ليشّ تتعّمـد تعّـذبنّي ؟..}~* .. - الصفحة 46

~~" ما ينحنيـ راسيـ "~~ · #1 12-23-2008, 05:40 PM

اويه

حرام ليش جيه يستوي حق ساروه __DEFINE_LIKE_SHARE__

شيطــونة بــٍس مزيــون ـــه · 12-24-2008, 12:07 PM

يسلمو على البارت الغاوي __DEFINE_LIKE_SHARE__

مزيون راك · 12-24-2008, 01:48 PM

ياعيني ع البارت الطررر

تسلم غرشوب __DEFINE_LIKE_SHARE__

Grshoob Albdoo · 12-25-2008, 12:35 PM

البارت السادس والعشريــن

سلطان : سيف بخبرك سالفه بس دخيلك لا تحرج عليه وابا نصيحتك لي ادري اني تسرعت
سيف : قــوول شو ورانا نسمعك

سلطان : آآآآه يا سيف انــاا تعبت
سيف : من شوو بعــد المرض وظهر انك بخير وعافيه
سلطان : الحــب يا سيف الحــب
سيف : هييه صح تعال ساروه خبرتني انك كنت بتيب راسها ومادري شوو ؟ صدق هالرمسه ؟
سلطان : هيه انا خبرتها جييه ، اسمع الحين بقلك السالفه كلها
سيف : تفضــل
تم سلطان يقول السالفه لسيف لما خلص
سيف : بصرااحه يبالك كــف محترم يخلي عقلك يرد مكانه
الحين عسب مرض ودرت حبك وخليتها تتعذب ؟!
لا وآخر شي بعد المرض يظهر اوهام هب صدق
بصراحه يا سلطان انت وااايد تسرعت
سلطان : ادري بس الحين خلاص انا اباهاا شو اسوي
سيف : اتريا لين ما نرد البلاد ويصير خيــر انشالله
سلطان : بتساعدني انها ترد لي ؟
سيف : انشالله

فـ الشارجه
تحديدا صوب بيت قوم هزاع
كانوا هزاع + عبدالرحمن يالسين ويا امهم ويسولفون
ام هزاع : متى ازوجكم وافتك منكم
عبدالرحمن : خيييبه لهالدرجه نحن يالسين ع جبدج
هزاع : وحليلي انا ماتشوفوني الا فالسنه مرتين ولا ثلاث
ام هزاع : كل واحد منكم صار ريال اطول عني ولين الحين ماتفكرون فالزواج يا عيالي ابا اشوف عيالكم قبل لا اموت
عبدالرحمن + هزاع : بعيــد الشر فديتج
هزاع : انزيــن شرايج امييه تخطبيلي
ام هزاع استانست : صــدق وفديييت ولدي ، في حد فبالك ولا انا اختارلك
عبدالرحمن : دام انه قالج يبا يخطب اكيد في حد فباله
هزاع : هههههه هيه اماايه ابا شيخه اخت عمي محمد
ام هزاع : هااي الساعه المباركه ، مشالله عليها شيخه بنت ناس وماعليها اي رمسه
عبدالرحمن : في سوال دومه فبالي اشعنه ماتزوجت لين الحين ؟
هزاع : وانت اشلك ؟ مشكله اللقافه ياخي
ام هزاع : ههههههههه انزين انا باجر العصر انشالله بسير اخطبها لك
هزاع : انشالله
عبدالرحمن : منوو قدك بتصير معرس
ام هزاع : عن تحسده لين الحين مارمسناهم
عبدالرحمن : هههههه الله يتمم على خير

فـ دبي دار الحي
كانن ظبيه وساره فبيت قوم ميره
متيمعات هناك يذاكرن ويا بعض
ظبيه : اففف تعبت خلاص مابكمل
ميره : عن الدلع يلا كملوا
ساره : اصلا ولا معلومه راضيه تحدر مخي
ميره : هيه انتن مانبا دلع يالله هانت مابقى شي الا هالامتحانات ووداعا للسكول للابد
ظبيه : هيه والله للابد
ساره : آآآه
ظبيه + ميره : بلاااج ؟
ميره : شكلها تولهت عالبنات الي تقردنهم
ساره : ههههههه الله يخسكن لا مب جي بس تعبت خلاص
ظبيه : اصلا انا بسير بعد شوي عبود بيمر ياخذني
ساره اطالعت ميره وغمزتلها
ظبيه لاحظت : هااه شو عندكم ؟
ميره قفطـــــت
ساره تمت تظحك
ميره : جب جب ويا هالمايد مالج
سكتت ساره وحجرت
ساره : جــــب انزيين
ظبيه : هدوا هدوا بلاكن بسم الله
ساره : خلها تسكت عني الي فيني يكفيني
ظبيه : اويه شو صار ابكم تونا شحلاتنا نسولف ونظحك
ميره : قوليلها هيه
ساره : انا المينونه الي يتكم ، انا ساير بااي
وشلت كتابها ولبست شيلتها وسارت
ظبيه : ميره شو هااه بعد شو انتوا ياهال
ميره : كنت اتمصخر معاهاا
ظبيه : صدق انكم يااهاال ، يلا انا بسير اكيد عبدالله يا مبايلي يرن
ميره : اوكي
وسلموا عـ بعض عقب سارت ظبيه
سارت ميره ويودت فونها وتمت تتصل ع فون ساره بس ماشي فايده هب طايعه ترد عليها
ميره : آآآه خلاص باجر بسيرلها البيت مايصير اسير الحين الساعه 9 المساا
عبيد : ههههههههههههههههههه عموو ينت ترمس روحها
ميره : ههههههههههه ويا راسك انت واقف ؟
عبيد : لا يالس يعني ماتشوفيني
ميره : لسانك اطول عنك ، وين سلطون والله اتولهت عليه
عبيد : هيه هيه اتصلي بـ عمي ابا ارمسه
ميره : يلا تعاالي بتصل فيه
اتصلت ميره بسلطان ورد عليها
بالاول سلموا وخبرها ان مافيه شي وعن الدكتور المخرف استااانست واااايد وخبرت سلطان عن الي صار وياها هيه وساره وسلطان خبرها ان هو حاول يرمسها بس هيه ماعطته فرصه وعقب عبيد رمس سلطان شوي وسكروا

مر اليوم بسرعه بدون لا حد يحس فيه
فاليوم الثاني يوم الاحد

عالعصريه الساعه 5 طبعا عقب ما ام هزاع اتصلت فـ عوشه ورمست موزه وقالوا لهم انهم بيون ,,
يت ام هزاع وبو هزاع وهزاع وعبدالرحمن
طبعا الحريم يلسوا فالصاله والريايل فالميلس
وعقب السوالف فتحت ام هزاع السالفه ورمست وخبرت موزه انها يايه تخطب بنتها لولدها هزاع
اليده موزه : والله هاي الساعه المباركه وهزاع مشالله عليه ريال ماينعاب بس هاي الجهنمن لو مايسيرلها
ام هزاع : ههههههههههه صدقج والله جهنم
اليده موزه : انشالله بنرمس البنت وبنرد عليكم خبر باسرع وقت
ام هزاع : مشكوره والله هب مقصره بس لو سمحتي بسرعه لان ولدي مستعييل
اليده موزه : اشعنه مستعيــل بعد هــــااه
ام هزاع : ههههههه اتعرفين الشباب بعد
اليده موزه : هيه هيه
وعقب تموا يسولفون شوي وترخصوا قوم هزاع وردوا الشارجه
محمد : امييه رمستج ام هزاع عن الخطبه ؟
اليده موزه : هيه شرايك ياولدي
محمد : والله هزاع ريال والنعم فيه بس شيخه بتوافق ؟
اليده موزه : انشالله ليش ماتوافق بعـد ، ازقروها لي
سار محمد وزقر شيخه ورمسوها بالاول انصدمت من الرمسه
شيخه : اصلا منو قالكم اني بعرس ؟
اليده موزه : يعني بتيلسين جي عـ جبدي يابنتي عنستي والزواج هب لعبه هي ولا الزواج عشره عمر فكري
شيخه : مـــاابااا انا قايلتلكم مابا اعرس
محمد : انزين عطينا سبب يقنعناا
شيخه : جــي ماشي اسباب
محمد : معقوله يعني ماشي اسباب !!
شيخه : هيه
اليده موزه : فكري عــدل الولد مستعيل
شيخه صارخت : ماابااه مااباااه وربعت حجرتهاا
محمد : الله يهديها بس البنت تعقدت عقب هذيك السالفه
ساره حدرت عليهم
ساره : شو السالفه ؟
محمد : اي سالفه ؟
ساره : اشعنه تصارخون وعمو شيخه تربع وهيه تصيح ؟
اليده موزه : هزاع طالب يد شيخه وهيه هب موافقه
ساره : ليش ؟
محمد : بلاج اتحققين بس جي ماتباا
ساره : السموحه ماكان قصدي
اليده موزه : ماعليج فديتج
ساره : راشد وين ؟
محمد : كان فالميلس
ساره : اوكي بسير اشوفه
سارت ساره صوب الميلس وحصلته يرمس بالتلفون اول ماوصلت سكر راشد التلفون
راشد : نعــم
ساره : نعم الله عليك ، اقلك دريت عن سالفه خطوبه عموو
راشد : هيه
ساره : ابا اعرف شو السالفه الي عمتي متعقده منها
ملامح راشد اتغيرت
ساره : انت تعارف شي ؟
راشد : هــــااه
ساره : لو تعرف خبرناا لانت جييه لازم نعرف كل شي
راشد : بخبرج بس هاي السالفه سر بيني وبينج محد يعارفها وسالفه جديمه
ساره : قــوول ، سرك فبير
راشد : الله يسلمج قبل واحد تقدم لعموو كان اسمه حمدان كان يحبها وهيه تموت فيه مادري شو الي صار بينهم وعقب الملجه باسبوع الولد اختفى موول ماقمنا نشوفه ولا قام يتصل ولا ايينا من هاليوم وعمتج زايغه الي صار يرد ويصير مره ثانيه عسب جي شاله فكره الزواج نهائيا

ساره : اويييييه انزين ماسألتوا عن حمدان ؟
راشد : سألنا عنه قالوا انه سافر ظروف شغله سالفه يعني
ساره : والله ها هب رياال الريايل مايسون جييه
راشد : خلاص عرفتي الحين لاتخبرين حد ولا تيبين الطاري جدام اي حد بياكلونج
ساره : هيه اشوف ابويه مساعه حرج عليه
راشد : تعالي فطيم قالتلي انج وافقتي على مايد صدق ؟
ساره : هيــه
راشد : ترى الزواج عشره عمر مو يومين يعني فكري عـدل لين الحين بيدج تغيرين رايج
ساره : يصير خير وانا خلاص قررت

مرت ثلاث ايام على نفس الحال ماصارت فيه وايد اشيا مهمه بس موافقه شيخه على هزاع وتحديد ملجتهم + العرس عقب اسبوعين

فـ امانيا
سيف : يالله هانت ماباقي شي ساعات وانشالله نسير المطار
سلطان : مشتـــاااااق لبلادي فديتها والله
سيف : انــا بعد والله
عقب تموا يسولفون وكل واحد يرتب شنطته
عقب ما اتجهزوا ساروا المطار وركبوا الطياره
سلطان : بتتوقع بيستانسون عالمفاجأه ؟
سيف : اكيـــد ، بينصدمون بعـد
سلطان : ههههههههه

فـ دبي
ساره كالعاده هب مداومه اصلا هالاسبوع مول ماداومت كانت يالسه فحجرتها تذاكر تعبت جان تظهر تطالع تلفزيون ، سارت شيخه صوبها ويلست حذالها
ساره : هلا والله بعروستناا مبـرووك
شيخه : الله يبارك فيج ، الفال لـج
ساره : الله لايقول بعدي خل اعيش حياتي
شيخه : ذاكرتي ؟
ساره : هيه ذاكرت شوي لاعت جبدي قلت بطالع فلم وبرد اكمل مذاكره
شيخه : اهــاا خلاص عيل انا بسير حجرتي
ساره : برايج
عقب تمت ساره روحها تتابع الفلم

عقب مرور 5 بالضبط ساره كانت تحت سمعت دق عالباب
زاغت يعني منو بي الحين الساعه 8 المسا
سارت برع تشوف جان يظهر سيف ويصارخ
سيف : ســـااارووه تولهت عليج
ساره : سيــــــــــف متى وصلت
سيف : من شوي
ساره : الحمدالله عالسلامه
سيف : الله يسلمج
عقب حدروا وتموا يسولفون عن المانيا وبعدين كل واحد توجه لحجرته ورقد

فاليوم الثاني
الساعه 8 الكل توجه لدوامه الا ساره الي مب متفيجه اتداوم ، امها كانت طالعه ويا شيخه ويدتها تحت فالصاله نزلت قالت بتيلس ويا يدتها شوي وبتسير تسويلها كوفي
ساره : صبــااح الخير
اليده موزه : صبــااح الزفت انتي وبعدين وياج لين متى بتمين فالبيت مابتداومين شرى النااس ؟
ساره : يدوووه اصلا ماياخذون شي الحين بس مراجعه
اليده موزه : هيه هيه قصي عليه
ساره : بسير اسويلي كوفي تبين شي ؟
اليده موزه : لااا مــاابااا
اول ماحدرت ساره المطبخ
حدر سلطان الصاله
سلطان : السلام عليكم
اليده موزه : سلطــاان فديتك ، شحالك ؟
سلطان : الحمدالله بخير انتي شحالج ؟
اليده موزه : آآه من حالي معذبتني هالبنت تقطع قلبي عليها حالها متغير من فتره
سلطان : منوو هااي قوليلي عسب اادبها
اليده موزه : منو غير ساره اسبوع كامل هب مداومه وكل اتغيب ومب طبيعيه شرات قبل البنت متغييره مدري شو صابها والله اني خايفه عليها
سلطان : هيه وين الحين ؟
اليده موزه : فالمطبخ عقولتها سارت تسوي كوفي سير رمسها ياولدي انت ولد عمها يمكن تسمع رمستك
سلطان : من عيوني <~ ماصدق الاخ
سار سلطان المطبخ قبل لا يحدر سمع صوت يخبـــل
صوت وحده يالسه تغني تم واقف ويسمع الاغنيه

يارب رجع كل حبيب لحبيبه
اذا تفارق شخص عادي مصيبه
وشلون لو فارقت منهو تحبه
يــــــارب رجع كل حبيب لحبيبه
دام الحياه فبعدهم حيل صعبه
طبع الوفي لو راح شوقه يجيبه
على حبيبه مااعتقد يقسى قلبه
وبالدنيا مااحد ياخذ الا نصيبه
وياليت قلبي ياخذ الي احبه
يارب رجع كل حبيب لحبيبه
دام الحياه فبعدهم حيل صعبه
انا تعبت وفرحتي مو قريبه
واحيان اقول الحب ياناس كذبه
لكن قلبي يرجع وهذا عيبه
يشتاق للي مبعد حيل دربه
يارب رجع كل حبيب لحبيبه
دام الحياه فبعدهم حيل صعبه

حدر سلطان : هيه والله اذا تفارق شخص عادي مصيبه وشلون لو فارقت منهو تحبه
طــاح الكوب الي ساره كانت ميودتنه وانصــدمت
ساره : انـــت شو تسوي هنييه ؟
سلطان : ماشي الحمدالله عالسلامه
ساره : شو تبا مني ؟ خلاص الي كنت بتسويه فيني سويته والي هو تخليني احبك شو تبا اكثــر ياخي فكني خلني فـ حالي خلني اعيـش حياتي
سلطان : تعيشين حياتج مع مايد ؟ مع واحد ماتحبينه ولا عمرج فكرتي تحبينه ؟
ساره : عالاقل هو يحبني ويقدرني هب كنت لعبه بين ايده
سلطان : بس انتي فاهمه السالفه غلــط انتي مو راضيه تعطيني فرصه اشرح
ساره : شو تشرح قلي شو تشرح ، خلاص كل شي وضح وضوح الشمس
سلطان : بس انتي ماكنتي تدرين عن سالفه مرضي وماكنتي تدرين سبب سفري
ساره : اي مرض ؟ وسبب السفر سيف قالي المرض
سلطان خبرها بالسالفه كلها ساره انصــدمت من الي سمعته وهو كان يرمس كانت عيونها تدمع وهو بعد مب رايم يكمــل
سلطان : فهمتي كل شي فهمتي ليش جي سويت ؟
ساره : بس مالك حق جي تسوي جان خبرتني انت بعت حبنا بسهوله
سلطان : ساره لاتعقدين السالفه زياده انا خبرتج وفكري شوي ولا تتسرعين تبيني ولا تبين مايد
ساره : ابــاا ماايد ماباك افهمني
سلطان حرج : ادري كنت غلطان بس بطيج مهله فكري عدل واي وقت تبيني انا موجود (وظهر )
ساره تمت تصارخ : مــــاابااك مــااابااك
مايد انصدم من كل الي سمعه معقوله ساره وسلطان يحبون بعــض كل ها يصيير من وراه
<~ مايد كان ياي يسلم على يدته الي كانت محرجه عليه ان مايزورها وايد وجي وهو كان ياي اليده موزه الله يسلمها معطته تقرير ان ساره ماتداوم وجي وان سلطان سار المطبخ عسب يرمسها وهو كان ساير قبل لايحدر سمع الرمسه وقال مابيحدر بيسمع الي محد يعرفه وتم منصــــدم من كل شـي وقبل لاسلطان يظهر سار وانخش عسب مايشوفه ..

عقب ماسلطان ظهر سار عند يدته
اليده موزه : ها ولدي رمستوا ساره ؟
سلطان رفع حياته : رمستوا ؟!
اليده موزه : هيه انت ومايد
سلطان : استغرب زياده : اي مايد ؟
اليده موزه : بلاااك مشفــر مايد ولد عمتك مريم
سلطان : جي هو هنييه ؟
اليده موزه : هيه
جان يحدر مايد
مايد : يدوه وين المطبخ انا ظيعت <~ اونه مايدري شي
اووه سلطان شحالك ؟!
تموا يسلمون على بعض

وكـــــــــــــــــــــــــــــــات __DEFINE_LIKE_SHARE__

نونو كيوت · 12-25-2008, 03:02 PM

نبا التكمله اليوم بلييز

نبا بارت طويل وايد

تقبلوا مروي

نونو كيوت __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بَڪٌلْ [ هُدۈَء ] أخَطۈآ خَطۈَآتيْ.ِ~	شذى الحب	تراحيب وتهاني	5	06-13-2010 11:41 AM
أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers	نظرة ودآع	برامج وصور وثيمات والعاب بلاك بيري و IPhone	22	04-19-2010 12:57 PM
ليشّ تتعّمـد تعّـذبنّي ؟..}~*	شوق الريم	قصص و روايات	9	10-07-2008 03:47 AM