج اياه ميره : سلطــووون عن الحركات البنت تتريا عالخط سلطـان : منو هاي ؟ ميره : افففففف ربيعتي سلطـان : زين ماعندها اسم ميره : اممم اسمها ميثا سلطــان : ألــوو هلا ميثاني ساره : ........ ميره : اييه هات التلفون سلطـان : ميثوووه ميره : سلطـــووووون سلطـان : اذا ماردت ربيعتج راح اشل الفون ميره توهقت : عن الحركات عيب عليك سلطـان : لو هيه بنيه خل ترد بسرعه مابرمسها بس بسمع صوتهاا ميره : اوكي عطني التلفون بخليها ترمسك سلطـان : يودي شلت ميره التلفون : أقلج ميثه ارمسج بعـد شوي (وسكرت التلفون ) سلطـان انصدم : لااا والله ميره : شو هالعبط شو تبى ترمس البنت استح ع ويهك ياخي ترى والله اخبر ابويه سلطـان : انا الي بخبر ابويه عيل ليش مارمست يعني بغازلهاا اعترفي كنتي ترمسين منوو ليكون وااحد ميره انصدمت زيااده : شو انت ينييت بتشك فييه سلطـان : والله من حركااتج ميره : اوكي عسب تتأكد يود تلفوني واتصل دش المكالمات واتصل ابهاا شل سلطـان التلفون واتصل وردت ساره ساره : شو سار ؟ سلطـان استانس يوم سمع صوت ساره : شو تبين الفكه مني يالس ع جبدج انــاا ساره : انت شو تسوي بـ توأميه حرام عليك سلطـان : كيفي اختي وانتي لا ترمسيين زين قالوا ميثه اوونه ميره سحبت عنه التلفون : ساروه ارمسج عقب دقايق بااي ، تأكدت ألحييين هااي ساروه سلطأن : وهيه تجذبين عليه ؟ ميره : عسب ماترمسهاا سلطـان : فديتج والله زعلتي حقج علييه ميره : خـوز خـوز عني آخر شي توقعته منك تشك فييه سلطـان : حركاتج جي اثبتت لي ميره :...... سلطـان : خلاص عااد شو تبيني اسوي عسب اراضيج ؟ ميره : ...... سلطــاان : ميروووه وغلاتي عندج ميره : امممممممم زين اليوم ودناا بيت عمي سالم سلطـان : ودنــاا ؟!!! ميره : انـاا وساروه سلطـان : من عيووني ميره : لازم لان الشيخه ساره بتي معااي سلطـان : ههههههههه فديتج والله وحقج علي لا تزعليين السموحه سستروو ميره : مسموح فكني ألحييين ابا ارمسهاا سلطـان : شيـــت طردتني يلا بسير بااي ميره : هههههه لا تنسى الساعه 4 ونص تودينا بااي ظهر سلطـان من الحجرة ونزل تحت وسار يلس حذال امه وابوه و احمد وحصه كانوا يالسين سلطـان : جيف حالكم ؟ الكل : والله بخير ومن صوبك سلطـان : ترتوووب ، ابويه خاطريه اسافر شرايك جي تزهبلنا سفره طراريه حميد : امممم والله فكره حلوه بس وين حابين تسيرون ؟ احمد : فيناا سلطـان : نعم نعم ليش راز فيسك انت ما اتيي احمد : جب يلا جب لو بتسافرون انا اول واحد اركب الطياره سلطـان : عيل هونت مابا اسافر الكل : ههههههههههههههههههههههههههه حميد : انشالله برمس محمد اجوفه بي وباخذ رايه وبخبركم جرييب سلطـان : نتريااك عيل ، اووه حصيص انتي يالسه ؟ احمد : حصيص فـ عينك اسمها الشيخه حصه ، لا واقفه شو رايك حصه : ههههههههههههههههههههه سلطـان : اوونه مايرضي زين زين اعصابك ويا كرشتهاا متى بتربيي ؟ حصه : هههه الله يعيين حرمتك بتقطعها لما بتحمل سلطـان : احم فديت حرمتي لالا حرمتي غيير غيير احمد : اماايه تدرين ان سلطـان معرس ام احمد : يسوييهاا حشرني بطاري العرس حميد : بالأول يشتغل ويعتمد على روحه بتعديين يصير خير سلطـان : اشتغل اشتغل اشتغل يابويه تعقدت خلاص بشتغل فـ شركتك عسب اعرس حميد : هههههههههههههههههههه شو نسوي بعـد احمد : زيين انت اشتغل ألحيين فـ شركتناا بعديين كون نفسك وابدوا مشروعكم انت وسيف حميد : صدقه احمد بعدين ابدوا بمشروعكم بس هب تنافسوناا سلطـان : ولووو انتو الخير والبركه وتموا يرمسون عن الشركه والمشروع صوب عبدالله ترخص بسرعه لأنه كان خايف على ظبيه قال بيسير يتطمن عليها ويشوفهاا رد البيت جاف امه وسعييد وعرف ان سعيد مستاانس لأن ظبيه انخطبت ع قولته بيفتك منهاا عقب سـأل عن ظبيه وقالوله بعدها راقده سار صوبها شافهاا حاضنه روحهاا وراقده سار وعدل وضعيتهاا ولحفهاا وظهر جــان مره وحده يسمع صوت صيــااح ظبيه ربع صوبهاا ظبيه : عبدالله يمعــه يمعــه عبدالله : بلاااه يمعه ظبيه انهارت ويلست تصيــح بهستيريه عبدالله : ظبيه بلااج رمسي ظبيه وهيه ميته من الصياح : يـ.....ـمـ.......ـعـ.......ـه كـــــــاات يتبع __DEFINE_LIKE_SHARE__ | |
| ||
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 08:03 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227